1/7:rūpagrahaṇam kim artham na svam śabdasya aśabdasañjñā bhavati iti eva rūpam śabasya sañjñā bhaviṣyati |
2/7:na hi anyat svam śabdasya asti anyat ataḥ rūpāt |
3/7:evam tarhi siddhe sati yat rūpagrahaṇam karoti tat jñāpayati ācāryaḥ asti anyat rūpāt svam śabdasya iti |
4/7:kim punaḥ tat |
5/7:arthaḥ |
6/7:kim etasya jñāpane prayojanam |
7/7:arthavadgrahaṇe na anarthakasya iti eṣā paribhāṣā na kartavyā bhavati |

1/42:kimartham punaḥ idam ucyate |
2/42:śabdena arthagateḥ arthasya asambhavāt tadvācinaḥ sañjñāpratiṣedhārtham svaṃrūpavacanam | śabdena uccāritena arthaḥ gamyate |*
3/42:gām ānaya dadhi aśāna iti arthaḥ ānīyate arthaḥ ca bhujyate |
4/42:arthasya asambhavāt |
5/42:iha vyākaraṇe arthe kāryasya asambhavaḥ |
6/42:agneḥ ḍak iti : na śakyate aṅgārebhyaḥ paraḥ ḍhak kartum |
7/42:śabdena arthagateḥ arthasya asambhavāt yāvantaḥ tadvācinaḥ śabdāḥ tāvadbhyaḥ sarvebhyaḥ utpattiḥ prāpnoti |
8/42:iṣyate ca tasmāt eva syāt iti |
9/42:tat ca antareṇa yatnam na sidhyati iti tadvācinaḥ sañjñāpratiṣedhārtham svaṃrūpavacanam |
10/42:evamartham idam ucyate |
11/42:na vā śabdapūrvakaḥ hi arthe sampratyayaḥ tasmāt arthanivṛttiḥ |*
12/42:na vā etat prayojanam asti |
13/42:kim kāraṇam |
14/42:śabdapūrvakaḥ hi arthe sampratyayaḥ |
15/42:śabdapūrvakaḥ hi arthasya sampratyayaḥ |
16/42:ātaḥ ca śabdapūrvakaḥ : yaḥ api hi asau āhūyate nāmnā nāma yadā anena na upalabdham bhavati tada pṛcchati kim bhavān āha iti |
17/42:śabdapūrvakaḥ ca arthasya sampratyayaḥ iha ca vyākaraṇe śabde kāryasya sambhavaḥ arthe asambhavaḥ |
18/42:tasmāt arthanivṛttiḥ bhaviṣyati |
19/42:idam tarhi prayojanam aśabdasañjñā iti vakṣyāmi iti |
20/42:iha mā bhūt : dādhāḥ ghu adāp taraptamapau ghaḥ iti |
21/42:sañjñāpratiṣedhānarthakyam vacanaprāmāṇyāt |*
22/42:sañjñāpratiṣedhaḥ ca anarthakaḥ |
23/42:śabdasañjñāyām svarūpavidhiḥ kasmāt na bhavati |
24/42:vacanaprāmāṇyāt |
25/42:śabdasañjñāvacanasāmarthyāt |
26/42:nanu ca vacanaprāmāṇyāt sañjñinām sampratyayaḥ syāt svarūpagrahaṇāt ca sañjñāyāḥ |
27/42:etat api na asti prayojanam |
28/42:ācāryapravṛttiḥ jñāpayati śabdasañjñāyām na svarūpavidhiḥ bhavati iti yat ayam ṣṇāntā ṣaṭ iti ṣakārāntāyāḥ saṅkhyāyāḥ ṣaṭsañjñām śāsti |
29/42:itarathā hi vacanaprāmāṇyāt nakārāntāyāḥ saṅkhyāyāḥ sampratyayaḥ syāt svarūpagrahaṇāt ca ṣakārāntāyāḥ |
30/42:na etat asti prayojanam |
31/42:na hi ṣakārāntā sañjñā |
32/42:kā tarhi |
33/42:ḍakārāntā |
34/42:asiddham jaśtvam |
35/42:tasya asiddhatvāt ṣakārāntā |
36/42:mantrādyartham tarhi idam vaktavyam |
37/42:mantre , ṛci yajuṣi iti yat ucyate tat mantraśabde ṛkśabde ca yajuḥśabde ca mā bhūt |
38/42:mantrādyartham iti cet śāstrasāmarthyāt arthagateḥ siddham |*
39/42:mantrādyartham iti cet na |
40/42:kim kāraṇam |
41/42:śāstrasāmarthyāt arthasya gatiḥ bhaviṣyati |
42/42:mantre , ṛci yajuṣi iti yat ucyate tat mantraśabde ṛkśabde ca yajuḥśabde ca tasya kāryasya sambhavaḥ na asti iti kṛtvā mantrādisahacaritaḥ yaḥ arthaḥ tasya gatiḥ bhaviṣyati sāhacaryāt |

1/29:sit tadviśeṣāṇām vṛkṣādyartham |*
2/29:sinnirdeśaḥ kartavyaḥ |
3/29:tataḥ vaktavyam : tadviśeṣāṇām grahaṇam bhavati iti |
4/29:kim prayojanam |
5/29:vṛkṣādyartham |
6/29:vibhāṣā vṛkṣamṛga iti : plakṣanyagrodham , plakṣanyagrodhāḥ |
7/29:pit paryāyavacanasya ca svādyartham |*
8/29:pinnirdeśaḥ kartavyaḥ |
9/29:tataḥ vaktavyam : paryāyavacanasya tadviśeṣāṇām ca grahaṇam bhavati svasya ca rūpasya iti |
10/29:kim prayojanam |
11/29:svādyartham |
12/29:sve puṣaḥ : svapoṣam puṣyati raipoṣam , vidyāpoṣam , gopoṣam aśvapoṣam |
13/29:jit paryāyavacanasya eva rājādyartham |*
14/29:jinnirdeśaḥ kartavyaḥ |
15/29:tataḥ vaktavyam paryāyavacanasya eva grahaṇam bhavati |
16/29:kim prayojanam |
17/29:rājādyartham |
18/29:sabhā rājāmanuṣyapūrvā : inasabham īśvarasabham |
19/29:tasya eva na bhavati : rājasabhā |
20/29:tadviśeṣāṇām ca na bhavati : puṣyamitrasabhā candraguptasabhā |
21/29:jhit tasya ca tadviśeṣāṇām ca matsyādyartham |*
22/29:jhinnirdeśaḥ kartavyaḥ |
23/29:tataḥ vaktavyam : tasya ca grahaṇam bhavati tadviśeṣāṇām ca iti |
24/29:kim prayojanam |
25/29:matsyādyartham |
26/29:pakṣimatsyamṛgān hanti : mātsyikaḥ |
27/29:tadviśeṣāṇām : śāpharikaḥ , śākulikaḥ |
28/29:paryāyavacanānām na bhavati : ajihmān hanti iti |
29/29:asya ekasya paryāyavacanasya iṣyate : mīnān hanti mainikaḥ |

śāstre svam eva rūpaṃ śabdasya grāhyaṃ bodhyaṃ pratyāyyaṃ bhavati, na bāhyo 'rthaḥ, śabdasaṃjñāṃ varjayitvā. śabdena arthāvagaterarthe kāryasya asambhavāt tadvācinām śabdānām sampratyayo mā bhūtiti sūtram idam ārabhyate. agner ḍhak 4-2-33 āgneyam aṣṭākapālaṃ nirvapet. agniśabdo 'gniśabdasyaiva grāhako bhavati, na jvalanaḥ, pāvakaḥ, dhūmaketuḥ iti. na ataḥ pratyayo bhavati. udaśvito 'nyatarasyām 4-2-19audaśvitkam. audaśvitam. takram, ariṣṭaṃ, kālaśeyaṃ, daṇḍāhataṃ, mathitam, iti na ataḥ pratyayo bhavati. aśabdasaṃjñā iti kim? dādhā ghvadāp 1-1-20 taraptamapau ghaḥ 1-1-23, ghugrahaṇeṣu ghagrahaneṣu ca saṃjñināṃ grahanam, na saṃjñāyāḥ. sittadviśeṣāṇāṃ vṛkṣādyartham. sinnirdeśaḥ kartavyaḥ. tato vaktavyam tadviśeṣāṇāṃ grahaṇaṃ bhavati iti. kiṃ prayojanam? vṛkṣādyartham. vibhāṣā vṛkṣamṛgatṛṇadhānyavyañjanapaśu. śakunyaśvavaḍavapūrvāparādharottarāṇām 2-4-12 iti plakṣanyagrodham, plakṣanyagrodhāḥ. pitparyāyavacanasya ca svā'dyartham. pinnirdeśaḥ kartavyaḥ. tato vaktavyam paryāyavacanasya grahaṇaṃ bhavati, cakārāt svasya rūpasya tadviśeṣāṇāṃ ca iti. kiṃ prayojanam? svā'dyartham. sve puśaḥ 3-4-40. svapoṣaṃ puṣṭaḥ. raipośam. dhanapośam. aśvapoṣam. gopośam. jitparyāyavacanasyaiva rājā'dyartham. jinnirdeśaḥ kartavyaḥ. tato vaktavyam paryāyavacanasyaiva grahanaṃ bhavati iti, na svarūpasya, na api tadviśeṣāṇām. kiṃ prayojanam? rājā'dyartham. sabhā rājā amanuṣyapūrvā 2-4-23 inasabham. īśvarasabham. tasyaiva na bhavatirājasabhā. tadviśeṣāṇāṃ ca na bhavati puṣyamitrasabhā. candraguptasabhā. jhaittadviśeṣāṇāṃ ca matsyā'dyartham. jhinnirdeśaḥ kartavyaḥ. tato vaktavyam tasya ca grahaṇaṃ bhavati tadviśaṣāṇāṃ ca iti. kiṃ prayojanam? matsyā'dyartham. pakṣimatsyamṛgān hanti 4-4-35 iti ṭhakpākṣikaḥ. mātsiyakaḥ. tadviśeṣāṇām śākunikaḥ. paryāyāṇāṃ na bhavatiajihmān hanti, animiṣān hanti iti. athaikasyaiśyate, mīnān, hanti iti mainikaḥ.

svaṃ rūpaṃ śabdasya aśabdasaṃjñā 1.1.68 śāstre svam eva rūpaṃ śabdasya grāhyaṃ bodhyaṃ pratyāyyaṃ bhavati, na bāhyo 'rthaḥ, śabdasaṃjñāṃ varjayitvā. śabdena arthāvagaterarthe kāryasya asambhavāt tadvācinām śabdānām sampratyayo mā bhūtiti sūtram idam ārabhyate. agner ḍhak 4.2.32 āgneyam aṣṭākapālaṃ nirvapet. agniśabdo 'gniśabdasyaiva grāhako bhavati, na jvalanaḥ, pāvakaḥ, dhūmaketuḥ iti. na ataḥ pratyayo bhavati. udaśvito 'nyatarasyām 4.2.18audaśvitkam. audaśvitam. takram, ariṣṭaṃ, kālaśeyaṃ, daṇḍāhataṃ, mathitam, iti na ataḥ pratyayo bhavati. aśabdasaṃjñā iti kim? dādhā ghvadāp 1.1.19 taraptamapau ghaḥ 1.1.22, ghugrahaṇeṣu ghagrahaneṣu ca saṃjñināṃ grahanam, na saṃjñāyāḥ. sittadviśeṣāṇāṃ vṛkṣādyartham. sinnirdeśaḥ kartavyaḥ. tato vaktavyam tadviśeṣāṇāṃ grahaṇaṃ bhavati iti. kiṃ prayojanam? vṛkṣādyartham. vibhāṣā vṛkṣamṛgatṛṇadhānyavyañjanapaśu. śakunyaśvavaḍavapūrvāparādharottarāṇām 2.4.12 iti plakṣanyagrodham, plakṣanyagrodhāḥ. pitparyāyavacanasya ca svā'dyartham. pinnirdeśaḥ kartavyaḥ. tato vaktavyam paryāyavacanasya grahaṇaṃ bhavati, cakārāt svasya rūpasya tadviśeṣāṇāṃ ca iti. kiṃ prayojanam? svā'dyartham. sve puśaḥ 3.4.40. svapoṣaṃ puṣṭaḥ. raipośam. dhanapośam. aśvapoṣam. gopośam. jitparyāyavacanasyaiva rājā'dyartham. jinnirdeśaḥ kartavyaḥ. tato vaktavyam paryāyavacanasyaiva grahanaṃ bhavati iti, na svarūpasya, na api tadviśeṣāṇām. kiṃ prayojanam? rājā'dyartham. sabhā rājā amanuṣyapūrvā 2.4.23 inasabham. īśvarasabham. tasyaiva na bhavatirājasabhā. tadviśeṣāṇāṃ ca na bhavati puṣyamitrasabhā. candraguptasabhā. jhaittadviśeṣāṇāṃ ca matsyā'dyartham. jhinnirdeśaḥ kartavyaḥ. tato vaktavyam tasya ca grahaṇaṃ bhavati tadviśaṣāṇāṃ ca iti. kiṃ prayojanam? matsyā'dyartham. pakṣimatsyamṛgān hanti 4.4.35 iti ṭhakpākṣikaḥ. mātsiyakaḥ. tadviśeṣāṇām śākunikaḥ. paryāyāṇāṃ na bhavatiajihmān hanti, animiṣān hanti iti. athaikasyaiśyate, mīnān, hanti iti mainikaḥ.

svaṃ rūpaṃ śabdasyāśabdasaṃjñā. , 1.1.67 "śāstre svameva" ityādi. śāstragrahaṇaṃ loke'rthasyaiva grāhratvāt. śabdasyeti "kṛtyānāṃ kartari vā" 2.3.71 iti katrtari ṣaṣṭhī, śabdaḥ svameva rūpaṃ grāhayati bodhayati, pratyāyayatītyarthaḥ. kaḥ punaḥ śabdasya svarūpasya ca bhedaḥ? yena śabdasyeta vyatirekanibandhanā ṣaṣṭhī bhavati. paramārthato vastugato nāstyeva bhedaḥ. tathā hi-- svaṃ rūpaṃ śabdasya svabhāvaḥ. taccet tato'rthāntaraṃ syāc śabdasya vaisvabhāvyameva syāt. asatyapi tu vāstave bhede buddhiviracitaṃ bhedamāśritya ṣaṣṭhī bhavati. buddhirhi svabījaparipākavaśādākāraviśeṣaparigrahavatyupajāyamānā vastuno'satyapi bhede bhedamāpādayati, yathā-- rāhoḥ śiraḥ, svasya svabhāva iti. "na bāhro'rthaḥ" iti evakāreṇa yadvyavacchinnaṃ taddarśayati. atiprasaktasyāpavādamāha--"aśabdasaṃjñā" ityādi. kimarthaṃ punaridamārabhyata ityāha-- "śabdena" ityādi. śabdenoccāritenārthaḥ kāryopayogitayā gamyate, na śabda- svarūpam. tathā hi-- gaurupalabhyatamityukte'rthamevopalabdhumādriyate, na śabdasvarūpam; vyākaraṇe tu pratyayavidhānādikāryamarthasya na sambhavati; tena saha śabdasya paurvāparyābhāvāt. na cārthād vihitena pratyayena kaścit prakṛtopayogaḥ. tena "agnerḍhak" (4.2. 33) ityukte nāyaṃ saṃpratyayo bhavati. agniśabdasya yo'rthaḥ, sa iha kāryī, tasyedaṃ kāryaṃ vidhīyata iti. tataśca tasyārthasya ye vācakāḥ vidheyamiti. yathā --ākṛtivādināṃ gaurduhratāmiti śabdena jātau coditāyāṃ tatra tatkāryāsambhavāt tadādhārāyāṃ vyaktau saṃbhavāt tatsāhacaryācca tasyāmeva vyaktau saṃpratyayo bhavati, na jātau; tathehāpi tanmā bhūt tadvācināṃ saṃpratyaya ityevamarthamidamārabhyate. tadvācināmiti karmaṇi ṣaṣṭhī. tadvācino mā vijñāyītyevamarthamidamārabhyata ityarthaḥ. tatra kecidāhuḥ-- svarūpasya paryāyāṇāṃ ca kārye prasakte śrūyamāṇasyaiva tad yathā syāt, paryāyāṇāṃ bhūditi niyamārthā paribhāṣeyamiti. anye tu-- " liṅgavatī paribhāṣā bhavati" , yathā, "iko guṇavṛddhī" 1.1.3 iti guṇavṛddhī liṅgam. vidhyantaraśeṣabhūtā vā; yathā-- "vipratiṣedhe paraṃ kāryam" (kāta.pa.67) iti parasya vidhyantarasya śeṣabhāvamāpadyate. na vāsyā liṅgaṃ vidhyantaraśeṣabhāvo vā vidyata iti saṃjñāsūtramidam" iti pratipannāḥ. yadyapi vṛttau saṃjñāśabdo noccārinaḥ, tathāpi "svameva rūpaṃ śabdasya grāhram" ityevaṃ brāuvatā vṛttikāreṇa saṃjñaivetyākhyātaṃ bhavati. agniśabdādau śabdāntaraiḥ sādhāraṇamapi rūpamasti śabdatvādi, asādhāraṇamapi agniśabdatvādi, tatra sādhāraṇarūpavyudāsenāsādhāraṇasyāgniśabdatvādi- rūpasya parigrahārthaṃ "svam" grahaṇam. taddhi svameva tasya rūm, itarat punaḥ parasyāpi. pratīti pratyanupadeśācchabdasya svarūpamevāsannam, nārthaḥ; viparyayāt, aheyatvā- cca, tannityasambandhitvācca. tathā hranukaraṇaśabdā hrarthaṃ jahati, na tu svarūpam. asādhāraṇañca rūpamrthastu sādhāraṇaḥ; śabdāntarairapi pratyāyamānatvāt. tadevamāsannatvānnityasambadhitvādasādhāraṇatvācca rūpameva śabdasya svam, nārthaḥ. tataśca svagrahaṇādeva rūpaparigrahe siddhe vyākaraṇe rūpavadartho'pyaṅgīkriyata iti jñāpanārthaṃ rūpagrahaṇam. tena-- "arthavad()grahaṇena nānarthakasya" (vyā.pa.1) ityetadupapannaṃ bhavati. śabdānuśāsananaprastāvādeva ca śabdasyeti siddhe śabdagrahaṇam-- yatra śabdaparo nirdeśastatra svarūpaṃ gṛhrate, nārthaparo nirdeśa iti jñāpanārtham. tena " sve puṣaḥ" 3.4.40 ityatra svarūpasya grahaṇaṃ na bhavati. arthaparatvaṃ tu nirdeśasyāvicchinnapāramparyādācāryopadeśād()vijñāyate. "āgneyam" iti. agnirdevatā'syetyatrārthe ḍhak. "auda()iātkam" iti. ātrāpyuda()iātā saṃskṛtamityatrārthe ḍhak. "uda()iāto- 'nyatarasyām" 4.2.18 ityatra "dadhnaṣṭhak" 4.2.17 ityasyānuvatteḥ, "isusu- ktāntātkaḥ" 7.3.51 iti ṭhakaḥ kādeśaḥ. "ghagrahaṇeṣu" ityādi. yadi ghuprabhṛtirapi saṃjñāśabda svarūpasya grāhakaḥ syāt "upasarge ghoḥ kiḥ" 3.2.92 ityatra yadyapi dhātvadhikārastathāpi ghugrahaṇād ghuśabdāt kipratyayaḥ syāt. upasargagrahaṇaṃ tu prādyupalakṣaṇārtha syāt. yathā-- "añ nāsikāyāḥ saṃjñāyāṃ, nasañcāsthūlāt" 5.4.118 "upasargācca" 5.4.119 ityatra. kumārīgha ityatra ca gha iti saṃjñāśabdena svarūpapratyāyane sati "gharūpakalpa" 6.4.43 ityādina ghaśabde parato hyasvatvaṃ prasajyeta. nanu ca saṃjñāvidhānasāmathryāt saṃjñāyāḥ svarūpagrahaṇaṃ na bhavati, saṃjñā hi saṃjñinaḥ pratyāyanārthā kriyate; yadi saṃjñāśabdo'pi svarūpaṃ pratyāyayet saṃjñāvidhānamanarthakaṃ syāt, naitadasti; saṃjñāvidānasāmathryāddhi saṃjñinaṃ pratyāyayet, paribhāṣāvidhānasāmathryācca svarūpam. tasmāt pratiṣedhaḥ katrtavyaḥ? na katrtavyaḥ, jñāpakāt saṃjñāśabdo rūpasya grāhako na bhaviṣyati. yadayaṃ "ṣṇāntā ṣaṭ" 1.4.24 iti ṣakārāntāyāḥ saṃkhyāyāḥ ṣaṭsaṃjñāṃ vidadhāti,tajjñāpayati- saṃjñāśabdaḥ svarūpasya grāhako na bhavatīti; anyathā hi "ṣa()ḍbhyo luk" 7.1.22 ityatra ṣaṭśabdena svarūpasya pratyāyitatvāt tato'pi lug bhavatīti ṣakārantāyāyaḥ saṃkhyāyāḥ ṣaḍiti saṃjñā na kuryāt. ṣaṭśabdo hi ṣakārāntā saṃkhyā, nānyā, satyametat; tathāpi yeṣāṃ jñāpakadvāreṇārthapratipattau pratipattigauravaṃ syāt, tān pratitatparihārāyayāśabda- saṃjñeti pratiṣedhaḥ kṛtaḥ. śabdagrahaṇam- vyākaraṇe yā saṃjñā tasyā eva pratiṣedho na laukikyā iti pradarśanārtham. "sittdaviśeṣāṇām" ityādi. yatra viśeṣāṇāṃ grahaṇamiṣyate tatra sakāra itsaṃjñakaḥ katrtavyaḥ "vṛkṣasya,mṛgasiti. "tato vaktavayaḥ" ityādi. sinnirdeśaṃ kṛtvā tataḥ prathame'dhyāye'nyatra vā paribhāṣeyaṃ katrtavyā-- sittadviśeṣāṇāmityādi. yasya sakāra itsaṃjñakaḥ, sa tadviśeṣāṇāṃ vṛkṣādiviśeṇāṇāṃ khadirādīnāṃ pratipādaka iti vaktavyam. evaṃ "pitparyāyavacanasya ca svādyartham" (kātyā.vā.519) ityādāvapi veditavyam nyāyādapi caitat pratipādyo'rthaḥ sidhyati. yathā sidhyati tathā yathāvasasaṃ purastāt pratipādayiṣyāmaḥ sukhāvabodhanārthaṃ sittadviśeṣāṇāmityādigranthopanyāsaḥ॥

svaṃ rūpaṃ śabdasyāśabdasaṃjñā ॥ śabdasya svaṃ rūpaṃ saṃjñi śabdaśāstre yā saṃjñā tāṃ vinā॥

`agnerḍhak'`vāyvṛtupitruṣaso yat' `rājño ya'dityādau laukikavyuttpatyā upasthitānāṃ vahnivātādīnāmarthānāṃ ḍhagādipratyayaiḥ paurvāparyāsambhavātprātipadikādityanenānvayāsaṃbhavācca tattadarthakaparyāyaśabdānāṃ grahaṇāpattau tanniyamārthamidaṃ sūtramārabhyate–svaṃ rūpam. `agnerḍhagityādau agnyādiśabdasya yatsvarūpaṃ śrutaṃ tadeva agnyādiśabdai pratyetavyaṃ, natu tadanyastattatparyāyo'pi. śabdaśāstre saṃketitā vṛddhiguṇādisaṃjñā śabdasaṃjñā, tatra nāyaṃ niyama' ityarthaḥ. tadāha–śabdasya sva rūpaṃ saṃjñīti. bodhyamityarthaḥ. na ca vṛddhirguṇa ityādisaṃjñāvidhibalādeva tatra tadarthagrahaṇaṃ bhaviṣyatīti kimaśabdasaṃjñetyaneneti vācyam, `upasarga ghoḥ ki'rityatra `ghu śabde' iti ghudhātunivṛttyarthatvāt `dādhā dhvadāp' iti saṃjñākaraṇasya `ghumāsthāgāpājahātisāṃ hali' ityādau āvaśyakatayā saṃjñākaraṇasya sāmarthyopakṣayādityanyatra vistaraḥ. idaṃ sūtraṃ bhāṣye pratyākhyātam.

svaṃ rūpaṃ śabdasyā'śabdasaṃjñā 27, 1.1.67 "agnerḍhak""vāyvṛtupitruṣaso yat" "rājño ya"dityādau laukikavyuttpatyā upasthitānāṃ vahnivātādīnāmarthānāṃ ḍhagādipratyayaiḥ paurvāparyāsambhavātprātipadikādityanenānvayāsaṃbhavācca tattadarthakaparyāyaśabdānāṃ grahaṇāpattau tanniyamārthamidaṃ sūtramārabhyate--svaṃ rūpam. "agnerḍhagityādau agnyādiśabdasya yatsvarūpaṃ śrutaṃ tadeva agnyādiśabdai pratyetavyaṃ, natu tadanyastattatparyāyo'pi. śabdaśāstre saṃketitā vṛddhiguṇādisaṃjñā śabdasaṃjñā, tatra nāyaṃ niyama" ityarthaḥ. tadāha--śabdasya sva rūpaṃ saṃjñīti. bodhyamityarthaḥ. na ca vṛddhirguṇa ityādisaṃjñāvidhibalādeva tatra tadarthagrahaṇaṃ bhaviṣyatīti kimaśabdasaṃjñetyaneneti vācyam, "upasarga ghoḥ ki"rityatra "ghu śabde" iti ghudhātunivṛttyarthatvāt "dādhā dhvadāp" iti saṃjñākaraṇasya "ghumāsthāgāpājahātisāṃ hali" ityādau āvaśyakatayā saṃjñākaraṇasya sāmarthyopakṣayādityanyatra vistaraḥ. idaṃ sūtraṃ bhāṣye pratyākhyātam.

svaṃ rūpaṃ śabdasya. `agnerḍhak'. āgneyam. `āṅo yamahanaḥ'. āyacchate, āhate. iha- agni, āṅ, yam, han, -ete eva saṃjñinaḥ. nanvagnyādivācyādaṅgārāderḍhagādipratyayo na saṃbhavatīti svarūpādeva syāt, `prātipadikā'dityādyadhikārācca kimanena sūtreṇeti cet ?, satyam. agnyādiśabdaparyāyebhyovahvayādibhyo mā bhūditi sūtrasyā'syārambhaḥ. nanvatra rūpagrahaṇaṃ vināpi svaśabdena rūpameva grahīṣyate, pratītāvupadeśānapekṣatvādasādhāraṇatvādantaraṅgatvānniyatopasthitikatvācca. artho hi pratītau saṃbandhagrahaṇamapekṣate, paryāyairapi pratyāyanātsādhāraṇaḥ , padajñānajanyavodhaviṣayatvādbahiraṅgaḥ, anukaraṇadaśāyāmapratīteraniyatopasthitikaśceti kimanena rūpagrahaṇena ?.\r\nucyate-`iha śāstre artho'pi vivakṣito rūpava'diti jñāpanārthaṃ rūpagrahaṇam. tena `arthavadgrahaṇe nānarthakasye'tyupapannaṃ bhavati. tatroktājñāpakādartho grāhraḥ, `sva'miti vacanātsvaṃ rūpaṃ ceti sāmathryādarthavato rūpasya grahaṇam. tena `kāśe' `kuśe' ityatra `śe' ityayaṃ pragṛhrasaṃjño na bhavati. `prādūhoḍheityatra tu `ūḍhagrahaṇena ktāntameva gṛhrate natu ktavatvantasyaikadeśaḥ' ityanyatra vistaraḥ. aśabdasaṃjñeti kim ? upasarge ghoḥ kiḥ'-dādhābhyo yathā syāt, ghudhātoḥ śabdārthakānmā bhūt. naca `dādhā ghu' iti ghusaṃjñākaraṇasāmathryādeva dādhābhyaḥ kiḥ syāditi vācyam, `ghumāsthe'tyādinā āta īttvavidhau saṃjñākaraṇasyāvaśyakatayā sāmarthyopakṣayāt. iha (a) śabdasya saṃjñā (a) śabdasaṃjñeti na ṣaṣṭhīsamāsaḥ, `karma' `karaṇa'mityādiṣvarthasaṃjñāsu svarūpagrahaṇāpatteḥ, kiṃtu śabdaḥ-śabdaśāstraṃ, tatra saṃjñā śabdasaṃjñeti saptamīsamāsastadāha–śabdaśāstre yā saṃjñeti.

svaṃ svaṃ śabdasyā'śabdasaṃjñā 24, 1.1.67 svaṃ rūpaṃ śabdasya. "agnerḍhak". āgneyam. "āṅo yamahanaḥ". āyacchate, āhate. iha-agni, āṅ, yam, han, -ete eva saṃjñinaḥ. nanvagnyādivācyādaṅgārāderḍhagādipratyayo na saṃbhavatīti svarūpādeva syāt, "prātipadikā"dityādyadhikārācca kimanena sūtreṇeti cet?, satyam. agnyādiśabdaparyāyebhyovahvayādibhyo mā bhūditi sūtrasyā'syārambhaḥ. nanvatra rūpagrahaṇaṃ vināpi svaśabdena rūpameva grahīṣyate, pratītāvupadeśānapekṣatvādasādhāraṇatvādantaraṅgatvānniyatopasthitikatvācca. artho hi pratītau saṃbandhagrahaṇamapekṣate, paryāyairapi pratyāyanātsādhāraṇaḥ , padajñānajanyavodhaviṣayatvādbahiraṅgaḥ, anukaraṇadaśāyāmapratīteraniyatopasthitikaśceti kimanena rūpagrahaṇena?.ucyate-"iha śāstre artho'pi vivakṣito rūpava"diti jñāpanārthaṃ rūpagrahaṇam. tena "arthavadgrahaṇe nānarthakasye"tyupapannaṃ bhavati. tatroktājñāpakādartho grāhraḥ, "sva"miti vacanātsvaṃ rūpaṃ ceti sāmathryādarthavato rūpasya grahaṇam. tena "kāśe" "kuśe" ityatra "śe" ityayaṃ pragṛhrasaṃjño na bhavati. "prādūhoḍheityatra tu "ūḍhagrahaṇena ktāntameva gṛhrate natu ktavatvantasyaikadeśaḥ" ityanyatra vistaraḥ. aśabdasaṃjñeti kim? upasarge ghoḥ kiḥ"-dādhābhyo yathā syāt, ghudhātoḥ śabdārthakānmā bhūt. naca "dādhā ghu" iti ghusaṃjñākaraṇasāmathryādeva dādhābhyaḥ kiḥ syāditi vācyam, "ghumāsthe"tyādinā āta īttvavidhau saṃjñākaraṇasyāvaśyakatayā sāmarthyopakṣayāt. iha (a) śabdasya saṃjñā (a) śabdasaṃjñeti na ṣaṣṭhīsamāsaḥ, "karma" "karaṇa"mityādiṣvarthasaṃjñāsu svarūpagrahaṇāpatteḥ, kiṃtu śabdaḥ-śabdaśāstraṃ, tatra saṃjñā śabdasaṃjñeti saptamīsamāsastadāha--śabdaśāstre yā saṃjñeti.