yasya acām ādigrahaṇam anuvartate. eṅ yasya acām ādiḥ tat prācāṃ deśābhidhāne vṛddhasaṃjñaṃ bhavati. eṇīpacanīyaḥ. bhojakaṭīyaḥ. gonardīyaḥ. eṅiti kim? āhicchatraḥ. kānyakubjaḥ. prācām iti kim? devadatto nāma bāhīkeṣu grāmah, tatra bhavaḥ daivadattaḥ. deśe iti kim? gomatyāṃ bhavā matsyāḥ gaumatāḥ. prāgudañcau vibhajate haṃsaḥ kṣīrodake yathā. viduṣāṃ śabdasiddhyarthaṃ sā naḥ pātu śarāvatī. iti śrījayādityaviracitāyāṃ kāśikāyām vṛttau prathamādhyāyasay prathamaḥ pādaḥ.

eṅ prācām deśe 1.1.75 yasya acām ādigrahaṇam anuvartate. eṅ yasya acām ādiḥ tat prācāṃ deśābhidhāne vṛddhasaṃjñaṃ bhavati. eṇīpacanīyaḥ. bhojakaṭīyaḥ. gonardīyaḥ. eṅiti kim? āhicchatraḥ. kānyakubjaḥ. prācām iti kim? devadatto nāma bāhīkeṣu grāmah, tatra bhavaḥ daivadattaḥ. deśe iti kim? gomatyāṃ bhavā matsyāḥ gaumatāḥ. prāgudañcau vibhajate haṃsaḥ kṣīrodake yathā. viduṣāṃ śabdasiddhyarthaṃ sā naḥ pātu śarāvatī. iti śrījayādityaviracitāyāṃ kāśikāyām vṛttau prathamādhyāyasay prathamaḥ pādaḥ.

eṅ prācāṃ deśe. , 1.1.74 "prācāṃ deśābhidhāne" iti. prācāṃ sambandhī yo deśastadabhidhāna ityarthaḥ. etena prācāmiti deśaviśeṣaṇaṃ na vikalpārthamiti darśayati. prācāṃ matenetyasyāvivakṣitatvādityākhyātaṃ bhavati. "eṇīpacanīyaḥ" ityādi. eṇīpacana ityādibhyacchaḥ. "āhicchatraḥ" iti, "kānyakubjaḥ" iti ahicchatrakānyakubjaśabdābhyāmaṇeva bhavati. "devadattaḥ" iti. vṛddhā-dhikāre vihito "vāhīkagrāmebhyaśca" 4.2.116 iti ṭhañ()ñiṭhau na bhavataḥ, kāśyapādi- pāṭhādapi tau na bhavataḥ; kriyānimittako hi devadattaśabdastatra paṭha()te saṃjñāśabdasya cedaṃ pratyudāharaṇam. etacca yadā "vā nāmadheyasya" (vā. 15) iti vṛddhasaṃjñā nāsti; tadā veditavyam. "gaumatāḥ"iti. atra sarvamasti na tu deśābhidhānam. tathā hi gomatī nadī pragdeśe, na deśaḥ. na hi nadī deśagrahaṇena gṛhrate;"nadīdeśo'grāmāḥ" 2.4.7 ityatra nadyāḥ pṛthaggrahaṇāt. "eṅ prācāṃ deśe" iti. "udīcāṃ vṛddhādagotrāt" 4.1.157 ityevamādiṣu prāgudañcau śrūyete, tayośca vibhāgo na vijñāyate. atastatparijñānāyāha-- " prāgudañcau" ityādi. śarāvatī nāma nadī , tasyāḥ pūrveṇa vyavasthito deśaḥ prāgdeśaḥ, uttareṇa udagdeśaḥ. tau śarāvatī vibhajate = vibhāgena vyavasthāpayati tasyāṃ hi maryādāyāṃ satyāṃ tayorvibhāgaḥ parijñāyate. kimarthaṃ vibhajate? "viduṣāṃ śabdasiddhyartham" iti. paṇ()ḍitānāṃ vaiyākaraṇānāṃ śabdavyutpattyartham. kataṃ vibhajate? "haṃsaḥ kṣīrodakaṃ yathā". kṣīrodakamiti "jātiraprāṇinām" 2.4.6 ityekavadbhāvaḥ. kvacit kṣīrodake iti pāṭhaḥ. saḥ "sarvo dvandvo vibhāṣayaikavadbhavati" (vyā.pa.91) iti veditavyaḥ. yathā haṃsaḥ kṣīramudakaṃ ca miśrībhāvamupagataṃ pṛthagasaṅkareṇa vyavasthāpayati, tathā śarāvatī prāgudañcau. yat-tadornityābhisambandāt seti vacanādanuktamapi yetyetallabhyate. yā vibhajate sā no'smān pātu rakṣatu. prasiddhastu pāṭho yatra śloke prāgudīcāviti, tatrā'caḥ "uda īt" (6.4.139) iti bhasaṃjñakasyocyamānaḥ kathamīkāraḥ? kathaṃ ca "ugidacāṃ sarvanāmasthāne'dhātoḥ" 7.1.70 iti numa na bhavatīti cintyam. atra varṇayanti-- "acpratyanvavapūrvāt sāmalomnaḥ" 5.4.75 ityatrājitiyogavibhāgenācpratyayaḥ kṛtaḥ, tenātrāci parato bhasaṃjñāmītvaṃ bhavati. num na bhavati; acā sarvanāmasthānasya vyavahitatvāditi. anaye tu prāgudīcamiti samāhāre kurvanti. teṣāṃ "dvandvāccudaṣahāntāt samāhāre" 5.4.106 iti ṭaci samāsānte kṛte pūrvavadīkāro numabhāvaśca bhavati. kvacittu prāgudīca iti pāṭaḥ. tatrāvayavadeśāpekṣayā bahutvavivakṣāyāṃ bahuvacanam. prāgdeśānudagdeśāśca vibhajata ityarthaḥ. śrībodhisattvadeśīyācāryajinendrabuddhapādaviracitāyāṃ kāśikāvivaraṇapañjikāyāṃ prathamādhyāyasya prathamaḥ pādaḥ ------------ atha prathamādhyayasya dvitīya pādaḥ

eṅ prācāṃ. deśaviśeṣanāmnaścedeṅādireva vṛddhasaṃjñaka iti niyamārthamidam. tvādhunikasaṃketitatvameva. tena ghaṭīyamityādi siddham.

eṅ prācāṃ deśe 1319, 1.1.74 eṅ prācāṃ. deśaviśeṣanāmnaścedeṅādireva vṛddhasaṃjñaka iti niyamārthamidam.vā nāmadheyasyeti. rūḍhaśabdatvamiha nāmatvaṃ, na tvādhunikasaṃketitatvameva. tena ghaṭīyamityādi siddham.