1/9:katham idam vijñāyate : jātiḥ yat viśeṣaṇam iti āhosvit jāteḥ yāni viśeṣaṇāni iti |
2/9:kim ca ataḥ |
3/9:yadi vijñāyate jātiḥ yat viśeṣaṇam iti siddham pañcālāḥ janapadaḥ iti |
4/9:subhikṣaḥ sampannapānīyaḥ bahumālyaphalaḥ iti na sidhyati |
5/9:atha vijñāyate jāteḥ yāni viśeṣaṇāni iti siddham subhikṣaḥ sampannapānīyaḥ bahumālyaphalaḥ iti |
6/9:pañcālāḥ janapadaḥ iti na sidhyati |
7/9:evam tarhi na evam vijñāyate jātiḥ yat viśeṣaṇam iti na api jāteḥ yāni viśeṣaṇāni iti |
8/9:katham tarhi |
9/9:viśeṣaṇānām yuktavadbhāvaḥ bhavati ā jātiprayogāt |

1/17:kimartham punaḥ idam ucyate |
2/17:viśeṣaṇānām vacanam jātinivṛttyartham |*
3/17:jātinivṛttyarthaḥ ayam ārambhaḥ |
4/17:kim ucyate jātinivṛttyarthaḥ iti na punaḥ viśeṣaṇānām api yuktavadbhāvaḥ yathā syāt iti |
5/17:samānādhikaraṇatvāt siddham |*
6/17:samānādhikaraṇatvāt viśeṣaṇānām yuktavadbhāvaḥ bhaviṣyati |
7/17:yadi evam na arthaḥ anena |
8/17:lupaḥ anyatra api jāteḥ yuktavadbhāvaḥ na bhavati |
9/17:kva anyatra |
10/17:badarī sūkṣmakaṇṭakā madhurā vṛkṣaḥ iti |
11/17:kim punaḥ kāraṇam anyatra api jāteḥ yuktavadbhāvaḥ na bhavati |
12/17:āviṣṭaliṅgā jātiḥ yat liṅgam upādāya pravartate utpattiprabhṛti ā vināśāt na tat liṅgam jahāti |
13/17:na tarhi idānīm ayam yogaḥ vaktavyaḥ |
14/17:vaktavyaḥ ca |
15/17:kim prayojanam |
16/17:idam tatra tatra ucyate guṇavacanānām śabdānām āśrayataḥ liṅgavacanāni bhavanti iti |
17/17:tat anena kriyate

1/5:harītakyādiṣu vyaktiḥ | harītakyādiṣu vyaktiḥ bhavati yuktavadbhāvena : harītakyāḥ phalāni harītakyaḥ phalāni |*
2/5:khalatikādiṣu vacanam |*
3/5:khalatikādiṣu vacanam bhavati yuktavadbhāvena : khalatikasya parvatasya adūrabhavāni vanāni khalatikam vanāni |
4/5:manuṣyalupi pratiṣedhaḥ |*
5/5:manuṣyalupi pratiṣedhaḥ vaktavyaḥ : cañcā abhirūpaḥ , vadhrikā darśanīyaḥ |

lupi iti vartate. lubarthasya yāni viśeṣaṇāni teṣām api ca yuktavad vyaktivacane bhavataḥ jātiṃ varjayitvā. pañcālāḥ ramaṇīyāḥ, bahvannāḥ, bahukṣīraghṛtāḥ, bahumālyaphalāḥ. godau ramaṇīyau, bahvannau, bahukṣīraghṛtau, bahumālyaphalau. ajāteḥ iti kim? pañcālāḥ janapadaḥ. godau grāmaḥ. jātyarthasya cāyaṃ yuktavadbhāvapratiṣedhaḥ. tena jātidvāreṇa yāni viśeṣaṇāni teṣām api yuktavadbhāvo na bhavati. pañcālāḥ janapado ramaṇīyo, bahvannaḥ. godau grāmo ramaṇīyo, bahvannaḥ iti. manuṣyalupi pratiṣedho vaktavyaḥ. cañcā abhirūpaḥ. vardhrikā darśanīyaṃ.

viśeṣaṇānāṃ ca ajāteḥ 1.2.52 lupi iti vartate. lubarthasya yāni viśeṣaṇāni teṣām api ca yuktavad vyaktivacane bhavataḥ jātiṃ varjayitvā. pañcālāḥ ramaṇīyāḥ, bahvannāḥ, bahukṣīraghṛtāḥ, bahumālyaphalāḥ. godau ramaṇīyau, bahvannau, bahukṣīraghṛtau, bahumālyaphalau. ajāteḥ iti kim? pañcālāḥ janapadaḥ. godau grāmaḥ. jātyarthasya cāyaṃ yuktavadbhāvapratiṣedhaḥ. tena jātidvāreṇa yāni viśeṣaṇāni teṣām api yuktavadbhāvo na bhavati. pañcālāḥ janapado ramaṇīyo, bahvannaḥ. godau grāmo ramaṇīyo, bahvannaḥ iti. manuṣyalupi pratiṣedho vaktavyaḥ. cañcā abhirūpaḥ. vardhrikā darśanīyaṃ.

viśeṣaṇānāṃ cājāteḥ. , 1.2.52 pūrvaṃ prakṛtyarthagatayorliṅgasaṃkhyayorlubarthe'tidheśāt tadviśeṣaṇānāmapi ramaṇīyādīnāṃ vyaktivacanātideśaḥ siddha eva. yadyapi bhinnaṃ viśeṣaṇānāṃ pravṛttinimittam; tathāpi tena bhinnenāpi tatra pravatrtamānānāṃ sa eva lubartho'tidiṣṭavyaktivacanasteṣāmabhidheyaḥ, tasmāt tadgatenaiva liṅgasaṃkhyābhidhāne siddhe jātipratiṣedhārthamidaṃ vacanam. "godauramaṇīyau" iti. godau nāma hyadau, tayoradūrabhavo grāma ityarthe'ṇ. "varaṇādibhyaśca" 4.2.81 iti lup tasya. "pañcālāḥ janapadaḥ". "godau grāmaḥ "iti. janapadagrāmaśabdau jātivacanau. tābhyāṃ jātinimattābhyāṃ sa eva lubartho jātirūpeṇocyata iti tayorapi vyaktavacane yuktavat syātām. tato "jāteḥ" iti pratiṣedhaḥ. "jātyarthasya" ityādi. jātiśabdasyārtho jātyarthaḥ, tasyāyam "ajāteḥ" iti yuktavadbhāvapratiṣedhaḥ, na jātiśabdasyaivetyarthaḥ. kimeva sati siddhaṃ bhavatītyata āha- "tena" ityādi. arthasya yuktavadbhāvapratiṣedhe sati yathā jātiśabdasya tatrārthe vatrtamānasya tadīye liṅgasaṃkhye na bhavataḥ, tathā tadviśeṣaṇānāmapi yuktavadbhāvo na bahvanna ityādau na syāt, ramaṇīyādīnāmajātiśabdatvāt. dvāragrahaṇaṃ lubarthe jātiśabdsya pravṛttatvāt, lubarthe jātiviśeṣaṇānāṃ sākṣādapravṛtteḥ. tāni hi sākṣājjātimeva viśeṣayanti. tasyāṃ tu viśeṣitāyāṃ lubartho'pi viśiṣṭa eva pratīyata iti jātidvāreṇa tasya tāni viśeṣaṇāni bhavanti. "manuṣyalupi" iti. manuṣyalakṣaṇo yo lup tasya viśeṣaṇānāṃ yuktavadbhāvapratiṣedha iti. sa ca vibhāṣāgrahaṇānuvṛttevryavasthitavibhāṣāvijñānāllabhyate. "cañcābhirūpaḥ" iti. cañceva manuṣyaścañcā-- "ive pratikṛtau" 5.3.96 iti kan. tasya "lum manuṣye" 5.3.98 iti lup. "abhirūpaḥ" iti viśeṣaṇasyābhidheyavalliṅgavacanāni bhavanti. " vardhrikā" iti. pūrvavat kam̐llupau॥

viśeṣaṇānāṃ cājāteḥ. kasya viśeṣaṇānāmityākāṅkṣāyāṃ lubityanuvṛttaṃ ṣaṣṭha\ufffdā vipariṇataṃ saṃbadhyate. luptapratyayārthasyeti labhyate. tadāha– lubarthasyeti. tadvaditi. prakṛtivadityarthaḥ. `lupi yurtavadvyaktivacane' ityasmāduttaraṃ paṭhitamidaṃ sūtraṃ tatraiva vyākhyātumucitam. pañcālā ramaṇīyā iti. pañcālānāṃ nivāso janapada ityarthaḥ. atra pratyayārthajanapadaṃ prati viśeṣaṇasyāpi ramamīyaśabdasya prakṛtivadbahuvacanam. godau ramaṇīyāviti. godayornivāso janapada ityarthaḥ. atra pratyayārthajanapadasya tadviśeṣaṇasyāpi prakṛtivaddvivacanam. pañcālā janapada iti. janapadaśabdasya jātivācitvānna prakṛtivadbahuvacanam. godau grāma iti. atra grāmaśabdasya jātivācitvānna prakṛtivaddvivacanam. vyaktiriti. vārtikamidam. `lupi liṅgaṃ prakṛtivadbhavati, na tu vacana'miti śeṣaḥ. harītakya iti. `harītakyādibhyaśce'ti vikārapratyayasya lup. atra pratyayārtheṣu phaleṣu prakṛtivatstrīliṅgameva bhavati, na tvekavacanamiti bhāvaḥ. vārtikamidam. eṣu lupi prakṛtivadvacanameva bhavati, natu liṅgamityarthaḥ. khalatikaṃ vanānīti. `varaṇādibhyaśce'ti lup. atra khalatikaśabdasya luptapratyayāntasya prakṛtivatpuṃliṅgatvaṃ na bhavati, kintu ekavacanameveti bhāvaḥ. manuṣyalupi pratiṣedha iti. vārtikamidam. viśeṣaṇāni teṣāṃ prakṛtivalliṅgavacanapratiṣedha ityarthaḥ. cañcā abhirūpa iti. cañcā tṛṇamayī pratimā, tatsadṛśo manuṣyaścañcā. `ive pratikṛtau' ityadhikāre `saṃjñāyā'miti kano `lummanuṣye' iti lup. atra luptapratyayāntasya cañcāśabdasya manuṣye vācye prakṛtiliṅgatvaṃ, na tu tadviśeṣaṇasyā'bhirūpaśabdasyeti bhāvaḥ. iti yuktavadbhāvaprakaraṇam.

viśeṣaṇānāṃ cā'jāteḥ 1281, 1.2.52 viśeṣaṇānāṃ cājāteḥ. kasya viśeṣaṇānāmityākāṅkṣāyāṃ lubityanuvṛttaṃ ṣaṣṭha()ā vipariṇataṃ saṃbadhyate. luptapratyayārthasyeti labhyate. tadāha--lubarthasyeti. tadvaditi. prakṛtivadityarthaḥ. "lupi yurtavadvyaktivacane" ityasmāduttaraṃ paṭhitamidaṃ sūtraṃ tatraiva vyākhyātumucitam. pañcālā ramaṇīyā iti. pañcālānāṃ nivāso janapada ityarthaḥ. atra pratyayārthajanapadaṃ prati viśeṣaṇasyāpi ramamīyaśabdasya prakṛtivadbahuvacanam. godau ramaṇīyāviti. godayornivāso janapada ityarthaḥ. atra pratyayārthajanapadasya tadviśeṣaṇasyāpi prakṛtivaddvivacanam. pañcālā janapada iti. janapadaśabdasya jātivācitvānna prakṛtivadbahuvacanam. godau grāma iti. atra grāmaśabdasya jātivācitvānna prakṛtivaddvivacanam. harītakyādiṣu vyaktiriti. vārtikamidam. "lupi liṅgaṃ prakṛtivadbhavati, na tu vacana"miti śeṣaḥ. harītakya iti. "harītakyādibhyaśce"ti vikārapratyayasya lup. atra pratyayārtheṣu phaleṣu prakṛtivatstrīliṅgameva bhavati, na tvekavacanamiti bhāvaḥ.khalatikādiṣu. vārtikamidam. eṣu lupi prakṛtivadvacanameva bhavati, natu liṅgamityarthaḥ. khalatikaṃ vanānīti. "varaṇādibhyaśce"ti lup. atra khalatikaśabdasya luptapratyayāntasya prakṛtivatpuṃliṅgatvaṃ na bhavati, kintu ekavacanameveti bhāvaḥ. manuṣyalupi pratiṣedha iti. vārtikamidam.manuṣyalakṣaṇe iti. manuṣyātmake luptapratyayārthe yāni viśeṣaṇāni teṣāṃ prakṛtivalliṅgavacanapratiṣedha ityarthaḥ. cañcā abhirūpa iti. cañcā tṛṇamayī pratimā, tatsadṛśo manuṣyaścañcā. "ive pratikṛtau" ityadhikāre "saṃjñāyā"miti kano "lummanuṣye" iti lup. atra luptapratyayāntasya cañcāśabdasya manuṣye vācye prakṛtiliṅgatvaṃ, na tu tadviśeṣaṇasyā'bhirūpaśabdasyeti bhāvaḥ. iti yuktavadbhāvaprakaraṇam.

viśeṣaṇānāṃ. yadyapi sūtrapāṭhe `lupi yuktala'diti satrādanantarametatsūtraṃ paṭhitvā `tadaśiṣya'mityāśabdhātvāttatraivedaṃ vyākhyātumucitam, tathāpi jāteḥ pratiṣedhamātraparamidaṃ, na tu yuktavadbhāvaparimityāśayena tatra noktamityāhuḥ. pañcālā ramaṇīyā iti. kathaṃ tarhi `pañcālā janapadaḥ subhikṣaḥ sampannapānīyaḥ'iti prayoga iti cet, janapadaviśeṣaṇatvādityevehi. pañcālaviśeṣaṇatvābhyupagame tu tadvaliṅgavacane sta eva —pañcālā janapadāḥ subhikṣaḥ sampannapānīyā iti.\t harītakya iti. `harītakyādibhyaśce'tyaṇo lup. tatra hi `lup ce'tyato lubanuvartate. lup. lup. `cañcā tṛṇamayaḥ pumān'.

viśeṣaṇānāṃ cā'jāteḥ 1034, 1.2.52 viśeṣaṇānāṃ. yadyapi sūtrapāṭhe "lupi yuktala"diti satrādanantarametatsūtraṃ paṭhitvā "tadaśiṣya"mityāśabdhātvāttatraivedaṃ vyākhyātumucitam, tathāpi jāteḥ pratiṣedhamātraparamidaṃ, na tu yuktavadbhāvaparimityāśayena tatra noktamityāhuḥ. pañcālā ramaṇīyā iti. kathaṃ tarhi "pañcālā janapadaḥ subhikṣaḥ sampannapānīyaḥ"iti prayoga iti cet, janapadaviśeṣaṇatvādityevehi. pañcālaviśeṣaṇatvābhyupagame tu tadvaliṅgavacane sta eva ---pañcālā janapadāḥ subhikṣaḥ sampannapānīyā iti. harītakyādiṣu vyaktiḥ. harītakya iti. "harītakyādibhyaśce"tyaṇo lup. tatra hi "lup ce"tyato lubanuvartate.khalatikādiṣu vacanam. khalatikamiti. "varaṇādibhyeśce"ti lup.manuṣyalupi pratiṣedhaḥ. cañceti. "sañjñāyā"miti kano "lummanuṣye"iti lup. "cañcā tṛṇamayaḥ pumān".