1/41:kim idam uraṇraparavacanam anyanivṛttyartham : uḥ sthāne aṇ eva bhavati raparaḥ ca iti , āhosvit raparatvam anena vidhīyate : uḥ sthāne aṇ ca anaṇ ca aṇ tu raparaḥ eva |
2/41:kaḥ ca atra viśeṣaḥ |
3/41:uraṇraparavacanam anyanivṛttyartham cet udāttādiṣu doṣaḥ |*
4/41:uraṇraparavacanam anyanivṛttyartham cet udāttādiṣu doṣaḥ bhavati |
5/41:ke punaḥ udāttādayaḥ |
6/41:udāttānudāttasvaritānunāsikāḥ |
7/41:kṛtiḥ , hṛtiḥ , kṛtam , hṛtam , prakṛtam , prahṛtam nṝŚḥ pāhi |
8/41:astu tarhi uḥ sthāne aṇ ca anaṇ ca aṇ tu raparaḥ iti |
9/41:yaḥ uḥ sthāne saḥ raparaḥ iti cet guṇavṛddhyoḥ avarṇāpratipattiḥ |*
10/41:yaḥ uḥ sthāne saḥ raparaḥ iti cet guṇavṛddhyoḥ avarṇāpratipattiḥ |
11/41:kartā hartā vārṣagaṇyaḥ |
12/41:kim hi sādhīyaḥ ṛvarṇasya asavarṇe yat avarṇam syāt na punaḥ eṅaicau |
13/41:pūrvasmin api pakṣe eṣaḥ doṣaḥ |
14/41:kim hi sādhīyaḥ tatra api ṛvarṇasya asavarṇe yat avarṇam syāt na punaḥ ivarṇovarṇau |
15/41:atha matam etat uḥ sthāne aṇaḥ ca anaṇaḥ ca prasaṅge aṇ eva bhavati raparaḥ ca iti siddhā pūrvasmin pakṣe avarṇasya pratipattiḥ |
16/41:yat tu tat uktam udāttādiṣu doṣaḥ bhavati iti iha saḥ doṣaḥ jāyate |
17/41:na jāyate |
18/41:jāyate saḥ doṣaḥ |
19/41:katham |
20/41:udāttaḥ iti anena aṇaḥ api pratinirdiśyante anaṇaḥ api |
21/41:yadi api pratinirdiśyante na tu prāpnuvanti |
22/41:kim kāraṇam |
23/41:sthāne antaratamaḥ bhavati |
24/41:kutaḥ nu khalu dvayoḥ paribhāṣayoḥ sāvakāśayoḥ samavasthitayoḥ sthāne antaratamaḥ uḥ aṇ raparaḥ iti ca sthāne antaratamaḥ iti anayā paribhāṣayā vyavasthā bhaviṣyati na punaḥ uḥ aṇ raparaḥ iti |
25/41:ataḥ kim |
26/41:ataḥ eṣaḥ doṣaḥ jāyate : udāttādiṣu doṣaḥ iti |
27/41:ye ca api ete ṛvarṇasya sthāne pratipadam ādeśāḥ ucyante teṣu raparatvam na prāpnoti : ṝtaḥ it dhātoḥ ut oṣṭhyapūrvasya iti |
28/41:siddham tu prasaṅge raparatvāt |*
29/41:siddham etat |
30/41:katham |
31/41:prasaṅge raparatvāt |
32/41:uḥ sthāne aṇ prasajyamānaḥ eva raparaḥ bhavati iti |
33/41:kim vaktavyam etat |
34/41:na hi |
35/41:katham anucyamānam gaṃsyate |
36/41:sthāne iti vartate sthānaśabdaḥ ca prasaṅgavācī |
37/41:yadi evam ādeśaḥ aviśeṣitaḥ bhavati |
38/41:ādeśaḥ ca viśeṣitaḥ |
39/41:katham |
40/41:dvitīyam sthānagrahaṇam prakṛtam anuvartate| tatra evam abhisambandhaḥ kariṣyate : uḥ sthāne aṇ sthāne iti |
41/41:uḥ prasaṅge aṇ prasajyamānaḥ eva raparaḥ bhavati |

1/20:atha aṇgrahaṇam kimartham na uḥ raparaḥ iti eva ucyeta |
2/20:uḥ raparaḥ iti iyati ucyamāne kaḥ idānīm raparaḥ syāt |
3/20:yaḥ uḥ sthāne bhavati |
4/20:kaḥ ca uḥ sthāne bhavati |
5/20:ādeśaḥ |
6/20:ādeśaḥ raparaḥ iti cet rīrividhiṣu raparapratiṣedhaḥ |*
7/20:ādeśaḥ raparaḥ iti cet rīrividhiṣu raparatvasya pratiṣedhaḥ vaktavyaḥ |
8/20:ke punaḥ rīrividhayaḥ |
9/20:akaṅlopānaṅanaṅrīṅriṅādeśāḥ |
10/20:akaṅ: saudhātakiḥ |
11/20:lopaḥ : paitṛṣvaseyaḥ |
12/20:ānaṅ : hotāpotārau |
13/20:anaṅ : kartā hartā |
14/20:rīṅ : mātrīyati pitrīyati |
15/20:riṅ : kriyate hriyate |
16/20:udāttādiṣu ca |*
17/20:kim |
18/20:raparatvasya pratiṣedhaḥ vaktavyaḥ |
19/20:kṛtiḥ , hṛtiḥ , kṛtam , hṛtam , prakṛtam , prahṛtam nṝŚḥ pāhi |
20/20:tasmāt aṇgrahaṇam kartavyam |

1/37:ekādeśasya upasaṅkhyānam |*
2/37:ekādeśasya upasaṅkhyānam kartavyam : khaṭvarśyaḥ , mālarśyaḥ |
3/37:kim punaḥ kāraṇam na sidhyati |
4/37:uḥ sthāne aṇ prasajyamānaḥ eva raparaḥ bhavati iti ucyate na ca ayam uḥ eva sthāne aṇ śiṣyate |
5/37:kim tarhi |
6/37:uḥ ca anyasya ca |
7/37:avayavagrahaṇāt siddham |
8/37:yat atra ṛvarṇam tadāśrayam raparatvam bhaviṣyati |
9/37:tat yathā māṣāḥ na bhoktavyāḥ iti miśrāḥ api na bhujyante |
10/37:avayavagrahaṇāt siddham iti cet ādeśe rāntapratiṣedhaḥ |*
11/37:avyayavagrahaṇāt siddham iti cet ādeśe rāntasya pratiṣedhaḥ vaktavyaḥ : hotāpotārau |
12/37:yathā eva uḥ ca anyasya ca sthāne aṇ raparaḥ bhavati evam yaḥ uḥ sthāne aṇ ca anaṇ ca saḥ api raparaḥ syāt |
13/37:yadi punaḥ ṛvarṇāntasya sthāninaḥ raparatvam ucyeta : khaṭvarśyaḥ , mālarśyaḥ |
14/37:na evam śakyam |
15/37:iha hi doṣaḥ syāt : kartā hartā kirati girati |
16/37:ṛvarṇāntasya iti ucyate |
17/37:na ca etat ṛvarṇāntam |
18/37:nanu ca etat api vyapadeśivadbhāvena ṛvarṇāntam |
19/37:arthavatā vyapadeśivadbhāvaḥ na ca eṣaḥ arthavān |
20/37:tasmāt na evam śakyam |
21/37:na cet evam upasaṅkhyānam kartavyam |
22/37:iha ca raparatvapratiṣedhaḥ vaktavyaḥ : mātuḥ , pituḥ iti |
23/37:ubhayam na vaktavyam |
24/37:katham |
25/37:iha yaḥ dvayoḥ ṣaṣṭhīnirdiṣṭayoḥ prasaṅge bhavati labhate asau anyatarataḥ vyapadeśam |
26/37:tat yathā devadattasya putraḥ , devadattāyāḥ putraḥ iti |
27/37:katham mātuḥ pituḥ iti |
28/37:astu atra raparatvam |
29/37:kā rūpasiddiḥ |
30/37:rāt sasya iti sakārasya lopaḥ rephasya visarjanīyaḥ |
31/37:na evam śakyam |
32/37:iha hi mātuḥ karoti , pituḥ karoti iti apratyayavisarjanīyasya iti ṣatvam prasajyeta |
33/37:apratyayasvisarjanīyasya iti ucyate |
34/37:pratyayavisarjanīyaḥ ca ayam |
35/37:lupyate atra pratyayaḥ rāt sasya iti |
36/37:evam tarhi bhrātuṣputragrahaṇam jñāpakam ekādeśanimittāt ṣatvapratiṣedhasya |
37/37:yat ayam kaskādiṣu bhrātuṣputraśabdam paṭhati tat jñāpayati ācāryaḥ na ekādeśanimitttāt ṣatvam bhavati iti|

1/100:kim punaḥ ayam pūrvāntaḥ āhosvit parādiḥ āhosvit abhaktaḥ |
2/100:katham ca ayam pūrvāntaḥ syāt katham vā parādiḥ katham vā abhaktaḥ |
3/100:yadi antaḥ iti vartate tataḥ pūrvāntaḥ |
4/100:atha ādiḥ iti vartate tataḥ parādiḥ |
5/100:atha ubhayam nivṛttam tataḥ abhaktaḥ |
6/100:kaḥ ca atra viśeṣaḥ |
7/100:abhakte dīrghalatvayagabhyastasvarahalādiśeṣavisarjanīyapratiṣedhaḥ pratyayāvyavasthā ca |*
8/100:yadi abhaktaḥ dīrghatvam na prāpnoti : gīḥ , pūḥ |
9/100:rephavakārāntasya dhātoḥ iti dīrghatvam na prāpnoti |
10/100:kim punaḥ kāraṇam rephavakārābhyām dhātuḥ viśeṣyate na punaḥ padam viśeṣyate rephavakārāntasya padasya iti |
11/100:na evam śakyam |
12/100:iha api prasajyeta : agniḥ , vāyuḥ iti |
13/100:evam tarhi rephavakārābhyām padam viśeṣayiṣyāmaḥ dhātunā ikam : rephavakārāntasya padasya ikaḥ dhātoḥ iti |
14/100:evam api priyam grāmaṇi kulam asya priyagrāmaṇiḥ , priyasenāniḥ atra api prāpnoti |
15/100:tasmāt dhātuḥ eva viśeṣyate |
16/100:dhātau ca viśeṣyamāṇe iha dīrghatvam na prāpnoti : gīḥ , pūḥ |
17/100:dīrgha |
18/100:latva : latvam ca na sidhyati : nijegilyate |
19/100:graḥ yaṅi iti latvam na prāpnoti |
20/100:na eṣaḥ doṣaḥ |
21/100:graḥ iti anantarayogā eṣā ṣaṣṭhī |
22/100:evam api svaḥ jegilyate iti atra api prāpnoti |
23/100:evam tarhi yaṅā ānantaryam viśeṣayiṣyāmaḥ |
24/100:atha vā graḥ iti pañcamī |
25/100:latva |
26/100:yaksvara : yaksvaraḥ ca na sidhyati |
27/100:gīryate svayam eva , puryate svayam eva |
28/100:acaḥ kartṛyaki iti eṣaḥ svaraḥ na prāpnoti repheṇa vyavahitatvāt |
29/100:na eṣaḥ doṣaḥ |
30/100:svaravidhau vyañjanam avidyamānavat iti na asti vyavadhānam |
31/100:yaksvara |
32/100:abhyastasvara : abhyastasvaraḥ ca na sidhyati : ma hi sma te piparuḥ , ma hi sma te bibharuḥ |
33/100:abhyastānām ādiḥ udāttaḥ bhavati ajādau lasārvadhātuke iti eṣaḥ svaraḥ na prāpnoti repheṇa vyavahitatvāt |
34/100:na eṣaḥ doṣaḥ |
35/100:svaravidhau vyañjamam avidyamānavat iti na asti vyavadhānam |
36/100:abhyastasvara |
37/100:halādiśeṣa : halādiśeṣaḥ ca na sidhyati : vavṛte vavṛdhe |
38/100:abhyāsasya iti halādiśeṣaḥ na prāpnoti |
39/100:halādiśeṣa |
40/100:visarjanīya : visarjanīyasya ca pratiṣedhaḥ vaktavyaḥ : nārkuṭaḥ , nārpatyaḥ |
41/100:kharavasānayoḥ visarjanīyaḥ iti visarjanīyaḥ prāpnoti |
42/100:visarjanīya |
43/100:pratyayāvyavasthā : pratyaye vyavasthā na prakalpate : kirataḥ , girataḥ |
44/100:rephaḥ api abhaktaḥ pratyayaḥ api |
45/100:tatra vyavasthā na prakalpate |
46/100:evam tarhi pūrvāntaḥ kariṣyate |
47/100:pūrvānte rvavadhāraṇam visarjanīyapratiṣedhaḥ yaksvaraḥ ca |*
48/100:yadi pūrvāntaḥ roḥ avadhāraṇam kartavyam : roḥ supi |
49/100:roḥ eva supi na anyasya rephasya : sarpiṣṣu dhanuṣṣu |
50/100:iha mā bhūt : gīrṣu pūrṣu |
51/100:parādau api sati avadhāraṇam kartavyam caturṣu iti evam artham |
52/100:visarjanīyapratiṣedhaḥ : visarjanīyasya ca pratiṣedhaḥ vaktavyaḥ : nārkuṭaḥ , nārpatyaḥ |
53/100:kharavasānayoḥ visarjanīyaḥ iti visarjanīyaḥ prāpnoti |
54/100:parādau api visarjanīyasya pratiṣedhaḥ vaktavyaḥ nārkalpiḥ iti evamartham |
55/100:kalpipadasaṅghātabhaktaḥ asau na utsahate avayavasya padāntatām vihantum iti kṛtvā visarjanīyaḥ prāpnoti |
56/100:yaksvaraḥ : yaksvaraḥ ca na sidhyati : gīryate svayam eva , puryate svayam eva |
57/100:acaḥ kartṛyaki iti eṣaḥ svaraḥ na prāpnoti |
58/100:na eṣaḥ doṣaḥ |
59/100:upadeśe iti vartate |
60/100:atha vā punaḥ astu parādiḥ |
61/100:parādau akāralopautvapukpratiṣedhaḥ caṅi upadhāhrasvatvam iṭaḥ avyavasthā abhyāsalopaḥ abhyastatādisvaraḥ dīrghatvam ca |*
62/100:yadi parādiḥ akāralopaḥ pratiṣedhyaḥ : kartā hartā : ataḥ lopaḥ ārdhadhātuke iti akāralopaḥ prāpnoti |
63/100:na eṣaḥ doṣaḥ |
64/100:upadeśe iti vartate |
65/100:yadi upadeśe iti vartate dhinutaḥ , kṛṇutaḥ atra lopaḥ na prāpnoti |
66/100:na upadeśagrahaṇena prakṛtiḥ abhisambadhyate |
67/100:kim tarhi |
68/100:ārdhadhātukam abhisambadhyate |
69/100:ārdhadhātukopadeśe yat akārāntam iti |
70/100:akāralopa |
71/100:autva : autvam ca pratiṣedhyam : cakāra jahāra |
72/100:ātaḥ au ṇalaḥ iti autvam prāpnoti |
73/100:na eṣaḥ doṣaḥ |
74/100:nirdiśyamānasya ādeśāḥ bhavanti iti evam na bhaviṣyati |
75/100:yaḥ tarhi nirdiśyate tasya kasmāt na bhavati |
76/100:rephena vyavahitatvāt |
77/100:autva |
78/100:pukpratiṣedhaḥ : puk ca pratiṣedhyaḥ : kārayati hārayati |
79/100:ātām puk iti puk prāpnoti |
80/100:pukpratiṣedhaḥ |
81/100:caṅi upadhāhrasvatvam ca na sidhyati : acīkarat ajīharat |
82/100:ṇau caṅi upadhāyāḥ hrasvaḥ iti hrasvatvam na prāpnoti |
83/100:caṅi upadhāhrasvatvam |
84/100:iṭaḥ avyavasthā : iṭaḥ ca vyavasthā na prakalpate : āstaritā niparitā |
85/100:iṭ api parādiḥ rephaḥ api |
86/100:tatra vyavasthā na prakalpate |
87/100:iṭaḥ avyavasthā |
88/100:abhyāsalopaḥ : abhyāsalopaḥ ca vaktavyaḥ : vavṛte vavṛdhe |
89/100:abhyāsasya iti halādiśeṣaḥ na prāpnoti |
90/100:abhyāsalopaḥ |
91/100:abhyastasvara : abhyastasvaraḥ ca na sidhyati : ma hi sma te piparuḥ , ma hi sma te bibharuḥ |
92/100:abhyastānām ādiḥ udāttaḥ bhavati ajādau lasārvadhātuke iti eṣaḥ svaraḥ na prāpnoti |
93/100:abhyastasvara |
94/100:tādisvaraḥ : tādisvaraḥ ca na sidhyati : prakartā prakartum , prahartā prahartum |
95/100:tādau ca niti kṛti atau iti eṣaḥ svaraḥ na prāpnoti |
96/100:na eṣaḥ doṣaḥ |
97/100:uktam etat : kṛdupadeśe vā tādyartham iḍartham iti |
98/100:tādisvaraḥ |
99/100:dīrghatvam : dīrghatvam ca na sidhyati : gīḥ , pūḥ |
100/100:rephavakārāntasya dhātoḥ iti dīrghatvam na prāpnoti |

uḥ sthāne aṇ prasajyamāna eva raparo veditavyaḥ. kartā. hartā. kirati. girati. dvaimāturaḥ. traimāturaḥ. uḥ iti kim? kheyam. geyam. angrahaṇaṃ kim? sudhāturakaṅ ca 4-1-97 saudhātakiḥ.

uraṇ raparaḥ 1.1.51 uḥ sthāne aṇ prasajyamāna eva raparo veditavyaḥ. kartā. hartā. kirati. girati. dvaimāturaḥ. traimāturaḥ. uḥ iti kim? kheyam. geyam. angrahaṇaṃ kim? sudhāturakaṅ ca 4.1.97 saudhātakiḥ.

uraṇ raparaḥ. , 1.1.50 atra trayaḥ pakṣāḥ sambhavanti- "uḥ sthāne'ṇ raparatvaṃ cānenobhayaṃ vidhīyate" ityekaḥ pakṣaḥ. "lakṣaṇāntareṇa vihitasyāṇa uḥ sthāne paścādanena raparatvamātraṃ kriyate" iti dvitīyaḥ pakṣaḥ. "uḥ sthāne lakṣaṇāntareṇa vidhīyamāno'ṇa vidhānakāla eva tena lakṣaṇāntareṇa saha saṃhatya raparatvaviśiṣṭo'nena bhāvyate" iti tṛtīyaḥ. tatra yadyādyaḥ pakṣa āśrīyate, ṛkārasya sthāna udāttādayo na syuḥ, anena bādhitvāt; "kṛti" ityatra "ñnityādinityam" 6.1.191 ityādyudātto na syāt, "prakṛtam" ityatra pūrvapadsayādyudāttasya "gatiranantaraḥ" 6.2.49iti prakṛtisvare kṛte "anudāttaṃ padamekavarjam" 6.1.192 ityanudātto na syāt, "udāttānudāttasya svaritaḥ" 8.4.65iti svaritaśca. yadyacaḥ sthāne udāttādayo vidhīyante, tathāpi teṣāmanyo'javakāśa iti ṛvarṇasthāne pratipadokto'ṇeva raparaḥ syāt. ye cāpyanya ṛvarṇasthāne pratipadamādeśā ucyante, "ṛta iddhātoḥ" 7.1.100 ityevamādibhirlakṣaṇāntaraisteṣu raparatvaṃ na syāt; tataśca "kirati" ityādi na sidhyet. atha dvitīyaḥ pakṣa āśrīyate, taratestṛjādau guṇo vidhīyamānaḥ pramāṇata āntaratamyād dīrghasya dīrgha eva syāt, tathā ca "taritā" ityādi na sidhyet. kiṃ ca- ṇvulādau vṛddhau vidhīyamānāmṛkārasya kenacid vṛddhisaṃjñakenāntaratamyaviśeṣo nāstīti sarve vṛddhisaṃjñakāḥ paryāyeṇa prasajyeran. tathā ca pakṣe "nāyakaḥ, stāvakaḥ" ityā- dyapyaniṣṭaṃ rūpaṃ syāt. ityevamādyayoḥ pakṣayordoṣavattāṃ dṛṣṭvā, tṛtīyaṃ pakṣamāśrityāha- "uḥ sthāne'ṇ prasajyamāna eva"ityādi. etena lakṣaṇāntareṇa vidhīyamāna- syāṇo vidhānakāla eva tena saha saṃhatya raparatvaviśiṣṭas vidhāviyaṃ paribhāṣā vyāpriyata iti darśayati. etacca sthānadvayagrahaṇasyātrānuvṛtterlabhyante. pūrvakeṇa hi sthānagraha- ṇenehānuvṛttau "uḥ sthāne" ityatadartharūpaṃ labhyate. dvitīyena tu prasajyamāna ityetat. tathā hi- sthānagrahaṇaṃ saptamyantaṃ prakṛtamanuvatrtamāne tatsāmathryāt prathamāntaṃ sampadyate, sthānaśapabdaścāyaṃ prasaṅgavācī. tataśca yadā sthānenāṇ viśiṣyate-"aṇ sthānam" iti, tadā "aṇ prasajyamāna eva" ityeṣo'rtho jāyate. "prasajyamānaḥ" iti. prasaṅgenābhisambadhyamāna iti yāvat. "eva" iti. avadhāraṇaṃ punaratra vyavaccheda phalatvena sarvavākyānāṃ sāvadhāraṇatvāllabhyate. kathaṃ punaraṇ sthānaṃ bhavati? naiva hi sa sthānaṃ bhavati, tadyogāttu tatra sthānavyapadeśo bhavati, yathā-"yaṣṭīḥ praveśaya" ita yaṣṭiyogāt puruṣāṇāṃ vyapadeśa-. nanu ca "sthāne'ntaratamaḥ" labhyate? naiṣa doṣaḥ, svaritatvacihnāddhi yo yatropaṣṭhate, sa tatra sāmathryāt tatkāryayogyasyai-vārthasyābhidhātā sannupatiṣṭhate. tena yadyapi pūrvasūtre sthānaśabdastavādisthānavacanaḥ, tathāpīhopatiṣṭhamānaḥ prasaṅgavacana evopatiṣṭhate. tedavaṃ yasmānnedaṃ svatantramaṇo raparatvaviśiṣṭasya ca vidhāyakam. tasmādādye pakṣe yo doṣaḥ sa iha na bhavati tataśca lakṣaṇāntareṇa vihitasyāṇaḥ paścādanena raparatvaṃ na vidhīyate, kiṃ tarhi? prasajyamāna evāṇ lakṣaṇāntareṇa tatsahāyaṃ pratipadya raparo bhāvyate. tena dvitīye pakṣe yo doṣaḥ, so'pyasminna bhavatyeva. prasajyamānasyaiva hi raparatvavidhau yathā ṛvarṇo raśrutimān(), evamādeśo'pi raśrutimāneva bhavati. tataścāntaratamyādṛkārasya raśrutimatastādṛśa eva raśrutimānedeśo bhavati. anye guṇavṛddhisaṃjñakā vyāvartitā bhavanti. yadi tarhi prasajyamāna eva raparo bhavati, anekaltvāt sarvādeśaḥ prasajyeta, naiṣa doṣaḥ; yadayaṃ "tarati" iti nirdeśaṃ karoti; tato jñāpyate-sarvādeśo na bhavatīti. "kartā, hartā"iti. "ḍukuñ karaṇe"(dhā.pā.1473) "hmañ haraṇe" (dhā.pā.899) ābhyāṃ "ṇvultṛcau" 3.1.133 iti tṛc, "sārvadhātukārdhakayoḥ" 7.3.84 iti guṇaḥ, "aco rahābhyām" 8.4.45 iti dvitvam. "kirati, girati" iti. "kṛ vikṣepe" (dhā.pā.1410) "gṛ nigaraṇe" (dhā.pā.1411)- ābhyāṃ laṭ, "śeṣāt kartari parasmaipadam" 1.3.78iti tip, tudāditvācchaḥ, "ṛta id dhātoḥ" 7.1.100 itīttvam. "dvaimāturaḥ, traimāturaḥ" iti. dvayormātrorapatyam, tisṛṇāṃ mātṛ()ṇāmapatyamiti "māturut saṃkhyāsambhadrapūrvāyāḥ" 4.1.115 ityaṇ, ukāraścāntādeśaḥ. "taddhiteṣvacāmādeḥ" 7.2.117 iti vṛddhiḥ. "kheyam" iti. "ī ca khanaḥ" 3.1.111 iti kyap, ikāraścāntādeśaḥ, "ādguṇaḥ"6.1.84. "saudhātakiḥ" iti. "sudhāturakaṅa ca" 4.1.97 itīñ. tatsaṃyogenākaṅādeśaḥ kriyamāṇo raparo na bhavati, anaṇtvāt. atha yo'trāṇ, sa raparaḥ kasmānna bhavati? anādeśtvāt. samudāyo hratrādeśo na tadavayavaḥ. naiṣa doṣaḥ; yo hi dvayoḥ ṣaṣṭhīnirdiṣṭayoḥ sthāne bhavati, labhate so'nyataravyapadeśam, yathā- devadattasya putro devadattāyāḥ putraḥ" iti॥

ṛ iti triṃśataḥ saṃjñetyuktam. tatsthāne yo'ṇ sa raparaḥ sanneva pravartate. kṛṣṇarddhiḥ. tavalkāraḥ..

uraṇ raparaḥ 29, 1.1.50 ṛ iti triṃśataḥ saṃjñetyuktam. tatsthāne yo'ṇ sa raparaḥ sanneva pravartate. kṛṣṇarddhiḥ. tavalkāraḥ॥

lṛkāreṇa tu sthāninā na kasyāpi sthānasāmyaṃ, tatra katamo guṇo bhavatītyākāṅkṣāyāmidamārabhyate–uraṇraparaḥ. ityuktamiti. `aṇuditsūtre' iti śeṣaḥ. uriti `ṛ'ityasya ṣaṣṭha\ufffdekavacanam. `ṣaṣṭhī sthāne' iti paribhāṣayā sthāne iti labhyate. anuvāde tatparibhāṣānupasthitāvapi sthānegrahaṇaṃ tato.ñanuvartate. tadāha– tatsthāne yo'ṇiti. `sthāne'ntaratama' ityato.ñapi sthānegrahaṇamanuvartate. sthānaṃ prasahga ityuktam. prasaṅgāvasthāyāmityartho vivakṣitaḥ. tadāha–raparaḥ sanneva pravartata iti. atra `ra' iti pratyāhāro vivakṣitaḥ. tataśca rephaśirasko lakāraśiraskaśca pravartata iti labhyate. tayovryavasthāṃ darśayati–tatreti. rephalakāraśiraskayormadhye kṛṣṇardiṃ?dharityatra ar, tavalkāra ityatra alityanvayaḥ. kuta iyaṃ vyavasthetyata āha–āntaratamyāditi. triṣu guṇeṣu prasajyamāneṣu akārasyā'ṇo rephalakāraśiraskatayā tasya ar alityevamātmakasya akārāṃśe sthānībhūtena akāreṇa rephāṃśe ṛkāreṇa, lakārāṃśe lṛkāreṇa ca sthānasāmyādakārañakārayoḥ syāne areva bhavati. akāralṛkārayoḥ sthāne'leva bhavati. ekārokārau tu guṇau na bhavata eva, tayorṛkāreṇa lṛkāreṇa ca sthānasāmyā.ñabhāvādityarthaḥ. naca ekāra okāraśca kathaṃ raparo na syātāmiti vācyaṃ, pūrveṇaiva ṇakāreṇa hratrāṇ gṛhrate, praśāstṛ?ṇāmityādinirdeśādityalam. jhaṣastathoriti takārasya dhatve ṛddhiriti dvidhakāraṃ rūpaṃ svābhāvikam. tatra arādeśe rephātparasya dhakārasyā'co rahābhyāmiti kadāciddvitvamityarthaḥ.

uraṇ? raparaḥ 71, 1.1.50 lṛkāreṇa tu sthāninā na kasyāpi sthānasāmyaṃ, tatra katamo guṇo bhavatītyākāṅkṣāyāmidamārabhyate--uraṇraparaḥ. ityuktamiti. "aṇuditsūtre" iti śeṣaḥ. uriti "ṛ"ityasya ṣaṣṭha()ekavacanam. "ṣaṣṭhī sthāne" iti paribhāṣayā sthāne iti labhyate. anuvāde tatparibhāṣānupasthitāvapi sthānegrahaṇaṃ tato.ñanuvartate. tadāha--tatsthāne yo'ṇiti. "sthāne'ntaratama" ityato.ñapi sthānegrahaṇamanuvartate. sthānaṃ prasahga ityuktam. prasaṅgāvasthāyāmityartho vivakṣitaḥ. tadāha--raparaḥ sanneva pravartata iti. atra "ra" iti pratyāhāro vivakṣitaḥ. tataśca rephaśirasko lakāraśiraskaśca pravartata iti labhyate. tayovryavasthāṃ darśayati--tatreti. rephalakāraśiraskayormadhye kṛṣṇardiṃ()dharityatra ar, tavalkāra ityatra alityanvayaḥ. kuta iyaṃ vyavasthetyata āha--āntaratamyāditi. triṣu guṇeṣu prasajyamāneṣu akārasyā'ṇo rephalakāraśiraskatayā tasya ar alityevamātmakasya akārāṃśe sthānībhūtena akāreṇa rephāṃśe ṛkāreṇa, lakārāṃśe lṛkāreṇa ca sthānasāmyādakārañakārayoḥ syāne areva bhavati. akāralṛkārayoḥ sthāne'leva bhavati. ekārokārau tu guṇau na bhavata eva, tayorṛkāreṇa lṛkāreṇa ca sthānasāmyā.ñabhāvādityarthaḥ. naca ekāra okāraśca kathaṃ raparo na syātāmiti vācyaṃ, pūrveṇaiva ṇakāreṇa hratrāṇ gṛhrate, praśāstṛ()ṇāmityādinirdeśādityalam.pakṣe dvitvamiti. ṛdhadhātoḥ ktini jhaṣastathoriti takārasya dhatve ṛddhiriti dvidhakāraṃ rūpaṃ svābhāvikam. tatra arādeśe rephātparasya dhakārasyā'co rahābhyāmiti kadāciddvitvamityarthaḥ.

uraṇ raparaḥ. anuvāde `ṣaṣṭhī sthāneyoge'ti paribhāṣayā anupasthitāvapi sthānegrahaṇaṃ tato'nuvartata ityāśayenāha-tatsthāneyo'ṇiti. `sthāne'ntaratamaḥ' ityato'pi `sthāne'grahaṇamihānuvartate. tena prasaṅgāvastāyāmevā'ṇ raparo bhavati. tadetadvyācaṣṭe-raparaḥ sanne pravartata iti. uḥ kim ?, `īdyati'-geyam, deyam. aṇ kim ?, rīṅādīnāṃ raparatvaṃ mā bhūt. `rīṅṛtaḥ'-mātrīyati. riṅ-`kriyate'. āntaratamyāditi. rephaśiraskasya `a'rityasya rephadvāreṇa ṝkāreṇa sthānasāmyādityarthaḥ. pakṣe dvitvamiti. ṝdherdhasyeti bhāvaḥ.

uraṇ raparaḥ 58, 1.1.50 uraṇ raparaḥ. anuvāde "ṣaṣṭhī sthāneyoge"ti paribhāṣayā anupasthitāvapi sthānegrahaṇaṃ tato'nuvartata ityāśayenāha-tatsthāneyo'ṇiti. "sthāne'ntaratamaḥ" ityato'pi "sthāne"grahaṇamihānuvartate. tena prasaṅgāvastāyāmevā'ṇ raparo bhavati. tadetadvyācaṣṭe-raparaḥ sanne pravartata iti. uḥ kim?, "īdyati"-geyam, deyam. aṇ kim?, rīṅādīnāṃ raparatvaṃ mā bhūt. "rīṅṛtaḥ"-mātrīyati. riṅ-"kriyate". āntaratamyāditi. rephaśiraskasya "a"rityasya rephadvāreṇa ṝkāreṇa sthānasāmyādityarthaḥ. pakṣe dvitvamiti. ṝdherdhasyeti bhāvaḥ.