1/52:tatkṛtārthena iti kimartham |
2/52:dadhnā paṭuḥ ghṛtena paṭuḥ |
3/52:na etat asti |
4/52:asāmarthyāt atra na bhaviṣyati |
5/52:katham asāmarthyam |
6/52:sāpekṣam asamartham bhavati iti |
7/52:na hi dadhnaḥ paṭunā sāmarthyam |
8/52:kena tarhi |
9/52:bhujinā |
10/52:dadhnā bhuṅkte paṭuḥ iti |
11/52:iha api tarhi na prāpnoti |
12/52:śaṅkulākhaṇḍaḥ kirikāṇaḥ iti |
13/52:atra api na śaṅkulāyāḥ khaṇḍena sāmarthyam |
14/52:kena tarhi |
15/52:karotinā |
16/52:śaṅkulayā kṛtaḥ khaṇḍaḥ iti |
17/52:vacanāt bhaviṣyati |
18/52:iha api vacanāt bhaviṣyati dadhnā paṭuḥ ghṛtena paṭuḥ iti |
19/52:tasmāt tatkṛtārthagrahaṇam kartavyam |
20/52:guṇavacanena iti kimartham |
21/52:gobhiḥ vapāvān dhānyena dhanavān |
22/52:kim punaḥ iha udāharaṇam |
23/52:śaṅkulākhaṇḍaḥ devadattaḥ iti |
24/52:katham punaḥ guṇavacanena samāsaḥ ucyamānaḥ dravyavacanena syāt |
25/52:iha tṛtīyā tatkṛtārthena guṇena iti iyatā siddham |
26/52:saḥ ayam evam siddhe sati yat vacanagrahaṇam karoti tasya etat prayojanam evam yathā vijñāyeta guṇam uktavatā guṇavacanena iti |
27/52:katham punaḥ ayam guṇavacanaḥ san dravyavacanaḥ sampadyate |
28/52:ārabhyate tatra matublopaḥ guṇavacanebhyaḥ matupaḥ luk iti |
29/52:tat yathā śuklaguṇaḥ śuklaḥ kṛṣṇaguṇaḥ kṛṣṇaḥ evam khaṇḍaguṇaḥ khaṇḍaḥ |
30/52:yadi evam na arthaḥ kṛtārthagrahaṇena |
31/52:bhavati hi śaṅkulāyāḥ khaṇḍena sāmarthyam |
32/52:asāmarthyāt ca atra na bhaviṣyati dadhnā paṭuḥ ghṛtena paṭuḥ iti |
33/52:tasmat na arthaḥ tatkṛtārthagrahaṇena |
34/52:tṛtīyāsamāse arthagrahaṇam anarthakam arthagatiḥ hi avacanāt |*
35/52:tṛtīyāsamāse arthagrahaṇam anarthakam |
36/52:kim kāraṇam |
37/52:arthagatiḥ hi avacanāt |
38/52:antareṇa api vacanam arthagatiḥ bhaviṣyati |
39/52:nirdeśyam iti cet tṛtīyārthanirdeśaḥ api |*
40/52:atha evam api nirdeśaḥ kartavyaḥ iti cet tṛtīyārthanirdeśaḥ api kartavyaḥ syāt |
41/52:tṛtīyā tadarthakṛtārthena iti vaktavyam |
42/52:tat tarhi vaktavyam |
43/52:na vaktavyam |
44/52:na ayam arthanirdeśaḥ |
45/52:kim tarhi |
46/52:yogāṅgam idam nirdiśyate |
47/52:sati ca yogāṅge yogavibhāgaḥ kariṣyate |
48/52:tṛtīyā tatkṛtena guṇavacanena samasyate |
49/52:tataḥ arthena |
50/52:arthaśabdena ca tṛtīyā samasyate |
51/52:dhānyāṛthaḥ vasanārthaḥ |
52/52:pūrvasadṛśasamonārtha iti arthagrahaṇam na kartavyam bhavati |

sup supā iti vartate. tasya viśeṣaṇam etat. tṛtīyāntam guṇavacanena arthaśabdena ca saha saṃsyate, tatpuruṣaśca samāso bhavati. kīdṛśena guṇavacanena? tatkṛtena tadarthakṛtena, tṛtīyāntārthakṛtena iti yāvat. śaṅkulayā khaṇḍaḥ śaṅkulākhaṇḍaḥ. kiriṇā kāṇaḥ kirikāṇaḥ. arthaśabdena dhānyena arthaḥ dhānyārthaḥ. tatkṛtena iti im? akṣṇā kāṇaḥ. guṇavacanena iti kim? gobhirvapāvān.

pūrvasadṛśasamauunārthakalahanipuṇamiśraślakṣṇaiḥ 2.1.31 pūrva sadṛśa sama ūnārtha kalaha nipuṇa miśra ślakṣṇa ityetaiḥ saha tṛtīyāntaṃ samasyate, tatpuruṣaśca samaso bhavati. asmādeva vacanāt pūrvādibhir yoge tṛtīyā bhavati, hetau vā draṣṭavyā. pūrva māsena pūrvaḥ māsapūrvaḥ. saṃvatsarapūrvaḥ. sadṛśa mātṛsadṛśaḥ. pitṛsadṛśaḥ. sama mātṛsamaḥ. ūnārtha māśonam. kārṣāpaṇonam. māṣavikalam. kārṣāpanavikalam. kalaha asikalahaḥ. vākkalahaḥ. nipuṇa vāṅnipuṇaḥ. ācāranipuṇaḥ. miśra guḍamiśraḥ. tilamiśraḥ. ślakṣṇa ācāraślakṣṇaḥ. pūrvādiṣvavarasyopasaṅkhyānam. māsenāvaraḥ māsāvaraḥ. saṃvatsarāvaraḥ.

pūrvasadṛśasamonārthakalahanipuṇamiśraślakṣṇaiḥ. , 2.1.30 yuktaḥ samasadṛśaśabdābhyāṃ samāsaḥ, yāvātā tābhyāṃ yoge "tulyārtheratulopamābhyām" 2.3.72 iti tṛtīyāvidhānam, itaraistu pūrvādibhiḥ kathaṃ tṛtīyāsamāsa upapadyate? na hi tadyoge kenacittṛtīyā vihitā ityāha "asmādeva" ityādi. subodham. "pūrvādiṣvavarasyopasaṃkhyānam" iti. pūrvādiṣu samāsakāraṇatvenopātteṣu satsvavaraśabdasyopasaṃkhyānaṃ pratipādanaṃ katrtavyamityarthaḥ. avaraśabdenāpi tṛtīyāsamāsaḥ pratipadyata ityarthaḥ. tatredaṃ pratipādanam-- uttarasūtre bahulagrahaṇaṃ kriyate. tenāvaraśabdenāpi samāso bhavati॥

tṛtīyāntaṃ tṛtīyāntārthakṛtaguṇavacanenārthena ca saha vā prāgvat. śaṅkulayā khaṇḍaḥ. dhānyenārtho dhānyārthaḥ. tatkṛteti kim? akṣṇā kāṇaḥ..

tṛtīyā tatkṛta. tatkṛtetyasyā'vyavahitamapyartheneti parityajya guṇavacanenetyatrānvayaṃ vaktumāha–tatkṛteti luptatṛtīyākamiti. tatra `tṛtīye'tyanena tṛtīyāntaṃ vivakṣitam. `tatkṛte'ti luptatṛtīyākaṃ bhinnaṃ padam. tacchabdena tṛtīyāntaparāmarśinā tadartho lakṣyate. tatkṛtetyetacca guṇadvārā guṇavacane'nveti. tataśca `tṛtīyāntaṃ tṛtīyāntārthakṛto yo guṇastadvācinā samasyate' `arthaśabdena ca tṛtīyāntaṃ samasyeti' iti vākyadvayaṃ saṃpadyata iti bhāṣye sthitat. tadāha– tṛtīyāntamityādinā. `guṇe'tyasya tatkṛtatvasāpekṣatve'pi sautraḥ samāsaḥ. idaṃ sūtraṃ kṛtaśabdārthadvāraka eva sāmarthye pravartate na tu sākṣātparasparānvaye iti bhāṣye spaṣṭam. naca `ghṛtena pāṭava'mityatrātiprasaṅgaḥ śaṅkyaḥ. guṇeneti siddhe vacanagrahaṇādguṇopasarjanadravyavāciśabdo gṛhrata' iti vyākhyānāt. śaṅkulākhaṇḍa iti. `devadatta' iti śeṣaḥ. `śahkulākhaṇḍo devadattaḥ' ityeva bhāṣye udāhmatam. `khaḍi bhedane'bhāve ghañ. khaṇḍanaṃ khaṇḍaḥ. matvarthīyo'rvāadyac. śaṅkulayeti karaṇe tṛtīyā. śaṅkulākṛtakhaṇḍanakriyāvānityarthaḥ. yattvākaḍārāditi sūtrabhāṣye `samāsakṛdantataddhitāntāvyayasarvanāmajātisaṃkhyāsaṃjñāśabdabhinnamarthavacchabdasvarūpaṃ guṇavacanasaṃjñaṃ bhavatī'tyukta, tadetatprakṛte na pravartate. `guṇamuktavatā guṇavacanene'ti bhāṣyeṇa yaugikatvāvagamāt. ato'tra guṇaśabdena dharmamātraṃ vivakṣitam. evañca khaṇḍaśabdasya kriyāvacanatve'pi na kṣatiḥ. tattvabodhinyāṃ tadu `voto guṇavacanā'dityatra `sattve niviśate'paitī'tyādilakṣaṇalakṣito guṇo'tra gṛhrata ityuktam. tadvyākhyāvasare kriyāyā guṇatvaṃ nāstītyapyuktam. iha tu khaṇḍaśabdasya kriyāvācino'pi guṇavacanatvamāsthitam. tattu prakṛtasūtrasthabhāṣyaviruddhatvātpūrvottaraviruddhatvāccopekṣyam. arthaśabdena samāsamudāharati–dhānyeneti. arthaśabdo dhanaparaḥ. hetau tṛtīyā. dhānyahetukaṃ dhanamityarthaḥ. atra dhanasya dhānyahetukatve'pi tatkaraṇakatvā'bhāvadaprāptau pṛthaguktiḥ. `dhānyeneti prakṛtyāditvāttṛtīyā, dhānyā'bhinnaṃ dhanamityartha' iti kecit. nanu `śaṅkulayā khaṇḍa' ityatra `kartṛkaraṇe kṛtā bahula'mityeva siddhe tatkṛteti vyarthamiti pṛcchati-tatkṛteti kimiti. `guṇavacanena cettatkṛtenaive'ti niyamārthaṃ tatkṛtagrahaṇamityabhipretya pratyudāharati–akṣṇā kāṇa iti. nahrakṣṇā kāṇatvaṃ kṛtaṃ, kintu rogādineti bhāvaḥ. guṇavacaneneti kim ?. gobhirvapāvān. gosambandhikṣīrādibhojanena devadattasya vapāvattvamityasti tatkṛtatvam. kintu na guṇavacano'sau.

pūrvasadṛśasamonārthakalahanipuṇāmiśraślakṣṇaiḥ 684, 2.1.30 pūrvasadṛśa. etairiti. pūrva-sadṛśa-sama-ūnārtha-kalaha-nipuṇa-miśra-ślakṣṇa etairityarthaḥ. māsapūrva iti. māsena pūrva iti vigrahaḥ. māsātprāgutpanna ityarthaḥ. yadyapyavadhitvasambandhe "anyārāditararte" iti dikśabdayoge pañcamī prāptā, diśi dṛṣṭaḥ śabdo dikśabda ityabhyupagamāt. tathāpyata-eva jñāpakāttṛtīyā hetau tṛtīyetyante. mātṛsadṛśa iti "mātrā sadṛśa" iti vigrahaḥ. pitṛsama iti. pitrā sama iti vigrahaḥ. "tulyārthairatulopamābhyā"miti tṛtīyā. "tulyārthai"riti ṣaṣṭha()āṃ ṣaṣṭhīsamāsenaiva siddhamidamityahuḥ. ūnārtheti. udāharaṇasūcamidam. mātronamiti. mātrākhyaparimāṇaviśeṣeṇa ūnaṃ parimāṇamityarthaḥ. ataeva jñāpakādavadhitve tṛtīyā, hetau vā. arthagrahaṇaṃ ca ūnenaiva sambadhyate, na pūrvādibhirapi, samasadṛśyoḥ pṛthagupādānāt. arthagrahaṇasya prayojanamāha--māṣavikalamiti. māṣeṇa vikalamiti vigrahaḥ. hīnamityarthaḥ. pūrvavattṛtīyā. vākkalaha iti. vācā kalaha iti vigrahaḥ. ācāranipuṇa iti. ācāreṇa nipuṇa iti vigrahaḥ. ācārahetukanaipuṇyavānityarthaḥ. guḍamiśra iti. guḍena miśra iti vigrahaḥ. ācāraślakṣṇa iti. ācāreṇa ślakṣṇa iti vigrahaḥ. ācārahetukakuśalatvavānityarthaḥ. nanu "guḍasaṃmiśrā" ityatra kathaṃ samāsaḥ(), subantaviśeṣaṇatve'pi samāsapratyayavidhau tadantavidhipratiṣedhāt. tatrāha--miśragrahaṇe sopasargasyāpīti. kuta ityata āha--miśaṃ ceti. "asandhau miśretyuttarapadamupasargahīnaṃ tṛtīyāntātparamantodātta"miti tadarthaḥ. atrā'nupasarga gaṇāditaratra miśragrahaṇe sopasargagrahaṇaṃ vijñāyata ityarthaḥ. māsenāvara iti. māsena pūrva ityarthaḥ. nyūna ityarthe tūnārthakatvavādeva siddham.

tṛtīyā tatkṛta. lupteti. sautratvāditi bhāvaḥ. tacchabdena tṛtīyāntaparāmarśinā tadartho lakṣyate. tadarthakṛtatvaṃ ca guṇavācakasyārthadvārā viśeṣaṇaṃ–tṛtīyāntārthakṛto yo guṇastadvacaneneti. tadetavdyācaṣṭe–tṛtīyāntārthetyādināṣa. arthaśabdena ceti. so'pi svatantraṃ nimittamiti bhāvaḥ. nanvarthena samāsā'saṃbhavāttadvācī śabdo grahīṣyate kimatra vacanagrahaṇena?. atrāhuḥ–guṇamuttavānguṇavacanaḥ. `kṛtyalyuṭo bahula' miti bhūte kartari lyuṭ. guṇamuktvā yo dravyamuktavānsa guṇavacanastena ghṛtena pāṭavamiti guṇamātraniṣṭena śabdena samāso na bhavati. guṇaścātra `sattve niviśate'paiti' ityādilakṣato gṛhrate na tu pravṛttinimittaṃ ghaṭatvādiḥ, ta.]tasya tattvā'saṃbhavāditi. śaṅkulayā khaṇḍa iti. karaṇe'tra tṛtīyā. `khaḍi bhedane' ityasmādbhāve ghañi vyutpāditaḥ khaṇḍaśbadhaḥ kriyārupāpanne guṇe vatitvā paścānmatvarthalakṣaṇayā tadvati dravye vartata iti guṇavacano bhavati. dhānyeneti. karaṇe tṛtīyā. athryate ityarthaḥ–prayojanam. karmaṇi ghañ. arthanamarthaḥ–abhilāṣo vā. bhāve ghañ. arthaśabdasya rūḍhatve tu dhānyeneti hetau tṛtīyā. `kartṛkaraṇe kṛtā—'iti siddhamiti praśnaḥ. itaro `guṇavacanena cettatkṛtenaive'ti niyamārthamidamityāśayena pratyudāharati–akṣṇeti. na hrakṣṇā kāṇatvaṃ kṛtaṃ kiṃtu karmādinaiveti bhāvaḥ. tṛtīyā tviha `yenāṅgavikāraḥ' ityanena. kāṇa iti. `kaṇa nimīlane'ityasmāddhañ. gumavacanatvaṃ kṛktarītmā khaṇḍaśabdasyevāsyāpi bodhyam. guṇavacaneneti kim?. gobhirvapāvān. gosaṃbandhidadhyādibhojanena devadattasya vapāvattvamityasti tatkṛtatvaṃ, na tvasau guṇavacanaḥ.

pūrvasadṛśamonārthakalahamiṣuṇamiśraślakṣṇaiḥ 606, 2.1.30 pūrvasadṛśa. iha samasadṛśābhyāṃ yoge "tulyārthaiḥ"iti tṛtīyā. anyairyoge tvataeva vacanāt, "hetau"iti vā tṛtīyā. iha sadṛśagrahaṇaṃ vyarthaṃ, ṣaṣṭhīsamāsena gatārthatvāt. na ca "tatpuruṣe tulyārthatṛtīyā---" iti pūrvapadaprakṛtisvarārthamidamiti vācyam. "sadṛśapratirūpayoḥ sādṛśye"iti sūtreṇa tatsiddheriti manoramāyāṃ sthitam. vidyayā sadṛśo vidyāsadṛśa ityādau hetutvaprakārakabodhārthaṃ tṛtīyāsamāso'pyāvaśyaka iti tvanye. pūrvasūtreṇaiva tatkṛtatvāttṛtīyāsamāso'pi siddyatītyapare. ūnārtheti. pūrvasūtre'rthaśabdena samāsasyoktatvādihārtagrahaṇamabhidheyaparam. ta.] tacconaśabdonaiva saṃbadhyate, na tu pūrvādibhiḥ, samasadṛśayoḥ pṛthaggrahaṇāditi bhāvaḥ.avarasyopasaṅkyānam. avarasyeti. atra vyācakṣate--ūnārthetyeva siddhatvādidaṃ sutyajameva. na cāvaraśabdasyonārthakatvamaprasiddhamiti vācyam. " saptadaśāvarāḥ satramāsīramiti śrutau "avyaktānukaraṇād ddyajavarārdhātiti sūtre ca tatprasiddheriti.