1/16:praiṣe asvatantraprayojakatvāt hetusañjñāprasiddhiḥ |*
2/16:praiṣe asvatantraprayojakatvāt hetusañjñāyāḥ aprasiddhiḥ |
3/16:svatantraprayojakaḥ hetusañjñaḥ bhavati iti ucyate |
4/16:na ca asau svatantram prayojayati |
5/16:svatantratvāt siddham |
6/16:siddham etat |
7/16:katham |
8/16:svatantratvāt |
9/16:svatantram asau prayojayati |
10/16:svatantratvāt siddham iti cet svatantraparatantratvam vipratiṣiddam |*
11/16:yadi svatantraḥ na prayojyaḥ atha prayojyaḥ na svatantraḥ prayojyaḥ svatantraḥ ca iti vipratiṣiddham |
12/16:uktam vā |*
13/16:kim uktam |
14/16:ekam tāvat uktam na vā svātrantryāt itarathā hi akurvati api kārayati iti syāt iti |
15/16:aparam uktam |
16/16:na vā sāmānyakṛtatvāt hetutaḥ hi aviśiṣṭam svatantraprayojakatvāt aprayojakaḥ iti cet muktamasamśayena tulyam iti |

tatiti anantaraḥ kartā parāmṛśyate. tasya prayojakas tatprayojakaḥ. nipātanāt samāsaḥ. svatantrasya prayojako yo 'rthaḥ, tatkārakaṃ hetusaṃjñaṃ bhavati. cakārāt kartṛsaṃjñaṃ ca. saṃjñāsamāveśārthaścakāraḥ. kurvāṇaṃ prayuṅkte, kārayati. hārayati. hetutvad ṇico nimittaṃ kartṛtvāc ca kartṛpratyayena ucyate. hetupradeśāḥ hetumati ca 3-1-26 ityevam adayaḥ.

tatprayojako hetuś ca 1.4.55 tatiti anantaraḥ kartā parāmṛśyate. tasya prayojakas tatprayojakaḥ. nipātanāt samāsaḥ. svatantrasya prayojako yo 'rthaḥ, tatkārakaṃ hetusaṃjñaṃ bhavati. cakārāt kartṛsaṃjñaṃ ca. saṃjñāsamāveśārthaścakāraḥ. kurvāṇaṃ prayuṅkte, kārayati. hārayati. hetutvad ṇico nimittaṃ kartṛtvāc ca kartṛpratyayena ucyate. hetupradeśāḥ hetumati ca 3.1.26 ityevam adayaḥ.

tatprayojako hetuśca. , 1.4.55 "tasya prayojakastatprayojakaḥ" iti. nanu ca "katrtari ca" 2.2.16 ityanena ṣaṣṭhīsamāsapratiṣedhe nātra bhavitavyamityāha-- "nipātanātsamāsaḥ" iti. "prayojakaḥ" iti prerakaḥ = upadeśakaḥ, vyāpāraka ityarthaḥ. na cānyena prayujyamānasya svavyāpāre svātantrayaṃ hīyate; anyathā hrakurvatyapi kārayīti syāt. prayojakatvaṃ dvividham-- mukhyam, itaracva. devadattaḥ kaṭaṃ kārayītyatra devadattasya mukhyam. bhikṣā vāsayatītyatra bhikṣāṇāṃ vāsahetutvāt prayojanatvamupacaritam, na mukhyam. na hi bhikṣā yūyaṃ vasathetyevaṃ prayuñjate. iha ca kārakādhikāre tamabgrahaṇavyatirekeṇātiśayo na vivakṣita iti "sādhakatamaṃ karaṇa m" 1.4.42 ityatra tamabgrahaṇena jñāpitametat. tena yasyāpi prayojagatvamupacaritam, na mukhyam, tasyāpi hetusaṃjñā bhavatyeva. "saṃjñāsamāveśārthaścakāraḥ" iti. asati tasminnekasaṃjñādhikārādatra kartṛsaṃjñā na syāt. ataḥ saṃjñāsamāveśārthaścakāraḥ kriyate. "hetutvāt" ityādinā saṃjñādvayasya prayojanaṃ darśayati. prayojakavyāpāre hi "hetumati ca" 3.1.26 iti ṇic vidhīyate. tasya hetutvaṃ prayojakasya hetutve satyupapadyate. hetutvātprayojako ṇico nimittaṃ bhavati. kartṛpratyena na lakāreṇābhidhānaṃ karttṛsaṃjñāyāṃ satyāṃ bhavatīti karttṛtvat karttṛpratyayena lakāreṇocyata iti॥

atha `hetumati ce'ti ṇijvidhiṃ vakṣyan hetusaṃjñāmāha – tatprayojako hetuśca. `svatantraḥ karte'ti pūrvasūtropāttaḥ kartā tacchabdena parāmṛśyate. tasya kartuḥ prayojakaḥ pravartayitā - tatprayojakaḥ. tadāha – kartuḥ prayojako hetusaṃjña iti. cakāraḥ pūrvasūtropāttāṃ kartṛsaṃjñāṃ samuccinoti. tadāha - - kartṛsaṃjñaśceti.devadattaḥ pacati, taṃ prerayati yajñadatta ityatra devadattasyaiva pākānukūlavyāpārātmakapacadhātvarthāśrayatvarūpakratṛtvasattvātprayojakasya tadabhāvādiha kartṛsaṃjñāvidhiḥ. prayojakasya prayojyakatrrā anyathāsiddhatvāddhetutvā'prāptau hetusaṃjñāvidhiḥ.

tatprayojako hetuśca 403, 1.4.55 atha "hetumati ce"ti ṇijvidhiṃ vakṣyan hetusaṃjñāmāha -- tatprayojako hetuśca. "svatantraḥ karte"ti pūrvasūtropāttaḥ kartā tacchabdena parāmṛśyate. tasya kartuḥ prayojakaḥ pravartayitā - tatprayojakaḥ. tadāha -- kartuḥ prayojako hetusaṃjña iti. cakāraḥ pūrvasūtropāttāṃ kartṛsaṃjñāṃ samuccinoti. tadāha -- kartṛsaṃjñaśceti.devadattaḥ pacati, taṃ prerayati yajñadatta ityatra devadattasyaiva pākānukūlavyāpārātmakapacadhātvarthāśrayatvarūpakratṛtvasattvātprayojakasya tadabhāvādiha kartṛsaṃjñāvidhiḥ. prayojakasya prayojyakatrrā anyathāsiddhatvāddhetutvā'prāptau hetusaṃjñāvidhiḥ.

tatprayojako hetuśca. tacchabdena `svatantraḥ karte'ti pūrvasūtropāttaḥ kartā kaparāmṛśyate.tasya = kartuḥ prayojakaḥ = prerakaḥ, tadvyāpārānukūlavyāpāravānityarthaḥ. cakāra ekasaṃjñādhikārabādhanārthastadāha- - hetusaṃjñaḥ kartṛsaṃjñaśceti. hetusaṃjñāyāḥ prayojanaṃ `bhīsmyorhetubhaye', `bhiyo hetubhaye ṣu' gityādau prayojakasya hetutvena vyavahāraḥ. kartṛsaṃjñāyāstu `laḥ karmaṇi ca bhāve ce'ti sūtreṇa prayojake vācye lakārādayaḥ.

tatprayojako hetuśca 352, 1.4.55 tatprayojako hetuśca. tacchabdena "svatantraḥ karte"ti pūrvasūtropāttaḥ kartā kaparāmṛśyate.tasya = kartuḥ prayojakaḥ = prerakaḥ, tadvyāpārānukūlavyāpāravānityarthaḥ. cakāra ekasaṃjñādhikārabādhanārthastadāha-- hetusaṃjñaḥ kartṛsaṃjñaśceti. hetusaṃjñāyāḥ prayojanaṃ "bhīsmyorhetubhaye", "bhiyo hetubhaye ṣu" gityādau prayojakasya hetutvena vyavahāraḥ. kartṛsaṃjñāyāstu "laḥ karmaṇi ca bhāve ce"ti sūtreṇa prayojake vācye lakārādayaḥ.