1/23:na vā iti vibhāṣāyām arthasañjñākaraṇam |*
2/23:na vā iti vibhāṣāyām arthasya sañjñā kartavyā |
3/23:navāśabdasya yaḥ arthaḥ tasya sañjñā bhavati iti vaktavyam |
4/23:kim prayojanam |
5/23:śabdasañjñāyām hi arthāsampratyayaḥ yathā anyatra |*
6/23:śabdasañjñāyām hi satyām arthasya asampratyayaḥ syāt yathā anyatra |
7/23:anyatra api śabdasañjñāyām śabdasya sampratyayaḥ bhavati na arthasya |
8/23:kva anyatra |
9/23:dādhāḥ ghu adāp taraptamapau ghaḥ iti ghugrahaṇeṣu ghagrahaṇeṣu ca śabdasya sampratyayaḥ bhavati na arthasya |
10/23:tat tarhi vaktavyam |
11/23:na vaktavyam |
12/23:itikaraṇaḥ arthanirdeśārthaḥ |*
13/23:itikaraṇaḥ kriyate |
14/23:saḥ arthanirdeśārthaḥ bhaviṣyati |
15/23:kim gatam etat itinā āhosvit śabādhikyāt arthādhikyam |
16/23:gatam iti āha |
17/23:kutaḥ |
18/23:lokataḥ |
19/23:tat yathā loke gauḥ ayam iti āha iti gośabdāt itikaraṇaḥ paraḥ prayujyamānaḥ gośabdam svasmāt padārthāt pracyāvayati |
20/23:saḥ asau svasmāt padārthāt pracyutaḥ yā asau arthapadārthakatā tasyāḥ śabdapadārthakaḥ sampadyate |
21/23:evam iha api navāśabdāt itikaraṇaḥ paraḥ prayujyamānaḥ navāśabdam svasmāt padārthāt pracyāvayati |
22/23:saḥ asau svasmāt padārthāt pracyutaḥ yā asau śabdapadārthakatā tasyāḥ laukikam artham sampratyāyayati |
23/23:na vā iti yat gamyate na vā iti yat pratīyate iti |

1/29:samānaśabdapratiṣedhaḥ |*
2/29:samānaśabdānām pratiṣedhaḥ vaktavyaḥ : navā kuṇḍikā navā ghaṭikā iti |
3/29:kim ca syāt yadi eteṣām api vibhāṣāsañjñā syāt |
4/29:vibhāṣā diksamāse bahuvrīhau : dakṣiṇapūrvasyām śālāyām |
5/29:acirakṛtāyām sampratyayaḥ syāt |
6/29:na vā vidhipūrvakatvāt pratiṣedhasamapratyayaḥ yathā loke |*
7/29:na vā eṣaḥ doṣaḥ |
8/29:kim kāraṇam |
9/29:vidhipūrvakatvāt |
10/29:vidhāya kim cit na vā iti ucyate |
11/29:tena pratiṣedhavācinaḥ samapratyayaḥ bhavati |
12/29:tat yathā loke : grāmaḥ bhavatā gantavyaḥ na vā |
13/29:na iti gamyate |
14/29:asti kārṇam yena loke pratiṣedhavācinaḥ samapratyayaḥ bhavati |
15/29:kim kāraṇam |
16/29:viliṅgam hi bhavān loke nirdeśam karoti |
17/29:āṅga hi samānaliṅgaḥ nirdeśaḥ kriyatām pratyagravācinaḥ sampratyayaḥ bhaviṣyati |
18/29:tat yathā : grāmaḥ bhavatā gantavyaḥ navaḥ |
19/29:pratyagraḥ iti gamyate |
20/29:etat ca eva na jānīmaḥ : kva cit vyākaraṇe samānaliṅgaḥ nirdeśaḥ kriyate iti |
21/29:api ca kāmacāraḥ prayoktuḥ śabdānām abhisambandhe |
22/29:tat yathā : yavāgūḥ bhavatā bhoktavyā navā |
23/29:yadā yavāgūśabdaḥ bhujinā abhisambadhyate bhujiḥ navāśabdena tadā pratiṣedhavācinaḥ sampratyayaḥ bhavati : yavāgūḥ bhavatā bhoktavyā navā |
24/29:na iti gamyate |
25/29:yadā yavāgūśabdaḥ navāśabdena abhisambadhyate na bhujinā tadā pratyagravācinaḥ sampratyayaḥ bhavati : yavāgūḥ navā bhavatā bhoktavyā |
26/29:pratyagrā iti gamyate |
27/29:na ca iha vayam vibhāṣāgrahaṇena sarvādīni abhisambadhnīmaḥ : diksamāse bahuvrīhau sarvādīni vibhāṣā bhavanti iti |
28/29:kim tarhi |
29/29:bhavatiḥ abhisambadhyate : diksamāse bahuvrīhau sarvādīni bhavanti vibhāṣā iti |

1/44:vidhyanityatvam anupapannam pratiṣedhasañjñākaraṇāt |*
2/44:vidhyanityatvam na upapadyate : śuśāva , śuśuvatuḥ , śuśuvuḥ , śiśvāya , śiśviyatuḥ , śiśviyuḥ |
3/44:kim kāraṇam |
4/44:pratiṣedhasañjñākaraṇāt |
5/44:pratiṣedhasya iyam sañjñā kriyate |
6/44:tena vibhāṣāpradeśeṣu pratiṣedhasya eva sampratyayaḥ syāt |
7/44:siddham tu prasajyapratiṣedhāt |*
8/44:siddham etat |
9/44:katham |
10/44:prasajyapratiṣedhāt |
11/44:prasajya kim cit na vā iti ucyate |
12/44:tena ubhayam bhaviṣyati |
13/44:vipratiṣiddham tu |*
14/44:vipratiṣiddham tu bhavati |
15/44:atra na jñāyate : kena abhiprāyeṇa prasajati kena nivṛttim karoti iti |
16/44:na vā prasaṅgasāmarthyāt anyatra pratiṣedhaviṣayāt |*
17/44:na vā eṣaḥ doṣaḥ |
18/44:kim kāraṇam |
19/44:prasaṅgasāmarthyāt |
20/44:prasaṅgasāmarthyāt ca vidhiḥ bhaviṣyati anyatra pratiṣedhaviṣayāt pratiṣedhasāmarthyāt ca pratiṣedhaḥ bhaviṣyati anyatra vidhiviṣayāt |
21/44:tat etat kva siddham bhavati |
22/44:yā aprāpte vibhāṣā |
23/44:yā hi prāpte kṛtasāmarthyaḥ tatra pūrveṇa vidhiḥ iti kṛtvā pratiṣedhasya eva sampratyayaḥ syāt |
24/44:etat api siddham |
25/44:katham |
26/44:vibhāṣā iti mahatīsañjñā kriyate |
27/44:sañjñā ca nāma yataḥ na laghīyaḥ |
28/44:kutaḥ etat |
29/44:laghvartham hi sañjñākaraṇam |
30/44:tatra mahatyāḥ sañjñāyāḥ karaṇe etat prayojanam ubhayoḥ sañjñā yathā vijñāyeta : na iti ca vā iti ca |
31/44:tatra yā tāvat aprāpte vibhāṣā tatra pratiṣedhyam na asti iti kṛtvā vā iti anena vikalpaḥ bhaviṣyati |
32/44:yā hi prāpte vibhāṣā tatra ubhayam upasthitam bhavati : na iti ca vā iti ca |
33/44:tatra na iti anena pratiṣiddhe vā iti anena vikalpaḥ bhaviṣyati |
34/44:evam api vipratiṣedhayoḥ yugapadvacanānupapattiḥ |*
35/44:vipratiṣedhayoḥ yugapadvacanam na upapadyate : śuśāva śuśuvatuḥ śuśuvuḥ śiśvāya śiśviyatuḥ śiśviyuḥ |
36/44:kim kāraṇam |
37/44:bhavati iti cet na pratiṣedhaḥ |*
38/44:bhavati iti cet pratiṣedhaḥ na prāpnoti |
39/44:na iti cet na vidhiḥ |*
40/44:na it cet vidhiḥ na sidhyati |
41/44:siddham tu pūrvasya uttareṇa bādhitatvāt |*
42/44:siddham etat| katham |
43/44:pūrvavidhim uttarvidhiḥ bādhate |
44/44:itikaraṇaḥ arthanirdeśāṛthaḥ iti uktam |

1/43:sādhvanuśāsane asmin yasya vibhāṣā tasya sādhutvam |*
2/43:sādhvanuśāsane asmin śāstre yasya vibhāṣā kriyate saḥ vibhāṣā sādhuḥ syāt |
3/43:samāsaḥ ca eva hi vibhāṣā |
4/43:tena samāsasya eva vibhāṣā sādhutvam syāt |
5/43:astu |
6/43:yaḥ sādhuḥ saḥ prayokṣyate| asādhuḥ na prayokṣyate |
7/43:na ca eva hi kadā cit rājapuruṣaḥ iti asyām avasthāyām asādhutvam iṣyate |
8/43:api ca dvedhāpratipattiḥ |*
9/43:dvaidham śabdānām apratipattiḥ |
10/43:icchāmaḥ ca punaḥ vibhāṣāpradeśeṣu dvaidham śabdānām pratipattiḥ syāt iti tat ca na sidhyati |
11/43:yasya punaḥ kāryāḥ śabdāḥ vibhāṣā asau samāsam nirvartayati |
12/43:yasya api nityāḥ śabdāḥ tasya api eṣaḥ na doṣaḥ |
13/43:katham |
14/43:na vibhāṣāgrahaṇena sādhutvam abhisambadhyate |
15/43:kim tarhi |
16/43:samāsasañjñā abhisambadhyate : samāsaḥ iti eṣā sañjñā vibhāṣā bhavati iti |
17/43:tat yathā : medhyaḥ paśuḥ vibhāṣitaḥ |
18/43:medhyaḥ anaḍvān vibhāṣitaḥ iti |
19/43:na etat vicāryate : anaḍvān na anaḍvān iti |
20/43:kim tarhi ālabdhavyaḥ na ālabdhavyaḥ iti |
21/43:kārye yugapadanvācayayaugapadyam |*
22/43:kāryeṣu śabdeṣu yugapat anvācayena ca yat ucyate tasya yugapadvacanatā prāpnoti : tavyattavyānīyaraḥ , ḍhak ca maṇḍūkāt iti |
23/43:yasya punaḥ nityāḥ śabdāḥ prayuktānām asau sādhutvam anvācaṣṭe |
24/43:nanu ca yasya api kāryāḥ tasya api eṣaḥ na doṣaḥ |
25/43:katham |
26/43:pratyayaḥ paraḥ bhavati iti ucyate |
27/43:na ca ekasyāḥ prakṛteḥ anekasya pratyayasya yugapat paratvena sambhavaḥ asti |
28/43:na api brūmaḥ pratyayamālā prāpnoti |
29/43:kim tarhi |
30/43:kartavyam iti prayoktavye yugapat dvitīyasya tṛtīyasya ca prayogaḥ prāpnoti |
31/43:na eṣaḥ doṣaḥ |
32/43:arthagatyarthaḥ śabdaprayogaḥ |
33/43:artham sampratyāyayiṣyāmi iti śabdaḥ prayujyate |
34/43:tatra ekena uktatvāt tasya arthasya dvitīyasya prayogeṇa na bhavitavyam uktārthānām aprayogaḥ iti |
35/43:ācāryadeśaśīlane ca tadviṣayatā |*
36/43:ācāryadeśaśīlanena yat ucyate tasya tadviṣayatā prāpnoti |
37/43:ikaḥ hrasvaḥ aṅyaḥ gālavasya prācām avṛddhāt phin bahulam iti gālavāḥ eva hrasvān prayuñjīran prākṣu ca eva hi phin syāt |
38/43:tat yathā : jamadagniḥ vai etat pañcamam avadānam avādyat tasmāt na ajāmadagnyaḥ pañcāvattam juhoti |
39/43:yasya punaḥ nityāḥ śabdāḥ gālavagrahaṇam tasya pūjārtham deśagrahaṇam ca kīrtyartham |
40/43:nanu ca yasya api kāryāḥ tasya api pūjārtham gālavagrahaṇam syāt deśagraham ca kīrtyartham |
41/43:tatkīrtane ca dvedhāpratipattiḥ |*
42/43:tatkīrtane ca dvaidham śabdānām apratipattiḥ syāt |
43/43:icchāmaḥ ca punaḥ ācāryagrahaṇeṣu deśagrahaṇeṣu ca dvaidham śabdānām pratipattiḥ syāt iti tat ca na sidhyati |

1/12:aśiṣyaḥ vā viditatvāt |*
2/12:aśiṣyaḥ vā punaḥ ayam yogaḥ |
3/12:kim kāraṇam |
4/12:viditatvāt |
5/12:yat anena yogena prārthyate tasya arthasya viditatvāt |
6/12:ye api hi etām sañjñām na ārabhante te api vibhāṣā iti ukte anityatvam avagacchanti |
7/12:yājñikāḥ khalu api sañjñām anārabhamāṇāḥ vibhāṣā iti ukte anityatvam avagacchanti |
8/12:tat yathā |
9/12:medhyaḥ paśuḥ vibhāṣitaḥ |
10/12:medhyaḥ anaḍvān vibhāṣitaḥ iti |
11/12:ālabdhavyaḥ na ālabdhavyaḥ iti gamyate |
12/12:ācāryaḥ khalu api sañjñām ārabhamāṇaḥ bhūyiṣṭham anyaiḥ api śabdaiḥ etam artham sampratyāyayati bahulam anyatarasyām ubhayathā vā ekeṣām iti |

1/100:aprāpte trisaṃśayāḥ |*
2/100:itaḥ uttaram yāḥ vibhāṣāḥ anukramiṣyāmaḥ aprāpte tāḥ draṣṭavyāḥ |
3/100:trisaṃśayāḥ tu bhavanti : prāpte aprāpte ubhayatra vā iti |
4/100:dvandve ca vibhāṣā jasi : prāpte aprāpte ubhayatra vā iti sandehaḥ |
5/100:katham ca prāpte katham vā aprāpte katham vā ubhayatra |
6/100:ubhayaśabdaḥ sarvādiṣu paṭhyate tayapaḥ ca ayajādeśaḥ kriyate |
7/100:tena vā nitye prāpte anyatra vā aprāpte ubhayatra vā iti |
8/100:aprāpte |
9/100:ayac pratyayāntaram |
10/100:yadi pratyayāntaram ubhayī iti īkāraḥ na prāpnoti |
11/100:mā bhūt evam |
12/100:mātracaḥ iti evam bhaviṣyati |
13/100:katham |
14/100:mātrac iti na idam pratyayagrahaṇam |
15/100:kim tarhi |
16/100:pratyāhāragrahaṇam |
17/100:kva sanniviṣṭānām pratyāhāraḥ |
18/100:mātraśabdāt prabhṛti ā āyacaḥ cakārāt |
19/100:yadi pratyāhāragrahaṇam kati tiṣṭhanti : atra api prāpnoti |
20/100:ataḥ iti vartate |
21/100:evam api tailamātrā ghrtamātrā iti atra api prāpnoti |
22/100:sadṛśasya api asanniviṣṭasya na bhaviṣyati pratyāhāreṇa grahaṇam |
23/100:ūrṇoḥ vibhāṣā : prāpte aprāpte ubhayatra vā iti sandehaḥ |
24/100:katham ca prāpte katham vā aprāpte katham vā ubhayatra |
25/100:asaṃyogāt liṭ kit iti vā nitye prāpte anyatra vā aprāpte ubhayatra vā iti |
26/100:aprāpte |
27/100:anyat hi kittvam anyat ṅittvam |
28/100:ekam cet ṅitkitau |
29/100:yadi ekam ṅitkitau tataḥ asti sandehaḥ |
30/100:atha hi nānā na asti sandehaḥ |
31/100:yadi api nānā evam api sandehaḥ |
32/100:katham |
33/100:praurṇuvi iti |
34/100:sārvadhātukam apit iti vā nitye prāpte anyatra vā aprāpte ubhayatra vā iti |
35/100:aprāpte |
36/100:vibhāṣā upayamane : prāpte aprāpte ubhayatra vā iti sandehaḥ |
37/100:katham ca prāpte katham vā aprāpte katham vā ubhayatra |
38/100:gandhane iti vā nitye prāpte anyatra vā aprāpte ubhayatra vā iti |
39/100:aprāpte |
40/100:gandhane iti nivṛttam |
41/100:anupasargāt vā : prāpte aprāpte ubhayatra vā iti sandehaḥ |
42/100:katham ca prāpte katham vā aprāpte katham vā ubhayatra |
43/100:vṛttisargatāyaneṣu kramaḥ iti vā nitye prāpte anyatra vā aprāpte ubhayatra vā iti |
44/100:aprāpte |
45/100:vṛttyādiṣu iti nivṛttam |
46/100:vibhāṣā vṛkṣamṛgādīnām : prāpte aprāpte ubhayatra vā iti sandehaḥ |
47/100:katham ca prāpte katham vā aprāpte katham vā ubhayatra |
48/100:jātiḥ aprāṇinām iti vā nitye prāpte anyatra vā aprāpte ubhayatra vā iti |
49/100:aprāpte |
50/100:jātiḥ aprāṇinām iti nivṛttam |
51/100:uṣavidajāgṛbhyaḥ anyatarasyām : prāpte aprāpte ubhayatra vā iti sandehaḥ |
52/100:katham ca prāpte katham vā aprāpte katham vā ubhayatra |
53/100:pratyayāntāt iti vā nitye prāpte anyatra vā aprāpte ubhayatra vā iti |
54/100:aprāpte |
55/100:pratyayāntāḥ dhātvantarāṇi |
56/100:dīpādīnām vibhāṣā : prāpte aprāpte ubhayatra vā iti sandehaḥ |
57/100:katham ca prāpte katham vā aprāpte katham vā ubhayatra |
58/100:bhāvakarmaṇoḥ iti vā nitye prāpte anyatra vā aprāpte ubhayatra vā iti |
59/100:aprāpte |
60/100:kartari iti vartate |
61/100:evam api sandehaḥ : nyāyye vā kartari karmakartari vā iti |
62/100:na asti sandehaḥ |
63/100:sakarmakasya kartā karmavat bhavati akarmakāḥ ca dīpādayaḥ |
64/100:akarmakāḥ api vai sopasargāḥ sakarmakāḥ bhavanti |
65/100:karmāpadiṣṭāḥ vidhayaḥ karmasthabhāvakānām karmasthakriyāṇām ca bhavanti kartṛsthabhāvakāḥ ca dīpādayaḥ |
66/100:vibhāṣā agreprathamapūrveṣu : prāpte aprāpte ubhayatra vā iti sandehaḥ |
67/100:katham ca prāpte katham vā aprāpte katham vā ubhayatra |
68/100:ābhīkṣṇye iti vā nitye prāpte anyatra vā aprāpte ubhayatra vā iti |
69/100:aprāpte |
70/100:ābhīkṣṇye iti nivṛttam |
71/100:tṛnādīnām vibhāṣā : prāpte aprāpte ubhayatra vā iti sandehaḥ |
72/100:katham ca prāpte katham vā aprāpte katham vā ubhayatra |
73/100:ākrośe iti vā nitye prāpte anyatra vā aprāpte ubhayatra vā iti |
74/100:aprāpte |
75/100:ākrośe iti nivṛttam |
76/100:ekahalādau pūrayitavye anyatarasyām |
77/100:prāpte aprāpte ubhayatra vā iti sandehaḥ |
78/100:katham ca prāpte katham vā aprāpte katham vā ubhayatra |
79/100:udakasya udaḥ sañjñāyām iti vā nitye prāpte anyatra vā aprāpte ubhayatra vā iti |
80/100:aprāpte |
81/100:sañjñāyām iti nivṛttam |
82/100:śvādeḥ iñi padāntasya anyatarasyām |
83/100:prāpte aprāpte ubhayatra vā iti sandehaḥ |
84/100:katham ca prāpte katham vā aprāpte katham vā ubhayatra |
85/100:iñi iti vā nitye prāpte anyatra vā aprāpte ubhayatra vā iti |
86/100:aprāpte |
87/100:iñi iti nivṛttam |
88/100:sapūrvāyāḥ prathamāyāḥ vibhāṣā |
89/100:prāpte aprāpte ubhayatra vā iti sandehaḥ |
90/100:katham ca prāpte katham vā aprāpte katham vā ubhayatra |
91/100:cādibhiḥ yoge iti vā nitye prāpte anyatra vā aprāpte ubhayatra vā iti |
92/100:aprāpte |
93/100:cādibhiḥ yoge iti nivṛttam |
94/100:graḥ yaṅi aci vibhāṣā |
95/100:prāpte aprāpte ubhayatra vā iti sandehaḥ |
96/100:katham ca prāpte katham vā aprāpte katham vā ubhayatra |
97/100:yaṅi iti vā nitye prāpte anyatra vā aprāpte ubhayatra vā iti |
98/100:aprāpte |
99/100:aprāpte |
100/100:yaṅi iti nivṛttam

1/28:prāpte ca |*
2/28:itaḥ uttaram yāḥ vibhāṣāḥ anukramiṣyāmaḥ prāpte tāḥ draṣṭavyāḥ |
3/28:trisaṃśayāḥ tu bhavanti : prāpte aprāpte ubhayatra vā iti |
4/28:vibhāṣā vipralāpe : prāpte aprāpte ubhayatra vā iti sandehaḥ |
5/28:katham ca prāpte katham vā aprāpte katham vā ubhayatra |
6/28:vyaktavācām iti vā nitye prāpte anyatra vā aprāpte ubhayatra vā iti |
7/28:prāpte |
8/28:vyaktavācām iti hi vartate |
9/28:vibhāṣā upapadena pratīyamāne : prāpte aprāpte ubhayatra vā iti sandehaḥ |
10/28:katham ca prāpte katham vā aprāpte katham vā ubhayatra |
11/28:svaritañitaḥ iti vā nitye prāpte anyatra vā aprāpte ubhayatra vā iti |
12/28:prāpte |
13/28:svaritañitaḥ iti hi vartate |
14/28:tiraḥ antardhau vibhāṣā kṛñi : prāpte aprāpte ubhayatra vā iti sandehaḥ |
15/28:katham ca prāpte katham vā aprāpte katham vā ubhayatra |
16/28:antardhau iti vā nitye prāpte anyatra vā aprāpte ubhayatra vā iti |
17/28:prāpte |
18/28:antardhau iti hi vartate |
19/28:adhiḥ īśvare vibhāṣā kṛñi : prāpte aprāpte ubhayatra vā iti sandehaḥ |
20/28:katham ca prāpte katham vā aprāpte katham vā ubhayatra |
21/28:īśvare iti vā nitye prāpte anyatra vā aprāpte ubhayatra vā iti |
22/28:prāpte |
23/28:īśvare iti hi vartate |
24/28:divaḥ tadarthasya vibhāṣā upasarge : prāpte aprāpte ubhayatra vā iti sandehaḥ |
25/28:katham ca prāpte katham vā aprāpte katham vā ubhayatra |
26/28:tadarthasya iti vā nitye prāpte anyatra vā aprāpte ubhayatra vā iti |
27/28:prāpte |
28/28:tadarthasya iti vartate

1/34:ubhayatra ca |*
2/34:itaḥ uttaram yāḥ vibhāṣāḥ anukramiṣyāmaḥ ubhayatra tāḥ draṣṭavyāḥ |
3/34:trisaṃśayāḥ tu bhavanti : prāpte aprāpte ubhayatra vā iti |
4/34:hṛkroḥ anyatarasyām : prāpte aprāpte ubhayatra vā iti sandehaḥ |
5/34:katham ca prāpte katham vā aprāpte katham vā ubhayatra |
6/34:gatibuddhipratyavasānārthaśabdakarmākarmakāṇām iti vā nitye prāpte anyatra vā aprāpte ubhayatra vā iti |
7/34:ubhayatra |
8/34:prāpte tāvat : abhyavahārayati saindhavān , abhyavahārayati saindhavaiḥ , vikārayati saindhavān , vikārayati saindhavaiḥ |
9/34:aprāpte : harati bhāram devadattaḥ |
10/34:hārayati bhāram devadattam , hārayati bhāram devadattena |
11/34:karoti kaṭam devadattaḥ |
12/34:kārayati kaṭam devadattam , kārayati kaṭam devadattena |
13/34:na yadi vibhāṣā sākāṅkṣe : prāpte aprāpte ubhayatra vā iti sandehaḥ |
14/34:katham ca prāpte katham vā aprāpte katham vā ubhayatra |yadi iti vā nitye prāpte anyatra vā aprāpte ubhayatra vā iti |
15/34:ubhayatra |
16/34:prāpte tāvat : abhijānāsi devadatta yat kaśmīreṣu vatsyāmaḥ , yat kaśmīreṣu avasāma , yat tatra odanān bhokṣyāmahe , yat tatra odanān abhuñjmahi |
17/34:aprāpte : abhijānāsi devadatta kaśmīrān gamiṣyāmaḥ , kaśmīrān agacchāma , tatra odanām bhokṣyāmahe , tatra odanān abhuñjmahi |
18/34:vibhāṣā śveḥ : prāpte aprāpte ubhayatra vā iti sandehaḥ |
19/34:katham ca prāpte katham vā aprāpte katham vā ubhayatra |kiti iti vā nitye prāpte anyatra vā aprāpte ubhayatra vā iti |
20/34:ubhayatra |
21/34:prāpte tāvat : śuśuvatuḥ , śuśuvuḥ , śiśviyatuḥ , śiśviyuḥ |
22/34:aprāpte : śuśāva śuśavitha śiśvāya śiśvayitha |
23/34:vibhāṣā saṅghuṣāsvanām : sampūrvāt ghuṣeḥ prāpte aprāpte ubhayatra vā iti sandehaḥ |
24/34:katham ca prāpte katham vā aprāpte katham vā ubhayatra |
25/34:ghuṣiḥ aviśabdane iti vā nitye prāpte anyatra vā aprāpte ubhayatra vā iti |
26/34:ubhayatra |
27/34:prāpte tāvat : saṅghuṣṭā rajjuḥ , saṅghuṣitā rajjuḥ |
28/34:aprāpte : saṅghuṣṭam vākyam , saṅghuṣitam vākyam |
29/34:āṅpūrvāt svaneḥ prāpte aprāpte ubhayatra vā iti sandehaḥ |
30/34:katham ca prāpte katham vā aprāpte katham vā ubhayatra |
31/34:manasi iti vā nitye prāpte anyatra vā aprāpte ubhayatra vā iti |
32/34:ubhayatra |
33/34:prāpte tāvat : āsvāntam manaḥ , āsvanitam manaḥ |
34/34:aprāpte : āsvāntaḥ devadattaḥ , āsvanitaḥ devadattaḥ iti |

na iti pratiṣedhaḥ, vā iti vikalpaḥ. tayoḥ pratiṣedhavikalpayoḥ vibhāṣā iti saṃjñā bhavati. itikaraṇo 'rthanirdeśārthaḥ. vibhāṣāpradeśeṣu pratiṣedhavikalpāvupatiṣṭhete. tatra pratiṣedhena samīkṛte viṣaye paścād vikalpaḥ pravartate. ubhayatravibhāṣāḥ prayojayanti. vibhāṣā śveḥ 6-1-30 śuśāva, śiśvāya. śuśuvatuḥ, śiśviyatuḥ. vibhāṣāpradeśāḥ vibhāṣā śveḥ 6-1-30 ityevam ādayaḥ.

na vāiti vibhāṣā 1.1.44 na iti pratiṣedhaḥ, vā iti vikalpaḥ. tayoḥ pratiṣedhavikalpayoḥ vibhāṣā iti saṃjñā bhavati. itikaraṇo 'rthanirdeśārthaḥ. vibhāṣāpradeśeṣu pratiṣedhavikalpāvupatiṣṭhete. tatra pratiṣedhena samīkṛte viṣaye paścād vikalpaḥ pravartate. ubhayatravibhāṣāḥ prayojayanti. vibhāṣā śveḥ 6.1.30 śuśāva, śiśvāya. śuśuvatuḥ, śiśviyatuḥ. vibhāṣāpradeśāḥ vibhāṣā śveḥ 6.1.30 ityevam ādayaḥ.

na veti vibhāṣā. , 1.1.43 naveti śabdo'yameko nipāto'pyasti pratiṣedhavācī, yathā-"navā vaktavyaṃ bhuktārthatvāt" ityādau bhāṣyavākye. tasyeha yadi grahaṇaṃ syāt "vibhāṣā diksamāse bahuvrīhau" 1.1.27 ityuktvā "na bahuvrīhau" 1.1.28 ityatra tu punaḥ prati- ṣedhopādānamanarthakaṃ syāt. tasmānna nipātasamudāyo'yamiti darśayannāha- "neti pratiṣe- dhaḥ" ityādi. nanu cānyatra saṃjñāsaṃjñisambandhaprakriyāyā hi śāstre śabdasyaiva grahaṇaṃ prasiddham, yathā taraptamapau ghaḥ" 1.1.21 "dādhā ghvadāp" 1.1.19 iti, tathehāpi navāśabdayoreva grahaṇaṃ yuktam. tat kathaṃ tadarthayoḥ saṃjñā labhyata ityāha-"itikaraṇaḥ" ityādi. kriyata iti karaṇaḥ, itaścāsau karaṇaścetītikaraṇaḥ, so'rthasya saṃjñino nirdeśo yathā syādityevamarthaḥ. itiśabdo hi viparyāsakṛt. yathā gavityarthamāheti gośabdāt parataḥ prayujyamāna itaśabdastamarthapadārthakatvāt pracyāvya śabdapadārthakatve vyavasthāpayati, tathā "navā" śabdābhyāṃ paraḥ iti śabdaḥ prayujyamānaḥ, tau svarūpapadārthaka- tvātpracyāvyārthapadārthakatve vyavasthāpayati. tasmādarthanirdeśārtha evetiśabdaḥ kṛta iti naveti yāvarthau pratīyete pratiṣedhavikalpau, tayoreveyaṃ saṃjñā bhavati; na navāśabda- yoḥ. "tatra pratiṣedhena" ityādinā pratiṣedhavikalpayoḥ pravṛttikramaṃ vyāpārabedaṃ ca darśayati. "samīkṛte" iti. tulyatāmāpādite. "vikalpaḥ pravatrtate" iti. pakṣe kāryasampādanāya. nanu ca vāśabda eva vikalpārthatvena loke prasiddhaḥ, pradeśeṣvayamupādīyamāno vikalpena kāryaṃ sampādayiṣayati. tathā hi prāpte vā kārye vikalpaḥ kriyatām? yadi prāpte? tatra prāptirastyeveti pratiṣedha eva pakṣe katrtavyaḥ. athāprāpte? tatra prāptipūrvakatvāt pratiṣedhasya tāmantareṇa sa na yujyata iti vidhireva pakṣe katrtavyaḥ, na pratiṣedhaḥ. etaccobhayaṃ vāśabda eva śaktaḥ prayujyamānaḥ sampādayitum. tat kimarthamiyaṃ saṃjñā kriyata ityāha- "ubhayatra vibhāṣāḥ prayojanti" iti. prakṛtatvāt saṃjñāmiti gamyate. "vibhāṣā śveḥ" (6.1.30) ityatra pratiṣedhamukhena vāśabdasya pravṛttiḥ syāt? vidhimukhena vā? tatra yadi pratiṣedhamukhena vā na bhavatītyevaṃ pravṛttiḥ? prāptipūrvakatvāt pratiṣedhasya yatra sa eva tasya viṣaya iti kitsveva vikalpena pratiṣedhāyedaṃ pravatrtate. tatra "vacisvapi" 6.1.15 ityādinā ()āyateḥ samprasāraṇasya vihitatvāt, na pitsu; tatra tasya na kenacidvihitatvāt. ekatvaccā- sya vākyasya kitsu ca pratiṣedhasampādana eva caritārthatvāt nopapadyate punarvidhimukhena pravṛttiḥ. atha vidhimukhena vā bhavatītyevaṃ pravṛttiḥ syāt? yatra prāptirnā- sti sa eva vidhiviṣaya iti pitsveva vikalpena vidhyarthaḥ pravatrtate;tatra caritārtha- tvāt na kitsu. saṃjñāvidhāne tu na doṣaḥ; tasyāṃ hi satyāṃ pratiṣedhaḥ pravatrta- māno yo'sau samprasāraṇanimittānimittabhedādviṣaya āsīt taṃ samīkaroti. sarvasyāḥ samprasāraṇanimittatayā tulyatāmāpādayati.tasmin samīkṛte kiti ca piti ca vikalpaḥ prava- trtamāno vidhimukena sarvatra pākṣikaṃ kāryaṃ sampādayati, samprasāraṇaṃ pakṣe bhavatīti. aprāptistu pakṣe sthitaiveti sarvamiṣṭaṃ sidhyati. tasmādubhayatra prāptāvaprā- ptau vibhāṣārthamiyaṃ saṃjñā vidhīyate. śuśāveti. "ṭuo()iāgativṛddhyoḥ" (dhā.pā.1010), liṭ(), ṇal, saṃprasāraṇe kṛte vṛddhyāvādeśau. "śuśuvatuḥ,śi()iāyatuḥ" iti. "aci śnudhātu" 6.4.77 ityādinā iyaṅuvaṅau॥

na veti vibhāṣā. “medhyaḥ paśuranaḍvānvibhāṣitaḥ” ityādiyājñikaprayoge vibhāṣāśabdaḥ kevalavikalpe dṛṣṭaḥ. iha tu śāstre niṣedho vikalpaśceti dvayaṃ militaṃ vibhāṣāśabdārtha iti bodhayitumidamārabhyate. itiśabdābhāve, svaṃ rūpaṃ śabdasyeti navāśabdayo svarūpaparatvānnavāśabdayorvibhāṣāsaṃjñetyarthaḥ syāt. tataśca “vibhāṣā śve” rityādau navāśabdāvādeśau syātām. itikaraṇe tu nāyaṃ doṣaḥ. itirhi pratyekaṃ saṃbadhyate. tataśca “na” iti śabdena yo'rtho gamyate niṣedhaḥ, “vā” iti śabdena yo'rtho gamyate vikalpastadubhayasya militasya vibhāṣāsaṃjñā syādityarthaḥ phalati. evaṃca navāśabdārthayoreva saṃjñitvaṃ labhyate, na tu navāśabdasvarūpayoriti noktadoṣaḥ. tadāha-niṣedhavikalpayorityādi. ubhayatravibhāṣārthamidaṃ sūtram. tathāhi–(prāptavibhāṣā aprāptavibhāṣā ubhayatravibhāṣeti) trividhā vibhāṣā. prāptavibhāṣā yathā-vibhāṣā jasīti. varṇāśrametare varṇāśrametarā ityatra hi dvandve ceti nityatayā sarvanāmasaṃjñāniṣedhe prāpte vibhāṣeyam. aprāptavibhāṣā yathā–tīyasya ṅitsu vibhāṣeti. dvitīyasmai dvitīyāyetyādau tīyapratyayasya sarvādigaṇe pāṭhā'bhāvādaprāptāyāṃ sarvanāmasaṃjñāyāṃ vibhāṣeyam. ubhayatravibhāṣā yathā–vibhāṣā śveriti. śvayaterliṭi yaṅi ca saṃprasāraṇavibhāṣeyam. tatra liṭi śuśāva, śiśvāya, śuśuvatuḥśiśvayaturityādyudāharaṇam. yaṅi tu śośūyate iti . atra yaṅaṃśe'prāptavibhāṣaiveyam. liṭi tu dvivacanabahuvacaneṣvapitsu “vacisvapiyajādīnāṃ kiti” iti nityatayā samprasāraṇaṃ prāptam, pitsu tvekavacaneṣu samprasāraṇaṃ na prāptameva. “asaṃyogālliṭ kit” iti kittvasya apitsveva pravṛtteḥ. evaṃ ca prāpte'prāpte cārambhāt “vibhāṣā śveḥ” ityubhayatravibhāṣeti stitiḥ. tatra yadi “naveti vibhāṣā” iti sūtraṃ nārabhyeta, tarhi “anaḍvānvibhāṣitaḥ” ityādiyājñikaprayoga iva vibhāṣā śverityatrāpi kevalavikalpaḥ pratīyeta. bhāvo'bhāvaśceti dvayaṃ tāvadvikalpaḥ. tataśca vibhāṣāśrutau pravṛttisdabhāvaśceti dvayamapi vidheyamiti labhyate. tatra yadi “vibhāṣā śveḥ” iti vikalpo vidhimukhaḥ–liṭi śvayateḥ samprasāraṇaṃ bhavati na bhavatī-ti tarhi pitsveva vikalpasya pravṛttiḥ syāt. tatra hi samprasāraṇasya vacisvapīti kiti vihitasya aprāptatvena prathamaṃ bhavanāṃśo vidheyaḥ, tasya pākṣikatvāya na bhavatītyapi vidhayam. kitsu tu pravṛttirna syāt. teṣu hi vacisva piyajādīnāṃ kitīti prāptatvāt prathamaṃ bhavanāṃśo na vidheyaḥ. na bhavatītyaṃśa eva vidheyaḥ. evaṃ ca ubhayāṃśavidheyatvā'lābhāttatra vikalpavidhirayaṃ na pravarteta, tatra nityameva samprasāraṇaṃ syāt. yadi tu vikalpo niṣedhamukhaḥ –liṭi śvayateḥ samprasāraṇaṃ na bhavati bhavati“ iti, tarhi kitsveva pravṛttiḥ syāt. tatra hi vacisvapīti prāptatvānna bhavatīti prathamaṃ vidheyam. abhavanasya pākṣikatvalābhāya bhavatītyapi vidheyam. pitsu tu pravṛttirna syāt. tatra samprasāraṇasyā'prāptatayā na bhavatītyaṃśasya prathamaṃ vidhyanarhatvāt. na ca pitsu vidhimukhaḥ kitsu niṣedhamukha ityubhayathāpi pravṛttiriti vācyam. sakṛcchrutasya vibhāṣāśabdasya kvacidvidhimukhavikalpabodhane kvacinniṣedhamukhavikalpabodhane ca asāmarthyāt. āvṛttyā tadbodhane tu sa eva doṣaḥ. “naveti vibhāṣe”tyārambhe tu śrutakramānurodhena bodhānnetyaṃśena kitsu pūrvaṃ niṣedhaḥ pravartate. tataḥ kidakidrūpe sarvasmin liṭi niḥsamprasāraṇatayā aikarūpyaṃ prāpite sati, bhavati na bhavatītyekarūpeṇa vidhimukha eva vikalpaḥ pravartate. tadevamubhayatravibhāṣārthamidaṃ sūtram.

na veti vibhāṣā 26, 1.1.43 na veti vibhāṣā. "medhyaḥ paśuranaḍvānvibhāṣitaḥ" ityādiyājñikaprayoge vibhāṣāśabdaḥ kevalavikalpe dṛṣṭaḥ. iha tu śāstre niṣedho vikalpaśceti dvayaṃ militaṃ vibhāṣāśabdārtha iti bodhayitumidamārabhyate. itiśabdābhāve, svaṃ rūpaṃ śabdasyeti navāśabdayo svarūpaparatvānnavāśabdayorvibhāṣāsaṃjñetyarthaḥ syāt. tataśca "vibhāṣā ()o" rityādau navāśabdā4vādeśau syātām. itikaraṇe tu nāyaṃ doṣaḥ. itirhi pratyekaṃ saṃbadhyate. tataśca "na" iti śabdena yo'rtho gamyate niṣedhaḥ, "vā" iti śabdena yo'rtho gamyate vikalpastadubhayasya militasya vibhāṣāsaṃjñā syādityarthaḥ phalati. evaṃca navāśabdārthayoreva saṃjñitvaṃ labhyate, na tu navāśabdasvarūpayoriti noktadoṣaḥ. tadāha-niṣedhavikalpayorityādi. ubhayatravibhāṣārthamidaṃ sūtram. tathāhi--(prāptavibhāṣā aprāptavibhāṣā ubhayatravibhāṣeti) trividhā vibhāṣā. prāptavibhāṣā yathā-vibhāṣā jasīti. varṇāśrametare varṇāśrametarā ityatra hi dvandve ceti nityatayā sarvanāmasaṃjñāniṣedhe prāpte vibhāṣeyam. aprāptavibhāṣā yathā--tīyasya ṅitsu vibhāṣeti. dvitīyasmai dvitīyāyetyādau tīyapratyayasya sarvādigaṇe pāṭhā'bhāvādaprāptāyā#ṃ sarvanāmasaṃjñāyāṃ vibhāṣeyam. ubhayatravibhāṣā yathā--vibhāṣā ()oriti. ()āyaterliṭi yaṅi ca saṃprasāraṇavibhāṣeyam. tatra liṭi śuśāva, śi()āāya, śuśuvatuḥśi()āyaturityādyudāharaṇam. yaṅi tu śośūyate iti. atra yaṅaṃśe'prāptavibhāṣaiveyam. liṭi tu dvivacanabahuvacaneṣvapitsu "vacisvapiyajādīnāṃ kiti" iti nityatayā samprasāraṇaṃ prāptam, pitsu tvekavacaneṣu samprasāraṇaṃ na prāptameva. "asaṃyogālliṭ kit" iti kittvasya apitsveva pravṛtteḥ. evaṃ ca prāpte'prāpte cārambhāt "vibhāṣā ()o"rityubhayatravibhāṣeti stitiḥ. tatra yadi "naveti vibhāṣā" iti sūtraṃ nārabhyeta, tarhi "anaḍvānvibhāṣitaḥ" ityādiyājñikaprayoga iva vibhāṣā ()orityatrāpi kevalavikalpaḥ pratīyeta. bhāvo'bhāvaśceti dvayaṃ tāvadvikalpaḥ. tataśca vibhāṣāśrutau pravṛttisdabhāvaśceti dvayamapi vidheyamiti labhyate. tatra yadi "vibhāṣā śveḥ"iti vikalpo vidhimukhaḥ--"liṭi ()āyateḥ samprasāraṇaṃ bhavati na bhavatī-ti tarhi pitsveva vikalpasya pravṛttiḥ syāt. tatra hi samprasāraṇasya vacisvapīti kiti vihitasya aprāptatvena prathamaṃ bhavanāṃśo vidheyaḥ, tasya pākṣikatvāya na bhavatītyapi vidhayam. kitsu tu pravṛttirna syāt. teṣu hi vacisva piyajādīnāṃ kitīti prāptatvāt prathamaṃ bhavanāṃśo na vidheyaḥ. na bhavatītyaṃśa eva vidheyaḥ. evaṃ ca ubhayāṃśavidheyatvā'lābhāttatra vikalpavidhirayaṃ na pravarteta, tatra nityameva samprasāraṇaṃ syāt. yadi tu vikalpo niṣedhamukhaḥ --liṭi ()āyateḥ samprasāraṇaṃ na bhavati bhavatī"ti, tarhi kitsveva pravṛttiḥ syāt. tatra hi vacisvapīti prāptatvānna bhavatīti prathamaṃ vidheyam. abhavanasya pākṣikatvalābhāya bhavatītyapi vidheyam. pitsu tu pravṛttirna syāt. tatra samprasāraṇasyā'prāptatayā na bhavatītyaṃśasya prathamaṃ vidhyanarhatvāt. na ca pitsu vidhimukhaḥ kitsu niṣedhamukha ityubhayathāpi pravṛttiriti vācyam. sakṛccha()tasya vibhāṣāśabdasya kvacidvidhimukhavikalpabodhane kvacinniṣedhamukhavikalpabodhane ca asāmathryāt. āvṛttyā tadbodhane tu sa eva doṣaḥ. "naveti vibhāṣe"tyārambhe tu śrutakramānurodhena bodhānnetyaṃśena kitsu pūrvaṃ niṣedhaḥ pravartate. tataḥ kidakidrūpe sarvasmin liṭi niḥsamprasāraṇatayā aikarūpyaṃ prāpite sati, bhavati na bhavatītyekarūpeṇa vidhimukha eva vikalpaḥ pravartate. tadevamubhayatravibhāṣārthamidaṃ sūtram. prāptavibhāṣāyāṃ tu nāsyopayogaḥ, tatra bhavanāṃśasya prāptatvena vidhyanarhatvāt. aprāptavibhāṣāyāmapi na tasyopayogaḥ, tatra abhavanāṃśasya siddhatvena vidhyanarhatvāt. nacaivamapi "uṇādayo bahulaṃ""hmakoranyatarasyām""chandasyubhayathā" "anupasargādvā" ityādividhiṣu vibhāṣāśabdā'bhāvāt kevalavikalpavidhau vairūpyaṃ durvāramiti vācyam, vibhāṣāśabdasyā'tra sūtre vikalpavācakaśabdopalakṣaṇatvāt. evaṃ ca loke ye vikalpaparyāyāḥ śabdāste sarve'smin śāstre niṣedhavikalpayoḥ pratyāyakā iti sūtrārthaparyavasānaṃ bodhyam. bhāṣye tu vibhāṣādiśabdānāṃ lokavadeva kevalavikalpaparatve'pi lakṣyānurodhenaiva kvacidvidhimukhena kvacinniṣedhamukhena vikalpasya pravṛtyupapatteretatsūtraṃ pratyākhyātamityalaṃ bahunā.

na veti vibhāṣā. `ne'ti pratiṣedho `ve'ti vikalpastadāha-niṣedhavikalpayoriti. `vibhāṣāśveḥ' ityādiṣu pratiṣedhavikalpāvupatiṣṭhete, tatra pratiṣedhena samīkṛte viṣaye paścādvikalpaḥ pravartate. śuśāva śi\ufffdāāyetyatrā'prāptau vikalpaḥ, śuśuvatuḥ śi\ufffdiāyaturityādau tu `vacisvapī'ti nityaprāptāviti vivekaḥ. atredaṃ bodhyam-`iti' śabdaḥ kākākṣinyāyenebhābhyāṃ sambadhyate. sa ca padārthaviparyāsakṛt. tena niṣedho vikalpaśca navāśabdārthaḥ saṃjñī. vibhāṣāśabdārtho vikalpaḥ saṃjñā. ubhayatravibhāṣārthaṃ cedaṃ sūtram. prāptavibhāṣāyāmaprāptavibhāṣāyāṃ ca nāsyopayogaḥ. prāptavibhāṣāyāṃ bhāvāṃ'śasya siddhatvena vibhāṣāśrutyā `pakṣe bhavatī'ti bhāvāṃṣamanūdya `pakṣe na bhavatī'tyabhāvāṃśamanūdya `pakṣe bhavatī'ti bhāvāṃśamātrakaraṇāt. `vibhāṣā śveḥ' ityubhayatravibhāṣāyāṃ tu yadi vidhimukhena pravṛttistarhi pitsveva samprasāraṇavikalpaḥ syāt , kitsu tu yajāditvāt `vacisvapi-' iti nityameva syāt. atha pratiṣedhamukhena pravṛttistarhi kitsveva pravṛttiḥ-syānna tu pitsu. naca pitsu vidhimukhena kitsu tu niṣedhamukhenetyubhayathāpi pravṛttirastviti vācyam, vairūpyalakṣaṇavākyabedaprasaṅgāt. saṃjñākaraṇe tu śrutakramānurodhena `ne'ti pratiṣedhaḥ prathamaṃ kitsu pravatrtate, tataḥ kidakidrūpa sarvasmilliṭi ekarūpaṃ prāpite sati `pakṣe bhavatī'tyakarūpeṇa vidhimukhenaiva pravartate. itīti kim ? ghusaṃjñāvat `svaṃ rūpa'miti vacanācchabdasya saṃjñā mā bhūt. tathāhi sati `vibhāṣā śveḥ' ityasya navāśabdaḥ \ufffdāyaterādeśa ityarthaḥ syāt. itiśabde tu sati arthaḥ saṃjñīti labhyate. tathāhi-loke hrarthapradhānaḥ śabdaḥ. `gaurityayamāhe'tyādau tu śabdasvarūpaparaḥ saṃpadyate. vyākaraṇe tu `svaṃ rūpa'miti paribhāṣāṇātsvarūpaparatvamautsargikam. itiśabdasamabhivyāhāre tvarthaparateti viśeṣaḥ. idamevotiśabdasya padārthaviparyāsakatvaṃ nāma. saṃjñātvamarthasyaiva natu vibhāṣāśabdasyeti vyākhyānasya `hmakroranyatarasyā'-mityādau vairūpyoddhāraḥ phalam. ubhayatravibhāṃṣā hi tatsūtram, abhyavapūrvasya haraterbhakṣaṇārthatvādvikārārthasya karoterakarmakatvācca `gatibuddhī'tyādinā aṇau karturṇau karmatve prāpte arthāntare cā'prāpte tadārambhāt. udāhmataṃ ca bhāṣye-`prāpte tāvat- abhyavahārayati saindhavān, abhyavahārayati saindhavaiḥ. vikārayata#i saindhavān, vikārayati saindhavaiḥ. aprāpte tu-harati bhāraṃ devadattaḥ, hārayati bhāraṃ devadattam, hārayati bhāraṃ devadattena. karoti kaṭaṃ devadattaḥ, kārayati kaṭaṃ devadattam , kārayati kaṭaṃ devadattene'ti dik.

na veti vibhāṣā 23, 1.1.43 na veti vibhāṣā. "ne"ti pratiṣedho "ve"ti vikalpastadāha-niṣedhavikalpayoriti. "vibhāṣāśveḥ" ityādiṣu pratiṣedhavikalpāvupatiṣṭhete, tatra pratiṣedhena samīkṛte viṣaye paścādvikalpaḥ pravartate. śuśāva śi()āāyetyatrā'prāptau vikalpaḥ, śuśuvatuḥ śi()iāyaturityādau tu "vacisvapī"ti nityaprāptāviti vivekaḥ. atredaṃ bodhyam-"iti" śabdaḥ kākākṣinyāyenebhābhyāṃ sambadhyate. sa ca padārthaviparyāsakṛt. tena niṣedho vikalpaśca navāśabdārthaḥ saṃjñī. vibhāṣāśabdārtho vikalpaḥ saṃjñā. ubhayatravibhāṣārthaṃ cedaṃ sūtram. prāptavibhāṣāyāmaprāptavibhāṣāyāṃ ca nāsyopayogaḥ. prāptavibhāṣāyāṃ bhāvāṃ'śasya siddhatvena vibhāṣāśrutyā "pakṣe bhavatī"ti bhāvāṃṣamanūdya "pakṣe na bhavatī"tyabhāvāṃśamanūdya "pakṣe bhavatī"ti bhāvāṃśamātrakaraṇāt. "vibhāṣā śveḥ" ityubhayatravibhāṣāyāṃ tu yadi vidhimukhena pravṛttistarhi pitsveva samprasāraṇavikalpaḥ syāt , kitsu tu yajāditvāt "vacisvapi-" iti nityameva syāt. atha pratiṣedhamukhena pravṛttistarhi kitsveva pravṛttiḥ-syānna tu pitsu. naca pitsu vidhimukhena kitsu tu niṣedhamukhenetyubhayathāpi pravṛttirastviti vācyam, vairūpyalakṣaṇavākyabedaprasaṅgāt. saṃjñākaraṇe tu śrutakramānurodhena "ne"ti pratiṣedhaḥ prathamaṃ kitsu pravatrtate, tataḥ kidakidrūpa sarvasmilliṭi ekarūpaṃ prāpite sati "pakṣe bhavatī"tyakarūpeṇa vidhimukhenaiva pravartate. itīti kim? ghusaṃjñāvat "svaṃ rūpa"miti vacanācchabdasya saṃjñā mā bhūt. tathāhi sati "vibhāṣā śveḥ" ityasya navāśabdaḥ ()āyaterādeśa ityarthaḥ syāt. itiśabde tu sati arthaḥ saṃjñīti labhyate. tathāhi-loke hrarthapradhānaḥ śabdaḥ. "gaurityayamāhe"tyādau tu śabdasvarūpaparaḥ saṃpadyate. vyākaraṇe tu "svaṃ rūpa"miti paribhāṣāṇātsvarūpaparatvamautsargikam. itiśabdasamabhivyāhāre tvarthaparateti viśeṣaḥ. idamevotiśabdasya padārthaviparyāsakatvaṃ nāma. saṃjñātvamarthasyaiva natu vibhāṣāśabdasyeti vyākhyānasya "hmakroranyatarasyā"-mityādau vairūpyoddhāraḥ phalam. ubhayatravibhāṃṣā hi tatsūtram, abhyavapūrvasya haraterbhakṣaṇārthatvādvikārārthasya karoterakarmakatvācca "gatibuddhī"tyādinā aṇau karturṇau karmatve prāpte arthāntare cā'prāpte tadārambhāt. udāhmataṃ ca bhāṣye-"prāpte tāvat-abhyavahārayati saindhavān, abhyavahārayati saindhavaiḥ. vikārayata#i saindhavān, vikārayati saindhavaiḥ. aprāpte tu-harati bhāraṃ devadattaḥ, hārayati bhāraṃ devadattam, hārayati bhāraṃ devadattena. karoti kaṭaṃ devadattaḥ, kārayati kaṭaṃ devadattam , kārayati kaṭaṃ devadattene"ti dik.