1/25:asarvanāmasthāne iti ucyate |
2/25:tatra te rājā takṣā asarvanāmasthāne iti padasañjñāyāḥ pratiṣedhaḥ prasajyeta |
3/25:na apratiṣedhāt |
4/25:na ayam prasajyapratiṣedhaḥ sarvanāmasthāne na iti |
5/25:kim tarhi |
6/25:paryudāsaḥ ayam yat anyat sarvanāmasthānāt iti |
7/25:sarvanāmasthāne avyāpāraḥ |
8/25:yadi kena citprāpnoti tena bhaviṣyati |
9/25:pūrveṇa ca prāpnoti |
10/25:aprāpteḥ vā |
11/25:atha vā anantarā yā prāptiḥ sā pratiṣidhyate |
12/25:kutaḥ etat |
13/25:antarasya vidhiḥ vā bhavati pratiṣedhaḥ vā iti |
14/25:pūrvā prāptiḥ apratiṣiddhā tayā bhaviṣyati |
15/25:nanu ca iyam prāptiḥ pūrvām prāptim bādhate |
16/25:na utsahate pratiṣiddhā satī bādhitum |
17/25:atha vā yogavibhāgaḥ kariṣyate |
18/25:svādiṣu pūrvam padasañjñam bhavati |
19/25:tataḥ sarvanāmasthāne ayacipūrvam padasañjñam bhavati |
20/25:tato bham |
21/25:bhasañjñam ca bhavati yajādau asarvanāmasthāne iti |
22/25:yadi tarhi sau api padam bhavati ecaḥ plutavikāre padāntagrahaṇam coditam iha mā bhūt bhadram karoṣi gauḥ iti tasmin kriyamāṇe api prāpnoti |
23/25:vākyapadayoḥ antyasya iti evam tat |
24/25:bhuvadvadbhyaḥ dhārayadbhyaḥ etayoḥ padasañjñā vaktavyā |
25/25:bhuvadvadbhyaḥ dhārayadvadbhyaḥ |

svādiṣvasarvanāmasthāne. , 1.4.17 atra yadi saptamībahuvacanādārabhya ā kapaḥ pratyayā gṛhreran, tadā "asarvanāmasthāne" iti pratiṣedaṃ na kuryāt; prāptyabhāvāt. kṛtaścāsāvato'vasīyate prathamaikavacanādārabhyā kapaḥ pratyayāḥ svādayo gṛhranta ityata āha-- "svādiṣviti suśabdādekavacanādārabhya" iti. "rājatvam, rājatā" iti. "tasya bhāvastvatalau" 5.1.118. "rājataraḥ" iti. "dvivacanavibhajyopapade tarabīyasunau" 5.3.57 iti tarap. "rājatamaḥ" iti. "atiśāyane" 5.3.55 ityādinā tamap. "rājānau,rājānaḥ" iti. atra padasaṃjñāyā abhāvānnalopo na bhavati. yadyevam, rājatyatrāpi na syāt, pratyayalakṣaṇenāsarvanāmasthāna iti padasaṃjñāyā abhāvāt,naiṣa doṣaḥ; ācāryapravṛttijrñāpayati-- bhavati sau parataḥ padasaṃjñeti, yadayam "naṅisambuddhayoḥ" 8.2.8 iti pratiṣedhaṃ śāsti. atra sambuddhiśabdo'narthakaḥ syāt, padatvābhāvādeva nalopasyāprāpteḥ. atha vā -- "asarvanāmasthāne" iti paryudāso'yam, na prasajyapratiṣedhaḥ,tena sarvanāmasthānādanyatra padasaṃjñā vidhīyate; na tu sarvanāmasthānaṃ pratiṣidhyate. tena tatra pūrvasūtreṇa sau pare padasaṃjñā bhaviṣyati. atha vā- prasajyapratiṣedhe'pi na doṣaḥ, yasmāt "anantarasya vidhirvā pratiṣedho vā"(vyā.pa.12) ityanantarā yā prāptiḥ sā pratiṣidhyate; na vyavahitā. tena "suptiṅantaṃ padam" 1.4.14 ityakāralopaḥ॥

svādiṣvasarvanāmasthāne 164, 1.4.17 kappratyayāvadhiṣu svādiṣvasarvanāmasthāneṣu pūrvaṃ padaṃ syāt॥

tadetadāha–svādipañceti. svādiṣvasa. `asarvanāmasthāne'iti bahutve'pyekavacanamārṣam. kappratyayāvadhiṣviti. pañcamādhyāyānte vidhīyamānakappratyayottarāvadhikeṣvityarthaḥ. tatra ca vyākhyānameva śaraṇam. evaṃ ca dat- asityatra datśabdasya subantatvā'bhāvena padatvā'bhāve'pyanena sūtreṇa padatvāt `jhalāṃ jaśo'nte' iti takārasya jaśtvaṃ syādityākṣepaḥ sūcitaḥ.

svādiṣvasarvanāmasthāne 228, 1.4.17 tadetadāha--svādipañceti. svādiṣvasa. "asarvanāmasthāne"iti bahutve'pyekavacanamārṣam. kappratyayāvadhiṣviti. pañcamādhyāyānte vidhīyamānakappratyayottarāvadhikeṣvityarthaḥ. tatra ca vyākhyānameva śaraṇam. evaṃ ca dat-asityatra datśabdasya subantatvā'bhāvena padatvā'bhāve'pyanena sūtreṇa padatvāt "jhalāṃ jaśo'nte" iti takārasya jaśtvaṃ syādityākṣepaḥ sūcitaḥ.

svādiṣvasarvanāma. `su'ratra saptamībahuvacanamiti na śaṅkyam , kiṃtu `asarvanāmasthāne' iti paryudāsātprathamaikavacanameva. `supī'tyeva siddhe ādigrahaṇamadhikaparigrahārthamityāśayenāha -kappratyayāvadhiṣviti. nanvevaṃ-rāje'tyatra nalopo na syātpratyayalakṣaṇena sarvanāmasthānaparatayā padatvā'bhāvāt. naiṣa doṣaḥ. sau parataḥ `svādiṣu' ityanena padatvā'saṃbhave'pi subviśiṣṭasya `suptiṅnta'mitita padasaṃjñāyāṃ halṅyādinā sulope ekadeśavikṛtanyāyena nakārāntasya padatvāt. yadi tu `svādiṣu' itiyogena svādiṣu pareṣu pūrvaṃ padaṃ bhavatīti pūrvasya padasaṃjñāṃ vidhāya `yaci bha'mityatra `yacī'ti cchittvāyajādau sarvanāmasthāne parataḥ pūrvaṃ padaṃ neti niṣidhyate, tadā aujasādiṣupadasaṃjñā'bhāve'pi sau parataḥ padatvasaṃbhavāt `rāje'tyādau nalope kārye na kāpyanupapattiḥ.

svādiṣvasarvanāmasthāne 193, 1.4.17 svādiṣvasarvanāma. "su"ratra saptamībahuvacanamiti na śaṅkyam , kiṃtu "asarvanāmasthāne" iti paryudāsātprathamaikavacanameva. "supī"tyeva siddhe ādigrahaṇamadhikaparigrahārthamityāśayenāha -kappratyayāvadhiṣviti. nanvevaṃ-rāje"tyatra nalopo na syātpratyayalakṣaṇena sarvanāmasthānaparatayā padatvā'bhāvāt. naiṣa doṣaḥ. sau parataḥ "svādiṣu" ityanena padatvā'saṃbhave'pi subviśiṣṭasya "suptiṅnta"mitita padasaṃjñāyāṃ halṅyādinā sulope ekadeśavikṛtanyāyena nakārāntasya padatvāt. yadi tu "svādiṣu" itiyogena svādiṣu pareṣu pūrvaṃ padaṃ bhavatīti pūrvasya padasaṃjñāṃ vidhāya "yaci bha"mityatra "yacī"ti cchittvāyajādau sarvanāmasthāne parataḥ pūrvaṃ padaṃ neti niṣidhyate, tadā aujasādiṣupadasaṃjñā'bhāve'pi sau parataḥ padatvasaṃbhavāt "rāje"tyādau nalope kārye na kāpyanupapattiḥ.