1/50:arthasya sañjñā kartavyā śabdasya mā bhūt iti |
2/50:itaretarāśrayam ca bhavati |
3/50:kā itaretarāśrayatā |
4/50:sataḥ adarśanasya sañjñayā bhavitavyam sañjñaya ca adarśanam bhāvyate |
5/50:tat etat itaretarāśrayam bhavati |
6/50:itaretarāśrayāṇi ca kāryāṇi na prakalpante |
7/50:lopasañjñāyām arthasatoḥ uktam |*
8/50:kim uktam |
9/50:arthasya tāvat uktam : itikaraṇaḥ arthanirdeśārthaḥ iti |
10/50:sataḥ api uktam : siddham tu nityaśabdatvāt iti |
11/50:nityāḥ śabdāḥ |
12/50:nityeṣu ca śabdeṣu sataḥ adarśanasya sañjñā kriyate |
13/50:na sañjñayā adarśanam bhāvyate |
14/50:sarvaprasaṅgaḥ tu sarvasya anyatra adṛṣṭatvāt |*
15/50:sarvaprasaṅgaḥ tu bhavati |
16/50:sarvasya adarśanasya lopasañjñā prāpnoti |
17/50:kim kāraṇam |
18/50:sarvasya anyatra adṛṣṭatvāt |
19/50:sarvaḥ hi śabdaḥ yaḥ yasya prayogaviṣayaḥ saḥ tataḥ anyatra na dṛśyate |
20/50:trapu jatu iti atra aṇaḥ adarśanam |
21/50:tatra adarśanam lopaḥ iti lopasañjñā prāpnoti |
22/50:tatra kaḥ doṣaḥ |
23/50:tatra pratyayalakṣaṇapratiṣedhaḥ |*
24/50:tatra pratyayalakṣaṇam kāryam prāpnoti |
25/50:tasya pratiṣedhaḥ vaktavyaḥ |
26/50:acaḥ ñṇiti iti vṛddhiḥ prāpnoti |
27/50:na eṣaḥ doṣaḥ |
28/50:ñṇiti aṅgasya acaḥ vṛddhiḥ ucyate |
29/50:yasmāt pratyayavidhiḥ tadādi pratyaye aṅgam bhavati |
30/50:yasmāt ca atra pratyayavidhiḥ na tat pratyaye parataḥ yat ca pratyaye parataḥ na tasmāt pratyayavidhiḥ |
31/50:kvipaḥ tarhi adarśanam |
32/50:tatra adarśanam lopaḥ iti lopasañjñā prāpnoti |
33/50:tatra kaḥ doṣaḥ |
34/50:tatra pratyayalakṣaṇapratiṣedhaḥ |
35/50:tatra pratyayalakṣaṇam kāryam prāpnoti |
36/50:tasya pratiṣedhaḥ vaktavyaḥ |
37/50:hrasvasya piti kṛti tuk bhavati iti tuk prāpnoti |
38/50:siddham tu prasaktādarśanasya lopasañjñitvāt |*
39/50:siddham etat |
40/50:katham |
41/50:prasaktādarśanam lopasañjñam bhavati iti vaktavyam |
42/50:yadi prasaktādarśanam lopasañjñam bhavati iti ucyate grāmaṇīḥ , senānīḥ : atra vṛddhiḥ prāpnoti |
43/50:prasaktādarśanam lopasañjñam bhavati ṣaṣṭhīnirdiṣṭasya |
44/50:yadi ṣaṣṭhīnirdiṣṭasya iti ucyate cāhalope eva iti avadhāraṇe cādilope vibhāṣā iti atra lopasañjñā na prāpnoti |
45/50:atha prasaktādarśanam lopasañjñam bhavati iti ucyamāne katham iva etat sidhyati |
46/50:kaḥ śabdasya prasaṅgaḥ |
47/50:yatra gamyate ca arthaḥ na ca prayujyate |
48/50:astu tarhi prasaktādarśanam lopasañjñam bhavati iti eva |
49/50:katham grāmaṇīḥ , senānīḥ |
50/50:yaḥ atra aṇaḥ prasaṅgaḥ kvipā asau bādhyate |

adarśanam, aśravaṇam, anuccāranam, anupalabdhiḥ, abhāvo, varṇavināśaḥ ityanarthāntaram. etaiḥ śabdairyo 'rtho 'bhidhīyate, tasya lopaḥ iti iyaṃ saṃjñā bhavati. arthasyaiyaṃ saṃjñā, na śabdasya. prasaktasya adarśanaṃ lopasaṃjñaṃ bhavati. godhāyā ḍhrak 4-1-129 gaudheraḥ. paceran. jīve radānuk jīradānuḥ. strivermanināsremāṇam. yakāravakārayoradarśanam iha udāharaṇam. aparasya anubandhādeḥ prasaktasya. lopapradeśāḥlopo vyor vali 6-1-66 ityevam ādayaḥ.

adarśanaṃ lopaḥ 1.1.60 adarśanam, aśravaṇam, anuccāranam, anupalabdhiḥ, abhāvo, varṇavināśaḥ ityanarthāntaram. etaiḥ śabdairyo 'rtho 'bhidhīyate, tasya lopaḥ iti iyaṃ saṃjñā bhavati. arthasyaiyaṃ saṃjñā, na śabdasya. prasaktasya adarśanaṃ lopasaṃjñaṃ bhavati. godhāyā ḍhrak 4.1.129 gaudheraḥ. paceran. jīve radānuk jīradānuḥ. strivermanināsremāṇam. yakāravakārayoradarśanam iha udāharaṇam. aparasya anubandhādeḥ prasaktasya. lopapradeśāḥlopo vyor vali 6.1.64 ityevam ādayaḥ.

adarśanaṃ lopaḥ , 1.1.59 "adarśanam" ityādi. nanu cādarśanānupalabdhiśabdāvanupalabdhisāmānyavacanau. aśravaṇānupaccāraṇaśabdautvanupalabdhiviśeṣavacanau. tathā hraśravaṇādiśabdoccāraṇe śabdasyaivānupalabdhiḥ pratīyate, nānupalabdhimātram, na ca sāmānyaviśeṣaśabdānāmekārthatā, tat kimityevamāha-- "anarthāntaram" iti. evaṃ manyate- sāmānyaśabda api prakaraṇavaśād viśeṣe vartante. iha ca śabdā vyutpādyatvena prakṛtāḥ, tasmād yadyapyadarśanānupalabdhiśabdau sāmānyavacanau, tathāpīha prakaraṇasāmathryād viśeṣe śabdānupalabdhāveva vatrtete. iha vṛddhirityādikāḥ saṃjñā śabdānāṃ vihitāḥ. tadvadihāpyadarśanamityasyaiva śabdasya "lopaḥ" ityeṣā saṃjñā syāt. tataśca lopapradeśeṣvadarśanaśabdasyaivopasthānāt sa evādeśaḥ syādityata āha-- "etaiḥ śabdaiḥ" ityādi. kathaṃ puretallabhyate? evaṃ manyate-- "naveti vibhāṣā" 1.1.43 ityata itikaraṇo'rthanirdaśārtho'nuvatrtate. tena hravadhāraṇaṃ gamyate, yathā--- "kriyā hi dravyaṃ vinayati nādravyam" iti. vināpīkaraṇena śabda-svarūpasya saṃjñā sidhyatyeva, yathā-- "taraptamapau ghaḥ" 1.1.21 ityatra. tasmāditi- karaṇānuvṛttisāmathryādadarśanamiti yo'rthaḥ pratīyate, tasyaiveṣā saṃjñā, na śabdasya. kiñca "lopaḥ" mahatī saṃjñā kriyate yathānvarthasaṃjñā vijñāyeta. lopanaṃ lopaḥ; anupalabdhiranuccāraṇamityarthaḥ. na cādarśanamityetacchabdarūpamevābhāvātmakam, kiṃ tarhi? tadarthaḥ. tasmādanvarthasaṃjñāvijñānādarthasyaivaiṣā saṃjñā. yadi tahrrarthasyaivaiṣā saṃjñā, tato'tiprasaṅgaḥ. sarvo hi śabdaḥ svaviṣayādanyatra na dṛśyate. tataśca "trapujatu" ityatra kvipo'darśanasya lopasaṃjñā syāt. evañca sati "pratyayalope pratyaya- lakṣaṇam" 1.1.61 iti hyasvasya piti kṛti tuk" 6.1.69 iti tuk prasajyata ityata āha-- "prasaktasya" ityādi. tarhayadarśanamātrasyaiṣā saṃjñā? na kiṃ tarhi? śāstrādarthādvā kutaścit prasaktasya yadadarśanaṃ tasyaiva. tadiha na kenacitprakāreṇa kvipprasaṅgo'sti, tatkuto'stiprasaṅgaḥ? kataṃ pureṣa viśeṣo labhyate, yāvatā nehaprasaktagrahaṇamasti, nāpi tat kṛtam? evaṃ manyate-- "sthānivat" ityataḥ sthānigrahaṇa-mihāpyanuvartate, sthānī, prasaṅgavan, prasaktaḥ-- iti paryāyā hrete. tenāyamartho labhyate-- prasaktasya yadadarśanaṃ tasyeyaṃ saṃjñeti. "gaudheraḥ" iti. "godhāyā ḍhrak" 4.1.129 eyādeśaḥ, "lopo vyorvali" 6.1.73 iti yakārasya śāstreṇa prasaktasya lopaḥ. "pacerana" ityatrāpi sīyuṭaḥ śāruoṇa. evama- nyatrāpi yathāyogaṃ prasaktatā veditavyā. "jīradānuḥ" "āstremāṇam" iti. pūrvapad vakārasya lopaḥ. "strivu gatiśoṣaṇayoḥ" (dhā.pā. 1109) yasya "sarvadhātubhyo manin" iti maninpratyayāntasya dvitīyaikavacana upadhādīrgeṇaitve cakṛte "āruomāṇam" iti. "aparasyānubandhādeḥ" iti. kakārāderanubandhasya. ādiśabdena sīyuṭsakārasya.

sud dh y ityatra yakārasya saṃyogāntalopaṃ śaṅkituṃ lopasaṃjñāsūtramāha–adarśanaṃ lopaḥ. śabdānuśāsanaprastāvācchabdaviṣayakaśravaṇaṃmiha darśanaṃ vivakṣitam. darśanasyābhāvo'darśanam. arthābhāve'vyayībhāvaḥ. `sthāne'ntaratamaḥ' ityataḥ sthāṃ ityanuvartate. sthānaṃ prasaṅga ityuktam. śāstrataḥ śabdasya kasyacicchravaṇaprasaṅge sati yadaśravaṇaṃ tallopasaṃjñaṃ bhavatītyarthaḥ.

adarśanaṃ lopaḥ 55, 1.1.59 sud dh y ityatra yakārasya saṃyogāntalopaṃ śaṅkituṃ lopasaṃjñāsūtramāha--adarśanaṃ lopaḥ. śabdānuśāsanaprastāvācchabdaviṣayakaśravaṇaṃmiha darśanaṃ vivakṣitam. darśanasyābhāvo'darśanam. arthābhāve'vyayībhāvaḥ. "sthāne'ntaratamaḥ" ityataḥ sthāṃ ityanuvartate. sthānaṃ prasaṅga ityuktam. śāstrataḥ śabdasya kasyacicchravaṇaprasaṅge sati yadaśravaṇaṃ tallopasaṃjñaṃ bhavatītyarthaḥ.

adarśanaṃ lopaḥ. atra dṛśijrñānasāmānyavacanaḥ. darśanaṃ jñānaṃ. tadiha śabdānuśāsanaprastāvācchabdaviṣayakaṃ sacchravaṇaṃ saṃpadyate. tac śrotṛvyāpāraḥ, tanniṣedho'śravaṇam. nanvevaṃ `lopo vyorvalī'tyādau vakārayakārau na śrotavyāviti śrotṛvyāpāra eva niṣidhyeta, prayoktṛvyāpāra uccāraṇamaniṣiddhaṃ syāt. atrāhuḥ- asati ca śravaṇe uccāraṇamanarthakamaveti sāmathryācchravaṇaniṣedhe taddhetubhūtamuccāraṇamapi niṣiddhaṃ bhavatīti. prasaktasyeti. iha `sthāne' ityanuvartanādetāllabhyate. prasaktasyeti kim ? dadhi madhvityādau tugāgamo mā bhūt. asti hi tatra kvipo'darśanam, tacca lopa iti prasaktaviśeṣaṇābhāve pratyayalakṣaṇena tuk syādeveti dik.

adarśanaṃ lopaḥ 47, 1.1.59 adarśanaṃ lopaḥ. atra dṛśijrñānasāmānyavacanaḥ. darśanaṃ jñānaṃ. tadiha śabdānuśāsanaprastāvācchabdaviṣayakaṃ sacchravaṇaṃ saṃpadyate. tac śrotṛvyāpāraḥ, tanniṣedho'śravaṇam. nanvevaṃ "lopo vyorvalī"tyādau vakārayakārau na śrotavyāviti śrotṛvyāpāra eva niṣidhyeta, prayoktṛvyāpāra uccāraṇamaniṣiddhaṃ syāt. atrāhuḥ-asati ca śravaṇe uccāraṇamanarthakamaveti sāmathryācchravaṇaniṣedhe taddhetubhūtamuccāraṇamapi niṣiddhaṃ bhavatīti. prasaktasyeti. iha "sthāne" ityanuvartanādetāllabhyate. prasaktasyeti kim? dadhi madhvityādau tugāgamo mā bhūt. asti hi tatra kvipo'darśanam, tacca lopa iti prasaktaviśeṣaṇābhāve pratyayalakṣaṇena tuk syādeveti dik.