1/15:sarvādīni iti kaḥ ayam samāsaḥ |
2/15:bahuvrīhiḥ iti āha |
3/15:kaḥ asya vigrahaḥ |
4/15:sarvaśabdaḥ ādiḥ yeṣām tāni imāni iti |
5/15:yadi evam sarvaśabdasya sarvanāmasañjñā na prāpnoti |
6/15:kim kāraṇam |
7/15:anyapadārthatvāt bahuvrīheḥ |
8/15:bahuvrīhiḥ ayam anyapadārthe vartate |
9/15:tena yat anyat sarvaśabdāt tasya sarvanāmasñjñā prāpnoti |
10/15:tat yathā citraguḥ ānīyatām iti ukte yasya tāḥ gāvaḥ bhavanti sa ānīyate na gāvaḥ |
11/15:na eṣaḥ doṣaḥ |
12/15:bhavati bahuvrīhau tadguṇasaṃvijñānam api |
13/15:tat yathā : citravāsam ānaya |
14/15:lohitoṣṇīṣāḥ ṛtvijaḥ pracaranti |
15/15:tadguṇaḥ ānīyate tadguṇāḥ ca pracaranti |

1/47:iha sarvanāmāni iti pūrvapadāt sañjñāyām agaḥ iti ṇatvam prāpnoti |
2/47:tasya pratiṣedhaḥ vaktavyaḥ |
3/47:sarvanāmasañjñāyām nipātanāt ṇatvābhāvaḥ |*
4/47:sarvanāmasañjñāyām nipātanāt ṇatvam na bhaviṣyati |
5/47:kim etat nipātanam nāma |
6/47:atha kaḥ pratiṣedhaḥ nāma |
7/47:aviśeṣeṇa kim cit uktvā viśeṣeṇa na iti ucyate |
8/47:tatra vyaktam ācāryasya abhiprāyaḥ gamyate : idam na bhavati iti |
9/47:nipātanam api evañjātīyakam eva |
10/47:aviśeṣeṇa ṇatvam uktvā viśeṣeṇa nipātanam kriyate |
11/47:tatra vyaktam ācāryasya abhiprāyaḥ gamyate : idam na bhavati iti |
12/47:nanu ca nipātanāt ca aṇatvam syāt yathāprāptam ca ṇatvam |
13/47:kim anye api evam vidhayaḥ bhavanti |
14/47:iha ikaḥ yaṇ aci iti vacanāt ca yaṇ syāt yathāprāptaḥ ca ik śrūyeta |
15/47:na eṣaḥ doṣaḥ |
16/47:asti atra viśeṣaḥ |
17/47:ṣaṣṭhyā atra nirdeśaḥ kriyate |
18/47:ṣaṣṭhī ca punaḥ sthāninam nivartayati |
19/47:iha tarhi : kartari śap divādibhyaḥ śyan iti vacanāt ca śyan syāt yathāprāptaḥ ca śap śrūyeta |
20/47:na eṣaḥ doṣaḥ |
21/47:śabādeśāḥ śyanādayaḥ kariṣyante |
22/47:tat tarhi śapaḥ grahaṇam kartavyam |
23/47:na kartavyam |
24/47:prakṛtam anuvartate |
25/47:kva prakṛtam |
26/47:kartari śap iti |
27/47:tat vai prathamānirdiṣṭam ṣaṣṭhīnirdiṣṭena ca iha arthaḥ |
28/47:divādibhyaḥ iti eṣā pañcamī śap iti prathamāyāḥ ṣaṣṭhīm prakalpayiṣyati : tasmāt iti uttarasya |
29/47:pratyayavidhiḥ ayam |
30/47:na ca pratyayavidhau pañcamyaḥ prakalpikāḥ bhavanti |
31/47:na ayam pratyayavidhiḥ |
32/47:vihitaḥ pratyayaḥ prakṛtaḥ ca anuvartate |
33/47:iha tarhi : avyayasarvanāmnām akac prāk ṭeḥ iti |
34/47:vacanāt ca akac syāt yathāprāptaḥ ca kaḥ śrūyeta |
35/47:na eṣaḥ doṣaḥ |
36/47:na aprāpte hi ke akac ārabhyate |
37/47:saḥ bādhakaḥ bhaviṣyati |
38/47:nipātanam api evañjātīyakam eva |
39/47:na aprāpte ṇatve nipātanam ārabhyate |
40/47:tat bādhakam bhaviṣyati |
41/47:yadi tarhi nipātanāni api evañjātīyakāni bhavanti samaḥ tate doṣaḥ bhavati |
42/47:iha anye vaiyākaraṇāḥ samaḥ tate vibhāṣā lopam ārabhante : samaḥ hi tatayoḥ vā iti |
43/47:satatam , santatam , sahitam , saṃhitam iti |
44/47:iha punaḥ bhavān nipātanāt ca malopam icchati aparasparāḥ kriyāsātatye iti yathāprāptam ca alopam santatam iti |
45/47:etat na sidhyati |
46/47:kartavyaḥ atra yatnaḥ |
47/47:bādhakāni eva hi nipātanāni bhavanti |

1/84:sañjñopasarjanapratiṣedhaḥ |*
2/84:sañjñopasarjanībhūtānām sarvādīnām pratiṣedhaḥ vaktavyaḥ |
3/84:sarvaḥ nāma kaḥ cit |
4/84:tasmai sarvāya dehi |
5/84:atisarvāya dehi |
6/84:saḥ katham kartavyaḥ |
7/84:pāṭhāt paryudāsaḥ paṭhitānām sañjñākaraṇam |*
8/84:pāṭhāt eva paryudāsaḥ kartavyaḥ |
9/84:śuddhānām paṭhitānām sañjñā kartavyā |
10/84:sarvādīni sarvanāmasañjñāni bhavanti |
11/84:sañjñopasarjanībhūtāni na sarvādīni |
12/84:kim aviśeṣeṇa |
13/84:na iti āha |
14/84:viśeṣeṇa ca |
15/84:kim prayojanam |
16/84:sarvādyānantaryakāryārtham |*
17/84:sarvādīnām ānantaryeṇa yat ucyate kāryam tat api sañjñopasarjanībhūtānām mā bhūt iti |
18/84:kim prayojanam |
19/84:prayojanam ḍatarādīnām adbhāve |*
20/84:ḍatarādīnām adbhāve prayojanam |
21/84:atikrāntam idam bṛāhmaṇakulam katarat , atikataram brāhmaṇakulam iti |
22/84:tyadādividhau ca |*
23/84:tyadādividhau ca prayojanam |
24/84:atikrāntaḥ ayam brāhmaṇaḥ tam atitat brāhmaṇaḥ iti |
25/84:sañjāpratiṣedhaḥ tāvat na vaktavyaḥ |
26/84:upariṣṭāt yogavibhāgaḥ kariṣyate |
27/84:pūrvaparāvaradakṣiṇottarāparādharāṇi vyavasthāyām |
28/84:tataḥ asañjñāyām iti |
29/84:sarvādīni iti evam yāni anukrāntāni asañjñāyām tāni draṣṭavyāni |
30/84:upasarjanapratiṣedhaḥ ca na kartavyaḥ |
31/84:anupasarjanāt iti eṣaḥ yogaḥ pratyākhyāyate |
32/84:tam evam abhisambhantsyāmaḥ : anupasarjana* a* at iti |
33/84:kim idam a* at iti |
34/84:akārātkārau śiṣyamāṇau anupasarjanasya draṣṭavyau |
35/84:yadi evam atiyuṣmat atyasmat iti na sidhyati |
36/84:praśliṣṭanirdeśaḥ ayam : anupasarjana* a* a* at iti |
37/84:akārāntāt akārātkārau śiṣyamāṇau anupasarjanasya draṣṭavyau |
38/84:atha vā aṅgādhikāre yat ucyate gṛhyamāṇavibhakteḥ tat bhavati |
39/84:yadi evam paramapañca paramasapta ṣaḍbhyaḥ luk iti luk na prāpnoti |
40/84:na eṣaḥ doṣaḥ |
41/84:ṣaṭpradhānaḥ eṣaḥ samāsaḥ |
42/84:iha tarhi priyasakthnā brāhmaṇena anaṅ na prāpnoti |
43/84:saptamīnirdiṣṭe yat ucyate prakṛtavibhaktau tat bhavati |
44/84:yadi evam atitat , atitadau , atitadaḥ iti atvam prāpnoti |
45/84:tat ca api vaktavyam |
46/84:na vaktavyam |
47/84:iha tāvat adḍ ḍatarādibhyaḥ pañcabhyaḥ iti pañcamī aṅgasya iti ṣaṣṭhī |
48/84:tatra aśakyam vivibhaktitvāt ḍatarādibhyaḥ iti pañcamyā aṅgam viśeṣayitum |
49/84:tatra kim anyat śakyam viśeṣayitum anyat ataḥ vihitāt pratyayāt |
50/84:ḍatarādibhyaḥ yaḥ vihitaḥ iti |
51/84:iha idānīm asthidadhisakhthyakṣṇām anaṅ udāttaḥ iti tyadādīnām aḥ bhavati iti asthyādīnām iti eṣā ṣaṣṭhī aṅgasya iti api tyadādīnām iti api ṣaṣṭhī aṅgasya iti api |
52/84:tatra kāmacāraḥ : gṛhyamāṇena vā vibhaktim viśeṣayitum aṅgena vā |
53/84:yāvatā kāmacāraḥ iha tāvat asthidadhisakhthyakṣṇām anaṅ udāttaḥ iti aṅgena vibhaktim viśeṣayiṣyāmaḥ asthyādibhiḥ anaṅam : aṅgasya vibhaktau anaṅ bhavati asthyādīnām iti |
54/84:iha idānīm tyadādīnām aḥ bhavati iti gṛhyamāṇena vibhaktim viśeṣayiṣyāmaḥ aṅgena akāram : tyadādīnām vibhaktau aḥ bhavati aṅgasya iti |
55/84:yadi evam atisaḥ : atvam na prāpnoti |
56/84:na eṣaḥ doṣaḥ |
57/84:tyadādipradhānaḥ eṣaḥ samāsaḥ |
58/84:atha vā na idam sañjñākaraṇam |
59/84:pāṭhaviśeṣaṇam idam : sarveṣām yāni nāmāni tāni sarvādīni |
60/84:sañjñopasarjane ca viśeṣe avatiṣṭhete |
61/84:yadi evam sañjñāśrayam yat kāryam tat na sidhyati : sarvanāmnaḥ smai , āmi sarvanāmnaḥ suṭ iti |
62/84:anvarthagrahaṇam tatra vijñāsyate : sarveṣām yat nāma tat sarvanāma |
63/84:sarvanāmnaḥ uttarasya ṅeḥ smai bhavati |
64/84:sarvanāmnaḥ uttarasya āmaḥ suṭ bhavati |
65/84:yadi evam sakalam , kṛtsnam , jagat iti atra api prāpnoti |
66/84:eteṣām ca api śabdānām ekaikasya saḥ saḥ viṣayaḥ |
67/84:tasmin tasmin viṣaye yaḥ yaḥ śabdaḥ vartate tasya tasya tasmin tasmin vartamānasya sarvanāmakāryam prāpnoti |
68/84:evam tarhi ubhayam anena kriyate |
69/84:pāṭhaḥ ca eva viśeṣyate sañjñā ca |
70/84:katham punaḥ ekena yatnena ubhayam labhyam |
71/84:labhyam iti āha |
72/84:katham| ekaśeṣanirdeśāt |
73/84:ekaśeṣanirdeśaḥ ayam : sarvādīni ca sarvādīni ca sarvādīni |
74/84:sarvanāmāni ca sarvanāmāni ca sarvanāmāni |
75/84:sarvādīni sarvanānasañjñāni bhavanti |
76/84:sarveṣām yāni ca nāmāni tāni sarvādīni |
77/84:sañjñopasarjane ca viśeṣe avatiṣṭhete |
78/84:atha vā mahatī iyam sañjñā kriyate |
79/84:sañjñā ca nāma yataḥ na laghīyaḥ |
80/84:kutaḥ etat |
81/84:laghvartham hi sañjñākaraṇam |
82/84:tatra mahatyāḥ sañjñāyāḥ karaṇe etat prayojanam anvarthasañjñā yathā vijñāyeta |
83/84:sarvādīni sarvanānasañjñāni bhavanti sarveṣām nāmāni iti ca ataḥ sarvanāmāni |
84/84:sañjñopasarjane ca viśeṣe avatiṣṭhete |

1/43:atha ubhasya sarvanāmatve kaḥ arthaḥ |
2/43:ubhasya sarvanāmatve akajarthaḥ |*
3/43:ubhasya sarvanāmatve akajarthaḥ pāṭhaḥ kriyate : ubhakau |
4/43:kim ucyate akajarthaḥ iti na punaḥ anyāni api sarvanāmakāryāṇi |
5/43:anyābhāvaḥ dvivacanaṭābviṣayatvāt |*
6/43:anyeṣām sarvanāmkāryāṇām abhāvaḥ |
7/43:kim kāraṇam |
8/43:dvivacanaṭābviṣayatvāt |
9/43:ubhaśabdaḥ ayam dvivacanaṭābviṣayaḥ |
10/43:anyāni ca sarvanāmakāryāṇi ekavacanabahuvacaneṣu ucyante |
11/43:yadā punaḥ ayam ubhaśabdaḥ dvivacanaṭābviṣayaḥ kaḥ idānīm asya anyatra bhavati |
12/43:ubhayaḥ anyatra |*
13/43:ubhayaśabdaḥ asya anyatra bahvati |
14/43:ubhaye devamanuṣyāḥ , ubhayaḥ maṇiḥ iti |
15/43:kim ca syāt yadi atra akac na syāt |
16/43:kaḥ prasajyeta |
17/43:kaḥ ca idānīm kākacoḥ viśeṣaḥ |
18/43:ubhaśabdaḥ ayam dvivacanaṭābviṣayaḥ iti uktam |
19/43:tatra akaci sati akacaḥ tanmadhyapatitatvāt śakyate etat vaktum : dvivacanaparaḥ ayam iti |
20/43:ke punaḥ sati na ayam dvivacanaparaḥ syāt |
21/43:tatra dvivacanaparatā vaktavyā |
22/43:yathā eva tarhi ke sati na ayam dvivacanaparaḥ evam āpi api sati na ayam dvivacanaparaḥ syāt |
23/43:tatra api dvivacanaparatā vaktavyā |
24/43:avacanāt api tatparavijñānam |
25/43:antareṇa api vacanam āpi dvivacanaparaḥ ayam bhaviṣyati |
26/43:kim vaktavyam etat |
27/43:na hi |
28/43:katham anucyamānam gaṃsyate |
29/43:ekādeśe kṛte dvivacanaparaḥ ayam antādivadbhāvena |
30/43:avacanāt āpi tatparavijñānam iti cet ke api tulyam |*
31/43:avacanāt āpi tatparavijñānam iti cet ke api antareṇa vacanam dvivacanaparaḥ bhaviṣyati |
32/43:katham |
33/43:svārthikāḥ pratyayāḥ prakṛtitaḥ aviśiṣṭāḥ bhavanti iti prakṛtigrahaṇena svārthikānām api grahaṇam bhavati |
34/43:atha bhavataḥ sarvanāmatve kāni projanāni |
35/43:bhavataḥ akaccheṣātvāni |*
36/43:bhavataḥ akaccheṣātvāni prayojanāni |
37/43:akac : bhavakān |
38/43:śeṣaḥ : saḥ ca bhavān ca bhavantau |
39/43:ātvam : bhavādṛk iti |
40/43:kim punaḥ idam parigaṇanam āhosvit udāharaṇamātram |
41/43:udāharaṇamātram iti āha |
42/43:tṛtīyādayaḥ api hi iṣyante |
43/43:sarvanāmnaḥ tṛtīyā ca : bhavatā hetunā , bhavataḥ hetoḥ iti |

sarvaśabdaḥ ādiryeṣāṃ tānīmāni sarvādīni sarvanāmasaṃjñāni bhavanti. sarvaḥ, sarvau, sarve. sarvasmai. sarvasmāt. sarveṣām. sarvasmin. sarvakaḥ. viśvaḥ, viśvau, visve. viśvasmai. viśvasmāt. viśveṣām. viśvasmin. viśvakaḥ. ubha. ubhaya. ubhaśabdasya sarvanāmatve prayojanam sarvanāmnastṛtīya ca ( 2-3-27 ) iti. ubhābhyāṃ hetubhyāṃ vasati, ubhayoḥ hetvoḥ vasati. ubhaye. ubhayasmai. ubhayasmāt. ubhyeṣām. ubhayasmin. ḍatara, ḍatama. katara, katama. katarasmai, katamasmai. itara. anya. anyatara. itarasmai. anyasmai. anyatarasamai. tvaśabdo 'nyavācī svarabhedād dviḥ paṭhitaḥ. ekaḥ udāttaḥ. dvitīyo 'nudāttaḥ. kecit takārāntamekaṃ paṭhanti. tva tvatiti dvāvapi ca anudātāu iti smaranti. nemanemasmai. vakṣyamāṇena jasi vibhāṣā bhavati. neme, nemāḥ iti. samasamasmai. kathaṃ yathāsaṅkhyam anudeśaḥ samānām ( 1-3-10 ), same deśe yajeta iti. samasya sarvaśabdaparyāyasya sarvanāmasṃjñā iṣyte, na sarvatra. simasimasmai. pūrvaparāvaradakṣiṇauttarāparādharāṇi vyavasthāyām asaṃjñāyām ( 1-1-34 ). svam aṃjñātidhanā'khyām ( 1-1-35 ). antaraṃ bahiryogopsaṃvyānayoḥ ( 1-1-36 ). tyad, tad, yad, etad, idam, adas, eka, dvi, yuṣmad, asmad, bhavatu, kim. sarvādiḥ. sarvanāmapradeśāḥ sarvanāmnaḥ smai ( 7-1-14 ) ityevam ādayaḥ.

sarvā'dīni sarvanāmāni 1.1.27 sarvaśabdaḥ ādir yeṣāṃ tānīmāni sarvādīni sarvanāmasaṃjñāni bhavanti. sarvaḥ, sarvau, sarve. sarvasmai. sarvasmāt. sarveṣām. sarvasmin. sarvakaḥ. viśvaḥ, viśvau, visve. viśvasmai. viśvasmāt. viśveṣām. viśvasmin. viśvakaḥ. ubha. ubhaya. ubhaśabdasya sarvanāmatve prayojanam sarvanāmnastṛtīya ca 2.3.27 iti. ubhābhyāṃ hetubhyāṃ vasati, ubhayoḥ hetvoḥ vasati. ubhaye. ubhayasmai. ubhayasmāt. ubhyeṣām. ubhayasmin. ḍatara, ḍatama. katara, katama. katarasmai, katamasmai. itara. anya. anyatara. itarasmai. anyasmai. anyatarasamai. tvaśabdo 'nyavācī svarabhedād dviḥ paṭhitaḥ. ekaḥ udāttaḥ. dvitīyo 'nudāttaḥ. kecit takārāntamekaṃ paṭhanti. tva tvatiti dvāvapi ca anudātāu iti smaranti. nemanemasmai. vakṣyamāṇena jasi vibhāṣā bhavati. neme, nemāḥ iti. samasamasmai. kathaṃ yathāsaṅkhyam anudeśaḥ samānām 1.3.10, same deśe yajeta iti. samasya sarvaśabdaparyāyasya sarvanāmasṃjñā iṣyte, na sarvatra. simasimasmai. pūrvaparāvaradakṣiṇauttarāparādharāṇi vyavasthāyām asaṃjñāyām 1.1.33. svam aṃjñātidhanā'khyām 1.1.34. antaraṃ bahiryogopsaṃvyānayoḥ 1.1.35. tyad, tad, yad, etad, idam, adas, eka, dvi, yuṣmad, asmad, bhavatu, kim. sarvādiḥ. sarvanāmapradeśāḥ sarvanāmnaḥ smai 7.1.14 ityevam ādayaḥ.

sarvādīni sarvanāmāni. , 1.1.26 "sarvaśabda ādiryeṣāṃ tānīmāni sarvādīni" iti. eṣa tad()guṇasaṃvijñāno bahuvrīhiḥ; itarathā hrupalakṣaṇārthatvāt sarvaśabdasya saṃjñā na syāt. na hrupalakṣaṇasyopasarjanī-bhūtasya kāryeṇa sambandho bhavati. tathā hi- "citragurānīyatām" ityukte na gavā- mapyānayanaṃ bhavati. tadguṇasaṃvijñānasya bahuvrīherliṅgam- "adaḥ sarveṣām" 7.3.100 iti nirdeśaḥ. sarvaśabdasya suṭ sarvanāmnaḥ kāryam; anyathā hi tannopapadyate. " sarvaḥ, sarvau sarve" iti. idamatrodāharaṇaṃ "sarve" iti. atra hi sarvanāmasaṃjñāyām " jasaḥ śī" 7.1.17 iti śībhāvaḥ kāryaḥ. pūrvayostu tatsāhacaryeṇa "sarve" ityetasya pum̐lliṅgatāṃ śrūyamāṇavibhaktitāṃ ca darśayitumupanyāsaḥ; anyathā "sarve" ityetā- vatyucyamāne strīliṅgasya luptasambṛddherayaṃ prayoga iti. kasyacid bhrāntiḥ syāt. "sarvasmai" iti. "sarvanāmnaḥ smai" 7.1.14. "sarvasmāt, sarvasmin" iti. "ṅasiṅayoḥ smātsminau" 7.1.14. "sarvasmāt, sarvasmin" iti. "ṅasiṅayoḥ smātsminau" 7.1.15 iti. "sarvakaḥ" iti- "avyayasarvanāmnāmakac prāk ṭeḥ" 5.3.71 iti. ubhaśabdo'yaṃ dvivacanaṭābviṣaya eva prayujyate-"ubhau ubhe"iti. na ca tat kiñcit sarvanāmakāryaṃ sambhavati; smaiprabhṛtīnāṃ yatāyogamekavacanabahuvacanaviṣayatvāt. akajapi naivaṃ sarvanāmasaṃjñāṃ prayojayati; viśeṣābhāvāt. nahi tasmādakaci, kapratyaye vā vihite rūpabhedo vā bhavati. tat kimarthastasyeha pāṭhaḥ? ityāha- "ubhaśabdastha" ityādi. "sarva-nāmnastṛtīya ca" 2.3.27 ityanena ubhābhyāṃ hetubhyām, ubhoyarhetvoriti tṛtīyā-ṣaṣṭhyau yathā syātāmityevamarthsatasyeha pāṭha iti darśayati. "ḍataratama" iti. "kiṃyattadornirdhāraṇe dvayorekasya ḍatarac" 5.3.92 "vā bahunāṃ jātiparipraśne ḍatamac" 5.3.93 ityetayoḥ pratyayogrrahaṇam. "vakṣyamāṇena" iti. "prathamacarama" 1.1.32 ityādinā. "katham" ityādi. samaśabdasya sarvanāmasaṃjñāyāṃ satyāṃ "āmi sarvanāmnaḥ suṭ" 7.1.52 iti suṭi "sameṣām" iti bhavitavyam, tat kathaṃ sāmānāmiti bhavati? tataśca saptamyekavacanasya sminbhāve kṛte samasminniti bhavitavyam, tat kathaṃ "same deśe yajet" iti prayoga upapadyate ! ityabhiprāyaḥ. "na sarvatra" iti. na sarvatrārthe vatrtamāna- syetyarthaḥ. etacca "sarveṣāṃ nāmāni sarvanāmāni" ityanvarthasaṃjñākaraṇāllabhyate. sa eva hi samaśabdaḥ sarveṣāṃ nāma bhavati yaḥ sarvaśabdaparyāyaḥ, na cānyoḥ prayogayoḥ samaśabdaḥ sarvaparyāyaḥ. tathā hi "samānām" ityatra samaśabdastulyārthe vatrtate. "same deśe" ityatrāpyaviṣame- nimnonnatādirahite. ata eva cānvarthasaṃjñākaraṇāt saṃjñopasarjanībhūtānāṃ saṃjñā na bhavati. yathā- sarvo nāma kaścit, tasmai sarvāya dehi. atikrāntaḥ ruārvamatisarvaḥ, tasmā atisarvāya dehīti. na hrevaṃprakārāṇi sarveṣāṃ nāmāni; viśiṣṭavsatu viṣayatvāt. "sarvanāmāni" ityatra"pūrvapadāt saṃjñāyām" 8.4.3 itiṇatvaṃ tu na bhavati, ata eva nipātanāt.

sarva viśva ubha ubhaya ḍatara ḍatama anya anyatara itara tvat tva nema sama sima . pūrvaparāvaradakṣiṇottarāparādharāṇi vyavasthāyāmasaṃjñāyām . svamajñātidhanākhyāyām. antaraṃ bahiryogopasaṃvyānayoḥ . tyad tad yad etad idam adas eka dvi yuṣmad asmad bhavatu kim ॥

sarvādīni sarvanāmāni 151, 1.1.26 sarva viśva ubha ubhaya ḍatara ḍatama anya anyatara itara tvat tva nema sama sima. pūrvaparāvaradakṣiṇottarāparādharāṇi vyavasthāyāmasaṃjñāyām. svamajñātidhanākhyāyām. antaraṃ bahiryogopasaṃvyānayoḥ. tyad tad yad etad idam adas eka dvi yuṣmad asmad bhavatu kim॥

napuṃsakavaśāt `śabdarūpāṇī'ti viśeṣyamadyāhāryaṃ, tadāha–sarvādīnīti. nanu bahuvrīheranyapadārthapradhānatvātsarvaṃśabdasya ca samāsavartipadārthatvādanyapadārthatvābāvādvi\ufffdāādiśabdānāmeva sarvādiśabdena bahuvrīhiṇāvagamātsarvanāmasaṃjñā syānna tu sarvaśabdasyāpīti cet, ucyate–sarva ādiryasya samudāyasyeti vigrahaḥ. sarvaśabdaghaṭitaḥ samudāyaḥ samāsārthaḥ. samudāye ca pravartamānā sarvanāmasaṃjñā kvacidapyaprayujyamāne tasmin vaiyathryādānarthakyāttadaṅgeṣviti nyāyenāvayaveṣvavatarantī aviśeṣātsarvaśabde'pi bhavati. evaṃcātra sarvaśabdasya svarūpeṇa vartipadārthatā, samudāyarūpeṇa tvanyapadārthapraveśaḥ. naca samudāyasyānyapadārthatve sarvādīnīti bahuvacanānupapattiḥ śaṅkyāḥ, sarvaśabdaghaṭitasya vivakṣitāvayavasaṅkhyasya samūhasyānyapadārthatvāt. `adbhūtāvayavabhedaḥ samudāyaḥ samāsārtha' iti kaiyaṭokterapyayamevārthaḥ. ato na bahuvacanasyānupapattiḥ tadevaṃ vyākhyāne `hali sarveṣā'mityādinirdeśaḥ pramāṇam. sarvaśabdasya sarvanāmatvā'bhāve tu sarveṣāmityādau sarvanāmakāryāṇi suḍādīni na syuḥ. tathāca sarvādīnīti tadguṇasaṃvijñāno bahuvrīhiḥ. tasya=anyapadārthasya, guṇa#ā#ḥ=viśeṣaṇāni vartipadārtharūpāṇi, teṣāṃ saṃvijñānaṃ=kriyānvayitayā vijñānaṃ yatra sa tadguṇasaṃvijñāna iti vyatpattiḥ. yatra saṃyogasamavāyānyatarasaṃbandhenānyapadārthe vartipadārthānvayastatra prāyeṇa tadguṇasaṃvijñāno bahuvrīhiḥ. yathā-`dvivāsā devadatto bhuṅkte', `lambakarṇaṃ bhojaye'tyādau. tatpara hi vāsasoḥ karṇayośca bhujikriyānvayā'bhāve'pi saṃnihitatvamātreṇa tadguṇasaṃvijñānatvam. prakṛte ca samudāye.ñanyapadārthe sarvaśabdasya samavāyāntargatāropitāvayavāvayavibhāvasaṃbandhasattvāttadguṇasaṃvijñānatvam. svasvāmibhāvādisambandhenānyapadārthe vartipadārthānvaye tvatadguṇasaṃvijñāno bahuvrīhiḥ. yathā–`citragumānaye'tyādāvityalam. sarvādiśabdānāṃ kevalānāmeva sarvādigaṇe pāṭhātparamasarvādiśabdānāṃ kathaṃ sarvanāmatetyata āha–tadantasyāpīti. dvandve cetīti. `dvandve ce'tyanena sarvādiśabdāntadvandvasya sarvanāmasaṃjñā pratiṣidhyate–varṇāśrametarāṇāmityādau. yadi kevalānāmeva sarvādigaṇapaṭhitānāṃ kevalānāmeva sarvādiśabdānāmastu sarvanāmatā, māstu tadantānāmapi, `sarvanāmnaḥ smai' ityādisarvanāmakāryāṇāmaṅgādhikārasthatvena `padāṅgādhikāre tasya ca tadantasya ce'ti paribhāṣayā `paramasarvasmai' ityādiṣu. siddherityata āha–teneti. tadantasyāpi saṃjñābalenetyarthaḥ. sidhyatītyarthaḥ. cakārātpañcamyāstasiliti tasil ca. nacāvayavagatasarvanāmatvena tatsiddhiriti vācyaṃ , kutsita #iti sūtrasthabhāṣyarītyā sahkhyākārakābhyāṃ pūrṇārthasyetarānvayena subantādeva taddhitotpattyavagamena sarvanāmaprakṛtikasubantārthagatakutsādivivakṣāyāṃ sarvanāmāvayavaṭeḥ prāgakajityarthaparyavasānāttadantasaṃjñā'bhāve tadasiddheriti bhāvaḥ.

sarvādīni sarvanāmāni 211, 1.1.26 napuṃsakavaśāt "śabdarūpāṇī"ti viśeṣyamadyāhāryaṃ, tadāha--sarvādīnīti. nanu bahuvrīheranyapadārthapradhānatvātsarvaṃśabdasya ca samāsavartipadārthatvādanyapadārthatvābāvādvi()āādiśabdānāmeva sarvādiśabdena bahuvrīhiṇāvagamātsarvanāmasaṃjñā syānna tu sarvaśabdasyāpīti cet, ucyate--sarva ādiryasya samudāyasyeti vigrahaḥ. sarvaśabdaghaṭitaḥ samudāyaḥ samāsārthaḥ. samudāye ca pravartamānā sarvanāmasaṃjñā kvacidapyaprayujyamāne tasmin vaiyathryādānarthakyāttadaṅgeṣviti nyāyenāvayaveṣvavatarantī aviśeṣātsarvaśabde'pi bhavati. evaṃcātra sarvaśabdasya svarūpeṇa vartipadārthatā, samudāyarūpeṇa tvanyapadārthapraveśaḥ. naca samudāyasyānyapadārthatve sarvādīnīti bahuvacanānupapattiḥ śaṅkyāḥ, sarvaśabdaghaṭitasya vivakṣitāvayavasaṅkhyasya samūhasyānyapadārthatvāt. "adbhūtāvayavabhedaḥ samudāyaḥ samāsārtha" iti kaiyaṭokterapyayamevārthaḥ. ato na bahuvacanasyānupapattiḥ tadevaṃ vyākhyāne "hali sarveṣā"mityādinirdeśaḥ pramāṇam. sarvaśabdasya sarvanāmatvā'bhāve tu sarveṣāmityādau sarvanāmakāryāṇi suḍādīni na syuḥ. tathāca sarvādīnīti tadguṇasaṃvijñāno bahuvrīhiḥ. tasya=anyapadārthasya, guṇa#ā#ḥ=viśeṣaṇāni vartipadārtharūpāṇi, teṣāṃ saṃvijñānaṃ=kriyānvayitayā vijñānaṃ yatra sa tadguṇasaṃvijñāna iti vyatpattiḥ. yatra saṃyogasamavāyānyatarasaṃbandhenānyapadārthe vartipadārthānvayastatra prāyeṇa tadguṇasaṃvijñāno bahuvrīhiḥ. yathā-"dvivāsā devadatto bhuṅkte", "lambakarṇaṃ bhojaye"tyādau. tatpara hi vāsasoḥ karṇayośca bhujikriyānvayā'bhāve'pi saṃnihitatvamātreṇa tadguṇasaṃvijñānatvam. prakṛte ca samudāye.ñanyapadārthe sarvaśabdasya samavāyāntargatāropitāvayavāvayavibhāvasaṃbandhasattvāttadguṇasaṃvijñānatvam. svasvāmibhāvādisambandhenānyapadārthe vartipadārthānvaye tvatadguṇasaṃvijñāno bahuvrīhiḥ. yathā--"citragumānaye"tyādāvityalam.nanu sarva vi()otyevaṃ sarvādiśabdānāṃ kevalānāmeva sarvādigaṇe pāṭhātparamasarvādiśabdānāṃ kathaṃ sarvanāmatetyata āha--tadantasyāpīti. dvandve cetīti. "dvandve ce"tyanena sarvādiśabdāntadvandvasya sarvanāmasaṃjñā pratiṣidhyate--varṇāśrametarāṇāmityādau. yadi kevalānāmeva sarvādigaṇapaṭhitānāṃ kevalānāmeva sarvādiśabdānāmastu sarvanāmatā, māstu tadantānāmapi, "sarvanāmnaḥ smai" ityādisarvanāmakāryāṇāmaṅgādhikārasthatvena "padāṅgādhikāre tasya ca tadantasya ce"ti paribhāṣayā "paramasarvasmai" ityādiṣu. siddherityata āha--teneti. tadantasyāpi saṃjñābalenetyarthaḥ. sidhyatītyarthaḥ. cakārātpañcamyāstasiliti tasil ca. nacāvayavagatasarvanāmatvena tatsiddhiriti vācyaṃ , kutsita #iti sūtrasthabhāṣyarītyā sahkhyākārakābhyāṃ pūrṇārthasyetarānvayena subantādeva taddhitotpattyavagamena sarvanāmaprakṛtikasubantārthagatakutsādivivakṣāyāṃ sarvanāmāvayavaṭeḥ prāgakajityarthaparyavasānāttadantasaṃjñā'bhāve tadasiddheriti bhāvaḥ.

sarvādīnīti. tadguṇasaṃvijñāno bahuvrīhirayam. `adaḥ sarveṣā'miti liṅgam. ādiśabdo'trāvayavavācī. sarva ādirādyāvayayo yeṣāṃ tānīti vigrahaḥ. udbhūtāvayavabhedaḥ samudāyaḥ samāsārthaṃ iti bahuvacanam. tasya samudāyasya yugapallakṣye prayogābhāvāt `ānarthakyāttadaṅgeṣu' iti nyāyena tadavayaveṣu pravartamānā sarvanāmasaṃjñā'viśeṣātsarvaśabde'pi pravartata iti yuktaṃ tadguṇasaṃvijñānatvam. tasyānyapadārthasya guṇā vartipadārtharūpāṇi viśeṣaṇāni teṣā kāryānvayitayā saṃvijñānaṃ yatra sa tadguṇasaṃvijñāna ityakṣarārthaḥ. lokavedayorapi saṃyogasamavāyānyatarasambandhe `lohitoṣṇīṣāṛtvijaścaranti,'`lambakarṇamānaye'tyādau tadguṇasaṃvijñānatvameva. svasvāmibhāvasaṃbandhe tvatadguṇasaṃvijñānatvaṃ `citragumānaye'tyādau. nanu `sarvanāmānī'tyatra `pūrvapadātsaṃjñāyā'miti ṇatvaṃ kasmānna bhavati ?. sautratvānneti cet,loke sarvanāmaśabdasyā'sādhutvāpattyā `sarvanāmasaṃjñāni syu'rityuttaragranthasyā'sādhutvāpatteriti cenmaivam. `nipātanāṇṇatvaṃ ne'ti bhāṣyoktavyākhyāśrayaṇādiṣṭasiddheḥ. atra bhāṣyānusārādbādhakānyeva nipātanāni bhavantīti pakṣa āśritaḥ. `aba#ādhakānyapi nipātanāni bhavantī't pakṣastu `vibhāṣā phālgunī'ti sūtre śravaṇāśabde nipātite'pi `śrāvaṇī'ti prayogo'pi sādhurityevamarthamāśrayiṣyate. viśeṣaṇānuguṇaṃ viśeṣyamadhyāharati-śabdasvarūpāṇīti. dvandve ceti. sa hi niṣedhaḥ samudāyasyaiva na tvavayavānāmiti vakṣyati, na ca tadantavidhiṃ vinā samudāye saṃjñāprasaktirastīti bhāvaḥ. nanvaṅgādhirakāre tadantavidhiṃ vinaiva `paramasarvasmai' ityādau smāyādisiddhestadantasaṃjñāyāḥ kiṃ phalamityata āha–teneti. na cehāpi `prātipadikā'dityanuvṛtte sarvanāmnastadviśeṣaṇatve tadantavidhirbhaviṣyatīti vācyaṃ, `samāsapratyayavidhau pratiṣedhaḥ' ityuktatvāditi bhāvaḥ. akacceti cakārātparamasarvata ityatra tasil.

sarvādīni sarvanāmāni 178, 1.1.26 sarvādīnīti. tadguṇasaṃvijñāno bahuvrīhirayam. "adaḥ sarveṣā"miti liṅgam. ādiśabdo'trāvayavavācī. sarva ādirādyāvayayo yeṣāṃ tānīti vigrahaḥ. udbhūtāvayavabhedaḥ samudāyaḥ samāsārthaṃ iti bahuvacanam. tasya samudāyasya yugapallakṣye prayogābhāvāt "ānarthakyāttadaṅgeṣu" iti nyāyena tadavayaveṣu pravartamānā sarvanāmasaṃjñā'viśeṣātsarvaśabde'pi pravartata iti yuktaṃ tadguṇasaṃvijñānatvam. tasyānyapadārthasya guṇā vartipadārtharūpāṇi viśeṣaṇāni teṣā kāryānvayitayā saṃvijñānaṃ yatra sa tadguṇasaṃvijñāna ityakṣarārthaḥ. lokavedayorapi saṃyogasamavāyānyatarasambandhe "lohitoṣṇīṣāṛtvijaścaranti,""lambakarṇamānaye"tyādau tadguṇasaṃvijñānatvameva. svasvāmibhāvasaṃbandhe tvatadguṇasaṃvijñānatvaṃ "citragumānaye"tyādau. nanu "sarvanāmānī"tyatra "pūrvapadātsaṃjñāyā"miti ṇatvaṃ kasmānna bhavati?. sautratvānneti cet,loke sarvanāmaśabdasyā'sādhutvāpattyā "sarvanāmasaṃjñāni syu"rityuttaragranthasyā'sādhutvāpatteriti cenmaivam. "nipātanāṇṇatvaṃ ne"ti bhāṣyoktavyākhyāśrayaṇādiṣṭasiddheḥ. atra bhāṣyānusārādbādhakānyeva nipātanāni bhavantīti pakṣa āśritaḥ. "aba#ādhakānyapi nipātanāni bhavantī"t pakṣastu "vibhāṣā phālgunī"ti sūtre śravaṇāśabde nipātite'pi "śrāvaṇī"ti prayogo'pi sādhurityevamarthamāśrayiṣyate. viśeṣaṇānuguṇaṃ viśeṣyamadhyāharati-śabdasvarūpāṇīti. dvandve ceti. sa hi niṣedhaḥ samudāyasyaiva na tvavayavānāmiti vakṣyati, na ca tadantavidhiṃ vinā samudāye saṃjñāprasaktirastīti bhāvaḥ. nanvaṅgādhirakāre tadantavidhiṃ vinaiva "paramasarvasmai" ityādau smāyādisiddhestadantasaṃjñāyāḥ kiṃ phalamityata āha--teneti. na cehāpi "prātipadikā"dityanuvṛtte sarvanāmnastadviśeṣaṇatve tadantavidhirbhaviṣyatīti vācyaṃ, "samāsapratyayavidhau pratiṣedhaḥ" ityuktatvāditi bhāvaḥ. akacceti cakārātparamasarvata ityatra tasil.