1/27:nadībhiḥ saṅkhyāsamāse anyapadārthe pratiṣedhaḥ |*
2/27:nadībhiḥ saṅkhyāsamāse anyapadārthe pratiṣedhaḥ vaktavyaḥ |
3/27:dvīrāvatīkaḥ deśaḥ trīrāvatīkaḥ deśaḥ |
4/27:nadībhiḥ saṅkhyā iti prāpnoti |
5/27:na vaktavyaḥ |
6/27:iha kaḥ cit samāsaḥ pūrvapadārthapradhānaḥ , kaḥ cit uttarapadārthapradhānaḥ , kaḥ cit anyapadārthapradhānaḥ , kaḥ cit ubhayapadārthapradhānaḥ |
7/27:pūrvapadārthapradhānaḥ avyayībhāvaḥ , uttarapadārthapradhānaḥ tatpuruṣaḥ , anyapadārthapradhānaḥ bahuvrīhiḥ , ubhayapadārthapradhānaḥ dvandvaḥ| na ca atra pūrvapadārthaprādhānyam gamyate |
8/27:nanu ca yat yena ucyate saḥ tasya arthaḥ bhavati |
9/27:atra ca vayam etābhyām padābhyām etam artham ucyamānam paśyāmaḥ |
10/27:etat eva ca jānīmaḥ yat yena ucyate saḥ tasya arthaḥ iti |
11/27:api ca anyapadārthatā na prakalpeta |
12/27:citraguḥ śabalaguḥ iti |
13/27:kim kāraṇam |
14/27:atra api hi vayam etābhyām śabdābhyām etam artham ucyamānam paśyāmaḥ |
15/27:yadi api atra etābhyām śabdābhyām eṣaḥ arthaḥ ucyate anyapadārthaḥ api tu gamyate |
16/27:tatra anyapadārthāśrayaḥ bahuvrīhiḥ bhaviṣyati |
17/27:iha api tarhi anyapadārthaḥ gamyate svapadārthaḥ api tu gamyate |
18/27:tatra svapadārthāśrayaḥ avyayībhāvaḥ prāpnoti |
19/27:evam tarhi idam iha sampradhāryam |
20/27:avyayībhāvaḥ kriyatām bahuvrīhiḥ iti |
21/27:bahuvrīhiḥ bhaviṣyati vipratiṣedhena |
22/27:bhavet ekasañjñādhikāre siddham paraṅkāryatve tu na sidhyati |
23/27:ārambhasāmarthyāt avyayībhāvaḥ prāpnoti paraṅkāryatvāt ca bahuvrīhiḥ |
24/27:paraṅkāryatve ca na doṣaḥ |
25/27:nadībhiḥ saṅkhyāyāḥ samāhāre avyayībhāvaḥ vaktavyaḥ |
26/27:saḥ ca avaśyam vaktavyaḥ |
27/27:sarvam ekanadītare |

saṅkhyā ityanuvartate. nadīvacanaiḥ śabdaiḥ saha saṅkhyā samasyate, avyayībhāvaśca samāso bhavati. samāhāre ca ayam iṣyate. saptagaṅgam. dviyamunam. pañcanadam. saptagodāvaram.

anyapadarthe ca saṃjñāyām 2.1.21 saṅkhyā iti nivṛttam. nadīgrahanam anuvartate. nadībhiḥ saha subantam anyapadārthe vartamānaṃ saṃjñāyāṃ viṣye samasyate, avyayībhāvaśca samāso bhavati. vibhāṣā 'dhikāre 'pi nityasamāsa eva ayam. na hi vākyena saṃjñā gamyate. unmattagaṅgam nāma deśaḥ. lohitagaṅgam. śanairgaṅgam. kṛṣṇagaṅgam. anyapadārthe iti kim? kṛṣṇaveṇṇā. saṃjñāyām iti kim? śīghragaṅgo deśaḥ.

anyapadārthe ca saṃjñāyām. , 2.1.20 "kṛṣṇaveṇṇā" iti. kṛṣṇā cāsau veṇṇā ceti viśeṣaṇasamāsaḥ. "śīghragaṅgaḥ" iti. bahuvrīhiḥ.

nadībhiśca. prāgvaditi. nadībhiḥ saṃkhyā samasyate so'vyayībhāva ityarthaḥ. samāhāre ceti–vārttikam. cakāra evārthe. bhāṣye cakāravihīnasyaiva pāṭhāt. saptagaṅgamiti. saptānāṃ gaṅgānāṃ samāhāra iti vigrahe `taddhitārthottarapadasamāhāre ce'ti dvigusamāsaṃ bādhitvā'vyayībhāvasamāsaḥ. dviyamunamiti. dvayoryamunayo samāhāra iti vigrahaḥ. atra nadīśabdena nadīśabdaviśeṣasya, nadīvācakānāṃ ca grahaṇamiti saṃkhyāsaṃjñāsūtre bhāṣye spaṣṭam. tena pañcanadaṃ saptagodāvaramityādi sidhyati.

nadībhiśca. svarūpasya saṃjñāyāśca neha grahaṇaṃ, bahuvacananirdeśāt, kiṃ tvarthasya. naca tasya samāsaḥ saṃbhavati, atastadvācināmayaṃ samāsaḥ, te ca na kevalaṃ viśeṣaśabdā eva kiṃtu sāmānyaśabdo'pi. tena pañcanadaṃ saptagodāvaramiti siddham. `godāvaryāśca nadyāśce'ti vakṣyamāṇena samāsānto'c. cakāreṇa saṅkhyetyanukṛṣyata ityāha—saṃkhyeti. syādetat–purastādapavādanyāyena `pūrvakālaike'tyasyaivedaṃ bādhakaṃ syāt, tataścaivanadītyatrāvyayobhāve tannibandhanasya `nadīpaurṇamāsye'ti ṭacaḥ prasaṅgaḥ, samāhāre tu paratvāddvigureva syādityata āha–. cāyamiṣyate. samāhāre cāyamiti. evakārārthaścākāraḥ. evaṃ ca dvigorapavādo'mavyayībhāva iti phalitam.