1/56:pratyayagrahaṇam kimartham |
2/56:lumati pratyayagrahaṇam apratyayasañjñāpratiṣedhārtham | lumati pratyayagrahaṇam kriyate apratyayasya etāḥ sañjñāḥ mā bhūvan iti |*
3/56:kim prayojanam |
4/56:prayojanam taddhitaluki kaṃsīyaparaśavyayoḥ luki ca goprakṛtinivṛttyartham | taddhitaluki gonivṛttyartham kaṃsīyaparaśavyayoḥ ca luki prakṛtinivṛttyartham |*
5/56:luk taddhitaluki iti goḥ api luk prāpnoti |
6/56:pratyayagrahaṇāt na bhavati |
7/56:kaṃsīyaparaśavyayoḥ yañañau luk ca iti prakṛteḥ api luk prāpnoti |
8/56:pratyayagrahaṇāt na bhavati |
9/56:gonivṛttyarthena tāvat na arthaḥ |
10/56:yogavibhāgāt siddham |*
11/56:yogavibhāgaḥ kariṣyate : goḥ upasarjanasya |
12/56:gontasya prātipadikasya upasarjanasya hrasvaḥ bhavati |
13/56:tataḥ striyāḥ |
14/56:strīpratyayāntasya prātipadikasya upasarjanasya hrasvaḥ bhavati |
15/56:tataḥ luk taddhitaluki iti |
16/56:striyāḥ iti vartate |
17/56:goḥ iti nivṛttam |
18/56:kaṃsīyaparaśavyayoḥ viśiṣṭanirdeśāt siddham |*
19/56:kaṃsīyaparaśavyayoḥ api viśiṣṭanirdeśḥ kartavyaḥ : kaṃsīyaparaśavyayoḥ yañañau bhavataḥ chayatoḥ ca luk bhavati iti |
20/56:saḥ ca avaśyam viśiṣṭanirdeśaḥ kartavyaḥ kriyamāṇe api vai pratyayagrahaṇe ukārasaśabdayoḥ mā bhūt iti : kameḥ saḥ kaṃsaḥ |
21/56:parān śṛṇāti iti paraśuḥ iti |
22/56:na eṣaḥ doṣaḥ |
23/56:uṇādayaḥ avyutpannāni prātipadikāni |
24/56:saḥ eṣaḥ ananyārthaḥ viśiṣṭanirdeśaḥ kartavyaḥ pratyayagrahaṇam vā kartavyam |
25/56:uktam vā |*
26/56:kim uktam |
27/56:ṅyāpprātipadikagrahaṇam āṅgabhapadasañjñārtham yacchayoḥ ca lugartham iti |
28/56:ṣaṣṭhīnirdeśārtham tu |*
29/56:ṣaṣṭhīnirdeśārtham tarhi pratyayagrahaṇam kartavyam |
30/56:anirdeśe hi ṣaṣṭhyarthāprasiddhiḥ |*
31/56:akriyamāṇe hi pratyayagrahaṇe ṣaṣṭhyarthasya aprasiddhiḥ syāt |
32/56:kasya |
33/56:sthāneyogatvasya |
34/56:kva punaḥ iha ṣaṣṭhīnirdeśārthena arthaḥ pratyayagrahaṇena yāvatā sarvatra eva ṣaṣṭhī uccāryate : aṇiñoḥ tadrājasya yañañoḥ śapaḥ iti |
35/56:iha na kā cit ṣaṣṭhī : janapade lup iti |
36/56:atra api prakṛtam pratyayagrahaṇam anuvartate |
37/56:kva prakṛtam |
38/56:pratyayaḥ paraḥ ca iti |
39/56:tat vai prathamānirdiṣṭam ṣaṣṭhīnirdiṣṭena ca iha arthaḥ |
40/56:ṅyāpprātipadikāt iti eṣā pañcamī pratyayaḥ iti prathamāyāḥ ṣaṣṭhīm prakalpayiṣyati tasmāt iti uttarasya |
41/56:pratyayavidhiḥ ayam |
42/56:na ca pratyayavidhau pañcamyaḥ prakalpikāḥ bhavanti |
43/56:na ayam pratyayavidhiḥ |
44/56:vihitaḥ pratyayaḥ prakṛtaḥ ca anuvartate |
45/56:sarvādeśārtham vā vacanaprāmāṇyāt |*
46/56:sarvādeśārtham tarhi pratyayagrahaṇam kartavyam |
47/56:lukślulupaḥ sarvādeśāḥ yathā syuḥ |
48/56:atha kriyamāṇe api pratyayagrahaṇe katham iva lukślulupaḥ sarvādeśāḥ labhyāḥ |
49/56:vacanaprāmāṇyāt : pratyayagrahaṇasāmāṛthyāt |
50/56:etat api na asti prayojanam |
51/56:ācāryapravṛttiḥ jñāpayati lukślulupaḥ sarvādeśāḥ bhavanti iti yat ayam luk vā duhadihalihaguhām ātmanepade dantye iti lope kṛte lukam śāsti |
52/56:uttarārtham tu |*
53/56:uttarārtham tarhi pratyayagrahaṇam kartavyam |
54/56:na kartavyam| kriyate tatra eva : pratyayalope pratyayalakṣaṇam iti |
55/56:dvitīyam kartavyam kṛtsnapratyayalope pratyayalakṣaṇam yathā syāt |
56/56:ekadeśalope mā bhūt iti : āghnīta sam rāyaspoṣeṇa gmīya iti |

adarśanam iti vartate. pratyayādarśanasya luk, ślu, lupityetāḥ saṃjñā bhavanti. anekasaṃjñāvidhanācca tadbhāvitagrahaṇam iha vijñāyate. luksaṃjñābhāvitaṃ pratyayādarśanaṃ luksaṃjñam bhavati, ślusaṃjñābhāvitaṃ ślusaṃjñaṃ bhavati, lupsaṃjñā bhāvitaṃ lupsaṃjñaṃ bhavati. tena saṃjñānāṃ saṅkaro na bhavati. vidhipradeśeṣu ca bhāvinī saṃjñā vijñāyate. atti. juhoti. varaṇāḥ. pratyayagrahaṇam kim? agastayaḥ. kuṇḍināḥ. lukśluluppradeśāḥ luktaddhitaluki 1-2-49, juhotyādibhyaḥ śluḥ 2-4-75, janapade lup 4-2-71 ityevam ādayaḥ.

pratyayasya lukślulupaḥ 1.1.61 adarśanam iti vartate. pratyaya. adarśanasya luk, ślu, lupityetāḥ saṃjñā bhavanti. anekasaṃjñāvidhanācca tadbhāvitagrahaṇam iha vijñāyate. luksaṃjñābhāvitaṃ pratyayādarśanaṃ luksaṃjñam bhavati, ślusaṃjñābhāvitaṃ ślusaṃjñaṃ bhavati, lupsaṃjñā bhāvitaṃ lupsaṃjñaṃ bhavati. tena saṃjñānāṃ saṅkaro na bhavati. vidhipradeśeṣu ca bhāvinī saṃjñā vijñāyate. atti. juhoti. varaṇāḥ. pratyayagrahaṇam kim? agastayaḥ. kuṇḍināḥ. lukśluluppradeśāḥ luktaddhitaluki 1.2.49, juhotyādibhyaḥ śluḥ 2.4.75, janapade lup 4.2.70 ityevam ādayaḥ.

pratyayasya luk?ślulupaḥ. , 1.1.60 yathā vṛddhiśabdastadbhāvitānamatadbhāvitānāmapi saṃjñā, tathā lugityādikā apyatadbhāvitasyāpi saṃjñāḥ prāpnuvanti, tataśca saṃjñāsaṃkaraḥ syāt. saṃjñāsaṃkare hi sati saṃkīryerannityata āha-- "anekasaṃjñāvidhānācca" ityādi. yadyatadbhāvitasyā- pyetāḥ saṃjñāḥ syuḥ, anekasaṃjñākaraṇamarthakaṃ syāt; ekasyaiva sarvakāryasiddhaḥ. tasmādanekasaṃjñāvidhānād yadadarśanaṃ yayā saṃjñayoccāritayā bhāvitam= niṣpāditaṃ, tasyaiva pratyayādarśanasya sā saṃjñā, nānyasyeti na bhavati saṃkaraḥ. evaṃ tarhītaretarāśrayadoṣaḥ prāpnoti, tathā hi-- saṃjñayā viśiṣṭamadarśanaṃ bhāvyam, sati ca tasmin pratyayā- darśane saṃjñayā bhāvyamityata āha-- "vidhipradeśeṣu ca" ityādi. tadadarśanaṃ vidhīyate yasya vihitasya lugityevamādikāḥ saṃjñā bhavantīti bhāvinyāḥ saṃjñayā vijñānānna bhavatītaretarāśrayadoṣaḥ. "atti" iti. "adiprabhṛtibhyaḥ śapaḥ" 2.4.72 iti śapo luk. "juhoti" iti. "juhotyādibhyaḥ śluḥ" 2.4.75. "varaṇāḥ" iti. varaṇānāṃ vṛkṣāṇāmadūrabhavo grāma iti. "prāgdīvyato'ṇ" 4.1.83 tasya "varaṇādibhyaśca" 4.2.81 iti lup. "agastayaḥ, kuṇḍināḥ" iti. yadi pratyayagrahamaṃ na kriyeta, āgastyasyāpa- tyāni bahūni "ṛṣyandhakavṛṣṇikurubhyaḥ" 4.1.114 iti ṛṣyaṇ. kuṇḍinyā apatyāni bahūni gargāditvād yañ 4.1.165, tayorāgastyakauṇḍinyaśabdayorjasi parato yadā " āgastyakauṇḍinyayoragastikuṇḍinac" 2.4.70 iti luk kriyate,agastikuṇḍinacau cādeśau; tadā vaiṣamyādekaikasya ṣaṣṭhīnirdiṣṭasya sthāninastraya ādesāḥ paryāyeṇa syuḥ. tatra yadā luk kriyate tadā vibhaktimātrasya śravaṇaṃ prāpnoti. athāpyalo'- ntyasya syātevamapyāgastyaḥ,kauṇ()ḍinyaḥ iti syāt; agastayaḥ, kuṇḍinā iti ceṣyate. yadāpyāgastyaśabdasya kuṇḍinajādeśaḥ, kauṇḍinyaśabdasya cāgasatyādeśaḥ, tathāpyaniṣṭameva prāpnoti. āgastyaśabdasya hi jasantasya agastayaiti rūpamiṣyate, kauṇḍinyaśabdasya tu kuṇḍinā iti. ata evāgastayaḥ kuṇḍinā ityanayānupūvryā tayorupanyāsaḥ. athāpyāntaratamyādāgastyaśabdasyāgastiśabda evādeśo bhavati, na kuṇḍinajiti? kauṇḍinyaśabdasyāpi kuṇḍinajādeśo bhavati, nāgastiśabda iti? evamapi naivāniṣṭāpatte- rmuktiḥ. tathā hi-- evaṃ hragastayaḥ, kuṇḍinā iti ca sidhyati, tathāpi prāgdīvyatīye-'jādau pratyaye vivakṣite sati "vṛddhācchaḥ" 4.2.113 iti cchoḥ na syātvṛddha-tvāt. prakṛteḥ. pratyayagrahaṇe tu sati tadadarśanasyaiveyaṃ saṃjñā vihiteti tasyaiva lug bhavati. parijādipratyayavivakṣāyāmapi "go'tre'lugaci" 4.1.89 iti luki pratiṣiddhe vṛddhācchapratyayaśca. agastīnāṃ chātrā āgastīyā iti. kauṇḍinyaśabdāt tu satyapi luki "kaṇvādibhyo gotre" 4.2.110 ityaṇeva bhavati-- kauṇḍinyāścātrā iti. tena tatra chapratyayābhāvadoṣo na prasañjanīyaḥ.

pratyayasya lukślulupaḥ 189, 1.1.60 lukślulupśabdaiḥ kṛtaṃ pratyayādarśanaṃ kramāttattatsaṃjñaṃ syāt॥

ato naivamarthaḥ, kiṃ tu lukślulupa ityāvartate. tataśca luk ślu lupa ityuccārya vihitaṃ pratyayā'darśanaṃ yathāsaṅkhyaparibhāṣayā kramāllugādisaṃjñaṃ syāditi labhyate, ato noktasaṅkara ityabhipretyāha-lukślulupśabdairityādinā. `phale luk', `juhotyādibhyaḥ śluḥ' `janapade lup' ityādividhipradeśeṣu `asya sūtrasya śāṭakaṃ vaye'tivadbhāvijñānānnānyonyāśrayaḥ. tadevaṃ katiśabdasya ṣaṭsaṃjñāyām–.

pratyayasya lukślulupaḥ 258, 1.1.60 ato naivamarthaḥ, kiṃ tu lukślulupa ityāvartate. tataśca luk ślu lupa ityuccārya vihitaṃ pratyayā'darśanaṃ yathāsaṅkhyaparibhāṣayā kramāllugādisaṃjñaṃ syāditi labhyate, ato noktasaṅkara ityabhipretyāha-lukślulupśabdairityādinā. "phale luk", "juhotyādibhyaḥ śluḥ" "janapade lup" ityādividhipradeśeṣu "asya sūtrasya śāṭakaṃ vaye"tivadbhāvijñānānnānyonyāśrayaḥ. tadevaṃ katiśabdasya ṣaṭsaṃjñāyām--.

patyayasya lukślulupaḥ. `adarśanaṃ lopaḥ'ityato'nuvṛttasyā'darśanasyānekasaṃjñākaraṇasāmathryāttanttrādyaśritya tadbhāvitasaṃjñā iha vijñāyante, tena saṃjñāsaṅkaro'tra na bhavati, tadetadāha– lukślulupśabdairityādi. sati tu saṃjñāsaṅkare `hantī'tyatra śabluki `ślau'iti dvitvaṃ syāti. `juhetī'tyatra ślau sati `utovṛddhirluki halī'ti vṛddhiḥ syāt. na ca tatra `abhyastasya ne'tyanuvṛtteryoyoti nonotītyādāviva vṛddhirna bhaviṣyatīti vācyaṃ, saṃjñāsaṅkarapakṣe tadanuvṛttyasaṃbhavāt, anyathā sūtrasya nirviṣayatvāpatteḥ. na ca `yautī'tyādiravakāśaḥ, saṃjñasaṅkare tatrāpi dvitvasya durvāratvāditi bhāvaḥ. `phale luk' `juhotyādibhyāḥ śluḥ'`janapade lu'bityādividhipradeśeṣu sūtraśāṭaka vadbhāvisaṃjñāvijñānānnānyonyāśrayaḥ.

patyayasya lukślulupaḥ 219, 1.1.60 patyayasya lukślulupaḥ. "adarśanaṃ lopaḥ"ityato'nuvṛttasyā'darśanasyānekasaṃjñākaraṇasāmathryāttanttrādyaśritya tadbhāvitasaṃjñā iha vijñāyante, tena saṃjñāsaṅkaro'tra na bhavati, tadetadāha--lukślulupśabdairityādi. sati tu saṃjñāsaṅkare "hantī"tyatra śabluki "ślau"iti dvitvaṃ syāti. "juhetī"tyatra ślau sati "utovṛddhirluki halī"ti vṛddhiḥ syāt. na ca tatra "abhyastasya ne"tyanuvṛtteryoyoti nonotītyādāviva vṛddhirna bhaviṣyatīti vācyaṃ, saṃjñāsaṅkarapakṣe tadanuvṛttyasaṃbhavāt, anyathā sūtrasya nirviṣayatvāpatteḥ. na ca "yautī"tyādiravakāśaḥ, saṃjñasaṅkare tatrāpi dvitvasya durvāratvāditi bhāvaḥ. "phale luk" "juhotyādibhyāḥ śluḥ""janapade lu"bityādividhipradeśeṣu sūtraśāṭaka vadbhāvisaṃjñāvijñānānnānyonyāśrayaḥ.