ṛvarṇāntād dhātoḥ parau liṅsicau ātmanepadeśu jhalādī kitau bhavataḥ. kṛṣīṣṭa. hṛṣīṣṭa. sicaḥ khalvapi akṛta. ahṛta. jhalityeva. variṣīṣṭa. avariṣṭa. vṛṛto vā 7-2-38 avarīṣṭa.

uś ca 1.2.12 ṛvarṇāntād dhātoḥ parau liṅsicau ātmanepadeśu jhalādī kitau bhavataḥ. kṛṣīṣṭa. hṛṣīṣṭa. sicaḥ khalvapi akṛta. ahṛta. jhalityeva. variṣīṣṭa. avariṣṭa. vṛṛto vā 7.2.38 avarīṣṭa.

uśca. , 1.2.12 liṅasicāvihānuvartamānau dhātuṃ sannidhāpayataḥ, tata eva tayorvidhānāt. na ca ṛkāreṇa viśiṣyate. "yena vidhistadantasya " 1.1.71 iti ṛkāreṇa tadantavidhirvijñāyata ityāha--"ṛkārāntāddhātoḥ" ityādi. atha "ṛ gatau" (dhā.pā.1098) ityasya dhātogrrahaṇaṃ kasmānna bhavati? śailīheyamācāryasya yatra yasya dhātogrrahaṇamicchati tatra yasya śtipā nirdeśaḥ karoti, yathā-- "artipipatryośca" 7.4.77 "sartiśāstyartibhyaśca" 3.1.56 iti, na ceha śtipā nirdeśaḥ kṛtaḥ; tasmādṛvarṇsayaivedaṃ grahaṇam, na dhātoḥ. "akṛta" iti. "hyasvādaṅgāt 8.2.27 iti sico lopaḥ. "variṣīṣṭa" iti. vṛṅo vṛño vaikasya rūpam. "liṅasicorātmanepadeṣu" 7.2.42 itīṭ.

uśca 546, 1.2.12 ṛvarṇātparau jhalādī liṅsicau kitau stastaṅi. bhṛṣīṣṭa. bhṛṣīyāstām. abhārṣīt॥

āśīrliṅi bhṛṣīṣṭetyatra guṇe prāpte– uśca. `liṅgicāvātmanepadeṣu' iti sūtramanuvartate. `iko jha'lityato jhaliti ca. tadāha–ṛvarṇāditi. bhṛṣīṣṭeti. kittvānna guṇaḥ. abhārṣīditi. parasmaipade sici vṛddhau raparatvam.

uśca 205, 1.2.12 āśīrliṅi bhṛṣīṣṭetyatra guṇe prāpte-- uśca. "liṅgicāvātmanepadeṣu" iti sūtramanuvartate. "iko jha"lityato jhaliti ca. tadāha--ṛvarṇāditi. bhṛṣīṣṭeti. kittvānna guṇaḥ. abhārṣīditi. parasmaipade sici vṛddhau raparatvam.

uśca. `iko jha'lityato jhalgrahaṇaṃ , `liṅsicau' iti pūrvasūtraṃ cānuvartate. tadāha– ṛvarṇādityādi. abhārṣīditi. `sici vṛddhi'riti vṛddhiḥ.

uśca 177, 1.2.12 uśca. "iko jha"lityato jhalgrahaṇaṃ , "liṅsicau" iti pūrvasūtraṃ cānuvartate. tadāha-- ṛvarṇādityādi. abhārṣīditi. "sici vṛddhi"riti vṛddhiḥ.