1/89:māt pragṛhyasañjñāyām tasya asiddhatvāt ayāvekādeśapratiṣedhaḥ |*
2/89:māt pragṛhyasañjñāyām tasya īttvasya ūttvasya ca asiddhatvāt ayāvekādeśāḥ prāpnuvanti |
3/89:teṣām pratiṣedhaḥ vaktavyaḥ |
4/89:amī* atra , amī* āsate , amū* atra , amū* āsāte |
5/89:nanu ca pragṛhyasañjñāvacanasāmarthyāt ayādayaḥ na bhaviṣyanti |
6/89:vacanārthaḥ hi siddhe |*
7/89:na idam vacanāt labhyam |
8/89:asti hi anyat etasya vacane prayojanam |
9/89:kim |
10/89:yat siddhe pragṛhyasañjñākāryam tadartham etat syāt |
11/89:aṇaḥ apragṛhyasya anunāsikaḥ iti |
12/89:na ekam prayojanam yogārambham prayojayati |
13/89:yadi etāvat prayojanam syāt tatra eva ayam brūyāt aṇaḥ apragṛhyasya anunāsikaḥ adasaḥ na iti |
14/89:vipratiṣedhāt vā |*
15/89:atha vā pragṛhyasañjñā kriyatām ayādayaḥ vā |
16/89:pragṛhyasañjñā bhaviṣyati vipratiṣedhena |
17/89:na eṣaḥ yuktaḥ vipratiṣedhaḥ |
18/89:vipratiṣedhe param iti ucyate |
19/89:pūrvā ca pragṛhyasañjñā pare ayādayaḥ |
20/89:parā pragṛhyasañjñā kariṣyate |
21/89:sūtraviparyāsaḥ kṛtaḥ bhavati |
22/89:evam tarhi parā eva pragṛhyasañjñā |
23/89:katham |
24/89:kāryakālam hi sañjñāparibhāṣam |
25/89:yatra kāryam tatra upasthitam draṣṭavyam |
26/89:pragṛhyaḥ prakṛtyā iti etat upasthitam bhavati adasaḥ māt iti |
27/89:evam api ayuktaḥ vipratiṣedhaḥ |
28/89:katham |
29/89:dvikāryayogaḥ hi vipratiṣedhaḥ |
30/89:na ca atra ekaḥ dvikāryayuktaḥ |
31/89:ecām ayādayaḥ |
32/89:īdūtoḥ pragṛhyasñjñā |
33/89:na avaśyam dvikāryayogaḥ eva vipratiṣedhaḥ |
34/89:kim tarhi |
35/89:asambhavaḥ api |
36/89:saḥ ca asti atra asambhavaḥ |
37/89:kaḥ asau asambhavaḥ |
38/89:pragṛhyasañjñā abhinirvartamānā ayādīn bādhate , ayādayaḥ abhinirvartamanāḥ pragṛhyasañjñānimittam vighnanti iti eṣaḥ asambhavaḥ |
39/89:sati asambhave yuktaḥ vipratiṣedhaḥ |
40/89:evam api ayuktaḥ vipratiṣedhaḥ |
41/89:satoḥ hi vipratiṣedhaḥ bhavati |
42/89:na ca atra īttvottve staḥ na api makāraḥ |
43/89:ubhayam asiddham |
44/89:āśrayāt siddhatvam ca yathā roḥ uttve | āśrayāt siddhatvam bhaviṣyati |*
45/89:tat yathā ruḥ uttve āśrayāt siddhaḥ bhavati |
46/89:kim punaḥ kāraṇam ruḥ uttve āśrayāt siddhaḥ bhavati na punaḥ yatra eva ruḥ siddhaḥ tatra eva uttvam api ucyate |
47/89:na evam śakyam |
48/89:asiddhe hi uttve ādguṇāprasiddhiḥ |*
49/89:asiddhe hi uttve ādguṇāprasiddhiḥ syāt |
50/89:vṛkṣaḥ atra , plakṣaḥ atra |
51/89:tasmāt tatra āśrayāt siddhatvam eṣitavyam |
52/89:tatra yathā āśrayāt siddham bhavati evam iha api bhaviṣyati |
53/89:atha vā pragṛhyasañjñāvacanasāmarthyāt ayādayaḥ ādeśāḥ na bhaviṣyanti |
54/89:atha vā yogavibhāgaḥ kariṣyate |
55/89:adasaḥ |
56/89:adasaḥ īdādayaḥ pragṛhyasañjñāḥ bhavanti |
57/89:tataḥ māt |
58/89:māt ca pare īdādayaḥ pragṛhyasañjñāḥ bhavanti |
59/89:adasaḥ iti eva |
60/89:kimarthaḥ yogavibhāgaḥ |
61/89:ekaḥ yat tat siddhe pragṛhyakāryam tadarthaḥ |
62/89:aparaḥ yat asiddhe |
63/89:iha api tarhi prāpnoti : amuyā , amuyoḥ iti |
64/89:kim ca syāt yadi pragṛhyasañjñā syāt |
65/89:pragṛhyāśrayaḥ prakṛtibhāvaḥ prasajyeta |
66/89:na eṣaḥ doṣaḥ |
67/89:padāntaprakaraṇe prakṛtibhāvaḥ |
68/89:na ca eṣaḥ padāntaḥ |
69/89:evam api amuke atra atra api prāpnoti |
70/89:dvivacanam iti vartate |
71/89:yadi dvivacanam iti vartate amī* atra iti na prāpnoti |
72/89:evam tarhi edantam iti nivṛttam |
73/89:atha vā āha ayam adasaḥ māt iti |
74/89:na ca īttvottve staḥ na api makāraḥ |
75/89:te evam vijñāsyāmaḥ mārthāt īdādyarthānām iti |
76/89:uktam vā |*
77/89:kim uktam |
78/89:adasaḥ īttvottve svare bahiṣpadalakṣaṇe pragṛhyasañjāyām ca siddhe vaktavye iti |
79/89:tatra saki doṣaḥ |*
80/89:tatra sakakāre doṣaḥ bhavati |
81/89:amuke atra |
82/89:na vā grahaṇaviśeṣaṇatvāt |*
83/89:na vā eṣaḥ doṣaḥ |
84/89:kim kāraṇam |
85/89:grahaṇaviśeṣaṇatvāt |
86/89:na mādgrahaṇena īdādyantam viśeṣyate |
87/89:kim tarhi |
88/89:īdādayaḥ viśeṣyante |
89/89:māt pare ye īdādayaḥ iti |

adasaḥ sambadhī yo makārastasmāt pare īdūdetaḥ pragrhyasaṃjñā bhavanti. amī atra. amī āsate. amū atra. amū āsāte. ekārasya udāharaṇaṃ na asti. adasaḥ iti kim? śamyatra. dāḍimyatra. mātiti kim? amuke 'tra.

adaso māt 1.1.12 adasaḥ sambadhī yo makārastasmāt pare īdūdetaḥ pragrhyasaṃjñā bhavanti. amī atra. amī āsate. amū atra. amū āsāte. ekārasya udāharaṇaṃ na asti. adasaḥ iti kim? śamyatra. dāḍimyatra. mātiti kim? amuke 'tra.

adaso māt. , 1.1.12 "adasaḥ sambandhī yo makāraḥ" iti. avayanavāvayavibhāvalakṣaṇena sambandhena ṣaṣṭhī. "amī atra" iti adas()śabdāt parasya jasaḥ śī 7.1.17 tyadādyatvam 7.1.102 , ato guṇo" 6.1.94pararūpatvam, īkāreṇa saha "ād()guṇaḥ" 6.1.84 "eta īdbahuvacane" 8.2.81 itīttvam, dasya ca matvam, 8.2.80. ayamadvivacanārtha ārambhaḥ. "amū āsāte" iti. adaso dvivacanamau. tyadādyatvam,"vṛddhireci" 6.1.85 iti vṛddhiḥ; "adaso'serdādudo maḥ" 8.2.80 ityaukārasya dīrghasya sthāne tādṛśa evāntaratamyādukaraḥ.atrāpyūkārādikāryamasiddhamiti pūrveṇāprāptiḥ. ataḥ "pūrvātrāsiddham" 8.2.1 ityasya bādhanārthaṃ ārambhaḥ. kathaṃ punaḥ "pūrvatrāsiddham"8.2.1 ityetacchakyaṃ bādhitum, vacanasāmathryāt? naitadasti; yat siddhe pragṛhrakāryam "aṇo'pragṛhra- syānunāsikaḥ" 8.4.56 iti, tadarthaṃ vacanaṃ syāt, naitadevam; na hrekaṃ prayojanaṃ yogārambhaṃ prayojayati. yadi hretāvat prayojanaṃ syāt, tatraivedaṃ brāūyāt, "aṇo'pragṛhrasyānunāsikaḥ, adaso na" iti. "śamytara, dāḍimyatra" iti. "ṣid gaurādibhyaśca" 4.1.41iti ṅīṣ, "yasyeti ca" 6.4.148 ityakāralopaḥ. bhavatyayaṃ makārātpara īkāraḥ, na tvadaḥ sambandhīti. "amuke'tra" iti. "avyayasarvanāmnām"(5.3. 71) ityakac, "jasaḥ śī" 7.1.17, "ād()guṇaḥ" 6.1.84, pūrvavadutvamatve amuke iti sthite paratra cātraśabde "eṅaḥ padāntādati" 6.1.105 iti pūrvarūpatvam.

adaso māt 52, 1.1.12 asmātparāvīdūtau pragṛhyau staḥ. amī īśāḥ. rāmakṛṣṇāvamū āsāte. mātkim? amuke'tra॥

adaso māt. `adasa' ityavayavaṣaṣṭhī. adaśśabdāvayavānmakārādityarthaḥ. `īdū'diti `pragṛhra'miti cānuvartate. `mā'diti digyoge pañcamī. parasabhdo'dhyāhāryaḥ. tadāha– asmātparāviti. adaśśabdāvayavamakārātparāvityarthaḥ. `e'diti nānuvartate, adaśśabde makārātparasyaikārasyā'saṃbhavāt. `dvivacana'mityapi nānuvartate, adaśśabde makārātparasya īkārasya `amī' iti bahuvacanatvāt, ūkārasya ca makārātparasya tatra dvivacanānteṣveva sattvena vyāvarttyā'bhāvāt. amī īśā iti. adaśśabdājjasi tyadādyatvaṃ pararūpatvaṃ. jasaśśī. ādguṇaḥ. `ade' iti sthite ekārasya `eta ī'diti īttvaṃ, dasya ca mattvam. tadevam-`amī'#iti rūpam. atra īkārasya dvivacanatvā.ñabhāvātpūrvasūtreṇa pragṛhrasaṃjñā na prāptetyanena sā vidhīyate. rāmakṛṣṇāvamū iti. pum̐lliṅgādadaśśabdātprathamādvivacane auṅi, tyadādyatvaṃ, pararūpatvaṃ. vṛddhireci. adau iti sthite, adaso'serityaukārasya ūtvaṃ, dasya matvam. amū iti rūpam. yadyapyayamūkāro dvivacanaṃ bhavati, tathāpi pūrvasūtreṇa pragṛhratve kartavye utvamatvayorasiddhatayā dakārādaukārasyaiva śāstradṛṣṭa\ufffdā sattvātpūrvasa#ūtreṇa tasya pragṛhratvaṃ na prāptamityanena vidhīyate. `adaso mā'diti sūtraṃ prati tu utvamatve nāsiddhe, ārambhasāmathryāt. pūrvasūtrasya tu tatra na sāmathryaṃ, harī etau, viṣṇū imāvityādau caritārthatvāt. `striyau phale vā amū āsāte' iti strīliṅgo napuṃsakaliṅgaśca adaśśabdo nātrodāharaṇam. tathāhi strīliṅgadadaśśabdādauṅi, tyadādyatve, pararūpatve, ṭāpi, `oṅa āpa' iti śībhāve, ādguṇe, utvamatvayoramū ityeva rūpam. tathā napuṃsaliṅgāttasmādauṅi, tyadādyatve, pararūpatve, napuṃsakācceti śībhāve, ādguṇe, utvamatvayoramū #ityeva rūpam. atra pūrvasūtreṇaiva pragṛhratvaṃ siddham. utvamatvayorasiddhatve'pyekārasya dvivacanasya sattvāt. ataḥ pum̐lliṅga eva adaśśabdo'trodāharaṇamiti pradarśayituṃ `rāmakṛṣṇā' vityuktam. mātkimiti. `adasa' ityeva sūtramastu, mādgrahaṇasya kiṃ prayojanamiti praśnaḥ. amuketreti `avyayasarvanāmnāmakac prākṭeḥ' #ityakaci adakaśśabdājjasi, tyadādyatvaṃ, pararūpatvam, jasaśśī, ādguṇaḥ utvamatve. `amuke' iti rūpam. atra ekārasya pragṛhratvanivṛttyarthaṃ mādgrahaṇam. kṛte ca tasminnekārasya ma#ātparatvā'bhāvānna pragṛhratvamiti bhāvaḥ. nanvevamapi mādgrahaṇaṃ vyartham, edgrahaṇamananuvarttya īdūtorevā'tra pragṛhratvavidhānābyupagamena `amuke' ityatra pragṛhratvaprasakterevā'bhāvādityata āha–asatīti. `adaso mā'dityatra īdūdetāmekasamāsapadopāttānāṃ madhye īdūtodrvayoranuvṛttau eto'pyanuvṛttiprasaktau mādgrahaṇādeto'nuvṛttiḥ pratibaddhā. mādgrahaṇā'bhāve tu bādhakā'bhāvādeto'pyanuvṛttiḥ syāt. tataśca `amuke' ityatrāpi ekārasya pragṛhratvaprasaktau tannivṛttyarthaṃ mādgrahaṇam. kṛte tu tasminneto'nuvṛttipratibandhādamuke ityatra na pragṛhratvam. tathāca ekārānanuvṛttiphalasakaṃ mādgrahaṇamiti bhāvaḥ.

adaso māt 102, 1.1.12 adaso māt. "adasa" ityavayavaṣaṣṭhī. adaśśabdāvayavānmakārādityarthaḥ. "īdū"diti "pragṛhra"miti cānuvartate. "mā"diti digyoge pañcamī. parasabhdo'dhyāhāryaḥ. tadāha--asmātparāviti. adaśśabdāvayavamakārātparāvityarthaḥ. "e"diti nānuvartate, adaśśabde makārātparasyaikārasyā'saṃbhavāt. "dvivacana"mityapi nānuvartate, adaśśabde makārātparasya īkārasya "amī" iti bahuvacanatvāt, ūkārasya ca makārātparasya tatra dvivacanānteṣveva sattvena vyāvarttyā'bhāvāt. amī īśā iti. adaśśabdājjasi tyadādyatvaṃ pararūpatvaṃ. jasaśśī. ādguṇaḥ. "ade" iti sthite ekārasya "eta ī"diti īttvaṃ, dasya ca mattvam. tadevam-"amī"#iti rūpam. atra īkārasya dvivacanatvā.ñabhāvātpūrvasūtreṇa pragṛhrasaṃjñā na prāptetyanena sā vidhīyate. rāmakṛṣṇāvamū iti. pum̐lliṅgādadaśśabdātprathamādvivacane auṅi, tyadādyatvaṃ, pararūpatvaṃ. vṛddhireci. adau iti sthite, adaso'serityaukārasya ūtvaṃ, dasya matvam. amū iti rūpam. yadyapyayamūkāro dvivacanaṃ bhavati, tathāpi pūrvasūtreṇa pragṛhratve kartavye utvamatvayorasiddhatayā dakārādaukārasyaiva śāstradṛṣṭa()ā sattvātpūrvasa#ūtreṇa tasya pragṛhratvaṃ na prāptamityanena vidhīyate. "adaso mā"diti sūtraṃ prati tu utvamatve nāsiddhe, ārambhasāmathryāt. pūrvasūtrasya tu tatra na sāmathryaṃ, harī etau, viṣṇū imāvityādau caritārthatvāt. "striyau phale vā amū āsāte" iti strīliṅgo napuṃsakaliṅgaśca adaśśabdo nātrodāharaṇam. tathāhi strīliṅgadadaśśabdādauṅi, tyadādyatve, pararūpatve, ṭāpi, "oṅa āpa" iti śībhāve, ādguṇe, utvamatvayoramū ityeva rūpam. tathā napuṃsaliṅgāttasmādauṅi, tyadādyatve, pararūpatve, napuṃsakācceti śībhāve, ādguṇe, utvamatvayoramū #ityeva rūpam. atra pūrvasūtreṇaiva pragṛhratvaṃ siddham. utvamatvayorasiddhatve'pyekārasya dvivacanasya sattvāt. ataḥ pum̐lliṅga eva adaśśabdo'trodāharaṇamiti pradarśayituṃ "rāmakṛṣṇā" vityuktam. mātkimiti. "adasa" ityeva sūtramastu, mādgrahaṇasya kiṃ prayojanamiti praśnaḥ. amuketreti "avyayasarvanāmnāmakac prākṭeḥ" #ityakaci adakaśśabdājjasi, tyadādyatvaṃ, pararūpatvam, jasaśśī, ādguṇaḥ utvamatve. "amuke" iti rūpam. atra ekārasya pragṛhratvanivṛttyarthaṃ mādgrahaṇam. kṛte ca tasminnekārasya ma#ātparatvā'bhāvānna pragṛhratvamiti bhāvaḥ. nanvevamapi mādgrahaṇaṃ vyartham, edgrahaṇamananuvarttya īdūtorevā'tra pragṛhratvavidhānābyupagamena "amuke" ityatra pragṛhratvaprasakterevā'bhāvādityata āha--asatīti. "adaso mā"dityatra īdūdetāmekasamāsapadopāttānāṃ madhye īdūtodrvayoranuvṛttau eto'pyanuvṛttiprasaktau mādgrahaṇādeto'nuvṛttiḥ pratibaddhā. mādgrahaṇā'bhāve tu bādhakā'bhāvādeto'pyanuvṛttiḥ syāt. tataśca "amuke" ityatrāpi ekārasya pragṛhratvaprasaktau tannivṛttyarthaṃ mādgrahaṇam. kṛte tu tasminneto'nuvṛttipratibandhādamuke ityatra na pragṛhratvam. tathāca ekārānanuvṛttiphalasakaṃ mādgrahaṇamiti bhāvaḥ.

adaso māt. iha ekāro nānuvartate, asaṃbhavādityabhipretyāha-īdūtāviti. adasaḥ kim ?. śamyatra, vāmyatra. nanūkārānuvṛttivryarthā, `striyau phale vā amū āsāte' ityatra pūrveṇaiva siddheḥ. mutvasyāsiddhatve'pyekārāntatvādata āha– rāmakṛṣṇāviti. puṃsi pūrveṇa na sidhdyati, aukārāntatvāditi bhāvaḥ. `adaso mā'diti sūtraṃ prati mūtvamītvaṃ ca nā'siddham, ārambhasāmathryāt. amuke'treti. strīliṅgadvivacanasya tu pūrvasūtreṇa pragṛhratve prakṛtibhāva eva. amuke'tra. ekāro'pyanuvarteteti. tathāca ekārānanuvṛttitātparyagrahaphalakaṃ māddhrahaṇamiti bhāvaḥ.

adaso māt 82, 1.1.12 adaso māt. iha ekāro nānuvartate, asaṃbhavādityabhipretyāha-īdūtāviti. adasaḥ kim?. śamyatra, vāmyatra. nanūkārānuvṛttivryarthā, "striyau phale vā amū āsāte" ityatra pūrveṇaiva siddheḥ. mutvasyāsiddhatve'pyekārāntatvādata āha--rāmakṛṣṇāviti. puṃsi pūrveṇa na sidhdyati, aukārāntatvāditi bhāvaḥ. "adaso mā"diti sūtraṃ prati mūtvamītvaṃ ca nā'siddham, ārambhasāmathryāt. amuke'treti. strīliṅgadvivacanasya tu pūrvasūtreṇa pragṛhratve prakṛtibhāva eva. amuke'tra. ekāro'pyanuvarteteti. tathāca ekārānanuvṛttitātparyagrahaphalakaṃ māddhrahaṇamiti bhāvaḥ.