Kāśikāvṛttī1: 
anudāttagrahaṇam anuvartate. udāttaḥ paro yasmāt sa udāttaparaḥ svaritaḥ paro ya 
See More
anudāttagrahaṇam anuvartate. udāttaḥ paro yasmāt sa udāttaparaḥ svaritaḥ paro yasmāt
sa svaritaparaḥ. udāttaparasya svaritaparasya ca anudāttasya sannatara ādeśo bhavati.
anudāttataraḥ ityarthaḥ. devā marutaḥ pṛśnimātaro 'paḥ. mātaraḥ ityanudāttaḥ. apaḥ
ityantaudāttaḥ ūḍidaṃpadādyappumraidyubhyaḥ 6-1-171 iti. tatra
anudāttayorekādeśa okāro 'nudāttaḥ tasyaudātte parabhūte sannatara ādeśo bhavati. imaṃ me
gaṅge yamune sarasvati śutudri. ikāro 'nudāttaḥ. śutudri ityetadāmantritaṃ
pādādau tasmān na nihanyate, anudāttaṃ sarvam apādādau 8-1-18 iti. tasya prathamam
akṣaram udāttaṃ tasmin parabhūte pūrvasya sarasvati iti ikārasya sannatara ādeśo bhavati.
māṇavaka jaṭilakādyāpaka kva gamiṣyasi. kva iti svaritas tasmin parabhūte ka iti
anudattas tasya sannatara ādeśo bhavati.
Kāśikāvṛttī2: udāttasvaritaparasya sannataraḥ 1.2.40 anudāttagrahaṇam anuvartate. udāttaḥ par See More
udāttasvaritaparasya sannataraḥ 1.2.40 anudāttagrahaṇam anuvartate. udāttaḥ paro yasmāt sa udāttaparaḥ svaritaḥ paro yasmāt sa svaritaparaḥ. udāttaparasya svaritaparasya ca anudāttasya sannatara ādeśo bhavati. anudāttataraḥ ityarthaḥ. devā marutaḥ pṛśnimātaro 'paḥ. mātaraḥ ityanudāttaḥ. apaḥ ityantaudāttaḥ ūḍidaṃpadādyappumraidyubhyaḥ 6.1.165 iti. tatra anudāttayorekādeśa okāro 'nudāttaḥ tasyaudātte parabhūte sannatara ādeśo bhavati. imaṃ me gaṅge yamune sarasvati śutudri. ikāro 'nudāttaḥ. śutudri ityetadāmantritaṃ pādādau tasmān na nihanyate, anudāttaṃ sarvam apādādau 8.1.18 iti. tasya prathamam akṣaram udāttaṃ tasmin parabhūte pūrvasya sarasvati iti ikārasya sannatara ādeśo bhavati. māṇavaka jaṭilakādyāpaka kva gamiṣyasi. kva iti svaritas tasmin parabhūte ka iti anudattas tasya sannatara ādeśo bhavati.
Nyāsa2: udāttasvaritaparasya sannataraḥ. , 1.2.40 "mātara ityanudāttaḥ" iti. a See More
udāttasvaritaparasya sannataraḥ. , 1.2.40 "mātara ityanudāttaḥ" iti. anudāttatvaṃ tu vibhaktisvareṇa. mātara iti mātṛśabdājjas, "ṛto ṅisarvanāmasthānayoḥ" 7.3.110 iti guṇaḥ. jasaḥ sakārasya rutvam. tasyāpyaśabde śasante parataḥ "ato roraplutādaplute" 6.1.109 ityutvam. "ādguṇaḥ" 6.1.84 "uḍidam" 6.1.165 ityādinā vibhakterantodāttatve kṛte "eṅaḥ padāntādati" (61.109) itiya okāraḥ, so'pi sthānivadbhāvenānudātto bhavati. "tasyodātte parabhūte" iti. vibhaktyakāre. "ikāro'nudāttaḥ" iti. sarasvatītiśabdasambandhī; "āmantritsaya ca" 8.1.19 iti sarasvatīśabdasya nighātavidhānāt. "tasmānna nihanyate" iti. "anudāttaṃ sarvamapādādau" 8.1.18 ityatrāpādādāviti nighātapratiṣedhāt. "prathamamakṣaram" iti. śakārokāra udāttaḥ, "āmantritasya ca" 6.1.192 iti ṣāṣṭhikena.
1.Source: Arsha Vidya Gurukulam
2.Source: Sanskrit Documents
