1/14:kim idam algrahaṇam antyaviśeṣaṇam āhosvit ādeśaviśeṣaṇam |
2/14:kim ca ataḥ |
3/14:yadi antyaviśeṣaṇam ādeśaḥ aviśeṣitaḥ bhavati |
4/14:tatra kaḥ doṣaḥ |
5/14:anekāl api ādeśaḥ antyasya prasajyeta |
6/14:yadi punaḥ al antyasya iti ucyeta |
7/14:tatra ayam api arthaḥ anekāl śit sarvasya iti etat na vaktavyam bhavati |
8/14:idam niyamārtham bhaviṣyati : al eva antyasya bhavati na anyaḥ iti |
9/14:evam api antyaḥ aviśeṣitaḥ bhavati |
10/14:tatra kaḥ doṣaḥ |
11/14:vākyasya api padasya api antyasya prasajyeta |
12/14:yadi khalu api eṣaḥ abhiprāyaḥ tat na kriyeta iti antyaviśeṣaṇe api sati tat na kariṣyate |
13/14:katham |
14/14:ṅit ca alaḥ antyasya iti etat niyamārtham bhaviṣyati : ṅit eva anekāl antyasya bhavati na anyaḥ iti |

1/12:kimartham punaḥ idam ucyate |
2/12:alaḥ antyasya iti sthāne vijñātasya anusaṃhāraḥ |*
3/12:alaḥ antyasya iti sthāne vijñātasya anusaṃhāraḥ kriyate sthāne prasaktasya |
4/12:itarathā hi aniṣṭaprasaṅgaḥ |*
5/12:itarathā hi aniṣṭaprasaṅgaḥ prasajyeta |
6/12:ṭitkinmitaḥ api antyasya syuḥ |
7/12:yadi punaḥ ayam yogaśeṣaḥ vijñāyeta |
8/12:yogaśeṣe ca |*
9/12:kim |
10/12:aniṣṭam prasajyete |
11/12:ṭitkinmitaḥ api antyasya syuḥ |
12/12:tasmāt suṣṭhu ucyate : alaḥ antyasya iti sthāne vijñātasya anusaṃhāraḥ itarathā hi aniṣṭaprasaṅgaḥ iti |

ṣaṣṭhīnirdiṣṭasya ya ucyate ādeśaḥ, so 'ntyasya alaḥ sthāne veditavyaḥ. id goṇyāḥ 1-2-50 pañcagoṇiḥ. daśagoṇiḥ.

alo 'ntyasya 1.1.52 ṣaṣṭhīnirdiṣṭasya ya ucyate ādeśaḥ, so 'ntyasya alaḥ sthāne veditavyaḥ. id goṇyāḥ 1.2.50 pañcagoṇiḥ. daśagoṇiḥ.

alo'ntyasya. , 1.1.51 algrahaṇamantyasya viśeṣaṇam, nādeśasya; anyathā hralantyasyetyevaṃ brāūyāt. ādeśaḥ punaratraikāllabhyate. anyasya "anekālśit sarvasya" 1.1.54 iti sarvādeśatāṃ vakṣyati. "ṣaṣṭhīnirdiṣṭasya" iti. sāmānyavacane'pi "ṣaṣṭhī sthāneyogā" (1.149) ityadhikārāt sthānaṣaṣṭha()ā nirdiṣṭasyeti veditavyam; anyathā ṭitkinmito'pyavayavasambandhaṣaṣṭhīnirdiṣṭā vidhīyamānā antyasya syuḥ. "id goṇyāḥ" 1.2.50 iti. yeyaṃ ṣaṣṭhī sāntyamalaṃ nīyate- antyasyāla ittvamiti. "pañcagoṇiḥ" iti. pañcabhirgoṇībhiḥ krīta iti "taddhitārthottarapadasamāhāre ca" 2.1.50 iti samāsaḥ. "tena krītam" 5.1.36 iti "prāgvahateṣṭhak" 4.4.1 "adhyardhapūrvadvigorlugasaṃjñā-yām" 5.1.28 iti tasya luk. yadyalo'ntyasya ṣaṣṭhīnirdiṣṭasyādeśo bhavati," ido'y puṃsi" 7.2.111 ityataḥ "idaḥ" ityanuvṛtteḥ "hali lopaḥ"7.2.113 vidhīyamāna idrūpasya yo'ntyastasya syāt. tathā ca - ābhyāmiti na sidhyet, naiṣa doṣaḥ; "nānārthake'lo'ntyavidhiranabhyāsavikāreṣu" (vyā.pa.62) iti paribhāṣayā na bhaviṣyati॥

ṣaṣṭhīnirdiṣṭā'ntyasyāla ādeśaḥ syāt. iti yalope prāpte - (yaṇaḥ pratiṣedho vācyaḥ). suddhyupāsyaḥ. maddhariḥ. dhātraśaḥ. lākṛtiḥ..

alo'ntyasya 21, 1.1.51 ṣaṣṭhīnirdiṣṭā'ntyasyāla ādeśaḥ syāt. iti yalope prāpte - (yaṇaḥ pratiṣedho vācyaḥ). suddhyupāsyaḥ. maddhariḥ. dhātraśaḥ. lākṛtiḥ॥

alo'ntyasya. `a'liti pratyāhāro varṇaparyāyaḥ. `ala' iti ṣaṣṭha\ufffdntam. `ṣaṣṭhī sthāneyogā' ityataḥ `ṣaṣṭhī sthāne ityanuvartate. tacca ṣaṣṭhīti prathamāntaṃ tṛtīyāntatayā vipariṇamyate. `nirdiṣṭasye'ti śeṣaḥ. `sthāne' ityanantaraṃ `vidhīyamāna' iti śeṣaḥ. sthāne vidhīyamāna ādeśaḥ ṣaṣṭhīnirdiṣṭasya yo'ntyo'l tasya syādityarthaḥ. tadāha–ṣaṣṭhītyādinā. `tyadādīnāmaḥ'-yaḥ saḥ. ādeśa iti kim ?, `ārdhadhātukasyeṭ' tṛca ṛkārāt pūrvo mā bhūt. ala iti kim ?. padasyetyadhikṛtya vidhīyamānaṃ vasuruāṃsviti datvaṃ paramānaḍubhdyāmityatrā'ntyasya kṛtsnasya padasya mā bhūt.

alo'ntyasya 44, 1.1.51 alo'ntyasya. "a"liti pratyāhāro varṇaparyāyaḥ. "ala" iti ṣaṣṭha()ntam. "ṣaṣṭhī sthāneyogā" ityataḥ "ṣaṣṭhī sthāne ityanuvartate. tacca ṣaṣṭhīti prathamāntaṃ tṛtīyāntatayā vipariṇamyate. "nirdiṣṭasye"ti śeṣaḥ. "sthāne" ityanantaraṃ "vidhīyamāna" iti śeṣaḥ. sthāne vidhīyamāna ādeśaḥ ṣaṣṭhīnirdiṣṭasya yo'ntyo'l tasya syādityarthaḥ. tadāha--ṣaṣṭhītyādinā. "tyadādīnāmaḥ"-yaḥ saḥ. ādeśa iti kim?, "ārdhadhātukasyeṭ" tṛca ṛkārāt pūrvo mā bhūt. ala iti kim?. padasyetyadhikṛtya vidhīyamānaṃ vasuruāṃsviti datvaṃ paramānaḍubhdyāmityatrā'ntyasya kṛtsnasya padasya mā bhūt.

alo'ntyasya. sthānaṣaṣṭhīnirdiṣṭasya ya ucyate so'ntyasyālaḥ sthāne syādityarthaḥ. `tyadādīnāmaḥ'. saḥ, yaḥ. sthānaṣaṣṭhīti kim ?, `ārdhadhātukasyaiṭ' tṛc ṛkārātpūrvo mā bhūt. idaṃ ca `ṣaṣṭhī sthāne' ityanuvṛttyā labhyate. ala iti kim ?, `padasye'tyadhikṛtya vidhīyamānaṃ `vasuruāṃsu' iti datvaṃ paramānaḍudbhayāmityādāvantyasya padasya mā bhūt.

alo'ntyasya 38, 1.1.51 alo'ntyasya. sthānaṣaṣṭhīnirdiṣṭasya ya ucyate so'ntyasyālaḥ sthāne syādityarthaḥ. "tyadādīnāmaḥ". saḥ, yaḥ. sthānaṣaṣṭhīti kim?, "ārdhadhātukasyaiṭ" tṛc ṛkārātpūrvo mā bhūt. idaṃ ca "ṣaṣṭhī sthāne" ityanuvṛttyā labhyate. ala iti kim?, "padasye"tyadhikṛtya vidhīyamānaṃ "vasuruāṃsu" iti datvaṃ paramānaḍudbhayāmityādāvantyasya padasya mā bhūt.