1/58:kimartham idam ucyate |
2/58:sati anyasmin ādyantavadbhāvāt ekasmin ādyantavadvacanam |*
3/58:sati anyasmin yasmāt pūrvam na asti param asti saḥ ādiḥ iti ucyate |
4/58:sati anyasmin yasmāt param na asti pūrvam asti saḥ antaḥ iti ucyate |
5/58:sati anyasmin ādyantavadbhāvāt etasmāt kāraṇāt ekasmin ādyantāpadiṣṭāni kāryāṇi na sidhyanti |
6/58:iṣyante ca syuḥ iti |
7/58:tāni antareṇa yatnam na sidhyanti iti ekasmin ādyantavadvacanam |
8/58:evamartham idam ucyate |
9/58:asti prayojanam etat |
10/58:kim tarhi iti |
11/58:tatra vyapadeśivadvacanam |*
12/58:tatra vyapadeśivadbhāvaḥ vaktavyaḥ |
13/58:vyapadeśivat ekasmin kāryam bhavati iti vaktavyam |
14/58:kim prayojanam |
15/58:ekācaḥ dve prathamārtham |*
16/58:vakṣyati ekācaḥ dve prathamasya iti bahuvrīhinirdeśaḥ iti |
17/58:tasmin kriyamāṇe iha eva : syāt papāca papāṭha |
18/58:iyāya , āra iti atra na syāt |
19/58:vyapdeśivat ekasmin kāryam bhavati iti atra api siddham bhavati |
20/58:ṣatve ca ādeśasampratyayārtham |*
21/58:vakṣyati ādeśapratyayayoḥ iti avayavaṣaṣṭhī eva iti |
22/58:etasmin kriyamāṇe iha eva syāt : kariṣyati hariṣyati |
23/58:iha na syāt : indraḥ mā vakṣat , saḥ devan yakṣat |
24/58:vyapdeśivat ekasmin kāryam bhavati iti atra api siddham bhavati |
25/58:saḥ tarhi vyapadeśivadbhāvaḥ vaktavyaḥ |
26/58:na vaktavyaḥ |
27/58:avacanāt lokavijñānāt siddham |*
28/58:antareṇa eva vacanam lokavijñānāt siddham etat |
29/58:tat yathā : loke śālāsamudāyaḥ grāmaḥ iti ucyate |
30/58:bhavati ca etat ekasmin api ekaśālaḥ grāmaḥ iti |
31/58:viṣamaḥ upanyāsaḥ |
32/58:grāmaśabdaḥ ayam bahvarthaḥ |
33/58:asti eva śālāsamudāye vartate |
34/58:tat yathā grāmaḥ dagdhaḥ iti |
35/58:asti vāṭaparikṣepe vartate |
36/58:tat yathā grāmam praviṣṭaḥ |
37/58:asti manuṣyeṣu vartate |
38/58:tat yathā |
39/58:grāmaḥ gataḥ , grāmaḥ āgataḥ iti |
40/58:asti sāraṇyake sasīmake sasthaṇḍilake vartate |
41/58:tat yathā grāmaḥ labdhaḥ iti |
42/58:tat yaḥ sāraṇyake sasīmake sasthaṇḍilake vartate tam abhisamīkṣya etat prayujyate : ekaśālaḥ grāmaḥ iti |
43/58:yathā tarhi varṇasamudāyaḥ padam padasamudāyaḥ ṛk ṛksamudāyaḥ sūktam iti ucyate |
44/58:bhavati ca etat ekasmin api ekavarṇam padam ekapadā ṛk ekarcam sūktam iti |
45/58:atra api arthena yuktaḥ vyapadeśaḥ |
46/58:padam nāma arthaḥ sūktam nama arthaḥ |
47/58:yathā tarhi bahuṣu putreṣu etat upapannam : bhavati ayam me jyeṣṭhaḥ ayam eva me madhyamaḥ ayam eva me kanīyān iti |
48/58:bhavati ca etat ekasmin api ayam eva me jyeṣṭhaḥ ayam me madhyamaḥ ayam me kanīyān iti |
49/58:tathā asūtāyām asoṣyamāṇāyām ca bhavati prathamagarbheṇa hatā iti |
50/58:tathā anetya anājigamiṣuḥ āha idam me prathamam āgamanam iti |
51/58:ādyantavadbhāvaḥ ca śakyaḥ avaktum |
52/58:katham |
53/58:apūrvānuttaralakṣaṇatvāt ādyantayoḥ siddham ekasmin |*
54/58:apūrvalakṣaṇaḥ ādiḥ anuttaralakṣaṇaḥ antaḥ |
55/58:etat ca ekasmin api bhavati |
56/58:apūrvānuttaralakṣaṇatvāt etasmāt kāraṇāt ekasmin api ādyantāpadiṣṭani kāryāṇi bhaviṣyanti |
57/58:na arthaḥ ādyantavadbhāvena |
58/58:gonardīyaḥ tu āha satyam etat sati tu anyasmin iti |

1/39:kāni punaḥ asya yogasya prayojanāni |
2/39:ādivattve prayojanam pratyayañnidādyudāttatve |*
3/39:pratyayasya ādiḥ udāttaḥ bhavati iti iha eva syāt : kartavyam , taittirīyaḥ |
4/39:aupagavaḥ , kāpaṭavaḥ iti atra na syāt |
5/39:ñniti ādiḥ nityam iti iha eva syāt : ahicumbakāyaniḥ , agniveśyaḥ |
6/39:gargyaḥ , kṛtiḥ iti atra na syāt |
7/39:valādeḥ ārdhadhātukasya iṭ |*
8/39:valādeḥ ārdhadhātukasya iṭ prayojanam |
9/39:ārdhadhātukasya iṭ valādeḥ iha eva : syāt kariṣyati hariṣyati |
10/39:joṣiṣat , manidṣat iti atra na syāt |
11/39:yasmin vidhiḥ tadāditve |*
12/39:yasmin vidhiḥ tadāditve prayojanam |
13/39:vakṣyati yasmin vidhiḥ tadādau algrahaṇe iti |
14/39:tasmin kriyamāṇe aci śnudhātubhruvām yvoḥ iyaṅuvaṅau iha eva syāt : śriyaḥ , bhruvaḥ |
15/39:śriyau bhruvau iti atra na syāt |
16/39:ajādyāṭtve | ajādyāṭtve prayojanam |*
17/39:āṭ ajādīnām iha eva syāt : aihiṣṭa , aikṣiṣṭa |
18/39:ait , adhyaiṣṭa iti atra na syāt |
19/39:atha antavattve kāni prayojanāni |
20/39:antavat dvivacanāntapragṛhyatve | antavat dvivacanāntapragṛhyatve prayojanam |*
21/39:īdūdet dvivacanam pragṛhyam iha eva syāt : pacete* iti pacethe* iti |
22/39:khaṭve* iti māle* iti iti atra na syāt |
23/39:mit acaḥ antyāt paraḥ |*
24/39:mit acaḥ antyāt paraḥ prayojanam |
25/39:iha eva syāt : kuṇḍāni vanāni |
26/39:tāni yāni iti atra na syāt |
27/39:acaḥ antyādi ṭi |*
28/39:acaḥ antyādi ṭi prayojanam |
29/39:ṭitaḥ ātmanepadānām ṭeḥ e iti iha eva syāt : kurvāte kurvāthe |
30/39:kurute kurve iti atra na syāt |
31/39:alaḥ antyasya |*
32/39:alaḥ antyasya prayojanam |
33/39:ataḥ dīrghaḥ yañi supi ca iha eva syāt : ghaṭābhyam , paṭābhyām |
34/39:ābhyām iti atra na syāt |
35/39:yena vidiḥ tadantatve |*
36/39:yena vidiḥ tadantatve prayojanam |
37/39:acaḥ yat iha eva syāt : ceyam , jeyam |
38/39:eyam adhyeyam iti atra na syāt |
39/39:ādyantavat ekasmin kāryam bhavati iti atra api siddham bhavati |

asahāyasayādyantaupadiṣṭāni kāryāṇi na sidhyanti iti ayamatideśa ārabhyate. saptamyarthe vatiḥ. ādāviva ante iva ekasminnapi kāryaṃ bhavati. yathā kartavyam ityatra pratyayā'dyudāttatvaṃ bhavati, evam aupagavam ityatra api yathā syāt. yathā vṛkṣābhyām ityatra ato 'ṅgasya dīrghatvam evam ābhyām, ityatra api yathā syāt. ekasminniti kim. sabhāsannayane bhavaḥ sābhāsannayanaḥ, ākāram āśritya vṛddhasaṃjñā na bhavati.

ādyantavadekasmin 1.1.21 asahāyasayādyantaupadiṣṭāni kāryāṇi na sidhyanti iti ayamatideśa ārabhyate. saptamyarthe vatiḥ. ādāviva ante iva ekasminnapi kāryaṃ bhavati. yathā kartavyam ityatra pratyayā'dyudāttatvaṃ bhavati, evam aupagavam ityatra api yathā syāt. yathā vṛkṣābhyām ityatra ato 'ṅgasya dīrghatvam evam ābhyām, ityatra api yathā syāt. ekasminniti kim. sabhāsannayane bhavaḥ sābhāsannayanaḥ, ākāram āśritya vṛddhasaṃjñā na bhavati.

ādyantavadekasmin. , 1.1.20 "asahāyasya" ityādinā sūtrārambhasya phalaṃ darśayati. iti karaṇo hetau. yasmādāderantasya yāni kāryāṇyupadiṣṭāni, tānyavidyamānasahāyasya na sidhyanti; tasmādatideśo'yamārabhyate. dvitīyādikaṃ hi sahāyamapekṣyādyantaśabdau pravatrtate. tathā hi - lokaḥ sati hi parasmin sahāye pūrvābhāve cādiriti vyapadiśati, sati ca pūrvasminparābhāve cānta iti. atastadubhayamasahāye nāstīti. tatrādyantapratibaddhāni kāryāṇi na syuḥ, yadyayamatideśo ārabhyate. "ekasmin" iti vacanāt "ādyantavata" ityatra saptamīsamarthā- dvatirgamyata ityāha- "saptamyarthe vatiḥ" iti. ādyantayorivādyantavat, "tatra tasyeva" 5.1.115 iti vatiḥ. "aupagavam" ityatrāpyādivyapadiṣṭaṃ kāryamatideśasya phalam. pratyayādyudāttatvaṃ hrāderupadiṣṭam, "ādyudāttaśca" 3.1.3 iti vacanāt. " ābhyām" iti. atrāntopadiṣṭaṃ dīrghatvaṃ hrantasyopadiṣṭam, "alo'ntyasya" 1.1.51 iti vacanāt. idamo bhyām, tyadādyatvam, 7.2.102, "ato guṇe" 6.1.94 pararūpatvam, "hali lopaḥ" 7.2.113 itīdrūpasya lopaḥ, "supi ca" 7.3.102 iti dīrghaḥ.

ādyantavadekasmin 280, 1.1.20 ekasminkriyamāṇaṃ kāryamādāvivānta iva syāt. supi ceti dīrghaḥ. ābhyām॥

nanu idam bhyāmiti sthite tyadādyatve pararūpe ido lope ca kṛte a-bhyām iti sthite aṅgasyākārātmakatvādadantatvābhāvātkathaṃ `supi ce'ti dīrgha ityata āha- ādyantavade. āditvāntatvayornityamanyasāpekṣatvādekasmin tatprayuktakāryāṇāmaprāptau tatpāptyarthamidamārabhyate.ekaśabdo'sahāyavācī. `eke mukhyānyakevalāḥ' ityamaraḥ. saptamyantā`ttatra tasyeve'ti vatiḥ, ekasminnityupameye saptamīdarśanāt. vatiśca dvandvānte śrūyamāṇatvātpratyekaṃ saṃbadhyate. tadāha-ekasminnityādi. tadāditadantayoḥ kriyamāṇaṃ kāryaṃ tadādau tadanta iva ca asahāye'pi syādityarthaḥ. ekasminniti kim ?. daridrātererajiti na. ādivattvaphalam-aupagava ityādau aṇpratyayādyudāttatvam. ābhyāmityādau antavattvāddīrghādirbhavati. bhāṣye tu ādyantavadityapanīya vyapadeśivadekasminniti sūtrapāṭhaḥ śikṣitaḥ. tena iyāyetyādau `ekāco dve prathamasye'ti dvirbhāvaḥ, dhugityatra vyapadeśivattvena dhātvavayavatvādbhaṣbhāvaśca sidhyati. viśiṣṭo'padeśo-vyapadeśa=mukhyo vyavahāraḥ. so'syāstīti vyapadeśī. mukhya iti yāvat. ekasmin tadāditvatadantatvatadavayavatvādiprayuktakāryaṃ syāditi phalitam. ()idamo'nvādeśe'śanudāttastṛtīyādau.2.4.32.\r\nidam–bhisiti sthite tyadādyatve pararūpe `hali lopaḥ' iti ido lope a-bhis iti sthite `ato bhisa ai'siti prāpte– nedamadasorakoḥ. `ato bhisa ai'sityato bhisa aisityanuvartate. `ako'riti ṣaṣṭho. na vidyate kakāro yayoriti bahuvrīhiḥ. tadāha–akakārayorityādinā. ettvamiti. `bahuvacane jhalītyanene'ti śeṣaḥ. ṅayi viśeṣamāha-atvamityādi. atvaṃ ṅeḥ smai ityanvayaḥ. idam eva iti sthite smaibhāvātparatvādanādeśe `vipratiṣedhe yadbādhitaṃ tadbādhitameve'ti nyāyena punaḥ smaibhāvo na syādityata āha–nityatvāditi. kṛte'kṛte'pyanādeśe pravṛttiyogyatayā smaibhāvasya nityatvādanādeśātprāgeva smaibhāve kṛte'nādeśasya hali lopena bādha iti bhāvaḥ. ābhyāmiti. pūrvavat. ebhya iti. tyadādyatvaṃ, pararūpatvaṃ, hali lopaḥ, `bahuvacane jhalye'dityettvaṃceti bhāvaḥ. asmāditi. tyadādyatvaṃ, pararūpatvaṃ hali lopaḥsa `ṅasiṅyoḥ' iti smāditi bhāvaḥ. asyeti. tyadādyatvaṃ, pararūpatvaṃ, syādeśaḥ, hali lopaśceti bhāvaḥ. anayoriti. tyadādyatvaṃsa pararūpatvam, `anāpyakaḥ' `osi ce'tyettvam, ayādeśaśceti bhāvaḥ. eṣāmiti. āmi tyadādyatvaṃ, pararūpatvaṃ, hali lopaḥ, ettvaṣatve iti bhāvaḥ. asminniti. atvaṃ, pararūpatvaṃ, smin, hali lopaśceti bhāvaḥ. e\ufffdiāti atvaṃ, pararūpatvaṃ, hali lopaḥ, ettvaṣatve iti bhāvaḥ. kakārayoge tviti. `avyayasarvanāmnāmakac prāk ṭe'rityanena idaṃśabdasya, akaci satītyarthaḥ. ayakamiti. akaci sati niṣpannasya idakamśabdasya `tanmadhyapatinyāyena `idamo maḥ' ityādāvidaṃgrahaṇena grahaṇānmatvādikamiti bhāvaḥ. `anāpyakaḥ' iti, `hali lopaḥ' iti, `nedamadasorako'riti ca neha pravartate. kakārayoge tanniṣedhādityāśayenāha– imakena imakābhyāmiti. ityādīti. imakaiḥ. imakasyai. imakebhyaḥ. imakasmāt. imakasya, imakayoḥ 2, imakeṣām. imakasmin imakeṣu.

ādyantavadekasmin , 1.1.20 nanu idam bhyāmiti sthite tyadādyatve pararūpe ido lope ca kṛte a-bhyām iti sthite aṅgasyākārātmakatvādadantatvābhāvātkathaṃ "supi ce"ti dīrgha ityata āha-ādyantavade. āditvāntatvayornityamanyasāpekṣatvādekasmin tatprayuktakāryāṇāmaprāptau tatpāptyarthamidamārabhyate.ekaśabdo'sahāyavācī. "eke mukhyānyakevalāḥ" ityamaraḥ. saptamyantā"ttatra tasyeve"ti vatiḥ, ekasminnityupameye saptamīdarśanāt. vatiśca dvandvānte śrūyamāṇatvātpratyekaṃ saṃbadhyate. tadāha-ekasminnityādi. tadāditadantayoḥ kriyamāṇaṃ kāryaṃ tadādau tadanta iva ca asahāye'pi syādityarthaḥ. ekasminniti kim?. daridrātererajiti na. ādivattvaphalam-aupagava ityādau aṇpratyayādyudāttatvam. ābhyāmityādau antavattvāddīrghādirbhavati. bhāṣye tu ādyantavadityapanīya vyapadeśivadekasminniti sūtrapāṭhaḥ śikṣitaḥ. tena iyāyetyādau "ekāco dve prathamasye"ti dvirbhāvaḥ, dhugityatra vyapadeśivattvena dhātvavayavatvādbhaṣbhāvaśca sidhyati. viśiṣṭo'padeśo-vyapadeśa=mukhyo vyavahāraḥ. so'syāstīti vyapadeśī. mukhya iti yāvat. ekasmin tadāditvatadantatvatadavayavatvādiprayuktakāryaṃ syāditi phalitam. ()idamo'nvādeśe'śanudāttastṛtīyādau.2.4.32.idam--bhisiti sthite tyadādyatve pararūpe "hali lopaḥ" iti ido lope a-bhis iti sthite "ato bhisa ai"siti prāpte--nedamadasorakoḥ. "ato bhisa ai"sityato bhisa aisityanuvartate. "ako"riti ṣaṣṭho. na vidyate kakāro yayoriti bahuvrīhiḥ. tadāha--akakārayorityādinā. ettvamiti. "bahuvacane jhalītyanene"ti śeṣaḥ. ṅayi viśeṣamāha-atvamityādi. atvaṃ ṅeḥ smai ityanvayaḥ. idam eva iti sthite smaibhāvātparatvādanādeśe "vipratiṣedhe yadbādhitaṃ tadbādhitameve"ti nyāyena punaḥ smaibhāvo na syādityata āha--nityatvāditi. kṛte'kṛte'pyanādeśe pravṛttiyogyatayā smaibhāvasya nityatvādanādeśātprāgeva smaibhāve kṛte'nādeśasya hali lopena bādha iti bhāvaḥ. ābhyāmiti. pūrvavat. ebhya iti. tyadādyatvaṃ, pararūpatvaṃ, hali lopaḥ, "bahuvacane jhalye"dityettvaṃceti bhāvaḥ. asmāditi. tyadādyatvaṃ, pararūpatvaṃ hali lopaḥsa "ṅasiṅyoḥ" iti smāditi bhāvaḥ. asyeti. tyadādyatvaṃ, pararūpatvaṃ, syādeśaḥ, hali lopaśceti bhāvaḥ. anayoriti. tyadādyatvaṃsa pararūpatvam, "anāpyakaḥ" "osi ce"tyettvam, ayādeśaśceti bhāvaḥ. eṣāmiti. āmi tyadādyatvaṃ, pararūpatvaṃ, hali lopaḥ, ettvaṣatve iti bhāvaḥ. asminniti. atvaṃ, pararūpatvaṃ, smin, hali lopaśceti bhāvaḥ. e()iāti atvaṃ, pararūpatvaṃ, hali lopaḥ, ettvaṣatve iti bhāvaḥ. kakārayoge tviti. "avyayasarvanāmnāmakac prāk ṭe"rityanena idaṃśabdasya, akaci satītyarthaḥ. ayakamiti. akaci sati niṣpannasya idakamśabdasya "tanmadhyapatinyāyena "idamo maḥ" ityādāvidaṃgrahaṇena grahaṇānmatvādikamiti bhāvaḥ. "anāpyakaḥ" iti, "hali lopaḥ" iti, "nedamadasorako"riti ca neha pravartate. kakārayoge tanniṣedhādityāśayenāha--imakena imakābhyāmiti. ityādīti. imakaiḥ. imakasyai. imakebhyaḥ. imakasmāt. imakasya, imakayoḥ 2, imakeṣām. imakasmin imakeṣu.

ādyantavat. `satyanyasmin yasya pūrvo nāsti sa ādiḥ', `satyanyasminyasya paro nāsti so'ntaḥ'iti loke prasiddhaṃ, tadubhayamekasminnasahāye na saṃbhavatīti tatrādyantavyapadiṣṭāni kāryāṇi nasyurato'yamatideśa ārabhyate. naca paratvāt, `supice'ti dīrghe paścāddhili lope sati ābhyāmityādi sidhyatīti kimatrādyantavatsūtropanyāseneti śaṅkyam, nityatvāddhali lora ityasya dīrghātpūrvameva pravṛtteḥ. 'ekasmi`nnityupameye saptamīdarśanātsaptamyartha eva vatirityabhipretyāha–ādāvivānta iveti. ādivatkim?. aupagavaḥ. atrā'ṇa ādyudāttatvaṃ yathā syāt. bhāṣye tvādiyavidityapanīya `vyapadeśivadekasmi'nniti sūtramūhitam. viśiṣṭo'padeśo vyapadeśaḥ—mukhyo vyavahāraḥ. so'syātīti vyapadeśī, mukhya iti yāvat. tena tulyamekasminnasagāye'pi kāryaṃ syādityarthaḥ. tena `iyāya'`āre'tyādau`ekācaḥ'iti dvitvaṃ sidhyati. anyathā ādyantāpadiṣṭatvāddhitvaṃ na syāditi dik.

ādyantavadekasmin 308, 1.1.20 ādyantavat. "satyanyasmin yasya pūrvo nāsti sa ādiḥ", "satyanyasminyasya paro nāsti so'ntaḥ"iti loke prasiddhaṃ, tadubhayamekasminnasahāye na saṃbhavatīti tatrādyantavyapadiṣṭāni kāryāṇi nasyurato'yamatideśa ārabhyate. naca paratvāt, "supice"ti dīrghe paścāddhili lope sati ābhyāmityādi sidhyatīti kimatrādyantavatsūtropanyāseneti śaṅkyam, nityatvāddhali lora ityasya dīrghātpūrvameva pravṛtteḥ. "ekasmi"nnityupameye saptamīdarśanātsaptamyartha eva vatirityabhipretyāha--ādāvivānta iveti. ādivatkim(). aupagavaḥ. atrā'ṇa ādyudāttatvaṃ yathā syāt. bhāṣye tvādiyavidityapanīya "vyapadeśivadekasmi"nniti sūtramūhitam. viśiṣṭo'padeśo vyapadeśaḥ---mukhyo vyavahāraḥ. so'syātīti vyapadeśī, mukhya iti yāvat. tena tulyamekasminnasagāye'pi kāryaṃ syādityarthaḥ. tena "iyāya""āre"tyādau"ekācaḥ"iti dvitvaṃ sidhyati. anyathā ādyantāpadiṣṭatvāddhitvaṃ na syāditi dik.