antardhiḥ vyavadhānam. tatra tiraḥśabdo gatisaṃjño bhavati. tirobhūya. tirobhūtam. yat tirobhavati. antardhau iti kim? tiro bhūtvā sthitaḥ. pārśvato bhūtvā ityarthaḥ.

vibhāṣā kṛñi 1.4.72 antardhau iti vartate. prāptavibhāṣeyam. tiraḥśabdaḥ karotau parato vibhāṣā gatisaṃjño bhavati. taraḥ kṛtya, tiraskṛtya. tiraskṛtam. yat tiraskaroti. tiraḥ kṛtvā, tiraskṛtvā. antardhau ityeva, tiraḥkṛtvā kāṣṭhaṃ tiṣṭhati.

vibhāṣā kṛñi , 1.4.71 "tiraskṛtya"iti. "tariso'nayatarasyām" 8.3.42 iti visarjanīyasya sattvam.

tiro'ntardhau. antardhi=vyavadhānam, tatra tirasityavyayaṃ gatisaṃjñakaṃ syādityarthaḥ. tirobhūyeti. gatisamāse ktvo lyap. vyavahito bhūtvetyarthaḥ.

vibhāṣā kṛñi 763, 1.4.71 vibhāṣā kṛñi. kṛñi prayujyamāne tirasityavyayaṃ gatisaṃjñaṃ vā syādityarthaḥ. tiraskṛtya tiraḥ kṛtyeti. gatisaṃjñāpakṣe gatisamāse ktvo lyap. "tiraso'nyatarasyā"miti satvavikalpaḥ. tiraḥ kṛtveti. gatitvā'bhāvapakṣe satvamapi na bhavati, tadvidhau gatigrahaṇānuvṛtterityāhuḥ. kecittu tiraskāra iti paribhave prayogadarśanātsatvavidhau gatigrahaṇaṃ nānuvartayanti.

vibhāṣā kṛñi 674, 1.4.71 vibhāṣā kṛñi. tiraḥ kṛtveti. gatitvā'bhāvapakṣe "tiraso'nyatarasyā"miti satvamapi na bhavati, tadvidhau gatigrahaṇānuvṛtteḥ. mādhavastu--parābhave "tiraskāra"iti prayogadarśanātsatvavidhau gatigrahaṇānuvṛtiṃ()ta kecinnecchantītyāha. (673) upāje'nvāje.1.4.73.upāje'nvāje. etau vibhaktipratirūpakau nipātau durbalasya sāmathryadhāne vartete. tadāha--durbasalyeti. sākṣātpbhṛtīni. sākṣāt. mithyā. ām. addhā. lavaṇam. uṣṇam. śītam. udakam. ādrram. gatisaṃjñāsaṃniyogena lavaṇādīnāṃ pañcānāṃ makārāntatvaṃ nipātyate. prādus. namas. āvis ityādi. ākṛtigaṇo'yam.