1/15:ādiḥ antyena saha iti asampratyayaḥ sañjñinaḥ anirdeśāt |*
2/15:ādiḥ antyena saha iti asampratyayaḥ |
3/15:kim kāraṇam |
4/15:sañjñinaḥ anirdeśāt |
5/15:na hi sañjñinaḥ nirdiśyante |
6/15:siddham tu ādiḥ itā saha tanmadhyasya iti vacanāt |*
7/15:siddham etat |
8/15:katham |
9/15:ādiḥ antyena saha itā gṛhyamāṇaḥ svasya ca rūpasya grāhakaḥ tanmadhyānām ca iti vaktavyam |
10/15:sambandhiśabdaiḥ vā tulyam |*
11/15:sambandhiśabdaiḥ vā tulyam etat |
12/15:tat yathā sambandhiśabdāḥ : mātari vartitavyam , pitari śuśrūṣitavyam iti |
13/15:na ca ucyate svasyām mātari svasmin pitari iti sambandhāt ca gamyate yā yasya mātā yaḥ ca yasya pitā iti |
14/15:evam iha api ādiḥ antyaḥ iti sambandhiśabdau etau |
15/15:tatra sambandhāt etat gantavyam : yam prati ādiḥ antyaḥ iti ca bhavati tasya grahaṇam bhavati svasya ca rūpasya iti |

ādirantyena itsaṃjñakena saha gṛhyamāṇas tanmadyapatitānāṃ varṇānāṃ grāhako bhavati, svasya ca rūpasya. aṇ. ak. ac. hal. sup. tiṅ. antyena iti kim? suṭiti tṛtīyaikavacanena ṭā ityanena grahaṇaṃ mā bhūt.

ādirantyena sahaitā 1.1.71 ādirantyena itsaṃjñakena saha gṛhyamāṇas tanmadyapatitānāṃ varṇānāṃ grāhako bhavati, svasya ca rūpasya. aṇ. ak. ac. hal. sup. tiṅ. antyena iti kim? suṭiti tṛtīyaikavacanena ṭā ityanena grahaṇaṃ mā bhūt.

ādirantyena sahetā. , 1.1.70 svarūpavidhiparihārāyārambhaḥ.idamapi saṃjñāsūtram. anādibhūta vastvapekṣya tatpūrvavastuna āditvaṃ na bhavati, antyabhūtaṃ vastvapekṣya tataḥ parasyāntyatvam. na cehādyantayoḥ parasparāpekṣe ādyantatve yujyete. evaṃ hi sati vastvantarasya saṃjñino bhāvādādirantyena sahitaḥ svaryaiva saṃjñā syāt. tataśca "svaṃ rūpam" 1.1.67 ityetasyehānuvṛttaye svaritatvāsaṅgo vṛtā syāt. tasmādādyantaśabdābhyāṃ sāmathryādādyantavyatirekeṇa tanmadhyapāti vastu saṃjñitvenākṣiptamiti matvāha-- "tanmadhyapatitānām" iti. jātāvidaṃ bahuvacanam; anyathā hreṅa śabda okārasya saṃjñā na syāt. nanu cādyantaśabdābhyāṃ niyatadeśāvayavāvabhidhīyate, avayavāścāvayavinaḥ samudāya- rūpasya sambandhina iti sambandhiśabdatvādādyantaśabdābhyāṃ tasyaiva saṃjñitvenā- kṣepo yuktaḥ. akata evaṃ vaktavyam-- "tanmadhyapatitānāṃ samudāyasya" iti. evaṃ manyate-- yadayam "tasmādityuttarasya" 1.1.66ityādau varṇānāṃ samudāye parato yakāraṃ yaṇādeśaṃ kṛtvā nirdeśaṃ karoti, tato gamyate-- na varṇasamudāyaḥ saṃjñīti, kiṃ tarhi? pratyekaṃ varṇā eveti; anyathā varṇasamudāye saṃjñini parato varṇamālāṃ yaṇādeśaṃ kṛtvā nirdeśaṃ kuryāditi. asambhavāt sa na kṛta iti cet, na; varṇamālātmana ādeśasya sambhavāt. tarhi samudāye saṃjñini kāryameva na sambhavatīti cet, yadi ca samudāye parataḥ kāryaṃ na sambhavati varṇā eva pratyekaṃ santu saṃjñinaḥ; tatra kāryaṃ sambhavati, kiṃ samudāyena? "ṭā" ityanena grahaṇaṃ mā bhūditi. nanu ca so'pi tāvato'vadheranta eva, na; tāvato'vadheravivakṣitatvāt. ṭakāro hrayam "ṭāṅasiṅasāminātsyāḥ" 7.1.12 "dvitīyāṭaustvenaḥ" 2.4.34 ityatra tṛtīyaikavacanasya viśeṣaṇārthaḥ, na tu pratyāhārārthaḥ. athādigrahaṇaṃ kimartham? antyena saha samudāya eva saṃjñā mā bhūditi, naitadasti; "āvṛttidharmāṇo hi saṃjñāśabdā bhavanti". ādireva pradeśavākyeṣvāvatrtate, na samudāyaḥ; tasmādantareṇāpyādigrahaṇaṃ sāmathryādāderevāntyasahitasya saṃjñātvaṃ vijñāyate, na samudāyasya. evaṃ tarhi sāmathryalabdhasyaivārthasya vispaṣṭīkaraṇārthamādi- grahaṇam. atha sahagrahaṇaṃ kimartham, yāvatā tṛtīyayaiva sahārtho gamyate, yathā-- "vṛddho yūnā" (1.2.65) ityatra? naitadevam; itthambhūtalakṣaṇe'pi tṛtīyā'sti. tasyāṃ ca satyāmādirevāntyenetsaṃjñakenopalakṣitaḥ saṃjñā syāt. tataśca pradeśeṣvaka iti, ika iti, aci iti ca samudāyādvibhaktirna syāt, nirarthakatvenāprātipadiktavāt. "saha" grahaṇāt tu sahabhūtā saṃjñeti samudāyasya saṃjñātvenārthattvāt prātipadikatve sati vibhaktirlabhyate. idgrahaṇaṃ tu "aci" ityatrānitsaṃjñakena "caṭatava" ityanena cakāreṇa saṃjñā mā bhūdityevamartham. antyatvaṃ tasya pūrvavat, na samudāyāpekṣayā. evaṃ tarhi "halantyam" 1.3.3 itītsaṃjñā prāpnoti, tadarthaṃ "na vibhaktau tusmāḥ" 1.3.4 ityatra neti yogavibhāgaḥ katrtavyaḥ.

antyenetā sahita ādirmadhyagānāṃ svasya ca saṃjñā syāt yathāṇiti a i u varṇānāṃ saṃjñā. evamac hal alityādayaḥ ॥

ādirantyena sahetā 4, 1.1.70 antyenetā sahati ādirmadhyagānāṃ svasya ca saṃjñā syāt yathāṇiti a i u varṇānāṃ saṃjñā. evamac hal alityādayaḥ॥

antyenetā sahita ādirmaddhyagānāṃ svasya ca saṃjñā syāt . iti halsaṃjñāyām . ’halantyam’ 1-1-1 . upadeśe'ntyaṃ halitsyāt . upadeśa ādyoccāraṇam . tataḥ ’aṇ’ ’ac’ ityādisaṃjñāsiddhau .

– ante bhavaḥ antyaḥ . tena itā sahoccāryamāṇaḥ ādiḥ aṇ ac ityādirūpaḥ sañjñetyerthaḥ . tatra ’yasmātpūrvaṃ nāsti paramasti sa ādiḥ . yasmātparaṃ nāsti pūrvamasti so'ntaḥ’ iti ādyantavatsūtre bhāṣyam .