1/91:saṅkhyāsañjñāyām saṅkhyāgrahaṇam |*
2/91:saṅkhyāsañjñāyām saṅkhyāgrahaṇam kartavyam |
3/91:bahugaṇvatuḍatayaḥ saṅkhyāsañjñāḥ bhavanti |
4/91:saṅkhyā ca saṅkhyāsañjñā bhavati iti vaktavvyam |
5/91:kim prayojanam |
6/91:saṅkhyāsampratyayārtham |*
7/91:ekādikāyāḥ saṅkhyāyāḥ saṅkhyāpradeśeṣu saṅkhyā iti eṣaḥ sampratyayaḥ yathā syāt |
8/91:nanu ca ekādikā saṅkhyā loke saṅkhyā iti pratītā |
9/91:tena asyāḥ saṅkhyāpradeśeṣu saṅkhyāsampratyayaḥ bhaviṣyati |
10/91:evam api kartavyam |
11/91:itarathā hi asampratyayaḥ akṛtrimatvāt yathā loke |*
12/91:akriyamāṇe hi saṅkhyāgrahaṇe ekādikāyāḥ saṅkhyāyāḥ saṅkhyā iti sampratyayaḥ na syāt |
13/91:kim kāraṇam |
14/91:akṛtrimatvāt |
15/91:bahvādīnām kṛtrimā sañjñā |
16/91:kṛtrimākṛtrimayoḥ kṛtrime kāryasampratyayaḥ bhavati yathā loke |
17/91:tat yathā loke gopālakam ānaya kaṭajakam ānaya iti yasya eṣā sañjñā bhavati saḥ ānīyate na yaḥ gāḥ pālayati yaḥ vā kaṭe jātaḥ |
18/91:yadi tarhi kṛtrimākṛtrimayoḥ kṛtrime sampratyayaḥ bhavati nadīpaurṇamāsyāgrahāyaṇībhyaḥ iti atra api prasajyeta |
19/91:paurṇamāsyāgrahāyaṇīgrahaṇasāmarthyāt na bhaviṣyati |
20/91:tadviśeṣebhyaḥ tarhi prāpnoti : gaṅgā yamunā iti |
21/91:evam tarhi ācāryapravṛttiḥ jñāpayati na tadviśeṣebhyaḥ bhavati iti yat ayam vipāṭśabdam śaratprabhṛtiṣu paṭhati |
22/91:iha tarhi prāpnoti : nadībhiḥ ca iti |
23/91:bahuvacananirdeśāt na bhaviṣyati |
24/91:svarūpavidhiḥ tarhi prāpnoti |
25/91:bahuvacananirdeśāt eva na bhaviṣyati |
26/91:evam na ca idam akṛtam bhavati kṛtrimākṛtrimayoḥ kṛtrime sampratyayaḥ iti na ca kaḥ cit doṣaḥ |
27/91:uttarārtham ca |*
28/91:uttarārtham ca saṅkhyāgrahaṇam kartavyam |
29/91:ṣṇāntā ṣaṭ |
30/91:ṣakāranakārāntāyāḥ saṅkhyāyāḥ ṣaṭsañjñā yathā syāt |
31/91:iha mā bhūt : pāmānaḥ , vipruṣaḥ iti |
32/91:ihārthena tāvat na arthaḥ saṅkhyāgrahaṇena |
33/91:nanu ca uktam itarathā hi asampratyayaḥ akṛtrimatvāt yathā loke iti |
34/91:na eṣaḥ doṣaḥ |
35/91:arthāt prakaraṇāt vā loke kṛtrimākṛtrimayoḥ kṛtrime sampratyayaḥ bhavati |
36/91:arthaḥ vā asya evaṃsaṅjñakena bhavati prakṛtam vā tatra bhavati idam evaṃsaṅjñakena kartavyam iti| ātaḥ ca arthāt prakaraṇāt vā |
37/91:aṅga hi bhavān grāmyam pāṃsurapādam aprakaraṇajñam āgatam bravītu gopālakam ānaya kaṭajakam ānaya iti |
38/91:ubhayagatiḥ tasya bhavati sādhīyaḥ vā yaṣṭihastam gamiṣyati |
39/91:yathā eva tarhi arthāt prakaraṇāt vā loke kṛtrimākṛtrimayoḥ kṛtrime sampratyayaḥ bhavati evam iha api prāpnoti |
40/91:jānāti hi asau bahvādīnām iyam sañjñā kṛtā iti |
41/91:na yathā loke tathā vyākaraṇe |
42/91:ubhayagatiḥ punaḥ iha bhavati |
43/91:anyatra api na avaśyam iha eva |
44/91:tat yathā : kartuḥ īpsitatamam karma iti kṛtrimā sañjñā |
45/91:karmapradeśeṣu ca ubhayagatiḥ bhavati |
46/91:karmaṇi dvitīyā iti kṛtrimasya grahaṇam kartari karmavyatihāre iti akṛtrimasya |
47/91:tathā sādhakatamam karaṇam iti kṛtrimā karaṇasañjñā |
48/91:karaṇapradeśeṣu ca ubhayagatiḥ bhavati |
49/91:kartṛkaraṇayoḥ tṛtīyā iti kṛtrimasya grahaṇam śabdavairakalahābhrakaṇvameghebhyaḥ karaṇe iti akṛtrimasya |
50/91:tathā ādhāraḥ adhikaraṇam iti kṛtrimā adhikaraṇasañjñā |
51/91:adhikaraṇepradeśeṣu ca ubhayagatiḥ bhavati |
52/91:saptamī adhikaraṇe ca iti kṛtrimasya grahaṇam vipratiṣiddham ca anadhikaraṇavāci iti akṛtrimasya |
53/91:atha vā na idam sañjñākaraṇam |
54/91:tadvadatideśaḥ ayam : bahugaṇavatuḍatayaḥ saṅkhyāvat bhavanti iti |
55/91:saḥ tarhi vatinirdeśaḥ kartavyaḥ |
56/91:na hi antareṇa vatim atideśaḥ gamyate |
57/91:antareṇa api vatim atideśaḥ gamyate |
58/91:tat yathā : eṣaḥ brahmadattaḥ |
59/91:abrahmadattam brahmadattaḥ iti āha |
60/91:te manyāmahe : brahmadattavat ayam bhavati iti |
61/91:evam iha api asaṅkhyām saṅkhyā iti āha |
62/91:saṅkhyāvat iti gamyate |
63/91:atha vā ācāryapravṛttiḥ jñāpayati bhavati ekādikāyāḥ saṅkhyāyāḥ saṅkhyāpradeśeṣu saṅkhyāsampratyayaḥ iti yat ayam saṅkhyāyāḥ atiśadantāyāḥ kan iti tiśadantāyāḥ pratiṣedham śāsti |
64/91:katham kṛtvā jñāpakam |
65/91:na hi kṛtrimā tyantā śadantā vā saṅkhyā asti |
66/91:nanu ca iyam asti ḍatiḥ |
67/91:yat tarhi śadantāyāḥ pratiṣedham śāsti |
68/91:yat ca api tyantāyāḥ pratiṣedham śāsti |
69/91:nanu ca uktam ḍatyartham etat syāt iti |
70/91:arthavadgrahaṇe na anarthakasya iti arthavataḥ tiśabdasya grahaṇam |
71/91:na ca ḍateḥ tiśabdaḥ arthavān| atha vā mahatī iyam sañjñā kriyate |
72/91:sañjñā ca nāma yataḥ na laghīyaḥ |
73/91:kutaḥ etat |
74/91:laghvartham hi sañjñākaraṇam |
75/91:tatra mahatyāḥ sañjñāyāḥ karaṇe etat prayojanam anvarthasañjñā yatha vijñāyeta |
76/91:saṅkhyāyate anayā saṅkhyā iti |
77/91:ekādikayā ca api saṅkhyāyate |
78/91:uttarārthena ca api na arthaḥ saṅkhyāgrahaṇena |
79/91:idam prakṛtam anuvartiṣyate |
80/91:idam vai sañjñārtham uttaratra ca sañjñiviśeṣaṇārthaḥ |
81/91:na ca anyārtham prakṛtam anyārtham bhavati |
82/91:na khalu api anyat prakṛtam anuvartanāt anyat bhavati |
83/91:na hi godhā sarpantī sarpaṇāt ahiḥ bhavati |
84/91:yat tāvat ucyate na ca anyārtham prakṛtam anyārtham bhavati iti anyārtham api prakṛtam anyārtham bhavati |
85/91:tat yathā : śālyartham kulyāḥ praṇīyante tābhyaḥ ca pāṇīyam pīyate upaśpṛśyate ca śālayaḥ ca bhāvyante |
86/91:yad api ucyate na khalu api anyat prakṛtam anuvartanāt anyat bhavati |
87/91:na hi godhā sarpantī sarpaṇāt ahiḥ bhavati iti |
88/91:bhavet dravyeṣu etat evam syāt |
89/91:śabdaḥ tu khalu yena yena viśeṣeṇa abhisambadhyate tasya tasya viśeṣakaḥ bhavati |
90/91:atha vā sāpekṣaḥ ayam nirdeśaḥ kriyate na ca anyat kim cit apekṣyam asti |
91/91:te saṅkhyām eva apekṣiṣyāmahe |

1/38:adhyardhagrahaṇam ca samāsakanvidhyartham |*
2/38:adhyardhagrahaṇam ca kartavyam |
3/38:kim prayojanam |
4/38:samāsakanvidhyartham |
5/38:samāsavidhyartham kandvidhyartham ca |
6/38:samāsavidhyartham tāvat : adhyardhaśūrpam |
7/38:kanvidhyartham : adhyardhakam |
8/38:luki ca agrahaṇam |*
9/38:luki ca adhyardhagrahaṇam na kartavyam bhavati : adhyardhapūrvadvigoḥ luk asañjñāyām iti |
10/38:dvigoḥ iti eva siddham |
11/38:ardhapūrvapadaḥ ca pūraṇapratyayāntaḥ |*
12/38:ardhapūrvapadaḥ ca pūraṇapratyayāntaḥ saṅkhyāsañjñaḥ bhavati iti vaktavyam |
13/38:kim prayojanam |
14/38:samāsakanvidhyartham |
15/38:samāsavidhyartham kandvidhyartham ca |
16/38:samāsavidhyartham tāvat : ardhapañcamaśūrpam |
17/38:kanvidhyartham : ardhapañcamakam |
18/38:adhikagrahaṇam ca aluki samāsottarapadavṛddhyartham |*
19/38:adhikagrahaṇam ca aluki kartavyam |
20/38:kim prayojanam |
21/38:samāsottarapadavṛddhyartham |
22/38:samāsavṛddhyartham uttaravṛddhyartam ca |
23/38:samāsavṛddhyartham tāvat : adhikaṣāṣṭhikaḥ , adhikasāptatikaḥ |
24/38:uttarapadavṛddhyartham adhikaṣāṣṭhikaḥ , adhikasāptatikaḥ |
25/38:aluki iti kim artham |
26/38:adhikaṣāṣṭhikaḥ , adhikasāptatikaḥ |
27/38:bahuvrīhau ca agrahaṇam |*
28/38:bahuvrīhau ca adhikaśabdasya grahaṇam na kartavyam bhavati : saṅkhyayā avyayāsannādūrādhikasaṅkhyāḥ saṅkhyeye iti |
29/38:saṅkhyā iti eva siddham |
30/38:bahvādīnām agrahaṇam |*
31/38:bahvādīnām grahaṇam śakyam akartum |
32/38:kena idānīm saṅkhyāpradeśeṣu saṅkhyasampratyayaḥ bhaviṣyati |
33/38:jñāpakāt siddham |
34/38:kim jñāpakam |
35/38:yat ayam vatoḥ iṭ vā iti saṅkhyāyāḥ vihitasya kanaḥ vatvantāt iṭam śāsti |
36/38:vatoḥ eva tat jñāpakam syāt |
37/38:na iti āha |
38/38:yogāpekṣam jñāpakam |

bahu gaṇa vatu ityeta saṅkhyāsaṃjñā bhavanti. bahukṛtvaḥ. bahudhā. bahukaḥ. bahuśaḥ. gaṇakṛtvaḥ. gaṇadhā. gaṇakaḥ. gaṇaśaḥ. tāvatkṛtvaḥ. tāvaddhā. tāvatkaḥ. tāvacchaḥ. katikṛtvaḥ. katidhā. katikaḥ. katiśaḥ. bahugaṇaśabdayor vaipulye saṅghe ca vartamānayoriha grahaṇaṃ nāsti, saṅkhyāvācinoreva. bhūryādīnāṃ nivṛttyarthaṃ saṅkhyāsaṃjñā vidhīyate. ardhapūrvapadaśca pūraṇapratyayāntaḥ saṅkhyāsaṃjño bhavati iti vaktavyaṃ samāsakan vidhyartham. ardhapañcamaśūrpaḥ. ardhaṃ pañcamaṃ yeśām iti bahuvrīhau kṛte ardhapañcamaiḥ śūrpaiḥ krītaḥ. taddhitārthaiti samāsaḥ. tatra diksaṅkhye saṃjñāyām 2-1-50 ityanuvṛttes tataḥ saṅkhyāpūrvasya dvigusaṃjñāyāṃ śūrpādañanyatarasyām 5-1-26) iti añ ṭhañ ca. adhyardhapūrvadvigor lugasaṃjñāyām (*5,1.28 iti luk. ardhapañcamakaḥ. saṅkhyāpradeśāḥsaṅkhyā vaṃśyena 2-1-19 ityevam ādayaḥ.

bahugaṇavatuḍati saṅkhyā 1.1.23 bahu gaṇa vatu ityeta saṅkhyāsaṃjñā bhavanti. bahukṛtvaḥ. bahudhā. bahukaḥ. bahuśaḥ. gaṇakṛtvaḥ. gaṇadhā. gaṇakaḥ. gaṇaśaḥ. tāvatkṛtvaḥ. tāvaddhā. tāvatkaḥ. tāvacchaḥ. katikṛtvaḥ. katidhā. katikaḥ. katiśaḥ. bahugaṇaśabdayor vaipulye saṅghe ca vartamānayoriha grahaṇaṃ nāsti, saṅkhyāvācinoreva. bhūryādīnāṃ nivṛttyarthaṃ saṅkhyāsaṃjñā vidhīyate. ardhapūrvapadaśca pūraṇapratyayāntaḥ saṅkhyāsaṃjño bhavati iti vaktavyaṃ samāsakan vidhyartham. ardhapañcamaśūrpaḥ. ardhaṃ pañcamaṃ yeśām iti bahuvrīhau kṛte ardhapañcamaiḥ śūrpaiḥ krītaḥ. taddhitārthaiti samāsaḥ. tatra diksaṅkhye saṃjñāyām 2.1.49 ityanuvṛttes tataḥ saṅkhyāpūrvasya dvigusaṃjñāyāṃ śūrpādañanyatarasyām 5.1.26 iti añ ṭhañ ca. adhyardhapūrvadvigor lugasaṃjñāyām 5.1.28 iti luk. ardhapañcamakaḥ. saṅkhyāpradeśāḥsaṅkhyā vaṃśyena 2.1.18 ityevam ādayaḥ.

bahugaṇavatuḍati saṃkhyā. , 1.1.22 atra bahugaṇaśabdau prātipadike, vatuḍatī pratyayau. "bahukṛtvaḥ" iti- " sakhyāyāḥ kriyābhyāvṛttigaṇane kṛtvasuc" 5.4.17. "bahudhā" iti- "sakhyāyā vidhārthe dhā" 5.3.42 "bahukaḥ" iti- "sakhyāyā atiśadantāyāḥ kan" 5.1.22 "tāvatkṛtvaḥ" ityādi- tacchabdāt "yattadetebhyaḥ parimāṇe vatup" 5.2.39 iti vatupi kṛte "ā sarvanāmnaḥ" 6.3.90 ityāttve kṛte "tāvat" iti bhavati; kiṃśabdāt kimaḥ saṃkhyāparimāṇe ḍatau kṛte ṭilope ca "kati" iti bhavati; tābhyāṃ pūrvavadeva kṛtvasujādayaḥ. "bahugaṇaśabdayoḥ" ityādi. bahuśabdo'yaṃ saṃkhyāvacano'pyasti, vaipulyavacano' pi; gaṇaśabdaḥ saṃkhyāvacano'pyasti, saṅghavacano'pi; tatra yau vaipulysaṅghavacanau,tayoriha grahaṇaṃ nāsti, saṃkhyāvācinoreva tayostveṣā saṅkhyāsaṃjñā vidhīyate,tatkathaṃ saṃkhye- tyanvarthasaṃjñeyam- saṃkhyāyate'nayā saṃkhyā ! na ca yo vaipulye bahuśabdo vatrtate, yaśca saṅghe gaṇaśabdaḥ, tābhyāṃ saṃkhyāyate. tathā hi- "bahurodanaḥ" ityukte vaipulyaṃ gamyate; tathā "mahān bhikṣauumāṃ gaṇaḥ" ityukte saṅghaḥ,na tu saṃkhyānam. tasmādanvarthasaṃjñākaraṇād yāvekadvisaṃkhyāvyavacchedena saṃkhyāviśeṣamāhatuḥ, tayoreva grahaṇam. yadyevam,kimarthaṃ tayoriyaṃ saṃjñā vidhīyate, yāvatā saṃkhyāvācinau tau laukikasaṃkhyāyāmantarbhūtau? laukikī ca saṃkhyā śāstre gṛhrata eva; anyathā "saṃkhyāyā atiśadantāyāḥ kan" 5.1.22 ityatra "atiśadantāyāḥ" iti pratiṣedho'narthakaḥ syāt(), śāstrīyāyāḥ saṃkhyāyā atiśadantāyā abhāvādityat āha- "bhūryādīnāṃ nivṛttyartham" iti. bhūri- prabhūtamityevamādayastajjātīyāḥ pracuraviśeṣavācinaḥ santi, teṣāṃ mā bhūdityevamartha bahugaṇaśabdayoḥ saṃkhyāsaṃjñā vidhīyate. tadetena niyamārthametayoḥ saṃjñāvidhānametaditi darśayati. tulyajātīyāpekṣayā hi niyamaḥ. atastulyajātīyānāṃ bhūryādīnāmeva niyamena vyāvṛttiḥ kriyate, nānyeṣām. "ardhapūrvapadaśca" iti. ardhaśabdaḥ pūrvapadaṃ yasya pūraṇapratyayāntas so'rdha- pūrvapadaḥ, sa ca saṃkhyāsaṃjño bhavatītyetadartharūpaṃ vyākhyeyamityarthaḥ. kimarthamityāha- "samāsakanvidhyartham" iti. tatredaṃ vyākhyānam- "ḍati ca" 1.1.24 ityatra yaścakāraḥ, sa iha svaritatvamāsajya siṃhāvalokitanyāyenopasthāpyate. sa cānuktasamuccayārthaḥ. tenārdhapūrvapadaśca pūraṇapratyayāntaḥ saṃkhyāsaṃjño bhavatīti. ardhapañcamaśūrpaḥ" iti. ardhaṃ pañcamaṃ yeṣāmiti bahuvrīhiḥ. ardhapañcamaiḥ śūrpaiḥ krītamiti "taddhitārthottarapadasamā- hāre ca" 5.1.50 iti samāsaḥ. "saṃkhyāpūrvo dviguḥ" 2.1.51 iti dvigusaṃjñā. " śūrpādañanyatarasyām" 5.1.26 iti vihitasyāñaṣṭhaño vā "adhyardhapūrvadvigorluga- saṃjñāyām" 5.1.28 iti luk. "ardhapañcakaḥ" iti. "saṃkhyāyā atiśadantāyāḥ kan"5.1.22॥

atha ṣaṭsaṃjñākāryaṃ vakṣyan ṣaṭsaṃjñopayoginīṃ saṅkhyāsaṃjñāmāha-bahugaṇa. bahuśca gaṇasca vatuśca ḍatiśceti samāhāradvandvaḥ. etatsaṅkhyāsaṃjñaṃ syādityarthaḥ. phalitamāha-ete iti. bahvādaya ityarthaḥ. bahugaṇaśabdāviha tritvādiparārdhāntaśaṅkhyāvyāpakadharmaviśeṣavācinau gṛhrete. na tu vaipulyasaṅghavācinau, saṅkhyāyate'nayeti anvayarthasaṃjñāvijñānāt. vatuḍatī pratyayau. saṃjñāvidhāvapīha tadantagrahaṇaṃ, kevalayoḥ prayogānarhatvāt. vaturiha `yattadetebhyaḥ parimāṇe vatu'viti taddhitapratyayo gṛhrate, na tu `tena tulyaṃ kriyā cedvati'riti vatirapi, ukārānubandhāt. ḍatirapi `kimaḥ saṅkhyāparimāṇe ḍati ca ' iti vihistataddhita eva gṛhrate, vatunā sāhacaryāt. na tu bhāterḍavaturiti vihitaḥ kṛdapi. nanu `saṅkhyāyāḥ kriyābhyāvṛttigaṇane kṛtvasu'jityādisaṅkhyāpradeśeṣu bahvādīnāmeva caturṇāṃ grahaṇaṃ syāt. na tu lokaprasiddhasaṅkhyāvācakānāmapi, `kṛtrimākṛtrimayoḥ kṛtrime kāryasaṃpratyayaḥ' iti nyāyāt. tataśca `pañcakṛtvaḥ' ityādi na syāditi cenna, `saṅkhyāyā atiśadantāyāḥ kani'tyatra tiśadantaparyudāsabalena saṅkhyāpradeśeṣu kṛtrimā'kṛtrimanyāyā'pravṛttijñāpanāt. nahi viṃśatitiṃ?raśadādiśabdānāṃ kṛtrimā saṅkhyāsaṃjñā'sti. nacaivaṃ sati bahugaṇagrahaṇavaiyathryaṃ śaṅkyaṃ, tayorniyataviṣayaparicchedakatvā'bhāvena lokasiddhasaṅkhyātvā'bhāvāt. ata eva bhāṣye `etatsūtramatideśārthaṃ yadayamasaṅkhyāṃ saṃkhyetyāha' ityuktaṃ saṅgacchate ityastāṃ tāvat.

bahugaṇavatuḍati saṅkhyā 256, 1.1.22 atha ṣaṭsaṃjñākāryaṃ vakṣyan ṣaṭsaṃjñopayoginīṃ saṅkhyāsaṃjñāmāha-bahugaṇa. bahuśca gaṇasca vatuśca ḍatiśceti samāhāradvandvaḥ. etatsaṅkhyāsaṃjñaṃ syādityarthaḥ. phalitamāha-ete iti. bahvādaya ityarthaḥ. bahugaṇaśabdāviha tritvādiparārdhāntaśaṅkhyāvyāpakadharmaviśeṣavācinau gṛhrete. na tu vaipulyasaṅghavācinau, saṅkhyāyate'nayeti anvayarthasaṃjñāvijñānāt. vatuḍatī pratyayau. saṃjñāvidhāvapīha tadantagrahaṇaṃ, kevalayoḥ prayogānarhatvāt. vaturiha "yattadetebhyaḥ parimāṇe vatu"viti taddhitapratyayo gṛhrate, na tu "tena tulyaṃ kriyā cedvati"riti vatirapi, ukārānubandhāt. ḍatirapi "kimaḥ saṅkhyāparimāṇe ḍati ca " iti vihistataddhita eva gṛhrate, vatunā sāhacaryāt. na tu bhāterḍavaturiti vihitaḥ kṛdapi. nanu "saṅkhyāyāḥ kriyābhyāvṛttigaṇane kṛtvasu"jityādisaṅkhyāpradeśeṣu bahvādīnāmeva caturṇāṃ grahaṇaṃ syāt. na tu lokaprasiddhasaṅkhyāvācakānāmapi, "kṛtrimākṛtrimayoḥ kṛtrime kāryasaṃpratyayaḥ" iti nyāyāt. tataśca "pañcakṛtvaḥ" ityādi na syāditi cenna, "saṅkhyāyā atiśadantāyāḥ kani"tyatra tiśadantaparyudāsabalena saṅkhyāpradeśeṣu kṛtrimā'kṛtrimanyāyā'pravṛttijñāpanāt. nahi viṃśatitiṃ()raśadādiśabdānāṃ kṛtrimā saṅkhyāsaṃjñā'sti. nacaivaṃ sati bahugaṇagrahaṇavaiyathryaṃ śaṅkyaṃ, tayorniyataviṣayaparicchedakatvā'bhāvena lokasiddhasaṅkhyātvā'bhāvāt. ata eva bhāṣye "etatsūtramatideśārthaṃ yadayamasaṅkhyāṃ saṃkhyetyāha" ityuktaṃ saṅgacchate ityastāṃ tāvat.

bahugaṇavatu. bahugaṇau pratipādake saṅkhyāvācake gṛhrate na tu saṅghavaipulyavācake api, saṅkhyāyate anyetyānvarthasaṃjñāvijñānāt. ata eva ḍatirapi `kimaḥ saṅkhyāparimāṇe ḍati ce'ti vihitastaddhita eva gṛhrate, `vatu'sāhacaryācca. na tu `pāterḍatiḥ'. yadyapi saṃjñāvidhau pratyagrahaṇe tadantagrahaṇaṃ nāsti tathāpīha vatuḍatyoḥ kevalayoḥ saṃjñāvidhau phalā'bhāvādanvarthatābalācca tadantayoreva saṃjñā pravartate. sānuvandhanirdeśastu `vrāhṛṇabadvasati'rityadāvatiprasaṅgaśaṅkāṃ nirākartumityāhuḥ. na caivaṃ saṅkhyākāryeṣu kṛtvasujādiṣu kṛtrimasaṅkhyāyā eva grahaṇaṃ syānna tvakṛtrimāyā iti `pañcakṛtva'ityādi na sidhyet, kṛtrimā'katrimayoḥ kṛtrime kāryasaṃpratyayāditi vācyam; `saṅkhyāyā atiśadantāyāḥ ka'nnityatrātiśadantaparyudāsabalena saṅkhyākāryeṣu kṛtrimā'kṛtrimanyāyā'pravṛtteḥ. nanvevaṃ bhūriśabdātkṛtvasucpratyayaprasaṅga iti cedatrāhuḥ-`aniyatasaṅkhyāvācināṃ cetsaṅkhyākāryaṃ syāttarhi vahugaṇayoreve'tyevaṃbhūtaniyamaphalasaṅkhyāvijñānānnāstyatiparsaṅga iti.

bahugaṇavatuḍati saṅkhyā 217, 1.1.22 bahugaṇavatu. bahugaṇau pratipādake saṅkhyāvācake gṛhrate na tu saṅghavaipulyavācake api, saṅkhyāyate anyetyānvarthasaṃjñāvijñānāt. ata eva ḍatirapi "kimaḥ saṅkhyāparimāṇe ḍati ce"ti vihitastaddhita eva gṛhrate, "vatu"sāhacaryācca. na tu "pāterḍatiḥ". yadyapi saṃjñāvidhau pratyagrahaṇe tadantagrahaṇaṃ nāsti tathāpīha vatuḍatyoḥ kevalayoḥ saṃjñāvidhau phalā'bhāvādanvarthatābalācca tadantayoreva saṃjñā pravartate. sānuvandhanirdeśastu "vrāhṛṇabadvasati"rityadāvatiprasaṅgaśaṅkāṃ nirākartumityāhuḥ. na caivaṃ saṅkhyākāryeṣu kṛtvasujādiṣu kṛtrimasaṅkhyāyā eva grahaṇaṃ syānna tvakṛtrimāyā iti "pañcakṛtva"ityādi na sidhyet, kṛtrimā'katrimayoḥ kṛtrime kāryasaṃpratyayāditi vācyam; "saṅkhyāyā atiśadantāyāḥ ka"nnityatrātiśadantaparyudāsabalena saṅkhyākāryeṣu kṛtrimā'kṛtrimanyāyā'pravṛtteḥ. nanvevaṃ bhūriśabdātkṛtvasucpratyayaprasaṅga iti cedatrāhuḥ-"aniyatasaṅkhyāvācināṃ cetsaṅkhyākāryaṃ syāttarhi vahugaṇayoreve"tyevaṃbhūtaniyamaphalasaṅkhyāvijñānānnāstyatiparsaṅga iti.