1/6:adhirīśvaravacane uktam |*
2/6:kim uktam |
3/6:yasya ca īśvaravacanam iti kartṛnirdeśaḥ cet avacanāt siddham |
4/6:prathamānupapattiḥ tu |
5/6:svavacanāt siddham iti |
6/6:adhiḥ svam prati karmapravacanīyasañjñaḥ bhavati iti vaktavyam |

īśvaraḥ svāmī, sa ca svam apekṣate. tadayam svasvāmisambandhe adhiḥ karmapravacanīyasaṃjño bhavati. tatra kadācit svāminaḥ karmapravacanīyavibhaktiḥ saptamī bhavati, kadācit svāt. adhi brahmadatte pañcālāḥ. adhi pañcāleṣu brahmadattaḥ.

vibhāṣā kṛñi 1.4.98 adhiḥ karotau vibhāṣā karmapravacanīyasaṃjño bhavati. yadatra māmadhi kariṣyati. karmapravacanīyasaṃjñāpakṣe gatisaṃjñābādhanāt tiṅi ca udāttavati 8.1.71 iti nighāto na bhavati.

vibhāṣā kṛñi. , 1.4.97 adhirī()āra iti vatrtate. tena prāpte vibhāṣeyam. adhipūrvaḥ karotirviniyoge vartate. viniyuktasyaiva()āryaṃ sampadyate. "yadatra māmadhikariṣyati" iti. māmiti karmaṇi dvitīyā. adhikariṣyatīti; atra "nipātairyadyadi" 8.1.30 ityādinā nighāte pratiṣiddhe'sya prakṛtisvareṇādyudāttatvaṃ bhavati॥

adheḥ karmapravacanīyakāryaṃ vakṣyankarmapravacanīyasaṃjñāmāha–adhirī\ufffdāre. ī\ufffdāraśabdena i\ufffdāratvaṃ svasvāmibhāvasaṃbandhātmakaṃ vivakṣitam. `karmapravacanīyāḥ' ityadhikṛtamekavacanāntatayā vipariṇamyate. tadāha–svasvāmīti.

vibhāṣā kṛñi 590, 1.4.97 vibhāṣā kṛñi. "adhirī()āre" ityanuvartate. "karmapravacanīyā" ityadhikṛtam. tadāha--adhiḥ karotāviti. kṛñdhātau pare adhiḥ karmapravacanīyo vā syādī()āratve iti yāvat. yadatramāmadhikariṣyatīti. atra=asminviṣaye māmadhikarivyatīti yatnayuktamityarthaḥ. atra karmapravacanīyayoge māmiti dvitīyā. adhikariṣyatītyetadvyācaṣṭe--viniyokṣyata ityartha iti. tarhi karmatvādeva dvitīyāsiddheḥ kiṃ karmapravacanīyatvenetyata āha--agatitvāditi. tiṅi ceti. udāttavati tiṅi pare gatirnihanyata iti tadarthaḥ. atra karipyatīti tiṅantamudāttavat, tiṅṅatiṅaḥ" iti nighātasya "nipottairyat" ityādinā niṣedhāt. tataśca adheratra gatitvānnighāta iha prāptaḥ. karmapravacanīyatve tu sa na bhavati, tena gatitvasya bādhāt. ato'dhernighātā'bhāvārthamidaṃ sūtramiti siddham. iti śrīmadvāsudevadīkṣitaviduṣā viracitāyāṃ siddhāntakaumudīvyākhyāyāṃ bālamanoramākhyāyāṃ vibhaktyarthanirūpaṇam. ************************atha tiṅante kartṛkarmaprakriyā.atha karmakartṛprakriyāṃ nirūpayiṣyankarmaṇaḥ kartṛtvaṃ sādhayitumāha-- yadeti. "phalavyāpārayordhātu"riti siddhāntaḥ. pacirhi viklityanukūlavyāpāre vartate. tatra viklittiḥ phalam. tadāśraya odanaṃ karma.tadanukūlo vyāpāraḥ-- adhiśrayaṇādiḥ puruṣaprayatnarūpo vyāpāraḥ. tatrādhiśrayaṇaṃ cullyā upari taṇḍulayuktasthālyāḥ sthāpanam. sthāpanaṃ sthityanukūlavyāpāraḥ. tatra sthitiḥ sthālītaṇḍulaniṣṭhā. tadanukūlaḥ puruṣaceṣṭāviśeṣaḥ. dhātu#ūpāttavyāpārāśrayaḥ puruṣaḥ kartā, svatantratvāt. svātantryaṃ pradhānyamiti bhāṣyam. karmakaraṇādikaṃ tu puruṣaprayatnaparatantratvānna kartṛtvaṃ labhate iti sthitiḥ. tatra yadā saukaryatiśayavivakṣayā karttuḥ puruṣasya vyāpāraḥ prayatno na vivakṣyate, kiṃtu karmādigata eva vyāpāro viklityādiphalānukūlatvena vivakṣyate tadā karmādikārakāṇyapi kartṛsaṃjñā labhante ityarthaḥ. nanu karmādigatavyāpārasya puruṣaprayatnādhīnatvādasvatantratvātkathaṃ karmaṇaḥ kartṛtvamityata āha-- svavyāpāre svatantratvāditi. svātantryeṇa vivakṣitatvādityarthaḥ. taduktaṃ "karmavatkarmaṇe"tyatra bhāṣye -- "karmakartari kartṛtvaṃ svātantryasya vivakṣa#ittavāt" iti. atra karmagrahaṇaṃ karaṇādikārakasyāpyupalakṣaṇam. teneti. asinā chinattītyādiprayogadaśāyāmasikuṭhārādīnāṃ karaṇatvādisattve'pi, "asiśchinattī" ityādiprayogadaśāyāṃ kartṛtvena vivakṣitatvātkartari lakāra ityarthaḥ. sādhvasiśchinattīti. atra karaṇasya kartṛtvavivakṣā. "sādhu" iti kriyāviśeṣaṃ saukaryātiśayadyotanāya. atitaikṣṇyāt puruṣaprayatnaviśeṣamāghātātiśayaṃ vinā svayameva asiśchinattītyarthaḥ. kāṣṭhāni pacantīti. atrāpi karaṇānāṃ kartṛtvavivakṣā. sthālī pacatīti. atrā'dhikaraṇasya kartṛtvavivakṣā. kāṣṭhānāmatiśuṣkatvāddhamanaphūtkārānapekṣayā sthālyā atilaghutvādavilambyaśrapaṇatayā saukaryaṃ bodhyam. karmaṇastviti. ye chidibhidiprabhṛtaya ekakarmakāstatra karmaṇaḥ kartṛtvavivakṣāyāṃ vṛkṣaśchinattī"tyādau prāk sakarmakatve'pi saṃprati sarmaṇaḥ kartṛtvavivakṣāyāmakarmakā ete ityarthaḥ. ye tu dvikarmakāstatra ekasya karmaṇaḥ kartṛtvavivakṣāyāmapi itareṇa karmaṇā sakarmakatvasattvātprāyeṇetyuktiḥ. tataśca teṣu dvikarmakeṣu karmaṇi kartari ca lakāraḥ. tatra karmaṇi lakāre yathā-- "sudhāṃ kṣīrasāgaro mathyate". kartari yathathā-- "sudhāṃ kṣīrasāgaro mathna#āti". atha yaduktam-- ekakarmakeṣu karmaṇaḥ kartṛtvavivakṣāyāmakarmakatvamiti, tasya prayojanāha-- tebhyo bhāve kartari ca lakārā iti. natu karmaṇi, asaṃbhavāt. ata eva "akarmakebhyo bhāve kartari la" ityuktamiti bhāvaḥ. tatra ekakarmakebhyaḥ karmaṇaḥ kartatvavivakṣāyāṃ bhāve lakāramudāharati-- pacyate odaneneti. odanakartṛkaḥ pāka ityarthaḥ. evaṃ bhidyate kāṣṭhenetyapi. yadyapi pacerdvikarmakatvaṃ tathāpi taṇḍulānāmavivakṣāyāmekakarmakatvaṃ pacerāśritam. kartari tviti. ekakarmakeṣu karmaṇaḥ kartṛtvavivakṣāyāṃ kartari lakāre viśeṣo vakṣyate ityarthaḥ.

vibhāṣā kṛñi 485, 1.4.97 yadatreti. yo māmadhi kariṣyati=viniyokṣyate tasya madviniyokturīśraratvaṃ gamyate ithyarthaḥ. tiṅi codātteti. udāttaviti tiṅi pare gatirmihanyata iti sūtrārthaḥ. atra kariṣyatīti tiṅanta udāttavān, "tiṅṅatiṅaḥ" ithi nighātasya "nipātairyadyadi" ityādinā niṣedhāt. nighāto neti. māmiti dvitīyā tu "karmaṇi dvitīyā" ityanenaiva sidhyatīti bhāvaḥ. iti saptamī. iti vibhaktyarthāḥ.* iti jñānendra bhikṣuviracitāyāṃ tattvabodhinyāṃ kārakaprakaraṇam *atha tiṅante karmakartṛprakriyā.karmaṇastviti. saukaryātiśayaṃ dyotayitumityanuṣahgaḥ. prāyeṇeti. ye bhidicchidiprabhṛtaya ekakarmakānte akarmakā ye tu dvikarmakāste sakarmakā iti bhāvaḥ. akarmakatvasya phalamāha-- bhāve kartari ceti. "bhāve cā'karmakebhya" ityuktatvāditi bhāvaḥ. dvikarmakeṣu karmaṇaḥ kartṛtvavivakṣāyāmudāharaṇam-- "mathnāti sāgaro'mṛtaṃ" "svayaṃ pradugdhe'sya guṇairuparuāutā vasūpamānasya vasūni medinī"ti. "pradugdhe" ityatra "karmavatkarmaṇe" ti prāptasya "sakarmakāṇā"miti niṣedhe duhipacyoriti pratiprasūtasya yako "na duhasnunamā"miti niṣedhaḥ. uktaprayogānurodhāddvakarmakeṣu gauṇasyaiva karmaṇaḥ kartṛtvavivakṣā na mukhyasyetyāhuḥ. taccintyam. "ajāṃ grāmaṃ nayatī"tyatra mukhyakarma ṇaḥ kartṛtvavivakṣādarśanāt. atredamavadhyam--adikaraṇatvā'vivakṣāyāṃ vrajo gauṇakarmeti "ruṇiddhi vrajo gāṃ svayameve"ti bhavati. yadā tu vrajasya na karmatvaṃ tadā mukhyakarmaṇo'pi kartṛtvavivakṣā bhavati. rudhyate vraje gauḥ svayameveti. tathā gorapādānatvavivakṣāyāṃ gaurduhrate payaḥ svayamevetyādi.