prā'dayaḥ kriyāyoge upasargasaṃjñā bhavanti. praṇayati. pariṇayati. praṇāyakaḥ. pariṇāyakaḥ. kriyāyoge iti kim? pragato nāyako 'smād deśāt, pranāyako deśaḥ. marucchābdasya ca upasaṅkhyānam kartavyam. marudbhir datto marutaḥ. saṃjñāvidhānasāmarthyādanajantatve 'pi aca upasargāt taḥ 7-4-47 iti tattvaṃ bhavati. śracchabdasya upasaṅkhyānam. ātaścaupasarge 3-3-106 iti aṅ bhavati śraddhā. upasarga. pradeśāḥ upasarge ghoḥ kiḥ 3-3-93 ityevam ādayaḥ.

gatiś ca 1.4.60 gatisaṃjñakāśca prā'dayo bhavanti kriyāyoge. prakṛtya. prakṛtam. yat prakaroti. yogavibhāga uttarārthaḥ. uttaratra gatisaṃjñā eva yathā syāt. upasargasaṃjñā mā bhūt. ūrīsyātityatra upasargaprādurbhyām astir yacparaḥ 8.3.87 iti ṣatvaṃ prasajyeta. cakaraḥ saṃjñāsamāveśārthaḥ. praṇītam. abhiṣiktam. gatiranantaraḥ 6.2.49 iti svaraḥ, upasargāt 8.4.14 8.3.65 iti ṇatvaṣatve ca bhavataḥ. kārikāśabdasya upasaṅkhyānam. kārikākṛtya. kārikākṛtam. yat kārikā karoti. punaścanasau chandasi gatisaṃjñau bhavata iti vaktavyam. punarutsyūtaṃ vāso deyam. gatir gatau 8.1.70 iti nighāto bhavati. cano hitaḥ. gatiranantaraḥ 6.2.49 iti svaraḥ. gatipradeśāḥ kugatiprā'daya 2.2.18 ityevam ādayaḥ.

gatiśca. , 1.4.59 "prakṛtya" iti. gatisaṃjñāyāṃ satyāṃ "kugatiprādayaḥ" 2.2.18 iti samāsaḥ. "samāse'nañpūrve ktvo lyap" 7.1.37 iti lyap. "prakṛtam" iti. "kte ca" 6.2.45 ityanuvartamāne "gatiranantaraḥ" 6.2.49 iti prakṛtisvareṇādyadāttaḥ praśabdaḥ. "yatprakaroti" iti. praśabdādanantarasya "tiṅaṅatiṅaḥ" 8.1.28 iti nighāte prāpte "nipātairyadyadi" 8.1.30 ityādinā pratiṣedhe tipaḥ pittvādanuvadāttatvam. "satiśiṣṭasvarasya balīyastvamanyatra vikaraṇasvarebhyaḥ" (vā; 9;6.1.158) iti vikaraṇasvarasya pratyayādyudāttatvaṃ na bhavati. karotereva tu bhavati-- "dhātoḥ" 6.1.156 iti. śeṣamanudāttaṃ bhavati. praśabdasya "upasargāścābhivarjam" (phi.sū.4.81) ityādyudāttatve prāpte "gatirgatau" 8.1.70 iti nighāte'nuvartamāne "tiṅi codāttavati" 8.1.71 iti karotiśabde tiṅanta udāttavati parato'nudāttatvaṃ bhavati. tatra hi "pūjanāt pūjitamanudāttaṃ kāṣṭhādibhyaḥ" 8.1.67 ityato'nudāttamiti vartate. etacca prayojanatrayamuttaratra gatisaṃjñāyā veditavyam. atha kimartho yogavibhāgaḥ, na gatigrahaṇaṃ pūrvayogaga eva kriyate? ityata āha- "yogavibhāga uttarārthaḥ" iti. "uttaratra " ityādinā yogavibhāgasyottarārthatāṃ darśayati. yadyuttaratrāpyupasargasaṃjñā syāt, tadā kiṃ syādityata āha-- "ūrīsyādityatra " ityādi. "cakāraḥ saṃjñāsamāveśārthaḥ" iti. asati cakāra ekasaṃjñādhikārādekatra saṃjñādvayasya vidhānāt paryāyaḥ syāt, na samāveśaḥ. "praṇītam" ityādinā saṃjñāsamāveśasya phalaṃ darśayati. "gatiranantara iti svaraḥ" iti. udāharaṇadvaye'pi "upasargāditi ṇatvaṣatve bhavataḥ" iti. "praṇītam" iti. "upasargādasamāse'pi ṇopadeśasya" 8.4.43 iti ṇatvam. "abhiṣiktam" iti. "upasargātsunoti" 8.3.65 ityādinā ṣatvam. "kārikā" ityādi. dhātvarthanirdeśa etadupasaṃkhyānaṃ katrtavyam. yo'nyaḥ katrtari kārikāśabdo ṇvulantaḥ, tasya kārikāṃ kṛtvetyevaṃ bhavati. "upākhyāna" śabdasya pratipādanamarthaḥ. tatredaṃ pratipādanam-- uttarasūtre cakārsayānuktasamuccayārthatvāt kārikāśabdasya gatisaṃjñā bhavatīti. "punaścanasau" ityādi. punaścanaḥ śabdau chandasi viṣaye gatisaṃjñakau ca bhavata ityetadartharūpaṃ vyākhyeyamityarthaḥ. vyākhyānaṃ tūttarasūtre cakārasyānuktasamuccayārthatāmāśritya katrtavyam. "punarustyūtam" iti. "ṣivu tantusantāne" (dhā.pā.1108), niṣṭhā, uditvāt "idito vā" 7.2.56 iti vibhāṣeṭtvāt "yasya vibhāṣā" 7.2.15 itīṭ()pratiṣedhaḥ; "cchavoḥ śūḍanunāsike ca" 6.4.19 iti vakārasyoṭh, yaṇādeśaḥ. "canohitam" iti. "dadhāterhiḥ" 7.4.42 iti nahirādeśaḥ, "gatiranantaraḥ" 6.2.49 iti prakṛtisvare ṇādyudāttatvam. canaḥ śabdo hi "nipātā ādyudāttā bhavanti" (phi.sū.4.80) ityādyudāttaḥ॥

prādayaḥ kriyāyoge upasargasaṃjñāḥ syuḥ. pra parā apa sam anu ava nis nira dus dura vi āṅ ni adhi api ati su ut abhi prati para upi - ete prādayaḥ..

gatiśca 202, 1.4.59 prādayaḥ kriyāyoge gatisaṃjñāḥ syuḥ. (gatikāraketarapūrvapadasya yaṇ neṣyate). śuddhadhiyau॥

gatiśca 25, 1.4.59 upasargāḥ. gatiśca. sūtradvayamidaṃ vyākhyāsaukaryātsahopāttam. prādaya ityanuvartate. gatiriti bahutve ekavacanamārṣam. tadāha--prādaya ityādinā. kriyāyoga iti. kriyayā anvaye satīttayarthaḥ. nipāta ityapyatrānuvartate, prāgī()ākāttadadhikārāt. tataśca prādayo nipātasaṃjñakā eva santo gatyupasargasaṃjñakā bhavanti. ākaḍārāditi ca bādhyate. gatyupasargasaṃjñāyostu gatiśceti cakārādeva samāveśaḥ. sidhyati. tataśca praṇeyamityādāvupasargakāryam "upasargādasamāse'pi" ityādi sidhyati, gatikāraketyādi kāryaṃ ca, nipātasyānarthakasyetyādi ca. atha prādīn paṭhati--pra paretyādi. "parā" ityākārāntam. ayadātau "upasargasyāyatau" iti nirdurorlatvam --nilayate dulayate. niso duśaśca "susajuṣo ruḥ" iti rutvasyāsiddhatvānna latvam. nirayate durayate. etadarthameva nis()dusornirdurośca pṛthakpāṭhaḥ.

gatiśca 22, 1.4.59 gatiśca. upasargasaṃjñāyāḥ samāveśārthaścakāraḥ. anyathā "ā kaḍārā"diti paryāyaḥ syāt. tatphalaṃ tu "praṇeya"-mityādau "upasargādasamāse'pī"ti ṇatvam, "gatikārake"ti kṛduttarapadaprakṛtisvarasiddhiśceti dik. nisnirdusduriti. "upasargasyāyatau" iti nirdurorlatvaṃ. nilayate, dulayate. niso dusaśca rutvasyā'siddhitvāllatvā'bhāvaḥ,-nirayate, durayate॥