1/53:idam ayuktam vartate |
2/53:kim atra ayuktam |
3/53:bahavaḥ te arthāḥ |
4/53:tatra yuktam bahuvacanam |
5/53:tat yat ekavacane śāsitavye bahuvacanam śiṣyate etat ayuktam |
6/53:bahuṣu ekavacanam iti nāma vaktavyam |
7/53:ataḥ uttaram paṭhati : jātyākhyāyām sāmānyābhidhānāt aikārthyam | jātyākhyāyām sāmānyābhidhānāt aikārthyam bhaviṣyati |*
8/53:yat tat vrīhau vrīhitvam yave yavatvam gārgye gārgyatvam tat ekam tac ca vivakṣitam |
9/53:tasya ekatvāt ekavacanam eva prāpnoti |
10/53:iṣyate ca bahuvacanam syāt iti |
11/53:tat ca antareṇa yatnam na sidhyati iti jātyākhyāyam ekasmin bahuvacanam |
12/53:evamartham idam ucyate |
13/53:asti prayojanam etat |
14/53:kim tarhi iti |
15/53:tatra ekavacanādeśe uktam |*
16/53:kim uktam |
17/53:vrīhibhyaḥ āgataḥ iti atra gheḥ ṅiti iti guṇaḥ prāpnoti iti |
18/53:na eṣaḥ doṣaḥ |
19/53:arthātideśāt siddham | arthātideśaḥ ayam |*
20/53:na idam pāribhāṣikasya vacanasya grahaṇam |
21/53:kim tarhi |
22/53:anvarthagrahaṇam : ucyate vacanam |
23/53:bahūnām arthānām vacanam bahuvacanam iti |
24/53:yāvat brūyāt ekaḥ arthaḥ bahuvat bhavati iti tāvat ekasmin bahuvacanam iti |
25/53:saṅkhyāprayoge pratiṣedhaḥ | saṅkhyāprayoge pratiṣedhaḥ vaktavyaḥ |*
26/53:ekaḥ vrīhiḥ sampannaḥ subhikṣam karoti |
27/53:asmadaḥ nāmayuvapratyayayoḥ ca | asmadaḥ nāmaprayoge yuvapratyayaprayoge ca pratiṣedhaḥ vaktavyaḥ |*
28/53:nāmaprayoge : aham devadattaḥ bravīmi |
29/53:aham yajñadattaḥ bravīmi |
30/53:yuvapratyayaprayoge : ahaṃ gārgyāyaṇaḥ bravīmi |
31/53:aham vātsyāyanaḥ bravīmi |
32/53:yuvagrahaṇena nārthaḥ |
33/53:asmadaḥ nāmapratyayaprayoge na iti eva |
34/53:idam api siddham bhavati : aham gārgyaḥ bravīmi |
35/53:aham vātsyaḥ bravīmi |
36/53:aparaḥ āha : asmadaḥ saviśeṣaṇasya prayoge na iti eva |
37/53:idam api siddham bhavati : aham paṭuḥ bravīmi |
38/53:aham paṇḍitaḥ bravīmi |
39/53:aśiṣyam vā bahuvat pṛthakttvābhidhānāt |*
40/53:aśiṣyaḥ vā bahuvadbhāvaḥ |
41/53:kim kāraṇam |
42/53:pṛthaktvābhidhānāt |
43/53:pṛthaktvena hi dravyāṇi abhidhīyante |
44/53:bahavaḥ te arthāḥ |
45/53:tatra yuktam bahuvacanam |
46/53:kim ucyate pṛthaktvābhidhānāt iti yāvatā idānīm eva uktam : jātyākhyāyām sāmānyābhidhānāt aikārthyam iti |
47/53:jātiśabdena hi dravyābhidhānam | jātiśabdena hi dravyam api abhidhīyate jātiḥ api |*
48/53:katham punaḥ jñāyate jātiśabdena dravyam api abhidhīyate iti |
49/53:evam hi kaḥ cit mahati gomaṇḍale gopālakam āsīnam pṛcchati : asti atra kām cid gām paśyasi iti |
50/53:saḥ paśyati : paśyati ca ayam gāḥ pṛcchati ca kām cid atra gām paśyasi iti |
51/53:nūnam asya dravyam vivakṣitam iti |
52/53:tat yadā dravyābhidhānam tadā bahuvacanam bhaviṣyati |
53/53:yadā sāmānyābhidhānam tadā ekavacanam bhaviṣyati |

aśiṣyam iti nivṛtam. jātir nāma ayam eko 'rthaḥ. tadabhidhāne ekavacanam eva prāptam ata idam udyate. jāterākhyā jātyākhyā. jātyākhyāyām ekasminnarthe vahuvacanam anyatarasyāṃ bhavati. jātyartho bahuvad bhavati iti yāvat. tena tadviśeṣaṇānām ajātiśabdānām api sampannādīnāṃ bahuvacanam upapadyate. sampanno yavaḥ, sampannā yavāḥ. sampanno vrīhiḥ, sampannā vrīhayaḥ. pūrvavayā brāhmaṇaḥ pratyuttheyaḥ, pūrvavayaso brāhmaṇāḥ pratyuttheyāḥ. jātigrahaṇaṃ kim? devadattaḥ. yajñadattaḥ. ākhyāyām iti kim? kāśyapapratikṛtiḥ kāśyapaḥ. bhavatyayaṃ jātiśabdo na tvanena jātirākhyāyate. kiṃ tarhi? pratikṛtiḥ. ekasminiti kim? vrīhiyavau. saṅkhyāprayoge pratiṣedho vaktavyaḥ. eko brīhiḥ sampannaḥ subhikṣaṃ karoti.

jātyākhyāyam ekasmin bahuvacanam anyatarasyām 1.2.58 aśiṣyam iti nivṛtam. jātir nāma ayam eko 'rthaḥ. tadabhidhāne ekavacanam eva prāptam ata idam udyate. jāterākhyā jātyākhyā. jātyākhyāyām ekasminnarthe vahuvacanam anyatarasyāṃ bhavati. jātyartho bahuvad bhavati iti yāvat. tena tadviśeṣaṇānām ajātiśabdānām api sampannādīnāṃ bahuvacanam upapadyate. sampanno yavaḥ, sampannā yavāḥ. sampanno vrīhiḥ, sampannā vrīhayaḥ. pūrvavayā brāhmaṇaḥ pratyuttheyaḥ, pūrvavayaso brāhmaṇāḥ pratyuttheyāḥ. jātigrahaṇaṃ kim? devadattaḥ. yajñadattaḥ. ākhyāyām iti kim? kāśyapapratikṛtiḥ kāśyapaḥ. bhavatyayaṃ jātiśabdo na tvanena jātirākhyāyate. kiṃ tarhi? pratikṛtiḥ. ekasminiti kim? vrīhiyavau. saṅkhyāprayoge pratiṣedho vaktavyaḥ. eko brīhiḥ sampannaḥ subhikṣaṃ karoti.

jātyākhyāmekasminbahuvacanamanyatarasyām. , 1.2.58 "jātirnāmāyameko'rthaḥ ityādinā sūtrārambhasya prayojanamāha. nanu jāteḥ saṃkhyā na vidyate? tasyā dravyadharmatvāt. yadyapi vaiśeṣikasiddhāntaprasiddhā guṇapadārthasaṃgṛhītā yā saṃkhyā sā na vidyate; tathāpi "bhedakā guṇāḥ" ityasmaddarśane" bhedamātrā yā saṃkhyā sā vidyata evetyadoṣaḥ. "jāterākhyā" iti. ākhyānamākhyā = pratyāyanam. "ekasminnarthe" iti. jātyākhyo'rtho "jātyartho bahuvadbhavatīti yāvat" iti. etenaitaddarśayati-- na hi jātiviśeṣaṇebhyaḥ sampannādibhyastanna syāt. teṣāmajātiśabdatvādityabhiprāyaḥ. kathaṃ punarjātyarthasya bahuvadbhāvo labhyate? anvarthagrahaṇāt. bahuvacanamiha na pāribhāṣikaṃ bahuvacanaṃ gṛhrate, kiṃ tarhi? anvartham. uktiḥ = vacanam. bahūnāṃ vacanaṃ bahuvacam. na caikasminnarthe bahūnāṃ vacanaṃ sambhavati, ataḥ sāmathryādvityartho gamyate-- ekasminnarthe bahuviditi. tadanena prakāreṇa jātyartho bahuvadbhavati. "tena" ityādi. yata e jātyarthasya bahuvadbhāvo vidhīyate, tena jātiviśeṣaṇānāmajātau vartamānānāṃ bahuvacanamupapadyate, jātiśabdavat. "devadattaḥ" iti. devadattaśabdo yadṛcchāśabdaḥ. nānenaikaṃ vastvanekavyaktyanugatamabhidhīyate. anekavyaktyādhārā hi jātiḥ. tato na devadattatvaṃ nāma jātirastīti na bhavatyatra bahuvadbhāvaḥ. nanu cātrāvasthābhedenānekādhāraṃ devadattatvamasti, naitadasti; evaṃ hi jātigrahaṇamanarthakaṃ syāt, sarvatra jāteḥ sambhavāt. tasmājjātigrahaṇasāmathryālloke ye jātiśabdāḥ, pratītāḥ, tadarthā evātra jātiśabdena vivakṣitā iti vijñāyate, na ca devadattaśabdo loke jātiśabdaḥ pratītaḥ. "kāśyapapratikṛtiḥ kāśyapaḥ" iti. kāśyapasyāpatyam "anṛṣyānantarye vidādibhyo'ñ" 4.1.104 ityañ-- kāśyapa iti. tata ivārthe "eve pratikṛtau"5.3.96 iti kan. "lum manuṣye" 5.3.98iti lap bhavati. "ayaṃ jātiśabdaḥ" iti. "gotrañca caraṇaiḥ saha" (4.1.63ma.bhā) iti lakṣaṇāt, tasya ca gotrapratyayāntatvāt. na tvayaṃ jātirūpeṇocyate, kiṃ tarhi? pratikṛtiriti. evaṃ tarhi jātipratyāyane hi cikīrṣite bahuvadbhāvena bhavitavyam. na ceha jātipratyāyanaṃ cikīrṣitam, kiṃ tarhi? pratikṛtipratyāyanam."vrīhiyavau" iti. ekasmiñjātyarthe bahuvadbhāvo'nena vidhīyate. iha tu dvau jātyartho vivakṣitau. vaktavyaśabdasya vyākhyeya ityarthaḥ. tatredaṃ vyākhyānam-- anyatarasyāmiti vyavasthitavibhāṣeyam. tena saṃkhyāprayoge na bhaviṣyati. atha vā- eko vrīhiḥ sampanna ityatraikaśabdaḥ prayujyamāno jātyarthasyaikatvamudbhāvayati,tacca bahutvena virudhyate. tasmādekatvabahutvayorvirodhādbahuvadbhāvo neha bhaviṣyati॥

jātyākhyāyām. ākṛtyadhikaraṇamanyāyena ghaṭādiśabdānāṃ jātivācakatvājjāteścaikatvādekavacanameva syādityārambhaḥ. jātiśabde ekatve bahuvacanaṃ vā syādityakṣarārthaḥ. tathā sati `brāāhṛṇā bhojyā' ityādau viśeṣaṇānna syādityāśaṅkya ekasminnarthe vidyamānaḥ śabdo bahūnarthān vakti, ekārtho bahuvadbhavatīti labhyate ityabhipretyāha-eko'pyartha iti. bahutvaprayuktaṃ kāryaṃ labhata ityarthaḥ.

jātyākhyāyāmekasminbahuvacanamanyatarasyām 807, 1.2.58 jātyākhyāyām. ākṛtyadhikaraṇamanyāyena ghaṭādiśabdānāṃ jātivācakatvājjāteścaikatvādekavacanameva syādityārambhaḥ. jātiśabde ekatve bahuvacanaṃ vā syādityakṣarārthaḥ. tathā sati "brāāhṛṇā bhojyā" ityādau viśeṣaṇānna syādityāśaṅkya ekasminnarthe vidyamānaḥ śabdo bahūnarthān vakti, ekārtho bahuvadbhavatīti labhyate ityabhipretyāha-eko'pyartha iti. bahutvaprayuktaṃ kāryaṃ labhata ityarthaḥ.

eko'pyartho vā bahubaditi. evaṃca viśeṣaṇādapi siddhamiti dhvanayannudāharati— brāāhṛṇāḥ pūjyā iti. jātyākhyāyāṃ kim?. dovadatto yajñadattaḥ. ekasminkim?. vrīhiyavau. asmado dvayośca. cāt `ekasmin bahuvacanamanyatarasyā'miti ca vartate. tadetadāha—ekatve dvitve ca vivakṣita ityādi.

jātyākhyāyāmekasminbahuvacanamanyatarasyām 709, 1.2.58 eko'pyartho vā bahubaditi. evaṃca viśeṣaṇādapi siddhamiti dhvanayannudāharati---brāāhṛṇāḥ pūjyā iti. jātyākhyāyāṃ kim(). dovadatto yajñadattaḥ. ekasminkim(). vrīhiyavau. asmado dvayośca. cāt "ekasmin bahuvacanamanyatarasyā"miti ca vartate. tadetadāha---ekatve dvitve ca vivakṣita ityādi.