1/72:padagrahaṇam kimartham| anekam anyārthe iti iyati ucyamāne vakyārthe api bahuvrīhiḥ syāt |
2/72:yathā me mātā tathā me pitā susnātam bhoḥ iti |
3/72:padagrahaṇe punaḥ kriyamāṇe na doṣaḥ bhavati |
4/72:atha anyagrahaṇam kimartham |
5/72:anekam padārthe iti iyati ucyamāne svapadārthe api bahurvīhiḥ syāt |
6/72:rājapuruṣaḥ takṣapuruṣaḥ iti |
7/72:na etat asti prayojanam |
8/72:tatpuruṣaḥ svapadārthe bādhakaḥ bhaviṣyati |
9/72:bhavet ekasañjñādhikāre siddham |
10/72:paraṅkāryatve tu na sidhyati |
11/72:ārambhasāmarthyāt ca tatpuruṣaḥ paraṅkāryatvāt ca bahuvrīhiḥ prāpnoti |
12/72:paraṅkāryatve ca na doṣaḥ |
13/72:śeṣaḥ iti vartate |
14/72:śeṣatvāt na bhaviṣyati |
15/72:śeṣavacane uktam |*
16/72:kim uktam |
17/72:tatra śeṣavacanāt doṣaḥ saṅkhyāsamānādhikaraṇanañsamāseṣu bahuvrīhipratiṣedhaḥ iti |
18/72:atha ekasaṅjñādhikāre na arthaḥ anyagrahaṇena |
19/72:ekasaṅjñādhikāre ca kartavyam |
20/72:akriyamāṇe hi anyagrahaṇe yathā eva tatpuruṣaḥ svapadārthe bahuvrīhim bādhate evam anyapadārthe api bādheta |
21/72:atha anekagrahaṇam kimartham| anyapadārthe iti iyati ucyamāne ekasya api padasya bahuvrīhiḥ syāt |
22/72:sarpiṣaḥ api syāt |
23/72:madhunaḥ api syāt |
24/72:gomūtrasya api syāt |
25/72:na etat asti prayojanam |
26/72:sup supā iti vartate |
27/72:idam tarhi prayojanam |
28/72:bahūnām api samāsaḥ yathā syāt |
29/72:susūkṣmajaṭakeśena sunatājinavāsasā |
30/72:uttarārtham ca anekagrahaṇam kartavyam cārthe dvandvaḥ anekam iti |
31/72:iha api yathā syāt |
32/72:plakṣanyagrodhakhadirapalāśāḥ iti |
33/72:etat api na asti prayojanam |
34/72:ācāryapravṛttiḥ jñāpayati bahūnām api samāsaḥ bhavati iti yat ayam uttarapade dvigum śāsti |
35/72:tatpuruṣaḥ api tarhi bahūnām prāpnoti |
36/72:grahaṇena tatpuruṣaḥ ucyate |
37/72:tena bahūnām na bhaviṣyati |
38/72:ataḥ uttaram paṭhati |
39/72:anekavacanam upasarjanārtham |*
40/72:anekagrahaṇam kriyate upasarjanārtham |
41/72:prathamānirdiṣṭam samāse upasarjanam iti anekasya supaḥ upasarjanasañjñā yathā syāt |
42/72:citraguḥ śabalaguḥ iti |
43/72:na vā ekavibhaktitvāt |*
44/72:na vā etat api prayojanam asti |
45/72:kim kāraṇam |
46/72:ekavibhaktitvāt |
47/72:ekavibhakti ca apūrvnipāte iti upasarjanasañjñā bhaviṣyati |
48/72:citraguḥ śabalaguḥ iti |
49/72:citrāḥ yasya gāvaḥ citraguḥ tiṣṭhati |
50/72:citrāḥ yasya gāvaḥ citragum paśya |
51/72:citrāḥ yasya gāvaḥ citraguṇā kṛtam |
52/72:citrāḥ yasya gāvaḥ citragave dehi |
53/72:citrāḥ yasya gāvaḥ citragoḥ ānaya |
54/72:citrāḥ yasya gāvaḥ citragoḥ svam |
55/72:citrāḥ yasya gāvaḥ citragau nidhehi |
56/72:citrāḥ yasya gāvaḥ he citrago iti |
57/72:yadi tarhi yataḥ kutaḥ cit eva kim cit padam adhyāhṛtya ekavibhaktyā yogaḥ kriyate etat api ekavibhaktiyuktam bhavati iha api prāpnoti |
58/72:rājakumārī takṣakumārī |
59/72:rājñaḥ yā kumārī rājakumārī tiṣṭhati |
60/72:rājñaḥ yā kumārī rājakumārīm paśya |
61/72:rājñaḥ yā kumārī rājakumāryā kṛtam |
62/72:rājñaḥ yā kumārī rājakumāryai dehi |
63/72:rājñaḥ yā kumārī rājakumāryāḥ ānaya |
64/72:rājñaḥ yā kumārī rājakumāryāḥ svam |
65/72:rājñaḥ yā kumārī rājakumāryām nidhehi |
66/72:rājñaḥ yā kumārī he rājakumāri iti |
67/72:kim vaktavyam etat |
68/72:na hi |
69/72:katham anucyamānam gaṃsyate |
70/72:ekagrahaṇasāmarthyāt |
71/72:yadi hi yat ekavibhaktiyuktam ca anekavibhaktiyuktam ca tatra syāt ekagrahaṇam anarthakam syāt |
72/72:vibhaktiyuktam ca apūrvanipāte iti eva brūyāt |

1/90:padārthābhidhāne anuprayogānupapattiḥ abhihitatvāt |*
2/90:padārthasya abhidhāne anuprayogasya anupapattiḥ |
3/90:citraguḥ devadattaḥ iti |
4/90:kim kāraṇam |
5/90:abhihitatvāt |
6/90:citraguśabdena abhihitaḥ saḥ arthaḥ iti kṛtvā anuprayogaḥ na prāpnoti |
7/90:na vā anabhihitatvāt |*
8/90:na vā eṣaḥ doṣaḥ |
9/90:kim kāraṇam |
10/90:anabhihitatvāt |
11/90:citraguśabdena anabhihitaḥ saḥ arthaḥ iti kṛtvā anuprayogaḥ bhaviṣyati |
12/90:katham anabhihitaḥ yāvatā idānīm eva uktam padārthābhidhāne anuprayogānupapattiḥ abhihitatvāt iti |
13/90:sāmānyābhidhāne hi viśeṣānabhidhānam |*
14/90:sāmānye hi abhidhīyamāne viśeṣaḥ anabhhitaḥ bhavati |
15/90:tatra avaśyam viśeṣārthinā viśeṣaḥ anuprayoktavyaḥ |
16/90:citraguḥ |
17/90:kaḥ |
18/90:devadattaḥ iti| bhavet siddham yadā sāmānye vṛttiḥ |
19/90:yadā tu khalu viśeṣe vṛttiḥ tadā na sidhyati |
20/90:citrā gāvaḥ devadattasya citraguḥ devadattaḥ iti |
21/90:tat api siddham |
22/90:katham |
23/90:na idam ubhayam yugapat bhavati vākyam ca samāsaḥ ca |
24/90:yadā vākyam tadā na samāsaḥ |
25/90:yadā samāsaḥ tadā na vakyam |
26/90:yadā samāsaḥ tadā sāmānye vṛttiḥ |
27/90:tatra avaśyam viśeṣārthinā viśeṣaḥ anuprayoktavyaḥ |
28/90:citraguḥ |
29/90:kaḥ |
30/90:devadattaḥ iti| sāmānyasya eva tarhi anuprayogaḥ na prāpnoti |
31/90:citragu tat |
32/90:citragu kim cit |
33/90:citragu sarvam iti |
34/90:sāmānyam api yathā viśeṣaḥ tadvat |
35/90:citragu iti ukte sandehaḥ syāt |
36/90:sarvam vā viśvam vā iti |
37/90:tatra avaśyam sandehanivṛttyartham viśeṣārthinā viśeṣaḥ anuprayoktavyaḥ |
38/90:atha vā vibhaktyarthaḥ abhidīyate |
39/90:etat ca atra yuktam yat vibhaktyarthaḥ abhidhīyate |
40/90:tatra hi sarvapaścāt padam vartate asya iti |
41/90:vibhaktyarthābhidhāne adravyasya liṅgasaṅkhyopacārānupapattiḥ |*
42/90:vibhaktyarthābhidhāne adravyasya liṅgasaṅkhyābhyām upacāraḥ anupapannaḥ |
43/90:bahuyavam bahuyavā bahuyavaḥ bahuyavau bahuhavāḥ iti |
44/90:aparaḥ āha : vibhaktyarthābhidhāne adravyasya liṅgasaṅkhyopacārānupapattiḥ vibhaktyarthābhidhāne dravyasya ye liṅgasaṅkhye tābhyām vibhaktyarthasya upacāraḥ anupapannaḥ |
45/90:bahuyavam bahuyavāḥ bahuyavaḥ bahuyavau bahuhavāḥ iti |
46/90:katham hi anyasya liṅgasaṅkhyābhyām anyasya upacāraḥ syāt |
47/90:siddham tu yathā guṇavacaneṣu |*
48/90:siddham etat| katham |
49/90:yathā guṇavacaneṣu |
50/90:guṇavacaneṣu uktam : guṇavacanānām śabdānām āśrayataḥ liṅgavacanāni bhavanti iti |
51/90:tat yathā śuklam vastram śuklā śāṭī śuklaḥ kambalaḥ śuklau kambalau śuklāḥ kambalāḥ iti |
52/90:yat asau dravyam śritaḥ bhavati guṇaḥ tasya yat liṅgam vacanam ca tat guṇasya api bhavati |
53/90:evam iha api yat asau dravyam śritaḥ vibhaktyarthaḥ tasya yat liṅgam vacanam ca tat samāsasya api bhaviṣyati |
54/90:yadi tarhi vibhaktyarthaḥ abhidhīyate kṛtsnaḥ padārthaḥ katham abhihitaḥ bhavati sadravyaḥ saliṅgaḥ sasaṅkhyaḥ ca |
55/90:arthagrahaṇasāmarthyāt |
56/90:iha anekam anyapade iti iyatā siddham |
57/90:katham punaḥ pade nāma vṛttiḥ syāt |
58/90:śabdaḥ hi eṣaḥ |
59/90:śabde asambhavāt arthe kāryam vijñāsyate |
60/90:saḥ ayam evam siddhe sati yat arthagrahaṇam karoti tasya etat prayojanam kṛtsnaḥ padārthaḥ yathā abhidhīyeta sadravyaḥ saliṅgaḥ sasaṅkhyaḥ ca iti |
61/90:yadi tarhi kṛtsnaḥ padārthaḥ abhidhīyate laiṅgāḥ sāṅkhyāḥ ca vidhayaḥ na sidhyanti |
62/90:uktam vā |*
63/90:kim uktam |
64/90:liṅgeṣu tāvat |
65/90:siddham tu striyāḥ prātipadikaviśeṣaṇatvāt svārthe ṭābādayaḥ iti |
66/90:sāṅkhyeṣu api uktam karmādīnām anuktāḥ ekatvādayaḥ iti kṛtvā sāṅkhyāḥ bhaviṣyanti |
67/90:prathamā tarhi na prāpnoti |
68/90:samayāt bhaviṣyati |
69/90:yadi sāmayikī na niyogataḥ anyāḥ kasmāt na bhavanti |
70/90:karmādīnām abhāvāt |
71/90:ṣaṣṭhī tarhi prāpnoti |
72/90:śeṣalakṣaṇā ṣaṣṭhī |
73/90:aśeṣatvāt na bhaviṣyati |
74/90:evam api vyatikaraḥ |
75/90:ekasmin api dvivacanabahuvacane prāpnutaḥ dvayoḥ api ekavacanabahuvacane bahuṣu api ekavacanadvivacane |
76/90:arthataḥ vyavasthā bhaviṣyati |
77/90:atha vā saṅkhyā nāma iyam parapradhānā |
78/90:saṅkhyeam anyā viśeṣyam |
79/90:yadi ca atra prathamā na syāt saṅkhyeyam aviśeṣitam syāt |
80/90:atha vā vakṣyati etat |
81/90:tatra vacanagrahaṇasya prayojanam ukteṣu api ekatvādiṣu prathamā yathā syāt iti |
82/90:evam api ṣaṣṭhī prāpnoti |
83/90:kim kāraṇam |
84/90:vyabhicarati eva hi ayam samāsaḥ liṅgasaṅkhye |
85/90:ṣaṣthyartham punaḥ na vyabhicarati |
86/90:abhihitaḥ saḥ arthaḥ antarbhūtaḥ prātipadikārthaḥ sampannaḥ |
87/90:tatra prātipadikārthe prathamā iti prathamā bhaviṣyati |
88/90:na tarhi idānīm idam bhavati : citragoḥ devadattasya |
89/90:bhavati |
90/90:bāhyam artham apekṣya ṣaṣṭhī |

1/65:parigaṇanam kartavyam |
2/65:bahuvrīhiḥ samānādhikaraṇānām |*
3/65:samānādhikaraṇānām bahuvrīhiḥ vaktavyaḥ |
4/65:kim prayojanam |
5/65:vyadhikaraṇānām mā bhūt iti |
6/65:pañcabhiḥ bhuktam asya iti |
7/65:avyayānām ca |*
8/65:avyayānām bahuvrīhiḥ vaktavyaḥ |
9/65:uccairmukhaḥ nīcairmukhaḥ |
10/65:saptamyupamānapūrvapadasya uttarapadalopaḥ ca |*
11/65:saptamīpūrvasya upamānapūrvasya ca bahuvrīhiḥ vaktavyaḥ uttarapadasya ca lopaḥ vaktavyaḥ |
12/65:kaṇṭhesthaḥ kālaḥ asya kaṇṭhekālaḥ uṣṭramukham iva mukham asya uṣṭramukhaḥ kharamukhaḥ |
13/65:samudāyavikāraṣaṣṭhyāḥ ca |*
14/65:samudāyaṣaṣṭhyāḥ vikāraṣaṣṭhyāḥ ca bahuvrīhiḥ vaktavyaḥ uttarapadasya ca lopaḥ vaktavyaḥ |
15/65:keśānām samāhāraḥ cūḍā asya keśacūḍaḥ suvarṇasya vikāraḥ alaṅkāraḥ asya suvarṇālaṅkāraḥ |
16/65:prādibhyaḥ dhātujasya vā |*
17/65:prādibhyaḥ dhātujasya bahuvrīhiḥ vaktavyaḥ uttarapadasya ca vā lopaḥ vaktavyaḥ |
18/65:prapatitaparṇaḥ praparṇaḥ prapatitapalāśaḥ prapalāśaḥ |
19/65:nañaḥ astyarthānām |*
20/65:nañaḥ astyarthānām bahuvrīhiḥ vaktavyaḥ uttarapadasya ca vā lopaḥ vaktavyaḥ |
21/65:avidyamānaputraḥ aputraḥ avidyamānabhāryaḥ abhāryaḥ |
22/65:tat tarhi bahu vaktavyam |
23/65:na vā anabhidhānāt asamānādhikaraṇe sañjñābhāvaḥ |*
24/65:na vā vaktavyam |
25/65:asamānādhikaraṇānām bahuvrīhiḥ kasmāt na bhavati : pañcabhiḥ bhuktam asya iti |
26/65:anabhidhānāt |
27/65:tat ca avaśyam anabhidhānam āśrayitavyam |
28/65:kriyamāṇe api vai parigaṇane yatra abhidhānam na asti na bhavati tatra bahuvrīhiḥ |
29/65:tat yathā pañca bhuktavantaḥ asya iti |
30/65:atha etasmin sati anabhidhāne yadi vṛttiparigaṇanam kriyate vartiparigaṇanam api kartavyam |
31/65:tat katham kartavyam |
32/65:arthaniyame matvarthagrahaṇam |*
33/65:arthaniyame matvarthagrahaṇam kartavyam |
34/65:matvarthe yaḥ saḥ bahuvrīhiḥ iti vaktavyam |
35/65:iha mā bhūt : kaṣṭam śritam anena iti |
36/65:tathā ca uttarasya vacanārthaḥ |*
37/65:evam ca kṛtvā uttarasya yogasya vacanārthaḥ upapannaḥ bhavati |
38/65:ke cit tāvat āhuḥ : yat vṛttisūtre iti |
39/65:saṅkhyāvyayāsannādūrādhikasaṅkhyāḥ saṅkhyeye iti |
40/65:aparaḥ āha : yat vārttike iti |
41/65:karmavacanena aprathmāyāḥ |*
42/65:karmavacanena aprathmāyāḥ bahuvrīhiḥ vaktavyaḥ |
43/65:ūḍhaḥ rathaḥ anena ūḍharathaḥ anaḍvān upahṛtaḥ paśuḥ rudrāya upahṛtapaśuḥ rudraḥ uddhṛtaḥ odanaḥ sthālyāḥ uddhṛtaudanā sthālī |
44/65:yadi karmavacanena iti ucyate kartṛvacanena katham |
45/65:prāptam udakam grāmam prāptodakaḥ grāmaḥ āgatāḥ atithayaḥ grāmam āgatātithiḥ grāmaḥ |
46/65:kartṛvacanena api |*
47/65:kartṛvacanena api iti vaktavyam |
48/65:aprathamāyāḥ iti kimartham |
49/65:vṛṣṭe deve gataḥ |
50/65:aprathamāyāḥ iti ucyamāne iha kasmāt na bhavati |
51/65:vṛṣṭe deve gatam paśya iti |
52/65:bahiraṅgā atra aprathamā |
53/65:subadhikāre astikṣīrādivacanam |*
54/65:subadhikāre astikṣīrādīnām upasaṅkhyānam kartavyam |
55/65:astikṣīrā brāhmaṇī |
56/65:tat tarhi vaktavyam |
57/65:na vā avyayatvāt |*
58/65:na vā vaktavyam |
59/65:kim kāraṇam |
60/65:avyayatvāt |
61/65:avyayaḥ ayam astiśabdaḥ |
62/65:na eṣaḥ asteḥ laṭ |
63/65:katham avyayatvam |
64/65:upasargavibhaktisvarapratirūpakāḥ ca nipātasañjñāḥ bhavanti iti nipātasñjñā |
65/65:nipātaḥ avyayam iti avyayasañjñā |

1/101:atha kiṃsabrahmacārī iti kaḥ ayam samāsaḥ |
2/101:bahuvrīhiḥ iti aha |
3/101:kaḥ asya vigrahaḥ |
4/101:ke sabrahmacāriṇaḥ asya iti |
5/101:yadi evam kaṭhaḥ iti prativacanam na upapadyate |
6/101:na hi anyat pṛṣṭena anyat ākhyāyate |
7/101:evam tarhi evam vigrahaḥ kariṣyate : keṣām sabrahmacārī kiṃsbrahmacārī iti |
8/101:prativacanam ca eva na upapadyate svare ca doṣaḥ bhavati |
9/101:kiṃsabrahmacārī iti evam svaraḥ prasajyeta |
10/101:kiṃsabrahmacārī iti ca iṣyate |
11/101:evam tarhi evam vigrahaḥ kariṣyate |
12/101:kaḥ sabrahmacārī kiṃsabrahmacārī iti |
13/101:bhavet prativacanam upapannam svare tu doṣaḥ bhavati |
14/101:evam tarhi evam vigrahaḥ kariṣyate |
15/101:kaḥ sabrahmacārī tava kiṃsabrahmacārī tvam iti |
16/101:atha vā punaḥ astu evam vigrahaḥ : ke sabrahmacāriṇaḥ asya iti |
17/101:nanu ca uktam kaṭhaḥ iti prativacanam na upapadyate |
18/101:na eṣaḥ doṣaḥ |
19/101:agnaukaravāṇinyāyena bhaviṣyati |
20/101:tat yathā |
21/101:kaḥ cit kam cit āha |
22/101:agnau karavāṇi iti |
23/101:kuru iti kartari anujñāte karma api anujñātam bhavati |
24/101:aparaḥ āha : agnau kariṣyate iti |
25/101:kriyatām iti karmaṇi anujñāte kartā api anujñātaḥ bhavati |
26/101:yathā eva khalu api ke sabrahmacāriṇaḥ asya iti kaṭhāḥ iti ukte sambandhāt etat gamyate |
27/101:nūnam saḥ api kaṭha iti |
28/101:evam kaṭhaḥ iti ukte sambandhāt etat gantavyam syāt |
29/101:nūnam te api kaṭhāḥ iti |
30/101:na khalu api te śakyāḥ samāsena pratinirdeṣṭum |
31/101:upasarjanam he te bhavanti |
32/101:atha arthatṛtīyāḥ iti kaḥ ayam samāsaḥ |
33/101:bahuvrīhiḥ iti āha |
34/101:kaḥ asya vigrahaḥ |
35/101:ardham tṛtīyam eṣām iti |
36/101:kaḥ samāsārthaḥ |
37/101:samāsārthaḥ na upapadyate |
38/101:anyapadārthaḥ hi nāma saḥ bhavati |
39/101:yeṣām padānām samāsaḥ tataḥ anyasya padasya arthaḥ anyapadārthaḥ |
40/101:evam tarhi evam vigrahaḥ kariṣyate |
41/101:ardham tṛtīyam anayoḥ iti |
42/101:evam api kaḥ ṣaṣṭhyarthaḥ |
43/101:ṣaṣṭhyarthaḥ na upapadyate |
44/101:kim hi tayoḥ ardham bhavati |
45/101:astu tari evam vigrahaḥ ardham tṛtīyam eṣām iti |
46/101:nanu ca uktam samāsārthaḥ na upapadyate iti |
47/101:na eṣaḥ doṣaḥ |
48/101:avayavena vigrahaḥ samudāyaḥ samāsārthaḥ |
49/101:yadi avayavena vigrahaḥ samudāyaḥ samāsārthaḥ asidvitīyaḥ anusasāra pāṇḍavam |
50/101:saṅkarṣaṇadvitīyasya balam kṛṣṇasya vardhatām iti| dvayoḥ dvivacanam prāpnoti |
51/101:astu tarhi ayam eva vigrahaḥ ardham tṛtīyam anayoḥ |
52/101:nanu ca uktam |
53/101:ṣaṣṭhyarthaḥ na upapadyate iti |
54/101:na eṣaḥ doṣaḥ |
55/101:idam tāvat ayam praṣṭavyaḥ |
56/101:atha iha devadattasya bhrātā iti kaḥ ṣaṣṭhyarthaḥ |
57/101:tatra etat syāt |
58/101:ekasmāt prādurbhāvaḥ iti |
59/101:etat ca vārtam |
60/101:tat yathā |
61/101:sārthikanam ekapratiśraye uṣitānām prātaḥ utthāya pratiṣṭhamānānām na kaḥ cit parasparam sambandhaḥ bhavati |
62/101:evañjātīyakam bhrātṛtvam nāma |
63/101:atra cet yuktaḥ ṣaṣṭhyarthaḥ dṛśyate iha api yuktaḥ dṛśyatām |
64/101:iha tarhi ardhatṛtīyāḥ ānīyantām iti ukte ardhasya ānayanam na prāpnoti |
65/101:astu tarhi ayam eva vigrahaḥ ardham tṛtīyam eṣām iti |
66/101:nanu ca uktam anusasāra pāṇḍavam |
67/101:saṅkarṣaṇadvitīyasya balam kṛṣṇasya vardhatām iti| dvayoḥ dvivacanam prāpnoti iti |
68/101:na eṣaḥ doṣaḥ |
69/101:ayam tīyantaḥ śabdaḥ asti eva pūraṇam |
70/101:asti sahāyavācī |
71/101:tat yaḥ sahāyavācī tasya idam grahaṇam |
72/101:asidvitīyaḥ asisahāyaḥ iti gamyate |
73/101:evam api ardhatṛtīyāḥ iti ekasmin ekavacanam iti ekavacanam prāpnoti |
74/101:ekārthāḥ hi samudāyāḥ bhavanti |
75/101:tat yathā śatam yūtham vanam iti |
76/101:astu tarhi ayam eva vigrahaḥ ardham tṛtīyam anayoḥ iti |
77/101:nanu ca uktam ardhatṛtīyāḥ ānīyantām iti ukte ardhasya ānayanam na prāpnoti iti |
78/101:na eṣaḥ doṣaḥ |
79/101:bhavati bahuvrīhau tadguṇasaṃvijñānam api |
80/101:tat yathā |
81/101:śuklavāsasam ānaya |
82/101:lohitoṣṇīṣāḥ ṛtvijaḥ pracaranti iti |
83/101:tadguṇaḥ ānīyate tadguṇāḥ ca pracaranti |
84/101:atha vā punaḥ astu ayam eva vigrahaḥ ardham tṛtīyam eṣām iti |
85/101:nanu ca uktam ekavacanam prāpnoti iti |
86/101:na eṣaḥ doṣaḥ |
87/101:saṅkhyā nāma iyam parapradhānā |
88/101:saṅkhyeyam anayā viśeṣyam |
89/101:yadi ca atra ekavacanam syāt saṅkhyeyam aviśeṣitam syāt |
90/101:iha tarhi ardhatṛtīyāḥ droṇāḥ iti ayam droṇaśabdaḥ samudāye pravṛttaḥ avayave na upapadyate |
91/101:na eṣaḥ doṣaḥ |
92/101:samudāyeṣu api śabdāḥ pravṛttāḥ avayaveṣu api vartante| tad yathā |
93/101:pūrve pañcālāḥ uttare pañcālāḥ tailam bhuktam ghṛtaṃ bhuktam śuklaḥ nīlaḥ kapilaḥ kṛṣṇaḥ iti |
94/101:evam ayam samudāye droṇaśabdaḥ pravṛttaḥ avayaveṣu api vartati |
95/101:kāmam tarhi anena eva hetunā yadā dvau droṇau ardhārḍhakam ca kartavyam ardhatṛtīyāḥ droṇāḥ iti |
96/101:na kartavyam |
97/101:samudāyeṣu api hi śabdāḥ pravṛttāḥ avayaveṣu api vartante| keṣu avayaveṣu |
98/101:yaḥ avayavaḥ tam samudāyam na vyabhicarati |
99/101:kam ca samudāyam na vyabhicarati |
100/101:ardhdroṇaḥ droṇam |
101/101:ardhāḍhakam punaḥ vyabhicarati |

anekaṃ subantamanyapdārthe vartamānaṃ supā saha samasyate, bahuvrīhiśca samāso bhavati. prathamārtham ekaṃ varjayitvā sarveṣu vibhaktyartheṣu bahuvrīhir bhavati. prāptam udakaṃ yaṃ grāmaṃ prāptodako grāmaḥ. ūḍharatho 'naḍvān. upagṛtapaśū rudraḥ. udghṛtaudanā sthālī. citragurdevadattaḥ. vīrapuruṣako grāmaḥ. prathamārthe tu na bhavati. vṛṣṭe deve gataḥ. anekagrahanaṃ kim? bahūnām api yathā syāt, susūkṣmajaṭakeśena sugajājinavāsasā. samantaśitirandhreṇa dvayor vṛttau na sidhyati. bahuvrīhiḥ samānādhikaraṇānam iti vaktavyam. vyadhikaraṇānāṃ mā bhūt, pañcabhir bhuktamasya.avyayānāṃ ca bahuvrīhir vaktavyaḥ. uccair mukhaḥ. nīcair mukhaḥ. saptamyupamānapūrvapadasya uttarapadalopa śca vaktavyaḥ. kaṇṭhe sthitaḥ kālo 'sya kaṇṭhekalaḥ. urasilomā. uṣṭrasya mukham iva mukhaṃ yasya sa uṣṭramukhaḥ. kharamukhaḥ. samudāyavikāraṣaṣṭhyāśca bahuvrīhiruttarapadalopaśca iti vaktavyam. keśānāṃ saṅghātaḥ keśasaṅghātaḥ, keśasaṅghātaḥ cūḍā 'sya keśacūḍaḥ. suvarṇasya vikāro 'laṅkāro 'sya subarṇālaṅkāraḥ. prādibhyo dhatujasya uttarapadasya lopaśca vā bahuvrīhir vaktavyaḥ. prapatitaṃ parṇamasya praparṇaḥ, prapatitaparṇaḥ. pratitaṃ palāśamasya prapalāśaḥ, prapatitapalāśaḥ. naño 'styarthānāṃ bahuvrīhir vācottarapadalopaśca vaktavyaḥ. āvidyamānaḥ putro yasya aputraḥ, avidyamānaputraḥ. abhāryaḥ, avidyamānabhāryaḥ. subadhikāre 'stikṣīrādīnāṃ bahuvrīhir vaktavyaḥ. astikṣīrā brāhmaṇī. astyādayo nipātāḥ.

anekam anyapadārthe 2.2.24 anekaṃ subantamanyapdārthe vartamānaṃ supā saha samasyate, bahuvrīhiśca samāso bhavati. prathamārtham ekaṃ varjayitvā sarveṣu vibhaktyartheṣu bahuvrīhir bhavati. prāptam udakaṃ yaṃ grāmaṃ prāptodako grāmaḥ. ūḍharatho 'naḍvān. upagṛtapaśū rudraḥ. udghṛtaudanā sthālī. citragurdevadattaḥ. vīrapuruṣako grāmaḥ. prathamārthe tu na bhavati. vṛṣṭe deve gataḥ. anekagrahanaṃ kim? bahūnām api yathā syāt, susūkṣmajaṭakeśena sugajājinavāsasā. samantaśitirandhreṇa dvayor vṛttau na sidhyati. bahuvrīhiḥ samānādhikaraṇānam iti vaktavyam. vyadhikaraṇānāṃ mā bhūt, pañcabhir bhuktamasya. avyayānāṃ ca bahuvrīhir vaktavyaḥ. uccair mukhaḥ. nīcair mukhaḥ. saptamyupamānapūrvapadasya uttarapadalopa śca vaktavyaḥ. kaṇṭhe sthitaḥ kālo 'sya kaṇṭhekalaḥ. urasilomā. uṣṭrasya mukham iva mukhaṃ yasya sa uṣṭramukhaḥ. kharamukhaḥ. samudāyavikāraṣaṣṭhyāśca bahuvrīhiruttarapadalopaśca iti vaktavyam. keśānāṃ saṅghātaḥ keśasaṅghātaḥ, keśasaṅghātaḥ cūḍā 'sya keśacūḍaḥ. suvarṇasya vikāro 'laṅkāro 'sya subarṇālaṅkāraḥ. prādibhyo dhatujasya uttarapadasya lopaśca vā bahuvrīhir vaktavyaḥ. prapatitaṃ parṇamasya praparṇaḥ, prapatitaparṇaḥ. pratitaṃ palāśamasya prapalāśaḥ, prapatitapalāśaḥ. naño 'styarthānāṃ bahuvrīhir vācottarapadalopaśca vaktavyaḥ. āvidyamānaḥ putro yasya aputraḥ, avidyamānaputraḥ. abhāryaḥ, avidyamānabhāryaḥ. subadhikāre 'stikṣīrādīnāṃ bahuvrīhir vaktavyaḥ. astikṣīrā brāhmaṇī. astyādayo nipātāḥ.

anekamanyapadārthe 969, 2.2.24 anekaṃ prathamāntamanyasya padasyārthe vartamānaṃ vā samasyate sa bahuvrīhiḥ॥

anekamanya. prathamāntamiti. śeṣagrahaṇānuvṛttilabhyamidam. evaṃ ca supsupeti nānuvartate, prayojanā'bhāvāt. `anekaṃ subanta'miti pāṭhe'pi prathamāntamityarthaḥ. anyeti. upasthitaprathamāntātiriktetyarthaḥ. evaṃca pañcabhirbhuktamannaṃ yasya saḥ `pañcabhukta' iti bahuvrīhinivṛttyarthaṃ `bahuvrīhiḥ samānādhikaraṇānāmiti vaktavya'miti vārtikaṃ yadbhāṣye sthitaṃ, yacca vṛṣṭe deve yo gataḥ sa vṛṣṭadeva iti bahuvrīhinivṛttyartham `aprathamāvibhaktyarthe bahuvrīhirvaktavyaḥ' iti vārtikaṃ tadubhayamapi na kartavyamityāha–aprathamāvibhaktyarthe bahuvrīhiriti. samānādhikaraṇānāmiti ca phalitamiti. `śeṣagrahaṇā'diti śeṣaḥ. `śeṣagrahaṇāt prathamānta iti labhyate' iti hi bhāṣyam. `pañcabhirbhuktamasye'tyatra ca samasyamānapadayorekasyā'prathamāntatvānna bahuvrīhiriti phalitam. prathamāntātiriktasya padasyārthe vartamānaṃ samasyate ityarthāśrayaṇādvṛṣṭe deve gata ityatrāpi na bahuvrīhiriti phalitam. pratamāntātiriktasya padasyārthe vartamānaṃ samasyate ityarthāśrayaṇādvṛṣṭe deve gata ityatrāpi na bahuvrīhiriti phalitamiti bhāvaḥ. dvitīyārthabahuvrīhimudāharati–prāptamiti. `gatyarthākarmake'ti kartari ktaḥ. atra vigrahavākye grāmakarmakaprāptikartṛ udakamityevaṃ grāmasya viseṣaṇatayā, viśeṣyatvena tu prāptasya udakasya bodhaḥ. samāse tu ekārthībhāvamahimnā udakakartṛkaprāptikarmībhūto grāma ityevaṃ grāmasya viśeṣyatayā, tadviśeṣaṇatayā tu prāptasya udakasya bodhaḥ. evamuttaratrāpi viśeṣaṇaviśeṣyabhāvavyatyāso jñeyaḥ. atha tṛtīyārthabahuvrīhimudāharati–ūḍharatho'naḍvāniti. ūḍho ratho yeneti vigrahaḥ. atha catuthryarthabahuvrīhimudāharati–ūḍharatho'naḍvāniti. ūḍho ratho yeneti vigrahaḥ. atha catuthryarthabahuvrīhimudāharati–upahmatapaśū rudra iti. upahmataḥ paśuryasmai iti vigrahaḥ. atha pañcamyarthabahuvrīhimudāharati—uddhṛtaudanā sthālīti. uddhṛta odano yasyā iti bahuvrīhiḥ. atha ṣaṣṭha\ufffdrthaṃbahuvrīhimudāharati–pītāmbaro haririti. pītamambaraṃ yasyeti vigrahaḥ. atha saptamyarthabahuvrīhimudāharati–vīrapuruṣako grāma iti. vīrāḥ puruṣā yasminniti vigrahaḥ. `śeṣādvibhāṣā' iti kap. atra karmādīnāṃ samāsenābhihitatvātprathamaiva. prathamārthe tu neti. `anyapadārtha'śabdena prathamāntātiriktadvitīyādyantārthasyaiva vivakṣitatvāditi bhāvaḥ. vyadhikaraṇānāmapi neti. `anekaṃ prathamānta'mityukteriti bhāvaḥ. yaddhātujaprakṛtikapradhamāntaṃ tasya anyena prathamāntena bahuvrīhirvācyaḥ. tatra bahuvrīhau prādibhyaḥ parasya uttarapadasya dhātujasya lopaśca vikalpena vācya ityarthaḥ. atra `bahuvrīhi'rityanuvādaḥ, lopasyaiva vidhiḥ. prapatitaparṇa iti. prakṛṣṭaṃ patitaṃ– prapatitam. prādayo gatādyarthe' iti samāsaḥ. prapatitaṃ parṇaṃ yasmāditi vigrahaḥ. praparṇa iti. prapatiteti pūrvapade dhātujasya uttarapadasya lope rūpam.

anekamanyapadārthe 820, 2.2.24 anekamanya. prathamāntamiti. śeṣagrahaṇānuvṛttilabhyamidam. evaṃ ca supsupeti nānuvartate, prayojanā'bhāvāt. "anekaṃ subanta"miti pāṭhe'pi prathamāntamityarthaḥ. anyeti. upasthitaprathamāntātiriktetyarthaḥ. evaṃca pañcabhirbhuktamannaṃ yasya saḥ "pañcabhukta" iti bahuvrīhinivṛttyarthaṃ "bahuvrīhiḥ samānādhikaraṇānāmiti vaktavya"miti vārtikaṃ yadbhāṣye sthitaṃ, yacca vṛṣṭe deve yo gataḥ sa vṛṣṭadeva iti bahuvrīhinivṛttyartham "aprathamāvibhaktyarthe bahuvrīhirvaktavyaḥ" iti vārtikaṃ tadubhayamapi na kartavyamityāha--aprathamāvibhaktyarthe bahuvrīhiriti. samānādhikaraṇānāmiti ca phalitamiti. "śeṣagrahaṇā"diti śeṣaḥ. "śeṣagrahaṇāt prathamānta iti labhyate" iti hi bhāṣyam. "pañcabhirbhuktamasye"tyatra ca samasyamānapadayorekasyā'prathamāntatvānna bahuvrīhiriti phalitam. prathamāntātiriktasya padasyārthe vartamānaṃ samasyate ityarthāśrayaṇādvṛṣṭe deve gata ityatrāpi na bahuvrīhiriti phalitam. pratamāntātiriktasya padasyārthe vartamānaṃ samasyate ityarthāśrayaṇādvṛṣṭe deve gata ityatrāpi na bahuvrīhiriti phalitamiti bhāvaḥ. tatra dvitīyārthabahuvrīhimudāharati--prāptamiti. "gatyarthākarmake"ti kartari ktaḥ. atra vigrahavākye grāmakarmakaprāptikartṛ udakamityevaṃ grāmasya viseṣaṇatayā, viśeṣyatvena tu prāptasya udakasya bodhaḥ. samāse tu ekārthībhāvamahimnā udakakartṛkaprāptikarmībhūto grāma ityevaṃ grāmasya viśeṣyatayā, tadviśeṣaṇatayā tu prāptasya udakasya bodhaḥ. evamuttaratrāpi viśeṣaṇaviśeṣyabhāvavyatyāso jñeyaḥ. atha tṛtīyārthabahuvrīhimudāharati--ūḍharatho'naḍvāniti. ūḍho ratho yeneti vigrahaḥ. atha catuthryarthabahuvrīhimudāharati--ūḍharatho'naḍvāniti. ūḍho ratho yeneti vigrahaḥ. atha catuthryarthabahuvrīhimudāharati--upahmatapaśū rudra iti. upahmataḥ paśuryasmai iti vigrahaḥ. atha pañcamyarthabahuvrīhimudāharati---uddhṛtaudanā sthālīti. uddhṛta odano yasyā iti bahuvrīhiḥ. atha ṣaṣṭha()rthaṃbahuvrīhimudāharati--pītāmbaro haririti. pītamambaraṃ yasyeti vigrahaḥ. atha saptamyarthabahuvrīhimudāharati--vīrapuruṣako grāma iti. vīrāḥ puruṣā yasminniti vigrahaḥ. "śeṣādvibhāṣā" iti kap. atra karmādīnāṃ samāsenābhihitatvātprathamaiva. prathamārthe tu neti. "anyapadārtha"śabdena prathamāntātiriktadvitīyādyantārthasyaiva vivakṣitatvāditi bhāvaḥ. vyadhikaraṇānāmapi neti. "anekaṃ prathamānta"mityukteriti bhāvaḥ. prādibhyaḥ. prādibhyaḥ paraṃ yaddhātujaprakṛtikapradhamāntaṃ tasya anyena prathamāntena bahuvrīhirvācyaḥ. tatra bahuvrīhau prādibhyaḥ parasya uttarapadasya dhātujasya lopaśca vikalpena vācya ityarthaḥ. atra "bahuvrīhi"rityanuvādaḥ, lopasyaiva vidhiḥ. prapatitaparṇa iti. prakṛṣṭaṃ patitaṃ--prapatitam. prādayo gatādyarthe" iti samāsaḥ. prapatitaṃ parṇaṃ yasmāditi vigrahaḥ. praparṇa iti. prapatiteti pūrvapade dhātujasya uttarapadasya lope rūpam. naño'styarthānāṃ. nañaḥ pareṣāmastyarthavācinā subantānāṃ bahuvrīhirvācyaḥ, ta[thā]trāstyarthavācināmuttarapadabhūtānāṃ lopaśca vā vaktavya ityarthaḥ. avidyamānaputra iti. na vidyamāna iti nañsamāsaḥ. naño nalopaḥ. avidyamānaḥ putro yasyeti vigrahaḥ. aputra iti. astyarthakavidyamānaśabdasya lope rūpam. atrāpi bahuvrīhirityanuvādaḥ. avyayānāṃ ceti. "bahuvrīhirvācya" iti śeṣaḥ. uccairmukha iti. uccairityasyādhikaraṇaśaktipradhānatayā saptamyantatvena prathamāntatvā'bhāvādaprāpte bahuvrīhau vacanam. saptamyupamānapūrvapadasyottarapadalopaśceti. saptamyantopamānasahite pūrvapade yasya tat saptamyupamānapūrvapadam, tasya samastapadasya padāntareṇa bahuvrīhirvācyaḥ. samastapadātmake pūrvapade yaduttarapadaṃ tasya lopaśca vaktavya ityarthaḥ. tatra saptamyantasahitasamastapūrvapadakaṃ bahuvrīhimudāharati--kaṇṭhestha ityādi. "supi sthaḥ" iti kaḥ. kaṇṭhe tiṣṭhatīti kaṇṭhesthaḥ. upapadasamāsaḥ. "amūdrdhamastakā"diti saptamyā aluk. "kaṇṭhestha" iti samastapadram. tasya kālaśabdena bahuvrīhirityanuvādaḥ. supo luk. ttara kaṇṭhesthetyetadbahuvrīheḥ pūrvapadaṃ saptamyantapadasahitaṃ, tasmin yaduttarapadaṃ sthetyetat, tasya lopo vācanikaḥ. "kaṇṭhekāla" iti saptamyantapadaghaṭitasamāsagarbho bahuvrīhiḥ. tadavayavabhūtasaptamyāḥ "amūrdhamastakā"dityaluk. atha upamānasahitasamastapūrvapadakaṃ bahuvrīhimudāharati--uṣṭramukha iti. uṣṭrasya mukhamiveti vigrahe ṣaṣṭhītatpuruṣaḥ. mukhaśabdo mukhasadṛśe lākṣaṇika iti sūcayitumivaśabdaḥ. uṣṭramukhimiva mukhaṃ yasyeti vigrahe bahuvrīhirityanuvādaḥ. tatra "uṣṭramukhetyetadbahuvrīheḥ pūrvapadaṃ, tasminnuttarapadasya mukhaśabdasya lopo vācanikaḥ. saṅghātavikāreti. ṣaṣṭha()ntātparasya uttarapadasya padāntareṇa bahuvrīhirvācyaḥ, ṣaṣṭha()ntāduttarapadasya lopaśca. keśacūḍa iti. saṅghātaśabdasyo lope rūpam. suvarṇālaṅkāra iti. atra vikaraśabdasya uttarapadasya lope rūpam. astikṣīrādayaśceti. astikṣīrādayo bahuvrīhāvupasaṅkhyeyā ityarthaḥ. "astikṣīrāgau"rityatra astītyasya tiṅantatayā prathamāvibhaktyantatvā'bhāvādaprāpte bahuvrīhāvidaṃ vacanam. vastutastu vacanamidaṃ nārabdhavyamityāha--astīti vibhaktipratirūpakamavyayamiti. vibhaktipratirūpakatvena nipātitatvādastīti "svarādinipātamavyaya"mityavyayaṃ vidyamānārthakam. tataḥ soḥ "avyayādāpsupaḥ" iti luki pratyayalakṣaṇena prathamāntatvādeva siddheridaṃ vacanaṃ na kartavyamiti bhāvaḥ. taduktaṃ bhāṣye--"astikṣīrādivacanaṃ, na vā'vyayatvā"diti.

aprathamāvibhaktyartha iti. samāneti. etacca śeṣagrahaṇāllabdham. anekaṃ kiṃ?. bahūnāmapi yathā syāt. etacca mūla eva sphuṭibhaviṣyati. anijvidhau kevalagrahaṇaṃ jñāpakīkṛtyā'nekagrahaṇamiha sutyajamityāhuḥ. anyagrahaṇaṃ kim?. bahuvrīhitatpuruṣayorviṣayavibhāgo yathā vijñāyeta, svapadārthe hi sāvakāśaṃ tatpuruṣaṃ paratvādanyapadārthe bahuvrīhirbādhate. asati tvanyagrahaṇe `kaṇṭhekāla' ityādau vyadhikaraṇapade, bahūnāṃ samudāye ca sāvakāśaṃ bahuvrāhi svapadārtha ivānyapadārthe'pila `nīlotpalaṃ sara ' ityādau samānādhikaraṇe tatpuruṣo bādheta. padagrahaṇaṃ kim?. vākyārthe mā bhūt. grāha vatī nadī. iha mā sa ?nāsīriti vākyārtho gamyate. arthagrahaṇaṃ kim?., yāvatā padena padāntarasya vṛttyasambhavādeva padārthe bhaviṣyati?. atrāhuḥ- - prakṛtyarthaviśiṣṭapratyayārthābhidhānaṃ yathā syāt. anyathā prādhānyātpratyayārthamātraṃ gṛhreta. iṣṭāpattau tu citragurityetatṣaṣṭharthasambandhamātraparaṃ syāt. tathā ca devadattādibhiḥ sāmānādhikaraṇyaṃ na syāditi. atredamavadheyam—`supā'ityatannānuvartate. tenā'trānekaṃ prathamāntaṃ mithaḥ samasyate ithi paryavasanno'rthaḥ. evaṃ ca dvipadabahuvrīhirabādha eva. ya#e tu `supsupā'ityanuvatrya `anekaṃ subantaṃ supā sahe'ti vyācakṣate, teṣāṃ tu dvipadabahuvrīhirdurlabha eveti.dvitiyādivibhaktyarthakrameṇodāharati—-prāptamityādi. grāmakarmakaprāptikartṛ udakaṃ vigrahārthaḥ. udakakartṛkaprāptikarmeti samāsārthaḥ. vigrahavākye sa iti prayoge tu tasyāpyayamevārthaḥ. anaḍutkartṛkodvahanakamībhūtorathaḥ. rathakarmakodvahanakartā tu samāsārthaḥ. rudrasaṃprādanakopaharaṇakarmībhūtaḥ paśuḥ. paśukarmakakopaharaṇasaṃpradānaṃ tu samāsārthaḥ. sthālyadhikoddharaṇakarma odanaḥ. odanakarmakoddhakaraṇāvadhiḥ sthālī samāsārtha ityādi. iha karmādīnāṃ samāsasenābhihitatvātprathamā. nanu vākye dhātvarthaṃ prati ktapratyayārthasya karttuḥ karmaṇo vā viśeṣyatvādvṛttāvapi tathaivociteti prāptodakoḍharathādau udakakartṛkaprāptītyādivarṇanaṃ [tu] na yujyate iti cet. ucyate— ekārthībhāvādibhirvṛttau viśiṣṭārthaviṣayakaṃ śaktyāntarameva svīkriyate, na tvavayavaśaktiriti nānupapattiḥ. vyapekṣāvādibhistvagatyā bhinnaiva vyutpattiḥ svīkāryā. kiñca kartṛviśiṣ?ṭaprāpteḥ padārthatve tasyaiva nāmārthatvādudakasya tadabhedo vācyaḥ, sa ca bādhitaḥ, na hi kartṛviśiṣṭā prāptirudakamiti sambhavati. ataeva ` bahūnāṃ vṛttidharmāṇāṃ vacanaireva sādhane. syānmahandauravami'tyādinā samarthasūtre ekārthībhāvapakṣa evaprabala ityavocāma. prathamārthe tu neti. śeṣapadena vā, anyapadārtha ityanena vā ati prasaṅgavāraṇāt `aprathamāvibhaktyarthe'iti vacanaṃ na kartavyamiti bhāvaḥ. vyadhikaraṇānāmityādi. iha śeṣapadenaiva vāriko'tiprasaṅga iti `samānādhikaraṇānāṃ bahuvrīhi'rityapi na kartavyamiti bhāvaḥ. `yatrānyasamāso noktaḥ sa śeṣaḥ' iti vṛttikārādīnāṃ mate tu `prathamāntānāmeva bahuvrīhiḥ' ityalābhātkartavyamevedaṃ vacanamiti bodhyam. iti. prādibhya iti. prādibhyaḥ paraṃ yaddhātujaṃ tadantasya padāntareṇa bahuvrīhivryākhyeya iti sūtrasiddhāntanuvādaḥ. vā ceti. idaṃ tu vācanikam. pūrvapadāntargatasyottarapadasya dhātujasya lopo vācya ityarthaḥ. etacca prādīnāmeva vṛttau viśiṣṭārthavṛttitāmāśritya sutyajam. cottarapadalopaḥ. naño'styarthānāmiti. nañaḥ pareṣāmastyarthavācināṃ padāntareṇa bahuvrīhivryākhyeyaḥ, astyarthavācināṃ tu lopa ityarthaḥ. astyarthānāṃ kim?. anupanītaputraḥ. nañaḥ kim?. nirvidyamānaputraḥ. nanviha `supā'ityanuvṛttāvapi subityetadanuvartate, tathā cā'stikṣīreti prayogo durlabha ityāśaṅkyaṃ sādhayati— vibhaktipratirūpakamiti.

anekamanyapadārthe 720, 2.2.24 aprathamāvibhaktyartha iti. samāneti. etacca śeṣagrahaṇāllabdham. anekaṃ kiṃ(). bahūnāmapi yathā syāt. etacca mūla eva sphuṭibhaviṣyati. anijvidhau kevalagrahaṇaṃ jñāpakīkṛtyā'nekagrahaṇamiha sutyajamityāhuḥ. anyagrahaṇaṃ kim(). bahuvrīhitatpuruṣayorviṣayavibhāgo yathā vijñāyeta, svapadārthe hi sāvakāśaṃ tatpuruṣaṃ paratvādanyapadārthe bahuvrīhirbādhate. asati tvanyagrahaṇe "kaṇṭhekāla" ityādau vyadhikaraṇapade, bahūnāṃ samudāye ca sāvakāśaṃ bahuvrāhi svapadārtha ivānyapadārthe'pila "nīlotpalaṃ sara " ityādau samānādhikaraṇe tatpuruṣo bādheta. padagrahaṇaṃ kim(). vākyārthe mā bhūt. grāha vatī nadī. iha mā sa?nāsīriti vākyārtho gamyate. arthagrahaṇaṃ kim()., yāvatā padena padāntarasya vṛttyasambhavādeva padārthe bhaviṣyati(). atrāhuḥ-- prakṛtyarthaviśiṣṭapratyayārthābhidhānaṃ yathā syāt. anyathā prādhānyātpratyayārthamātraṃ gṛhreta. iṣṭāpattau tu citragurityetatṣaṣṭharthasambandhamātraparaṃ syāt. tathā ca devadattādibhiḥ sāmānādhikaraṇyaṃ na syāditi. atredamavadheyam---"supā"ityatannānuvartate. tenā'trānekaṃ prathamāntaṃ mithaḥ samasyate ithi paryavasanno'rthaḥ. evaṃ ca dvipadabahuvrīhirabādha eva. ya#e tu "supsupā"ityanuvatrya "anekaṃ subantaṃ supā sahe"ti vyācakṣate, teṣāṃ tu dvipadabahuvrīhirdurlabha eveti.dvitiyādivibhaktyarthakrameṇodāharati----prāptamityādi. grāmakarmakaprāptikartṛ udakaṃ vigrahārthaḥ. udakakartṛkaprāptikarmeti samāsārthaḥ. vigrahavākye sa iti prayoge tu tasyāpyayamevārthaḥ. anaḍutkartṛkodvahanakamībhūtorathaḥ. rathakarmakodvahanakartā tu samāsārthaḥ. rudrasaṃprādanakopaharaṇakarmībhūtaḥ paśuḥ. paśukarmakakopaharaṇasaṃpradānaṃ tu samāsārthaḥ. sthālyadhikoddharaṇakarma odanaḥ. odanakarmakoddhakaraṇāvadhiḥ sthālī samāsārtha ityādi. iha karmādīnāṃ samāsasenābhihitatvātprathamā. nanu vākye dhātvarthaṃ prati ktapratyayārthasya karttuḥ karmaṇo vā viśeṣyatvādvṛttāvapi tathaivociteti prāptodakoḍharathādau udakakartṛkaprāptītyādivarṇanaṃ [tu] na yujyate iti cet. ucyate---ekārthībhāvādibhirvṛttau viśiṣṭārthaviṣayakaṃ śaktyāntarameva svīkriyate, na tvavayavaśaktiriti nānupapattiḥ. vyapekṣāvādibhistvagatyā bhinnaiva vyutpattiḥ svīkāryā. kiñca kartṛviśiṣ()ṭaprāpteḥ padārthatve tasyaiva nāmārthatvādudakasya tadabhedo vācyaḥ, sa ca bādhitaḥ, na hi kartṛviśiṣṭā prāptirudakamiti sambhavati. ataeva " bahūnāṃ vṛttidharmāṇāṃ vacanaireva sādhane. syānmahandauravami"tyādinā samarthasūtre ekārthībhāvapakṣa evaprabala ityavocāma. prathamārthe tu neti. śeṣapadena vā, anyapadārtha ityanena vā ati prasaṅgavāraṇāt "aprathamāvibhaktyarthe"iti vacanaṃ na kartavyamiti bhāvaḥ. vyadhikaraṇānāmityādi. iha śeṣapadenaiva vāriko'tiprasaṅga iti "samānādhikaraṇānāṃ bahuvrīhi"rityapi na kartavyamiti bhāvaḥ. "yatrānyasamāso noktaḥ sa śeṣaḥ" iti vṛttikārādīnāṃ mate tu "prathamāntānāmeva bahuvrīhiḥ" ityalābhātkartavyamevedaṃ vacanamiti bodhyam.prādibhyo dhātujasya vācyo vā cottarapadalopaḥ. prādibhya iti. prādibhya iti. prādibhyaḥ paraṃ yaddhātujaṃ tadantasya padāntareṇa bahuvrīhivryākhyeya iti sūtrasiddhāntanuvādaḥ. vā ceti. idaṃ tu vācanikam. pūrvapadāntargatasyottarapadasya dhātujasya lopo vācya ityarthaḥ. etacca prādīnāmeva vṛttau viśiṣṭārthavṛttitāmāśritya sutyajam.naño'styarthānāṃ vācyo vā cottarapadalopaḥ. naño'styarthānāmiti. nañaḥ pareṣāmastyarthavācināṃ padāntareṇa bahuvrīhivryākhyeyaḥ, astyarthavācināṃ tu lopa ityarthaḥ. astyarthānāṃ kim(). anupanītaputraḥ. nañaḥ kim(). nirvidyamānaputraḥ. nanviha "supā"ityanuvṛttāvapi subityetadanuvartate, tathā cā'stikṣīreti prayogo durlabha ityāśaṅkyaṃ sādhayati---vibhaktipratirūpakamiti.