1/104:yū iti kimartham |
2/104:khaṭvā mālā |
3/104:kim ca syāt |
4/104:khaṭvābandhuḥ mālābandhuḥ |
5/104:nadī bandhuni iti eṣaḥ svaraḥ prasajyeta |
6/104:iha ca bahukhaṭvakaḥ iti nadyṛtaḥ ca iti nityaḥ kap prasajyeta |
7/104:na eṣaḥ doṣaḥ |
8/104:ācāryapravṛttiḥ jñāpayati na āpaḥ nadīsañjñā bhavati iti yat ayam ṅeḥ ām nadyāmnībhyaḥ iti pṛthak ābgrahaṇam karoti |
9/104:iha tarhi mātre mātuḥ iti āṭ nadyāḥ iti āṭ prasajyeta |
10/104:kim punaḥ idam dīrghayoḥ grahaṇam āhosvid hrasvayoḥ |
11/104:kim cātaḥ |
12/104:yadi dīrghayoḥ grahaṇam yū iti nirdeśaḥ na upapadyate |
13/104:dīrghāt hi pūrvasavarṇaḥ pratiṣidhyate |
14/104:uttaratra ca viśeṣaṇam na prakalpeta yū hrasvau iti |
15/104:yadi yū na hrasvau |
16/104:atha hrasvau na yū |
17/104:yū hrasvau ceti vipratiṣiddham |
18/104:atha hrasvayoḥ he śakaṭe atra api prasajyeta |
19/104:na eṣaḥ doṣaḥ |
20/104:avaśyam atra vibhāṣā nadīsañjñā eṣitavyā |
21/104:ubhayam hi iṣyate : he śakaṭi he śakaṭe iti |
22/104:iha tarhi śakaṭibandhuḥ iti nadī bandhuni iti eṣaḥ svaraḥ prasajyeta |
23/104:iha ca bahuśakaṭiḥ iti nadyṛtaḥ ceti nityaḥ kap prasajyeta |
24/104:na eṣaḥ doṣaḥ |
25/104:ṅiti hrasvaḥ ca iti ayam niyamārthaḥ bhaviṣyati |
26/104:ṅiti eva yū hrasvau nadīsañjñau bhavataḥ na nyatra iti |
27/104:kaimarthakyāt niyamaḥ bhavati |
28/104:vidheyam na asti iti kṛtvā |
29/104:iha ca asti vidheyam |
30/104:kim |
31/104:nityā nadīsañjñā prāptā sā vibhāṣā vidheyā |
32/104:tatra apūrvaḥ vidhiḥ astu niyamaḥ astu iti apūrvaḥ eva vidhiḥ bhaviṣyati na niyamaḥ |
33/104:atha ayam nityaḥ yogaḥ syāt prakalpeta niyamaḥ |
34/104:bāḍham prakalpeta |
35/104:nityaḥ tarthi bhaviṣyati | tat katham |
36/104:yogavibhāgaḥ kariṣyate |
37/104:idam asti |
38/104:yū stryākhyau nadī na iyaṅuvaṅsthānau astrī vāmi |
39/104:tataḥ ṅiti |
40/104:ṅiti ca iyaṅuvaṅsthānau yū vā astrī nadīsañjñau na bhavataḥ |
41/104:tataḥ hrasvau |
42/104:hrasvau ca yū stryākhyau ṅiti nadīsañjñau bhavataḥ |
43/104:iyaṅuvaṅsthānau vā na iti ca nivṛttam |
44/104:yadi evam śakaṭaye atra guṇaḥ na prāpnoti |
45/104:dvitīyaḥ yogavibhāgaḥ kariṣyate |
46/104:śeṣagrahaṇam na kariṣyate |
47/104:katham |
48/104:idam asti |
49/104:yū stryākhyau nadī na iyaṅuvaṅsthānau astrī vāmi |
50/104:tataḥ ṅiti |
51/104:ṅiti ca iyaṅuvaṅsthānau yū vā astrī nadīsañjñau na bhavataḥ |
52/104:tataḥ hrasvau |
53/104:hrasvau ca yū stryākhyau ṅiti nadīsañjñau bhavataḥ |
54/104:tataḥ hrasvau |
55/104:hrasvau ca yū stryākhyau ṅiti nadīsañjñau bhavataḥ |
56/104:iyaṅuvaṅsthānau vā na iti ca nivṛttam |
57/104:tataḥ ghi |
58/104:ghisañjñau ca bhavataḥ stryākhyau yū hrasvau ṅiti |
59/104:tataḥ asakhi |
60/104:sakhivarjitau ca yū hrasvau ghisañjñau bhavataḥ |
61/104:stryākhyau ṅiti iti ca nivṛttam |
62/104:yadi tarhi śeṣagrahaṇam na kriyate na arthaḥ ekena api yogavibhāgena |
63/104:aviśeṣeṇa nadīsañjñā utsargaḥ |
64/104:tasyāḥ hrasvayoḥ ghisañjñā bādhikā |
65/104:tasyām nityāyām prāptāyām ṅiti vibhāṣā ārabhyate |
66/104:atha vā punaḥ astu dīrghayoḥ |
67/104:nanu ca uktam nirdeśaḥ na upapadyate |
68/104:dīrghāt hi pūrvasavarṇaḥ pratiṣidhyate |
69/104:vā chandasi iti evam bhaviṣyati |
70/104:chandasi iti ucyate na ca idam chandaḥ |
71/104:chandovat sūtrāṇi bhavanti iti |
72/104:yat api ucyate uttaratra viśeṣeṇam na prakalpeta yū hrasvau iti |
73/104:yadi yū na hrasvau atha hrasvau na yū |
74/104:yū hrasvau iti vipratiṣiddham iti |
75/104:na etat vipratiṣiddham |
76/104:āha ayam yū hrasvau iti |
77/104:yadi yū na hrasvau |
78/104:atha hrasvau na yū |
79/104:te evam vijñāsyāmaḥ yvoḥ yau hrasvau iti |
80/104:kau ca yvoḥ hrasvau |
81/104:savarṇau |
82/104:atha stryākhyau iti kaḥ ayam śabdaḥ |
83/104:striyam ācakṣāte stryākhyau |
84/104:yadi evam stryākhyāyau iti prāpnoti |
85/104:anupasarge hi kaḥ vidhīyate |
86/104:na tarhi idānīm idam bhavati yasmin daśa sahasrāṇi putre jāte gavām dadau |
87/104:brāhmaṇebhyaḥ priyākhyebhyaḥ saḥ ayam uñchena jīvati |
88/104:chandovat kavayaḥ kurvanti |
89/104:na hi eṣā iṣṭiḥ |
90/104:evam tarhi karmasādhanaḥ bhaviṣyati : striyām ākhyāyete stryākhyau |
91/104:yadi karmasādhanaḥ kṛtstriyāḥ dhātustriyāḥ ca na sidhyati |
92/104:tantryai lakṣmyai śriyai bhruvai |
93/104:evam tarhi bahuvrīhiḥ bhaviṣyati |
94/104:striyām ākhyā anayoḥ stryākhyau |
95/104:evam api kṛtstriyāḥ dhātustriyāḥ ca na sidhyati |
96/104:tantryai lakṣmyai śriyai bhruvai |
97/104:evam tarhi vic bhaviṣyati |
98/104:atha vā punaḥ astu kaḥ eva |
99/104:striyam ācakṣāte stryākhyau iti |
100/104:nanu ca uktam stryākhyāyau iti prāpnoti |
101/104:anupasarge hi kaḥ vidhīyate |
102/104:mūlavibhujādipāṭhāt kaḥ bhaviṣyati |
103/104:evam ca kṛtvā saḥ api adoṣaḥ bhavati yat uktam yasmin daśa sahasrāṇi putre jāte gavām dadau |
104/104:brāhmaṇebhyaḥ priyākhyebhyaḥ saḥ ayam uñchena jīvati |

1/58:atha ākhyāgrahaṇam kimartham |
2/58:nadīsañjñāyām ākhyāgrahaṇam strīviṣayārtham | nadīsañjñāyām ākhyāgrahaṇam strīviṣayārtham |*
3/58:strīviṣayau eva yau nityam tayoḥ eva nadīsañjñā yathā syāt |
4/58:iha mā bhūt grāmaṇye senānye striyai iti |
5/58:prathamaliṅgagrahaṇam ca |*
6/58:prathamaliṅgagrahaṇam ca kartavyam |
7/58:prathamaliṅge yau stryākhau iti vaktavyam |
8/58:kim prayojanam |
9/58:prayojanam kviblupsamāsāḥ | kumāryai brāhmaṇāya |*
10/58:lup |
11/58:kharakuṭyai brāhmaṇāya |
12/58:atitantryai brāhmaṇāya atilakṣmyai brāhmaṇāya |
13/58:tat tarhi vaktavyam |
14/58:na vaktavyam |
15/58:avayavastrīviṣayatvāt siddham |
16/58:avayavaḥ atra strīviṣayaḥ tadāśrayā nadīsañjñā bhaviṣyati |
17/58:avayavastrīviṣayatvāt siddham iti cet iyaṅuvaṅsthānapratiṣedhe yaṇsthānapratiṣedhaprasaṅgaḥ avayavasya iyaṅuvaṅsthānatvāt |*
18/58:avayavastrīviṣayatvāt siddham iti cet iyaṅuvaṅsthānapratiṣedhe yaṇsthānayoḥ api yvoḥ pratiṣedhaḥ prasajyeta |
19/58:ādhyai pradhyai brāhmaṇyai |
20/58:kim kāraṇam |
21/58:avayavasya iyaṅuvaṅsthānatvāt |
22/58:avayavaḥ atra iyaṅuvaṅsthānaḥ |
23/58:siddham tvaṅgarūpagrahaṇāt yasya aṅgasya iyuvau tatpratiṣedhāt |*
24/58:siddham etat |
25/58:katham |
26/58:aṅgarūpam gṛhyate |
27/58:yasya aṅgasya iyuvau bhavataḥ tasya idam grahaṇam |
28/58:na ca etasya aṅgasya iyuvau bhavataḥ |
29/58:hrasveyuvsthānapravṛttau ca strīvacane |*
30/58:hrasvau ca iyuvsthānau ca pravṛttau ca prāk ca pravṛtteḥ strīvacanau eva nadīsañjñau bhavataḥ iti vaktavyam |
31/58:śakaṭyai atiśakaṭyai brāmaṇāṇyai |
32/58:kva mā bhūt |
33/58:śakaṭaye atiśakaṭaye brāhmaṇāya |
34/58:dhenvai atidhenvai brāhmaṇyai |
35/58:kva mā bhūt |
36/58:dhenave atidhenave brāhmaṇāya |
37/58:śriyai atiśriyai brāhmaṇyai |
38/58:kva mā bhūt |
39/58:śriye atiśriye brāhmaṇāya |
40/58:bhruvai atibhruvai brāhmaṇyai |
41/58:kva mā bhūt |
42/58:bhruve atibhruve brāhmaṇāya |
43/58:aparaḥ āha : hrasvau ca iyuvsthānau ca pravṛttau api strīvacanau eva nadīsañjñau bhavataḥ iti vaktavyam : śakaṭyai , atiśakaṭyai brāmaṇāṇyai |
44/58:kva mā bhūt |
45/58:śakaṭaye atiśakaṭaye brāhmaṇāya |
46/58:dhenvai atidhenvai brāhmaṇyai |
47/58:kva mā bhūt |
48/58:dhenave atidhenave brāhmaṇāya |
49/58:śriyai atiśriyai brāhmaṇyai |
50/58:kva mā bhūt |
51/58:śriye atiśriye brāhmaṇāya |
52/58:bhruvai atibhruvai brāhmaṇyai |
53/58:kva mā bhūt |
54/58:bhruve atibhruve brāhmaṇāya |
55/58:kimartham punaḥ idam ucyate |
56/58:prathamaliṅgagrahaṇam coditam |
57/58:tat dveṣyam vijānīyāt : sarvam etat vikalpate iti |
58/58:tat ācāryaḥ suhṛt bhūtvā anvācaṣṭe hrasvau ca iyuvsthānau ca pravṛttau ca prāk ca pravṛtteḥ strīvacanau eva iti |

ī ca ū ca yū. avibhaktiko'yaṃ nirdeśaḥ. striyamācakṣāte stryākhyau. mūlavibhujādidarśanāt (3-2-5vā0) kapratyayaḥ . īkārāntam ūkarāntaṃ ca stryākhyaṃ śabdarūpaṃ nadīsaṃjñaṃ bhavati. īkarāntam - kumārī. gaurī. lakṣmīḥ. śārṅgaravī. ūkārāntam - brahmabandhūḥ . yavāgūḥ. yū iti kim? mātre. duhitre. stryākhyau iti kim? grāmaṇīḥ. senānīḥ. khalapūḥ. ākhyāgrahaṇaṃ kim? śabdārthe strītva eva yathā syāt, padāntarākhye mā bhūt, grāmaṇye striyai. khalapve striyai. nadīpradeśāḥ - āṇnadyāḥ 7-3-112 ityevam ādayaḥ.

yū stryākhyau nadī 1.4.3 ī ca ū ca yū. avibhaktiko nirdeśaḥ. striyam ācakṣate stryākhyau. mūlavibhujādidarśanāt kapratyayaḥ. īkārāntam ūkarāntaṃ ca stryākhyaṃ śabdarūpaṃ nadīsaṃjñaṃ bhavati. īkarāntam kumārī. gaurī. lakṣmīḥ. śārṅgaravī. ūkārāntam brahmavandhūḥ. yavāgūḥ. yū iti kim? mātre. duhitre. stryākhyau iti kim? grāmaṇīḥ. senānīḥ. khalapūḥ. ākhyāgrahaṇaṃ kim? śabdārthe strītva eva yathā syāt, padāntarākhye mā bhūt, grāmanye striyai. khalapve striyai. nadīpradeśāḥ āṇnadyāḥ 7.3.112 ityevam ādayaḥ.

yū stryākhyau nadī. , 1.4.3 "ī ca ū ca yū" iti. nanu ca "dīrghājjasi ca" 6.1.101 iti prathamayoḥ pūrvasavarṇadīrghatve pratiṣiddhe yaṇādeśe sati yvāviti bhavitavyam. tatkathaṃ "yū" iti nirdeśa ityata āha-- " avibhaktiko'yaṃ nirdeśaḥ" iti. "supāṃ suluk" 7.1.39 iti vibhaktirluptatvāt. nāsmādvibhaktirvidyata ityavibhaktikaḥ. "striyamācakṣāte stryākhyau" iti. nanu ca "karmaṇyaṇ" 3.2.1 ityaṇi kṛte "āto yuk ciṇkṛtoḥ" 7.3.33 iti yuki ca stryākhyāyāviti bhavitavyam, tatkathaṃ stryākhyāviti? "āto'nupasarge kaḥ" 3.2.3 iti kapratyaye kṛta etadrūpamiti cet, na; cakṣiṅo'tra sopasaragtvādityata āha-- "mulavibhujādidarśanāt" iti. mūlavibhujādiṣvapi kapratyaya iṣyate. tathā ca vakṣyati tṛtīye'dhyāye kaprakaraṇe-- "mūlavibhujādibhya upasaṃkhyānam" (vā.232) iti. tena "stryākhyau" iti śabdasya mūlavibhujādiṣu darśanāt kapratyayaḥ. ihedūtoreveyaṃ saṃjñā vidhīyate? tadantayorvā? tatra yadyādyaḥ pakṣa āśrīyeta, kṛtstriyāṃ na syāt-- he lakṣmi, he yavāgviti; samudāyau hratra stryākhyau, na tvīdūtāviti. imamādye pakṣe doṣaṃ dṛṣṭvā dvitīyaṃ pakṣamāśrityāha -- "īkārāntamūkārāntam" ityādi. nanu ca "suptiṅantaṃ padam"1.4.14 ityatrāntagrahaṇādanyatra saṃjñāvidhau pratyayagrahaṇe tadantavidhirna labhyate, naiṣa doṣaḥ; yadayam "neyaṅavaṅasthānau" 1.4.4 iti pratiṣedhaṃ śāsti; tajjñāpayati-- bhavatīha prakaraṇe tadantavidhiriti ; anyathā pratiṣedho'narthakaḥ syāt. na hīkārokāramātraṃ stryākhyāmiyaṅasthānamasti,kiṃ tarhi? tadantam. "kumārī" iti. "vayasi prathame" 4.1.20 iti ṅīṣ. "gaurī" iti. "ṣidgaurādibhyaśca" (4.1.41 iti ṅīṣ. "śārṅaravī" iti. "śārṅaravādyaño ṅīn" 4.1.73. "lakṣmīḥ" iti. "lakṣa darśanāṅkayoḥ" (dhā.pā.1538) "avitṛstṛtantribhya īḥ" (da.u.1.82) ityanuvatrtamāne "lakṣermuṭ ca" (da.u.1.84) cakārādīkāraśca. "brāhṛbandhūḥ" iti. "ūṅutaḥ" 4.1.66 ityūṅapratyayaḥ. ṅakāraḥ "noṅadhātvoḥ" 6.1.169 iti viśeṣaṇārthaḥ. "yavāgūḥ" iti. "yū miśraṇe" (dhā.pa.#ā1033) "suyūvacibhyo'nyujāgūjak()nuc" (da.u.10.4) ityāgūc()pratyayaḥ. rūpodāharaṇānyetāni.kāryaṃ tu "ambārthanadyohryasvaḥ"7.3.107 ityevamādi. "mātre, duhitre" ityatra nadīsaṃjñāyā abhāvāt "āṇ nadyāḥ" 7.3.112 ityāṇ na bhavati. "grāmaṇīḥ, khalapūḥ" iti. paṃsyetau vatrtete. tena natīsaṃjñāyā abhāvāt "ambārthanadyohryasvaḥ" 7.3.107 iti hyasvo na bhavati. grāmaṃ nayatīti "satsūdviṣa" 3.2.61 ityādinā kvip. "agragrāmābhyāñca" (kā.vā.5064) iti ṇatvam. khalaṃ punātīti "anyabhyo'pi dṛśyate" 3.2.178 iti kvip. "grāmaṇye striyai" iti. "eranekāco'saṃyogapūrvasya" 6.4.82 iti yaṇāadeśaḥ. "khalapve striyai". atrāpi oḥ supi" 6.4.83 iti. atra strīśabdena padāntareṇa strītvaṃ dyotyata iti nadīsaṃjñā na bhavati, tenāṇna bhavati. iṣvaśaniprabhṛtīnāṃ tūbhayaliṅgānāṃ śabdārtha eva strītvamiti bhavatyeva nadīsaṃjñā-- iṣvai, aśanyā iti. yadi padāntaradyotye strītve nadīsaṃjñā na bhavati, iha paṭvai striyā iti paṭuśabdasya puruṣe'pi dṛṣṭtvāt padāntaradyotyamatra strītvamiti nadīsaṃjñā na syāt, naitadasti; padāntaraṃ hi davividham- kvacitsāmānyena pravṛttimāśaṅkamānasya śabdasya sāmānyasyābhidheyāntaraṃ vyavacchinatti, yathā-- gośabdasya gavādiṣu gaurvāgiti; kvacit pravṛttimeva karoti , yathā-- vāhīkādau gaurvādīka iti. atra yat sāmānyasya śabdasya paṭvādeḥ padāntarasambandhena viśeṣe'vasthānaṃ tat pade'ntarbhūtamevetyākhyāgrahaṇena nāpanīyate. grāmaṇīśabdasya tu strītvapravṛttiḥ padāntareṇa kriyate,na tu vyavacchidyate. tenāsāvākhyāgrahaṇenāpasāryate. etayostu kriyāśabdatvena rūḍhā puṃsimukhyā vṛtti. paṭuśabdasya pāṭavopādayinaḥ paratra mukhye'pītyasti bhedaḥ.

īdūdantau nityastrīliṅgau nadīsaṃjñau staḥ. (prathamaliṅgagrahaṇaṃ ca). pūrvaṃ stryākhyasyopasarjanatve'pi nadītvaṃ vaktavyamityarthaḥ..

yū stryākhyau nadī 195, 1.4.3 īdūdantau nityastrīliṅgau nadīsaṃjñau staḥ. (prathamaliṅgagrahaṇaṃ ca). pūrvaṃ stryākhyasyopasarjanatve'pi nadītvaṃ vaktavyamityarthaḥ॥

he bahuśreyasī siti sthite nadīkāryaṃ vakṣyannadīsaṃjñāmāha–yūstryākhyau nadī. īścauuśca yū. pūrvasavarṇadīrghaḥ. `dīrghājjasi ce'ti niṣedhā'bhāvaśchāndasaḥ. vyākhyānāddīrghayoreva grahaṇam. striyamācakṣāte stryākhyau. śabdāvityarthāllabhyate. `yū' ititadviśeṣaṇaṃ, tatastadantavidhiḥ. `striyā'mityeva siddhe `ākhyā'grahaṇaṃ nityastrīliṅgalābhārtham. dvitve nadītyekavacanaṃ chāndasam. tadāha–idūdantāvityādinā. yū kim ?. mātre. `āṇnadyāḥ' iti na bhavati. strīliṅgāviti kim ?. vātapramye. nityeti kim?. grāmaṇye. prakṛte bahuśreyasīśabdasya puṃliṅgatvātkathaṃ nadīsaṃjñetyata āha–prathamaliṅgagrahaṇaṃ ceti. vārtikametat. prathamasya=samāsādivṛttipravṛtteḥ pūrvaṃ pravṛttasya, strīliṅgasya `yūstryākhyau' ityatra grahaṇaṃ kartavyamityarthaḥ. nanvevaṃ sati samāsādivṛttyabhāve gauryādiśabdānāṃ nadītvaṃ na syādityāśaṅkya apiśabdamadhyāhmatya vyācaṣṭe–pūrvamityādinā. samāsādivṛttipravṛtteḥ pūrvaṃ strīliṅgasya sataḥ vṛttidaśāyāmupasarjanatayā strīliṅgatvā'bhāve'pī nadītvaṃ vaktavyamiti vārtikārtha iti bhāvaḥ. ambārthanadyohryasvaḥ.

yū stryākhyau nadī 264, 1.4.3 he bahuśreyasī siti sthite nadīkāryaṃ vakṣyannadīsaṃjñāmāha--yūstryākhyau nadī. īścauuśca yū. pūrvasavarṇadīrghaḥ. "dīrghājjasi ce"ti niṣedhā'bhāvaśchāndasaḥ. vyākhyānāddīrghayoreva grahaṇam. striyamācakṣāte stryākhyau. śabdāvityarthāllabhyate. "yū" ititadviśeṣaṇaṃ, tatastadantavidhiḥ. "striyā"mityeva siddhe "ākhyā"grahaṇaṃ nityastrīliṅgalābhārtham. dvitve nadītyekavacanaṃ chāndasam. tadāha--idūdantāvityādinā. yū kim?. mātre. "āṇnadyāḥ" iti na bhavati. strīliṅgāviti kim?. vātapramye. nityeti kim(). grāmaṇye.nanu prakṛte bahuśreyasīśabdasya puṃliṅgatvātkathaṃ nadīsaṃjñetyata āha--prathamaliṅgagrahaṇaṃ ceti. vārtikametat. prathamasya=samāsādivṛttipravṛtteḥ pūrvaṃ pravṛttasya, strīliṅgasya "yūstryākhyau" ityatra grahaṇaṃ kartavyamityarthaḥ. nanvevaṃ sati samāsādivṛttyabhāve gauryādiśabdānāṃ nadītvaṃ na syādityāśaṅkya apiśabdamadhyāhmatya vyācaṣṭe--pūrvamityādinā. samāsādivṛttipravṛtteḥ pūrvaṃ strīliṅgasya sataḥ vṛttidaśāyāmupasarjanatayā strīliṅgatvā'bhāve'pī nadītvaṃ vaktavyamiti vārtikārtha iti bhāvaḥ. ambārthanadyohryasvaḥ.

yū stryākhyau. ī\ufffdā ūśca yū. vyākhyānāddīrghayoreva grahaṇam. avibhaktiko'yaṃ nirdeśa ityeke. `dīrghājjasi ce'ti niṣedhasya `vā chandāsī'ti pākṣikatvāt `parthamayoḥ pūrvasavarṇaḥ'iti dīrgha ityanye iha`pratyayasyaiva grahaṇa'miti paribhāṣā nopatiṣṭhate. neyaṅuvaṅsthānāvastrī' ti niṣedhālliṅgāt. tena `pradhyai'`pradhya'ityādau nadīkāryaṃ syādeva. striyamācakṣāte stryākhyau. mūlavibhujāditvātkāḥ. `cakṣiḍaḥ khyāñ'. `āto lopa iṭi ce'tyālopaḥ. īdudantaviti. iha `varṇayoreva saṃjñe'tyapi pakṣo'sti. `ācchīnadyoḥ–'iti sūtrasvarasāt. tayoḥ stryākhyatvaṃ tu ṅyādiṣu svataḥ, tantrīrlakṣmirityādau tu strīvācakavarṇasamudāye ghaṭakatvena praveśāt. tena nadyantādivyavahāro na virudhyate. evaṃ `śeṣo dhyasakhī'tyatrāpi `ivarṇovarṇayoreva ghisaṃjñe'ti pakṣo'pyastīti bodhyam. tena `dhyantājādyantayoghryantaṃ para'miti vyavahāraḥ saṅgacchete. varṇasaṃjñāpakṣe `asakhī'tyasya sakhibhinnasyayava ityartho na tu `sakiśabdāvayavaṃ varjayitve'ti. tena samudāyasya sakhiśabdabhinnatvāditisakhinotyādi nirbādhamityavadheyam. nityastrītvalābhārthamityāśayanāha-nityastrīliṅgāviti. yū kim?., mātre. stryākhyāviti kim?, grāmaṇyeṣa pūrvamiti. vṛtteḥ prāgityarthaḥ. saṃjñāyāṃ yathoddeśaparvṛttau nyāyasiddhamidaṃ, kāryakālapakṣe tu vācamikamityāhuḥ.

yū stryākhyau nadī 226, 1.4.3 yū stryākhyau. ī()ā ūśca yū. vyākhyānāddīrghayoreva grahaṇam. avibhaktiko'yaṃ nirdeśa ityeke. "dīrghājjasi ce"ti niṣedhasya "vā chandāsī"ti pākṣikatvāt "parthamayoḥ pūrvasavarṇaḥ"iti dīrgha ityanye iha"pratyayasyaiva grahaṇa"miti paribhāṣā nopatiṣṭhate. neyaṅuvaṅsthānāvastrī" ti niṣedhālliṅgāt. tena "pradhyai""pradhya"ityādau nadīkāryaṃ syādeva. striyamācakṣāte stryākhyau. mūlavibhujāditvātkāḥ. "cakṣiḍaḥ khyāñ". "āto lopa iṭi ce"tyālopaḥ. īdudantaviti. iha "varṇayoreva saṃjñe"tyapi pakṣo'sti. "ācchīnadyoḥ--"iti sūtrasvarasāt. tayoḥ stryākhyatvaṃ tu ṅyādiṣu svataḥ, tantrīrlakṣmirityādau tu strīvācakavarṇasamudāye ghaṭakatvena praveśāt. tena nadyantādivyavahāro na virudhyate. evaṃ "śeṣo dhyasakhī"tyatrāpi "ivarṇovarṇayoreva ghisaṃjñe"ti pakṣo'pyastīti bodhyam. tena "dhyantājādyantayoghryantaṃ para"miti vyavahāraḥ saṅgacchete. varṇasaṃjñāpakṣe "asakhī"tyasya sakhibhinnasyayava ityartho na tu "sakiśabdāvayavaṃ varjayitve"ti. tena samudāyasya sakhiśabdabhinnatvāditisakhinotyādi nirbādhamityavadheyam."striyā"mityeva vaktavye ākhyāgrahaṇaṃ nityastrītvalābhārthamityāśayanāha-nityastrīliṅgāviti. yū kim()., mātre. stryākhyāviti kim(), grāmaṇyeṣa pūrvamiti. vṛtteḥ prāgityarthaḥ. saṃjñāyāṃ yathoddeśaparvṛttau nyāyasiddhamidaṃ, kāryakālapakṣe tu vācamikamityāhuḥ.