apaparī śabdau varjane dyotye karmapravacanīyasaṃjñau bhavataḥ. prakṛtena sambandhinā kasyacidanabhisambandhaḥ varjanam. apa trigartebhyo vṛṣṭo devaḥ. pari pari trigartebhyo vṛṣṭo devaḥ. varjane iti kim? odanaṃ pariṣiñcati.

āṅ maryādāvacane 1.4.89 āṅityeṣā śabdo maryādāvacane karmapravacanīyasaṃjño bhavati. avadhirmaryādā. vacanagrahaṇādabhividhirapi gṛhyate. ā pāṭaliputrād vṛṣṭo devaḥ. ā kumāraṃ yaśaḥ pāṇineḥ. ā sāṃkāśyāt. ā mathurāyāḥ. maryādāvacane iti kim? īṣadarthe kriyāyoge ca mā bhūt.

āṅ maryādāvacane , 1.4.88 yatrāṅo maryādāyāmabhividhau ca kāryamicchati tatrobhayorapi grahaṇaṃ karoti, yathā-- "āṅa maryādābhividhyoḥ" 2.1.12 ityādi. iha tu maryādāgrahameva kṛtam, nābhividhigrahaṇam, ato'bhividhāvanayā saṃjñayā na bhavitavyamiti kasyacidbhrāntiḥ syāt, atastāṃ nirākarttumāha-- "vacanagrahaṇāt" ityādi. vacanagrahaṇe hi sati bahuvrīhirlabhyate. "maryādā" ityetadvacanaṃ yatra sūtre tanmaryādāvacanam. tatrāyamartho bhavati-- yatra maryādāgrahaṇamasta sūtre, tatra ya āṅa sa karmapravacanīyasaṃjño bhavati. tatpunaḥ sūtram-- "āha maryādābhividhyoḥ" 2.1.12 ityetat-- tatra cāṅa maryādābhividhyorvatrtamāna upātta ityubhayatrāpi bhavati. kaḥ punarvarjanasya maryādāśca viśeṣaḥ, yena pūrvasūtre varjanamabhidhāyeha maryādāgrahaṇaṃ karoti? ayamasti viśeṣaḥ-- varjane hi tatparityāgenānyatra sāmānyena varṣaṇādinā sambandho gamyate, yathā-- ā trigatrtebhyo vṛṣṭo deva iti, atra hi yasyāṃ diśi vyavasthito vaktedaṃ vākyaṃ prayuṅkte tasyāṃ diśi yo deśo yastathānyāsu dikṣu tatra sarvatraiva trigartān? varjayitvā vṛṣṭa iti gamyate. maryādāyāṃ tvidaṃ vākyaṃ prayuṅakte-- ā pāṭaliputrād()vṛṣṭo deva iti, tatsambandhinyāmeva diśi yo vyavasthito deśastasya deśasya varṣaṇena sambandharaḥ pratīyata ityeṣa viśeṣaḥ. "īṣadarthe kriyāyoge mā bhūt" iti. īṣadartha ākaḍāra iti. kriyāyoge samāharatīti. pūrvatra saṃjñāyā abhāvātpañcamī na bhavati. itaratra "gatirgatau" 8.1.70 iti nighāto bhavati. yastu vākyasmaraṇayorākāro vatrtate, tasyāṅittvādiha ṅakāroccāraṇādeva saṃjñāyā aprasaktiḥ॥

apaparī varjane. karmapravacanīyau sta iti. `karmapravacanīyāḥ' ityadhikṛtasya dvivacanena vipariṇāma iti bhāvaḥ. varjane kim ?. pariṣiñcati. sarvataḥ siñcatītyarthaḥ. atropasargatvāt `upasargātsunotī'ti ṣatvam.

āṅmaryādāvacane 589, 1.4.88 āṅmaryādāvacane. uktasaṃjña iti. karmapravacanīyasaṃjñaka ityarthaḥ. nanu "āṅmaryādāyāmi"tyeva siddhe vacanagrahaṇaṃ vyarthamityata āha--vacanagrahaṇāditi. tena vineti maryādā. tena sahetyabhividhiḥ. maryādāśabdo yatrocyate tanmaryādāvacanam=āṅmaryādābhividhyoḥ" iti sūtram. tatra ya āṅ dṛṣṭaḥ sa karmapravacanīyasaṃjñakaḥ syādityarthaḥ. tathāca maryādibhividhyorāṅ karmapravacanīya iti phalatīti bhāvaḥ.

apaparī. varjane kim?. pariṣiñcati. sarvata ityarthaḥ. atropasargatvātṣatvam. vacanagrahaṇāditi. vinā teneti maryāda, saha tenetyabhividhirityatra ya upātto viśeṣo viśeṣaṇāṃśarūpaḥ so'tra na gṛhrate, vacanagrahaṇasāmathryāt, kiṃta avadhimātraṃ vivakṣyate ityarthadvayasaṅgrahaḥ. yadvā maryādāśabdo yasminnucyate tanmaryādā vacanaṃ, taddhi `āṅbhāryādābhividhyoḥ' iti sūtraṃ, tatra ya āṅ dṛṣṭaḥ sa uktasaṃjña ityarthaḥ.