1/29:kimartham idam ucyate |
2/29:adhikāraḥ pratiyogam tasya anirdeśārthaḥ |*
3/29:adhikāraḥ kriyate pratiyogam tasya anirdeśārthaḥ iti |
4/29:kim idam pratiyogam iti |
5/29:yogam yogam prati pratiyogam |
6/29:yoge yoge tasya grahaṇam mā kārṣam iti |
7/29:kim gatam etat iyatā sūtreṇa |
8/29:gatam iti āha |
9/29:kutaḥ |
10/29:lokataḥ |
11/29:tat yathā loke adhikṛtaḥ asau grāme adhikṛtaḥ asau nagare iti ucyate yaḥ yatra vyāpāram gacchati |
12/29:śabdena ca api adhikṛtena kaḥ anyaḥ vyāpāraḥ śakyaḥ avagantum anyat ataḥ yoge yoge upasthānāt |
13/29:na vā nirdiśyamānādhikṛtatvāt yathā loke |*
14/29:na vā etat prayojanam |
15/29:kim kāraṇam |
16/29:nirdiśyamānādhikṛtatvāt yathā loke |
17/29:nirdiśyamānam adhikṛtam gamyate |
18/29:tat yathā |
19/29:devadattāya gauḥ dīyatām yajñadattāya viṣṇumitrāya iti |
20/29:gauḥ iti gamyate |
21/29:evam iha api padarujaviśaspṛśaḥ ghañ sṛ sthire bhāve |
22/29:ghañ iti gamyate |
23/29:anyanirdeśaḥ tu nivartakaḥ tasmāt paribhāṣā |*
24/29:anyanirdeśaḥ tu loke nivartakaḥ bhavati |
25/29:tat yathā |
26/29:devadattāya gauḥ dīyatām yajñadattāya kambalaḥ viṣṇumitrāya ca iti |
27/29:kambalaḥ gonivartakaḥ bhavati |
28/29:evam iha api abhividhau bhāve inuṇ ghañaḥ nivartakaḥ syāt |
29/29:tasmāt paribhāṣā kartavyā |

1/36:adhikāraparimāṇājñānam tu |*
2/36:adhikāraparimāṇājñānam tu bhavati |
3/36:na jñāyate kiyantam avadhim adhikāraḥ anuvartate iti |
4/36:adhikāraparimāṇajñānārtham tu |*
5/36:adhikāraparimāṇajñānārtham eva tarhi ayam yogaḥ vaktavyaḥ |
6/36:adhikāraparimāṇam jñāsyāmi iti |
7/36:katham punaḥ svaritena adhikāraḥ iti anena adhikāraparimāṇam śakyam vijñātum |
8/36:evam vakṣyāmi svarite na adhikāraḥ iti |
9/36:svaritam dṛṣṭvā adhikāraḥ na bhavati iti |
10/36:kena idānīm adhikāraḥ bhaviṣyati |
11/36:laukikaḥ adhikāraḥ |
12/36:na adhikāraḥ iti cet uktam |*
13/36:kim uktam |
14/36:anyanirdeśaḥ tu nivartakaḥ tasmāt paribhāṣā iti |
15/36:adhikārārtham eva tarhi ayam yogaḥ vaktavyaḥ |
16/36:nanu ca uktam adhikāraparimāṇājñānam tu iti |
17/36:yāvatithaḥ al anubandhaḥ tāvataḥ yogān iti vacanāt siddham |*
18/36:yāvatithaḥ al anubadhyate tāvataḥ yogān adhikāraḥ anuvartate iti vaktavyam |
19/36:atha idānīm yatra alpīyāṃsaḥ alaḥ bhūyasaḥ ca yogān adhikāraḥ anuvartate katham tatra kartavyam |
20/36:bhūyasi prāgvacanam |*
21/36:bhūyasi prāgvacanam kartavyam |
22/36:prāk amutaḥ iti vaktavyam |
23/36:tat tarhi vaktavyam |
24/36:na vaktavyam |
25/36:sandehamātram etat bhavati |
26/36:sarvasandeheṣu ca idam upatiṣṭhate vyākhyānataḥ viśeṣapratipattiḥ na hi sandehāt alakṣaṇam iti |
27/36:prāk amutaḥ iti vyākhyāsyāmaḥ |
28/36:yadi evam na arthaḥ anena |
29/36:kena idānīm adhikāraḥ bhaviṣyati |
30/36:laukikaḥ adhikāraḥ |
31/36:nanu ca uktam na adhikāraḥ iti cet uktam |
32/36:kim uktam |
33/36:anyanirdeśaḥ tu nivartakaḥ tasmāt paribhāṣā |
34/36:sandehamātram etat bhavati |
35/36:sarvasandeheṣu ca idam upatiṣṭhate vyākhyānataḥ viśeṣapratipattiḥ na hi sandehāt alakṣaṇam iti |
36/36:inuṇ ghañ iti sandehe ghañ iti vyākhyāsyāmaḥ |

1/33:na tarhi idānīm ayam yogaḥ vaktavyaḥ |
2/33:vaktavyaḥ ca |
3/33:kim prayojanam |
4/33:svaritena adhikāragatiḥ yathā vijñāyeta , adhikam kāryam , adhikaḥ kāraḥ |
5/33:adhikāragatiḥ : gostriyoḥ upasarjanam iti atra goṭāṅgrahaṇam coditam |
6/33:tat na kartavyam bhavati |
7/33:strīgrahaṇam svarayiṣyate |
8/33:svaritena adhikāragatiḥ bhavati iti striyām iti evam prakṛtya ye pratyayāḥ vihitāḥ teṣām grahaṇam vijñāsyate |
9/33:tatra svaritena adhikāragatiḥ bhavati iti na doṣaḥ bhavati |
10/33:adhikam kāryam : apādānam ācāryaḥ kim nyāyyam manyate |
11/33:yatra prāpya nivṛttiḥ |
12/33:tena iha eva syāt : grāmāt āgacchati |
13/33:nagarāt āgacchati |
14/33:sāṅkāśyakebhyaḥ pāṭaliputrakāḥ abhirūpatarāḥ iti atra na syāt |
15/33:svaritena adhikarm kāryam bhavati iti atra api siddham bhavati |
16/33:tathā adhikaraṇam ācāryaḥ kim nyāyyam manyate |
17/33:yatra kṛtsnaḥ ādhārātmā vyāptaḥ bhavati |
18/33:tena iha eva syāt : tileṣu tailam |
19/33:dadhni sarpiḥ iti |
20/33:gaṅgāyām gāvaḥ |
21/33:kūpe gargakulam iti atra na syāt |
22/33:svaritena adhikarm kāryam bhavati iti atra api siddham bhavati |
23/33:adhikam kāryam |
24/33:adhikaḥ kāraḥ : pūrvavipratiṣedhāḥ na paṭhitavyāḥ bhavanti |
25/33:guṇavṛddhyauttvatṛjvadbhāvebhyaḥ num pūrvavipratiṣiddham numaciratṛjvadbhāvebhyaḥ nuṭ iti |
26/33:numnuṭau svarayiṣyete |
27/33:tatra svaritena adhikaḥ kāraḥ bhavati iti numnuṭau bhaviṣyataḥ |
28/33:katham punaḥ adhikaḥ kāraḥ iti anena pūrvavipratiṣedhāḥ śakya na paṭhitum |
29/33:lokataḥ |
30/33:tat yathā loke adhikam ayam kāram karoti iti ucyate yaḥ ayam durbalaḥ san balavadbhiḥ saha bhāram vahati |
31/33:evam iha api adhikam ayam kāram karoti iti ucyate yaḥ ayam pūrvaḥ san param bādhate |
32/33:adhikāragatiḥ stryarthā viśeṣāya adhikam kāryam |
33/33:atha yaḥ anyaḥ adhikaḥ kāraḥ pūrvavipratiṣedhārthaḥ saḥ |

svaritena iti ittham bhūtalakṣaṇe tṛtīyā. svarito nāma svaraviśeṣo varṇadharmaḥ. tena cihṇena adhikāro viditavyaḥ. adhikāro viniyogaḥ. svaritaguṇayuktaṃ śabdarūpam adhikṛtatvāduttaratra upatiṣṭhate. pratijñāsvaritāḥ pāṇinīyāḥ. pratyayaḥ 3-1-1. dhātoḥ 3-1-91). ñyāpprātipadikāt (*4,1.1). aṅgasya (*6,4.1. bhasya 6-4-129). padasya (*8,1.16.

svaritena adhikāraḥ 1.3.11 svaritena iti ittham bhūtalakṣaṇe tṛtīyā. svarito nāma svaraviśeṣo varṇadharmaḥ. tena cihṇena adhikāro viditavyaḥ. adhikāro viniyogaḥ. svaritaguṇayuktaṃ śabdarūpam adhikṛtatvāduttaratra upatiṣṭhate. pratijñāsvaritāḥ pāṇinīyāḥ. pratyayaḥ 3.1.1. dhātoḥ 3.1.91. ñyāpprātipadikāt 4.1.1. aṅgasya 6.4.1. bhasya 6.4.129. padasya 8.1.16.

svaritenādhikāraḥ. , 1.3.11 "itthaṃbhūtalakṣaṇe tṛtīya" iti. svaritena cihnenādhikārasyopalakṣaṇīyatvāt. yadi pāribhāṣikasyeha svatisya grahaṇaṃ syāt, "raṣābhyāṃ no ṇaḥ samānapade" 8.4.1 ityatra ṇakāraṇṇākārasyādhikārasyādhikāratā na syāt; paribhāṣikasyājdharmatvāt. ṇakārasyānackatvāditi matvā sarveṣāṃ varṇānāmacāṃ halāñca svaritākhyo yo varṇadharmo guṇasyasyedaṃ grahaṇam, na pāribhāṣikasyeti darśayannāha-- "svarito nāma svaradoṣo varṇadharmaḥ" iti. varṇadharmasya tu garhaṇamadhikārāvagamāya. sa iha halyapi svaritāsarañjanādvijñāyate. "adhikāro viniyogaḥ" iti. vyāpārakaraṇam. "adhikṛtatvāduttaratropatiṣṭhate" iti. yathā puruṣo yatrādhikṛto nagarādau tatraivopatiṣṭhate, tathā svaritaguṇayuktaṃ śabdarūpaṃ sūtrakāreṇa niyuktaṃ sūtrakāreṇa tatra tatropatiṣṭhate. "uttaratra" iti vacanamupalakṣaṇārtham. kvacit pūrvatrāpyupatiṣṭhata eva. kva punarasya sadbhāvo bhavati? kva ca vā na bhavati? ityāha-- "pratijñāsvaritāḥ pāṇinīyāḥ" iti. pratijñayā svarito yeṣāṃ te tathoktāḥ. tadetaduktaṃ bhavati-- yatreva ta ācāryāḥ svaritatvaṃ pratijānate tatraivāsya sadbhāvo bhavati, nānyatreti. tadapi pratijñānaṃ nāniyamena bhavati, kiṃ tarhi? yatrācāryāḥ smaranti tatraiva bhavati. sa cāyaṃ dharmaḥ kalāgadyupama iti veditavyaḥ. kāryārthamupādīyate, kṛtakāryastu nivartate; na tu prayogasamavāyī bhavati. "pratyayaḥ" 3.1.1 ityādinā ye'dhikārāḥ svaritanāvacchidyante teṣāmudāharaṇāni darśayati. atha kimartho'yamadhikāraḥ kriyate? pratiyogaṃ tas grahaṇaṃ mā kārṣīdityevamarthamiti cet, na; yathā devadattāya gaurdīyatāṃ kambalaścetyukte na ca punarucyate devadattāyeti, atha ca prastutatvāddevadattasya kambalaścetyasya sākāṅkṣatvāt tenaiva sambandho bhavati; tathā ca "sṛ sthire" 3.3.17"bhāve" 3.3.18 ityevamādīnāmapi vākyānāṃ sākāṅkṣatvādghañādīnāñca prastutatvāt taireva sambandho bhaviṣyati, tatkimadhikareṇa? satyametat; yatrānya nirdeśo nāsti tatropatiṣṭhate, yatra tvanyanirdeśastatrāsau prakṛtasya nivartaka eva syāt. tathā hi-- gaurdīyatāṃ yajñadattāya kambalo viṣṇumitrāyetyukte'nyanirdeśena prastuto devadatto nivartatte. evañcānyanirdeśenāsya nivartakatve sati "abhividhau bhāva inuṇa" 3.3.44 ityasyenuṇo nirdeśena prastutasya ghaño nivartitatvāt "ākrośe'vanyogrrahaḥ" 3.3.45 ityatrānantareṇenuṇā sambandhaḥ syāt,na punavryavahitena ghañā,ghañ tviṣyate. nanu ca dṛṣṭānuvṛttisāmathryād ghañevānuvartiṣyate tenaivābhisambandho bhaviṣyati, tathā ca tatra vakṣyati-- "dṛṣṭānuvṛttisāmathryāttatra ghañevānuvatrtate, nānantara inuṇ " iti naitadasti; yadi dṛṣṭānuvṛttisāmathryādaghaña evānuvṛttiḥ syāt, tadā "ṛdorap" 3.3.57 ittatrottareṣvapi yogeṣu ghañevānuvatrteta, nāppratyayaḥ. yatpavunarvakṣyati-- "dṛṣṭānuvṛttisāmathryāt" iti, tatra dṛṣṭānuvṛttisāmathryaśabdena svaritatvamevoktam. dṛṣṭamanuvṛttau sāmathryam-- adhikṛtasya śabdarūpasya yasmāditi bahuvrīhikṛtvā.tasmāt svaritatvādityayamatrārthaḥ. yadyeṣo'rthaḥ sūtrākārābhimataḥ syāt, svaritatvāditi kasmānnoktamiti cet? na;svacchandato hi vacasāṃ pravṛttiḥ, arthastu parīkṣaṇīya ityacodyatametat. tadevaṃ yato'nyanirdaśaḥ prastutasya nivatrtako bhavati tasmādadhikāraḥ katrtavyaḥ. ta()smaśca kriyamāṇe tadavagamopāyadarśanāya "svaritenādhikāraḥ" ityetadipa katrtavyaḥ॥

svaritenādhikāraḥ. adhikāraḥ=vyāpṛtiḥ. yathā loke `adhikṛto grāme'sā'viti vyāpṛta iti gamyate. śabdasya ca uttarasūtreṣvanuvṛttireva vyāpṛtiḥ. svaritena=svaraviśeṣeṇa adhikāra uttaratrānuvṛttirūpavyāpāraḥ pratyetavyaḥ. yat padaṃ śāstrakṛtā svaritākhyasvaraviśeṣaviśiṣṭamuccāritaṃ taduttarasūtreṣvanuvartanīyamiti yāvat. phalitamāha–svaritatvayuktamityādinā. ānunāsikyavatsavritoccāraṇamapi pratijñāgamyam. anuvṛttāvuttarāvadhistu vyākhyānādevāvagantavyaḥ. yadyapi nivṛttivadanuvṛttirapi vyākhyānādeva bhaviṣyatīti kiṃ sūtreṇa, tathāpi bhāṣye etatprayojanaṃ bahudhā prapañcitam. pūrvapūrvāpekṣayā uttaramuttaraṃ śāstraṃ balavattaparamityarthaḥ. `uttarottara'mityatra `ānupūvrye dve vācye' iti dvitvam. `karmadhārayavaduttareṣu' iti karmadhārayavadbhāvātsupo luk. balavacchabdāt `dvivacanavibhajyopapade tarabīyasunau ' iti īyasun. `vinmatorlu'giti matupo luk. parāpekṣayā nityāntaraṅgāpavādāḥ, nityāpekṣayā'pi antaraṅgāpavādau, antaraṅgāpekṣayāpi apavāda ityevaṃ krameṇa pūrvapūrvāpekṣayā uttarottarabalavattvamiti phalito'rthaḥ. paraṃ vipratiṣedhasūtrāt balavat. parānnityaṃ yathā–tudati. atra `tudādibhyaḥ śaḥ' iti śapratyayaṃ bādhitvā paratvālladhūpadhaguṇaḥ prāptaḥ, sa ca śapratyaye pravṛtte sati na pravṛttimarhati. śapratyayastu kṛte'kṛte'pi laghūpadhaguṇe pravṛttimarhatīti sa nityaḥ. `kṛtākṛtaprasaṅgī yo vidhiḥ sa nitya' iti hi tallakṣaṇam. ato nityaḥ śapratyayo laghūpadhaguṇaṃ bādhitvā prathamaṃ pravartate. tataḥ `sārvadhātukamapit' iti śasya ṅittvāt `kṅiti ca ' iti niṣedhānna guṇaḥ. aklṛptā'bhāvakasya nityaśāstrasyā'bhāvakalpanāpekṣayā klṛptā'bhāvakasyā'nityaśāstrasyaiva tatkalpanaṃ yujyata iti nityasya balavattve bījam. parādantaraṅgaṃ yathā–ubhaye devamanuṣyāḥ. atra `prathamacarame'ti paramapi vikalpaṃ bādhitvā `sarvādīnī'ti nityaiva sarvanāmasaṃjñā bhavati, tasyā vibhaktinirapekṣatvenāraṅgatvāt. alpāpekṣamantaraṅgamiti hi tallakṣaṇam. tasya balavattve bījamāha–\r\nasiddhaṃ bahiraṅgamantaraṅge. antaraṅgaśāstre prasakte bahiraṅgaśāstramavidyamānaṃ pratyetavyamityarthaḥ. iyaṃ tu paribhāṣā `vāhauuṭh'sūtre bhāṣye sthitā. parādapavādo yathā–dadhnā. asthidadhītyanaṅ?. iha paramapyanekāliti sarvādeśaṃ bādhitvā `ṅicce'tyantādeśaḥ, tasya yena nāprāptinyāyena tadapavādatvāt. apavādasya balavattve bījaṃ. tvanupadamevoktam. nityādantaraṅgaṃ yathā– grāmaṇini kule iha. nityamapīko'cīti numaṃ bādhitvā `hyasvo napuṃsake' iti hyasvaḥ. prathamataḥ kṛte numyanajantatvādhyasvo na syāt. antaraṅgādapavādo yathā–daityāriḥ. śrīśaḥ. paramapi savarṇadīrghaṃ bādhitvā'ntaraṅgatvādādguṇe yaṇi ca prāpte'pavādatvātsavarṇadīrghaḥ.\r\nakṛtavyūhāḥ pāṇinīyāḥ. na kṛtaḥ akṛtaḥ, vyūha=prakṛtipratyayavivecanaṃ yaiste'kṛtavyūhāḥ pāṇinīyāḥ=pāṇiniśiṣyā ityakṣarārthaḥ. tarhi sarvasya śāstrasya vaiyathryamityato'dhyāhmatya vyācaṣṭe- nimittamityādinā. `seduṣa' ityādyudāharaṇam. tacca śabdādhikāre `sedivas'śabdanirūpaṇāvasare mūla eva spaṣṭībhaviṣyati. iyaṃ paribhāṣā nirmūlā niṣphalā ceti paribhāṣenduśekhare spaṣṭam. \r\niti śrīvāsudevadīkṣitaviracitāyāṃ siddhāntakaumudīvyākhyāyāṃ bālamanoramāyāṃ paribhāṣāprakaraṇam॥ prāgdiśīyāḥ.

svaritenādhikāraḥ 1921, 1.3.11 svaritenādhikāraḥ. adhikāraḥ=vyāpṛtiḥ. yathā loke "adhikṛto grāme'sā"viti vyāpṛta iti gamyate. śabdasya ca uttarasūtreṣvanuvṛttireva vyāpṛtiḥ. svaritena=svaraviśeṣeṇa adhikāra uttaratrānuvṛttirūpavyāpāraḥ pratyetavyaḥ. yat padaṃ śāstrakṛtā svaritākhyasvaraviśeṣaviśiṣṭamuccāritaṃ taduttarasūtreṣvanuvartanīyamiti yāvat. phalitamāha--svaritatvayuktamityādinā. ānunāsikyavatsavritoccāraṇamapi pratijñāgamyam. anuvṛttāvuttarāvadhistu vyākhyānādevāvagantavyaḥ. yadyapi nivṛttivadanuvṛttirapi vyākhyānādeva bhaviṣyatīti kiṃ sūtreṇa, tathāpi bhāṣye etatprayojanaṃ bahudhā prapañcitam.paranityeti. parādīnāṃ madhye pūrvapūrvāpekṣayā uttaramuttaraṃ śāstraṃ balavattaparamityarthaḥ. "uttarottara"mityatra "ānupūvrye dve vācye" iti dvitvam. "karmadhārayavaduttareṣu" iti karmadhārayavadbhāvātsupo luk. balavacchabdāt "dvivacanavibhajyopapade tarabīyasunau " iti īyasun. "vinmatorlu"giti matupo luk. parāpekṣayā nityāntaraṅgāpavādāḥ, nityāpekṣayā'pi antaraṅgāpavādau, antaraṅgāpekṣayāpi apavāda ityevaṃ krameṇa pūrvapūrvāpekṣayā uttarottarabalavattvamiti phalito'rthaḥ. paraṃ vipratiṣedhasūtrāt balavat. parānnityaṃ yathā--tudati. atra "tudādibhyaḥ śaḥ" iti śapratyayaṃ bādhitvā paratvālladhūpadhaguṇaḥ prāptaḥ, sa ca śapratyaye pravṛtte sati na pravṛttimarhati. śapratyayastu kṛte'kṛte'pi laghūpadhaguṇe pravṛttimarhatīti sa nityaḥ. "kṛtākṛtaprasaṅgī yo vidhiḥ sa nitya" iti hi tallakṣaṇam. ato nityaḥ śapratyayo laghūpadhaguṇaṃ bādhitvā prathamaṃ pravartate. tataḥ "sārvadhātukamapit" iti śasya ṅittvāt "kṅiti ca " iti niṣedhānna guṇaḥ. aklṛptā'bhāvakasya nityaśāstrasyā'bhāvakalpanāpekṣayā klṛptā'bhāvakasyā'nityaśāstrasyaiva tatkalpanaṃ yujyata iti nityasya balavattve bījam. parādantaraṅgaṃ yathā--ubhaye devamanuṣyāḥ. atra "prathamacarame"ti paramapi vikalpaṃ bādhitvā "sarvādīnī"ti nityaiva sarvanāmasaṃjñā bhavati, tasyā vibhaktinirapekṣatvenāraṅgatvāt. alpāpekṣamantaraṅgamiti hi tallakṣaṇam. tasya balavattve bījamāha--asiddhaṃ bahiraṅgamantaraṅge. antaraṅgaśāstre prasakte bahiraṅgaśāstramavidyamānaṃ pratyetavyamityarthaḥ. iyaṃ tu paribhāṣā "vāhauuṭh"sūtre bhāṣye sthitā. parādapavādo yathā--dadhnā. asthidadhītyanaṅ(). iha paramapyanekāliti sarvādeśaṃ bādhitvā "ṅicce"tyantādeśaḥ, tasya yena nāprāptinyāyena tadapavādatvāt. apavādasya balavattve bījaṃ. tvanupadamevoktam. nityādantaraṅgaṃ yathā--grāmaṇini kule iha. nityamapīko'cīti numaṃ bādhitvā "hyasvo napuṃsake" iti hyasvaḥ. prathamataḥ kṛte numyanajantatvādhyasvo na syāt. antaraṅgādapavādo yathā--daityāriḥ. śrīśaḥ. paramapi savarṇadīrghaṃ bādhitvā'ntaraṅgatvādādguṇe yaṇi ca prāpte'pavādatvātsavarṇadīrghaḥ.akṛtavyūhāḥ pāṇinīyāḥ. na kṛtaḥ akṛtaḥ, vyūha=prakṛtipratyayavivecanaṃ yaiste'kṛtavyūhāḥ pāṇinīyāḥ=pāṇiniśiṣyā ityakṣarārthaḥ. tarhi sarvasya śāstrasya vaiyathryamityato'dhyāhmatya vyācaṣṭe-nimittamityādinā. "seduṣa" ityādyudāharaṇam. tacca śabdādhikāre "sedivas"śabdanirūpaṇāvasare mūla eva spaṣṭībhaviṣyati. iyaṃ paribhāṣā nirmūlā niṣphalā ceti paribhāṣenduśekhare spaṣṭam. iti śrīvāsudevadīkṣitaviracitāyāṃ siddhāntakaumudīvyākhyāyāṃ bālamanoramāyāṃ paribhāṣāprakaraṇam॥*********************atha prāgdiśīyāḥ.------------

svaritenādhikāraḥ. atretthaṃbhūtalakṣaṇe tṛtīyā. adhikāro viniyogaḥ. kiyad?dūramadhikāra ityatratu vyākhyānameva śaraṇam. yathā–ā saptamādhyāyaparisamāpteraṅgādhikāraḥ, na tu prāgabhyāsavikārebhya evetyādi. yadvā svaritā iti saptamyantam, svarite dṛṣṭe adhikāro nivartata ityarthaḥ. kaḥ svarito'dhikārārthaḥ, kaśca tannivṛttyartha ityatra tu vyākhyānameva śaraṇam. nanvevaṃ vyākhyānādevānuvṛttyananuvṛttī staḥ kimanena sūtreṇeti cet, atrāhuḥ- arthāntarasaṅgrahāyedaṃ sūtraṃ kṛtam. tathāhi-adhi-adhikaḥ kāro'dhikāraḥ. adhikaṃ kāryaṃ gauṇepi śāstrapravṛttirityarthaḥ. tathā ca gauṇamukhyanyāyo yatra neṣyate apādānādhikaraṇādau, tatra svaritaḥ pāṭhyaḥ. kiṃca adhikaḥ kāraḥ kṛtiriyaṃ-yatpūrvaḥ san paraṃ bādhate. tathā ca `numaciratṛjvadbhāvebhyo nu'ḍityādivakṣyamāṇapūrvavipratiṣedhāḥ sarve saṅgṛhītā bhavanti, tatra svaritapāṭhenaiva gatārthatvāditi॥ parānnityaṃ yathā-`tudādibhyaḥ śaḥ'. tudati. `rudhādibhyaḥ śnam'. ruṇaddhi. paramapi laghūpadhaguṇaṃ bādhitvā nityatvāt śaśnamau. tathā dhinavāva, dhinavāma. paramapi `lopascāsyānyatarasyāṃ mvo'rityukāralopaṃ bādhitvā nityatvādāḍuttamasyetyāṭ. parādantaraṅgaṃ yathāparamapi `anekā'liti sarvādeśaṃ bādhitvā `ḍicce'tyantādeśaḥ. dadhnā, dadhne. `asthidadhī'tyanaṅ. nityādantaraṅgaṃ yathā-`grāmaṇinī kule'. nityamapīko'cīti numaṃ bādhitvā `hyasvo napuṃsake' iti hyasvaḥ. kṛte tu numi anajantatvāddhrasvo na syāt. antaraṅgādapavādo yathā-`daityāri', `śrīśaḥ'. paramapi savarṇadīrghaṃ bādhitvā'ntaraṅgatvādādguṇe yaṇi ca prāpte'pavādatvātsavarṇadīrghaḥ. tathā `unnyaḥ' sulvau `sulvaḥ' ityatrāntaraṅgatvādiyaṅi uvaṅi ca prāpte'pavādatvāderanekāca iti, `oḥ supī'ti ca yaṇ. yadyapavādo'nyatra caritārthastarhi parāntaraṅgābhyāṃ uvaṅi ca prāpte'pavādatvāderanekāca iti, `oḥ supī'ti ca yaṇ. yadyapavāde'nyatra caritārthatvāttātāṅi na pravartate, kiṃtu pareṇa `anekālśi'dityanena bādhyate,-jīvatāt. bhavatāt. ayaje indram, grāme iha, sarve ittham.-atra ayaja i indram, grāma iha, sarva ī itthamiti sthite'ntaraṅgeṇa guṇena savarṇadīrgho bādhyate. tasya asamānāśraye `daityāriḥ' `śrīśa' ityādau caritārthatvāt॥\r\nasiddhamiti. tena `pacāveda'mityādau `eta ai' ityaitvaṃ na. akṛtavyūhā iti. akṛtakāryā ityarthaḥ. evaṃ tarhi sarvasya śāstrasya vaiyathryaṃ syādata āha–nimittaṃ vināśonmukhaṃ dṛṣṭveti. lokasiddhārthakathanametat. yadvā. akṣarārthenāpyetatkathanam. ūhrate tarkyata ityūhaḥ-kāryam , viśiṣṭo ya ūho vyūho=vināśonmukhanimittakaṃ kāryam. akṛto vyūho yaiste akṛtavyūhā iti. yadyapi `kṛtamapi śāstraṃ nivartayantī'ti paribhāṣāntaraṃ paṭha\ufffdte, phalaṃ ca tulyaṃ, tathāpi `akṛtavyūhā' ityeva laghu, `prakṣālanāddhi paṅkasya dūrādasparśanaṃ vara'miti nyāyāditi bhāvaḥ. na kurvantīti. yathā niṣeduṣī'mityādau kvasoriṭamantaraṅgatvātprāptamapi `bhāvinā saṃprasāraṇena valāditvaṃ naṅkṣayatī'tyālocya na kurvantītyarthaḥ॥\r\niti tattvabodhinyāṃ paribhāṣāprakaraṇam.

svaritenādhikāraḥ 1470, 1.3.11 svaritenādhikāraḥ. atretthaṃbhūtalakṣaṇe tṛtīyā. adhikāro viniyogaḥ. kiyad()dūramadhikāra ityatratu vyākhyānameva śaraṇam. yathā--ā saptamādhyāyaparisamāpteraṅgādhikāraḥ, na tu prāgabhyāsavikārebhya evetyādi. yadvā svaritā iti saptamyantam, svarite dṛṣṭe adhikāro nivartata ityarthaḥ. kaḥ svarito'dhikārārthaḥ, kaśca tannivṛttyartha ityatra tu vyākhyānameva śaraṇam. nanvevaṃ vyākhyānādevānuvṛttyananuvṛttī staḥ kimanena sūtreṇeti cet, atrāhuḥ-arthāntarasaṅgrahāyedaṃ sūtraṃ kṛtam. tathāhi-adhi-adhikaḥ kāro'dhikāraḥ. adhikaṃ kāryaṃ gauṇepi śāstrapravṛttirityarthaḥ. tathā ca gauṇamukhyanyāyo yatra neṣyate apādānādhikaraṇādau, tatra svaritaḥ pāṭhyaḥ. kiṃca adhikaḥ kāraḥ kṛtiriyaṃ-yatpūrvaḥ san paraṃ bādhate. tathā ca "numaciratṛjvadbhāvebhyo nu"ḍityādivakṣyamāṇapūrvavipratiṣedhāḥ sarve saṅgṛhītā bhavanti, tatra svaritapāṭhenaiva gatārthatvāditi॥paranityeti. parānnityaṃ yathā-"tudādibhyaḥ śaḥ". tudati. "rudhādibhyaḥ śnam". ruṇaddhi. paramapi laghūpadhaguṇaṃ bādhitvā nityatvāt śaśnamau. tathā dhinavāva, dhinavāma. paramapi "lopascāsyānyatarasyāṃ mvo"rityukāralopaṃ bādhitvā nityatvādāḍuttamasyetyāṭ. parādantaraṅgaṃ yathāparamapi "anekā"liti sarvādeśaṃ bādhitvā "ḍicce"tyantādeśaḥ. dadhnā, dadhne. "asthidadhī"tyanaṅ. nityādantaraṅgaṃ yathā-"grāmaṇinī kule". nityamapīko'cīti numaṃ bādhitvā "hyasvo napuṃsake" iti hyasvaḥ. kṛte tu numi anajantatvāddhrasvo na syāt. antaraṅgādapavādo yathā-"daityāri", "śrīśaḥ". paramapi savarṇadīrghaṃ bādhitvā'ntaraṅgatvādādguṇe yaṇi ca prāpte'pavādatvātsavarṇadīrghaḥ. tathā "unnyaḥ" sulvau "sulvaḥ" ityatrāntaraṅgatvādiyaṅi uvaṅi ca prāpte'pavādatvāderanekāca iti, "oḥ supī"ti ca yaṇ. yadyapavādo'nyatra caritārthastarhi parāntaraṅgābhyāṃ uvaṅi ca prāpte'pavādatvāderanekāca iti, "oḥ supī"ti ca yaṇ. yadyapavāde'nyatra caritārthatvāttātāṅi na pravartate, kiṃtu pareṇa "anekālśi"dityanena bādhyate,-jīvatāt. bhavatāt. ayaje indram, grāme iha, sarve ittham.-atra ayaja i indram, grāma iha, sarva ī itthamiti sthite'ntaraṅgeṇa guṇena savarṇadīrgho bādhyate. tasya asamānāśraye "daityāriḥ" "śrīśa" ityādau caritārthatvāt॥asiddhamiti. tena "pacāveda"mityādau "eta ai" ityaitvaṃ na. akṛtavyūhā iti. akṛtakāryā ityarthaḥ. evaṃ tarhi sarvasya śāstrasya vaiyathryaṃ syādata āha--nimittaṃ vināśonmukhaṃ dṛṣṭveti. lokasiddhārthakathanametat. yadvā. akṣarārthenāpyetatkathanam. ūhrate tarkyata ityūhaḥ-kāryam , viśiṣṭo ya ūho vyūho=vināśonmukhanimittakaṃ kāryam. akṛto vyūho yaiste akṛtavyūhā iti. yadyapi "kṛtamapi śāstraṃ nivartayantī"ti paribhāṣāntaraṃ paṭha()te, phalaṃ ca tulyaṃ, tathāpi "akṛtavyūhā" ityeva laghu, "prakṣālanāddhi paṅkasya dūrādasparśanaṃ vara"miti nyāyāditi bhāvaḥ. na kurvantīti. yathā niṣeduṣī"mityādau kvasoriṭamantaraṅgatvātprāptamapi "bhāvinā saṃprasāraṇena valāditvaṃ naṅkṣayatī"tyālocya na kurvantītyarthaḥ॥iti tattvabodhinyāṃ paribhāṣāprakaraṇam.-------------------------