āghriyante 'smin kriyāḥ ityādhāraḥ. kartṛkarmaṇoḥ kriyāśrayabhūtayoḥ dhāraṇakriyāṃ prati ya ādhārah, tat kārakam adhikaraṇasaṃjñaṃ bhavati. kaṭe āste. kaṭe śete. sthālyāṃ pacati. adhikaranapradeśāḥ saptamyadhikaraṇe ca 2-3-36 ityevam ādayaḥ.

ādhāro 'dhikaraṇam 1.4.45 āghriyante 'smin kriyāḥ ityādhāraḥ. kartṛkarmaṇoḥ kriyāśrayabhūtayoḥ dhāraṇakriyāṃ prati ya ādhārah, tat kārakam adhikaraṇasaṃjñaṃ bhavati. kaṭe āste. kaṭe śete. sthālyāṃ pacati. adhikaranapradeśāḥ saptamyadhikaraṇe ca 2.3.36 ityevam ādayaḥ.

ādhāro'dhikaraṇam. , 1.4.45 "ādhriyante kriyāguṇā asminnityādhāraḥ" iti. "adhyāyanyāyodyāvaṭa 3.3.122 ityādinā'‌'dhāraśabdo'dhikaraṇe ghañanto vyatpādita-. kriyāpekṣatvat kārakasyeti kriyāgrahaṇam. yadyādhriyanti kriyā yasmin sa ādhāraḥ iti, evaṃ hi sati kartṛkarmaṇorevādhikaraṇasaṃjñā prasajyeta, tayoreva hi kriyā ādhriyante. tathā hi- katrtasthā va #ā kriyā bhavati, karmasthā vā, anavakāśatvāt karttṛkarmaṇoḥ saṃjñā na bhaviṣyatyeṣa doṣa prasaṅag iti, etaccānuttaram; satyapi hranavakāśatve tayoḥ paryāyaḥ syāt. ekadādhikaraṇasaṃjñā bhavitavyaṃ taṃ darśayati. pratirābhimukhye. "kriyāṃ prati ya ādhāraḥ" iti॥ kriyāyā abhimukho ya ādhāra ityarthaḥ. yaśca kriyāṃ dhārayati sa kriyāyā abhimukho bhavati. kriyāyāstu dhāraṇaṃ sākṣāt, vyavadhānena vā; karttṛkarmaṇoḥ kriyāśrayayordhāraṇāt. atra pūrvasya vyavacchedārthaṃ "karttṛrmaṇoḥ" ityuktam. tadetaduktaṃ bhavati-- karttṛkarmaṇoḥ kriyādhārabhūtayordhāraṇāt kriyāyā abhimukho ya ādhārastasyādhikaraṇasaṃjñā bhavatīti. tadevaṃ kriyādhārabhūtakarttṛkarmadhāraṇadvāreṇa kriyāyā abhimukho ya ādhārastasyādhikaraṇasaṃjñā; yato'nena vidhīyate tato na bhavati pūrvasya doṣaprasaṅgaḥ. na hi karttṛkarmaṇoranena prakāreṇa kriyāṃ pratyādhāratvam; api tu sākṣādeva kriyādhāraṇāt. nanvevamapi karttṛkarmaṇormukhyaṃ kriyādhāratvam, sākṣādeva kriyādhāraṇāt, karttṛkarmādhārasya tu kaṭādergauṇatvaṃ kriyāśrayabhūtakarttṛkarmadhāraṇadvāreṇa kriyādhāraṇāt. tatra mukhya ādhāre sati gauṇasyādhikaraṇasaṃjñā na prāpnotīti sa doṣasatdavastha eva? naitadasti; tamabgrahaṇena jñāpitametat-- gauṇasyāpyādhārasyādhikaraṇasaṃjñā bhavatīti. bhavatu gauṇasyādhikaraṇasaṃjñā, mukhyasyāpi karttṛ karmaṇaśca kasmānna bhavatīti cet, na; paratvādanavakāśatvācca karttṛkarmasaṃjñābhyāṃ bādhyamānatvāt. adhikaraṇasaṃjñā hi pūrvo gauṇa ādhāre sāvakāśā, tadviparīte tu karttṛkarmasaṃjñe iti tābhyāṃ bādhyamānā notsahate tayorviṣayamavagāhitum. "kaṭe āste" iti. karttṛsthā kriyā yatra pūrveṇa prakāreṇādhriyate tasyodāharaṇam;; vikledanakriyāyāḥ karmasthatvāt. "sthālyāṃ pacati" iti. karmasthā kriyā yatrādhriyate tasyodāharaṇam; vikledanakriyāyā karmasthatvāt. tatpunaradhikaraṇaṃ triprakāram-- aupaśleṣikam,vaiṣayikam, abhivyāpakañca. tatrādye -- kaṭe āste,sthālyāṃ pacatīti kaṭāderpayādhārasya hrādheyena sahopaśleṣaḥ saṃyogalakṣaṇo'stītyaupaśleṣikaṃ tadbhavati. vaiṣayikam-- gurau vasati, gaṅgāyāṃ ghoṣa iti. prativasatīti viṣayo hrananyatrabhāvaḥ, yathā-- cakṣuṣvaprabhṛtīnāṃ rūpādibhyo'nanyatrabhāvāccakṣurādīnāṃ rūpādayo viṣayā ityucyante, evaṃ śiṣyādīnāṃ gurvādibhyo'nanyatrabhāvādeṣāṃ te viṣayā iti. nanu ca "ādhāro'dhikaraṇam" 1.4.45 ityuktam, ādhāraśca ko bhavati? ya āśrayaḥ; saṃyogataḥ samavāyo vā bhavati, na ca śiṣyādīnāṃ guruprabhṛtibhiḥ saha saṃyogaḥ samavāyo vā'sti, tadayuktaṃ teṣāmadhikaraṇatvam? naitadasti; yadāyattā hi yasya sthitiḥ sa vināpi saṃyogasamavāyābhyāṃ tasyāśrayo bhavati, yathā-- rājāyattasthititvāt puruṣasya rājeti; na ca rājñā saha puruṣasya saṃyogasamavāyau sta-. tathā hi-- tadadhīnasthititvāt rājāśrayaḥ puruṣa iti loke vyapadiśyate, tathā śiṣyādīnāṃ gurvādyāyattā sthitiriti yuktastān prati guruprabhṛtīnāmāśrayabhāvaḥ. abhivyāpakaṃ yathā-- tileṣu tailam, daghni sarpiriti. tilādikaṃ tailadikamādheyaṃ vyāpyāvatiṣṭhata iti tilādikamabhivyāpakamadhikaraṇam. yadyapyatra tilādīnāṃ tailādibhiḥ saha saṃyogo'sti, tathāpi deśavibhāgābhāvādatra saṃśleṣavyavahāro nāstītyaupaśleṣikāt tatpṛthagevopasthāpyate॥

ādhāro'dhikaraṇam 905, 1.4.45 kartṛkarmadvārā tanniṣṭhakriyāyā ādhāraḥ kārakamadhikaraṇaṃ syāt॥

ādhāro'dhikaraṇaṃ. `kārake' ityadhikṛtaṃ prathamāntatayā vipariṇamyate, tacca ādhārasya viśeṣaṇam, ādhāraḥ kārakamadhikaraṇamiti labhyate. kriyānvayi kārakam. evañca kasyādhāra ityākāṅkṣāyām upasthitatvātkriyāyā iti labhyate. kriyā ca kartṛkarmagatā vivakṣitā. tadādhāratvaṃ ca na sākṣāt, kiṃtu kartṛkarmadvāraiva, vyākhyānāt. tadāha- -kartṛkarmadvāreti. tanniṣṭheti. kartṛkarmaniṣṭhetyarthaḥ.

ādhāro'dhikaraṇam 624, 1.4.45 ādhāro'dhikaraṇaṃ. "kārake" ityadhikṛtaṃ prathamāntatayā vipariṇamyate, tacca ādhārasya viśeṣaṇam, ādhāraḥ kārakamadhikaraṇamiti labhyate. kriyānvayi kārakam. evañca kasyādhāra ityākāṅkṣāyām upasthitatvātkriyāyā iti labhyate. kriyā ca kartṛkarmagatā vivakṣitā. tadādhāratvaṃ ca na sākṣāt, kiṃtu kartṛkarmadvāraiva, vyākhyānāt. tadāha--kartṛkarmadvāreti. tanniṣṭheti. kartṛkarmaniṣṭhetyarthaḥ.

ādhāraḥ. ādhriyate'sminnityādhāraḥ. `adhyāyanyāya—'iti sūtre `avahārādhāre' tyupasaṅkhyānādadhikaraṇe ghañ. sa cādhāraḥ kasyetyākaṅkṣāyāṃ kārakādhikārātkriyāyā iti labhyate. iyaṃ ca saṃjñā sākṣātkriyādhārayorna sambhavati, parābhyāṃ kartṛkarmasaṃjñābhyāṃ bādhitatvāt. ato vyācaṣṭe–katṛkamadvāreti. evaṃ ca `bhūtale ghaṭa'ityādau astīti kriyādhyāhāro bodhyaḥ. tridheti. etacca `saṃhitāyām' iti sūtre bhāṣye spaṣṭam. nadyamāsta ityādyarthaṃ sāmīpikamadhikaraṇaṃ caturthamapi kecidicchanti. kaṭe āste iti. kartṛdvārā kriyādhārasyodāharaṇamidam. karmadvārā kriyādhārasya tu—sthālyāṃ pacatīti. vaiṣayikādhāramudāharati—mokṣe icchā'stīti. abhivyāpakasya tu—sarvasminniti. tileṣu tailamityādyapyabhivyāpakasyodāharaṇamāhuḥ. cataruā iti. prātipadikārthamātra ityarthaḥ. dūrāntikārthebhya ityasyehā'nuvartanādadhikaraṇe'pyete bodhyāḥ.\t ktasyenviṣasya karmaṇyupasaṅkhyānam. ktasyenviṣayasyeti. in=innantaḥ śabdo, viṣayo=vartabhūtamiryasya ktāntasya tasyetyarthaḥ. anye tvāhuḥ–ino viṣaya iti ṣaṣṭhīsamāsaḥ. viṣayaśabdeneha prakṛtirucyate. ktāntasyenaḥ prakṛtitvāditi. adhīti vyākaraṇe iti. bhāve ktapratakyaye tata `iṣṭādibhyaśca' iti kartarīnau kṛte paścādguṇabhūtakriyayā sambadhyamānaṃ vyākaraṇamanabhihitaṃ karmeti kṛtapūrvī kaṭamitivavdditīyā'tra prāptā. `māsamadhīti vyākaraṇe' ityādau tvakarmakairdhātubhiriyoganimittasya kālakarmaṇo bahiraṅgatvādihā'grahaṇamiti sapyamyabhāvaḥ. na caivaṃ tatra dvitīyāpi na syāditi vācyam. lakṣyānurodhena dvitīyāvidhāne vyaktipakṣāśrayaṇāt. etacca kostubhe sthitam. kiṃ tu tattvakathanamātraṃ, tatrāpi saptamyartaṃ vārtike'smin sādhugrahaṇaṃ, sādhurbhṛtyo rājñītyādi yathā. `sādhunipuṇābhyām'iti sūtre sādhugrahaṇaṃ tvarcāyāṃ vavakṣitāyāṃ pratiyoge saptamīnivṛttyarthamiti vivekaḥ.\t tarhi `jāṅyena baddha' ityādāvatiprasaṅgaḥ syāditi bhāvaḥ. carmaṇīti. carmaṇīti. carmadvīpyādīnāṃ samavāyaḥ sambandhaḥ. hetutṛtīyeti. tādarbhye caturthītyapi bodhyam. sīmā'nṇḍakośa iti. tathā ca medinīkāraḥ–`sīmā ghāṭasthitikṣetreṣvaṇḍakośu ca striyām' iti. `atha puṣkalako gandhamṛge kṣapaṇakīlayoḥ' iti ca. haradattastu— `puṣkalakaḥ śaṅkuḥ, sīmni=sīmajñānārthaṃ hato=nihataḥ nikhāta' ityāha. a\ufffdsmastu pakṣe sīmapuṣkalayoḥ saṃyogasambandhaḥ.

ādhāro'dhikaraṇam 556, 1.4.45 ādhāraḥ. ādhriyate'sminnityādhāraḥ. "adhyāyanyāya---"iti sūtre "avahārādhāre" tyupasaṅkhyānādadhikaraṇe ghañ. sa cādhāraḥ kasyetyākaṅkṣāyāṃ kārakādhikārātkriyāyā iti labhyate. iyaṃ ca saṃjñā sākṣātkriyādhārayorna sambhavati, parābhyāṃ kartṛkarmasaṃjñābhyāṃ bādhitatvāt. ato vyācaṣṭe--katṛkamadvāreti. evaṃ ca "bhūtale ghaṭa"ityādau astīti kriyādhyāhāro bodhyaḥ. tridheti. etacca "saṃhitāyām" iti sūtre bhāṣye spaṣṭam. nadyamāsta ityādyarthaṃ sāmīpikamadhikaraṇaṃ caturthamapi kecidicchanti. kaṭe āste iti. kartṛdvārā kriyādhārasyodāharaṇamidam. karmadvārā kriyādhārasya tu---sthālyāṃ pacatīti. vaiṣayikādhāramudāharati---mokṣe icchā'stīti. abhivyāpakasya tu---sarvasminniti. tileṣu tailamityādyapyabhivyāpakasyodāharaṇamāhuḥ. cataruā iti. prātipadikārthamātra ityarthaḥ. dūrāntikārthebhya ityasyehā'nuvartanādadhikaraṇe'pyete bodhyāḥ. ktasyenviṣasya karmaṇyupasaṅkhyānam. ktasyenviṣayasyeti. ininnantaḥ śabdo, viṣayo=vartabhūtamiryasya ktāntasya tasyetyarthaḥ. anye tvāhuḥ--ino viṣaya iti ṣaṣṭhīsamāsaḥ. viṣayaśabdeneha prakṛtirucyate. ktāntasyenaḥ prakṛtitvāditi. adhīti vyākaraṇe iti. bhāve ktapratakyaye tata "iṣṭādibhyaśca" iti kartarīnau kṛte paścādguṇabhūtakriyayā sambadhyamānaṃ vyākaraṇamanabhihitaṃ karmeti kṛtapūrvī kaṭamitivavdditīyā'tra prāptā. "māsamadhīti vyākaraṇe" ityādau tvakarmakairdhātubhiriyoganimittasya kālakarmaṇo bahiraṅgatvādihā'grahaṇamiti sapyamyabhāvaḥ. na caivaṃ tatra dvitīyāpi na syāditi vācyam. lakṣyānurodhena dvitīyāvidhāne vyaktipakṣāśrayaṇāt. etacca kostubhe sthitam.sādhvasādhuprayoge ca. sādhvasādhuprayoge ca. yatrā'rcā na vivakṣitā, kiṃ tu tattvakathanamātraṃ, tatrāpi saptamyartaṃ vārtike'smin sādhugrahaṇaṃ, sādhurbhṛtyo rājñītyādi yathā. "sādhunipuṇābhyāmiti sūtre sādhugrahaṇaṃ tvarcāyāṃ vavakṣitāyāṃ pratiyoge saptamīnivṛttyarthamiti vivekaḥ. nimittātkarmayoge. nimittamiha phalamiti. yadi tukāraṇamityucyeta tarhi "jāṅyena baddha" ityādāvatiprasaṅgaḥ syāditi bhāvaḥ. carmaṇīti. carmaṇīti. carmadvīpyādīnāṃ samavāyaḥ sambandhaḥ. hetutṛtīyeti. tādarbhye caturthītyapi bodhyam. sīmā'nṇḍakośa iti. tathā ca medinīkāraḥ--"sīmā ghāṭasthitikṣetreṣvaṇḍakośu ca striyām" iti. "atha puṣkalako gandhamṛge kṣapaṇakīlayoḥ" iti ca. haradattastu---"puṣkalakaḥ śaṅkuḥ, sīmni=sīmajñānārthaṃ hato=nihataḥ nikhāta" ityāha. a()smastu pakṣe sīmapuṣkalayoḥ saṃyogasambandhaḥ.