1/25:śi sarvanāmasthānam suṭ anapuṃsakasya iti cet jasi śipratiṣedhaḥ |*
2/25:śi sarvanāmasthānam suṭ anapuṃsakasya iti cet jasi śeḥ pratiṣedhaḥ prāpnoti : kuṇḍāni tiṣṭhanti vanāni tiṣṭhanti |
3/25:asamarthasamāsaḥ ca ayam draṣṭavyaḥ anapuṃsakasya iti |
4/25:na hi nañaḥ napuṃsakena sāmarthyam| kena tarhi |
5/25:bhavatinā : na bhavati napuṃsakasya iti |
6/25:yat tāvat ucyate śi sarvanāmasthānam suṭ anapuṃsakasya iti cet jasi śipratiṣedhaḥ iti |
7/25:na apratiṣedhāt |
8/25:na ayam prasajyapratiṣedhaḥ : napuṃsakasya na iti |
9/25:kim tarhi |
10/25:paryudāsaḥ ayam : yat anyat napuṃsakāt iti |
11/25:napuṃsake avyāpāraḥ |
12/25:yadi kena cit prāpnoti tena bhaviṣyati |
13/25:pūrveṇa ca prāpnoti |
14/25:aprāpteḥ vā |
15/25:atha vā anantarā yā prāptiḥ sā pratiṣidhyate |
16/25:kutaḥ etat |
17/25:anantarasya vidhiḥ vā bhavati pratiṣedhaḥ vā iti |
18/25:pūrvā prāptiḥ apratiṣiddhā |
19/25:tayā bhaviṣyati |
20/25:nanu ca iyam prāptiḥ pūrvām prāptim bādhate |
21/25:na utsahate pratiṣiddhā satī bādhitum |
22/25:yat api ucyate |
23/25:asamarthasamāsaḥ ca ayam draṣṭavyaḥ iti yadi api vaktavyaḥ atha vā etarhi bahūni prayojanāni |
24/25:kāni |
25/25:asūryampaśyāni mukhāni , apunargeyāḥ ślokāḥ , aśrāddhabhojī brāhmaṇaḥ iti |

śi ityetat sarvanāmasthānasaṃjñaṃ bhavati. kim idaṃ śi iti? jaśśasoḥ śiḥ 7-1-20 iti śiḥ ādeśaḥ. kuṇḍāni tiṣṭhanti. kuṇḍāni paśya. dadhīni. madhūni. trapūṇi. jatūni. sarvanāmasthānapradeśāḥ sarvanāmasthāne ca asambuddhau 6-4-8 ityevam ādayaḥ.

śi sarvanāmasthānam 1.1.42 śi ityetat sarvanāmasthānasaṃjñaṃ bhavati. kim idaṃ śi iti? jaśśasoḥ ṣiḥ 7.1.20 iti śiḥ ādeśaḥ. kuṇḍāni tiṣṭhanti. kuṇḍāni paśya. dadhīni. madhūni. trapūṇi. jatūni. sarvanāmasthānapradeśāḥ sarvanāmasthāne ca asambuddhau 6.4.8 ityevam ādayaḥ.

śi sarvanāmasthānam. , 1.1.41 "kuṇḍāni" ityādi. "jaśśasoḥ śiḥ" 7.1.20 iti śiḥ, tasya sarvanāmasthāna tve sati "naṃpusakasya" sthānam" iti. pūrvācāryaireveyaṃ prayojanamantareṇāpi mahatī saṃjñā praṇitā. tasyā iha yat samāśrayaṇam tat tatkṛtasya śabdānuśāsanasya doṣavattvasūcanārtham. tat punaḥ svaśāstrasya punaruktatādoṣaparihārārtham. yadi hi taddoṣavadbhavatyevamasya praṇayanaṃ yujyate, nānyathā.

śisarvanāmasthānam. uktasaṃjñāmiti. sarvanāmasthānasaṃjñakamityarthaḥ. anapuṃsakasyeti paryudāsācchītyasya sarvanāmasthānatve'prāpte vacanam.

śi sarvanāmasthānam 311, 1.1.41 śisarvanāmasthānam. uktasaṃjñāmiti. sarvanāmasthānasaṃjñakamityarthaḥ. anapuṃsakasyeti paryudāsācchītyasya sarvanāmasthānatve'prāpte vacanam.

śi sarvanāmasthānam 273, 1.1.41 śi sarvanāmasthānam. mahāsaṃjñākaraṇaṃ pūrvācāryānurodhena.