1/38:īdūtau saptamī iti eva | īdūtau saptamī iti eva siddham |*
2/38:na arthaḥ arthagrahaṇena |
3/38:lupte arthagrahaṇāt bhavet |*
4/38:luptāyam saptamyām pragṛhyasañjñā na prāpnoti |
5/38:kva |
6/38:somo gaurī adhi śritaḥ |
7/38:iṣyate ca atra api syāt iti |
8/38:tat ca antareṇa yatnam na sidhyati iti evamartham arthagrahaṇam |
9/38:na atra saptamī lupyate |
10/38:kim tarhi |
11/38:pūrvasavarṇaḥ atra bhavati | pūrvasya cet savarṇaḥ asau āḍāmbhāvaḥ prasajyate |*
12/38:yadi pūrvasavarṇaḥ āṭ āmbhāvaḥ ca prāpnoti |
13/38:evam tarhi āha ayam īdūtau saptamī iti na sa asti saptamī īdūtau |
14/38:tatra vacanāt bhaviṣyati |
15/38:vacanāt yatra dīrghatvam |*
16/38:na idam vacanāt labhyam| asti hi anyat etasya vacane prayojanam |
17/38:kim |
18/38:yatra saptamyāḥ dīrghatvam ucyate : dṛtim na śuṣkam sarasī śayānam iti |
19/38:sati prayojane iha na prāpnoti somo gaurī adhi śritaḥ iti |
20/38:tatra api sarasī yadi |*
21/38:tatra api siddham |
22/38:katham |
23/38:yadi sarasīśabdasya pravṛttiḥ asti |
24/38:asti ca loke sarasīśabdasya pravṛttiḥ |
25/38:katham |
26/38:dakṣiṇāpathe hi mahānti sarāṃsi sarasyaḥ iti ucyante |
27/38:jñāpakam syāt tadantatve |*
28/38:evam tarhi jñāpayati ācāryaḥ na pragṛhyasañjñāyām pratyayalakṣaṇam bhavati iti |
29/38:kim etasya jñāpane prayojanam |
30/38:kumāryoḥ agāram kumāryagāram , vadhvoḥ agāram vadhvagāram |
31/38:pratyayalakṣaṇena pragṛhyasañjñā na bhavati |
32/38:mā vā pūrvapadasya bhūt | atha vā pūrvapadasya mā bhūt iti evamartham arthagrahaṇam : vāpyām aśvaḥ vāpyaśvaḥ , nadyām ātiḥ nadyātiḥ |*
33/38:atha kriyamāṇe api arthagrahaṇe kasmāt eva atra na bhavati |
34/38:jahatsvārthā vṛttiḥ iti |
35/38:atha ajahatsvārthāyām vṛttau doṣaḥ eva |
36/38:ajahatsvārthāyām ca na doṣaḥ |
37/38:samudāyārthaḥ abhidhīyate |
38/38:īdutau saptamī iti eva lupte arthagrahaṇāt bhavet pūrvasya cet savarṇaḥ asau āḍāmbhāvaḥ prasajyate vacanāt yatra dīrghatvam tatra api sarasī yadi jñāpakam syāt tadantatve mā vā pūrvapadasya bhūt |*

śāklyasyaitāvanārśe iti nivṛttam. īdantam ūdantaṃ ca śabdarūpaṃ saptamyarthe vartamānaṃ pragṛhyasaṃjñaṃ bhavati. adhyasyāṃ māmakī tanū. māmakyāṃ tanvām iti prāpte, māṃkyām māmakī iti, tanvām tanū iti. somo gaurī adhi śritaḥ. īdūtau iti kim? priyaḥ sūrye priyo agnā bhavāti. agniśabdāt parasyāḥ saptamyāḥ ḍādeśaḥ. saptamīgrahaṇaṃ kim? dhītī, matī, suṣṭutī dhītyā, matyā, suṣṭutyā iti prāpte. arthagrahaṇaṃ kim? vā'pyaśvaḥ. nadyātiḥ. taparakaraṇam asandehārthaṃ. īdūtau saptamīityeva lupte 'rthagrahaṇād bhavet. pūrvasya cet savarṇo 'sāvāḍāmbhāvaḥ prasajyate. 1. vacanādyatra dīrghatvaṃ tatra api sarasī yadi. jñāpakaṃ syāt tadantatve mā vā pūrvapadasya bhūt. 2.

īdūtau ca saptamyarthe 1.1.19 śāklyasyaitāvanārśe iti nivṛttam. īdantam ūdantaṃ ca śabdarūpaṃ saptamyarthe vartamānaṃ pragṛhyasaṃjñaṃ bhavati. adhyasyāṃ māmakī tanū. māmakyāṃ tanvām iti prāpte, māṃkyām māmakī iti, tanvām tanū iti. somo gaurī adhi śritaḥ. īdūtau iti kim? priyaḥ sūrye priyo agnā bhavāti. agniśabdāt parasyāḥ saptamyāḥ ḍādeśaḥ. saptamīgrahaṇaṃ kim? dhītī, matī, suṣṭutī dhītyā, matyā, suṣṭutyā iti prāpte. arthagrahaṇaṃ kim? vā'pyaśvaḥ. nadyātiḥ. taparakaraṇam asandehārthaṃ. īdūtau saptamīityeva lupte 'rthagrahaṇād bhavet. pūrvasya cet savarṇo 'sāvāḍāmbhāvaḥ prasajyate. 1. vacanādyatra dīrghatvaṃ tatra api sarasī yadi. jñāpakaṃ syāt tadantatve mā vā pūrvapadasya bhūt. 2.

īdūtau ca. `pragṛhra'mityanuvartate. tacca dvivacanāntatayā vipariṇamyate. śabdasvarūpasya viśeṣyatvāttadantavidhiḥ. `īdūtau ca saptamyā'vityeva siddhe'rthagrahaṇādyatra saptamyā luki `yaḥ śiṣyate sa lupyamānārthābhidhāyī' iti nyāyena prakṛtereva saptamyarthe paryavasānaṃ tathāvidhatvamīdūdantayorgamyate. tathāca saptamyarthe paryavasannāvīdūdantau śabdau pragṛhrau sta ityakṣarārthaḥ. phalitamāha– saptamyartha ityādinā. somo gaurī iti. gauryāmityarthaḥ. `supāṃ sulu'giti saptamyā luk. pragṛhratve prakṛtibhāvānna yaṇ. vātapramītyādisaptamyantaṃ tu nātrodāharaṇam, tatra saptamyā luptatvā'bhāvena prakṛteḥ saptamyarthe'pravṛtteḥ. māmakī tanū iti. māmakyāṃ tanvāmityarthaḥ. `supāṃ sulu'giti saptamyāluk. pragṛhrebhyaḥ parata itiśabdaprayogasya padakārairniyamitatvāt padapāṭhe `māmakī iti' `tanū itī'tyatra pragṛhratvaphalaṃ bodhyam. nanu `īdūtau ca saptamyāḥ' ityeva sūtryatām. ṣaṭa\ufffdā cā'rthadvārā saṃbandho vivakṣyatāṃ, tataśca saptamyarthe vidyamānamīdūdantamityarthasyārthagrahaṇaṃ vinaiva lābhādarthagrahaṇaṃ kimarthamiti pṛcchati– arthagrahaṇaṃ kimiti. kasma#ai prayojanāyetyarthaḥ. `ki'mityavyayam. vṛttāviti. arthagrahaṇasāmathryālluptasaptamyarthamātre paryavasannamityartho vivakṣitaḥ. tataśca samāsavṛttau luptasaptamīke īdūdantapūrvapade saptamyarthamatilaṅghya uttarapadārthe pravṛtte sati pragṛhrasaṃjñā na bhavati. mā bhūditi. `māṅi luṅ' sarvalakārāpavādaḥ. vāpya\ufffdā iti. `vāpyām–a\ufffdā' iti vigrahe supsupeti samāse `vāpya\ufffdā' iti rūpamityarthaḥ. atra vāpyāmiti saptamyā adhikaraṇatvamavagataṃ, taccādhikaraṇakārakaṃ kriyāpekṣaṃ. tatra vāpyāma\ufffdāo vartata iti kriyādhyāhāre vartamānakriyāyāṃ vāpyā vidyamāne'\ufffdo lakṣamayā pravṛtiṃ?ta puraskṛtya samāso vaktavyaḥ. evaṃ ca samāse luptasaptamīkasya vāpīśabdasya saptamyarthamatilaṅghya tatsaṃsṛṣṭe ādheyabhūte'\ufffdo'pi pravṛtteḥ saptamyarthamātrāviśrāntyabhāvānna pragṛhratvamiti bhāvaḥ.

īdūtau ca saptamyarthe 110, 1.1.18 īdūtau ca. "pragṛhra"mityanuvartate. tacca dvivacanāntatayā vipariṇamyate. śabdasvarūpasya viśeṣyatvāttadantavidhiḥ. "īdūtau ca saptamyā"vityeva siddhe'rthagrahaṇādyatra saptamyā luki "yaḥ śiṣyate sa lupyamānārthābhidhāyī" iti nyāyena prakṛtereva saptamyarthe paryavasānaṃ tathāvidhatvamīdūdantayorgamyate. tathāca saptamyarthe paryavasannāvīdūdantau śabdau pragṛhrau sta ityakṣarārthaḥ. phalitamāha--saptamyartha ityādinā. somo gaurī iti. gauryāmityarthaḥ. "supāṃ sulu"giti saptamyā luk. pragṛhratve prakṛtibhāvānna yaṇ. vātapramītyādisaptamyantaṃ tu nātrodāharaṇam, tatra saptamyā luptatvā'bhāvena prakṛteḥ saptamyarthe'pravṛtteḥ. māmakī tanū iti. māmakyāṃ tanvāmityarthaḥ. "supāṃ sulu"giti saptamyāluk. pragṛhrebhyaḥ parata itiśabdaprayogasya padakārairniyamitatvāt padapāṭhe "māmakī iti" "tanū itī"tyatra pragṛhratvaphalaṃ bodhyam. nanu "īdūtau ca saptamyāḥ" ityeva sūtryatām. ṣaṭa()ā cā'rthadvārā saṃbandho vivakṣyatāṃ, tataśca saptamyarthe vidyamānamīdūdantamityarthasyārthagrahaṇaṃ vinaiva lābhādarthagrahaṇaṃ kimarthamiti pṛcchati--arthagrahaṇaṃ kimiti. kasma#ai prayojanāyetyarthaḥ. "ki"mityavyayam. vṛttāviti. arthagrahaṇasāmathryālluptasaptamyarthamātre paryavasannamityartho vivakṣitaḥ. tataśca samāsavṛttau luptasaptamīke īdūdantapūrvapade saptamyarthamatilaṅghya uttarapadārthe pravṛtte sati pragṛhrasaṃjñā na bhavati. mā bhūditi. "māṅi luṅ" sarvalakārāpavādaḥ. vāpya()ā iti. "vāpyām--a()ā" iti vigrahe supsupeti samāse "vāpya()ā" iti rūpamityarthaḥ. atra vāpyāmiti saptamyā adhikaraṇatvamavagataṃ, taccādhikaraṇakārakaṃ kriyāpekṣaṃ. tatra vāpyāma()āo vartata iti kriyādhyāhāre vartamānakriyāyāṃ vāpyā vidyamāne'()o lakṣamayā pravṛtiṃ()ta puraskṛtya samāso vaktavyaḥ. evaṃ ca samāse luptasaptamīkasya vāpīśabdasya saptamyarthamatilaṅghya tatsaṃsṛṣṭe ādheyabhūte'()o'pi pravṛtteḥ saptamyarthamātrāviśrāntyabhāvānna pragṛhratvamiti bhāvaḥ.

īdūtau ca. īdūtāviti kim ?. `priyaḥ sūrye priyo agnā bhavāti'. ?gniśabdātparasyāḥ saptamyāḥ `supāṃ sulu'gityādinā `ḍā'deśaḥ. padakāraiḥ pragṛhreṣu itiśabduprayogasya niyamitatvena ihāpi padakāle itiśabdaprayogaprasaṅgaḥ, sa cā'niṣṭa iti bodhyam. saptamīgrahaṇaṃ kim ?, dhītī, matī, suṣṭutī. dhītyā, matyā, suṣṭutyā iti prāpte tṛtīyaikavacanasya pūrvasavarṇa īkāraḥ. tataḥ `akaḥ savarṇe dīrghaḥ' ityekādeśaḥ. na tviha `supāṃ sulu'giti luk, hyasvaśravaṇāpatteḥ. somo gaurī iti. `vātapramī atra' `yayī āsakta' ityādyudāharaṇe satyapyūkārāntasya laukikodāharaṇābhāvādubhayorapi veda evodāharaṇamuktam. māmakī tanū iti. yadyapyatra saṃhitāyāṃ pragṛhraprayojanaṃ nāsti, tathāpi `māmakī iti' `tanū iti' padakāle tadastyeva, `svāyāṃ tanū ṝtvyenādhamānā'-mityatra tu saṃhitākāle'pyasti, tathāpi `ṛtyakaḥ' iti pākṣikaprakṛtibhāvenāpyetatsiddhaṃ, chandasi rūpāntarasyāpādayitumaśakyatvāditi bodhyam. saptamyā lugiti. yadi dhītyādāviva vibhakteḥ pūrvasavarṇe kṛte savarṇadīrgha ekādeśa iti vyākhyāyeta tadā ekādeśaṃ bādhitvā paratvādāṅgatvātvācca `āṇnadyāḥ'ityāṭ ṅerām ca syāditi bhāvaḥ. arthagrahaṇaṃ kimiti. `vāpya\ufffdā' ityatra yo vāpīśabdaḥ satu vāpyadhikaraṇakadravye upasaṅkāntaḥ. `somo gaurī' ityatra gaurīśabdastu saptamyarthamātre paryavasannaḥ, na tu tadadhikaraṇakadravye upasaṅkāntaḥ, vṛttyābhāvāditi bhedaḥ.

īdūtau ca saptamyarthe 90, 1.1.18 īdūtau ca. īdūtāviti kim?. "priyaḥ sūrye priyo agnā bhavāti".?gniśabdātparasyāḥ saptamyāḥ "supāṃ sulu"gityādinā "ḍā"deśaḥ. padakāraiḥ pragṛhreṣu itiśabduprayogasya niyamitatvena ihāpi padakāle itiśabdaprayogaprasaṅgaḥ, sa cā'niṣṭa iti bodhyam. saptamīgrahaṇaṃ kim?, dhītī, matī, suṣṭutī. dhītyā, matyā, suṣṭutyā iti prāpte tṛtīyaikavacanasya pūrvasavarṇa īkāraḥ. tataḥ "akaḥ savarṇe dīrghaḥ" ityekādeśaḥ. na tviha "supāṃ sulu"giti luk, hyasvaśravaṇāpatteḥ. somo gaurī iti. "vātapramī atra" "yayī āsakta" ityādyudāharaṇe satyapyūkārāntasya laukikodāharaṇābhāvādubhayorapi veda evodāharaṇamuktam. māmakī tanū iti. yadyapyatra saṃhitāyāṃ pragṛhraprayojanaṃ nāsti, tathāpi "māmakī iti" "tanū iti" padakāle tadastyeva, "svāyāṃ tanū ṝtvyenādhamānā"-mityatra tu saṃhitākāle'pyasti, tathāpi "ṛtyakaḥ" iti pākṣikaprakṛtibhāvenāpyetatsiddhaṃ, chandasi rūpāntarasyāpādayitumaśakyatvāditi bodhyam. saptamyā lugiti. yadi dhītyādāviva vibhakteḥ pūrvasavarṇe kṛte savarṇadīrgha ekādeśa iti vyākhyāyeta tadā ekādeśaṃ bādhitvā paratvādāṅgatvātvācca "āṇnadyāḥ"ityāṭ ṅerām ca syāditi bhāvaḥ. arthagrahaṇaṃ kimiti. "vāpya()ā" ityatra yo vāpīśabdaḥ satu vāpyadhikaraṇakadravye upasaṅkāntaḥ. "somo gaurī" ityatra gaurīśabdastu saptamyarthamātre paryavasannaḥ, na tu tadadhikaraṇakadravye upasaṅkāntaḥ, vṛttyābhāvāditi bhedaḥ.