1/15:tatpuruṣaḥ samānādhikaraṇaḥ karmadhārayaḥ iti cet samāsaikārthatvāt aprasiddhiḥ |*
2/15:tatpuruṣaḥ samānādhikaraṇaḥ karmadhārayaḥ iti cet samāsasya ekārthatvāt sañjñāyāḥ aprasiddhiḥ |
3/15:ekaḥ ayam arthaḥ tatpuruṣaḥ nāma anekārthāśrayam ca sāmānādhikaraṇyam |
4/15:siddham tu padasāmānādhikaraṇyāt |*
5/15:siddham etat |
6/15:katham |
7/15:tatpuruṣaḥ samānādhikaraṇapadaḥ karmadhārayasañjñaḥ bhavati iti vaktavyam |
8/15:sidhyati |
9/15:sūtram tarhi bhidyate |
10/15:yathānyāsam eva astu |
11/15:nanu ca uktam tatpuruṣaḥ samānādhikaraṇaḥ karmadhārayaḥ iti cet samāsaikārthatvāt aprasiddhiḥ iti |
12/15:na eṣaḥ doṣaḥ |
13/15:ayam tatpuruṣaḥ asti prāthamakalpikaḥ yasmin aikapadyam aikasvaryam ekavibhaktikatvam ca |
14/15:asti tādarthyāt tācchabdyam ; tatpuruṣārthāni padāni tatpuruṣaḥ iti |
15/15:tat yaḥ tādarthyāt tācchabdyam tasya iha grahaṇam |

tatpuruṣaḥ iti samāsaviśeṣasya saṃjñāṃ vakṣyati. sa tatpuruṣaḥ samānādhikaraṇapadaḥ karmadhārayasaṃjño bhavati. adhikaraṇaśabdo 'bhidheyavāci. samānādhikaraṇaḥ samānābhidheyaḥ. paramarājyam. uttamarājyam. akarmadhāraye rājyam 6-2-130 ityuttarapadā'dyudāttaṃ na bhavati. pācakavṛndārikā. tatpuruṣaḥ iti kim? pācikābhāryaḥ. samānādhikaraṇaḥ iti kim? brāhmaṇarājyam. karmadhārayapradeśāḥ karmadhāraye 'niṣṭhā 6-2-46 ityevam ādayaḥ.

tatpuruṣaḥ samānādhikaraṇaḥ karmadhārayaḥ 1.2.42 tatpuruṣaḥ iti samāsaviśeṣasya saṃjñāṃ vakṣyati. sa tatpuruṣaḥ samānādhikaraṇapadaḥ karmadhārayasaṃjño bhavati. adhikaraṇaśabdo 'bhidheyavāci. samānādhikaraṇaḥ samānābhidheyaḥ. paramarājyam. uttamarājyam. akarmadhāraye rājyam 6.2.129 ityuttarapadā'dyudāttaṃ na bhavati. pācakavṛndārikā. tatpuruṣaḥ iti kim? pācikābhāryaḥ. samānādhikaraṇaḥ iti kim? brāhmaṇarājyam. karmadhārayapradeśāḥ karmadhāraye 'niṣṭhā 6.2.46 ityevam ādayaḥ.

tatpuruṣaḥ samānādhikaraṇaḥ karmadhārayaḥ , 1.2.42 "tatpuruṣaḥ" iti samāsaviśeṣasyākhyā. sa ca eka evaśabdaḥ. anekasya ca śabdasya bhinnapravṛttinimittakasyaikasminnarthe vṛttiḥ =sāmānādhikāraṇyam. tataśca yatra bāhrena padena tatpurūṣasya sāmānadhikaraṇyam(), tatraiveyaṃ saṃjñā syāt--rājapuruṣaḥ śobhana ityādau,asti hratra tatpuruṣasya kenacit sāmānādhikaraṇyamasti; śobhanaśabdena saha. pācakavṛndāriketyādau tu na syāt, na hratra tatpuruṣasya kenacit sāmānādhikaraṇyamasti; śabdāntarasya prayogābhāvāditi codyamapākarttumāha- "samānādhikaraṇapadaḥ" iti. samānam = abhinnam, ekamadhikaraṇam = vācyaṃ yeṣāṃ padānāṃ tāni samānādhikaraṇāni padāni, tānyāśrayabhūtāni yasya tatpuruṣasya sa samānādhikaraṇapadastatpuruṣaḥ. etena tatpuruṣārthānāṃ padānāṃ samānādhikaraṇatvādupacāreṇa tatpuruṣo'tra sūtre samānādhikaraṇaśabdenokta iti darśayati. kathaṃ punarbāhranyapadāpekṣayā tatpuruṣasya mukhye sāmānādhikaraṇye sambhavati satyaupacārikasya grahaṇamupapadyate? "karmadhārayaḥ" iti mahatyāḥ saṃjñāyāḥ karaṇāt. iha hi lāghavārthatvāt kasaṃjñākaraṇasya, laghīyasyāṃ saṃjñāyāṃ katrtavyāyāṃ "karmadhārayaḥ" iti mahatīṃ saṃjñāṃ kurvatā-- "anyo'pyatra kaścit viparyayaḥ saṃjñāyāmāśritaḥ" ityeṣo'rthaḥ sūcitaḥ. tena "gauṇamukhyayormukhye kāryasampratyayaḥ" (vyā.pa.4) iti mukhyasya samānādhikaraṇasya grahaṇaṃ na vijñāyate. "samānābhidheyaḥ" iti. tadarthānāṃ padānāṃ samānābhidheyatvāt tatpuruṣo'pyupacāreṇa samānābhidheya ityuktaḥ. "paramarājyam, uttamarājyam" iti. "sanmahat" 2.1.60 ityādinā samāsaḥ. karmadhāraye sati "akarmadhāraye rājyam" 6.2.129 ityuttarapadādyudāttamatvaṃ na bhavati. "pācakavṛndārikā" iti. vṛndārakanāgakuñjaraiḥ" 2.1.61 iti puṃvadbhāvaḥ. "pācikābhāryaḥ" iti. bahuvrīhirayam. tenātra "na kopadhāyāḥ" 6.3.36 iti pratiṣedho bhavatyeva. "brāāhṛṇarājyam" iti. ṣaṣṭhītatpuruṣo'yam. tenātra samāsāntodāttameva na bhavati, api tūttarapadādyudāttatvam॥

atha karmadhārayakāryaṃ vakṣyankaramadhārayasaṃjñāmāha–tatpuruṣaḥ samānā. samānam- ekamadhikaraṇaṃ=vācyaṃ yayoḥ padayoḥ, te samānādhikaraṇe pade, te asya sta iti samānādhikaraṇaḥ, matvarthīyo'rśāadyac. samānādhikaraṇānekapadāvayavakastatpuruṣaḥ karmadhārayasaṃjñako bhavatītyarthaḥ. tatpuruṣādhikāre iyaṃ saṃjñā na kṛtā, tathā satyekasaṃjñādhikārātkarmadhāradhārayasaṃjñayā tatpuruṣasaṃjñā bādhyetetyāhuḥ.

tatpuruṣaḥ samānādhikaraṇaḥ karmadhārayaḥ 735, 1.2.42 atha karmadhārayakāryaṃ vakṣyankaramadhārayasaṃjñāmāha--tatpuruṣaḥ samānā. samānam-ekamadhikaraṇaṃ=vācyaṃ yayoḥ padayoḥ, te samānādhikaraṇe pade, te asya sta iti samānādhikaraṇaḥ, matvarthīyo'rśāadyac. samānādhikaraṇānekapadāvayavakastatpuruṣaḥ karmadhārayasaṃjñako bhavatītyarthaḥ. tatpuruṣādhikāre iyaṃ saṃjñā na kṛtā, tathā satyekasaṃjñādhikārātkarmadhāradhārayasaṃjñayā tatpuruṣasaṃjñā bādhyetetyāhuḥ.

tatpuruṣaḥ. samānādhikaraṇaśabdo'rsāadyajantaḥ. samānādhikaraṇapā\ufffdka ityarthaḥ.\t

tatpuruṣaḥ samānādhikaraṇaḥ karmadhārayaḥ 650, 1.2.42 tatpuruṣaḥ. samānādhikaraṇaśabdo'rsāadyajantaḥ. samānādhikaraṇapā()ka ityarthaḥ.