1/18:evakāraḥ kimarthaḥ |
2/18:niyamārthaḥ |
3/18:na etat asti prayojanam |
4/18:siddhe vidhiḥ ārabhyamāṇaḥ antareṇa api evakāram niyamārthaḥ bhaviṣyati |
5/18:iṣṭataḥ avadhāraṇārthaḥ tarhi bhaviṣyati |
6/18:yathā evam vijñāyeta : amā eva avyayena iti |
7/18:mā evam vijñāyi : amā avyayena eva iti |
8/18:asti ca idānīm anavyayam amśabdaḥ yadarthaḥ vidhiḥ syāt |
9/18:asti iti āha |
10/18:khaśayam brāhmaṇakulam iti |
11/18:na etat asti prayojanam |
12/18:antaraṅgatvāt atra samāsaḥ bhaviṣyati |
13/18:idam tarhi prayojanam |
14/18:amā eva yat tulyavidhānam upapadam tatra eva yathā syāt |
15/18:amā ca anyena ca yat tulyavidhānam upapadam tatra mā bhūt iti |
16/18:agre bhojam agre bhuktvā |
17/18:agrādiṣu aprāptavidheḥ samāsapratiṣedham codayiṣyati |
18/18:saḥ na vaktavyaḥ bhavati |

pūrvana samāse siddhe niyamārthaṃ vacanam. avyayenaupapadasya yaḥ samāsaḥ so 'mā eva bhavati, na anyena. svāduṅkāraṃ bhuṅkte. sampannaṅkāram bhugkte. lavanaṅkāraṃ bhuṅkte. amā eva iti kim? kālasamayavelāsu tumun 3-3-167 kāle bhoktum. evakārakaraṇam upapadaviśeṣanārtham. amā eva yat tulyavidhānam upapadaṃ tasya samāso yathā syāt, amā ca anyena ca yat tulyavihdhānaṃ tasya mā bhūt. agre bhuktvā, agre bhojam.

amāeva avyayena 2.2.20 pūrvana samāse siddhe niyamārthaṃ vacanam. avyayenaupapadasya yaḥ samāsaḥ so 'mā eva bhavati, na anyena. svāduṅkāraṃ bhuṅkte. sampannaṅkāram bhugkte. lavanaṅkāraṃ bhuṅkte. amā eva iti kim? kālasamayavelāsu tumun 3.3.167 kāle bhoktum. evakārakaraṇam upapadaviśeṣanārtham. amā eva yat tulyavidhānam upapadaṃ tasya samāso yathā syāt, amā ca anyena ca yat tulyavihdhānaṃ tasya mā bhūt. agre bhuktvā, agre bhojam.

amaivāvyayena. , 2.2.20 "svāduṅkāraṃ bhuṅkte" iti. "svādubhi" 3.4.26 iti ṇamul. svādumītyatasmādeva māntanirdeśādupapadasya makārāntatvaṃ nipātyate. yadi pūrveṇaiva samāse siddhe niyamārtham vacanam; evañca sati saddhe vidhirārabhyamāṇo'nteraṇāpyevakārakaraṇaṃ niyamārtho bhaviṣyati, tatkimarthamevakārakaraṇamityāha-- "evakārakakaraṇam" ityādi kimarthaṃ punastadupapadaviśeṣaṇārthaṃ kriyata ityata āha-- "amaiva tulyavidhānam" ityādi. yena vākyenāyameva pratyayo vidhīyate na tu pratyayāntaram; tena yadupapadaṃ nirdiśyate tadamaiva tulyavidhānam, tasyaiva samāso yathā syādityevamarthamevakārakaraṇamupapadaviśeṣaṇārthaṃ kriyate. sa ca samāsaḥ pratyāsatteramaiva bhavati, na pratyayāntareṇeti vijñāyate. "agre bhuktvā, agre bhojam" iti. atrāgreśabda upapadam "vibhāṣāgreprathamapūrveṣu" 2.4.24 ityamā ktvāpratyayena ca tulyavidhānamiti na samasyate. avyayagrahaṇaṃ spaṣṭārtham. na hranavyavamamantamasti yannivṛttyarthamavyayagrahaṇamarthavadbhavati॥

amaivā'vyayena. `amaive'tyanantaraṃ tulyavidhānamityadhyāhāryam. tulyārthairatulopamābhyā'miti tṛtīyā. amaiva tulyeti. ampratyayamātravidhāyakaśāstreṇa amaiva saha yasya upapadasaṃjñā vidhīyate tadupapadamavyayena samasyata iti yāvat. pūrvasūtreṇaiva siddhe niyāmārthamidamityāha–tadeveti. vivaraṇavākye dvitīya evakāro niyamalabhyaḥ, na tu sūtrasthaḥ, tasya aprāpte amā tulyavidānatve'vadhāraṇārthatvāt. svāduṅkāramiti. svāduṃkṛtvetyarthaḥ. `odanaṃ bhuṅkte' iti śeṣaḥ. `svādumi ṇamu'liti ṇamul. svāduśabdasya māntatvaṃ nipātanāt. `kṛnmejantaḥ' ityavyayatvam. `tadeve'ti niyamasya prayojanamāha–neheti. `upapadasamāsa' iti śeṣaḥ. bhoktumiti. yadyapi`kālasamayavelāsu' iti saptamīnirdeśātkālasamayavelānāmupapadatvantathāpi kālādīnāmupapadasaṃjñā tumunā tulyavidhānaiva, na tvamā. ataḥ kāladīnāmupapadatve'pi na samāsa ityarthaḥ. amaiveti kimiti. amaivetyekāraḥ kimartha iti praśnaḥ. amā cānyena ceti. ampratyayena ktvāpratyayena ca saha upapadasaṃjñā agreprathamapūrvaśabdānāṃ vihitā, tataśca upapadatvasya amaiva tulyabidhānatvā'bhāvānnopapadasamāsa iti bhāvaḥ.

amaivāvyayena 773, 2.2.20 amaivā'vyayena. "amaive"tyanantaraṃ tulyavidhānamityadhyāhāryam. tulyārthairatulopamābhyā"miti tṛtīyā. amaiva tulyeti. ampratyayamātravidhāyakaśāstreṇa amaiva saha yasya upapadasaṃjñā vidhīyate tadupapadamavyayena samasyata iti yāvat. pūrvasūtreṇaiva siddhe niyāmārthamidamityāha--tadeveti. vivaraṇavākye dvitīya evakāro niyamalabhyaḥ, na tu sūtrasthaḥ, tasya aprāpte amā tulyavidānatve'vadhāraṇārthatvāt. svāduṅkāramiti. svāduṃkṛtvetyarthaḥ. "odanaṃ bhuṅkte" iti śeṣaḥ. "svādumi ṇamu"liti ṇamul. svāduśabdasya māntatvaṃ nipātanāt. "kṛnmejantaḥ" ityavyayatvam. "tadeve"ti niyamasya prayojanamāha--neheti. "upapadasamāsa" iti śeṣaḥ. bhoktumiti. yadyapi"kālasamayavelāsu" iti saptamīnirdeśātkālasamayavelānāmupapadatvantathāpi kālādīnāmupapadasaṃjñā tumunā tulyavidhānaiva, na tvamā. ataḥ kāladīnāmupapadatve'pi na samāsa ityarthaḥ. amaiveti kimiti. amaivetyekāraḥ kimartha iti praśnaḥ. amā cānyena ceti. ampratyayena ktvāpratyayena ca saha upapadasaṃjñā agreprathamapūrvaśabdānāṃ vihitā, tataśca upapadatvasya amaiva tulyabidhānatvā'bhāvānnopapadasamāsa iti bhāvaḥ.

amaivāvyayena. pūrveṇa siddhe niyamārthamidam. tulyavidhanamiti. etaccādhyāhāre labhyam. tadeveti. yasminnupapadeyena vākyena ameva vihitastadevopapadamavyayena samasyate nānyadityarthaḥ. niyamabalalabhyo'yamevakāro na tu sūtrasthaḥ. svāduṅkāramiti. `svādumi ṇamul'. avyayeneti kim?. kumbhakāraḥ. asati hravyayagrahaṇe amaiva yattulyavidhānaṃ tadeva kenacitsamarthena samasyeta. tathā sati `svāduṅkāraḥ'ityatraiva samāsaḥ syānna tu `kumbhakāra'ityatra atha pūrvasūtravaiyathryabhītyā'byayaviṣayakaniyama eva iti cetarhi amntaviṣayaka eva kiṃ na syāt `amantena yaḥ samāsaḥ so'maiva tulyavidhānasye'ti. tathā cāgrebhojamityatra samāso mā bhūt, agre bhuktvā kālo bhoktumityatra tu syādeveti bhāvaḥ. tadeveti kim?. kālo bhoktum samayobhoktum. `amaive'tyevakāreṇā'mā cānyena ca tulyavidhānasyopapadasya samāsanivāraṇe'pi tumunā tulyavidhānasya syādevātastannivaraṇāya tadevetyuktam.

amaivāvyayena 682, 2.2.20 amaivāvyayena. pūrveṇa siddhe niyamārthamidam. tulyavidhanamiti. etaccādhyāhāre labhyam. tadeveti. yasminnupapadeyena vākyena ameva vihitastadevopapadamavyayena samasyate nānyadityarthaḥ. niyamabalalabhyo'yamevakāro na tu sūtrasthaḥ. svāduṅkāramiti. "svādumi ṇamul". avyayeneti kim(). kumbhakāraḥ. asati hravyayagrahaṇe amaiva yattulyavidhānaṃ tadeva kenacitsamarthena samasyeta. tathā sati "svāduṅkāraḥ"ityatraiva samāsaḥ syānna tu "kumbhakāra"ityatra atha pūrvasūtravaiyathryabhītyā'byayaviṣayakaniyama eva iti cetarhi amntaviṣayaka eva kiṃ na syāt "amantena yaḥ samāsaḥ so'maiva tulyavidhānasye"ti. tathā cāgrebhojamityatra samāso mā bhūt, agre bhuktvā kālo bhoktumityatra tu syādeveti bhāvaḥ. tadeveti kim(). kālo bhoktum samayobhoktum. "amaive"tyevakāreṇā'mā cānyena ca tulyavidhānasyopapadasya samāsanivāraṇe'pi tumunā tulyavidhānasya syādevātastannivaraṇāya tadevetyuktam.