1/4:samāsagrahaṇam kimartham |
2/4:samāsagrahaṇe uktam |*
3/4:kim uktam |
4/4:arthavatsamudāyānām samāsagrahaṇam niyamārtham iti |

kṛtas taddhitāḥ samāsāśca prātipadikasaṃjñā bhavanti. apratyayaḥ iti pūrvatra paryudāsat kṛdantasya taddhitāntasya ca anena prātipadikasaṃjñā vidhīyate. arthavatsamudayānāṃ samāsagrahaṇaṃ niyamārtham. kṛt kārakaḥ. hārakaḥ. kartā. harta. taddhitaḥ aupagavaḥ. kāpaṭavaḥ. samāsaḥ rājapuruṣaḥ. brāhmaṇakambalaḥ. samāsagrahaṇasya niyamārthatvād vākyasya arthavataḥ saṃjñā na bhavati.

kṛttaddhitasamāsāś ca 1.2.46 kṛtas taddhitāḥ samāsāśca prātipadikasaṃjñā bhavanti. apratyayaḥ iti pūrvatra paryudāsat kṛdantasya taddhitāntasya ca anena prātipadikasaṃjñā vidhīyate. arthavatsamudayānāṃ samāsagrahaṇaṃ niyamārtham. kṛt kārakaḥ. hārakaḥ. kartā. harta. taddhitaḥ aupagavaḥ. kāpaṭavaḥ. samāsaḥ rājapuruṣaḥ. brāhmaṇakambalaḥ. samāsagrahaṇasya niyamārthatvād vākyasya arthavataḥ saṃjñā na bhavati.

kṛttaddhitasamāsāśca. , 1.2.46 atra "anyatra saṃjñāvidhau pratyayagraṇe tadantavidhirnāsti" ityatannopatiṣṭhate, yasmādapratyaya iti pratiṣedhe prāpte vacanamidam. "apratyayaḥ" iti pratyayāntasya pratiṣedhaḥ uktaḥ. tena yatra saṃjñāyāḥ pratiṣedhastatreyamārabhyamāṇā tadantasyaiva bhavatītyetaccetasi kṛtvā'‌'ha-- "apratyaya iti pūrvasūtre paryudāsāt kṛdantasya" ityādi. atha samāsagrahaṇaṃ kimartham? yāvatā samāsasyārthavattvāt pūrveṇaiva saṃjñā siddhetyata āha-- "arthavatsamudāyānām" ityādi. nirdhāraṇaṣaṣṭhīyam-- arthavanto ye samudāyāsteṣāṃ madhye samāsasyārthavataḥ samudāyasya prātipadikasaṃjñā yathā syāditi niyamārthaṃ samāsagrahaṇam. yadyevam, prakṛtipratyayasamudāyasyārthavataḥ prātipadikasaṃjñā na syāt-- bahupaṭava uccakairiti? ko'tra doṣaḥ? "citaḥ" 6.1.157 ityasmin sūtre citaḥ saprakṛterbahujakajarthamiti vacanādetadvayavasthāpyate-- prakṛtimantarbhāvya citsvaro vidhīyata iti. bahupaṭava ityatra bahuci vihite yadi prātipadikasaṃjñā na syāt,tadā prātipadikatvābhāvāt yathā subutpattirna syāt tathotpannāyā api vibhakteḥ "supo dhātuprātipadikayoḥ" 2.4.71 iti lukā na bhavitavyam. tataśca bahupaṭava ityatra jasvibhakterakārasya svaraḥ syāt; ukārasya ceṣyate. prātipadikatve tu sati pūrvotpannāyā vibhakterluki kṛte yā'nyā vibhaktirutpadyate, sā bahujutpatteruttarakālabhāvinītvāt prakṛtau nāntarbhavati. tena tāmutsṛjya pūrvo bhāgaḥ svarabhāga bhavati. ata ukārasya svaraḥ sidhyati. uccakairityatra prātipadiktavābhāvākajvataḥ samudāyādvibhaktirna syāt, tasyāñcāsatyāṃ padatvaṃ na syāt. tataścoccakaiḥ paṭhatīti "tiṅaṅatiṅaḥ" 8.1.28 iti nighāto na syāt. tasmāt prakṛtipratyayasamudāyasya prātipadikasaṃjñā vaktavyā? na vaktavyā, yasmāt tulyajātīyānāṃ niyamaḥ, tena tulyajātīyo niyamena vyavaccha#idyate. tulyajātīyaścaca samāsasubantasamudāyādanyaḥ vākyasamudāya eva, na tu prakṛtipratyayasamudāyaḥ. tenāyaṃ tas niyamena vyavacchedo na kariṣyate, naitadasti; subantāsubantasamudāyo'pi samāso'sti, yathā-- prakatrtā, prakāraka iti. atra hi "gatikārakopapadānāṃ kṛdbhiḥ samāsavacanaṃ prāk()subutpatteḥ" (vyā.,pa.vṛ 138) iti kṛdantenāsubantena gatikārakaṃ subantaṃ samasyate, tena subantāsubantasamudāyo'yaṃ samāsa iti tulyajātīyasyāpi niyame vijñāyamāne bahupaṭavaḥ, uccakairityatra prātipadikasaṃjñā na syāt. evaṃ tahrrācāryapravṛttijrñāpayati-- bhavati prakṛtipratyayasamudāyasya prātipadikasaṃjñeti; yadayamapratyaya iti pratyayāntasya pratiṣedhaṃ śāsti॥

kṛttaddhita. kṛcca taddhitaśca samāsaśceti vigrahaḥ. pūrvasūtrāt `prātipadika'mityanuvartate, tacca bahuvacanāntatayā vipariṇamyate. pratyayagrahaṇaparibhāṣayā kṛttaddhiteti tadantagrahaṇam. tadāha–kṛttaddhitāntāviti. kṛttaddhitāntayoḥ pratyayāntatvātpūrvasūtreṇā.ñaprāptau kṛttaddhitagrahaṇam. kevalayoḥ kṛttaddhitayoḥ saṃjñāyāṃ prayojanā'bhāvātsaṃjñāvidhāviti niṣedho'tra na bhavati. asmādeva pūrvasūtre saṃjñāvidhāvapi pratyayagrahaṇaparibhāṣayā tadantalābhātpratyayāntaparyudāsaḥ. kecittu arthavadityanuvarttya tatsāmathryāttadantavidhimāhuḥ. kṛdante yathā–`kartā' `bhartā' ityādi. taddhite yathā–`aupagava' ityādi. samāse yathā–`rājapuruṣa' ityādi. nanu samāsagrahaṇaṃ vyarthaṃ, samāse `rājapuruṣa' ityādi. nanu samāsagrahaṃ vyarthaṃ, samāse `rājapuruṣa' ityādiśabdānāṃ pūrvasūtreṇaiva prātipadikatvasya siddhatvāt. na ca uttarapadottaraluptapratyayaṃ pratyayalakṣaṇenāśritya pratyayāntaparyudāsaḥ śaṅkyaḥ, uttarapadamātrasya pratyayāntatve'pi samudāyasyā'pratyayāntatvāt, pratyayagrahaṇe yasmātsa vihitastadādereva grahaṇāt, pratyayalakṣaṇamāśritya pratyayāntaparyudāso na pravartata iti `na ṅisambuddhayoḥ' iti niṣedhena jñāpyata iti pūrvasūtre prapañcitatvāccetyata āha–pūrvasūtreṇetyādinā. niyamaśarīraṃ darśayati-yatreti. `pūrvo bhāgaḥ pada'mityupalakṣaṇam. `uttarabhāgastu pratyayo ne'tyapi draṣṭavyam. anyathā janmavānityādau prātipadikatvaṃ na syāt, svādiṣvasarvanāmasthāna iti pūrvabhāgasya padatvāt. nacātra kṛttaddhiteti taddhitagrahaṇasāmathryādeva prātipadikatvaṃ saṃbhavatīti vācyam, dākṣirityādau taddhitagrahaṇasya caritārthatvāt. tatra hi prakṛtibhāgo na padam, bhatvena tadbādhāt. `pūrvo bhāgaḥ pada'mityanuktau `bahupaṭava' ityatra prātipadikasaṃjñā na syāt. īṣadasamāptāvityanuvṛttau `vibhāṣā supo bahucpurastāttu' iti sūtreṇa `paṭava' iti prathamābahuvacanāntātpūrvato bahucpratyaye kṛte'rthavaditi prātipadikatvāttadavayavajaso luki `citaḥ saprakṛterbahvajartha'miti ṭakārādukārasya udāttatve citsvare kṛte punarjasi `bahupaṭava' iti rūpam. atra ṭakārādakāra udātta iti sthitiḥ. jasantātpūrvato bahucpratyaye bahupaṭava iti samudāyasya prātipadikatvā.ñabhāve tu tato jasantaraṃ notpadyeta. naceṣṭāpattiḥ, tatha#ā sati bahucprakṛtibhūtajasante jasaḥprātidikāvayavatvā.ñabhāvena`supo dhātuprātipadikayo'riti lugabhāvādbahupaṭava iti jasantasyaiva bahucpraka-titayā citassaprakṛtervidhīyamānaścitsvaraḥ jasa evākārasya syāt. iṣyate tu ṭakārāduttarasya. `bahupaṭava' iti samudāyasya prātipadikāvayavatvājjaso luki paṭuśabdasyaiva bahucprakṛtitayā ṭakārāduttarasya citsvare sati punarjasi bahupaṭava iti rūpamuktaṃ nirbādhamiti bhāvaḥ. niyamasya phalamāha– teneti. uktaniyamenetyarthaḥ. anyathā `devadatta gāmabhyāja śuklāṃ daṇḍene'tyādivākyasyāpi prātipadikatvāpattau subluk syāt. na ca vākyasya pratyayāntatvādeva na prātipadikatvamiti vācyam, pratyayagrahaṇe yasmātsa vihitastadādereva grahaṇāditi bhāvaḥ. kṛttaddhitasamāsāśceti cakāro'nukasamanuccayārthaḥ. tena `nipātasyānarthakasya prātipadikasaṃjñā vaktavye'ti vārtikaṃ gatārtham.

kṛttaddhitasamāsāśca 178, 1.2.46 kṛttaddhita. kṛcca taddhitaśca samāsaśceti vigrahaḥ. pūrvasūtrāt "prātipadika"mityanuvartate, tacca bahuvacanāntatayā vipariṇamyate. pratyayagrahaṇaparibhāṣayā kṛttaddhiteti tadantagrahaṇam. tadāha--kṛttaddhitāntāviti. kṛttaddhitāntayoḥ pratyayāntatvātpūrvasūtreṇā.ñaprāptau kṛttaddhitagrahaṇam. kevalayoḥ kṛttaddhitayoḥ saṃjñāyāṃ prayojanā'bhāvātsaṃjñāvidhāviti niṣedho'tra na bhavati. asmādeva pūrvasūtre saṃjñāvidhāvapi pratyayagrahaṇaparibhāṣayā tadantalābhātpratyayāntaparyudāsaḥ. kecittu arthavadityanuvarttya tatsāmathryāttadantavidhimāhuḥ. kṛdante yathā--"kartā" "bhartā" ityādi. taddhite yathā--"aupagava" ityādi. samāse yathā--"rājapuruṣa" ityādi. nanu samāsagrahaṇaṃ vyarthaṃ, samāse "rājapuruṣa" ityādi. nanu samāsagrahaṃ vyarthaṃ, samāse "rājapuruṣa" ityādiśabdānāṃ pūrvasūtreṇaiva prātipadikatvasya siddhatvāt. na ca uttarapadottaraluptapratyayaṃ pratyayalakṣaṇenāśritya pratyayāntaparyudāsaḥ śaṅkyaḥ, uttarapadamātrasya pratyayāntatve'pi samudāyasyā'pratyayāntatvāt, pratyayagrahaṇe yasmātsa vihitastadādereva grahaṇāt, pratyayalakṣaṇamāśritya pratyayāntaparyudāso na pravartata iti "na ṅisambuddhayoḥ" iti niṣedhena jñāpyata iti pūrvasūtre prapañcitatvāccetyata āha--pūrvasūtreṇetyādinā. niyamaśarīraṃ darśayati-yatreti. "pūrvo bhāgaḥ pada"mityupalakṣaṇam. "uttarabhāgastu pratyayo ne"tyapi draṣṭavyam. anyathā janmavānityādau prātipadikatvaṃ na syāt, svādiṣvasarvanāmasthāna iti pūrvabhāgasya padatvāt. nacātra kṛttaddhiteti taddhitagrahaṇasāmathryādeva prātipadikatvaṃ saṃbhavatīti vācyam, dākṣirityādau taddhitagrahaṇasya caritārthatvāt. tatra hi prakṛtibhāgo na padam, bhatvena tadbādhāt. "pūrvo bhāgaḥ pada"mityanuktau "bahupaṭava" ityatra prātipadikasaṃjñā na syāt. īṣadasamāptāvityanuvṛttau "vibhāṣā supo bahucpurastāttu" iti sūtreṇa "paṭava" iti prathamābahuvacanāntātpūrvato bahucpratyaye kṛte'rthavaditi prātipadikatvāttadavayavajaso luki "citaḥ saprakṛterbahvajartha"miti ṭakārādukārasya udāttatve citsvare kṛte punarjasi "bahupaṭava" iti rūpam. atra ṭakārādakāra udātta iti sthitiḥ. jasantātpūrvato bahucpratyaye bahupaṭava iti samudāyasya prātipadikatvā.ñabhāve tu tato jasantaraṃ notpadyeta. naceṣṭāpattiḥ, tatha#ā sati bahucprakṛtibhūtajasante jasaḥprātidikāvayavatvā.ñabhāvena"supo dhātuprātipadikayo"riti lugabhāvādbahupaṭava iti jasantasyaiva bahucpraka-titayā citassaprakṛtervidhīyamānaścitsvaraḥ jasa evākārasya syāt. iṣyate tu ṭakārāduttarasya. "bahupaṭava" iti samudāyasya prātipadikāvayavatvājjaso luki paṭuśabdasyaiva bahucprakṛtitayā ṭakārāduttarasya citsvare sati punarjasi bahupaṭava iti rūpamuktaṃ nirbādhamiti bhāvaḥ. niyamasya phalamāha--teneti. uktaniyamenetyarthaḥ. anyathā "devadatta gāmabhyāja śuklāṃ daṇḍene"tyādivākyasyāpi prātipadikatvāpattau subluk syāt. na ca vākyasya pratyayāntatvādeva na prātipadikatvamiti vācyam, pratyayagrahaṇe yasmātsa vihitastadādereva grahaṇāditi bhāvaḥ. kṛttaddhitasamāsāśceti cakāro'nukasamanuccayārthaḥ. tena "nipātasyānarthakasya prātipadikasaṃjñā vaktavye"ti vārtikaṃ gatārtham.

tatsāmathryāttadantavidhiḥ. nanu yadyarthavattā pāramārthikīṃ vivakṣyate, sā padasya vākyasya vā'sti, na tu kṛttaddhitāntasya, yadi tu prakriyādaśāyāṃ yā kalpitā sā vivakṣyate, tarhi kṛttaddhitayorapi sā'stīti kathamarthavadgrahaṇānuvṛttyā tadantagrahaṇamiti cedatrāhuḥ,-ataevārthavadgrahaṇasāmathryamuktam. pratyayāntena hrokārthībhūtena pratīyamāno'rtha iha gṛhrate. tasya lokikārthaṃ prati pratyāsannataratvānmatupaḥ prāśastyaparatayā tasyaiva grahaṇāt. ataeva ca tadupādānaṃ sārthakaṃ, pūrvasūtre `adhātu'riti `kartā ' `aupagava' ityādau `apratyayānta' iti ca paryudāse prāpte `kṛttaddhite'tyārambhaḥ. niyamārthamiti. na ca pratyayāntatvena paryudāse prāpte vidhyarthamastviti śaṅkyam ; vākyasyā'pratyayāntatvāt. pratyayagrahaṇe yasmātsa vihitastadādereva grahaṇāt. na caivamapyanupasarjanastrīpratyaye tadādiniyamā'bhāvādrājakumārītyādau ṅībante vidhyarthamastviti vācyam, `antaraṅgānapi vidhīnbahiraṅgo lugbādhate' iti lugviṣaye halṅyādilopā'pravṛttyā śrūyamāṇa eva supi samāsapravṛtteḥ. tatra ca kumārīśabdasya subantatve'pi rājaśabdasahita [kumārī]śabdasyā'tathātvādapratyayāntatvena pravṛttāyāḥ saṃjñāyā ekadeśavikṛtanyāyena vibhaktilukyapi sulabhatvāt. ataeva `gomatpriya'ityādau numādayo na, lukaḥ prāgantaraṅgasya hasṅyādilopasya pravṛttau tu syureveti dik. niyamaśarīramāha-yatra saṅghāta iti. niyamaścātra sajātīyāpekṣa ityāha-pūrvo bhāgaḥ padamiti. ṣaḍvidhe'pi samāse pūrvabhāgasya padatvā'vyabhicārādbhavatyayaṃ sajātīyaḥ. `pūrvo bhāga' ityupalakṣaṇam, `uttarastu pratyayo ne'tyapi bodhyam. anyathā `janmavā'nityādau saṃjñā na syāt, `svādiṣvi'tyanena pūrvabhāgasya padatvāt. na ca taddhitagrahaṇasāmathryāttatra syādeveti vācyaṃ, taddhitagrahaṇasya `bhānava' ityādau kṛtārthatvāt. tatra hi pūrvabhāgasya bhatvaṃ, na tu padatvam. na caivamayamiyānityādisamudāyasya prātipadikatvaṃ syādeva, pūrvabhāgasya padatve'pyuttarasya pratyayatvādanena niyamena vārayitumaśakyatvāditi vācyam ; `uttarastu pratyayo ne'tyatra `tadvihitapratyayo ne'ti vyākhyānāt. pūrvo bhāgaḥ padamiti kim ?, bahujviśiṣṭasya prātipadikasaṃjñā yathā syāt. tena `bahupaṭava' ityatra upottamodāttatvaṃ sidhyati. prathamajaso luki `citaḥ saprakṛterbahvakajartha'miti citsvare kṛte punarjasa utpatteḥ. prātipadikasaṃjñāyāmasatyāṃ tu jasevodāttaḥ syāt. yadvā `prakṛtipratyayabhāvānāpannasaṅghātasya cedbhavati tarhi samāsasyaive'ti niyamārthaṃ `samāsa'grahaṇam. tena gavityayamāhe'tyādau nātiprasaṅga iti dik. niyamaphalamāha-tena vākyasya neti. `gāṃmabhyāja śuklā'mityādivākyasya na bhavatītyarthaḥ. satyāṃ hi saṃjñāyāṃ subluksyāt. nanvevamapi `mūlakenopadaṃśaṃ bhuṅkte' ityādivākyasya saṃjñā durvārā, `kṛdgrahaṇe gatikārakapūrvasyāpi grahaṇā'diti cenmaivam. samāsagrahaṇarṛtaniyamena paratvādbādhāt. evaṃca `kṛttaddhite'ti sūtre kṛdgrahaṇaparibhāṣā niṣphalatvānnopatiṣṭhate. tasyāśca paribhāṣāyāḥ `vyāvakrośī' `vyāvahāsī'tyatrāvakāśaḥ. tatra hi `karmavyatihāre ṇacstriyā'miti dhātorṇaci kṛte gatipūrvasya ṇajantatvāt `ṇacaḥ striyā'mityañisatyupasargākārasyādivṛddhisvarau bhavataḥ. kṛdgrahaṇe kārakapūrvasyāpyudāharaṇam-avatapte nakulasthitamityādi sphuṭībhaviṣyati. cakāro'nuktasamuccayārthaḥ. tena `nipātasyānarthakasya prātipadikasaṃjñā vaktavye'ti vārtikaṃ gatārtham. yeṣāṃ dyotyo'pyartho nāsti tadarthamidam,-avadyati. anukaraṇeṣu tu anukāryeṇa sahā'bhedavivakṣāyāmarthavattvā'bhāvādeva na prātipadikatvam. `bhū sattāyā'miti yathā. bhedavivakṣāyāṃ tu saṃjñā syādeva-`bhuvo vu'giti yathā.

kṛttaddhitasamāsāśca 148, 1.2.46 kṛttaddhitasamāsāśca. "arthava"dityanuvartate, tatsāmathryāttadantavidhiḥ. nanu yadyarthavattā pāramārthikīṃ vivakṣyate, sā padasya vākyasya vā'sti, na tu kṛttaddhitāntasya, yadi tu prakriyādaśāyāṃ yā kalpitā sā vivakṣyate, tarhi kṛttaddhitayorapi sā'stīti kathamarthavadgrahaṇānuvṛttyā tadantagrahaṇamiti cedatrāhuḥ,-ataevārthavadgrahaṇasāmathryamuktam. pratyayāntena hrokārthībhūtena pratīyamāno'rtha iha gṛhrate. tasya lokikārthaṃ prati pratyāsannataratvānmatupaḥ prāśastyaparatayā tasyaiva grahaṇāt. ataeva ca tadupādānaṃ sārthakaṃ, pūrvasūtre "adhātu"riti "kartā " "aupagava" ityādau "apratyayānta" iti ca paryudāse prāpte "kṛttaddhite"tyārambhaḥ. niyamārthamiti. na ca pratyayāntatvena paryudāse prāpte vidhyarthamastviti śaṅkyam ; vākyasyā'pratyayāntatvāt. pratyayagrahaṇe yasmātsa vihitastadādereva grahaṇāt. na caivamapyanupasarjanastrīpratyaye tadādiniyamā'bhāvādrājakumārītyādau ṅībante vidhyarthamastviti vācyam, "antaraṅgānapi vidhīnbahiraṅgo lugbādhate" iti lugviṣaye halṅyādilopā'pravṛttyā śrūyamāṇa eva supi samāsapravṛtteḥ. tatra ca kumārīśabdasya subantatve'pi rājaśabdasahita[kumārī]śabdasyā'tathātvādapratyayāntatvena pravṛttāyāḥ saṃjñāyā ekadeśavikṛtanyāyena vibhaktilukyapi sulabhatvāt. ataeva "gomatpriya"ityādau numādayo na, lukaḥ prāgantaraṅgasya hasṅyādilopasya pravṛttau tu syureveti dik. niyamaśarīramāha-yatra saṅghāta iti. niyamaścātra sajātīyāpekṣa ityāha-pūrvo bhāgaḥ padamiti. ṣaḍvidhe'pi samāse pūrvabhāgasya padatvā'vyabhicārādbhavatyayaṃ sajātīyaḥ. "pūrvo bhāga" ityupalakṣaṇam, "uttarastu pratyayo ne"tyapi bodhyam. anyathā "janmavā"nityādau saṃjñā na syāt, "svādiṣvi"tyanena pūrvabhāgasya padatvāt. na ca taddhitagrahaṇasāmathryāttatra syādeveti vācyaṃ, taddhitagrahaṇasya "bhānava" ityādau kṛtārthatvāt. tatra hi pūrvabhāgasya bhatvaṃ, na tu padatvam. na caivamayamiyānityādisamudāyasya prātipadikatvaṃ syādeva, pūrvabhāgasya padatve'pyuttarasya pratyayatvādanena niyamena vārayitumaśakyatvāditi vācyam ; "uttarastu pratyayo ne"tyatra "tadvihitapratyayo ne"ti vyākhyānāt. pūrvo bhāgaḥ padamiti kim?, bahujviśiṣṭasya prātipadikasaṃjñā yathā syāt. tena "bahupaṭava" ityatra upottamodāttatvaṃ sidhyati. prathamajaso luki "citaḥ saprakṛterbahvakajartha"miti citsvare kṛte punarjasa utpatteḥ. prātipadikasaṃjñāyāmasatyāṃ tu jasevodāttaḥ syāt. yadvā "prakṛtipratyayabhāvānāpannasaṅghātasya cedbhavati tarhi samāsasyaive"ti niyamārthaṃ "samāsa"grahaṇam. tena gavityayamāhe"tyādau nātiprasaṅga iti dik. niyamaphalamāha-tena vākyasya neti. "gāṃmabhyāja śuklā"mityādivākyasya na bhavatītyarthaḥ. satyāṃ hi saṃjñāyāṃ subluksyāt. nanvevamapi "mūlakenopadaṃśaṃ bhuṅkte" ityādivākyasya saṃjñā durvārā, "kṛdgrahaṇe gatikārakapūrvasyāpi grahaṇā"diti cenmaivam. samāsagrahaṇarṛtaniyamena paratvādbādhāt. evaṃca "kṛttaddhite"ti sūtre kṛdgrahaṇaparibhāṣā niṣphalatvānnopatiṣṭhate. tasyāśca paribhāṣāyāḥ "vyāvakrośī" "vyāvahāsī"tyatrāvakāśaḥ. tatra hi "karmavyatihāre ṇacstriyā"miti dhātorṇaci kṛte gatipūrvasya ṇajantatvāt "ṇacaḥ striyā"mityañisatyupasargākārasyādivṛddhisvarau bhavataḥ. kṛdgrahaṇe kārakapūrvasyāpyudāharaṇam-avatapte nakulasthitamityādi sphuṭībhaviṣyati. cakāro'nuktasamuccayārthaḥ. tena "nipātasyānarthakasya prātipadikasaṃjñā vaktavye"ti vārtikaṃ gatārtham. yeṣāṃ dyotyo'pyartho nāsti tadarthamidam,-avadyati. anukaraṇeṣu tu anukāryeṇa sahā'bhedavivakṣāyāmarthavattvā'bhāvādeva na prātipadikatvam. "bhū sattāyā"miti yathā. bhedavivakṣāyāṃ tu saṃjñā syādeva-"bhuvo vu"giti yathā.