1/31:kṛdyogā ca |*
2/31:kṛdyogā ca ṣaṣṭhī samasyate iti vaktavyam |
3/31:idhmapravraścanaḥ palāśaśātanaḥ |
4/31:kimartham idam ucyate |
5/31:pratipadavidhānā ca ṣaṣṭhī na samasyate iti vakṣyati |
6/31:tasya ayam purastāt apakarṣaḥ |
7/31:kā punaḥ ṣaṣṭhīpratipadavidhānā kā kṛdyogā |
8/31:sarvā ṣaṣṭhī pratipadavidhānā śeṣalakṣaṇām varjayitvā |
9/31:kartṛkarmaṇoḥ kṛti iti yā ṣaṣṭhī sā kṛdyogā |
10/31:tatsthaiḥ ca guṇaiḥ |*
11/31:tatsthaiḥ ca guṇaiḥ ṣaṣthīguṇaiḥ ṣaṣṭhī samasyate iti vaktavyam |
12/31:brāhmaṇavarṇaḥ candanagandhaḥ paṭahaśabdaḥ nadhīghoṣaḥ |
13/31:na tu tadviśeṣaṇaiḥ |*
14/31:na tu tadviśeṣaṇaiḥ iti vaktavyam |
15/31:iha mā bhūt |
16/31:ghṛtasya tīvraḥ candanasya mṛduḥ iti |
17/31:kimartham idam ucyate |
18/31:guṇena iti pratiṣedham vakṣyati |
19/31:tasya ayam purastāt apakarṣaḥ |
20/31:kim kāraṇam guṇena na iti ucyate na punaḥ guṇavacanena iti ucyate |
21/31:na evam śakyam |
22/31:iha hi na syāt |
23/31:kākasya kārṣṇyam kaṇṭakasya taikṣṇyam balākāyāḥ śauklyam iti |
24/31:etat eva tasmin yoge udāharaṇam |
25/31:yat vai brāhmaṇasya śuklāḥ vṛṣalasya kṛṣṇāḥ iti asāmarthyāt atra na bhaviṣyati |
26/31:katham asāmarthyam |
27/31:sāpekṣam asamartham bhavati iti |
28/31:dravyam atra apekṣyate dantāḥ |
29/31:tasmāt guṇena na iti vaktavyam |
30/31:guṇena na iti ucyamāne tatsthaiḥ ca guṇaiḥ iti vaktavyam |
31/31:tatsthaiḥ ca guṇaiḥ iti ucyamāne na tu tadviśeṣaṇaiḥ iti vaktavyam |

ṣaṣṭhyantaṃ subantaṃ samarthena subantena saha samasyate, tatpuruṣaśca samāso bhavati. rājñaḥ puruṣaḥ rājapuruṣaḥ. brāhmaṇakambalaḥ. kṛdyogā ca ṣaṣṭhī samasyata iti vaktavyam. idhmaprabraścanaḥ. palāśaśātanaḥ. kim artham idam ucyate? pratipadavidhānā ca ṣaṣṭhī na samasyate iti vakṣyati, tasyāyaṃ purastādapakarṣaḥ.

ṣaṣṭhī 2.2.8 ṣaṣṭhyantaṃ subantaṃ samarthena subantena saha samasyate, tatpuruṣaśca samāso bhavati. rājñaḥ puruṣaḥ rājapuruṣaḥ. brāhmaṇakambalaḥ. kṛdyogā ca ṣaṣṭhī samasyata iti vaktavyam. idhmaprabraścanaḥ. palāśaśātanaḥ. kim artham idam ucyate? pratipadavidhānā ca ṣaṣṭhī na samasyate iti vakṣyati, tasyāyaṃ purastādapakarṣaḥ.

ṣaṣṭhī. , 2.2.8 "kṛdyogā ca" ityādi. "kṛdyogalakṣaṇā ṣaṣṭhī samasyate" iti vyākhyeyam. tatredaṃ vyākhyānam-- yadayaṃ "ktena ca pūjāyām" 2.2.12 "adhikaraṇavācinā ca" 2.2.13 "karmaṇi ca" 2.2.14 "tṛjakābhyāṃ kartari ca {ca nāsati sūtre}" iti niṣedhamārabhate, tajjñāpayati -- "kṛdyogā yā ṣaṣṭhī sā samasyate" iti ; anyathā pratiṣedhārambho'narthakaḥ syāt; prāptyabhāvāt. "idhmapravraścaḥ" iti. karaṇa lyuṭ. "kṛtyulyuṭo bahulam" 3.3.113 iti katrtari vāta. "karttṛkarmaṇoḥ kṛti" 2.3.65 iti karmaṇi ṣaṣṭhī. palāśaśātanaḥ" iti. śadeṇryantasya "śaderagatau taḥ" 7.3.42 iti dakārasya takāraḥ. pūrvavallyuṭ, ṣaṣṭhī ca. kimarthamityucyate, yāvatā ṣaṣṭhītyanenaiva kṛdyogalakṣaṇāyā api ṣaṣṭhyāḥ samāsaḥ siddhaḥ evetyata āha- "pratipadavidhānā ca" ityādi. subodham.

ṣaṣṭhī. ṣaṣṭha\ufffdntaṃ subantena samasyate, sa tatpuruṣa ityarthaḥ. rājapuruṣa iti. rājan as puruṣa s ityalaukikavigrahavākye samāse sati subluki antarvartinīṃ vibhakiṃ?ta pratyayalakṣaṇenāśritya nalopaḥ. naca lukā luptatvānna pratyayalakṣaṇamiti vācyaṃ, padatvasya subghaṭitasamudāyadharmatvena tasyā'ṅgakāryatvā'bhāvāditi bhāvaḥ.

ṣaṣṭhī 693, 2.2.8 ṣaṣṭhī. ṣaṣṭha()ntaṃ subantena samasyate, sa tatpuruṣa ityarthaḥ. rājapuruṣa iti. rājan as puruṣa s ityalaukikavigrahavākye samāse sati subluki antarvartinīṃ vibhakiṃ()ta pratyayalakṣaṇenāśritya nalopaḥ. naca lukā luptatvānna pratyayalakṣaṇamiti vācyaṃ, padatvasya subghaṭitasamudāyadharmatvena tasyā'ṅgakāryatvā'bhāvāditi bhāvaḥ.

rājapuruṣa iti. rājan as–puruṣa su ityalaukikavigrahe samāse kṛte supo lukyantarvartinīṃ vibhaktimāśritya padatvānna lopaḥ.

ṣaṣṭhā 615, 2.2.8 rājapuruṣa iti. rājan as--puruṣa su ityalaukikavigrahe samāse kṛte supo lukyantarvartinīṃ vibhaktimāśritya padatvānna lopaḥ.