1/12:alaḥ antyasya adeḥ parasya anekāl śit sarvasya iti apavādavipratiṣedhāt sarvādeśaḥ |*
2/12:alaḥ antyasya iti utsargaḥ |
3/12:tasya ādeḥ parasya anekālśit sarvasya iti apavādau |
4/12:apavādavipratiṣedhāt tu sarvādeśaḥ bhaviṣyati |
5/12:ādeḥ parasya iti asya avakāśaḥ dvyantarupasargebhyaḥ apaḥ īt : dvīpam anvīpam |
6/12:anekālśit sarvasya iti asya avakāśaḥ asteḥ bhūḥ : bhavitā bhavitum |
7/12:iha ubhayam prāpnoti : ataḥ bhisaḥ ais |
8/12:anekālśit sarvasya iti etat bhavati vipratiṣedhena |
9/12:śit sarvasya iti asya avakāśaḥ idamaḥ iś : itaḥ , iha |
10/12:ādeḥ parasya iti asya avakāśaḥ saḥ eva |
11/12:iha ubhayam prāpnoti : aṣṭābhyaḥ auś |
12/12:śit sarvasya iti etat bhavati vipratiṣedhena |

parasya kāryaṃ śiṣyamāṇam āderalaḥ pratyetavyam. kva ca parasya kāryam śiṣyate? yatra pañcamīnirdeśaḥ. tad yathāīdāsaḥ 7-2-83 āsīno yajate. dvyantarupasargebho 'pa īt 6-3-97 dvīpam. antarīpam. pratīpam. samīpam.

ādeḥ parasya 1.1.54 parasya kāryaṃ śiṣyamāṇam āderalaḥ pratyetavyam. kva ca parasya kāryam śiṣyate? yatra pañcamīnirdeśaḥ. tad yathāīdāsaḥ 7.2.83 āsīno yajate. dvyantarupasargebho 'pa īt 6.3.96 dvīpam. antarīpam. pratīpam. samīpam.

āde parasya. , 1.1.53 alo'ntyasyāpavādo'yam. śāstre na kvacit parasyetuccārya kāryaṃ vidhīyate. tataśca nirviṣayametadityabhiprāyeṇāha-"kva ca" ityādi. "yatra pañcamīnirdeśaḥ"iti. "tasmādityuttarasya" 1.1.66 iti vacanād yatra pañcamīnirdeśastatra parasya kāryaṃ śiṣyate. "āsīnaḥ" iti. "āsa upaveśane" (dhā.pā.1021), laṭ, anudāttetvādātmanepadam, śānac, adāditvācchapo luk. "dvīpam, antarīpam" "samīpam" iti. dvirgatā antargatāḥ saṅgatā" āpo'sminniti vigṛhra bahuvrīhiḥ. "ṛkpūḥ" 5.4.74 ityādinā akārapratyayaḥ samāsāntaḥ॥

ādeḥ parasya. parasyeti. `dvyantarupasargebhyo'pa ī'dityādau `tasmādityuttarasye'ti paribhāṣāyāṃ parasya niyamitaṃ kāryaṃ yat tattasyādereva bhavati, natvalo'ntyasyeti tadantasyetyarthaḥ. tadāha–alontyasyetyasyāpavāda iti. tatra `ala' ityapyanuvartanīyam. tena `dvīpa'mityatra ītvaṃ pāntasamudāyasya na bhavati.

ādeḥ parasya 46, 1.1.53 ādeḥ parasya. parasyeti. "dvyantarupasargebhyo'pa ī"dityādau "tasmādityuttarasye"ti paribhāṣāyāṃ parasya niyamitaṃ kāryaṃ yat tattasyādereva bhavati, natvalo'ntyasyeti tadantasyetyarthaḥ. tadāha--alontyasyetyasyāpavāda iti. tatra "ala" ityapyanuvartanīyam. tena "dvīpa"mityatra ītvaṃ pāntasamudāyasya na bhavati.