1/20:it goṇyāḥ na iti vaktavyam | goṇyāḥ na iti eva vaktavyam |*
2/20:na arthaḥ ittvena |
3/20:kā rūpasiddhiḥ : pañcagoṇiḥ , daśagoṇiḥ |
4/20:hrasvatā hi vidhīyate |*
5/20:hrasvatvam atra vidhīyate : gostriyoḥ upasarjanasya iti |
6/20:iti vā vacane tāvat |*
7/20:it iti vā ucyeta na iti vā kaḥ nu atra viśeṣaḥ |
8/20:mātrārtham vā kṛtam bhavet | atha vā mātrārtham idam vaktavyam : goṇīmātram idam goṇiḥ |*
9/20:aparaḥ āha : goṇyāḥ ittvam prakaraṇāt |*
10/20:aśiṣyam goṇyāḥ ittvam |
11/20:kim kāraṇam |
12/20:prakaraṇāt |
13/20:prakṛtam hrasvatvam |
14/20:hrasvaḥ iti vartate |
15/20:nanu sūcyāḥ |
16/20:sūcyādyartham atha api vā |*
17/20:sūcyādyartham idam draṣṭavyam : pañcasūciḥ , daśasūcīḥ |
18/20:it goṇyāḥ na iti vaktavyam hrasvatā hi vidhīyate | iti vā vacane tāvat |
19/20:mātrārtham vā kṛtam bhavet || goṇyāḥ ittvam prakaraṇāt |
20/20:sūcyādyartham atha api vā |

pūrveṇa luki prāpte ikāro vidhīyate. goṇyāstaddhitaluki sati ikārā'deśo bhavati. pañcabhir goṇībhiḥ krītaḥ paṭaḥ pañcagoṇiḥ. daśagoṇiḥ. ititi yogavibhāgaḥ. paṇcabhiḥ sūcībhiḥ krītaḥ pañcasūciḥ. daśasūciḥ. sa ca evaṃ viṣaya eva.

idgoṇyāḥ 1.2.50 pūrveṇa luki prāpte ikāro vidhīyate. goṇyāstaddhitaluki sati ikārā'deśo bhavati. pañcabhir goṇībhiḥ krītaḥ paṭaḥ pañcagoṇiḥ. daśagoṇiḥ. ititi yogavibhāgaḥ. paṇcabhiḥ sūcībhiḥ krītaḥ pañcasūciḥ. daśasūciḥ. sa ca evaṃ viṣaya eva.

idgoṇyāḥ. , 1.2.50 "pañgoṇiḥ" iti. "taddhitārtha" 2.1.50 iti samāse kṛta ārhīyaṣṭhak. tasya pūrvavalluk. "iditi yogavibhāgaḥ" iti. etasyedgrahaṇameva liṅagam. tathā hi goṇī ityetāvati sūtre hyasvagrahaṇānuvṛttau hyasvatve kṛte pañcagoṇiriti siddhyatyeva;kimidgrahaṇena? tadetadidgrahaṇaṃ kriyamāṇaṃ yogavibhāgarthaṃ vijñāyate. nanu cānantarasūtrālluka evānuvṛttiḥ syāt, na hyasvasya, naitadasti; luganuvṛttau hi sūtramidamanarthakaṃ syāt; luko'nantarasūtreṇaiva siddhatvāt. tasmāddhrasvagrahaṇamevānuvatrtate, na luggrahaṇam. "pañcasūciḥ" iti. pañcagoṇirityanena tulyam. yadi yogavibhāgaḥ kriyate, tadātiprasaṅgaḥ syāt. anyeṣāmapi prasajyata ityata āha-- "sa ca" ityādi. yadi sarvatrettvaṃ pūrvayogeṇaiva syāt, tadā "goṇyāḥ" iti vacanamanarthakam. tasmādagoṇīgrahaṇādasyāsarvaviṣayatvam. tena yogavibhāgaḥ sūcīviṣaya eva, nānyaviṣaya iti. taparakaraṇaṃ dīrghānivṛttyartham. dīrghasya dīrghakaraṇamanarthakaṃ syāt. ato vinā taparakaraṇena dīrgho na bhaviṣyīti cet, na; lughyasvabādhanārthatvāddīrghakaraṇasya. bhāvyamāno'ṇ savarṇān na gṛhṇātīti, tasmādadīrghanivṛttyarthaṃ taparatvaṃ nopapadyata iti cet, na; tasyābhāvyamānatvāt. apūrvasya hi vidhānaṃ bhāvyamānatvam. na cātrāpūrvasya vidhānam. tathā hi-- lugghrasvayoḥ prāptayoḥ punaḥ sa eva īkāraḥ pratiprasūyate. tasmāt taparakaraṇaṃ katrtavyam॥

idgoṇyāḥ. luko'pavāda iti. `luktaddhitalukī'ti prāptasyetyarthaḥ. pañcagoṇiriti. ārhīyasya ṭhako luki strīpratyayasya ikāraḥ. naca upasarjanahyasvatvenaiva idaṃ siddhamiti vācyam, ittvavidhyabhāve `suktaddhitalukī'ti ṅīṣo nivṛttāvadantatvāṭṭāpi pañcagoṇetyāpatteḥ. mūladravyavācina eva tṛtīyāntātkrītārthe pratyayā bhavanti, natu `devadattena krīta'mityarthe, anabhidhānāditi bhāṣye spaṣṭam.

idgoṇyāḥ 1680, 1.2.50 idgoṇyāḥ. luko'pavāda iti. "luktaddhitalukī"ti prāptasyetyarthaḥ. pañcagoṇiriti. ārhīyasya ṭhako luki strīpratyayasya ikāraḥ. naca upasarjanahyasvatvenaiva idaṃ siddhamiti vācyam, ittvavidhyabhāve "suktaddhitalukī"ti ṅīṣo nivṛttāvadantatvāṭṭāpi pañcagoṇetyāpatteḥ. mūladravyavācina eva tṛtīyāntātkrītārthe pratyayā bhavanti, natu "devadattena krīta"mityarthe, anabhidhānāditi bhāṣye spaṣṭam.

luko'pavāda iti. `luktāddhitalukī'ti prāptasya strīpratyayasya luko'pavāda ityarthaḥ.

idgoṇyāḥ 1299, 1.2.50 luko'pavāda iti. "luktāddhitalukī"ti prāptasya strīpratyayasya luko'pavāda ityarthaḥ.