1/24:rūpagrahaṇam kimartham |
2/24:samānānām ekaśeṣa ekavibhaktau iti iyati ucyamāne yatra eva sarvam samānam śabdaḥ arthaḥ ca tatra eva syāt : vṛkṣāḥ , plakṣāḥ iti |
3/24:iha na syāt : akṣāḥ ,| pādāḥ , māṣāḥ iti |
4/24:rūpagrahaṇe punaḥ kriyamāṇe na doṣaḥ bhavati |
5/24:rūpam nimittatvena āśrīyate śrutau ca rūpagrahaṇam |
6/24:atha ekagrahaṇam kimartham |
7/24:sarūpāṇām śeṣaḥ ekavibhaktau iti iyati ucyamāne dvibahvoḥ api śeṣaḥ prasajyeta |
8/24:ekagrahaṇe punaḥ kriyamāṇe na doṣaḥ bhavati |
9/24:atha śeṣagrahaṇam kimartham |
10/24:sarūpāṇām ekaḥ ekavibhaktau iti iyati ucyamāne ādeśaḥ ayam vijñāyeta |
11/24:tatra kaḥ doṣaḥ |
12/24:aśvaḥ ca asvaḥ ca aśvau : āntaryataḥ dvyudāttavataḥ sthāninaḥ dvyudāttavān ādeśaḥ prasajyeta |
13/24:lopyalopitā ca na prakalpeta |
14/24:tatra kaḥ doṣaḥ |
15/24:gargāḥ , vatsāḥ , bidāḥ , urvāḥ |
16/24:añ yaḥ bahuṣu yañ yaḥ bahuṣu iti ucyamānaḥ luk na prāpnoti |
17/24:mā bhūt evam |
18/24:añantam yat bahuṣu yañantam yat bahuṣu iti evam bhaviṣyati |
19/24:na evam śakyam |
20/24:iha hi doṣaḥ syāt| : kāśyapapratikṛtayaḥ kāśyapāḥ iti |
21/24:ekavibhaktau iti kimartham |
22/24:payaḥ payaḥ jarayati |
23/24:vāsaḥ vāsaḥ chādayati |
24/24:brāhmaṇābhyām ca kṛtam brāhmaṇābhyām ca dehi iti |

1/22:kimartham punaḥ idam ucyate |
2/22:pratyartham śabdaniveśāt na ekena anekasya abhidhānam | pratyartham śabdāḥ abhiniviśante |*
3/22:kim idam pratyartham iti |
4/22:artham artham prati pratyartham |
5/22:pratyartham śābdaniveśāt etasmāt kāraṇāt na ekena śabdena anekasya arthasya abhidhānam prāpnoti |
6/22:tatra kaḥ doṣaḥ |
7/22:tatra anekārthābhidhāne anekaśabdatvam |*
8/22:tatra anekārthābhidhāne anekaśabdatvam prāpnoti |
9/22:iṣyate ca ekena api anekasya abhidhānam syāt iti |
10/22:tat ca antareṇa yatnam na sidhyati |
11/22:tasmāt ekaśeṣaḥ |*
12/22:evamartham idam ucyate |
13/22:asti prayojanam etat |
14/22:kim tarhi iti |
15/22:kim idam pratyartham śabdāḥ abhiniveśante iti etam dṛṣṭāntam āsthāya sarūpāṇām ekaśeṣaḥ ārabhyate na punaḥ apratyartham śabdāḥ abhiniviśante iti etam dṛṣṭāntam āsthāya virūpāṇām anekaśeṣaḥ ārabhyate |
16/22:tatra etat syāt : laghīyasī sarūpanivṛttirḥ garīyasī virūpapratipattiḥ iti |
17/22:tat ca na |
18/22:laghīyasī virūpapratipattiḥ |
19/22:kim kāraṇam |
20/22:yatra hi bahūnām sarūpāṇām ekaḥ śiṣyate tatra avarataḥ dvayoḥ sarūpayoḥ nivṛttiḥ vaktavyā syāt |
21/22:evam api etasmin sati kim cit ācāryaḥ sukaratarakam manyate |
22/22:sukaratarakam ca ekaśeṣārambham manyate |

1/186:kim punaḥ ayam ekavibhaktau ekaśeṣaḥ bhavati |
2/186:evam bhavitum arhati |
3/186:ekavibhaktau iti cet na abhāvād vibhakteḥ | ekavibhaktau iti cet tat na |*
4/186:kim kāraṇam |
5/186:abhāvāt vibhakteḥ |
6/186:na hi samudāyāt parā vibhaktiḥ asti |
7/186:kim kāraṇam |
8/186:aprātipadikatvāt |
9/186:nanu ca arthavat prātipadikam iti prātipadikasañjñā bhaviṣyati |
10/186:niyamāt na prāpnoti |
11/186:arthavatsamudayānām samāsagrahaṇam niyamārtham iti |
12/186:yadi punaḥ pṛthak sarveṣām vibhaktiparāṇām ekaśeṣaḥ ucyeta |
13/186:pṛthak sarveṣām iti cet ekaśeṣe pṛthak vibhaktyupalabdhiḥ tadāśrayatvāt |*
14/186:pṛthak sarveṣām iti cet ekaśeṣe pṛthak vibhaktyupalabdhiḥ prāpnoti |
15/186:kim ucyate ekaśeṣe pṛthak vibhaktyupalabdhiḥ iti yāvatā samayaḥ kṛtaḥ : na kevalā prakṛtiḥ prayoktavyā na kevalaḥ pratyayaḥ iti |
16/186:tadāśrayatvāt prāpnoti |
17/186:yatra hi prakṛtinimittā pratyayanivṛttiḥ tatra apratyayikāyāḥ prakṛteḥ prayogaḥ bhavati agnicit somasut iti yathā |
18/186:yatra ca pratyayanimittā prakṛtinivṛttiḥ tatra aprakṛtikasya pratyayasya prayogaḥ bhavati adhunā , iyān iti yathā |
19/186:astu saṃyogāntalopena siddham |
20/186:kutaḥ nu khalu etat parayoḥ vṛkṣaśabdayoḥ nivṛttiḥ bhaviṣyati na punaḥ pūrvayoḥ iti |
21/186:tatra etat syāt : pūrvanivṛttav api satyām saṃyogādilopena siddham iti |
22/186:na sidhyati |
23/186:tatra avarataḥ dvayoḥ sakārayoḥ śravaṇam prasajyeta| yatra ca saṃyogāntalopaḥ na asti tatra ca na sidhyati |
24/186:kva ca saṃyogāntalopaḥ na asti |
25/186:dvivacanabahuvacanayoḥ |
26/186:yadi punaḥ samāse ekaśeṣaḥ ucyeta |
27/186:kim kṛtam bhavati |
28/186:kaḥ cit vacanalopaḥ parihṛtaḥ bhavati |
29/186:tat tarhi samāsagrahaṇam kartavyam |
30/186:na kartavyam |
31/186:prakṛtam anuvartate |
32/186:kva prakṛtam |
33/186:tiṣyapunarvasvoḥ nakṣatradvandve bahuvacanasya dvivacanam nityam iti |
34/186:samāse iti cet svarasamāsānteṣu doṣaḥ |*
35/186:samāse iti cet svarasamāsānteṣu doṣaḥ bhavati |
36/186:svara : aśvaḥ ca aśvaḥ ca aśvau| samāsāntodāttatve kṛte ekaśeṣaḥ prāpnoti |
37/186:idam iha sampradhāryam : samāsāntodāttattvam kriyatām ekaśeṣaḥ iti |
38/186:kim atra kartavyam |
39/186:paratvāt samāsāntodāttatvam |
40/186:samāsāntodāttatve ca doṣaḥ bhavati |
41/186:svara |
42/186:samāsānta : ṛk ca ṛk ca ṛcau |
43/186:samāsānte kṛte asārūpyāt ekaśeṣaḥ na prāpnoti |
44/186:idam iha sampradhāryam : samāsāntaḥ kriyatām ekaśeṣaḥ iti |
45/186:kim atra kartavyam |
46/186:paratvāt samāsāntaḥ |
47/186:samāsānte ca doṣaḥ bhavati |
48/186:aṅgāśraye ca ekaśeṣavacanam | aṅgāśraye ca kārye ekaśeṣaḥ vaktavyaḥ |*
49/186:svasā ca svasārau ca svasāraḥ |
50/186:aṅgāśraye kṛte asārūpyāt ekaśeṣaḥ na prāpnoti |
51/186:idam iha sampradhāryam : aṅgāśrayam kriyatām ekaśeṣaḥ iti |
52/186:kim atra kartavyam |
53/186:paratvāt aṅgāśrayam |
54/186:tiṅsamāse tiṅsamāsavacanam |*
55/186:tiṅsamāse tiṅsamāsaḥ vaktavyaḥ |
56/186:ekam tiṅgrahaṇam anarthakam |
57/186:samāse tiṅsamāsaḥ iti eva siddham |
58/186:na anarthakam |
59/186:tiṅsamāse prakṛte tiṅsamāsaḥ vaktavyaḥ |
60/186:tiṅvidhipratiṣedhaḥ ca |*
61/186:tiṅ ca kaḥ cit vidheyaḥ kaḥ cit pratiṣedhyaḥ |
62/186:pacati ca pacati ca pacataḥ : taḥśabdaḥ vidheyaḥ tiśabdaḥ pratiṣedhyaḥ |
63/186:yadi punaḥ asamāse ekaśeṣaḥ ucyeta |
64/186:asamāse vacanalopaḥ |*
65/186:yadi asamāse vacanalopaḥ vaktavyaḥ |
66/186:nanu ca utpatatā eva vacanalopam coditāḥ smaḥ |
67/186:dvivacanabahuvacanavidhim dvandvapratiṣedham ca vakṣyati tadartham punaḥ codyate |
68/186:dvivacanabahuvacanavidhiḥ |*
69/186:dvivacanabahuvacanāni vidheyāni : vṛkṣaḥ ca vṛkṣaḥ ca vṛkṣau , vṛkṣaḥ ca vṛkṣaḥ ca vṛkṣaḥ ca vṛkṣāḥ iti |
70/186:dvandvapratiṣedhaḥ ca |*
71/186:dvandvasya ca pratiṣedhaḥ vaktavyaḥ : vṛkṣaḥ ca vṛkṣaḥ ca vṛkṣau , vṛkṣaḥ ca vṛkṣaḥ ca vṛkṣaḥ ca vṛkṣāḥ iti |
72/186:cārthe dvandvaḥ iti dvandvaḥ prāpnoti |
73/186:na eṣaḥ doṣaḥ |
74/186:anavakāśaḥ ekaśeṣaḥ dvandvam bādhiṣyate |
75/186:sāvakāśaḥ ekaśeṣaḥ |
76/186:kaḥ avakāśaḥ |
77/186:tiṅantāni avakāśaḥ |
78/186:yadi punaḥ pṛthak sarveṣām vibhaktyantānām ekaśeṣaḥ ucyeta |
79/186:kim kṛtam bhavati |
80/186:kaḥ cit vacanalopaḥ parihṛtaḥ bhavati |
81/186:vibhaktyantānām ekaśeṣe vibhaktyantānām ekaśeṣe vibhaktyantānām eva tu nivṛttiḥ bhavati |*
82/186:ekavibhaktyantānām iti tu pṛthagvibhaktipratiṣedhārtham |*
83/186:ekavibhaktyantānām iti tu vaktavyam |
84/186:kim prayojanam |
85/186:pṛthagvibhaktipratiṣedhārtham |
86/186:pṛthagvibhaktyantānām mā bhūt : brāhmaṇābhyām ca kṛtam brāhmaṇābhyām ca dehi |
87/186:na vā arthavipratiṣedhāt yugapadvacanābhāvaḥ |*
88/186:na vā eṣaḥ doṣaḥ |
89/186:kim kāraṇam |
90/186:arthavipratiṣedhāt |
91/186:vipratiṣiddhau etau arthau kartā saṃpradānam iti aśakyau yugapat nirdeṣṭum |
92/186:tayoḥ vipratiṣiddhatvāt yugapadvacanam na bhaviṣyati |
93/186:anekārthāśrayaḥ ca punaḥ ekaśeṣaḥ |*
94/186:anekam artham sampratyāyayiṣyāmi iti ekaśeṣaḥ ārabhyate |
95/186:tasmāt na ekaśabdatvam |*
96/186:tasmāt ekaśabdatvam na bhaviṣyati |
97/186:ayam tarhi doṣaḥ : kaḥ cit vacanalopaḥ dvivacanabahuvacanavidhiḥ dvandvapratiṣedhaḥ ca iti |
98/186:yadi punaḥ prātipadikānām ekaśeṣaḥ ucyeta |
99/186:kim kṛtam bhavati |
100/186:vacanalopaḥ parihṛtaḥ bhavati |
101/186:prātipadikānām ekaśeṣe mātṛmātroḥ pratiṣedhaḥ sarūpatvāt | prātipadikānām ekaśeṣe mātṛmātroḥ pratiṣedhaḥ vaktavyaḥ : mātā ca janayitrī mātārau ca dhānyasya mātṛmātāraḥ |*
102/186:kim kāraṇam |
103/186:sarūpatvāt |
104/186:sarūpāṇi hi etāni prātipadikāni |
105/186:kim ucyate prātipadikānām ekaśeṣe mātṛmātroḥ pratiṣedhaḥ vaktavyaḥ iti na punaḥ yasya api vibhaktyantānām ekaśeṣaḥ tena api mātṛmātroḥ pratiṣedhaḥ vaktavyaḥ syāt |
106/186:tasya api hi etāni kva cit vibhaktyantāni sarūpāṇi : mātṛbhyām ca mātṛbhyāṃ ca iti |
107/186:atha matam etat vibhaktyantānām sārūpye bhavitavyam eva ekaśeṣeṇa iti prātipadikānām eva ekaśeṣe doṣaḥ bhavati |
108/186:evam ca kṛtvā codyate |
109/186:haritahariṇaśyetaśyenarohitarohiṇānām striyām upasaṅkhyānam | haritahariṇaśyetaśyenarohitarohiṇānām striyām upasaṅkhyānam kartavyam |*
110/186:haritasya strī hariṇī hariṇasya api hariṇī , hariṇī ca hariṇī ca hariṇyau |
111/186:śyetasya strī śyenī śyenasya api śyenī , śyenī ca śyenī ca śyenyau |
112/186:rohitasya strī rohiṇī rohiṇasya api rohiṇī , rohiṇī ca rohiṇī ca rohiṇyau |
113/186:na vā padasya arthe prayogāt |*
114/186:na vā eṣaḥ doṣaḥ |
115/186:kim kāraṇam |
116/186:padasya arthe prayogāt |
117/186:padam arthe prayujyate vibhaktyantam ca padam |
118/186:rūpam ca iha āśrīyate |
119/186:rūpanirgrahaḥ ca śabdasya na antareṇa laukikam prayogam |
120/186:tasmin ca laukike prayoge sarūpāṇi etāni |
121/186:aparaḥ āha : na vā padasya arthe prayogāt |
122/186:na vā eṣaḥ pakṣaḥ eva asti prātipadikānām ekaśeṣaḥ iti |
123/186:kim kārāṇam |
124/186:padasya arthe prayogāt |
125/186:padam arthe prayujyate vibhaktyantam ca padam |
126/186:rūpam ca iha āśrīyate rūpanirgrahaḥ ca śabdasya na antareṇa laukikam prayogam |
127/186:tasmin ca laukike prayoge prātipadikānām prayogaḥ na asti |
128/186:atha anena pakṣeṇa arthaḥ syāt : prātipadikānām ekaśeṣaḥ iti |
129/186:bāḍham arthaḥ |
130/186:kim vaktavyam etat |
131/186:na hi |
132/186:katham anucyamānam gaṃsyate |
133/186:etena eva abhihitam sūtreṇa sarūpāṇām ekaśeṣaḥ ekavibhaktau iti |
134/186:katham |
135/186:vibhaktiḥ sārūpyeṇa āśrīyate |
136/186:anaimittikaḥ ekaśeṣaḥ |
137/186:ekavibhaktau yāni sarūpāṇi teṣām ekaśeṣaḥ bhavati |
138/186:kva |
139/186:yatra vā tatra vā iti |
140/186:atha anena pakṣeṇa arthaḥ syāt : vibhaktyantānām ekaśeṣaḥ iti |
141/186:bāḍham arthaḥ |
142/186:kim vaktavyam etat |
143/186:na hi |
144/186:katham anucyamānam gaṃsyate |
145/186:etat api etena eva abhihitam sūtreṇa sarūpāṇām ekaśeṣaḥ ekavibhaktau iti |
146/186:katham |
147/186:na idam pāribhāṣikyāḥ vibhakteḥ grahaṇam |
148/186:kim tarhi |
149/186:anvarthagrahaṇam : vibhāgaḥ vibhaktiḥ iti |
150/186:ekavibhāge yāni sarūpāṇi teṣām ekaśeṣaḥ bhavati iti |
151/186:nanu ca uktaṃ : kaḥ cit vacanalopaḥ dvivacanabahuvacanavidhiḥ dvandvapratiṣedhaḥ ca iti |
152/186:na eṣaḥ doṣaḥ |
153/186:yat tāvat ucyate kaḥ cit vacanalopaḥ dvivacanabahuvacanavidhiḥiti |
154/186:sahavivakṣāyām ekaśeṣaḥ |
155/186:yugapadvivakṣāyām ekaśeṣeṇa bhavitavyam |
156/186:na tarhi idānīm idam bhavati : vṛkṣaḥ ca vṛkṣaḥ ca vṛkṣau , vṛkṣaḥ ca vṛkṣaḥ ca vṛkṣaḥ ca vṛkṣāḥ iti |
157/186:na etat sahavivakṣāyām bhavati |
158/186:atha api nidarśayitum buddhiḥ evam nidarśayitavyam : vṛkṣau ca vṛkṣau ca vṛkṣau , vṛkṣāḥ ca vṛkṣāḥ ca vṛkṣāḥ ca vṛkṣāḥ iti |
159/186:yat api ucyate dvandvapratiṣedhaḥ ca vaktavyaḥ iti |
160/186:na eṣaḥ doṣaḥ |
161/186:anavakāśaḥ ekaśeṣḥ dvandvam bādhiṣyate |
162/186:nanu ca uktam sāvakāśaḥ ekaśeṣaḥ |
163/186:kaḥ avakāśaḥ |
164/186:tiṅantāni avakāśaḥ iti |
165/186:na tiṅantāni ekaśeṣārambham prayojayanti |
166/186:kim kāṛaṇam |
167/186:yathājātīyakānām dvitīyasya padasya prayoge sāmarthyam asti tathājātīyakānām ekaśeṣaḥ |
168/186:na ca tiṅantānām dvitīyasya padasya prayoge sāmarthyam asti |
169/186:kim kāraṇam |
170/186:ekā hi kriyā |
171/186:ekena uktatvāt tasya arthasya dvitīyasya prayogeṇa na bhavitavyam uktārthānām aprayogaḥ iti |
172/186:yadi tarhi ekā kriyā dvivacanabahuvacanāni na sidhyanti : pacataḥ pacanti |
173/186:na etāni kriyāpekṣāṇi |
174/186:kim tarhi |
175/186:sādhanāpekṣāṇi |
176/186:atha vā punaḥ astu ekavibhaktau iti |
177/186:nanu ca uktam ekavibhaktau iti cet na abhāvāt vibhakteḥ iti |
178/186:na eṣaḥ doṣaḥ |
179/186:parihṛtam etat : arthavat prātipadikam iti prātipadikasañjñā bhaviṣyati iti |
180/186:nanu ca uktam niyamāt na prāpnoti arthavatsamudāyānām samāsagrahaṇam niyamārtham iti |
181/186:na eṣaḥ doṣaḥ |
182/186:tulyajātīyasya niyamaḥ |
183/186:kaḥ ca tulyajātīyaḥ |
184/186:yathājātīyakānām samāsaḥ |
185/186:kathañjātīyakānām samāsaḥ |
186/186:subantānām

1/30:sarvatra apatyādiṣu upasaṅkhyānam |*
2/30:sarveṣu pakṣeṣu apatyādiṣu upasaṅkhyānam kartavyam : bhikṣāṇām samūhaḥ bhaikṣam iti |
3/30:sarvatra iti ucyate prātipadikāṇām ca ekaśeṣe siddham |
4/30:apatyādiṣu iti ucyate bahavaḥ ca apatyādayaḥ : gargasya apatyam bahavaḥ gargāḥ |
5/30:ekā prakṛtiḥ bahavaḥ ca yañaḥ |
6/30:asārūpyāt ekaśeṣaḥ na prāpnoti |
7/30:nanu ca yathā eva bahavaḥ yañaḥ evam prakṛtayaḥ api bahvyaḥ syuḥ |
8/30:na evam śakyam |
9/30:iha hi doṣaḥ syāt : gargāḥ , vatsāḥ , bidāḥ , urvāḥ iti |
10/30:añ yaḥ bahuṣu yañ yaḥ bahuṣu iti ucyamānaḥ luk na prāpnoti |
11/30:mā bhūt evam |
12/30:añantam yat bahuṣu yañantam yat bahuṣu iti evam bhaviṣyati |
13/30:nanu ca uktam : na evam śakyam |
14/30:iha hi doṣaḥ syāt : kāśyapapratikṛtayaḥ kāśyapāḥ iti |
15/30:na eṣaḥ doṣaḥ |
16/30:laukikasya tatra gotrasya grahaṇam na ca etat laukikam gotram |
17/30:atha vā punaḥ astu ekā prakṛtiḥ bahavaḥ ca yañaḥ |
18/30:nanu ca uktam : asārūpyāt ekaśeṣaḥ na prāpnoti iti |
19/30:siddham tu samānārthānām ekaśeṣavacanāt |*
20/30:siddham etat |
21/30:katham |
22/30:samānārthānām ekaśeṣaḥ bhavati iti vaktavyam |
23/30:yadi samānārthānām ekaśeṣaḥ ucyate katham akṣāḥ , pādāḥ , māṣāḥ iti |
24/30:nānārthānām api sarūpāṇām |*
25/30:nānārthānām api sarūpāṇām ekaśeṣḥ vaktavyaḥ |
26/30:ekārthānām api virūpāṇām |*
27/30:ekārthānām api virūpāṇām ekaśeṣaḥ vaktavyaḥ : vakradaṇḍaḥ ca kuṭiladaṇḍaḥ ca vakradaṇḍau kuṭiladaṇḍāu iti vā |
28/30:svarabhinnānām yasya uttarasvaravidhiḥ |*
29/30:svarabhinnānām yasya uttarasvaravidhiḥ tasya ekaśeṣaḥ vaktavyaḥ |
30/30:akṣaḥ ca akṣaḥ ca akṣau , mīmaṃsakaḥ ca mīmāṃsakaḥ ca mīmaṃsakau |

1/40:iha kasmāt na bhavati : ekaḥ ca ekaḥ ca , dvau ca dvau ca iti |
2/40:saṅkhyāyāḥ arthāsampratyayāt anyapadārthatvāt ca anekaśeṣaḥ |*
3/40:saṅkhyāyāḥ arthāsampratyayāt ekaśeṣaḥ na bhaviṣyati |
4/40:na hi ekau iti anena arthaḥ gamyate |
5/40:anyapadārthatvāt ca saṅkhyāyāḥ ekaśeṣaḥ na bhaviṣyati |
6/40:ekaḥ ca ekaḥ ca iti asya dvau iti arthaḥ |
7/40:dvau ca dvau ca iti asya catvāraḥ iti arthaḥ |
8/40:na etau staḥ parihārau |
9/40:yat tāvat ucyate saṅkhyāyāḥ arthāsampratyayāt iti |
10/40:arthāsampratyaye api ekaśeṣaḥ bhavati |
11/40:tat yathā |
12/40:gārgyaḥ ca gārgyāyaṇaḥ ca gārgyau |
13/40:na ca ucyate vṛddhayuvānau iti bhavati ca ekaśeṣaḥ |
14/40:yat api ucyate : anyapadārthatvāt ca iti |
15/40:anyapadārthe api ekaśeṣaḥ bhavati |
16/40:tat yathā : viṃśatiḥ ca viṃśatiḥ ca viṃśatī iti |
17/40:tayoḥ catvāriṃśat iti arthaḥ |
18/40:evam tarhi na imau pṛthak parihārau |
19/40:ekaparihāraḥ ayam : saṅkhyāyāḥ arthāsampratyayāt anyapadārthatvāt ca iti |
20/40:yatra hi arthāsampratyayaḥ eva vā anyapadārthatā eva vā bhavati tatra ekaśeṣaḥ gārgyau viṃśatī iti yathā |
21/40:atha vā na ime ekaśeṣaśabdāḥ |
22/40:yadi tarhi na ime ekaśeṣaśabdāḥ samudāyaśabdāḥ tarhi bhavanti |
23/40:tatra kaḥ doṣaḥ |
24/40:ekavacanam prāpnoti |
25/40:ekārthāḥ hi samudāyāḥ bhavanti |
26/40:tat yathā yūtham , śatam , vanam iti |
27/40:santu tarhi ekaśeṣaśabdāḥ |
28/40:kiṅkṛtam sārūpyam |
29/40:anyonyakṛtam sārūpyam |
30/40:santi punaḥ ke cit anye api śabdāḥ yeṣām anyonyakṛtaḥ bhāvaḥ |
31/40:santi iti āha |
32/40:tad yathā mātā pitā bhrātā iti |
33/40:viṣamaḥ upanyāsaḥ |
34/40:sakṛt ete śabdāḥ pravṛttāḥ apāyeṣu api vartante |
35/40:iha punaḥ ekena api apāye na bhavati catvāraḥ iti |
36/40:anyat idānīm etat ucyate sakṛt ete śabdāḥ pravṛttāḥ apāyeṣu api vartante iti |
37/40:yat tu bhavān asmān codayati santi punaḥ ke cit anye api śabdāḥ yeṣām anyonyakṛtḥ bhāvaḥ iti tatra ete asmābhiḥ upanyastāḥ |
38/40:tatra etat bhavān āha sakṛt ete śabdāḥ pravṛttāḥ apāyeṣu api vartante iti |
39/40:etat ca vārttam |
40/40:ekaikaḥ na udyantum bhāram śaknoti yat katham tatra | ekaikaḥ kartā syāt sarve vā syuḥ katham yuktam || kāraṇam udyamanam cet na udyacchati ca antareṇa tat tulyam | tasmāt pṛthak pṛthak te kartāraḥ savyapekṣāḥ tu ||

1/4:prathamamadhyamottamānām ekaśeṣaḥ sarūpatvāt |*
2/4:prathamamadhyamottamānām ekaśeṣaḥ vaktavyaḥ : pacati ca pacasi ca pacathaḥ , pacasi ca pacāmi ca pacāvaḥ , pacati ca pacasi ca pacāmi ca pacāmaḥ |
3/4:kim punaḥ kāraṇam na sidhyati |
4/4:asarūpatvāt |

1/61:dvivacanabahuvacanāprasiddhiḥ ca ekārthatvāt | dvivacanabahuvacanayoḥ ca aprasiddhiḥ |*
2/61:kim kāraṇam |
3/61:ekārthatvāt |
4/61:ekaḥ ayam avaśiṣyate |
5/61:tena anena tadarthena bhavitavyam |
6/61:kimarthena |
7/61:yadarthaḥ ekaḥ |
8/61:kimarthaḥ ca ekaḥ |
9/61:ekaḥ ekārthaḥ |
10/61:na aikārthyam |
11/61:na ayam ekārthaḥ |
12/61:kim tarhi |
13/61:dvyarthaḥ bahvarthaḥ ca |
14/61:na aikārthyam iti cet ārambhānarthakyam |*
15/61:na aikārthyam iti cet ekaśeṣārambhaḥ anarthakaḥ syāt |
16/61:iha hi śabdasya svābhāvikī vā anekārthatā syāt vācanikī vā |
17/61:tat yadi tāvat svābhāvikī aśiṣyaḥ ekaśeṣaḥ ekena uktatvāt | aśiṣyaḥ ekaśeṣaḥ |*
18/61:kim kāraṇam |
19/61:ekena uktatvāt tasya arthasya dvitīyasya prayogeṇa na bhavitavyam uktārthānām aprayogaḥ iti |
20/61:atha vācanikī tat vaktavyam : ekaḥ ayam aviśiṣyate saḥ ca dvyarthaḥ bhavati bahvarthaḥ ca iti |
21/61:na vaktavyam |
22/61:siddham ekaśeṣaḥ iti eva |
23/61:katham punaḥ ekaḥ ayam aviśiṣyate iti anena dvyarthatā bahvarthatā vā śakyā labdhum |
24/61:tat ca ekaśeṣakṛtam |
25/61:na hi antareṇa tadvācinaḥ śabdasya prayogam tasya arthasya gatiḥ bhavati |
26/61:paśyāmaḥ ca punaḥ antareṇa api tadvācinaḥ śabdasya prayogam tasya arthasya gatiḥ bhavati iti agnicit somasut iti yathā |
27/61:te manyāmahe : lopakṛtam etat yena atra antareṇa api tadvācinaḥ śabdasya prayogam tasya arthasya gatiḥ bhavatiti |
28/61:evam iha api ekaśeṣakṛtam etat yena atra ekaḥ ayam avaśiṣyate iti anena dvyarthatā bahvarthatā vā bhavati |
29/61:ucyeta tarhi na tu gamyeta |
30/61:yaḥ hi gām aśvaḥ iti brūyāt aśvam vā gauḥ iti na jātu cit sampratyayaḥ syāt |
31/61:tena anekārthābhidhāne yatnam kurvatā avaśyam lokaḥ pṛṣṭhataḥ anugantavyaḥ : keṣu artheṣu laukikāḥ kān śabdān prayuñjate iti |
32/61:loke ca ekasmin vṛkṣaḥ iti prayuñjate dvayoḥ vṛkṣau iti bahuṣu vṛkṣāḥ iti |
33/61:yadi tarhi lokaḥ avaśyam śabdeṣu pramāṇam kimartham ekaśeṣaḥ ārabhyate |
34/61:atha kimartham lopaḥ ārabhyate |
35/61:pratyayalakṣaṇam ācāryaḥ prārthayamānaḥ lopam ārabhate |
36/61:ekaśeṣārambhe punaḥ asya na kim cit prayojanam asti |
37/61:nanu ca uktam : pratyartham śabdaniveśāt na ekena anekasya abhidhānam iti |
38/61:yadi ca ekena śabdena anekasya arthasya abhidhānam syāt na pratyartham śabdaniveśaḥ kṛtaḥ syāt |
39/61:pratyartham śabdaniveśāt ekena anekasya abhidhānāt apratyartham iti cet tat api pratyartham eva |*
40/61:pratyartham śabdaniveśāt ekena anekasyābhidhānāt apratyartham iti cet evam ucyate : yat api ekena anekasya abhidhānam bhavati tat api pratyartham eva |
41/61:yat api hi arthau arthau prati tat api pratyartham eva |
42/61:yat api hi arthān arthān prati tat api pratyartham eva |
43/61:yāvatām abhidhānam tāvatām prayogaḥ nyāyyaḥ |
44/61:yāvatām arthānām abhidhānam bhavati tāvatām śabdānām prayogaḥ iti eṣaḥ pakṣaḥ nyāyyaḥ |
45/61:yāvatām abhidhānam tāvatām prayogaḥ nyāyyaḥ iti cet ekena api anekasya abhidhānam |*
46/61:yāvatām abhidhānam tāvatām prayogaḥ nyāyyaḥ iti cet evam ucyate : eṣaḥ api nyāyyaḥ eva yat api ekena api anekasya abhidhānam bhavati |
47/61:yadi tarhi ekena anekasya abhidhānam bhavati plakṣanyagrodhau : ekena uktatvāt aparasya prayogaḥ anupapannaḥ |
48/61:ekena uktatvāt tasya arthasya aparasya prayogeṇa na bhavitavyam |
49/61:kim kāraṇam |
50/61:uktārthānām aprayogaḥ iti |
51/61:ekena uktatvāt aparasya prayogaḥ anupapannaḥ iti cet anuktatvāt plakṣeṇa nyagrodhasya nyagrodhaprayogaḥ | ekena uktatvāt aparasya prayogaḥ anupapannaḥ iti cet anuktaḥ plakṣeṇa nyagrodhārthaḥ iti kṛtvā nyagrodhaśabdaḥ prayujyate |*
52/61:katham anuktaḥ yāvatā idānīm eva uktam ekena api anekasya abhidhānam bhavati iti |
53/61:sarūpāṇām ekena api anekasya abhidhānam bhavati na virūpāṇām |
54/61:kim punaḥ kāraṇam sarūpāṇām ekena api anekasya abhidhānam bhavati na punaḥ virūpāṇām |
55/61:abhidhānam punaḥ svābhāvikam |*
56/61:svābhāvikam abhidhānam |
57/61:ubhayadarśanāt ca |*
58/61:ubhayam khalu api dṛśyate : virūpāṇām api ekena anekasya abhidhānam bhavati |
59/61:tat yathā : dyavā ha kṣamā |
60/61:dyavā cit asmai pṛthivī namete iti |
61/61:virūpāṇām kila nāma ekena anekasya abhidhānam syāt kim punaḥ sarūpāṇām |

1/54:ākṛtyabhidhānāt vā ekam vibhaktau vājapyāyanaḥ |*
2/54:ākṛtyabhidhānāt vā ekam śabdam vibhaktau vājapyāyanaḥ ācāryaḥ nyāyyam manyate : ekā ākṛtiḥ sā ca abhidhīyate iti |
3/54:katham punaḥ jñāyate ekā ākṛtiḥ sā ca abhidhīyate iti |
4/54:prakhyāviśeṣāt | na hi gauḥ iti ukte viśeṣaḥ prakhyāyate śuklā nīlā kapilā kapotikā iti |*
5/54:yadi api tāvat prakhyāviśeṣāt jñāyate ekā ākṛtiḥ iti kutaḥ tu etat sā abhidhīyate iti |
6/54:avyapavargagateḥ ca |*
7/54:avyapavargagateḥ ca manyāmahe ākṛtiḥ abhidhīyate iti |
8/54:na hi gauḥ iti ukte vyapavargaḥ gamyate śuklā nīlā kapilā kapotikā iti |
9/54:jñāyate ca ekopadiṣṭam | jñāyate khalu api ekopadiṣṭam |*
10/54:gauḥ asya kadā cit upadiṣṭaḥ bhavati |
11/54:saḥ tam anyasmin deśe anyasmin kāle anyasyām ca vayovasthāyām dṛṣṭvā jānāti ayam gauḥ iti |
12/54:kaḥ punaḥ asya viśeṣaḥ prakhyāviśeṣāt iti ataḥ |
13/54:tasya eva upodbalakam etat : prakhyāviśeṣāt jñāyate ca ekopadiṣṭam iti |
14/54:dharmaśāstram ca tathā | evam ca kṛtvā dharmaśāstram pravṛttam : brāhmaṇaḥ na hantavyaḥ |*
15/54:surā na peyā iti |
16/54:brāhmaṇamātram na hanyate surāmātram ca na pīyate |
17/54:yadi dravyam padārthaḥ syāt ekam brāhmaṇam ahatvā ekām ca surām apītvā anyatra kāmacāraḥ syāt |
18/54:kaḥ punaḥ asya viśeṣaḥ avyapavargagateḥ ca iti ataḥ |
19/54:tasya eva upodbalakam etat : avyapavargagateḥ ca dharmaśāstram ca tathā iti |
20/54:asti ca ekam anekādhikaraṇastham yugapat |*
21/54:asti khalu api ekam anekādhikaraṇastham yugapat upalabhyate |
22/54:kim |
23/54:ādityaḥ |
24/54:tad yathā ekaḥ ādityaḥ anekādhikaraṇasthaḥ yugapat upalabhyate |
25/54:viṣamaḥ upanyāsaḥ |
26/54:na ekaḥ draṣṭā ādityam anekādhikaraṇastham yugapat upalabhate |
27/54:evam tarhi itīndravat viṣayaḥ | tat yathā ekaḥ indraḥ anekasmin kratuśate āhūtaḥ yugapat sarvatra bhavati evam ākṛtiḥ api yugapat sarvatra bhaviṣyati |*
28/54:avaśyam ca etat evam vijñeyam ekam anekādhikaraṇastham yugapat upalabhyate iti| na ekam anekādhikaraṇastham yugapat iti cet tathā ekaśeṣe |*
29/54:yaḥ hi manyate na ekam anekādhikaraṇastham yugapad upalabhyate iti ekaśeṣe tasya doṣaḥ syāt |
30/54:ekaśeṣe api na ekaḥ vṛkṣaśabdaḥ anekam artham yugapat abhidadhīta |
31/54:avaśyam ca etat evam vijñeyam ākṛtiḥ abhidhīyate iti |
32/54:dravyābhidhāne hi ākṛtyasampratyayaḥ |*
33/54:dravyābhidhāne sati ākṛteḥ asampratyayaḥ syāt |
34/54:tatra kaḥ doṣaḥ |
35/54:tatra asarvadravyagatiḥ |*
36/54:tatra asarvadravyagatiḥ prāpnoti |
37/54:asarvadravyagatau kaḥ doṣaḥ |
38/54:gauḥ anubandhyaḥ ajaḥ agnīṣomīyaḥ iti : ekaḥ śāstroktam kurvīta aparaḥ aśāstroktam |
39/54:aśāstrokte ca kriyamāṇe viguṇam karma bhavati |
40/54:viguṇe ca karmaṇi phalānavāptiḥ |
41/54:nanu ca yasya api ākṛtiḥ padārthaḥ tasya api yadi anavayavena codyate na ca anubadhyate viguṇam karma bhavati |
42/54:viguṇe ca karmaṇi phalānavāptiḥ |
43/54:ekā ākṛtiḥ iti ca pratijñā hīyeta |
44/54:yat ca asya pakṣasya upādāne prayojanam ekaśeṣaḥ na vaktavyaḥ iti saḥ ca idānīm vaktavyaḥ bhavati |
45/54:evam tarhi anavayavena codyate pratyekam ca parisamāpyate yathā ādityaḥ |
46/54:nanu ca yasya api dravyam padārthaḥ tasya api anavayavena codyate pratyekam ca parisamāpyate |
47/54:ekaśeṣaḥ tvayā vaktavyaḥ |
48/54:tvayā api tarhi dvivacanabahuvacanāni sādhyāni |
49/54:codanāyām ca ekasya upādhivṛtteḥ |*
50/54:codanāyām ca ekasya upādhivṛtteḥ manyāmahe ākṛtiḥ abhidhīyate iti |
51/54:āgneyam aṣṭākapālam nirvapet : ekam nirupya dvitīyas tṛtīyaḥ ca nirupyate |
52/54:yadi ca dravyam padārthaḥ syāt ekam nirupya dvitīyasya tṛtīyasya ca nirvapaṇam na prakalpeta |
53/54:kaḥ punaḥ etayoḥ jāticodanayoḥ viśeṣaḥ |
54/54:ekā nirvṛttena aparā nirvartyena |

1/21:dravyābhidhānam vyāḍiḥ | dravyābhidhānam vyāḍiḥ ācāryaḥ nyāyyam manyate : dravyam abhidhīyate iti |*
2/21:tathā ca liṅgavacanasiddhiḥ |*
3/21:evam ca kṛtvā liṅgavacanāni siddhāni bhavanti : brāhmaṇī brāhmaṇaḥ , brāhmaṇau brāhmaṇāḥ iti |
4/21:codanāsu ca tasya ārambhāt |*
5/21:codanāsu ca tasya ārambhāt manyāmahe dravyam abhidhīyate iti |
6/21:gauḥ anubandhyaḥ ajaḥ agnīṣomīyaḥ iti : ākṛtau coditāyām dravye ārambhaṇālambhanaprokṣaṇaviśasanādīni kriyante |
7/21:na ca ekam anekādhikaraṇastham yugapat |*
8/21:na khalu api ekam anekādhikaraṇastham yugapat upalabhyate |
9/21:na hi ekaḥ devadattaḥ yugapat srughne bhavati mathurāyām ca |
10/21:vināśe prādurbhāve ca sarvam tathā syāt |*
11/21:kim |
12/21:vinaśyet ca prāduḥ ṣyāt ca |
13/21:śvā mṛtaḥ iti śvā nāma loke na pracaret |
14/21:gauḥ jātaḥ iti sarvam gobhūtam anavakāśam syāt |
15/21:asti ca vairūpyam |*
16/21:asti khalu api vairūpyam : gauḥ ca gauḥ ca khaṇḍaḥ muṇḍaḥ iti |
17/21:tathā ca vigrahaḥ |*
18/21:evam ca kṛtvā vigrahaḥ upapannaḥ bhavati : gauḥ ca gauḥ ca iti |
19/21:vyartheṣu ca muktasaṃśayam |*
20/21:vyartheṣu ca muktasaṃśayam bhavati |
21/21:ākṛtau api padārthe ekaśeṣaḥ vaktavyaḥ : akṣāḥ , pādāḥ , māṣāḥ iti |

1/95:liṅgavacanasiddhiḥ guṇasya anityatvāt |*
2/95:liṅgavacanāni siddhāni bhavanti |
3/95:kutaḥ |
4/95:guṇasya anityatvāt |
5/95:anityāḥ guṇāḥ apāyinaḥ upāyinaḥ ca |
6/95:kim ye ete śuklādayaḥ |
7/95:na iti āha |
8/95:strīpuṃnapuṃsakāni sattvaguṇāḥ ekatvadvitvabahutvāni ca |
9/95:kadā cit ākṛtiḥ ekatvena yujyate kadā cit dvitvena kadā cit bahutvena kadā cit strītvena kadā cit puṃstvena kadācit napuṃsakatvena |
10/95:bhavet liṅgaparihāraḥ upapannaḥ vacanaparihāraḥ tu na upapadyate |
11/95:yadi hi kadā cit ākṛtiḥ ekatvena yujyate kadā cit dvitvena kadā cit bahutvena ekā ākṛtiḥ iti pratijñā hīyeta |
12/95:yat ca asya pakṣasya upādāne prayojanam uktam ekaśeṣaḥ na vaktavyaḥ iti saḥ ca idānīm vaktavyaḥ bhavati |
13/95:evam tarhi liṅgavacanasiddhiḥ guṇavivakṣānityatvāt |
14/95:liṅgavacanāni siddhāni bhavanti |
15/95:kutaḥ |
16/95:guṇavivakṣāyāḥ anityatvāt |
17/95:anityā guṇavivakṣā |
18/95:kadā cit ākṛtiḥ ekatvena vivakṣitā bhavati kadā cit dvitvena kadā cit bahutvena kadā cit strītvena kadā cit puṃstvena kadā cit napuṃsakatvena |
19/95:bhavet liṅgaparihāraḥ upapannaḥ vacanaparihāraḥ tu na upapadyate |
20/95:yadi kadā cit ākṛtiḥ ekatvena vivakṣitā bhavati kadā cit dvitvena kadā cit bahutvena ekā ākṛtiḥ iti pratijñā hīyeta |
21/95:yat ca asya pakṣasya upādāne prayojanam uktam ekaśeṣaḥ na vaktavyaḥ iti saḥ ca idānīm vaktavyaḥ bhavati |
22/95:liṅgaparihāraḥ ca api na upapadyate |
23/95:kim kāraṇam |
24/95:āviṣṭaliṅgā jātiḥ yat liṅgam upādāya pravartate utpattiprabhṛti ā vināśāt tat liṅgam na jahāti |
25/95:tasmāt na vaiyākaraṇaiḥ śakyam laukikam liṅgam āsthātum |
26/95:avaśyam kaḥ cit svakṛtāntaḥ āstheyaḥ |
27/95:kaḥ asau svakṛtāntaḥ |
28/95:saṃstyānaprasavau liṅgam |*
29/95:saṃstyānaprasavau liṅgam āstheyau |
30/95:kim idam saṃstyānaprasavau iti |
31/95:saṃstyāne styāyateḥ ḍraṭ : strī | sūteḥ sap prasave pumān |*
32/95:nanu ca loke api styāyateḥ eva strī sūteḥ ca pumān |
33/95:adhikaraṇasādhanā loke strī : styāyati asyām garbhaḥ iti |
34/95:kartṛsādhanaḥ ca pumān : sūte pumān iti |
35/95:iha punaḥ ubhayam bhāvasādhanam : styānam pravṛttiḥ ca |
36/95:kasya punaḥ styānam strī pravṛttiḥ vā pumān |
37/95:guṇānām |
38/95:keṣām |
39/95:śabdasparśarūparasagandhānām |
40/95:sarvāḥ ca punaḥ mūrtayaḥ evamātmikāḥ saṃstyānaprasavaguṇāḥ śabdasparśarūparasagandhavatyaḥ |
41/95:yatra alpīyāṃsaḥ guṇāḥ tatra avarataḥ trayaḥ : śabdaḥ sparśaḥ rūpam iti |
42/95:rasagandhau na sarvatra |
43/95:pravṛttiḥ khalu api nityā |
44/95:na hi iha kaḥ cit api svasmin ātmani muhūrtam api avatiṣṭhate |
45/95:vardhate yāvat anena vardhitavyam apacayena vā yujyate |
46/95:tat ca ubhayam sarvatra |
47/95:yadi ubhayam sarvatra kutaḥ vyavasthā |
48/95:vivakṣātaḥ| saṃstyānavivakṣāyām strī prasavavivakṣāyām pumān ubhayoḥ api avivakṣāyām napuṃsakam |
49/95:tatra liṅgavacanasiddhiḥ guṇavivakṣānityatvāt iti liṅgaparihāraḥ upapannaḥ |
50/95:vacanaparihāraḥ tu na upapadyate |
51/95:vacanaparihāraḥ ca api upapannaḥ |
52/95:idam tāvat ayam praṣṭavyaḥ : atha yasya dravyam padārthaḥ katham tasya ekavacanadvivacanabahuvacanāni bhavanti iti |
53/95:evam saḥ vakṣyati : ekasmin ekavacanam dvayoḥ dvivacanam bahuṣu bahuvacanam iti |
54/95:yadi tasya api vācanikāni na svābhāvikāni aham api evam vakṣyāmi : ekasmin ekavacanam dvayoḥ dvivacanam bahuṣu bahuvacanam iti |
55/95:na hi ākṛtipadārthikasya dravyam na padārthaḥ dvavyapadārthikasya vā ākṛtiḥ na padārthaḥ |
56/95:ubhayoḥ ubhayam padārthaḥ |
57/95:kasya cit tu kim cit pradhānabhūtam kim cit guṇabhūtam |
58/95:ākṛtipadārthikasya ākṛtiḥ pradhānabhūtā dravyam guṇabhūtam |
59/95:dravyapadārthikasya dravyam pradhānabhūtam ākṛtiḥ guṇabhūtā |
60/95:guṇavacanavat vā |*
61/95:guṇavacanavat vā liṅgavacanāni bhaviṣyanti |
62/95:tat yathā guṇavacanānām śabdānām āśrayataḥ liṅgavacanāni bhavanti : śuklam vastram , śuklā śāṭī śuklaḥ kambalaḥ , śuklau kambalau śuklāḥ kambalāḥ iti |
63/95:yat asau dravyam śritaḥ bhavati guṇaḥ tasya yat liṅgam vacanam ca tat guṇasya api bhavati |
64/95:evam iha api yat asau dravyam śritā ākṛtiḥ tasya yat liṅgam vacanam ca tat ākṛteḥ api bhaviṣyati |
65/95:adhikaraṇagatiḥ sāhacaryāt |*
66/95:ākṛtau ārambhaṇādīnām sambhavaḥ na asti iti kṛtvā ākṛtisahacarite dravye ārambhaṇādīni bhaviṣyanti |
67/95:na ca ekam anekādhikaraṇastham yugapat iti ādityavat viṣayaḥ |*
68/95:na khalu api ekam anekādhikaraṇastham yugapat upalabhyate iti ādityavat viṣayaḥ bhaviṣyati |
69/95:tat yathā ekaḥ ādityaḥ anekādhikaraṇasthaḥ yugapat upalabhyate |
70/95:viṣamaḥ upanyāsaḥ |
71/95:na ekaḥ draṣṭā anekādhikaraṇastham ādityam yugapat upalabhate |
72/95:evam tarhi itīndravat viṣayaḥ |
73/95:tad yathā ekaḥ indraḥ anekasmin kratuśate āhūtaḥ yugapat sarvatra bhavati evam ākṛtiḥ yugapat sarvatra bhaviṣyati |
74/95:avināśaḥ anāśritatvāt |*
75/95:dravyavināśe ākṛteḥ avināśaḥ |
76/95:kutaḥ |
77/95:anāśritatvāt |
78/95:anāśritā ākṛtiḥ dravyam |
79/95:kim ucyate anāśritatvāt iti yat idānīm eva uktam adhikaraṇagatiḥ sāhacaryāt iti |
80/95:evam tarhi avināśaḥ anaikātmyāt |
81/95:dravyavināśe ākṛteḥ avināśaḥ |
82/95:kutaḥ |
83/95:anaikātmyāt |
84/95:anekaḥ ātmā ākṛteḥ dravyasya ca |
85/95:tat yathā vṛkṣasthaḥ avatānaḥ vṛkṣe chinne api na vinaśyati |
86/95:vairūpyavigrahau dravyabhedāt | vairūpyavigrahau api dravyabhedāt bhaviṣyataḥ |*
87/95:vyartheṣu ca sāmānyāt siddham |*
88/95:vibhinnārtheṣu ca sāmānyāt siddham sarvam |
89/95:aśnoteḥ akṣaḥ |
90/95:padyateḥ pādaḥ |
91/95:mimīteḥ māṣaḥ |
92/95:tatra kriyāsāmānyāt siddham |
93/95:aparaḥ tu āha |
94/95:purākalpe etat āsīt ṣoḍaśa māṣāḥ kārṣāpaṇam ṣoḍaśaphalāḥca māṣaśambaṭyaḥ |
95/95:tatra saṃkhyāsāmānyāt siddham |

samānaṃ rūpam eṣām iti sarūpāḥ. sarūpāṇāṃ śabdānaṃ ekavibhaktau parata ekaśeṣo bhavati. ekaḥ śiṣyate tare nivartante. vṛkṣaśca vṛkṣaśca vṛkṣau. vṛkṣaśca vṛkṣaśca Vrkṣaśca vṛkṣāḥ. pratyarthaṃ śabdaniveśān na ekena anekasya abhidhānam. tatra anekārthābhidhāne 'nekaśabdatvaṃ prāptaṃ tasmādekaśeṣaḥ. sarupāṇām iti kim? plakṣanyagrodhāḥ. rūpagrahaṇaṃ kim? bhinne 'pyarthe yathā syāt. akṣāḥ. pādāḥ. māṣāḥ. ekagrahaṇaṃ kim? dvibahvoḥ śeṣo mā bhūt. śeṣagrahanaṃ kim? ādeśo mā bhūt. ekavibhaktau iti kim? payaḥ payo jarayati. brāhmaṇābhyāṃ ca kṛtaṃ brāhmaṇābhyāṃ ca dehi.

sasūpāṇām ekaśeṣa ekavibhaktau 1.2.64 samānaṃ rūpam eṣām iti sarūpāḥ. sarūpāṇāṃ śabdānaṃ ekavibhaktau parata ekaśeṣo bhavati. ekaḥ śiṣyate tare nivartante. vṛkṣaśca vṛkṣaśca vṛkṣau. vṛkṣaśca vṛkṣaśca vrkṣaśca vṛkṣāḥ. pratyarthaṃ śabdaniveśān na ekena anekasya abhidhānam. tatra anekārthābhidhāne 'nekaśabdatvaṃ prāptaṃ tasmādekaśeṣaḥ. sarupāṇām iti kim? plakṣanyagrodhāḥ. rūpagrahaṇaṃ kim? bhinne 'pyarthe yathā syāt. akṣāḥ. pādāḥ. māṣāḥ. ekagrahaṇaṃ kim? dvibahvoḥ śeṣo mā bhūt. śeṣagrahanaṃ kim? ādeśo mā bhūt. ekavibhaktau iti kim? payaḥ payo jarayati. brāhmaṇābhyāṃ ca kṛtaṃ brāhmaṇābhyāṃ ca dehi.

sarūpāṇāmekaśeṣa ekavibhaktau. , 1.2.64 "sarūpāṇām" iti bahuvrīhau kṛte "jyotirjanapada" 6.3.84 ityādinā samānasyasabhāvaḥ. rūpaśabdo'tra svabhāve vatrtate. "sarūpāṇāṃ śabdānām" iti nirdhāraṇe ṣaṣṭhī. tena svarūpāṇāṃ madhye samānajātīyo yaḥ sarūpaḥ, sa eka eva śiṣyate, na virūpaḥ. samānajātīyasyaiva hi nirdhāraṇaṃ bhavati, na vijātīyasya. atha vā-- samudāyalakṣaṇaiṣā ṣaṣṭhī, sarūpasamudāyāntaḥ pātī ca sarūpa eva bhavati, na virūpaḥ. tena sarūpa eva śiṣyate. "eka vibhaktau" iti. ekaśabdaḥ samānārthaḥ, ekadhanāviti yathā. ekā cāsau vibhaktiśceti "pūrvakālaika" 2.1.48 ityādinā samāsaḥ. ekamekaśeṣa ityatrāpi. atra tvekaśabdaḥ saṃkhyāvacanaḥ, śeṣaśabdo'yaṃ nivṛttyā viśiṣṭavasthānamāha, nāvasthānamātram. ata evāha-- "ekaḥ śiṣyate, apare nivatrtante" iti. "vṛkṣaśca vṛkṣaśca vṛkṣau" ityādi. avibhaktikānāmayamekaśeṣaḥ; anaimittakatvādvibhakteḥ. na hrayaṃ parāṃ vibhaktimāśritya vidhīyate. ekavibhaktāvitīhasārūpyopalakṣaṇametat, na nimittanirdeśaḥ. ekasyāṃ vibhaktau parato yāni rūpāṇi dṛṣṭāni, teṣāmanutpannāyāmeva vibhaktau prātipadikānāmekaśeṣo bhavati. tataḥ kṛta ekaśeṣe vibhaktirupapadyate. atha vā -- savibhaktikānāmevaikaśeṣaḥ, katham? vibhaktiśabdena hi kārakamabhidhīyate, vibhajyate prātipadikārtho'nayeti kṛtvā. tadetaduktaṃ bhavati-- ekasmin samāne'bhinne kārake yāni sarūpāṇi teṣāmevaikakārakāṇāmekaśaṣo bhavatīti. yadyevam, "parataḥ" iti vṛttigrantho nopapadyate, kārakaṃ hrarthasamavāyinī śaktiḥ, na ca tayā śabdānāṃ paurvāparyaṃ sambhavati, kathañca vibhaktiśabdena kārake'bhidhīyamāne savibhaktikānāmekaśeṣo labhyate? ucyate; vṛttigranthastāvadupapadyate-- paraśabdo hrayamiṣṭavācī, ekavibhaktau parataḥ = ekasyāṃ vibhaktāviṣṭāyāmityarthaḥ. viṣayasaptamī ceyam, sati saptamī vā. ekasmin kārake viṣayabhūta iṣṭe sati saptamī vā. ekasmin kārake viṣayabhūta iṣṭe sati cetyarthaḥ. kiñceṣṭaṃ kārakaṃ bhavati? yadvivakṣitam. ata e vivakṣitatvāt kārakaṃ svanimittāṃ vibhaktikānāmekaśeṣo labhyate. sahabhāvavivakṣāyāñcāyamekaśeṣo bhavati. yadyekena yugapat sarveṣāmartho'bhidhātumiṣyata evaṃ sati bhavati; nānyathā. nanu ca jātiḥ padārthaḥ, jātiścaikaiva; tatraikatvājjāterbahūnāṃ śabdānāṃ prasaṅga eva nāsti,tatkimekaśeṣārambheṇa? iti codyāvasare "dravyaṃ padārthaḥ" ityetaddarśanamāśrityāha-- "pratyartham" ityādi. pratyartham = ekaikasminnarthe yasmācchabdānāṃ niveśapravṛttistato'kena śabdenānekārthsayābhidhānam. tatraitaddarśane'keṣāmarthābhidhāne pratyekenaiva kartavye'nekaśabdatvaṃ prasajyata iti yāvantaste'rthāstāvatāṃ śabdānāṃ prayogaḥ prāpnoti, iṣyate caikaśabdatā. tasmādekaśeṣa ārabhyate. "rūpagrahaṇaṃ kim" iti. evaṃ manyate-- rūpagrahaṇe kriyamāṇe padadvayasamanugamyo'rtheḥ pratipattavya iti pratipattigauravaṃ bhavati. samānānāmityucyamāne satyekapadasamanuhamyo'rthaḥ pratīyata iti pratipattilāghavaṃ bhavati; tasmāt samānagrahaṇameva katrtavyamiti? bhinne'pyarthe yathā syāditi rūpagrahaṇam. yadi rūpagrahaṇaṃ na kriyeta tadā viśeṣānabhidhānādyatra sarva samānaṃ śabdo'rthaśca tatraiva syād()vṛkṣā ityādau, akṣā ityādau tu na syāt; arthabhedāt. tathā hrakṣaśabda indriyākhye, śakaṭāṅge, bibhītakādāvarthe ca vartateṣa pādaśabdo'pi kārṣāpaṇa-- ślokapāda-- pāṇipadādāvarthe vartate, māṣaśabdo'pi vrīhrādau. "dvibahvoḥ śeṣe mā bhūt" iti. nanu ca "śeṣa" ityekatvasaṃkhyāvivakṣāyāṃ dvayorbahūnāñca śeṣo na bhaviṣyati,naitadevam; iha vidhīyamānatvāccheṣa eva pradhānam, na ca pradhāne saṃkhyā vivakṣyate. tathā hi-- "kartturīpsitatamaṃ karma" 1.4.49 iti karmasaṃjñā; īpsitatamasya prādhānyāt. asatyāṃ saṃkhyāvivakṣāyāṃ dvayorbahūnāñca karmasaṃjñā bhavati. guṇe tu saṃkhyā vivakṣyate, yathā-- "ṅayāpprātipadikāt" 4.1.1 iti svādayo vidhīyamānatvāt pradhānam; ṅayāpprātipadikamapradhānamiti tatra saṃkhyā vivakṣyate. tenaikaikmādeva svādaya upapadyante. lakṣaṇānurodhādguṇe'pi kvacit saṃkhyā na vivakṣyate, yathā ihaiva-- sarūpāṇāmiti. tena dvayorapi sarūpayorekaḥ śiṣyate. "ādeśo mā bhūt" iti. asati śeṣagrahaṇe sarūpāṇāmiti sthānaṣaṣṭhīyaṃ syāt; tataśacādeśaḥ syāt. evañca "aśūpruṣilaṭikaṇikhaṭiviśibhyaḥ kvan" (da.u.8.125) iti kvanpratyayānto'()āśabdo nitsvarādādyudātta iti dvayora()āśabdayorādyudattayoḥ sthāna ādyudāttadvayavānevādeśaḥ syāt; āntaratamyāt. "payaḥ" ityādi. ekaḥ payaḥ śabdaḥ prathamāntaḥ kartṛpadam, dvitīyo dvitīyāntaḥ karmapadam, tato bhinnavibhaktikatvam;naikavibhaktiparatvamityekaśeṣo na bhavati. " brāāhṛṇābhyām" iti. prathamo brāāhṛṇaśabdastṛtīyāntaḥ,dvitīyastu catuthryantaḥ. tenātrāpi samānavibhaktikatvaṃ nāsti॥

sarūpāṇāmekaśeṣa ekavibhaktau 125, 1.2.64 ekavibhaktau yāni sarūpāṇyeva dṛṣṭāni teṣāmeka eva śiṣyate॥

atha prātipadikārthagatadvitvādivikṣāyāṃ prātipadikasya dvitryādiprayogaprāptāvidamārabhyate–sarūpāṇām. `ekavibhaktā'viti `sarūpāṇā' mityatrānveti. samānaṃ rūpaṃ yeṣāṃ tāni sarūpāṇi. jyotirjanapadetyādinā samānasya sabhāvaḥ. nirdhāraṇaṣaṣṭhī. `vṛddho yūne'tyuttarasūtrādevetyapakṛṣyate. śiṣyate iti śeṣaḥ. karmaṇi ghañ. ekaścāsau śeṣaśceti pūrvakālaiketi samāsaḥ. ekasyāṃ vibhaktau parataḥ sarūpāṇāmeva dṛṣṭānāṃ madhye ekaḥ śiṣyate iti phalati. tadāha–ekavibhaktāviti. eveti kam ?. mātṛśabdastāvajjananīvācī paricchetṛvācī ca. tra mātṛbhyāmiti bhyāmādau kvacitsārūpye satyapi, aujasādiṣu mātarau mātārāviti vairūpyadarśanānnaikaśeṣaḥ. yadyapi katipayavibhaktau uktayormātṛśabdayoḥ sārūpyeṇaiva darśanamasti. tathāpi ekasyāmapi vibhaktau parato virūpāṇi na dṛṣṭānityartho vivakṣitaḥ. etaddayotanāyaiva ekavibhartāvityatra `eka'grahaṇam. evakārāpakarṣasiddhārthakathanaparamekagrahaṇaṃ spaṣṭārthameveti kecit. `ekaśeṣa' ityekapadopādānaṃ tu dvibahūnāmapi śeṣo mā bhūdityetadartham. `śeṣa' padānupādāne tu sarūpāṇāṃ sthāne eka ādeśaḥ syāt. tataśca a\ufffdāśca a\ufffdāśceti dvayudāttavataḥ sthāne dvyudāttavānādeśaḥ syāt. tannivṛttyarthaṃ śeṣagrahaṇam. ekavibhaktāviti sārūpye upalakṣaṇam. na tu ekavibhaktau parataḥ ekaśeṣo bhavatīti vyākhyānamucitam, jananīparicchettṛvācinorekaśeṣāpatterityādi prapañcitaṃ prauḍhamanoramāyām. atra `tiṣyapunarvasvornakṣatradvandve ' iti pūrvasūtrāddvandva ityanuvarttya dvandve prasakta iti vyākhyeyam. tataśca `devadavaḥ' `rājarāja' ityādau naikaśeṣaḥ. dvandvāpavāda ekaśeṣa iti phalitam. yadyapyanaimittikatvādantarahgo'yamekaśeṣaḥ subutpatteḥ prāgeva pravartate, tathāpi dvandvāpavāda evāyam. asati hrekaśeṣe subutpattiḥ, pakṣe dvandvaśca syāt. sati tu anekasubantīvirahāddvandvasyā'prāptiḥ phalitā. ghaṭaśca ghaṭaśca ghaṭaśca teṣāṃ samāhāra iti samāhāradvandvaviṣaye tu nāsya pravṛttiḥ, anabhidhānāt. dvandve kṛte ekaśeṣa iti tu na vyākhyeyam. `panthāna' ityādau ṛk?pūrityādisamāsāntāpatteḥ. karāvityādau `dvandvaśca prāṇitūrye'tyādyāpatteḥ. pūrvasūtrādiha dvandvagrahaṇānuvṛttau ca `idito numdhāto'rityatra `idita' iti nirdeśo liṅgam. it=ikāra itsaṃjñako yasya sa idit. atra icchabdayorekavibhaktau sārūpye'pi dvandvaviṣayatvā'bhāvānnaikaśeṣaḥ. anyathā tatrāpyekaśeṣaḥ syādityalam. iti sthite prakriyāṃ darśayati-prathamayorityādinā. vṛdiṃ?dha bādhitvā pūrvasavarṇadīrghe prāpte āha-nādicīti. tasmin pratiṣiddhe sati vṛddheḥ pravṛttau rāmau iti rūpamityarthaḥ.

sarūpāṇāmekaśeṣa ekavibhaktau 187, 1.2.64 atha prātipadikārthagatadvitvādivikṣāyāṃ prātipadikasya dvitryādiprayogaprāptāvidamārabhyate--sarūpāṇām. "ekavibhaktā"viti "sarūpāṇā" mityatrānveti. samānaṃ rūpaṃ yeṣāṃ tāni sarūpāṇi. jyotirjanapadetyādinā samānasya sabhāvaḥ. nirdhāraṇaṣaṣṭhī. "vṛddho yūne"tyuttarasūtrādevetyapakṛṣyate. śiṣyate iti śeṣaḥ. karmaṇi ghañ. ekaścāsau śeṣaśceti pūrvakālaiketi samāsaḥ. ekasyāṃ vibhaktau parataḥ sarūpāṇāmeva dṛṣṭānāṃ madhye ekaḥ śiṣyate iti phalati. tadāha--ekavibhaktāviti. eveti kam?. mātṛśabdastāvajjananīvācī paricchetṛvācī ca. tra mātṛbhyāmiti bhyāmādau kvacitsārūpye satyapi, aujasādiṣu mātarau mātārāviti vairūpyadarśanānnaikaśeṣaḥ. yadyapi katipayavibhaktau uktayormātṛśabdayoḥ sārūpyeṇaiva darśanamasti. tathāpi ekasyāmapi vibhaktau parato virūpāṇi na dṛṣṭānityartho vivakṣitaḥ. etaddayotanāyaiva ekavibhartāvityatra "eka"grahaṇam. evakārāpakarṣasiddhārthakathanaparamekagrahaṇaṃ spaṣṭārthameveti kecit. "ekaśeṣa" ityekapadopādānaṃ tu dvibahūnāmapi śeṣo mā bhūdityetadartham. "śeṣa" padānupādāne tu sarūpāṇāṃ sthāne eka ādeśaḥ syāt. tataśca a()āśca a()āśceti dvayudāttavataḥ sthāne dvyudāttavānādeśaḥ syāt. tannivṛttyarthaṃ śeṣagrahaṇam. ekavibhaktāviti sārūpye upalakṣaṇam. na tu ekavibhaktau parataḥ ekaśeṣo bhavatīti vyākhyānamucitam, jananīparicchettṛvācinorekaśeṣāpatterityādi prapañcitaṃ prauḍhamanoramāyām. atra "tiṣyapunarvasvornakṣatradvandve " iti pūrvasūtrāddvandva ityanuvarttya dvandve prasakta iti vyākhyeyam. tataśca "devadavaḥ" "rājarāja" ityādau naikaśeṣaḥ. dvandvāpavāda ekaśeṣa iti phalitam. yadyapyanaimittikatvādantarahgo'yamekaśeṣaḥ subutpatteḥ prāgeva pravartate, tathāpi dvandvāpavāda evāyam. asati hrekaśeṣe subutpattiḥ, pakṣe dvandvaśca syāt. sati tu anekasubantīvirahāddvandvasyā'prāptiḥ phalitā. ghaṭaśca ghaṭaśca ghaṭaśca teṣāṃ samāhāra iti samāhāradvandvaviṣaye tu nāsya pravṛttiḥ, anabhidhānāt. dvandve kṛte ekaśeṣa iti tu na vyākhyeyam. "panthāna" ityādau ṛk()pūrityādisamāsāntāpatteḥ. karāvityādau "dvandvaśca prāṇitūrye"tyādyāpatteḥ. pūrvasūtrādiha dvandvagrahaṇānuvṛttau ca "idito numdhāto"rityatra "idita" iti nirdeśo liṅgam. itikāra itsaṃjñako yasya sa idit. atra icchabdayorekavibhaktau sārūpye'pi dvandvaviṣayatvā'bhāvānnaikaśeṣaḥ. anyathā tatrāpyekaśeṣaḥ syādityalam. rāma au iti sthite prakriyāṃ darśayati-prathamayorityādinā. vṛdiṃ()dha bādhitvā pūrvasavarṇadīrghe prāpte āha-nādicīti. tasmin pratiṣiddhe sati vṛddheḥ pravṛttau rāmau iti rūpamityarthaḥ.

sarūpāṇyeveti. etacca uttarasūtrasthasyaivakārasyehānukarṣaṇāllabhyate. atra ca `ekasyāpi vibhaktau parato virūpāṇi na dṛṣṭānī'ti paryavasanno'rthaḥ, tena mātṛśabdayorjananīvāciparicchettṛvācaninornaikaśeṣaḥ, `mātṛbhyāṃ' `mātṛbhi'rityādau sārūpye'pi aujasādiṣu vairūpyāt. nanvevaṃ `payaḥ payo nayati' `devadeve'tyādāvatipratiprasaṅga syādeveti cet ; ucyate-sahavivikṣāyāmevaikaśeṣaḥ pravartate. itaretarayogadvandvasya viṣaya iti yāvat. yatra hranekasyārthasya militasyetarānvayaḥ sa tathābhūto viṣayaḥ. idaṃ ca `idito numdhāto'riti liṅgāllabhyate, nyāyācca. tathāhe-`yaḥ śiṣyate sa lupyamānārthābhidhāyī'ti sthite śrūyamāṇaikaśabdopasthitaṃ sarvamaviśeṣādaikarūpyeṇaivānvayitumarhati. yadvā `tiṣyapunarvasvo'riti sūtrāddvandve ityanuvarttya `dvandve prasakte satī'ti vyākhyeyaṃ, na tu dvandve kṛte satī'ti. `panthānau' `panthāna' ityādau `ṛkpūrabdhū'rityādinā samāsāntāpatteḥ, `karau'`karā' ityādau `dvandvaśca prāṇitūrye'tyādinā ekavadbhāvāpatteśceti dik. sūtre `śeṣa' śabhdaḥ karmasādhana ityāha-eka eva śiṣyata iti. asatyekagrahaṇe dvibahvorapi śeṣa#ḥ syādityekagrahaṇam. na caivamapyekavibhaktāvityatra ekagrahaṇaṃ vyarthamiti śaṅkyam, `ekasyāmapi vibhaktau parato virūpāṇi na dṛṣṭānī'vyarthalābhāya tasyāvaśyakatvāt. kiṃca `svasā ca svasārau ce'tyādau vibhaktau parataḥ pūrvabhāgayorvairūpyadarśanātsvasāra ityekaśeṣastatra na syāt. tathā `svasari ca svastrośce'tyatra vairūpyadarśanātsvasṛṣviti na syāt. kiṃ tu `kamalau' `kamala' ityādiṣveva syāt. kṛte tvekagrahaṇe nāyaṃ doṣaḥ prasajyate. ekavibhaktau parataḥ pūrvatra vairūpyā'darśanāt. yadā tu vibhaktāvityatraikatvasya vivakṣitatvānmāstvatra ekagrahaṇamityucyate, tarhi spaṣṭapratittyarthamevāstviti kecit. anye tvāhuḥ- ekagrahaṇamekaikavibhaktāvityarthalābhārtham. tathā ca sakalavibhaktāvityarthalābhādevakārāpakarṣaṇaṃ vinaiva siddhamiṣṭamiti dik.\r\nekaśca ekaśca dvau ca dvau cetyādāvekaśeṣo na bhavatyanabhidhānāt. dvandvo'pyatrānabhidhānenaiva vāraṇīyaḥ. utsargataḥ saṅkhyāśabde\ufffdovameva. viṃśatyādau tvekaśeṣa iṣṭa eveti bodhyam.

sarūpāṇāmekaśeṣa ekavibhaktau 156, 1.2.64 sarūpāṇyeveti. etacca uttarasūtrasthasyaivakārasyehānukarṣaṇāllabhyate. atra ca "ekasyāpi vibhaktau parato virūpāṇi na dṛṣṭānī"ti paryavasanno'rthaḥ, tena mātṛśabdayorjananīvāciparicchettṛvācaninornaikaśeṣaḥ, "mātṛbhyāṃ" "mātṛbhi"rityādau sārūpye'pi aujasādiṣu vairūpyāt. nanvevaṃ "payaḥ payo nayati" "devadeve"tyādāvatipratiprasaṅga syādeveti cet ; ucyate-sahavivikṣāyāmevaikaśeṣaḥ pravartate. itaretarayogadvandvasya viṣaya iti yāvat. yatra hranekasyārthasya militasyetarānvayaḥ sa tathābhūto viṣayaḥ. idaṃ ca "idito numdhāto"riti liṅgāllabhyate, nyāyācca. tathāhe-"yaḥ śiṣyate sa lupyamānārthābhidhāyī"ti sthite śrūyamāṇaikaśabdopasthitaṃ sarvamaviśeṣādaikarūpyeṇaivānvayitumarhati. yadvā "tiṣyapunarvasvo"riti sūtrāddvandve ityanuvarttya "dvandve prasakte satī"ti vyākhyeyaṃ, na tu dvandve kṛte satī"ti. "panthānau" "panthāna" ityādau "ṛkpūrabdhū"rityādinā samāsāntāpatteḥ, "karau""karā" ityādau "dvandvaśca prāṇitūrye"tyādinā ekavadbhāvāpatteśceti dik. sūtre "śeṣa" śabhdaḥ karmasādhana ityāha-eka eva śiṣyata iti. asatyekagrahaṇe dvibahvorapi śeṣa#ḥ syādityekagrahaṇam. na caivamapyekavibhaktāvityatra ekagrahaṇaṃ vyarthamiti śaṅkyam, "ekasyāmapi vibhaktau parato virūpāṇi na dṛṣṭānī"vyarthalābhāya tasyāvaśyakatvāt. kiṃca "svasā ca svasārau ce"tyādau vibhaktau parataḥ pūrvabhāgayorvairūpyadarśanātsvasāra ityekaśeṣastatra na syāt. tathā "svasari ca svastrośce"tyatra vairūpyadarśanātsvasṛṣviti na syāt. kiṃ tu "kamalau" "kamala" ityādiṣveva syāt. kṛte tvekagrahaṇe nāyaṃ doṣaḥ prasajyate. ekavibhaktau parataḥ pūrvatra vairūpyā'darśanāt. yadā tu vibhaktāvityatraikatvasya vivakṣitatvānmāstvatra ekagrahaṇamityucyate, tarhi spaṣṭapratittyarthamevāstviti kecit. anye tvāhuḥ-ekagrahaṇamekaikavibhaktāvityarthalābhārtham. tathā ca sakalavibhaktāvityarthalābhādevakārāpakarṣaṇaṃ vinaiva siddhamiṣṭamiti dik.ekaśca ekaśca dvau ca dvau cetyādāvekaśeṣo na bhavatyanabhidhānāt. dvandvo'pyatrānabhidhānenaiva vāraṇīyaḥ. utsargataḥ saṅkhyāśabde()ovameva. viṃśatyādau tvekaśeṣa iṣṭa eveti bodhyam.