1/12:atyantasaṃyoge samāsasya aviśeṣavacanāt ktena samāsavacanānarthakyam |*
2/12:atyantasaṃyoge samāsasya aviśeṣavacanāt ktāntena ca aktāntena ca kālāḥ ktāntena iti samāsavacanam anarthakam |
3/12:atyantasaṃyoge iti eva siddham |
4/12:anatyantasaṃyogārtham tu |*
5/12:anatyantasaṃyogārtham tarhi idam vaktavyam |
6/12:ṣaṭ muhūrtāḥ carācarāḥ |
7/12:te kadā cit ahaḥ gacchanti kadā cit rātrim |
8/12:tat ucyate ahargatāḥ rātrigatāḥ iti |
9/12:na etat asti |
10/12:gatagrahaṇāt api etat siddham |
11/12:idam tarhi |
12/12:aharatisṛtāḥ rātryatisṛtāḥ māsapramitaḥ candramāḥ |

kālāḥ iti vartate. ktena iti nivṛttam. atyantasaṃyogaḥ kṛtsnasaṃyogaḥ, kālasya svena sambandhinā vyāptiḥ. kālavācinaḥ śabdā dvitīyāntā atyantasaṃyoge gamyamāne supā saha samasyante vibhāṣā, tatpuruṣaśca samāso bhavati. muhūrtaṃ sukham muhūrtasukham. sarvarātrakalpāṇī. sarvarātraśobhanā.

tṛtīyā tatkṛtārthena guṇavacanena 2.1.30 sup supā iti vartate. tasya viśeṣaṇam etat. tṛtīyāntam guṇavacanena arthaśabdena ca saha saṃsyate, tatpuruṣaśca samāso bhavati. kīdṛśena guṇavacanena? tatkṛtena tadarthakṛtena, tṛtīyāntārthakṛtena iti yāvat. śaṅkulayā khaṇḍaḥ śaṅkulākhaṇḍaḥ. kiriṇā kāṇaḥ kirikāṇaḥ. arthaśabdena dhānyena arthaḥ dhānyārthaḥ. tatkṛtena iti im? akṣṇā kāṇaḥ. guṇavacanena iti kim? gobhirvapāvān.

tṛtīyā tatkṛtārthena guṇavacanena. , 2.1.29 "tatkṛta" iti. etadarthaśabdenāsamastameva, avibhaktiñca. tṛtīyāvibhakteḥ "supāṃ suluk" 7.1.39 iti luptatvāt. etacca guṇavacanenetyasya samānādhikaraṇaṃ viśeṣaṇam. ata eva kīdṛśeneti pṛṣṭaḥ sannāha-- "tatkṛtena" iti. taditi sarvanāmnā prakṛtasya tṛtīyāntasya pratyavamarśa iti tṛtīyāntakṛteneti darśayati. tṛtīyāntena guṇavacanasya karaṇatvaṃ na sambhavatītyataḥ sāmathryāt tadarthakṛteneti vijñāyata ityata āha-- "tṛtīyāntārthakṛteneti yāvat" iti. arthadvāreṇa cedaṃ guṇavacanasya viśeṣaṇaṃ veditavyam- tṛtīyāntārthakṛto guṇavacanārtha iti. so'pi tathocyate. etaduktaṃ bhavati-- tṛtīyāntārthakṛtena guṇavacanārtheneti. artha eva hi tṛtīyāntārthena kriyate, na ca guṇavacanaśabdaḥ. guṇamuktavān = guṇavacanaḥ. " kṛtyalyuṭo bahulam" 3.3.13 iti katrtari lyuṭ. atha vā-- karaṇe, guṇa ukto'neneti guṇavacanaḥ. yaśca pūrva guṇe vartitvā paścāt tadvati dravye vatrtate sa guṇavacanaḥ. guṇenetyucyamāne ghṛtena pāṭavamityādau prasaṅgaḥ, atastannivṛttyarthaṃ vacanagrahaṇam. ta()smaśca sati guṇe vartitvā tadvati dravye yo vatrtate tenaiva samāso bhavati, na tu guṇa eva yo vatrtate tena saha. na ca pāṭavādayaḥ śabdāḥ pūrvaṃ guṇe vartitvā paścāt tadvati dravye vatrtante, api tu guṇa eva. vacanagrahaṇāt taiḥ saha samāso na bhavati. "śaṅkulākhaṇḍaḥ, girikāṇaḥ" iti. khaṇḍakāṇaśabdāvatra khaṇḍanena nimīlane ca kriyārūpāpanne guṇe vartitvā paścānmatublopādabhedopacārādvā tadvati dravye vartate iti guṇavacanau bhavataḥ. "dhānyārthaḥ" iti. bhavutyayamarthaśabdastatkṛtaḥ, tathā hi sa gobhirvapāvān kṛtaḥ. na tu vapāvānityayaṃ śabdo guṇamuktavāmiti na guṇavacanaḥ, tatastena saha samāso na bhavati॥

tṛtīyā tatkṛtārthena guṇavacanena 928, 2.1.29 tṛtīyāntaṃ tṛtīyāntārthakṛtaguṇavacanenārthena ca saha vā prāgvat. śaṅkulayā khaṇḍaḥ. dhānyenārtho dhānyārthaḥ. tatkṛteti kim? akṣṇā kāṇaḥ॥

atyantasaṃyoge ca. kālā ityeveti. tenātyantasaṃyoge kālavācino dvitīyāntāḥ subantena saha vā samasyanta iti labhyata ityarthaḥ. nanu `kālāḥ' iti pūrvasūtreṇaiva siddhe kimarthamidamityāaha–aktāntārthamiti. atra kteneti nivṛttamiti bhāvaḥ. muhūrtaṃ sukhamiti. atyanta saṃyoge dvitīyā. muhūrtavyāpi sukhamityarthaḥ.

tṛtīyā tatkṛtārthena guṇavacanena 683, 2.1.29 tṛtīyā tatkṛta. tatkṛtetyasyā'vyavahitamapyartheneti parityajya guṇavacanenetyatrānvayaṃ vaktumāha--tatkṛteti luptatṛtīyākamiti. tatra "tṛtīye"tyanena tṛtīyāntaṃ vivakṣitam. "tatkṛte"ti luptatṛtīyākaṃ bhinnaṃ padam. tacchabdena tṛtīyāntaparāmarśinā tadartho lakṣyate. tatkṛtetyetacca guṇadvārā guṇavacane'nveti. tataśca "tṛtīyāntaṃ tṛtīyāntārthakṛto yo guṇastadvācinā samasyate" "arthaśabdena ca tṛtīyāntaṃ samasyeti" iti vākyadvayaṃ saṃpadyata iti bhāṣye sthitat. tadāha--tṛtīyāntamityādinā. "guṇe"tyasya tatkṛtatvasāpekṣatve'pi sautraḥ samāsaḥ. idaṃ sūtraṃ kṛtaśabdārthadvāraka eva sāmarthye pravartate na tu sākṣātparasparānvaye iti bhāṣye spaṣṭam. naca "ghṛtena pāṭava"mityatrātiprasaṅgaḥ śaṅkyaḥ. guṇeneti siddhe vacanagrahaṇādguṇopasarjanadravyavāciśabdo gṛhrata" iti vyākhyānāt. śaṅkulākhaṇḍa iti. "devadatta" iti śeṣaḥ. "śahkulākhaṇḍo devadattaḥ" ityeva bhāṣye udāhmatam. "khaḍi bhedane"bhāve ghañ. khaṇḍanaṃ khaṇḍaḥ. matvarthīyo'rvāadyac. śaṅkulayeti karaṇe tṛtīyā. śaṅkulākṛtakhaṇḍanakriyāvānityarthaḥ. yattvākaḍārāditi sūtrabhāṣye "samāsakṛdantataddhitāntāvyayasarvanāmajātisaṃkhyāsaṃjñāśabdabhinnamarthavacchabdasvarūpaṃ guṇavacanasaṃjñaṃ bhavatī"tyukta, tadetatprakṛte na pravartate. "guṇamuktavatā guṇavacanene"ti bhāṣyeṇa yaugikatvāvagamāt. ato'tra guṇaśabdena dharmamātraṃ vivakṣitam. evañca khaṇḍaśabdasya kriyāvacanatve'pi na kṣatiḥ. tattvabodhinyāṃ tadu "voto guṇavacanā"dityatra "sattve niviśate'paitī"tyādilakṣaṇalakṣito guṇo'tra gṛhrata ityuktam. tadvyākhyāvasare kriyāyā guṇatvaṃ nāstītyapyuktam. iha tu khaṇḍaśabdasya kriyāvācino'pi guṇavacanatvamāsthitam. tattu prakṛtasūtrasthabhāṣyaviruddhatvātpūrvottaraviruddhatvāccopekṣyam. arthaśabdena samāsamudāharati--dhānyeneti. arthaśabdo dhanaparaḥ. hetau tṛtīyā. dhānyahetukaṃ dhanamityarthaḥ. atra dhanasya dhānyahetukatve'pi tatkaraṇakatvā'bhāvadaprāptau pṛthaguktiḥ. "dhānyeneti prakṛtyāditvāttṛtīyā, dhānyā'bhinnaṃ dhanamityartha" iti kecit. nanu "śaṅkulayā khaṇḍa" ityatra "kartṛkaraṇe kṛtā bahula"mityeva siddhe tatkṛteti vyarthamiti pṛcchati-tatkṛteti kimiti. "guṇavacanena cettatkṛtenaive"ti niyamārthaṃ tatkṛtagrahaṇamityabhipretya pratyudāharati--akṣṇā kāṇa iti. nahrakṣṇā kāṇatvaṃ kṛtaṃ, kintu rogādineti bhāvaḥ. guṇavacaneneti kim?. gobhirvapāvān. gosambandhikṣīrādibhojanena devadattasya vapāvattvamityasti tatkṛtatvam. kintu na guṇavacano'sau.

tṛtīyā tatkṛtārthena guṇavacanena 605, 2.1.29 tṛtīyā tatkṛta. lupteti. sautratvāditi bhāvaḥ. tacchabdena tṛtīyāntaparāmarśinā tadartho lakṣyate. tadarthakṛtatvaṃ ca guṇavācakasyārthadvārā viśeṣaṇaṃ--tṛtīyāntārthakṛto yo guṇastadvacaneneti. tadetavdyācaṣṭe--tṛtīyāntārthetyādināṣa. arthaśabdena ceti. so'pi svatantraṃ nimittamiti bhāvaḥ. nanvarthena samāsā'saṃbhavāttadvācī śabdo grahīṣyate kimatra vacanagrahaṇena(). atrāhuḥ--guṇamuttavānguṇavacanaḥ. "kṛtyalyuṭo bahula" miti bhūte kartari lyuṭ. guṇamuktvā yo dravyamuktavānsa guṇavacanastena ghṛtena pāṭavamiti guṇamātraniṣṭena śabdena samāso na bhavati. guṇaścātra "sattve niviśate'paiti" ityādilakṣato gṛhrate na tu pravṛttinimittaṃ ghaṭatvādiḥ, ta.]tasya tattvā'saṃbhavāditi. śaṅkulayā khaṇḍa iti. karaṇe'tra tṛtīyā. "khaḍi bhedane" ityasmādbhāve ghañi vyutpāditaḥ khaṇḍaśbadhaḥ kriyārupāpanne guṇe vatitvā paścānmatvarthalakṣaṇayā tadvati dravye vartata iti guṇavacano bhavati. dhānyeneti. karaṇe tṛtīyā. athryate ityarthaḥ--prayojanam. karmaṇi ghañ. arthanamarthaḥ--abhilāṣo vā. bhāve ghañ. arthaśabdasya rūḍhatve tu dhānyeneti hetau tṛtīyā. "kartṛkaraṇe kṛtā---"iti siddhamiti praśnaḥ. itaro "guṇavacanena cettatkṛtenaive"ti niyamārthamidamityāśayena pratyudāharati--akṣṇeti. na hrakṣṇā kāṇatvaṃ kṛtaṃ kiṃtu karmādinaiveti bhāvaḥ. tṛtīyā tviha "yenāṅgavikāraḥ" ityanena. kāṇa iti. "kaṇa nimīlane"ityasmāddhañ. gumavacanatvaṃ kṛktarītmā khaṇḍaśabdasyevāsyāpi bodhyam. guṇavacaneneti kim(). gobhirvapāvān. gosaṃbandhidadhyādibhojanena devadattasya vapāvattvamityasti tatkṛtatvaṃ, na tvasau guṇavacanaḥ.