1/23:aṇau akarmakāt iti curādiṇicaḥ ṇyantāt parasmaipadavacanam |*
2/23:aṇau akarmakāt iti curādiṇicaḥ ṇyantāt parasmaipadam vaktavyam |
3/23:iha api yathā syāt : cetayamāṇam prayojayati cetayati iti |
4/23:yadi tarhi atra api iṣyate aṇigrahaṇam idānīm kimartham syāt |
5/23:akarmakagrahaṇam aṇyantaviśeṣaṇam yathā vijñāyeta |
6/23:atha akriyamāṇe aṇigrahaṇam kasya akarmakgrahaṇam viśeṣaṇam syāt |
7/23:ṇeḥ iti vartate |
8/23:ṇyantaviśeṣaṇam |
9/23:tatra kaḥ doṣaḥ |
10/23:iha eva syāt : cetayamānam prayojayati cetayati iti |
11/23:iha na syāt : āsayati śāyayati iti |
12/23:siddham tu atasmin ṇau iti vacanāt |*
13/23:siddham etat |
14/23:katham |
15/23:atasmin ṇau yaḥ akarmakaḥ tatra iti vaktavyam |
16/23:sidhyati |
17/23:sūtram tarhi bhidyate |
18/23:yathānyāsam eva astu |
19/23:nanu ca uktam aṇav akarmakāt iti curādiṇicaḥ ṇyantāt parasmaipadavacanam iti |
20/23:na eṣaḥ doṣaḥ |
21/23:aṇau iti kasya idam ṇeḥ grahaṇam |
22/23:yasmāṇ ṇeḥ prāk karma kartā vā vidyate |
23/23:na ca etasmāṇ ṇeaḥ prāk karma kartā vā vidyate |

ṇeḥ iti vartate. kartrabhiprāyakriyāphalavivakṣāyām ātmanepadāpavādaḥ parasmaipadaṃ vidhīyate. aṇyanto yo dhaturakarmakaścittavatkartṛkaśca tasmād ṇyantāt parasmaipadaṃ bhavati. āste devadattaḥ, āsayati devadattam. śete devadattaḥ, śāyayati devadattam. aṇau iti kim? cetayamānaṃ prayojayati cetayate, iti kecit pratyudāharanti tadyuktam. hetumaṇṇico vidhiḥ. pratiṣedho 'pi pratyāsattes tasya eva nyāyyaḥ. tasmādiha cetayati iti parasmaipadena eva bhavitavyam. idaṃ tu pratyudaharaṇam ārohayamāṇaṃ prayuḍkte ārohayate. akarmakātiti kim? kaṭhaṃ kurvāṇaṃ prayuṅkte kārayate. citavatkartṛkātiti kim? śuṣyanti vrīhayaḥ, śoṣayate vrīhīnātapaḥ.

aṇāvakarmakāc cittavatkartṛkāt 1.3.88 ṇeḥ iti vartate. kartrabhiprāyakriyāphalavivakṣāyām ātmanepadāpavādaḥ parasmaipadaṃ vidhīyate. aṇyanto yo dhaturakarmakaścittavatkartṛkaśca tasmād ṇyantāt parasmaipadaṃ bhavati. āste devadattaḥ, āsayati devadattam. śete devadattaḥ, śāyayati devadattam. aṇau iti kim? cetayamānaṃ prayojayati cetayate, iti kecit pratyudāharanti tadyuktam. hetumaṇṇico vidhiḥ. pratiṣedho 'pi pratyāsattes tasya eva nyāyyaḥ. tasmādiha cetayati iti parasmaipadena eva bhavitavyam. idaṃ tu pratyudaharaṇam ārohayamāṇaṃ prayuḍkte ārohayate. akarmakātiti kim? kaṭhaṃ kurvāṇaṃ prayuṅkte kārayate. citavatkartṛkātiti kim? śuṣyanti vrīhayaḥ, śoṣayate vrīhīnātapaḥ.

aṇāvakarmakāccittavatkarttṛkāt. , 1.3.88 "cetayamānam" iti. "citī saṃjñāne" (dhā.pā.39), caurādikaḥ. aya()ñcākarmakaścittavatkartṛkaśca. "hetumaṇṇico vidhiḥ" iti. budhādeḥ 1.3.86 sūtrādiha ṇijgrahaṇamanuvatrtate, sa ca hetumaṇṇijeva; budhādibhyo'nyasya ṇico'sambhavāt. yataśca hetumaṇṇico vidhiḥ, pratyāsattestasyaiva pratiṣedho yuktaḥ. yathābhūta eva vidhibhāk; tathābhūtenaiva pratiṣedhabhājā bhavitavyam; pratyāsatteḥ. tathā hi-- brāāh()maṇāḥ praveśyantāmanyatādhīyānebhya ityukte yatājātīyakānāṃ praveśo vihitastathājātīyakānāmeva pratyāsatteḥ paryudāso vijñāyate. "{ārohramāṇaḥ"- iti mudritaḥ pāṭhaḥ.} ārohramāṇam" iti. ṇeraṇāvādi 1.3.67 sūtreṇātmanepadam. yadyapyatra hastipakān prati hastinaḥ prayojakatve vivakṣite ṇijvihitaḥ, tathāpi ṇyantāvasthāyāṃ hastipakāḥ prayojyatvena na vivakṣyante; anyathā hraṇau yatkarma tadeva ṇau katrtā na syāt. tatra prayojyatvāvivakṣāyāmārohra- māṇa ityasya svayamevārohayatītyeṣo'rtho bhavati. tamārohayamāṇaṃ yadānyaḥ prayuṅkte, tadā dvitīyo hetumaṇṇic. tadantāt "ṇicaśca" 1.3.74 ityātmanepadaṃ bhavati. tenārohayata iti yuktameva pratyudāharaṇam॥

aṇāvakarmakāt. ṇyantāditi śeṣapūraṇam, ṇerityanuvṛtteriti bhāvaḥ. aṇau yo dāturakarmakaḥ, cittavatkartṛkaśca, tasmāṇṇyantātparasmaipadamiti yāvat. cittavatkartṛkāditi kim ?. vrīhayaḥ śuṣyanti, tān śoṣayate. akarmakātkim ?. kaṭaṃ karoti taṃ prayuṅkte.kaṭaṃ kārayati.

aṇāvakarmakāccittavatkartṛkāt 579, 1.3.88 aṇāvakarmakāt. ṇyantāditi śeṣapūraṇam, ṇerityanuvṛtteriti bhāvaḥ. aṇau yo dāturakarmakaḥ, cittavatkartṛkaśca, tasmāṇṇyantātparasmaipadamiti yāvat. cittavatkartṛkāditi kim?. vrīhayaḥ śuṣyanti, tān śoṣayate. akarmakātkim?. kaṭaṃ karoti taṃ prayuṅkte.kaṭaṃ kārayati.

aṇāvakarmakāt. kriyāphalasya kartṛgamitvavivakṣāyāmātmanepade prāpte parasmaipadārthamidam. aṇāviti kim ?. hetumaṇyantādakarmakātparasmaipada[miti] niyamo mā bhūt. ārohramāṇaṃ prayuṅkte ārohayate. nyagbhavantaṃ prerayatītyarthaḥ. `ṇeraṇau' itisūtre udāharaṇatvena ya ārohayatikarmako nirṇīstasmāddvitīye ṇici pratyudāharaṇamidam. kecittu aṇāviti kim. curādiṇyantātparasmaipadaniyamo mābhūt. tadyathā puṭṭa pvuṭṭa alpībhāve. puṭṭayati. cuṭṭayati. alpībhavatītyarthaḥ. akarmakāvimau. tato hetumaṇṇici–puṭṭayate cuṭṭayate. iti pratyudāharaṇanti, tadbhāṣyādiviruddham. tathāhi budhādisūtrādiha ṇeriti vartate, budhādibhyaśca hetumaṇṇireva saṃbhavatīti tadantādevāyaṃ vidhiḥ. aṇāviti pratiṣedho'pi pratyāsttestasyaiva nyāyyaḥ. tena curādiṇyantāddhetumaṇṇau parasmapaidaṃ bhavatyeveti bhāṣyādau sthitam. tathā ca hetumaṇṇeḥ prāgyo'karmako hetumaṇṇyantabhinnastasmāddhetumaṇṇāvātmanepadaṃ neti phalito'rthaḥ. akarmakātkim?. kaṭaṃ yaḥ karoti taṃ prayuṅkte kaṭaṃ kārayati. cittavatkartṛkāditi kim ?. śuṣyanti vrīhayastāñśoṣayate.

aṇāvakarmakāccittavatkartṛkāt 475, 1.3.88 aṇāvakarmakāt. kriyāphalasya kartṛgamitvavivakṣāyāmātmanepade prāpte parasmaipadārthamidam. aṇāviti kim?. hetumaṇyantādakarmakātparasmaipada[miti] niyamo mā bhūt. ārohramāṇaṃ prayuṅkte ārohayate. nyagbhavantaṃ prerayatītyarthaḥ. "ṇeraṇau" itisūtre udāharaṇatvena ya ārohayatikarmako nirṇīstasmāddvitīye ṇici pratyudāharaṇamidam. kecittu aṇāviti kim. curādiṇyantātparasmaipadaniyamo mābhūt. tadyathā puṭṭa pvuṭṭa alpībhāve. puṭṭayati. cuṭṭayati. alpībhavatītyarthaḥ. akarmakāvimau. tato hetumaṇṇici--puṭṭayate cuṭṭayate. iti pratyudāharaṇanti, tadbhāṣyādiviruddham. tathāhi budhādisūtrādiha ṇeriti vartate, budhādibhyaśca hetumaṇṇireva saṃbhavatīti tadantādevāyaṃ vidhiḥ. aṇāviti pratiṣedho'pi pratyāsttestasyaiva nyāyyaḥ. tena curādiṇyantāddhetumaṇṇau parasmapaidaṃ bhavatyeveti bhāṣyādau sthitam. tathā ca hetumaṇṇeḥ prāgyo'karmako hetumaṇṇyantabhinnastasmāddhetumaṇṇāvātmanepadaṃ neti phalito'rthaḥ. akarmakātkim(). kaṭaṃ yaḥ karoti taṃ prayuṅkte kaṭaṃ kārayati. cittavatkartṛkāditi kim?. śuṣyanti vrīhayastāñśoṣayate.