Kāśikāvṛttī1:
prahāsaḥ parihāsaḥ krīḍā. prahāse gamyamāne manyaupapade dhātor madhyamapuruṣo b
See More
prahāsaḥ parihāsaḥ krīḍā. prahāse gamyamāne manyaupapade dhātor madhyamapuruṣo bhavati,
manyateścauttamaḥ, sa ca ekavad bhavati. ehi manye odanam bhokṣyase iti, na hi bhokṣyase,
bhuktaḥ so 'tithibhiḥ. ehi manye rathena yāsyasi, na hi yāsyasi, yātstena te pitā.
madhyamauttamayoḥ prāptayoḥ uttamamadhyamau vidhīyete. prahāse iti kim? ehi manyase
odanaṃ bhokṣye iti. suṣṭhu manyase. sādhu manyase.
Kāśikāvṛttī2:
asmadyuttamaḥ 1.4.107 uttamapuruṣo niyamyate. asmadyupapade samānābhidheye pray
See More
asmadyuttamaḥ 1.4.107 uttamapuruṣo niyamyate. asmadyupapade samānābhidheye prayujyamāne 'pyaprayujyamāne 'pi uttamapuruṣo bhavati. aham pacāmi. āvām pacāvaḥ. vayam pacāmaḥ. aprayujyamāne 'pi pacāmi. pacāvaḥ. pacāmaḥ.
Nyāsa2:
asmadyuttamaḥ. , 1.4.106 yadā yuṣdasmadī dve apyete upapade staḥ, tadā kathaṃ bh
See More
asmadyuttamaḥ. , 1.4.106 yadā yuṣdasmadī dve apyete upapade staḥ, tadā kathaṃ bhavitavyam? yadi karttṛśaktī ādhārapratiniyate apekṣyete, tadā''khyātamapi pṛthageva prayujyate-- pacasi pacāmi ceti. athāvirodhācchaktidvaye'pi lakāra utpadyate, tadā vipratiṣedhāduttama eva bhavati-- tvañcāhañca pacāva iti. yadyapi "tyadādīnāṃ yadyatparaṃ tacchiṣyate" bhavati. āvāṃ pacāva ityatra hrasmacchabdasya yuṣmadartho'pi vācyaḥ, anyathā hi dvivacanaṃ na syāt. na hrasmacchabdasyaiva dvitvamupapadyate॥
Laghusiddhāntakaumudī2:
asmadyuttamaḥ 386, 1.4.106 tathābhūte'smadyuttamaḥ॥
Bālamanoramā1:
prahāse ca. vākyadvayamidaṃ sūtram. `prahāse ca manyopapade iti prathamaṃ vākya Sū #13
See More
prahāse ca. vākyadvayamidaṃ sūtram. `prahāse ca manyopapade iti prathamaṃ vākyam.
madhyama ityanuvartate. manadhātuḥ śyanvikaraṇa upapadaṃ yasyeti bahuvrīhiḥ.
manyapadaśravaṇabalāddhātāviti viśeṣyaṃ labhyate. tadāha–manyadhāturityādinā.
tasminprakṛtibhūte satīti. tasmāddhātorlasya sthāne ityarthaḥ. madhyamaḥ syāditi.
`asmadyupapade' iti śeṣaḥ. asmadyuttamaṃ ityuttarasūtrāttadanuvṛtteḥ. evaṃ ca
uttamapuruṣāpavādo'yaṃ madhyamavidhiḥ. `manyateruttama ekavacce'ti dvitīyaṃ vākyam.
tadvyācaṣṭe– manyatestūttamaḥ syāditi. `yuṣmadyupapade' iti śeṣaḥ.
pūrvasūtrāttadanuvṛtteḥ. sa ceti. saḥ = manyetaruttamapuruṣaḥ,dvitvabahutvayorapi
ekavacanaṃ labhata ityarthaḥ. madhyamottamayovryatyāsārthamidam. etatsarvamanupadamevodāharaṇe
spaṣṭībhaviṣyati.
Bālamanoramā2:
asmadyuttamaḥ 14, 1.4.106 asmadyuttamaḥ. tathābhūta iti. tiṅvācyakārakavācini ap
See More
asmadyuttamaḥ 14, 1.4.106 asmadyuttamaḥ. tathābhūta iti. tiṅvācyakārakavācini aprayujyamāne prayujyamāne cetyarthaḥ.
Tattvabodhinī1:
vākyadvayamidaṃ sūtram. `prahāse ca manyopapade' iti prathamaṃ vākyam. mad Sū #12
See More
vākyadvayamidaṃ sūtram. `prahāse ca manyopapade' iti prathamaṃ vākyam. madhyama
ityanuvartate. manadhātuḥ śyanvikaraṇa upapadaṃ yasyeti bahuvrīhiḥ.
manyapadaśravaṇabalāddhātāviti viśeṣyaṃ labhyate. tadāha– manyadhāturityādinā.
tasminprakṛtibhūte satīti. tasmāddhātorlasya sthāne ityarthaḥ. madhyamaḥ syāditi.
`asmadyupapade' iti śeṣaḥ. asmadyuttamaṃ ityuttarasūtrāttadanuvṛtteḥ. evaṃ ca
uttamapuruṣāpavādo'yaṃ madhyamavidhiḥ. `manyateruttama ekavacce'ti dvitīyaṃ vākyam.
tadvyācaṣṭe— manyatestūttamaḥ syāditi. `yuṣmadyupapade' iti śeṣaḥ.
pūrvasūtrāttadanuvṛtteḥ. sa ceti. saḥ = manyateruttamapuruṣaḥ, dvitvabahutvayorapi
ekavacanaṃ labhata ityarthaḥ. madyamottamayovryatyāsārthamidam. etatsarvamanuvapadamevodāharaṇe
spaṣṭībhaviṣyati.
Tattvabodhinī2:
asmadyuttamaḥ 13, 1.4.106 tathābhūte iti. tiṅvācyakārakavācini prayujyamāne'pray
See More
asmadyuttamaḥ 13, 1.4.106 tathābhūte iti. tiṅvācyakārakavācini prayujyamāne'prayujyamāne cetyarthaḥ॥
1.Source: Arsha Vidya Gurukulam
2.Source: Sanskrit Documents