Pāṇini 1.4.1

PrevNext

Grammatical Sūtra: आ कडारादेका संज्ञा ā kaḍārādekā saṃjñā Chantings of the aṣṭādhyāyī kindly with permision Sai Susarla.
Individual Word Components: ā kaḍārāt ekā saṃjñā
Sūtra with anuvṛtti words: ā kaḍārāt ekā saṃjñā
Type of Rule: adhikāra

Description:

Source:Laghusiddhānta kaumudī (Ballantyne)

From this sûtra up to the aphorism Ka ârâḥ Karmadhâraye (2.2.38) only one name of each thing named is to be understood. Source: Aṣṭādhyāyī 2.0

(In this section, beginning with this sūtra) and ending with [káḍārāḥ karmadhārayé 2.2.38] only one (ékā) technical term (saṁjñā) applies (to a given item). Source: From Aṣṭādhyāyī of Pāṇini In Roman Transliteration translated by Sumitra M. Katre, Copyright © 1987. Courtesy of the University of Texas Press.

Source:Srisa Chandra Vasu's Aṣṭādhyāyī of Pāṇini

1/17:kimartham idam ucyate |
2/17:anyatra sañjñāsamāveśānniyamārtham vacanam |
3/17:anyatra sañjñāsamāveśaḥ bhavati |
4/17:kvānyatra |
5/17:loke vyākaraṇe ca |
6/17:loke tāvat |
7/17:indraḥ śakraḥ puruhūtaḥ purandaraḥ |
8/17:kanduḥ koṣṭhaḥ kuśūlaḥ iti |
9/17:ekasya dravyasya bahvyaḥ sañjñāḥ bhavanti |
10/17:vyākaraṇe api kartavyam hartavyam iti atra pratyayakṛtkṛtyasañjñānām samāveśaḥ bhavati |
11/17:pāñcālaḥ vaidehaḥ vaidarbhaḥ iti atra pratyayataddhitatadrājasañjñānāṃ samāveśaḥ bhavati |
12/17:anyatra sañjñāsamāveśāt etasmāt kāraṇāt ā kaḍārāt api sañjñānām samāveśaḥ prāpnoti |
13/17:iṣyate ca ekā eva sañjñā syāt iti |
14/17:tat ca antareṇa yatnam na sidhyati iti niyamārtham vacanam |
15/17:evamartham idam ucyate |
16/17:asti prayojanam etat |
17/17:kim tarhi iti |

1/162:katham tvetatsūtram paṭhitavyam |
2/162:kim ā kaḍārāt ekā sañjñā iti āhosvit prāk kaḍārāt param kāryam iti |
3/162:kutaḥ punaḥ ayam sandehaḥ |
4/162:ubhayathā hi ācāryeṇa śiṣyāḥ sūtram pratipāditāḥ : kecit ā kaḍārāt ekā sañjñā iti , kecit prāk kaḍārāt param kāryam iti |
5/162:kaḥ ca atra viśeṣaḥ |
6/162:tatra ekasañjñādhikāre tadvacanam | tatra ekasañjñādhikāre tat vaktavyam |*
7/162:kim |
8/162:ekā sañjñā bhavati iti |
9/162:nanu ca yasya api paraṅkāryatvam tena api paragrahaṇam kartavyam |
10/162:parārtham mama bhaviṣyati |
11/162:vipratiṣedhe ca iti |
12/162:mama api tarhi ekagrahaṇam parārtham bhaviṣyati |
13/162:sarūpāṇām ekaśeṣaḥ ekavibhaktau iti |
14/162:sañjñādhikāraḥ ca ayam |
15/162:tatra kim anyat śakyam vijñātum anyat ataḥ sañjñāyāḥ |
16/162:tatra etāvat vācyam |
17/162:ā kaḍārāt ekā |
18/162:kim |
19/162:ekā sañjñā bhavati iti |
20/162:aṅgasañjñayā bhapadasañjñayoḥ asamāveśaḥ |*
21/162:aṇgasañjñayā bhapadasañjñayoḥ samāveśaḥ na prāpnoti |
22/162:sārpiṣkaḥ bārhiṣkaḥ yājuṣkaḥ dhānuṣkaḥ |
23/162:bābhravyaḥ māṇḍavya iti |
24/162:anavakāśe bhapadasañjñe aṅgasañjñāṃ bādheyātām |
25/162:paravacane hi niyamānupapatteḥ ubhayasañjñābhāvaḥ |
26/162:yasya punaḥ paraṅkāryatvam niyamānupapatteḥ tasya ubhayoḥ sañjñayoḥ bhāvaḥ siddhaḥ |
27/162:katham |
28/162:pūrve tasya bhapadasañjñe parā aṅgasañjñā |
29/162:katham |
30/162:evam sa vakṣyati |
31/162:yasmātpratyayavidhiḥ tadādi suptiṅantaṃ padam naḥ kye siti ca |
32/162:svādiṣu asarvanāmasthāne yaci bham |
33/162:tasya ante pratyaye aṅgamiti |
34/162:tatra ārambhasāmarthyāc ca bhapadasañjñe paraṅkāryatvāt ca aṅgasañjñā bhaviṣyati |
35/162:nanu ca yasya api ekasañjñādhikāraḥ tasya api aṅgasañjñāpūrvike bhapadasañjñe |
36/162:katham |anuvṛttiḥ kriyate |
37/162:paryāyaḥ prasajyeta| ekā sañjñā iti vacanāt na asti yaugapadyena saṃbhavaḥ |
38/162:karmadhārayatve tatpuruṣagrahaṇam | karmadhārayatve tatpuruṣagrahaṇam kartavyam |*
39/162:tatpuruṣaḥ samānādhikaraṇaḥ karmadhārayaḥ iti |
40/162:ekasañjñādhikāraḥ iti coditam |
41/162:akriyamāṇe hi anavakāśā karmadhārayasañjñā tatpuruṣasañjñām bādheta |
42/162:paravacane hi niyamānupapatteḥ ubhayasañjñābhāvaḥ |
43/162:yasya punaḥ paraṅkāryatvam niyamānupapatteḥ tasya ubhayoḥ sañjñayoḥ bhāvaḥ siddhaḥ |
44/162:katham |
45/162:pūrvā tasya karmadhārayasañjñā parā tatpuruṣasañjñā |
46/162:katham |
47/162:evam sa vakṣyati |
48/162:pūrvakālaikasarvajaratpurāṇanavakevalāḥ samānādhikaraṇena karmadhārayaḥ iti |
49/162:evam sarvam karmadhārayaprakaraṇam anukramya tasya ante śritādiḥ tatpuruṣaḥ iti |
50/162:tatra ārambhasāmarthyāt ca karmadhārayasañjñā paraṅkāryatvāt ca tatpuruṣasañjñā bhaviṣyati |
51/162:nanu ca yasya api ekasañjñādhikāraḥ tasya api tatpuruṣasañjñāpūrvikā karmadhārayasañjñā |
52/162:katham |
53/162:anuvṛttiḥ kriyate |
54/162:paryāyaḥ prasajyeta |
55/162:ekā sañjñā iti vacanāt na asti yaugapadyena sambhavaḥ |
56/162:tatpuruṣatve dvigucagrahaṇam |*
57/162:tatpuruṣatve dvigucagrahaṇam kartavyam |
58/162:tatpuruṣaḥ dviguḥ ca iti cakāraḥ kartavyaḥ |
59/162:akriyamāṇe hi cakāre anavakāśā dvigusañjñā tatpuruṣasañjñām bādheta |
60/162:paravacane hi niyamānupapatteḥ ubhayasañjñābhāvaḥ |
61/162:yasya punaḥ paraṅkāryatvam niyamānupappateḥ tasya ubhayoḥ sañjñayoḥ bhāvaḥ siddhaḥ |
62/162:katham |
63/162:pūrvā tasya dvigusañjñā parā tatpuruṣasañjñā| katham |
64/162:evaṃ sa vakṣyati |
65/162:taddhitārthottarapadasamāhāre ca saṅkhyāpūrvaḥ dviguḥ iti |
66/162:evam sarvam dviguprakaraṇam anukramya tasya ante śritādiḥ tatpuruṣaḥ iti |
67/162:tatra ārambhasāmarthyāt ca dvigusañjñā paraṅkāryatvāt ca tatpuruṣasañjñā bhaviṣyati |
68/162:nanu ca yasya api ekasañjñādhikāraḥ tasya api tatpuruṣasañjñāpūrvikā dvigusañjñā |
69/162:katham |
70/162:anuvṛttiḥ kriyate |
71/162:paryāyaḥ prasajyeta |
72/162:ekā sañjñā iti vacanāt na asti yaugapadyena saṃbhavaḥ |
73/162:gatidivaḥkarmahetumatsu cagrahaṇam |*
74/162:gatidivaḥkarmahetumatsu cagrahaṇam kartavyam |
75/162:upasargāḥ kriyāyoge gatiśca iti cakāraḥ kartavyaḥ |
76/162:akriyamāṇe hi cakāre anavakāśaḥ pasargasañjñā gatisañjñām bādheta |
77/162:paravacane hi niyamānupapatteḥ ubhayasañjñābhāvaḥ |
78/162:yasya punaḥ paraṅkāryatvam niyamānupapatteḥ tasya ubhayoḥ sañjñayoḥ bhāvaḥ siddhaḥ |
79/162:katham |
80/162:pūrvā tasya upasargasañjñā parā gatisañjñā |
81/162:atra ārambhasāmarthyāt ca upasargasañjñā paraṅkāryatvāt ca gatisañjñā bhaviṣyati |
82/162:nanu ca yasya api ekasañjñādhikāraḥ tasya upasargasañjñāpūrvikā gatisañjñā |
83/162:katham |
84/162:anuvṛttiḥ kriyate |
85/162:paryāyaḥ prasajyeta |
86/162:ekā sañjñā iti vacanāt na asti yaugapadyena saṃbhavaḥ |
87/162:gatisañjñā api anavakāśā sā vacanāt bhaviṣyati |
88/162:sāvakāśā gatisañjñā |
89/162:kaḥ avakāśaḥ |
90/162:ūryādīni avakāśaḥ |
91/162:prādīnāṃ yā gatisañjñā sā anavakāśā |
92/162:gati |
93/162:divaḥ karma |
94/162:sādhakatamam karaṇam divaḥ karma ca iti cakāraḥ kartavyaḥ |
95/162:akriyamāṇe hi cakāre anavakāśā karmasañjñā karaṇasañjñām bādheta |
96/162:paravacane hi niyamānupapatteḥ ubhayasañjñābhāvaḥ |
97/162:yasya punaḥ paraṅkāryatvam niyamānupapatteḥ tasya ubhayoḥ sañjñayoḥ bhāvaḥ siddhaḥ |
98/162:katham |
99/162:pūrvā tasya karmasañjñā parā karaṇasañjñā |
100/162:katham |
101/162:evam sa vakṣyati |
102/162:divaḥ sādhakatamam karma |
103/162:tataḥ karaṇam |
104/162:karaṇasañjñām ca bhavati sādhakatamam |
105/162:diva iti nivṛttam |
106/162:tatra ārambhasāmarthyāt ca karmasañjñā paraṅkāryatvāt ca karaṇasañjñā bhaviṣyati |
107/162:nanu ca yasya api ekasañjñādhikāraḥtasya api karaṇasañjñāpūrvikā karmasañjñā |
108/162:katham |
109/162:anuvṛttiḥ kriyate |
110/162:paryāyaḥ prasajyeta |
111/162:ekā sañjñā iti vacanāt na asti yaugapadyena saṃbhavaḥ |
112/162:divaḥ karma |
113/162:hetumat |
114/162:svatantraḥ kartā tatprayojako hetuḥ ca iti cakāraḥ kartavyaḥ |
115/162:akriyamāṇe hi cakāre anavakāśā hetusañjñā kartṛsañjñām bādheta |
116/162:paravacane hi niyamānupapatteḥ ubhayasañjñābhāvaḥ |
117/162:yasya punaḥ paraṅkāryatvam niyamānupapatteḥ tasya ubhayoḥ sañjñayorbhāvaḥ siddhaḥ |
118/162:katham |
119/162:pūrvā tasya hetusañjñā parā kartṛsañjñā |
120/162:katham |
121/162:evam sa vakṣyati |
122/162:svatantraḥ prayojakaḥ hetuḥ iti |
123/162:tataḥ kartā |
124/162:kartṛsañjñaḥ ca bhavati svatantraḥ |
125/162:prayojakaḥ iti nivṛttam |
126/162:tatra ārambhasāmarthyāt ca hetusañjñā paraṅkāryatvāt ca kartṛsañjñā bhaviṣyati |
127/162:nanu ca yasya api ekasañjñādhikāraḥ tasya api kartṛsañjñāpūrvikā hetusañjñā |
128/162:katham |
129/162:anuvṛttiḥ kriyate |
130/162:paryāyaḥ prasajyeta |
131/162:ekā sañjñā iti vacanāt na asti yaugapadyena saṃbhavaḥ |
132/162:gurulaghusañjñe nadīghisañjñe |*
133/162:gurulaghusañjñe nadīghisañjñe bādheyātām |
134/162:gārgibandhuḥ vātsībandhuḥ vaitram viviniyya |
135/162:paravacane hi niyamānupatteḥ ubhayasañjñābhāvaḥ |
136/162:yasya punaḥ paraṅkāryatvam niyamānupatteḥ tasya ubhayoḥ sañjñayoḥ bhāvaḥ siddhaḥ |
137/162:katham |
138/162:pūrve tasya nadīghisañjñe pare gurulaghusañjñe |
139/162:tatra ārambhasāmarthyāt ca nadīghisañjñe paraṅkāryatvāt ca gurulaghusañjñe bhaviṣyataḥ |
140/162:nanu ca yasya api ekasañjñādhikāraḥ tasya api nadīghisaṃghisañjñāpūrvike gurulaghusañjñe |
141/162:katham |
142/162:anuvṛttiḥ kriyate |
143/162:paryāyaḥ prasajyeta |
144/162:ekā sañjñā iti vacanāt na asti yaugapadyena sambhavaḥ |
145/162:parasmaipadasañjñām puruṣasañjñā | parasmaipadasañjñām puruṣasañjñā bādheta |*
146/162:paravacane hi niyamānupapatteḥ ubhayasañjñābhāvaḥ |
147/162:yasya punaḥ paraṅkāryatvam niyamānupapatteḥ tasyobhayoḥ sañjñayoḥ bhāvaḥ siddhaḥ |
148/162:katham |
149/162:pūrvā tasya puruṣasañjñā parā parasmaipadasañjñā |
150/162:katham |
151/162:evaṃ sa vakṣyati |
152/162:tiṅaḥ trīṇi trīṇi prathamamadhyottamāḥ iti |
153/162:evam sarvam puruṣaniyamam anukramya tasya ante laḥ parasmaipadam iti |
154/162:tatra ārambhasāmārthyāt ca puruṣasañjñā paraṅkāryatvāt ca parasmaipadasañjñā bhaviṣyati |
155/162:nanu ca yasya api ekasañjñādhikaraḥ tasya api parasmaipadasañjñāpūrvikā puruṣasañjñā |
156/162:katham |
157/162:anuvṛttiḥ kriyate |
158/162:paryāyaḥ prasajyeta| ekā sañjñā iti vacanāt na asti yaugapadyena sambhavaḥ |
159/162:parasmaipadasañjñā api anavakāśā sā vacanāt bhaviṣyati |
160/162:sāvakāśā parasmaipadasañjñā |
161/162:kaḥ avakāśaḥ |
162/162:śatṛkvasū avakāśaḥ |

1/73:paravacane siti padaṃ bham |*
2/73:paravacane siti padam bhasañjñamapi prāpnoti |
3/73:ayam te yoniḥ ṛtviyaḥ |
4/73:prajam vindāma ṛtvijayām |
5/73:ārambhasāmarthyāt ca padasañjñā paraṅkāryatvāt ca bhasañjñā prāpnoti |
6/73:gatibuddhyādīnām ṇyantānām karma kartṛsañjñam |*
7/73:gatibuddhyādīāṃ ṇyantānām karma kartṛsañjñam api prāpnoti |
8/73:ārambhasāmarthyāt ca karmasañjñā padasañjñā paraṅkāryatvāt ca kartṛsañjñā prāpnoti |
9/73:na eṣaḥ doṣaḥ |
10/73:ācāryapravṛttiḥ jñāpayati na karmasañjñāyām kartṛsañjñā bhavati iti yat ayam hṛkroḥ anyatarasyām iti antarasyāṅgrahaṇam karoti |
11/73:śeṣavacanam ca ghisañjñānivṛttyartham |*
12/73:śeṣagrahaṇam ca kartavyam |
13/73:śeṣaḥ ghi asakhi iti |
14/73:kim prayojanam |
15/73:ghisāñjñānivṛttyartham |
16/73:nadīsañjñāyām ghisañjñā mā bhūt iti |
17/73:śakaṭyai paddhatyai buddhayai dhenvai |
18/73:itarathā hi paraṅkāryatvāt ca ghisañjñā ārambhasāmarthyāt ca ṅiti hrasvaḥ ca iti nadīsañjñā |
19/73:na vā asambhavāt |*
20/73:na vā asambhavāt |
21/73:na vā kartavyam |
22/73:nadīsañjñāyām ghisañjñā kasmāt na bhavati |
23/73:asambhavāt |
24/73:kaḥ asau asambhavaḥ |
25/73:hrasvalakṣaṇā hi nadīsañjñā ghisañjñāyām ca guṇaḥ |*
26/73:hrasvalakṣaṇā hi nadīsañjñā ghisañjñāyām ca guṇena bhavitavyam |
27/73:tatra vacanaprāmāṇyāt nadīsañjñāyām ghisañjñābhāvaḥ |*
28/73:tatra vacanaprāmāṇyāt nadīsañjñāyām ghisañjñā na bhaviṣyati |
29/73:kim kāraṇam |
30/73:āśrayābhāvāt |
31/73:āśrayābhāvāt nadīsañjñāyām ghisañjñānivṛttiḥ iti cet yaṇādeśābhāvaḥ |*
32/73:āśrayābhāvāt nadīsañjñāyām ghisañjñānivṛttiḥ iti cet evam ucyate yaṇādeśaḥ api na prāpnoti |
33/73:na eṣaḥ doṣaḥ |
34/73:nadyāśrayatvāt yaṇādeśasya hrasvasya nadīsañjñābhāvaḥ |*
35/73:nadyāśrayaḥ yaṇādeśaḥ |
36/73:yadā nadīsañjñayā ghisañjñā bādhitā tata uttarakālam yaṇādeśena bhavitavyam |
37/73:nadyāśrayatvāt yaṇādeśasya hrasvasya nadīsañjñā bhaviṣyati |
38/73:bahuvrīhyartham tu | bahvrīhipratiṣedhārtham tu śeṣagrahaṇam kartavyam |*
39/73:śeṣaḥ bavuvrīhiḥ iti |
40/73:kiṃ prayojanam |
41/73:prayojanamavyayībhāvopamānadvigukṛllopeṣu | avyayībhāve |*
42/73:unmattagaṅgam lohitagaṅgam |
43/73:upamāne |
44/73:śastrīśyāmā kumudaśyenī |
45/73:dvigu |
46/73:pañcagavam daśagavam |
47/73:kṛllope |
48/73:niṣkauśāmbiḥ nirvārāṇasiḥ |
49/73:tatra śeṣavacanāt doṣaḥ saṅkhyāsamānādhikaraṇañsamāseṣu bahuvrīhipratiṣedhaḥ |*
50/73:tatra śeṣavacanāt doṣaḥ bhavati |
51/73:saṅkhyāsamānādhikaraṇañsamāseṣu bahuvrīheḥ pratiṣedhaḥ prāpnoti |
52/73:saṅkhyā |
53/73:dvīrāvatīkaḥ deśaḥ trīrāvatīkaḥ deśaḥ |
54/73:samānādhikaraṇa |
55/73:vīrpuruṣakaḥ grāmaḥ |
56/73:nañsamāse |
57/73:abrāhmaṇakaḥ deśaḥ avṛṣalakaḥ deśaḥ |
58/73:kṛllope ca śeṣavacanāt prādibhiḥ na bahuvrīhiḥ |*
59/73:kṛllope ca śeṣavacanāt prādibhiḥ na prāpnoti |
60/73:prapatitaparṇaḥ praparṇakaḥ prapatitapalāśaḥ prapalāśakaḥ iti |
61/73:atha ekasañjñādhikāre katham sidhyati |
62/73:ekasañjñādhikāre vipratiṣedhād bahuvrīhiḥ |
63/73:ekasañjñādhikāre vipratiṣedhāt bahuvrīhiḥ bhaviṣyati |
64/73:ekasañjñādhikāre vipratiṣedhāt bahuvrīhiḥ iti cet ktārthe pratiṣedhaḥ |*
65/73:ekasañjñādhikāre vipratiṣedhāt bahuvrīhiḥ iti cet ktārthe pratiṣedhaḥ vaktavyaḥ |
66/73:niṣkauśāmbiḥ nirvārāṇasiḥ |
67/73:tatpuruṣaḥ atra bādhakaḥ bhaviṣyati |
68/73:tatpuruṣaḥ iti cet anyatra ktārthāt pratiṣedhaḥ | tatpuruṣaḥ iti cet anyatra ktārthāt pratiṣedhaḥ vaktavyaḥ |*
69/73:prapatitaparṇaḥ praparṇakaḥ pratitatpalāśaḥ prapalāśakaḥ iti |
70/73:siddham tu prādīnām ktārthe tatpuruṣavacanāt |*
71/73:siddhametat |
72/73:katham |
73/73:prādīnām ktārthe tatpuruṣaḥ bhavati iti vaktavyam |

1/48:kāni punaḥ asya yogasya prayojanāni |
2/48:prayojanam hrasvasañjñām dīrghaplutau |*
3/48:hrasvasañjñām dīrghaplutasañjñe bādhete |
4/48:tiṅsārvadhātukam liṅliṭoḥ ārdhadhātukam |*
5/48:tiṅaḥ sārvadhātukasañjñām liṅliṭoḥārdhadhātusañjñā bādhate |
6/48:apatyam vṛddham yuvā |*
7/48:apatyam vṛddham yavusañjñā bādhate |
8/48:ghim nadī |*
9/48:ghisañjñām nadīsañjñā bādhate |
10/48:laghu guru |*
11/48:laghusañjñām gurusañjñā bādhate |
12/48:padam bham |*
13/48:padasañjñām bhasañjñā bādhate |
14/48:apādādnam uttarāṇi dhanuṣā vidhyati kaṃsapātryām bhuṅkte gām dogdhi dhanuḥ vidhyati iti |*
15/48:apādānasañjñām uttarāṇi kārakāṇi bādhante |
16/48:kva |
17/48:dhanuṣā vidhyati |
18/48:kaṃsapātryām bhuṅkte |
19/48:gām dogdhi |
20/48:dhanuḥ vidhyati |
21/48:dhanuṣā vidhyati iti apāyayuktatvāt ca dhruvamapāye apādānam iti apādānasañjñā prāpnoti sādhakatamam karaṇam iti ca karaṇasañjñā |
22/48:karaṇasañjñā parā sā bhavati |
23/48:kaṃsapātryām bhuṅkte iti atra apāyuktatvāt ca dhruvamapāye apādānamiti apādānasañjñā prāpnoti ādhāraḥ adhikaraṇam iti ca adhikaraṇasañjñā |
24/48:adhikaraṇasañjñā parā sā bhavati |
25/48:gām dogdhi iti atra apāyuktatvāt ca apādānasañjñā prāpnoti karturīpsitatamam karma |
26/48:iti ca karmasañjñā |
27/48:karmasañjñā parā sā bhavati |
28/48:dhanuḥ vidhyati iti atra apāyayuktatvāt ca apādānasañjñā prāpnoti svatantraḥ kartā iti ca |
29/48:kartṛsañjñā parā sā bhavati |
30/48:krudhadruhoḥ upsṛṣṭayoḥ karma saṃpradānam | krudhadruhoḥ upsṛṣṭayoḥ karmasañjñā saṃpradānasañjñām bādhate |*
31/48:karaṇam parāṇi sādhu asiḥ chinatti |*
32/48:karaṇasañjñām parāṇi āṇi bādhante |
33/48:kva |
34/48:dhanuḥ vidhyati |
35/48:asiḥ chinatti iti |
36/48:adhikaraṇam karma geham praviśati | adhikaraṇasañjñām karmasañjñā bādhate |*
37/48:kva |
38/48:geham praviśati iti |
39/48:adhikaraṇam kartā sthālī pacati |*
40/48:adhikaraṇasañjñām karmasañjñā bādhate |
41/48:kva |
42/48:sthālī pacati iti |
43/48:adhyupasṛṣṭam karma | adhyupasṛṣṭam karma adhikaraṇasañjñām bādhate |*
44/48:gatyupasargasañjñe karmapravacanīyasañjñā |*
45/48:gatyupasargasañjñe karmapravacanīyasañjñā bādhate |
46/48:parasmaipadam ātmanepadam | parasmaipadasañjñām ātmanepadasañjñā bādhate |*
47/48:samāsasañjñāḥ ca |*
48/48:samāsasañjñāḥ ca yāḥ yāḥ parāḥ anavakāśāḥ ca tāḥ tāḥ pūrvāḥ sāvakāśāḥ ca bādhante |

1/27:arthavat prātipadikam | arthavat prātipadikasañjñam bhavati |*
2/27:guṇavacanam ca |*
3/27:guṇavacanasañjñam ca bhavati arthavat |
4/27:samāsakṛttaddhitāvyayasarvanāma asarvaliṅgā jātiḥ |*
5/27:41||samāsa | samāsasañjñā ca vaktavyā |
6/27:kṛt |
7/27:kṛtsañjñā ca vaktavyā |
8/27:taddhita |
9/27:taddhitasañjñā ca vaktavyā |
10/27:avyaya |
11/27:avyayasañjñā ca vaktavyā |
12/27:sarvanāma |
13/27:sarvanāmasañjñā ca vaktavyā |
14/27:asarvaliṅgā jātiḥ iti etat ca vaktavyam |
15/27:saṅkhyā |*
16/27:saṅkhyāsañjñā ca vaktavyā |
17/27:ḍu ca |*
18/27:ḍusañjñā ca vaktavyā |
19/27:kā punaḥ ḍusañjñā |
20/27:ṣaṭsañjñā |
21/27:ekadravyopaniveśinī sañjñā |*
22/27:ekadravyopaniveśinī sañjñā iti etat ca vaktavyam |
23/27:kimartham idamucyate |
24/27:yathānyāse eva bhūyiṣṭhāḥ sañjñāḥ kriyante |
25/27:santi ca eva atra kāḥ cit apūrvāḥ sañjñāḥ |
26/27:api ca etena ānupūrvyeṇa sanniviṣṭānām bādhanam yathā syāt |
27/27:guṇavacanasañjñāyāḥ ca etābhiḥ bādhanam yathā syāt iti |

Kielhorn/Abhyankar (I,296.2-10) Rohatak (II,297-298)

*Kātyāyana's Vārttikas

Commentaries:

Kāśikāvṛttī¹: kāḍarāḥ karmadhāraye 2-2-38 iti vakṣyati. ā etasmāt sūtrāvadheryadita ūrdhvam an See More

Kāśikāvṛttī²: ā kaḍārādekā saṃjñā 1.4.1 kāḍarāḥ karmadhāraye 2.2.38 iti vakṣyati. ā etasmāt s See More

Nyāsa²: ā kaḍārādekā saṃjñā. , 1.4.1 "yā parā" iti. yatra vipratiṣedhastatra & See More

ā kaḍārādekā saṃjñā. , 1.4.1 "yā parā" iti. yatra vipratiṣedhastatra "vipratiṣedhe param" 1.4.2 iti vacanāt parā bhavati. "anavakāśā ca yā" iti. yasyāḥ saṃjñāyāḥ kvacidavakāśo nāsti, sā'pyapavādabhūtvāt saṃjñāntaraṃ bādhitvā pravatrtate. yadyevam, ata eva saṃjñāsamāveśo na bhaviṣyati, tat kimekasaṃjñādhikāreṇa? naitadasti, virodhe hi satyapavādabhūtatvaṃ bhavati. vipratiṣedhastu virodha eva, sa ca virodha ekasaṃjñādhikāre sati bhavati, nāsati; tathā hi yatraikasaṃjñādhikāro nāsti, tatra vipratiṣedho nāstyeva, yathā-- pratyayādīnāṃ saṃjñāyām; tasmādasminnadhikāre sati virodho bhavati. ta()smaśca sati "virodhe param" iti vacanāt parā bhavati,?pavādabhūtatvādanavakāśā ca. tasmāt katrtavyo'yamadhikāraḥ. yadyevam, aṅasaṃjñāyāṃ bhapadasaṃjñayoḥ samāveśo vaktavyaḥ-- bābhravyaḥ, dhānuṣka iti. babhruśabdāt "madhubrābhvrobrrāāhṛṇakauśikayoḥ" 4.1.106 iti yañ. tatra bhatvāt "orguṇaḥ" 6.4.146 aṅgatvādādivṛddhiḥ, tatra "vānto yi pratyaye" 6.1.76 ityavādeśaḥ; dhanuḥśabdācca dhanuḥ praharaṇamasya "tadasya praharaṇam" 4.4.57 iti ṭhak; "isusuktāntātkaḥ" 7.3.51 iti kādeśaḥ, atra padatvāt "iṇaḥ ṣaḥ" 8.3.39 iti ṣatvam. aṅgatvādādivṛddhirna vaktavyā. "vā kyaṣaḥ" 1.3.90 itato vāgrahaṇamanuvartate, sā ca vyavasthitavibhāṣā. tena kvacit saṃjñāsamāveśo bhaviṣyatīti. "anyatra " iti. loke ca, śāstre ca. loke tāvat-- indraḥ, śukraḥ, purandara iti saṃjñāyāḥ samāveśo dṛṣṭaḥ. śāstre'pi pratyayaḥ,kṛt, kṛtyapratyayaḥ. evamanyatra saṃjñāsamāveśādihāpi syāt, ataevaikā saṃjñā yathā syāditi niyamārthametat. "bhidiśchidiḥ" iti. laghusaṃjñāyā avakāśaḥ. prayojanaṃ tu-- "bhettā, chettā" iti. "pugantalaghūpadhasya" 7.3.86 iti guṇaḥ. "śikṣirbhikṣiḥ" iti. gurusaṃjñāyā avakāśaḥ. prayojanaṃ-- "śikṣā, bhikṣā" ita. "gurośca halaḥ" 3.3.103 ityakārapratyayaḥ. laghusaṃjñā tvatra prayojanābhāvānna bhavati. ihobhayaṃ prāpnoti-- "atatakṣat, ararakṣat" iti. paratvādgurusaṃjñaiva bhavati. "takṣūtvakṣū tanūkaraṇe" (dhā.pā.655, 656), "rakṣa pālane" (dhā.pā.65ra8), hetumaṇṇic, luṅa, cleścaṅa, ṇilopaḥ, "caṅi" 6.1.11 iti dvarvacanam. yadyatra laghusaṃjñā syāt, "sanvallaghuni" 7.4.93 ityādinā sanvadbhāvāditvaṃ syāt. tadabhāvānna bhavatītyāha-- "sanvallaghuni" ityādi. "eṣa vidhiḥ " iti. sanvadbhāvavidhiḥ. parasyā idamudāharaṇamuktam. anavakāśāyāstūcyate-- ayante yonirṛtviya iti. ṛtuḥ prāpto'steti "ṛtoraṇ" 5.1.104 "chandasi ghas" 5.1.105 iti ghas; tasyeyādeśe kṛte "siti ca" 1.4.16 iti padasaṃjñā prāpnoti, "yaci bham" 1.4.18 iti bhasaṃjñā ca, anavakāśatvāt padasaṃjñaiva bhavati. yadi bhasaṃjñā syāt tadā "orguṇaḥ" 6.4.146 iti guṇaḥ syāt. bhasaṃjñāyāstvaupagavādiṣvavakāśaḥ. ā kaḍārāditīyato'vadhegrrahaṇaṃ vaicitryārtham; anyathā hi "ā dvandvāta ityevaṃ brāūyāt. na hi dvandvasaṃśabdānāt pareṇākaḍārādekasaṃjñāvidhānasya prayojanamasti; yata etāvato'vadhegrrahaṇamarthavadbhavati॥

Laghusiddhāntakaumudī¹: ita ūrdhvaṃ kaḍārāḥ karmadhāraya ityataḥ prāgekasyaikaiva saṃjñā jñeyā. yā parā Sū #166 See More

Laghusiddhāntakaumudī²: ākaḍārādekā saṃjñā 166, 1.4.1 ita ūrdhvaṃ kaḍārāḥ karmadhāraya ityataḥ prāgekasy See More

Bālamanoramā¹: nahratra dvayorapi saṃjñayoḥ samāvese virodho'sti, tavyattavyānīyarādau kṛtkṛty Sū #230 See More

nahratra dvayorapi saṃjñayoḥ samāvese virodho'sti, tavyattavyānīyarādau kṛtkṛtyapratyayādisaṃjñāsamāveśadarśanādityata āha-ā kaḍārā. āṅmaryādāyāmityāha– kaḍārāḥ karmadhāraye iti. āṅiha nābhividhau. kaḍāraśabdasyāpi praveśe prayojanā'bhāvāt. `prākkaḍārā'diti kaḍāraśabdastu nottarāvadhiḥ. `kaḍārāḥ karmadhāraye' iti kaḍāraśabdasya uttarāvadhitve'dhikalābhāt. `prākkaḍārādityuttaraṃ tatpuruṣaḥ dviguśceti cakārācca. saṃjñādvayasamāveśaṣārtho hi cakāraḥ. tatraikasaṃjñāyā niyamā'pravṛttau kiṃ tena ?. nanvastviha ekaiva saṃjñā, tathāpi vinigamanāvirahādbhasaṃjñaiveti kuto lābhaḥ ?. tatrāha–yā paretyādi. virodhā'bhāvena vipratiṣedhasūtrasya sāmānyādviśeṣabalīyastvasya cā'pravṛttāvapi paratvaniravakāśatvayoranyatra balavattvena dṛṣṭatvādihāpi tābhyāṃ vyavaśtā yujyate iti bhāvaḥ. dvayoḥ sāvakāśayoḥ parā saṃjñā balavatī. anyatarasyā niravakāśatve tu saiveti bodhyam. tatra parā yathā–`dhanuṣā śarairvidhyatī'tyatra śarāṇāṃ viśleṣaṃ pratyavadhibhūtasyaiva dhanuṣā vyadhanaṃ prati sādhakatamatvādapādānatve karaṇatve ca prāpte parā karaṇasaṃjñaiva bhavati. anavakāśā yathāatatakṣaditi. atra takārādakārasya `saṃyoge guru' iti gurusaṃjñaivā'navalakāśatvādbhavati, natu laghusaṃjñā. tasyā asaṃyoge pare caritārthatvāt. ataḥ sanvallaghunīti tatra na pravartate. teneti. anavakāśatvenetyarthaḥ. ata iti. padatvā'bhāvājjaśtvaṃ netyarthaḥ. jaśtvamiti. dat-bhyāmiti sthite `svādiṣvasarvanāmasthāne' iti padāntatvāt. `jhalāṃ jaśo'nte' iti jaśtvamityarthaḥ. ityādīti. dadbhiḥ date ityādirādiśabdārthaḥ. `khari ca' iti cartve-datsu. pakṣe rāmavat. māsa iti. māsaśabdasya śasi `paddanna' iti māsityādeśe rūpam. māseti tṛtīyaikavacanam. rutva iti. mās-bhyām iti sthite svādiṣviti padatvāt `sasajuṣoḥ' iti ruḥ. `bhobhago' iti tasya yakāre `hali sarveṣā'miti tasya lope mābhyāṃ' `mābhi'riti rūpamityarthaḥ. ityādīti. `mābyaḥ' ityādirādiśabdārthaḥ. mās-su iti sthite rutve `kharavasānayoḥ' iti visarge `vā śari' iti satvavikalpaḥ. māssu-māḥsu.

Bālamanoramā²: ā kaḍārādekā saṃjñā 230, 1.4.1 nahratra dvayorapi saṃjñayoḥ samāvese virodho'sti See More

ā kaḍārādekā saṃjñā 230, 1.4.1 nahratra dvayorapi saṃjñayoḥ samāvese virodho'sti, tavyattavyānīyarādau kṛtkṛtyapratyayādisaṃjñāsamāveśadarśanādityata āha-ā kaḍārā. āṅmaryādāyāmityāha--kaḍārāḥ karmadhāraye iti. āṅiha nābhividhau. kaḍāraśabdasyāpi praveśe prayojanā'bhāvāt. "prākkaḍārā"diti kaḍāraśabdastu nottarāvadhiḥ. "kaḍārāḥ karmadhāraye" iti kaḍāraśabdasya uttarāvadhitve'dhikalābhāt. "prākkaḍārādityuttaraṃ tatpuruṣaḥ dviguśceti cakārācca. saṃjñādvayasamāveśaṣārtho hi cakāraḥ. tatraikasaṃjñāyā niyamā'pravṛttau kiṃ tena?. nanvastviha ekaiva saṃjñā, tathāpi vinigamanāvirahādbhasaṃjñaiveti kuto lābhaḥ?. tatrāha--yā paretyādi. virodhā'bhāvena vipratiṣedhasūtrasya sāmānyādviśeṣabalīyastvasya cā'pravṛttāvapi paratvaniravakāśatvayoranyatra balavattvena dṛṣṭatvādihāpi tābhyāṃ vyavaśtā yujyate iti bhāvaḥ. dvayoḥ sāvakāśayoḥ parā saṃjñā balavatī. anyatarasyā niravakāśatve tu saiveti bodhyam. tatra parā yathā--"dhanuṣā śarairvidhyatī"tyatra śarāṇāṃ viśleṣaṃ pratyavadhibhūtasyaiva dhanuṣā vyadhanaṃ prati sādhakatamatvādapādānatve karaṇatve ca prāpte parā karaṇasaṃjñaiva bhavati. anavakāśā yathāatatakṣaditi. atra takārādakārasya "saṃyoge guru" iti gurusaṃjñaivā'navalakāśatvādbhavati, natu laghusaṃjñā. tasyā asaṃyoge pare caritārthatvāt. ataḥ sanvallaghunīti tatra na pravartate. teneti. anavakāśatvenetyarthaḥ. ata iti. padatvā'bhāvājjaśtvaṃ netyarthaḥ. jaśtvamiti. dat-bhyāmiti sthite "svādiṣvasarvanāmasthāne" iti padāntatvāt. "jhalāṃ jaśo'nte" iti jaśtvamityarthaḥ. ityādīti. dadbhiḥ date ityādirādiśabdārthaḥ. "khari ca" iti cartve-datsu. pakṣe rāmavat. māsa iti. māsaśabdasya śasi "paddanna" iti māsityādeśe rūpam. māseti tṛtīyaikavacanam. rutva iti. mās-bhyām iti sthite svādiṣviti padatvāt "sasajuṣoḥ" iti ruḥ. "bhobhago" iti tasya yakāre "hali sarveṣā"miti tasya lope mābhyāṃ" "mābhi"riti rūpamityarthaḥ. ityādīti. "mābyaḥ" ityādirādiśabdārthaḥ. mās-su iti sthite rutve "kharavasānayoḥ" iti visarge "vā śari" iti satvavikalpaḥ. māssu-māḥsu.

Tattvabodhinī¹: ā kaḍārā. iha `prākkaḍārātmasamāsaḥ' ityasya nāvadhitvaṃ, vyāptinyāyāt. `t Sū #195 See More

Tattvabodhinī²: ā kaḍārādekā saṃjñā 195, 1.4.1 ā kaḍārā. iha "prākkaḍārātmasamāsaḥ" it See More

1.Source: Arsha Vidya Gurukulam
2.Source: Sanskrit Documents

Examples²:

Research Papers and Publications