1/122:anabhihite iti ucyate |
2/122:kim idam anabhihitam nāma |
3/122:uktam nirdiṣṭam abhihitam iti anarthāntaram |
4/122:yāvat brūyāt anukte anirdiṣṭe iti tāvat anabhihite iti |
5/122:anabhihitavacanam anarthakam anyatra api vihitasya abhāvāt abhihite |*
6/122:anabhihitavacanam anarthakam |
7/122:kim kāraṇam |
8/122:anyatra api vihitasya abhāvāt abhihite |
9/122:anyatra api abhihite vihitam na bhavati |
10/122:kva anyatra |
11/122:citraguḥ śabalaguḥ |
12/122:bahuvrīhiṇā uktatvāt matvarthasya matvarthīyaḥ na bhavati |
13/122:gargāḥ vatsāḥ vidāḥ urvāḥ |
14/122:yañañbhyām uktatvāt apatyārthasya nyāyyotpattiḥ na bhavati |
15/122:saptaparṇaḥ aṣṭāpadamiti |
16/122:samāsena uktatvāt vīpsāyāḥ dvirvacanam na bhavati |
17/122:yat tāvat ucyate citraguḥ śabalguḥ bahuvrīhiṇā uktatvāt matvarthasya matvarthīyaḥ na bhavati iti |
18/122:astinā sāmānādhikaraṇye matup vidhīyate |
19/122:na ca atra astinā sāmānādhikaraṇyam |
20/122:yat api ucyate gargāḥ vatsāḥ vidāḥ urvāḥ yañañbhyām uktatvāt apatyārthasya nyāyyotpattiḥ na bhavati iti |
21/122:samarthānām prathamāt vā iti vartate |
22/122:na ca etat samarthānām prathamam |
23/122:kiṃ tarhi |
24/122:dvitīyam arthamupasaṃkrāntam |
25/122:yat api ucyate saptaparṇaḥ aṣṭāpadam iti samāsena uktatvāt vīpsāyāḥ dvirvacanam na bhavati iti |
26/122:yat atra vīpsāyuktam na adaḥ prayujyate |
27/122:kim punaḥ tat |
28/122:parvaṇi parvaṇi sapta parṇāni asya |
29/122:paṅktau paṅktau aṣṭau padāni iti |
30/122:śnambahujakakṣu tarhi |
31/122:śnam : bhinatti chinatti |
32/122:śnamā uktatvāt kartṛtvasya kartari śap na bhavati |
33/122:bahuc : bahukṛtam , bahubhinnam iti |
34/122:bahucā uktatvāt īṣadasmāpteḥ kalpabādayaḥ na bhavanti iti |
35/122:akac : uccakaiḥ , nīcakaiḥ iti |
36/122:akacā uktatvāt kutsādīnām kādayaḥ na bhavanti |
37/122:nanu ca śnambahujakacaḥ apavādāḥ te apavādatvāt bādhakāḥ bhaviṣyanti |
38/122:śnambahujakakṣu nānādeśatvāt utsargāpratiṣedhaḥ |*
39/122:samānadeśaiḥ apavādaiḥ utsargāṇām bādhanam bhavati |
40/122:nānādeśatvāt na prāpnoti |
41/122:kim punaḥ iha akartavyaḥ anabhihitādhikāraḥ kriyate āhosvit anyatra kartavyaḥ na kriyate |
42/122:iha akartavyaḥ kriyate |
43/122:eṣaḥ eva hi nyāyyaḥ pakṣaḥ yat abhihite vihitam na syāt |
44/122:anabhitaḥ tu vibhaktyarthaḥ tasmāt anabhihitavacanam | anabhihitaḥ tu vibhaktyarthaḥ |*
45/122:kaḥ punaḥ vibhaktyarthaḥ |
46/122:ekatvādayaḥ vibhaktyarthāḥ teṣu anabhihiteṣu karmādayaḥ bhihitāḥ vibhaktīnām utpattau nimittatvāya mā bhūvan iti |
47/122:tasmāt anabhihitavacanam |
48/122:tasmāt anabhihitādhikāraḥ kriyate |
49/122:avaśyam ca etat evam vijñeyam ekatvādayaḥ vibhaktyarthāḥ iti |
50/122:abhihite prathamābhāvaḥ | yaḥ hi manyate karmādayaḥ vibhaktyarthāḥ teṣu abhihiteṣu sāmarthyāt me vibhaktīnām utpattiḥ na bhaviṣyati iti prathamā tasya na prāpnoti |*
51/122:kva |
52/122:vṛkṣaḥ plakṣaḥ |kiṃ kāraṇam |
53/122:prātipadikena uktaḥ prātipadikārthaḥ iti |
54/122:na kva cit prātipadikena anuktaḥ prātipadikārthaḥ ucyate ca prathamā |
55/122:sā vacanāt bhaviṣyati |
56/122:tava eva tu khalu eṣaḥ doṣaḥ yasya te ekatvādayaḥ vibhaktyarthāḥ abhihite prathamābhāvaḥ iti |
57/122:prathamā te na prāpnoti |
58/122:kva |
59/122:pacati odanam devadattaḥ iti |
60/122:kim kāraṇam |
61/122:tiṅā uktāḥ ekatvādayaḥ iti |
62/122:anabhihitādhikāram ca tvam karoṣi parigaṇanam ca |
63/122:na kva cit tiṅā ekatvādīnām anabhidhānam ucyate ca prathamā |
64/122:sā vacanāt bhaviṣyati |
65/122:nanu ca iha anabhidhānam vṛkṣaḥ plakṣaḥ iti |
66/122:atra api abhidhānam asti |
67/122:katham |
68/122:vakṣyati etat : astiḥ bhavantīparaḥ prathamapuruṣaḥ aprayujyamānaḥ api asti iti |
69/122:vṛkṣaḥ plakṣaḥ |
70/122:asti iti gamyate |
71/122:tava eva tu khalu eṣaḥ doṣaḥ yasya te karmādayaḥ vibhaktyārthāḥ abhihite prathamābhāvaḥ iti |
72/122:prathamā te prāpnoti |
73/122:kva |
74/122:kaṭam karoti bhīṣmam udāram śobhanam darśanīyam iti |
75/122:kaṭaśabdāt utpadyamānayā dvitīyayā abhihitam karma iti kṛtvā bhīṣādibhyaḥ dvitīyā na prāpnoti |
76/122:kā tarhi prāpnoti |
77/122:prathamā |
78/122:tat yathā |
79/122:kṛtaḥ kaṭaḥ bhīṣmaḥ udāraḥ śobhanaḥ darśanīyaḥ iti |
80/122:karoteḥ utpadyamānena ktena abhihitam karma iti kṛtvā bhīṣmādibhyaḥ dvitīyā na bhavati |
81/122:kā tarhi |
82/122:prathamā bhavati |
83/122:na eṣaḥ doṣaḥ |
84/122:na hi mama anabhihitādhikāraḥ asti na api parigaṇanam |
85/122:sāmarthyāt me vibhaktīnām utpattiḥ bhaviṣyati |
86/122:asti ca sāmarthyam |
87/122:kim |
88/122:karmaviśeṣaḥ vaktavyaḥ |
89/122:atha vā kaṭaḥ api karma bhīṣmādayaḥ api |
90/122:tatra karmaṇi iti eva siddham |
91/122:atha vā kaṭaḥ eva karma tat sāmānādhikaraṇyāt bhīṣmādibhyaḥ dvitīyā bhaviṣyati |
92/122:asti khalvapi viśeṣaḥ kaṭaṃ karoti bhīṣmamudāram śobhanam darśanīyam iti ca kṛtaḥ kaṭo bhīṣmaḥ udāraḥ śobhanaḥ darśanīyaḥ iti ca |
93/122:karoteḥ utpadyamānaḥ ktaḥ anavayavena sarvam karma abhidhatte |
94/122:kaṭaśabdāt punaḥ utpadyamānayā dvitīyayā yat kaṭastham karma tat śakyamabhidhātum na hi karmaviśeṣaḥ |
95/122:tava eva tu khalu eṣaḥ doṣaḥ yasya te ekatvādayaḥ vibhaktyarthāḥ abhihite prathamābhāvaḥ iti |
96/122:prathamā te na prāpnoti |
97/122:kva |
98/122:ekaḥ dvau bahavaḥ iti |
99/122:kim kāraṇam |
100/122:prātipadikena uktāḥ ekatvādayaḥ iti |
101/122:karmādiṣu api vai vibhaktyartheṣu avaśyam ekatvādayaḥ nimittatvena upādeyāḥ |
102/122:karmaṇaḥ evatve karmaṇaḥ dvitve karmaṇaḥ bahutve iti |
103/122:na ca ekatvādīnām ekatvādayaḥ santi |
104/122:atha santi mama api santi |
105/122:teṣu anabhihiteṣu prathamā bhaviṣyati |
106/122:atha vā ubhayavacanāḥ hyete |
107/122:dravyam ca āhuḥ guṇam ca |
108/122:yatsthaḥ asau guṇaḥ tasya anuktāḥ ekatvādayaḥ iti kṛtvā prathamā bhaviṣyati |
109/122:atha vā saṅkhyā nāma iyam parapradhānā |
110/122:saṃkhyeyam anayā viśeṣyam |
111/122:yadi ca atra prathamā na syāt saṅkhyeyam aviśeṣitam syāt |
112/122:atha vā vakṣyati tatra vacanagrahaṇasya prayojanam ukteṣu api ekatvādiṣu prathamā yathā syāt iti |
113/122:atha vā samayāt bhaviṣyati |
114/122:yadi sāmayakī na niyogataḥ anyāḥ kasmāt na bhavanti |
115/122:karmādīnām abhāvāt |
116/122:ṣaṣṭhī tarhi prāpnoti |
117/122:śeṣalakṣaṇā ṣaṣṭhī aśeṣatvāt na bhaviṣyati |
118/122:evam api vyatikaraḥ prāpnoti |
119/122:ekasmin api dvivacanabahuvacane prāpnutaḥ |
120/122:dvayoḥ api ekavavacanabahuvacane prāpnutaḥ |
121/122:bahuṣu api ekavacanadvivacane prāpnutaḥ |
122/122:arthataḥ vyavasthā bhaviṣyati |

1/29:parigaṇanaṃ kartavyam |
2/29:tiṅkṛttaddhitasamāsaiḥ parisaṅkhyānam |*
3/29:tiṅkṛttaddhitasamāsaiḥ parisaṅkhyānam kartavyam |
4/29:tiṅ |
5/29:kriyate kaṭaḥ |
6/29:kṛt |
7/29:kṛtaḥ kaṭaḥ |
8/29:taddhita |
9/29:aupagavaḥ kāpaṭavaḥ |
10/29:samāsa |
11/29:citraguḥ śabalaguḥ |
12/29:utsarge hi prātipadikasāmānādhikaraṇye vibhaktivacanam | utsarge hi prātipadikasāmānādhikaraṇye vibhaktiḥ vaktavyā |*
13/29:kva |
14/29:kaṭam karoti bhīṣmam udāram śobhanam darśanīyam iti |
15/29:kaṭaśabdāt utpadyamānayā dvitīyayā abhihitam karma iti kṛtvā bhīṣmādibhyaḥ dvitīyā na prāpnoti |
16/29:kā tarhi syāt |
17/29:ṣaṣṭhī |
18/29:śeṣalakṣaṇā ṣaṣṭhī |
19/29:aśeṣatvāt na bhaviṣyati |
20/29:anyāḥ api na prāpnuvanti |
21/29:kim kāraṇam |
22/29:karmādīn āmabhāvāt |
23/29:samayaśca kṛtaḥ ne kevalā prakṛtiḥ proktavyā na kevalaḥ pratyayaḥ iti |
24/29:na cānyā utpadyamānā etam abhisambandham utsahante vaktum iti kṛtvā dvitīyā bhaviṣyati |
25/29:atha vā kaṭaḥ api karma bhīṣmādayaḥ api |
26/29:tatra karmaṇi iti eva siddham |
27/29:atha vā kaṭaḥ eva karma |
28/29:tatsāmānādhikaraṇyāt bhīṣmādibhyaḥ dvitīyā bhaviṣyati |
29/29:tasmāt na arthaḥ parigaṇanena |

1/39:dvayoḥ kriyayoḥ kārake anyatareṇa abhihite vibhaktyabhāvaprasaṅgaḥ | dvayoḥ kriyayoḥ kārake anyatareṇa abhihite vibhaktiḥ na prāpnoti |*
2/39:kva |
3/39:prāsāde āste , śayane āste iti |
4/39:kim kāraṇam |
5/39:sadipratyayena abhihitam adhikaraṇam iti kṛtvā saptamī na prāpnoti |
6/39:na vā anyatareṇa anabhidhānāt |*
7/39:na vā eṣaḥ doṣaḥ |
8/39:kim kāraṇam |
9/39:anyatareṇa anabhidhānāt |
10/39:anyatareṇa atra anabhidhānam |
11/39:sadipratyayena bhidhānam āsipratyayena anabhidhānam |
12/39:yataḥ anabhidhānam tadāśrayā saptamī bhaviṣyati |
13/39:kutaḥ na khalu etat sati abhidhāne ca anabhidhāne ca anabhihitāśrayā saptamī bhaviṣyati na punaḥ abhihitāśrayaḥ pratiṣedhaḥ iti |
14/39:anabhihite hi vidhānam |*
15/39:anabhihite hi saptamī vidhīyate na abhihite pratiṣedhaḥ |
16/39:yadi api tāvat atra etat śakyate vaktum yatra anyā ca anyā ca kriyā yatra tu khalu sā eva kriyā tatra katham |
17/39:āsane āste |
18/39:śayane śete iti |
19/39:atra api anyatvam asti |
20/39:kutaḥ |
21/39:kālabhedāt sādhanabhedāt ca |
22/39:ekasya atra āseḥ āsiḥ sādhanam sarvakālaḥ ca pratyayaḥ |
23/39:aparasya bāhyam sādhanam vartamānakālaḥ ca pratyayaḥ |
24/39:kim punaḥ dravyam sādhanam āhosvit guṇaḥ |
25/39:kim ca ataḥ |
26/39:yadi dravyam sādhanam na etat anyat bhavati abhihitāt |
27/39:atha hi guṇaḥ sādhanam bhavati etat anyat abhihitāt |
28/39:anyaḥ hi sadiguṇaḥ anyaḥ ca āsiguṇaḥ |
29/39:kiṃ punaḥ sādhanam nyāyyam |
30/39:guṇaḥ iti āha |
31/39:katham jñāyate |
32/39:evam hi kaḥ cit kam cit pṛcchati |
33/39:kva devadattaḥ iti |
34/39:saḥ tasmai ācaṣṭe |
35/39:asau vṛkṣe iti |
36/39:katarasmin |
37/39:yaḥ tiṣṭhati iti |
38/39:saḥ vṛkṣaḥ adhikaraṇam bhūtvā anyena śabdena abhisambadhyamānaḥ kartā sampadyate |
39/39:dravye punaḥ sādhane sati yat karma karma eva syāt yat karaṇam karaṇam eva yat adhikaraṇam adhikaraṇam eva |

1/30:anabhihitavacanam anarthakam prathamāvidhānasya anavakāśatvāt |*
2/30:anabhihitavacanam anarthakam |
3/30:kim kāraṇam |
4/30:prathamāvidhānasya anavakāśatvāt |
5/30:anavakāśā prathamā |
6/30:sā vacanāt bhaviṣyati| sāvakāśā prathamā |
7/30:kaḥ avakāśaḥ |
8/30:akārakam |
9/30:vṛkṣaḥ plakṣaḥ iti |
10/30:avakāśaḥ akārakam iti cet na astiḥ bhavantīparaḥ prathamapuruṣaḥ aprayujyamānaḥ api asti |*
11/30:avakāśaḥ akārakam iti cet tat na |
12/30:kim kāraṇam |
13/30:astiḥ bhavantīparaḥ prathamapuruṣaḥ aprayujyamānaḥ api asti iti gamyate |
14/30:vṛkṣaḥ plakṣaḥ |
15/30:asti iti gamyate| vipratiṣedhāt vā prathamābhāvaḥ | atha vā dvitīyādayaḥ kriyantām prathamā vā iti prathamā bhaviṣyati vipratiṣedhena |*
16/30:dvitīyādīnām avakāśaḥ kaṭam karoti bhīṣmam udāram śobhanamdarśanīyam iti |
17/30:prathamāyāḥ avakāśaḥ akārakam vṛkṣaḥ plakṣaḥ iti |
18/30:iha ubhayam prāpnoti |
19/30:kṛtaḥ kaṭaḥ bhīṣmaḥ udāraḥ śobhanaḥ darśanīyaḥ iti |
20/30:prathamā bhaviṣyati vipratiṣedhena |
21/30:na sidhyati |
22/30:paratvāt ṣaṣṭhī prāpnoti |
23/30:śeṣalakṣaṇā ṣaṣṭhī aśeṣatvāt na bhaviṣyati |
24/30:kṛtprayoge tu param vidhānam ṣaṣṭhyāḥ tatpratiṣedhārtham |*
25/30:kṛtprayoge tu paratvā tṣaṣṭhī prāpnoti |
26/30:tatpratiṣedhārtham anabhihitādhikāraḥ kartavyaḥ |
27/30:kartavyaḥ kaṭaḥ iti |
28/30:saḥ katham kartavyaḥ |
29/30:yadi ekatvādayaḥ vibhaktyarthāḥ |
30/30:atha hi karmādayaḥ vibhaktyarthāḥ na arthaḥ anabhihitādhikāreṇa |

anabhihite ityadhikāro 'yaṃ veditavyaḥ. yadita ūrdhvam anukramiṣyāmaḥ, anabhihite ityevaṃ tad veditavyam. anabhihite anukte, anirdiṣṭe karmādau vibhaktir bhavati. kena anabhihite? tiṅkṛttaddhitasamāsaiḥ parisaṅkhyānam. vakṣyati, karmaṇi dvitīyā 2-3-2 kaṭaṃ karoti. grāmaṃ gacchati. anabhihite iti kim? tiṅ kriyate kaṭaḥ. kṛt kṛtaḥ kaṭaḥ. taddhitaḥ śatyaḥ. śatikaḥ. samāsaḥ prāptam udakaṃ yaṃ grāmaṃ prāptodako grāmaḥ. parisaṅkhyānaṃ kim? kaṭaṃ karoti bhīṣmamudāraṃ darśanīyam. vahuṣu bahuvacanam ityevam ādinā saṅkhyā vacyatvena vibhaktīnām upadiṣṭāḥ, tatra viśeṣaṇārtham idam ārabhyate anabhihitakarmādyāśrayeṣvekatvādiṣu dvitīyādayo veditavyāḥ iti.

anabhihite 2.3.1 anabhihite ityadhikāro 'yaṃ veditavyaḥ. yadita ūrdhvam anukramiṣyāmaḥ, anabhihite ityevaṃ tad veditavyam. anabhihite anukte, anirdiṣṭe karmādau vibhaktir bhavati. kena anabhihite? tiṅkṛttaddhitasamāsaiḥ parisaṅkhyānam. vakṣyati, karmaṇi dvitīyā 2.3.2 kaṭaṃ kartoti. grāmaṃ gacchati. anabhihite iti kim? tiṅ kriyate kaṭaḥ. kṛt kṛtaḥ kaṭaḥ. taddhitaḥ śatyaḥ. śatikaḥ. samāsaḥ prāptam udakaṃ yaṃ grāmaṃ prāptodako grāmaḥ. parisaṅkhyānaṃ kim? kaṭaṃ karoti bhīṣmamudāraṃ darśanīyam. vahuṣu bahuvacanam ityevam ādinā saṅkhyā vacyatvena vibhaktīnām upadiṣṭāḥ, tatra viśeṣaṇārtham idam ārabhyate anabhihitakarmādyāśrayeṣvekatvādiṣu dvitīyādayo veditavyāḥ iti.

anabhihite. , 2.3.1 dadhāterhinotervā'nabhihita ityasya rūpam; samānatvāt, anekārthatvācca dhātūnām. na jñāyate kimarthasyānabhihitaśabdasya grahaṇamiti sandehaḥ syāt, atastaṃ nirākarttumāha-- "anabhihite'nukte" ityādi. yadyanabhihite karmādau dvitīyādayo vibhaktayo bhavantīti sāmānyenocyeta; tato yathā "kṛtaḥ kaṭaḥ" ityatra ktapratyayena karmaṇo'bhihitatvāt kaṭaśabdād()dvitīyā na bhavati, tathā "kaṭaṃ karoti", "bhīṣmamūdāraṃ śobhanaṃ darśanīyam" ityatra kaṭaśabdādutpadyamānayā dvitīyayā bhīṣmādigatasya karmaṇo'bhihitatvādbhīṣmādibhyo dvitīyā na prāpnoti. tasmāt kaścidviśeṣo'trābhimata iti matvā taṃ viśeṣaṃ pṛcchati-- "kenānabhihitate"? iti. itaro viditābhiprāya āha-- "tiṅakṛttaddhitasamāsaiḥ" ityādi. kriyata iti karmaṇi lakāraḥ. "sārvadhātuke yak" 3.1.67. "riṅa śayagliṅaśu" 7.4.28 iti riṅādeśaḥ. "śatyaḥ, śatikaḥ" iti. "śatācca ṭhanyatāvaśate" 5.1.21 iti ṭhanyatau bhavataḥ. "bahuṣu bahuvacanam" ityevamādi. tatredamuktam- karmādayo'vyapare vibhaktīnāṃ vācyāḥ, ata stadīye bahutve bahuvacanaṃ bhavatīti. evañca brāuvatā vṛttikṛtā karmādyāśritāyāṃ saṃkhyāyāṃ dvitīyādayo vibhaktayo bhavantītyetaduktaṃ bhavati. na ca tatra kaścidviśeṣa upāttaḥ. santi ca karmādayo'bhihitāḥ, anabhihitāśca. tatra viśeṣānupādānta, yathā anabhihitakarmādyāśrayeṣvekatvādiṣu dvitīyādayo vibhaktayo bhavanti, tathā'bhihitakarmādyāśrayeṣvapi syuḥ. ato'nabhihitā ye karmādayastadāśrayeṣvekatvādiṣu yathā vibhaktayaḥ syuranyatra mā bhūvannityanabhihita ityetadviśeṣaṇamārabhyate. "anabhihitakarmādyāśrayeṣu" iti. anabhihitāḥ karmādaya āśrayā yeṣāmiti bahuvrīhiḥ. etena "bahuṣu bahuvacanam" 1.4.21 ityādeḥ śāstrasya, anabhihita ityetasya ca "karmaṇi dvitīyā" 2.3.2 ityevanamādibhiḥ sahaikavākyatāṃ darśayati-- anabhihite karmaṇi dvitīyā bahuṣu bahuvacanamiti. evamanyatrāpyekavākyatā veditavyā. ekavākyatā ca guṇapradhānabhāvamantareṇa na sambhavatītyekasya guṇabhāvena bhavitavyam, aparasya pradhānabhāvena. tatra viśeṣaṇatvādanabhihita ityasya karmādyepekṣayā guṇabāvaḥ, karmādīnāṃ tu viśeṣyatvāt prādhānyam, ekatvādyapekṣayā karmādīnāntu viśeṣaṇatvādaprādhānyam. ekatvādīnāṃ viśeṣyatvāt pradhānabhāvaḥ. atha kathaṃ kaṭaśabdādutpadyamānā dvitīyā mīṣmādipadānugataṃ karmābhidadhāti, yathā-- niṣṭheti cet? syādadat-- "yathā kaṭaḥ kṛto bhīṣma udāraḥ śobhano darśanīya ityatra karoteḥ karmaṇyutpadyamānā niṣṭhā sarva bhīṣmādikamapi karmābhidadhāti,tathā kaṭaśabdādutpadyamānā dvitīyā" iti, vātrtametat; kṛta iti kriyākārakasambandhanimittakabhidhānam. kriyā cotpadyamānā sāmathryāt sarvāṇi kārakadravyāṇyākṣipati. tataḥ kṛña utpadyamānaḥ ktaḥ sādhāraṇatayā yāvat karoteruyāti karmatāṃ tāvat sarvamevābhidadhātīti yuktam. bhīṣmādigatāyā api karmatāyāḥ ktapratyayenābhidhānam. kaṭastu viśiṣṭadravyavacanaḥ, tata utpadyamānā dvitīyā tadgatameva karma śaknotyabhidhātum, nānyagataṃ kiñcit, tatkathaṃ tayā bhīṣmādigatamapi karmābhidhīyate? tathā ca nirarthakaṃ parigaṇanam. tasmāt tiṅakṛttaddhitasamāsairevābhidhānaṃ sambhavatīti sambhavadudāharaṇapradarśanamaparametat parisaṃkhyānaṃ veditavyam, na parigaṇanam॥

anabhihite itaci. nanu `bahupaṭu'rityādau bahucptryayenoktārthatvātkalpabādayo yathā na pravartante tathā `kriyate kaṭa'ityādāvapi tiṅādibhiruktārthatvādddhitīyā na bhaviṣyati. kiñca `kaṭaṃ karotī'tyādau sāvakāśā dvitīyā `kṛtaḥ kaṭa'ityādau niravakāśayā prathamāyā bādhiṣyate. na ca vṛkṣaḥ plakṣa ityādau prathamāyā avakāśaḥ, tatrāpi pratīyamānāmastikriyāṃ prati kartṛtvena tṛtīyāprasaṅgāt. athocyate—`nīlamidaṃ na tu rakta'mityādau viśeṣaṇāntaranivṛttitātparyake asti kriyāyā anāvaśyākatvātprathamāyā astyevā'vakāśa iti, tarhi ubhayoḥ sāvakaśatve paratvātprathamaiva syāt.tathā cā'nabhihitādhikāro vṛthaiveti cet. atrāhuḥ–`saṅkhyā vibhaktyārthaḥ'iti pakṣe sūtrārambha āvaśyakaḥ. tathāhi sūtrārambhe `karmaṇi dvitīye'tyasyā'nabhihite karmaṇi yadekatvaṃ tatra dvitīyaikavacanamityarthaḥ. sūtrā'nārambhe ca karmaṇi yadekatvaṃ tatra dvitīyaikavacanamiti hi vākyārthaḥ. tathā ca sati kṛtaḥ kaṭa ityādau ktena karmamātroktāvapi tadekatvasyā'nuktatayā am durvāraḥ syacāt. na ca paratvātprathamaiva syādita vācyam. `karyavyaḥ kaṭa'ityādau tato'pi paratvena kṛdyogalakṣaṇaṣaṣṭhīprasaṅgāt. `kārakaṃ vibhaktyrathaḥ'iti pakṣe tu kārakasya ktapratyayā dinaivoktatvātprātipadikārthe pravṛttāyāḥ prathamāyā ekatvādibodhanasambhavāccā'mādivibhakterapravṛttau `anabhihite'iti sūtraṃ pratyākhyātamākare iti.pakṣe tu kārakasya ktapratyayādinaivoktatvātprātipadikārthe pravṛttāyāḥ prathamāyā ekatvādibodhanasambhavāccā'mādivibhakterapravṛttau `adyotye 'ityarthaḥ. tathā ca ktapratyayādibhiradyotye karmaṇi dvitīyatyedivākyārthaḥ. tatrāpyekena dyotite dyotakāntaraṃ na pravartata ityabhyupagametvanabhihitā'dhikāro nātīvopayujyata iti dik.

anabhihite 475, 2.3.1 anabhihite itaci. nanu "bahupaṭu"rityādau bahucptryayenoktārthatvātkalpabādayo yathā na pravartante tathā "kriyate kaṭa"ityādāvapi tiṅādibhiruktārthatvādddhitīyā na bhaviṣyati. kiñca "kaṭaṃ karotī"tyādau sāvakāśā dvitīyā "kṛtaḥ kaṭa"ityādau niravakāśayā prathamāyā bādhiṣyate. na ca vṛkṣaḥ plakṣa ityādau prathamāyā avakāśaḥ, tatrāpi pratīyamānāmastikriyāṃ prati kartṛtvena tṛtīyāprasaṅgāt. athocyate---"nīlamidaṃ na tu rakta"mityādau viśeṣaṇāntaranivṛttitātparyake asti kriyāyā anāvaśyākatvātprathamāyā astyevā'vakāśa iti, tarhi ubhayoḥ sāvakaśatve paratvātprathamaiva syāt.tathā cā'nabhihitādhikāro vṛthaiveti cet. atrāhuḥ--"saṅkhyā vibhaktyārthaḥ"iti pakṣe sūtrārambha āvaśyakaḥ. tathāhi sūtrārambhe "karmaṇi dvitīye"tyasyā'nabhihite karmaṇi yadekatvaṃ tatra dvitīyaikavacanamityarthaḥ. sūtrā'nārambhe ca karmaṇi yadekatvaṃ tatra dvitīyaikavacanamiti hi vākyārthaḥ. tathā ca sati kṛtaḥ kaṭa ityādau ktena karmamātroktāvapi tadekatvasyā'nuktatayā am durvāraḥ syacāt. na ca paratvātprathamaiva syādita vācyam. "karyavyaḥ kaṭa"ityādau tato'pi paratvena kṛdyogalakṣaṇaṣaṣṭhīprasaṅgāt. "kārakaṃ vibhaktyrathaḥ"iti pakṣe tu kārakasya ktapratyayā dinaivoktatvātprātipadikārthe pravṛttāyāḥ prathamāyā ekatvādibodhanasambhavāccā'mādivibhakterapravṛttau "anabhihite"iti sūtraṃ pratyākhyātamākare iti.pakṣe tu kārakasya ktapratyayādinaivoktatvātprātipadikārthe pravṛttāyāḥ prathamāyā ekatvādibodhanasambhavāccā'mādivibhakterapravṛttau "adyotye "ityarthaḥ. tathā ca ktapratyayādibhiradyotye karmaṇi dvitīyatyedivākyārthaḥ. tatrāpyekena dyotite dyotakāntaraṃ na pravartata ityabhyupagametvanabhihitā'dhikāro nātīvopayujyata iti dik.