Pāṇini 1.1.3

PrevNext

Grammatical Sūtra: इको गुणवृद्धी iko guṇavṛddhī Chantings of the aṣṭādhyāyī kindly with permision Sai Susarla.
Individual Word Components: ikaḥ guṇavṛddhī
Sūtra with anuvṛtti words: ikaḥ guṇavṛddhī vṛddhiḥ (1.1.1), guṇaḥ (1.1.2)
Compounds²: guṇaśca vṛddhiśca guṇavṛddhī, itaretaradvandvasamāsaḥ
Type of Rule: paribhāṣā

Description:

In the absence of any special rule, whenever gu{n}a or v{r}iddhi is enjoined about any expression by using the terms gu{n}a or v{r}iddhi, it is to be understood to come in the room of the ik vowels only (i, u, {r}i; and {l}i long and short,) of that expression. Source: Aṣṭādhyāyī 2.0

When the t.t. guṇá (2) and vŕd-dhi (1) are introduced as replacements (and the substituendum is not specified), they replace only the vowels denoted by the siglum iK (= i, u, r̥ and l̥). Source: From Aṣṭādhyāyī of Pāṇini In Roman Transliteration translated by Sumitra M. Katre, Copyright © 1987. Courtesy of the University of Texas Press.

A substitute specified with express use of the terms guṇa and vṛddhi must come in place of vowels denoted by the abbreviatory term iK Source: Courtesy of Dr. Rama Nath Sharma ©

Vṛddhiḥ syāt, guṇaḥ syāt, iti guṇa-vṛddhi-śabdābhyāṃ yatra guṇa-vṛddhī vidhīyate, tatra ikaḥ iti ṣaṣṭyantaṃ padam upasthitaṃ draṣṭavyam = tatra ikaḥ sthāne bhavataḥ ityarthaḥ। Source: Sanskrit Documents

Source:Srisa Chandra Vasu's Aṣṭādhyāyī of Pāṇini

1/80:iggrahaṇam kimartham |
2/80:iggrahaṇam ātsandhyakṣaravyañjananivṛttyartham | iggrahaṇam kriyate ākāranivṛttyartham sandhyakṣaranivṛttyartham vyañjananivṛttyartham ca| ākāranivṛttyartham tāvat |*
3/80:yātā vātā |
4/80:ākārasya guṇaḥ prāpnoti |
5/80:iggrahaṇāt na bhavati |
6/80:sandhyakṣaranivṛttyartham |
7/80:glāyati mlāyati |
8/80:sandhyakṣarasya guṇaḥ prāpnoti |
9/80:iggrahaṇāt na bhavati |
10/80:vyañjananivṛttyartham |
11/80:umbhitā , umbhitum umbhitavyam |
12/80:vyañjanasya guṇaḥ prāpnoti |
13/80:iggrahaṇāt na bhavati |
14/80:ākāranivṛttyarthena tāvat nārthaḥ |
15/80:ācāryapravṛttiḥ jñāpayati na ākārasya guṇaḥ bhavati iti yat ayam ātaḥ anupasarge kaḥ iti kakāram anubandham karoti |
16/80:katham kṛtvā jñāpakam |
17/80:kitkaraṇe etat prayojanam kiti iti ākāralopaḥ yathā syāt |
18/80:yadi ca ākārasya guṇaḥ syāt kitkaraṇam anarthakam syāt |
19/80:guṇe kṛte dvayoḥ akārayoḥ pararūpeṇa siddham rūpam syāt godaḥ , kambaladaḥ iti |
20/80:paśyati tu ācāryaḥ na ākārasya guṇaḥ bhavati iti |
21/80:tataḥ kakāram anubandham karoti |
22/80:sandhyakṣarārthena api na arthaḥ |
23/80:upadeśasāmarthyāt sandhyakṣarasya guṇaḥ na bhaviṣyati |
24/80:vyañjananivṛttyarthena api na arthaḥ |
25/80:ācāryapravṛttiḥ jñāpayati na vyañjanasya guṇaḥ bhavati iti yat ayam janeḥ ḍam śāsti |
26/80:katham kṛtvā jñāpakam |
27/80:ḍitkaraṇe etat prayojanam ḍiti iti ṭilopaḥ yathā syāt |
28/80:yadi vyañjansya guṇaḥ syāt ḍitkaraṇam anarthakam syāt |
29/80:guṇe kṛte trayāṇām akārāṇām pararūpeṇa siddham rūpam syāt : upasarajaḥ , mandurajaḥ iti |
30/80:paśyati tu ācāryaḥ na vyañjanasya guṇaḥ bhavati iti |
31/80:tataḥ janeḥ ḍam śāsti| na etāni santi prayojanāni |
32/80:yat tāvat ucyate kitkaraṇam jñāpakam ākārasya guṇaḥ na bhavati iti |
33/80:uttarārtham etat syāt |
34/80:tundaśokayoḥ parimṛjāpanudoḥ iti |
35/80:yat tarhi gāpoḥ ṭhak iti ananyārtham kakāram anubandham karoti |
36/80:yat api ucyate upadeśasāmarthyāt sandhyakṣarasya guṇaḥ na bhavati iti |
37/80:yadi yat yat sandhyakṣarasya prāpnoti tat tat upadeśasāmarthyāt bādhyate āyādayaḥ api tarhi na prāpnuvanti |
38/80:na eṣaḥ doṣaḥ |
39/80:yam vidhim prati upadeśaḥ anarthakaḥ sa vidhiḥ bādhyate |
40/80:yasya tu vidheḥ nimittam eva na asau bādhyate |
41/80:guṇam ca prati upadeśaḥ anarthakaḥ āyādīnām punaḥ nimittam eva |
42/80:yat api ucyate janeḥ ḍavacanam jñāpakam na vyañjanasya guṇaḥ bhavati iti |
43/80:siddhe vidhiḥ ārabhyamāṇaḥ jñāpakārthaḥ bhavati |
44/80:na ca janeḥ guṇena sidhyati |
45/80:kutaḥ hi etat janeḥ guṇaḥ ucyamānaḥ akāraḥ bhavati na punaḥ ekāraḥ vā syāt okāraḥ vā iti |
46/80:āntaryataḥ ardhamātrikasya vyañjanasya mātrikaḥ akāraḥ bhaviṣyati |
47/80:evam api anunāsikaḥ prāpnoti |
48/80:pararūpeṇa śuddhaḥ bhaviṣyati |
49/80:evam tarhi gameḥ api ayam ḍaḥ vaktavyaḥ |
50/80:gameḥ ca guṇaḥ ucyamānaḥ āntaryataḥ okāraḥ prāpnoti |
51/80:tasmāt iggrahaṇam kartavyam |
52/80:yadi iggrahaṇam kriyate dyauḥ , panthāḥ , saḥ , imam ite ete api ikaḥ prāpnuvanti |
53/80:sañjñayā vidhāne niyamaḥ |*
54/80:sañjñayā ye vidhīyante teṣu niyamaḥ |
55/80:kim vaktavyam etat |
56/80:na hi |
57/80:katham anucyamānam gaṃsyate |
58/80:guṇavṛddhigrahaṇasāmarthyāt |
59/80:katham punaḥ antareṇa guṇavṛddhigrahaṇam ikaḥ guṇavṛddhī syātām |
60/80:prakṛtam guṇavṛddhigrahaṇam anuvartate |
61/80:kva prakṛtam |
62/80:vṛddhiḥ āt aic at eṅ guṇaḥ iti |
63/80:yadi tat anuvartate at eṅ guṇaḥ vṛddhiḥ ca iti adeṅām api vṛddhisañjñā prāpnoti |
64/80:sambandham anuvartiṣyate |
65/80:vṛddhiḥ āt aic |
66/80:at eṅ guṇaḥ vṛddhiḥ āt aic |
67/80:tataḥ ikaḥ guṇavṛddhī iti |
68/80:guṇavṛddhigrahaṇam anuvartate ādaijgrahaṇam nivṛttam |
69/80:atha vā maṇḍūkagatayaḥ adhikārāḥ |
70/80:yathā maṇḍūkāḥ utplutya utplutya gacchanti tadvat adhikārāḥ |
71/80:atha vā ekayogaḥ kariṣyate vṛddhiḥ āt aic at eṅ guṇaḥ iti |
72/80:tataḥ iko guṇavṛddhī iti |
73/80:na ca ekayoge anuvṛttiḥ bhavati |
74/80:atha vā anyavacanāt cakārākaraṇāt prakṛtāpavādaḥ vijñāyate yathā utsargeṇa prasaktasya apavādaḥ bādhakaḥ bhavati |
75/80:anyasyāḥ sañjñāyāḥ vacanāt cakārasya anukarṣaṇārthasya akaraṇāt prakṛtāyāḥ vṛddhisañjñāyāḥ guṇasañjña bādhikā bhaviṣyati yathā utsargeṇa prasaktasya apavādaḥ bādhakaḥ bhavati |
76/80:atha vā vakṣyati etat |
77/80:anuvartante ca nāma vidhayaḥ na ca anuvartanāt eva bhavanti |
78/80:kim tarhi yatnāt bhavanti |
79/80:atha vā ubhayam nivṛttam |
80/80:tat apekṣiṣyāmahe |

1/123:kim punaḥ ayam alontyaśeṣaḥ āhosvit alontyāpavādaḥ |
2/123:katham ca ayam taccheṣaḥ syāt katham vā tadapavādaḥ |
3/123:yadi ekam vākyam tat ca idam ca alaḥ : antyasya vidhayaḥ bhavanti ikaḥ guṇavṛddhī* alaḥ antyasya iti tataḥ ayam taccheṣaḥ |
4/123:atha nānā vākyam : alaḥ antyasya vidhayaḥ bhavanti , ikaḥ guṇavṛddhī* antyasya ca anantyasya ca iti tataḥ ayam tadapavādaḥ |
5/123:kaḥ ca atra viśeṣaḥ |
6/123:vṛddhiguṇau alaḥ antyasya iti cet midipugantalaghūpadharcchidṛśikṣiprakṣudreṣu iggrahaṇam |*
7/123:vṛddhiguṇau alaḥ antyasya iti cet midipugantalaghūpadharcchidṛśikṣiprakṣudreṣu iggrahaṇam kartavyam |
8/123:mideḥ guṇaḥ ikaḥ iti vaktavyam |
9/123:anantyatvāt hi na prāpnoti |
10/123:pugantalaghūpadhasya guṇaḥ ikaḥ iti vaktavyam |
11/123:anantyatvāt hi na prāpnoti |
12/123:ṛccheḥ liṭi guṇaḥ ikaḥ iti vaktavyam |
13/123:anantyatvāt hi na prāpnoti |
14/123:ṛdṛsaḥ aṅi guṇaḥ ikaḥ iti vaktavyam |
15/123:anantyatvāt hi na prāpnoti |
16/123:kṣiprakṣudrayoḥ guṇaḥ ikaḥ iti vaktavyam |
17/123:anantyatvāt hi na prāpnoti |
18/123:sarvādeśaprasaṅgaḥ ca anigantasya |*
19/123:sarvādeśaḥ ca guṇaḥ ca anigantasya prāpnoti : yātā vātā |
20/123:kim kāraṇam |
21/123:alaḥ antyasya iti ṣaṣṭhī ca eva hi antyam ikam upasaṅkrāntā , aṅgasya iti ca sthānaṣaṣṭhī |
22/123:tat yat idānīm anigantam aṅgam tasya guṇaḥ sarvādeśaḥ prāpnoti |
23/123:na eṣaḥ doṣaḥ |
24/123:yathā eva hi alaḥ antyasya iti ṣaṣṭhī antyam ikam upasaṅkrāntā evam aṅgasya iti api sthānaṣaṣṭhī |
25/123:tat yad idānīm anigantam aṅgam , tatra ṣaṣṭhī eva na asti kutaḥ guṇaḥ kutaḥ sarvādeśaḥ |
26/123:evam tarhi na ayam doṣasamuccayaḥ |
27/123:kim tarhi |
28/123:pūrvāpekṣaḥ ayam doṣaḥ , hyarthe ca ayam caḥ paṭhitaḥ |
29/123:midipugantalaghūpadharcchidṛśikṣiprakṣudreṣu iggrahaṇam sarvādeśaprasaṅgaḥ hi anigantasya iti |
30/123:mideḥ guṇaḥ ikaḥ iti vacanāt antyasya na |
31/123:antyasya iti vacanāt ikaḥ na |
32/123:ucyate tu guṇaḥ |
33/123:saḥ sarvādeśaḥ prāpnoti |
34/123:evam sarvatra |
35/123:astu tarhi tadapavādaḥ |
36/123:igmātrasya iti cet jusisārvadhātukārdhadhātukahrasvādyoḥ guṇeṣu anantyapratiṣedhaḥ |*
37/123:igmātrasya iti cet jusisārvadhātukārdhadhātukahrasvādyoḥ guṇeṣu anantyapratiṣedhaḥ vaktavyaḥ |
38/123:jusi guṇaḥ |
39/123:saḥ yathā iha bhavati : ajuhavuḥ , abibhayuḥ , evam anenijuḥ , paryaviviṣuḥ , atra api prāpnoti |
40/123:sārvadhātukārdhadhātukayoḥ guṇaḥ |
41/123:saḥ yathā iha bhavati : kartā hartā nayati tarati bhavati , evam īhitā , īhitum iti atra api prāpnoti |
42/123:hrasvasya guṇaḥ |
43/123:saḥ yathā iha bhavati : he agne he vāyo , evam he agnicit , he somasut iti atra api prāpnoti |
44/123:jasi guṇaḥ |
45/123:saḥ yathā iha bhavati agnayaḥ , vāyavaḥ iti evam agnicitaḥ , somasutaḥ iti atra api prāpnoti |
46/123:ṛto ṅisarvanāmasthānayoḥ guṇaḥ |
47/123:saḥ yathā iha bhavati kartari kartārau kartāraḥ iti evam sukṛti sukṛtau sukṛtaḥ iti atra api prāpnoti |gheḥ ṅiti guṇaḥ |
48/123:saḥ yathā iha bhavati agnaye vāyave evam agnicite somasute iti atra api prāpnoti |
49/123:oḥ guṇaḥ |
50/123:saḥ yathā iha bhavati bābhravyaḥ , māṇḍavyaḥ iti evam suśrut , sauśrutaḥ iti atra api prāpnoti |
51/123:na eṣaḥ doṣaḥ |
52/123:pugantalaghūpadhagrahaṇam anantyaniyamārtham |*
53/123:pugantalaghūpadhagrahaṇam anantyaniyamārtham bhaviṣyati |
54/123:pugantalaghūpadhasya eva anantyasya na anyasya anantyasya iti |
55/123:prakṛtasya eṣaḥ niyamaḥ syāt |
56/123:kim ca prakṛtam |
57/123:sārvadhātukārdhadhātukayoḥ iti |
58/123:tena bhavet iha niyamāt na syāt īhitā , īhitum , īhitavyam iti |
59/123:hrasvādyoḥ guṇaḥ tu aniyataḥ |
60/123:saḥ anantyasya api prāpnoti |
61/123:atha api evam niyamaḥ syāt |
62/123:pugantalaghūpadhasya sārvadhātukārdhadhātukayoḥ eva iti |
63/123:evam api sārvadhātukārdhadhātukayoḥ guṇaḥ aniyataḥ |
64/123:saḥ anantyasya api prāpnoti : īhitā , īhitum īhitavyam iti |
65/123:atha api ubhayataḥ niyamaḥ syāt : pugantalaghūpadhasya eva sārvadhātukārdhadhātukayoḥ , sārvadhātukārdhadhātukayoḥ eva pugantalaghūpadhasya iti , evam api ayam jusi guṇaḥ aniyataḥ |
66/123:saḥ anantyasya api prāpnoti : anenijuḥ , paryaviviṣuḥ iti |
67/123:evam tarhi na ayam taccheṣaḥ na api tadapavādaḥ |
68/123:anyat eva idam paribhāṣāntaram asambaddham anayā paribhāṣayā |
69/123:paribhāṣāntaram iti ca matvā kroṣṭrīyāḥ paṭhanti : niyamāt ikaḥ guṇavṛddhī bhavataḥ vipratiṣedhena iti |
70/123:yadi ca ayam taccheṣaḥ syāt tena eva tasya ayuktaḥ vipratiṣedhaḥ |
71/123:atha api tadapavādaḥ utsargāpavādayoḥ api ayuktaḥ vipratiṣedhaḥ |
72/123:tatra niyamasya avakāśaḥ : rājñaḥ ka ca , rājakīyam |
73/123:ikaḥ guṇavṛddhī* iti asya avakāśaḥ : cayanam , cāyakaḥ , lavanam , lāvakaḥ iti |
74/123:iha ubhayam prāpnoti : medyati mārṣṭi iti |
75/123:ikaḥ guṇavṛddhī* iti etat bhavati vipratiṣedhena |
76/123:na eṣaḥ yuktaḥ vipratiṣedhaḥ |
77/123:vipratiṣedhe hi param iti ucyate , pūrvaḥ ca ayam yogaḥ paraḥ niyamaḥ |
78/123:iṣṭavācī paraśabdaḥ |
79/123:vipratiṣedhe param yat iṣṭam tat bhavati |
80/123:evam api ayuktaḥ vipratiṣedhaḥ |
81/123:dvikāryayogaḥ hi vipratiṣedhaḥ |
82/123:na ca atra ekaḥ dvikāryayuktaḥ |
83/123:na avaśyam dvikāryayogaḥ eva vipratiṣedhaḥ |
84/123:kim tarhi| asambhavaḥ api |
85/123:saḥ ca asti atra asambhavaḥ |
86/123:kaḥ asau asmbhavaḥ |
87/123:iha tāvat : vṛkṣebhyaḥ , plakṣebhyaḥ iti ekaḥ sthānī dvau ādeśau |
88/123:na ca asti sambhavaḥ yat ekasya sthāninaḥ dvau ādeśau syātām |
89/123:iha idānīm medyati medyataḥ medyanti iti dvau sthāninau ekaḥ ādeśaḥ |
90/123:na ca asti sambhavaḥ yat dvayoḥ sthāninoḥ ekaḥ ādeśaḥ syāt iti eṣaḥ asambhavaḥ |
91/123:satyam etasmin asambhave yuktaḥ vipratiṣedhaḥ |
92/123:evam api ayuktaḥ vipratiṣedhaḥ |
93/123:dvayoḥ hi sāvakāśayoḥ samavasthitayoḥ vipratiṣedhaḥ bhavati |
94/123:anavakāśaḥ ca ayam yogaḥ |
95/123:nanu ca idānīm eva asya avakāśaḥ prakḷptaḥ : cayanam , cāyakaḥ , lavanam , lāvakaḥ iti |
96/123:atra api niyamaḥ prāpnoti |
97/123:yāvatā na aprāpte niyame ayam yogaḥ ārabhyate ataḥ tadapavādaḥ ayam yogaḥ bhavati |
98/123:utsargāpavādayoḥ ca ayuktaḥ vipratiṣedhaḥ |
99/123:atha api katham cit ikaḥ guṇavṛddhī* iti asya avakāśaḥ syāt , evam api yathā iha vipratiṣedhāt ikaḥ guṇaḥ bhavati : medyati medyataḥ medyanti , evam iha api syāt : anenijuḥ , paryaveviṣuḥ iti |
100/123:evam tarhi vṛddhiḥ bhavati guṇaḥ bhavati iti yatra brūyāt ikaḥ iti etat tatra upasthitam draṣṭavyam |
101/123:kim kṛtam bhavati |
102/123:dvitīyā ṣaṣṭhī prāduḥ bhāvyate |
103/123:tatra kāmacāraḥ : gṛhyamāṇena vā ikam viśeṣayitum ikā vā gṛhyamāṇam |
104/123:yāvatā kāmacāraḥ iha tāvat : midipugantalaghūpadharcchidṛśikṣiprakṣudreṣu gṛhyamāṇena ikam viśeṣayiṣyāmaḥ : eteṣām yaḥ ik iti |
105/123:iha idānīm : jusisārvadhātukārdhadhātukahrasvādyoḥ guṇeṣu ikā gṛhyamāṇam viśeṣayiṣyāmaḥ : eteṣām guṇaḥ bhavati ikaḥ |
106/123:igantānām iti |
107/123:atha vā sarvatra eva sthānī nirdiśyate |
108/123:iha tāvat : mideḥ iti , avibhaktikaḥ nirdeśaḥ : mida , eḥ , mideḥ , mideḥ iti |
109/123:atha vā ṣaṣṭhīsamāsaḥ bhaviṣyati midaḥ iḥ , midiḥ , mideḥ iti |
110/123:pugantalaghūpadhasya iti na evam vijñāyate : pugantasya aṅgasya laghūpadhasya ca iti |
111/123:katham tarhi |
112/123:puki antaḥ pugantaḥ , laghvī upadhā laghūpadhā , pugantaḥ ca laghūpadhā ca pugantalaghūpadham pugantalaghūpadhasya iti |
113/123:avaśyam ca etat evam vijñeyam |
114/123:aṅgaviśeṣaṇe hi sati iha prasajyeta : bhinatti chinatti iti |
115/123:ṛccheḥ api praśliṣṭanirdeśaḥ ayam |
116/123:ṛcchati , ṛ , ṛ , ṝtām ṛcchatyṝtām iti |
117/123:dṛśeḥ api yogavibhāgaḥ kariṣyate |
118/123:uḥ aṅi guṇaḥ |
119/123:uḥ aṅi guṇaḥ bhavati |
120/123:tataḥ dṛśeḥ |
121/123:dṛśeḥ ca aṅi guṇaḥ bhavati |
122/123:uḥ iti eva| kṣiprakṣudrayoḥ api yaṇādiparam guṇa iti iyatā siddham |
123/123:saḥ ayam evam siddhe sati yat pūrvagrahaṇam karoti tasya etat prayojanam ikaḥ yathā syāt anikaḥ mā bhūt iti |

1/118:atha vṛddhigrahaṇam kimartham |
2/118:kim viśeṣeṇa vṛddhigrahaṇam codyate na punaḥ guṇagrahaṇam api |
3/118:yadi kim cit guṇagrahaṇasya prayojanam asti vṛddhigrahaṇasya api tat bhavitum arhati |
4/118:kaḥ vā viśeṣaḥ |
5/118:ayam asti viśeṣaḥ |
6/118:guṇavidhau na kva cit sthānī nirdiśyate |
7/118:tatra avaśyam sthāninirdeśārtham guṇagrahaṇam kartavyam |
8/118:vṛddhividhau punaḥ sarvatra eva sthānī nirdiśyate |
9/118:acaḥ ñṇiti ataḥ upadhāyāḥ taddhiteṣu acām ādeḥ iti |
10/118:ataḥ uttaram paṭhati |
11/118:vṛddhigrahaṇam uttarārtham |*
12/118:vṛddhigrahaṇam kriyate uttarārtham |
13/118:kṅiti iti pratiṣedham vakṣyati |
14/118:saḥ vṛddheḥ api yathā syāt |
15/118:kaḥ ca idānīm kṅitpratyayeṣu vṛddheḥ prasaṅgaḥ yāvatā ñṇiti iti ucyate |
16/118:tat ca mṛjyartham |
17/118:mṛjeḥ vṛddhiḥ aviśeṣeṇa ucyate |
18/118:sā kṅiti mā bhūt : mṛṣṭaḥ , mṛṣṭavān iti |
19/118:ihārtham ca api mṛjyartham vṛddhigrahaṇam kartavyam |
20/118:mṛjeḥ vṛddhiḥ aviśeṣeṇa ucyate |
21/118:sā ikaḥ yathā syāt |
22/118:anikāḥ mā bhūt iti |
23/118:mṛjyartham iti cet yogavibhāgāt siddham |*
24/118:mṛjyartham iti cet yogavibhāgaḥ kariṣyate |
25/118:mṛjeḥ vṛddhiḥ |
26/118:tataḥ ñṇiti |
27/118:ñiti ṇiti ca vṛddhiḥ bhavati |
28/118:acaḥ iti eva |
29/118:yadi acaḥ vṛddhiḥ ucyate nyamārṭ : aṭaḥ api vṛddhiḥ prāpnoti |
30/118:aṭi ca uktam |*
31/118:kim uktam| anantyavikāre antyasadeśasya kāryam bhavati iti |
32/118:vṛddhipratiṣedhānupapattiḥ tu ikprakaraṇāt |*
33/118:vṛddheḥ tu pratiṣedhaḥ na upapadyate |
34/118:kim kāraṇam |
35/118:ikprakaraṇāt |
36/118:iglakṣaṇayoḥ guṇavṛddhyoḥ pratiṣedhaḥ na ca evam sati mṛjeḥ iglakṣaṇā vṛddhiḥ bhavati |
37/118:tasmāt mṛjeḥ iglakṣaṇā vṛddhiḥ eṣitavyā |
38/118:evam tarhi iha anye vaiyākaraṇāḥ mṛjeḥ ajādau saṅkrame vibhāṣā vṛddhim ārabhante : parimṛjanti parimārjanti parimṛjantu parimārjantu parimamṛjatuḥ , parimamārjatuḥ ityādyartham |
39/118:tat iha api sādhyam |
40/118:tasmin sādhye yogavibhāgaḥ kariṣyate |
41/118:mṛjeḥ vṛddhiḥ acaḥ bhavati |
42/118:tataḥ aci kṅiti |
43/118:ajādau ca kṅiti mṛjeḥ vṛddhiḥ bhavati : parimārjanti parimārjantu |
44/118:kimartham idam |
45/118:niyamārtham : ajādau eva kṅiti na anyatra |
46/118:kva anyatra mā bhūt |
47/118:mṛṣṭaḥ , mṛṣṭavān iti |
48/118:tataḥ vā |
49/118:vā aci kṅiti mṛjeḥ vṛddhiḥ bhavati |
50/118:parimṛjanti , parimārjanti , parimamṛjatuḥ , parimamārjatuḥ iti |
51/118:ihārtham eva sijartham vṛddhigrahaṇam kartavyam |
52/118:sici vṛddhiḥ aviśeṣeṇa ucyate |
53/118:sā ikaḥ yathā syāt , anikaḥ mā bhūt iti |
54/118:kasya punaḥ anikaḥ prāpnoti |
55/118:akārasya : acikīrṣīt , ajihīrṣīt |
56/118:na etat asti |
57/118:lopaḥ atra bādhakaḥ bhaviṣyati |
58/118:ākārasya tarhi prāpnoti : ayāsīt , avāsīt |
59/118:na asti atra viśeṣaḥ satyām vṛddhau asatyām vā |
60/118:sandhyakṣarasya tarhi prāpnoti |
61/118:na eva sandhyakṣaram antyam asti |
62/118:nanu ca idam asti ḍhalope kṛte udavoḍhām udavoḍham udavoḍha iti |
63/118:na etat asti |
64/118:asiddhaḥ ḍhalopaḥ |
65/118:tasya asiddhatvāt na etat antyam bhavati |
66/118:vyañjanasya tarhi prāpnoti : abhaitsīt , acchaitsīt |
67/118:halantalakṣaṇā vṛddhiḥ bādhikā bhaviṣyati |
68/118:yatra tarhi sā pratiṣidhyate : akoṣīt , amoṣīt |
69/118:sici vṛddheḥ api eṣaḥ pratiṣedhaḥ |
70/118:katham |
71/118:lakṣaṇam hi nāma dhvanati bhramati muhūrtam api na avatiṣṭhate |
72/118:atha vā sici vṛddhiḥ parasmaipadeṣu iti sici vṛddhiḥ prāpnoti |
73/118:tasyāḥ halantalakṣaṇā vṛddhiḥ bādhikā |
74/118:tasyāḥ api na iṭi iti pratiṣedhaḥ |
75/118:asti punaḥ kva cid anyatra api apavāde pratiṣiddhe utsargaḥ api na bhavati |
76/118:asti iti āha |
77/118:sujāte* aśvasūnṛte , adhvaryo* adribhiḥ sutam , śukram te* anyat iti |
78/118:pūrvarūpatve pratiṣiddhe ayādayaḥ api na bhavanti |
79/118:uttarārtham eva tarhi sijartham vṛddhigrahaṇam kartavyam |
80/118:sici vṛddhiḥ aviśeṣeṇa ucyate |
81/118:sā kṅiti mā bhūt nyanuvīt , nyadhuvīt |
82/118:na etat asti prayojanam |
83/118:antaraṅgatvāt atra uvaṅādeśe kṛte anantyatvāt vṛddhiḥ na bhaviṣyati |
84/118:yadi tarhi sici antaraṅgam bhavati , akārṣīt , ahārṣīt : guṇe kṛte raparatve ca anantyatvāt vṛddhiḥ na prāpnoti |
85/118:mā bhūt evam |
86/118:halantasya iti evam bhaviṣyati |
87/118:iha tarhi : nyastārīt , vyadārīt : guṇe raparatve ca anantyatvāt vṛddhiḥ na prāpnoti |
88/118:halantalakṣaṇāyāḥ ca na iṭi iti pratiṣedhaḥ |
89/118:mā bhūt evam |
90/118:rlāntasya iti evam bhaviṣyati |
91/118:iha tarhi : alāvīt apāvīt : guṇe kṛte avādeśe ca anantyatvāt vṛddhiḥ na prāpnoti |
92/118:halantalakṣaṇāyāḥ ca na iṭi iti pratiṣedhaḥ |
93/118:mā bhūt evam |
94/118:rlāntasya iti evam bhaviṣyati |
95/118:rlāntasya iti ucyate na ca idam rlāntam |
96/118:rlāntasya iti atra vakāraḥ api nirdiśyate |
97/118:kim vakāraḥ na śrūyate |
98/118:luptanirdiṣtaḥ vakāraḥ |
99/118:yadi evam mā bhavān mavīt : atra api prāpnoti |
100/118:avimavyoḥ iti vakṣyāmi |
101/118:tat vaktavyam |
102/118:ṇiśvibhyām tau nimātavyau |*
103/118:yadi api etat ucyate atha vā etarhi ṇiśvyoḥ pratiṣedhaḥ na vaktavyaḥ bhavati |
104/118:guṇe kṛte ayādeśe ca yāntānam na iti pratiṣedhaḥ bhaviṣyati |
105/118:evam tarhi ācāryapravṛttiḥ jñāpayati na sici antaraṅgam bhavati iti yat ayam ataḥ halādeḥ laghoḥ iti akāragrahaṇam karoti |
106/118:katham kṛtvā jñāpakam |
107/118:akāragrahaṇasya etat prayojanam iha mā bhūt : akoṣīt , amoṣīt |
108/118:yadi sici antaraṅgam syāt akāragrahaṇam anarthakam syāt |
109/118:guṇe kṛte alaghutvāt vṛddhiḥ na bhaviṣyati |
110/118:paśyati tu ācāryaḥ na sici antaraṅgam bhavati iti |
111/118:tataḥ akāragrahaṇam karoti |
112/118:na etat asti jñāpakam |
113/118:asti anyat etasya vacane prayojanam |
114/118:kim |
115/118:yatra guṇaḥ pratiṣidhyate tadartham etat syāt : nyakuṭīt , nyapuṭīt iti |
116/118:yat tarhi ṇiśvyoḥ pratiṣedham śāsti tena na iha antaraṅgam asti iti darśayati |
117/118:yat ca karoti akāragrahaṇam laghoḥ iti kṛte api |
118/118:tasmāt iglakṣaṇā vṛddhiḥ | tasmāt iglakṣaṇā vṛddhiḥ āstheyā |*

1/26:ṣaṣṭhyāḥ sthāneyogatvāt ignivṛttiḥ | ṣaṣṭhyāḥ sthāneyogatvāt sarveṣām ikām nivṛttiḥ prāpnoti |*
2/26:asya api prāpnoti : dadhi madhu |
3/26:punarvacanam idānīm kimartham syāt |
4/26:anyatarārtham punarvacanam |*
5/26:anyatarārtham etat syāt |
6/26:sārvadhādukārdhadhātukayoḥ guṇaḥ eva iti |
7/26:prasāraṇe ca |*
8/26:prasāraṇe ca sarveṣam yaṇām nivṛttiḥ prāpnoti |
9/26:asya api prāpnoti : yātā vātā |
10/26:punarvacanam idānīm kimartham syāt |
11/26:viṣayārtham punarvacanam | viṣayārtham etat syāt |*
12/26:vacisvapiyajādīnām kiti eva iti |
13/26:uḥ aṇ rapare ca |*
14/26:uḥ aṇ rapare ca sarvarkārāṇām nivṛttiḥ prāpnoti |
15/26:asya api prāpnoti kartṛ hartṛ |
16/26:siddham tu ṣaṣṭhyadhikāre vacanāt |*
17/26:siddham etat |
18/26:katham |
19/26:ṣaṣṭhyadhikāre ime yogāḥ kartavyāḥ |
20/26:ekaḥ tāvat kriyate tatra eva |
21/26:imau api yogau ṣaṣṭhadhikāram anuvartiṣyete |
22/26:atha vā ṣaṣṭhadhikāre imau yogau apekṣiṣyāmahe |
23/26:atha vā idam tāvad ayam praṣṭavyaḥ |
24/26:sārvadhātukārdhadhātukayoḥ guṇaḥ bhavati iti iha kasmāt na bhavati : yātā vātā |
25/26:idam tatra apekṣiṣyate ikaḥ guṇavṛddhī* iti |
26/26:yathā eva tarhi idam tatra apekṣiṣyate evam iha api tad apekṣiṣyāmahe sārvadhātukārdhadhātukayoḥ ikaḥ guṇavṛddhī* iti|

Kielhorn/Abhyankar (I,41.17-42.24) Rohatak (I,136-140)

*Kātyāyana's Vārttikas

Commentaries:

Kāśikāvṛttī¹: paribhāṣā iyaṃ sthāniniyamārthā. aniyamaprasaṅge niyamo vidhīyate. vṛddhiguṇau s See More

Kāśikāvṛttī²: iko guṇavṛddhī 1.1.3 paribhāṣā iyaṃ sthāniniyamārthā. aniyamaprasaṅge niyamo vi See More

Nyāsa²: iko guṇavṛddhī. , 1.1.3 "paribhāṣeyam" iti. nādhikāraḥ, asvaritatvāt. See More

iko guṇavṛddhī. , 1.1.3 "paribhāṣeyam" iti. nādhikāraḥ, asvaritatvāt. nāpi guṇavṛddhayorvidhāyakaṃ lakṣaṇam, lakṣaṇāntareṇa tayorvidhāsyamānatvāt. "sthāniniyamārthā" iti. sthānini niyamaḥ sthāniniyamaḥ, sthānyantaravyavacchedenaikatra pravartanam, so'rthaḥ prayojanaṃ yasyāḥ sā tathoktā. "aniyamaprasaṅge niyamo vidhīyate" iti. yatra sākṣāt sthānī na nirdiṣṭaḥ "sārvadhātukārdhadhātukayoḥ"7.3.84, "sici vṛddhiḥ parasmaipadeṣu"7.2.1 ityādau, tatrāniyame prasakte niyamameṣāṃ karoti-ika eva nānyasyeti. ataḥ sa evasyā viṣayo veditavyaḥ, na tu yatra sākṣāt sthānī nirdiśyate so'pi, yathā- "orguṇaḥ" 6.4.146 "ata upadhāyāḥ" 7.2.116 ityādiḥ. tatra hraniyamasya prāptireva nāsti. liṅgavatī ceyaṃ paribhāṣā, liṅgaṃ cāsyā guṇavṛddhigrahaṇam, tatropatiṣṭhate. tathā ca dve ṣaṣṭhyau prādurbhavataḥ,-"ikaḥ" ityekā ṣaṣṭhī, "miderguṇaḥ"7.3.82 ityevamādikā dvitīyā. tatra kāmacārādayatheṣṭaṃ sidhyati. tayorviśeṣaṇaviśeṣyabhāvaḥ kriyate. "mideḥ" ityatrānta iga na sambhavatīti tsayāṅaviśeṣaṇatvaṃ nopapadyatetasmādatrāṅgenegeva viśiṣyate- mideraṅgasya ya igiti. tena sthānaṣṭha()bhāvādalo'ntyasyānupasthāne sati yatra tatra sthasyeko guṇaḥ siddho bhavati. "sārvadhātukārdhadhātukayoḥ" 7.3.84 ityādau tvaṅgasya igantatvaṃ sambhavati. tena cāṅge viśiṣyamāṇe tadantavidhau satīṣṭaṃ sidhyati. tasmādikai-vāṅgaṃ viśiṣyate, "igantasyāṅgasyeti. evaṃcaya satyasyāḥ sthānaṣaṣṭhītvāt "alo.- nttyasya" 1.1.51 ityetadupatiṣṭhachate, tenegantasyaivāṅgasya guṇavṛddhī bhavataḥ, netarasya. "svasañjñayā" iti. atra vakṣyamāṇo'bhiprāyaḥ. "ika eva sthāne" iti. yadartheyaṃ paribhāṣā tasya niyamasya svarūpaṃ darśayati- "akārṣīt" iti. "ḍukṛñ karaṇa" (dhā.pā. 1472),luṅa, "cleḥ sic" 3.1.44 sici vṛddhiḥ 7.2.1"astisico'pṛkte" 7.3.96 itīṭ. evam "ahārṣīt" iti. atra "hmañ haraṇe" (dhā.899) ityayaṃ viśeṣaḥ. "ika iti kim" ita. ekadeśadvāreṇa samudāyasya paryanuyogo veditavyaḥ. na hi "guṇavṛddhī" ityetāvatā vineggrahaṇenārthaḥ kaścit saṃgṛhrate. "yānam" iti. yāterlyuṭi guṇe vidhīyamāna āntaratamyādakāraḥ syāt. tataśca dvayorakārayoḥ "ato guṇe" (6.1.97 pararūpatve kṛte "yanam" ityaniṣṭaṃ rūpaṃ syāt. "glāyati" iti. "glai mlai harṣakṣaye" (dhā.pā.903.904), atra sandhyakṣarasya aikārasya ekāro guṇaḥ syāt. tataścāyādeśe kṛte glayati ityaniṣṭaṃ rūpaṃ syāt. "umbhitā"iti. "ubha umbha pūraṇe" (dhā.pā.1319,1320), tṛc, iṭ. atra vyañjanasya kārasyauṣṭha()sya okāro guṇaḥ syāt. tataścāvādeśe kṛte "ubhavitā" ityaniṣṭaṃ rūpaṃ syāt. atha kathaṃ svasañjñayā śiṣyamāṇāvityeṣa viśeṣo labhyate? na hi sūtre svasañjñāgrahaṇamastītyata āha "punarguṇavṛddhigrahaṇam" ityādi. ihapūrvasūtrābhyāṃ guṇavṛddhigrahaṇamanuvartate. katasminnanuvartamāne yat punariha guṇavṛddharigrahaṇaṃ kriyatetasyaitat prayojanam- "yatra svasañjñayā guṇavṛddhī vidhīyete tatrāyaṃ niyamo yathā syāt, anyatra mā bhūtiti. punarguṇavṛddhigrahaṇasāmathryādanyatarasya guṇavṛddhigrahaṇasya sañjñāpradhānatvaṃ sampādyate. katena svasañjñayā vidhāne niyamo bhavatītyeṣo'- rtho labhyate. anyathā hi yadyevaṃ pūrvo niyamo nātrābhimataḥ syāt, tato niyatasya niya masya prakṛtaguṇavṛddhigrahaṇānuvṛttyaiva siddhatvāt punariha guṇavṛddhigrahaṇamanarthakaṃ syādityevamabhiprāyaḥ. "iha mā bhūt" ityādināryaivaṃ prakārasya niyamasya vyavacchedyatvaṃ darśayati- "dyauḥ" iti. "diva aut"7.1.84 ityaukāraḥ. svarūpeṇa vidhīyamāno'lo'ntyasyaiva bhavati, nekaḥ. "panthāḥ" iti. "pathimadhyṛbhukṣāmāt" 7.1.85 ityākāro'ntyasyaiva bhavati, nekaḥ. "ito'tsarvanāmasthāne"7.1.86 itīkārasya akāraḥ, "tho'nthaḥ" 7.1.87 iti thakārasya nthādeśaḥ. "iyam" iti. "tyadādīnāmaḥ" 7.2.102 ityatvamantarsayaiva bhavati, nekaḥ. "daśca" 7.2.109 iti dakārasya makāraḥ. sa ityatra tvasyāḥ paribhāṣāyā upasthāne sati tyadādyatvaṃ na syādeva. "tadoḥ saḥ sāvana- ntyayoḥ" 7.2.106 iti satvam, nanu ca "anaśca" 1.2.28 ityayamapi sthāniniyamaḥ svasañjñāvidhāna eveṣyate, tasyāpi ca niyamasya dyaurityādikaṃ vyavacchedyam. tathā hi vṛttikārastatra vakṣyati "svasañjñayā vidhāne niyamaḥ. ajiti vartate. iha mā bhūt, dyauḥ, panthāḥ, saḥ, dyubhyām, dyubhiḥ" (kā 38) iti, tataśca yadanena niyamenaivaṃvidhena katrtavyaṃ tattenaiva sidhyati, nārtha evaṃvidhayaniyamarthena punariha guṇavṛddhigrahaṇena() satyametat" kintvevamarthapratipattau ya ete mandadhiyaḥ prāthamakalpikāḥ śrotāraḥ, teṣāṃpratipattigauravaṃ syāt. tasmāt tānanugrahītaṃ vispaṣṭārthamiha sañjñāvidhāne niyamaṃ pratipādayituṃ punarguṇavṛddhigrahaṇaṃ kṛtam. tadyevam, yat yena vidhātavyaṃ tadanenaiva vihitamiti tatra sañjñāvidhāne niyamo na katrtavyaḥ? naitadasti; yadi hrasāvitthambhūto niyamo na syāt, tato "dyubhyām dyubhiḥ" ityatra "diva ut"6.1.127 ityukāraḥ svarūpeṇaiva vidhīyamāno'ca eva sthāne syāt, nālo'ntyasya. na hranena niyamenācaḥ śakyate vyāvartayitum, tasya guṇavṛddhisañjñakatvāt.

Bālamanoramā¹: iko guṇavṛddhi. `ika' iti ṣaṣṭa\ufffdntaśabdaḥ svarūpaparo napuṃsakaliṅgaḥ Sū #36 See More

Bālamanoramā²: iko guṇavṛddhīḥ 36, 1.1.3 iko guṇavṛddhi. "ika" iti ṣaṣṭa()ntaśabdaḥ s See More

Tattvabodhinī¹: iko guṇavṛddhī. yatra sākṣātsthānī na nirdiṣṭaḥ `sārvadhātukādrdhadhātukayoḥ&#0 Sū #30 See More

Tattvabodhinī²: iko guṇavṛddhī 30, 1.1.3 iko guṇavṛddhī. yatra sākṣātsthānī na nirdiṣṭaḥ "s See More

1.Source: Arsha Vidya Gurukulam
2.Source: Sanskrit Documents

Examples²:

medyati, cetā, kartā, jayati। mārṣṭi। alāvīt।

Research Papers and Publications