1/13:kutvam kasmāt na bhavati coḥ kuḥ padasya iti |
2/13:bhatvāt |
3/13:katham bhasañjñā |
4/13:ayasmayādīni chandasi iti |
5/13:chandasi iti ucyate |
6/13:na ca idam chandaḥ |
7/13:chandovat sūtrāṇi bhavanti |
8/13:yadi bhasañjñā vṛddhiḥ ād aic at eṅ guṇaḥ iti jaśtvam api na prāpnoti |
9/13:ubhayasañjñāni api chandāṃsi dṛśyante |
10/13:tat yathā |
11/13:saḥ suṣṭubhā saḥ ṛkvatā gaṇena |
12/13:padatvāt kutvam bhatvāt jaśvtam na bhavati |
13/13:evam iha api bhatvāt kutvam na bhaviṣyati

1/23:kim punaḥ idam tadbhāvitagrahaṇam : vṛddhiḥ iti evam ye ākāraikāraukārāḥ bhāvyante teṣām grahaṇam āhosvit ādaijmātrasya |
2/23:kim ca ataḥ |
3/23:yadi tadbhāvitagrahaṇam śālīyaḥ mālīyaḥ iti vṛddhalakṣaṇaḥ chaḥ na prāpnoti |
4/23:āmramayam śālamayam vṛddhalakṣaṇaḥ mayaṭ na prāpnoti |
5/23:āmraguptāyaniḥ śālaguptayaniḥ vṛddhalakṣaṇaḥ phiñ na prāpnoti |
6/23:atha aijmātrasya grahaṇam sarvaḥ bhāsaḥ sarvabhāsaḥ iti uttarapadapadavṛddhau sarvam ca iti eṣaḥ vidhiḥ prāpnoti |
7/23:iha ca tāvatī bhāryā asya tāvadbhāryaḥ yāvadbhāryaḥ vṛddhinimittasya iti puṃvadbhāvapratiṣedhaḥ prāpnoti |
8/23:astu tarhi aijmātrasya |
9/23:nanu ca uktam sarvaḥ bhāsaḥ sarvabhāsaḥ iti uttarapadapadavṛddhau sarvam ca iti eṣaḥ vidhiḥ prāpnoti |
10/23:na eṣaḥ doṣaḥ |
11/23:na evam vijñāyate uttarapadasya vṛddhiḥ uttarapadavṛddhiḥ uttarapadavṛddhau iti |
12/23:katham tarhi |
13/23:uttarapadasya iti evam prakṛtya yā vṛddhiḥ tadvati uttarapade iti evam etat vijñāyate |
14/23:avaśyam ca etat evam vijñeyam |
15/23:tadbhāvitagrahaṇe sati api iha prasajyeta : sarvaḥ kārakaḥ sarvakārakaḥ iti |
16/23:yad api ucyate iha tāvatī bhāryā asya tāvadbhāryaḥ yāvadbhāryaḥ vṛddhinimittasya iti puṃvadbhāvapratiṣedhaḥ prāpnoti iti na eṣaḥ doṣaḥ |
17/23:na evam vijñāyate vṛddheḥ nimittam vṛddhinimittam vṛddhinimittasya iti |
18/23:katham tarhi |
19/23:vṛddheḥ nimittam yasmin saḥ ayam vṛddhinimittaḥ vṛddhinimittasya iti |
20/23:kim ca vṛddheḥ nimittam| yaḥ asau kakāraḥ ṇakāraḥ ñakāraḥ vā |
21/23:atha vā yaḥ kṛtsnāyāḥ vṛddheḥ nimittam |
22/23:kaḥ ca kṛtsnāyāḥ vṛddheḥ nimittam |
23/23:yaḥ trayāṇām ākāraikāraukārāṇām |

1/139:sañjñādhikāraḥ sañjñāsampratyayārthaḥ |*
2/139:atha sañjñā iti prakṛtya vṛddhyādayaḥ śabdāḥ paṭhitavyāḥ |
3/139:kim prayojanam |
4/139:sañjñāsampratyayārthaḥ |
5/139:vṛddhyādīnām śabdānām sañjñā iti eṣaḥ sampratyayaḥ yathā syāt |
6/139:itarathā hi asampratyayaḥ yathā loke |*
7/139:akriyamāṇe hi sañjñādhikāre vṛddhyādīnām sañjñā iti eṣaḥ sampratyayaḥ na syāt |
8/139:idam idānīm bahusūtram anarthakam syāt |
9/139:anarthakam iti āha |
10/139:katham |
11/139:yathā loke |
12/139:loke hi arthavanti ca anarthakāni ca vākyāni dṛśyante |
13/139:arthavanti tāvat : devadatta gām abhyāja śuklām daṇḍena |
14/139:devadatta gām abhyāja kṛṣṇām iti |
15/139:anarthakāni ca |
16/139:daśa dāḍimāni ṣaṭ apūpāḥ kuṇḍam ajājinam palalapiṇḍaḥ adhorukam etat kumāryāḥ sphaiyakṛtasya pitā pratiśīnaḥ iti |
17/139:sañjñāsañjñyasandehaḥ ca |*
18/139:kriyamāṇe api sañjñādhikāre sañjñāsañjñinoḥ asandehaḥ vaktavyaḥ |
19/139:kutaḥ hi etat vṛddhiśabdaḥ sañjñā ādaicaḥ sañjñinaḥ iti |
20/139:na punaḥ ādaicaḥ sañjñā vṛddhiśabdaḥ sañjñī iti |
21/139:yat tāvat ucyate sañjñādhikāraḥ kartavyaḥ sañjñāsampratyayārthaḥ iti na kartavyaḥ |
22/139:ācāryācārāt sañjñāsiddhiḥ |*
23/139:ācāryācārāt sañjñāsiddhiḥ bhaviṣyati |
24/139:kim idam ācāryācārāt |
25/139:ācāryāṇām upacārāt |
26/139:yathā laukikavaidikeṣu |*
27/139:tat yathā laukikeṣu vaidikeṣu ca kṛtānteṣu |
28/139:loke tāvat : mātāpitarau putrasya jātasya saṃvṛte avakāśe nāma kurvāte devadattaḥ yajñadattaḥ iti |
29/139:tayoḥ upacārāt anye api jānanti iyam asya sañjñā iti |
30/139:vede : yājñikāḥ sañjñām kurvanti sphyaḥ yūpaḥ caṣālaḥ iti |
31/139:tatrabhavatām upacārāt anye api jānanti iyam asya sañjñā iti |
32/139:apare punaḥ sici vṛddhiḥ iti uktvā ākāraikāraukārān udāharanti |
33/139:te manyāmahe : yayā pratyāyyante sā sañjñā ye pratīyante te sañjñinaḥ iti |
34/139:yat api ucyate kriyamāṇe api sañjñādhikāre sañjñāsañjñinoḥ asandehaḥ vaktavyaḥ iti |
35/139:sañjñāsañjñyasandehaḥ |*
36/139:sañjñāsañjñinoḥ asandehaḥ siddhaḥ |
37/139:kutaḥ |
38/139:ācāryācārāt eva |
39/139:uktaḥ ācāryācāraḥ |
40/139:anākṛtiḥ |*
41/139:atha vā anākṛtiḥ sañjñā |
42/139:ākṛtimantaḥ sañjñinaḥ |
43/139:loke api hi ākrtimataḥ māṃsapiṇḍasya devadattaḥ iti sañjñā kriyate |
44/139:liṅgena vā |*
45/139:atha vā kim cit liṅgam āsajya vakṣyāmi itthaṃliṅgā sañjñā iti |
46/139:vṛddhiśabde ca tat liṅgam kariṣyate na ādaicchabde |
47/139:idam tāvat ayuktam yat ucyate ācāryācārāt iti |
48/139:kim atra ayuktam |
49/139:tam eva upālabhya agamakam te sūtram iti tasya eva punaḥ pramāṇīkaraṇam iti etat ayuktam |
50/139:aparituṣyan khalu api bhavān anena parihāreṇa ākṛtiḥ liṅgena vā iti āha |
51/139:tat ca api vaktavyam |
52/139:yadi api etat ucyate atha vā etarhi itsañjñā na vaktavyā lopaḥ ca na vaktavyaḥ |
53/139:sañjñāliṅgam anubandheṣu kariṣyate |
54/139:na ca sañjñāyāḥ nivṛttiḥ ucyate |
55/139:svabhāvataḥ sañjñāḥ sañjñinaḥ pratyāyya nivartante |
56/139:tena anubandhānām api nivṛttiḥ bhaviṣyati |
57/139:sidhyati evam |
58/139:apāṇinīyam tu bhavati |
59/139:yathānyāsam eva astu |
60/139:nanu ca uktam sañjñādhikāraḥ sañjñāsampratyayārthaḥ itarathā hi asampratyayaḥ yathā loke iti |
61/139:na yathā loke tathā vyākaraṇe |
62/139:pramāṇabhūtaḥ ācāryaḥ darbhapavitrapāṇiḥ śucau avakāśe prāṅmukhaḥ upaviśya mahatā yatnena sūtram praṇayati sma |
63/139:tatra aśakyam varṇena api anarthakena bhavitum kim punaḥ iyatā sūtreṇa |
64/139:kim ataḥ yat aśakyam |
65/139:ataḥ sañjñāsañjñinau eva |
66/139:kutaḥ nu khalu etat sañjñāsañjñinau eva iti na punaḥ sādhvanuśāsane asmin śāstre sādhutvam anena kiryate |
67/139:kṛtam anayoḥ sādhutvam |
68/139:katham |
69/139:vṛdhiḥ asmai aviśeṣeṇa upadiṣṭaḥ prakṛtipāṭhe |
70/139:tasmāt ktinpratyayaḥ |
71/139:ādaicaḥ api akṣarasamāmnāye upadiṣṭāḥ |
72/139:prayoganiyamārtham tarhi idam syāt |
73/139:vṛddhiśabdāt paraḥ ādaicaḥ prayoktavyāḥ iti |
74/139:na iha prayoganiyamaḥ ārabhyate |
75/139:kim tarhi |
76/139:saṃskṛtya saṃskṛtya padāni utsṛjyante |
77/139:teṣām yatheṣṭham abhisambandhaḥ bhavati |
78/139:tat yathā : āhara pātram , pātram āhara iti |
79/139:ādeśāḥ tarhi ime syuḥ |
80/139:vṛddhiśabdasya ādaicaḥ |
81/139:ṣaṣṭhīnirdiṣṭasya ādeśāḥ ucyante na ca atra ṣaṣṭhīm paśyāmaḥ |
82/139:āgamāḥ tarhi ime syuḥ |
83/139:vṛddhiśabdasya ādaicaḥ āgamāḥ |
84/139:āgamāḥ api ṣaṣṭhīnirdiṣṭasya eva ucyante liṅgena ca |
85/139:na ca atra ṣaṣṭhīm na khalu api āgamaliṅgam paśyāmaḥ |
86/139:idam khalu api bhūyaḥ sāmanādhikaraṇyam ekavibhaktikatvam ca |
87/139:dvayoḥ ca etat bhavati |
88/139:kayoḥ |
89/139:viśeṣaṇaviśeṣyayoḥ vā sañjñāsañjñinoḥ vā |
90/139:tatra etat syāt viśeṣaṇaviśeṣye iti |
91/139:tat ca na |
92/139:dvayoḥ hi pratītpadārthakayoḥ loke viśeṣaṇaviśeṣyabhāvaḥ bhavati |
93/139:na ca ādaicchabdaḥ pratītapadārthakaḥ |
94/139:tasmāt sañjñāsañjñinau eva |
95/139:tatra tu etāvān sandedhaḥ kaḥ sañjñī kā sañjñā iti |
96/139:saḥ ca api kva sandehaḥ |
97/139:yatra ubhe samānākṣare |
98/139:yatra tu anyatarat laghu yat laghu sā sañjñā |
99/139:kutaḥ etat |
100/139:laghvartham hi sañjñākaraṇam |
101/139:tatra api ayam na avaśyam gurulaghutām eva upalakṣayitum arhati |
102/139:kim tarhi |
103/139:anākṛtitām api |
104/139:anākṛtiḥ sañjñā |
105/139:ākṛtimantaḥ sañjñinaḥ |
106/139:loke hi ākṛtimataḥ māṃsapiṇḍasya devadattaḥ iti sañjñā kriyate |
107/139:atha vā āvartinyaḥ sañjñāḥ bhavanti |
108/139:vṛddhiśabdaḥ ca āvartate na ādaicchabdaḥ |
109/139:tat yathā |
110/139:itaratra api devadattaśabdaḥ āvartate na māṃsapiṇḍaḥ |
111/139:atha vā pūrvoccāritaḥ sañjñī paroccāritā sañjñā |
112/139:kutaḥ etat |
113/139:sataḥ hi kāryiṇaḥ kāryeṇa bhavitavyam |
114/139:tat yathā |
115/139:itaratra api sataḥ māṃsapiṇḍasya devadattaḥ iti sañjñā kriyate |
116/139:katham vṛddhiḥ āt aic iti |
117/139:etat ekam ācāryasya maṅgalārtham mṛṣyatām |
118/139:māṅgalikaḥ ācāryaḥ mahataḥ śāstraughasya maṅgalārtham vṛddhiśabam āditaḥ prayuṅkte |
119/139:maṅgalādīni hi śāstrāṇi prathante vīrapuruṣakāṇi ca bhavanti āyuṣmatpuruṣakāṇi ca |
120/139:adhyetāraḥ ca siddhārthāḥ yathā syuḥ iti |
121/139:sarvatra eva hi vyākaraṇe pūrvoccāritaḥ sañjñī paroccāritā sañjñā |
122/139:at eṅ guṇaḥ iti yathā |
123/139:doṣavān khalu api sañjñādhikāraḥ |
124/139:aṣṭame api hi sañjñā kriyate tasya param āmreḍitam iti |
125/139:tatra api idam anuvartyam syāt |
126/139:atha vā asthāne ayam yatnaḥ kriyate |
127/139:na hi idam lokāt bhidyate |
128/139:yadi idam lokāt bhidyeta tataḥ yatnārham syāt |
129/139:tat yathā agojñāya kaḥ cit gām sakthani karṇe vā gṛhītvā upadiśati ayam gauḥ iti |
130/139:na ca asmai ācaṣṭe iyam asya sañjñā iti |
131/139:bhavati ca asya sampratyayaḥ |
132/139:tatra etat syāt kṛtaḥ pūrvaiḥ abhisambandhaḥ iti |
133/139:iha api kṛtaḥ pūrvaiḥ abhisambandhaḥ |
134/139:kaiḥ |
135/139:ācāryaiḥ |
136/139:tatra etat syāt |
137/139:yasmai samprati upadiśati tasya akṛtaḥ iti |
138/139:loke api yasmai samprati upadiśati tasya akṛtaḥ |
139/139:atha tatra kṛtaḥ iha api kṛtaḥ draṣṭavyaḥ |

1/30:sataḥ vṛddhyādiṣu sañjñābhāvāt tadāśraye itaretarāśrayatvāt asiddhiḥ |*
2/30:sataḥ sañjñinaḥ sañjñābhāvāt sañjñāśraye sañjñini vṛddhyādiṣu itaretarāśrayatvāt aprasiddhiḥ |
3/30:kā iteretarāśrayatā |
4/30:satām ādaicām sañjñayā bhavitavyam sañjñayā ca ādaicaḥ bhāvyante |
5/30:tat itaretarāśrayam bhavati , itaretarāśrayāṇi ca kāryāṇi na prakalpante |
6/30:tat yathā |
7/30:nauḥ nāvi baddhā na itaratrāṇāya bhavati| nanu ca bhoḥ itaretarāśrayāṇi api kāryāṇi dṛśyante |
8/30:tat yathā |
9/30:nauḥ śakaṭam vahati śakaṭam ca nāvam vahati |
10/30:anyat api tatra kim cit bhavati jalam sthalam vā |
11/30:sthale śakaṭam nāvam vahati |
12/30:jale nauḥ śakaṭam vahati |
13/30:yathā tari triviṣṭabdhakam |
14/30:tatra api antataḥ sūtrakam bhavati |
15/30:idam punaḥ itaretarāśrayam eva |
16/30:siddham tu nityaśabdatvāt |*
17/30:siddham etat |
18/30:katham |
19/30:nityaśabdatvāt |
20/30:nityāḥ śabdāḥ |
21/30:nityeṣu śabdeṣu satām ādaicām sañjñā kriyate |
22/30:na sañjñayā ādaicaḥ bhāvyante |
23/30:yadi tarhi nityāḥ śabdāḥ kimartham śāstram |
24/30:kimartham śāstram iti cet nivartakatvāt siddham |*
25/30:nivartakam śāstram |
26/30:katham |
27/30:mṛjiḥ asmai aviśeṣeṇa upadiṣṭaḥ |
28/30:tasya sarvatra mṛjibuddhiḥ prasaktā |
29/30:tatra anena nivṛttiḥ kriyate |
30/30:mṛjeḥ akṅitsu pratyayeṣu mṛjiprasaṅge mārjiḥ sādhuḥ bhavati iti |

1/21:pratyekam vṛddhiguṇasañjñe bhavataḥ iti vaktavyam |
2/21:kim prayojanam |
3/21:samudāye mā bhūtām iti |
4/21:anyatra sahavacanāt samudāye sañjñāprasaṅgaḥ |*
5/21:anyatra sahavacanāt samudāye vṛddhiguṇasañjñayoḥ aprasaṅgaḥ |
6/21:yatra icchati sahabhūtānām kāryam karoti tatra sahagrahaṇam |
7/21:tat yathā |
8/21:saha supā |
9/21:ubhe abhyastam saha iti |
10/21:pratyavayavam ca vākyaparisamāpteḥ |*
11/21:pratyavayavam ca vākyaparisamāptiḥ dṛśyate |
12/21:tat yathā |
13/21:devadattayajñadattaviṣṇumitrāḥ bhojyantām iti |
14/21:na ca ucyate pratyekam iti |
15/21:pratyekam ca bhujiḥ parisamāpyate |
16/21:nanu ca ayam api asti dṛṣṭāntaḥ samudāye vākyaparisamāptiḥ iti |
17/21:tat yathā |
18/21:gargāḥ śatam daṇḍyantām iti |
19/21:arthinaḥ ca rājānaḥ hiraṇyena bhavanti na ca pratyekam daṇḍayanti |
20/21:sati etasmin dṛṣṭānte yadi tatra sahagrahaṇam kriyate iha api pratyekam iti vaktavyam |
21/21:atha tatra antareṇa sahagrahaṇam sahabhūtānām kāryam bhavati iha api na arthaḥ pratyekam iti vacanena |

1/68:atha kimartham ākāraḥ taparaḥ kriyate |
2/68:ākārasya taparakaraṇam savarṇārtham |*
3/68:ākārasya taparakaraṇam kriyate |
4/68:kim prayojanam |
5/68:savarṇārtham |
6/68:taparaḥ tatkālasya iti tatkālānām grahaṇam yathā syāt |
7/68:keṣām |
8/68:udāttānundāttasvaritānām |
9/68:kim ca kāraṇam na syāt |
10/68:bhedakatvāt svarasya |*
11/68:bhedakāḥ udāttādayaḥ |
12/68:katham punaḥ jñāyate bhedakāḥ udāttādayaḥ iti |
13/68:evam hi dṛśyate loke |
14/68:yaḥ udātte kartavye anudāttam karoti khaṇḍikopādhyāyaḥ tasmai capeṭām dadāti anyat tvam karoṣi iti |
15/68:asti prayojanam etat |
16/68:kim tarhi iti |
17/68:bhedakatvāt guṇasya iti vaktavyam |
18/68:kim prayojanam |
19/68:ānunāsikyam nāma guṇaḥ |
20/68:tadbhinnasya api yathā syāt |
21/68:kim ca kāraṇam na syāt |
22/68:bhedakatvāt guṇasya |
23/68:bhedakāḥ guṇāḥ |
24/68:katham punaḥ jñāyate bhedakāḥ guṇāḥ iti |
25/68:evam hi dṛśyate loke |
26/68:ekaḥ ayam ātmā udakam nāma |
27/68:tasya guṇabhedāt anyatvam bhavati : anyat idam śītam anyat idam ūṣṇam iti |
28/68:nanu ca bhoḥ abhedakāḥ api guṇāḥ dṛśyante |
29/68:tat yathā |
30/68:devadattaḥ muṇḍī api jaṭī api śikhī api svām ākhyām na jahāti |
31/68:tathā bālaḥ yuvā vṛddhaḥ vatsaḥ damyaḥ balīvardaḥ iti |
32/68:ubhayam idam guṇeṣu uktam bhedakāḥ abhedakāḥ iti |
33/68:kim punaḥ atra nyāyyam |
34/68:abhedakāḥ guṇāḥ iti eva nyāyyam |
35/68:kutaḥ etat |
36/68:yat ayam asthidadhisakthyakṣṇām anaṅ udāttaḥ iti udāttagrahaṇam karoti |
37/68:yadi bhedakāḥ guṇāḥ syuḥ udāttam eva uccārayet |
38/68:yadi tarhi abhedakāḥ guṇāḥ anudāttādeḥ antodāttāt ca yat ucyate tat svaritādeḥ svaritāntāt ca prāpnoti |
39/68:na eṣaḥ doṣaḥ |
40/68:āśrīyamāṇaḥ guṇaḥ bhedakaḥ bhavati |
41/68:tat yathā |
42/68:śuklam ālabheta |
43/68:kṛṣṇam ālabheta |
44/68:tatra yaḥ śukle ālabdhavye kṛṣṇam ālabheta na hi tena yathoktam kṛtam bhavati |
45/68:asandehārthaḥ tarhi takāraḥ |
46/68:aic iti ucyamane sandehaḥ syāt |
47/68:kim imau aicau eva āhosvit ākāraḥ api atra nirdiśyate iti |
48/68:sandehamātram etat bhavati |
49/68:sarvasandeheṣu ca idam upatiṣṭhate vyākhyānataḥ viśeṣapratipattiḥ na hi sandehāt alakṣaṇam iti |
50/68:trayāṇām grahaṇam iti vyākhyāsyāmaḥ |
51/68:anyatra api hi ayam evañjātīyakeṣu sandeheṣu na kam cid yatnam karoti |
52/68:tat yathā |
53/68:autaḥ amśasoḥ iti |idam tarhi prayojanam : āntaryataḥ trimātracaturnātrāṇām sthāninām trimātracaturmātrāḥ ādeśāḥ mā bhūvan iti : khaṭvā* indraḥ khaṭvendraḥ , khaṭvā* udakam khaṭvodakam , khaṭvā* īṣā khaṭveṣā khaṭvā* ūḍhā khaṭvoḍhā khaṭvā* elakā khaṭvailakā khaṭvā* odanaḥ , khaṭvaudanaḥ , khaṭvā* aitikāyanaḥ , khaṭvaitikāyanaḥ , khaṭvā* aupagavaḥ , khaṭvaupagavaḥ iti |
54/68:atha kriyamāṇe api takāre kasmāt eva trimātracaturnātrāṇām sthāninam trimātracaturmātrāḥ ādeśāḥ na bhavanti |
55/68:taparaḥ tatkālasya iti niyamāt |
56/68:nanu taḥ paraḥ yasmāt saḥ ayam taparaḥ |
57/68:na iti āha |
58/68:tāt api paraḥ taparaḥ iti |
59/68:yadi tāt api paraḥ taparaḥ ṝdoḥ ap iti iha eva syāt |
60/68:yavaḥ stavaḥ |
61/68:lavaḥ pavaḥ iti atra na syāt |
62/68:na eṣaḥ takāraḥ |
63/68:kaḥ tarhi |
64/68:dakāraḥ |
65/68:kim dakāre prayojanam |
66/68:atha kim takāre prayojanam |
67/68:yadi asandehārthaḥ takāraḥ dakāraḥ api |
68/68:atha mukhasukhārthaḥ takāraḥ dakāraḥ api |

vṛddhiśabdaḥ saṃjñātvena vidhīyate, pratyekam ādaicāṃ varṇānāṃ sāmānyena tadbhāvitānām, atadbhāvitānāṃ ca. taparakaraṇam aijartham tādapi paraḥ taparaḥ iti, khaṭvaiḍakādiṣu trimātracaturmātraprasaṅga. nivṛttaye. āśvalāyanaḥ. aitikāyanaḥ. aupagavaḥ. aupamanyavaḥ. śālīyaḥ. mālīyaḥ. vṛddhipradeśāḥ sici vṛddhiḥ parasmaipadeṣu 7-2-1 ityevam ādayaḥ.

vṛddhirādaic 1.1.1 vṛddhiśabdaḥ saṃjñātvena vidhīyate, pratyekam ādaicāṃ varṇānāṃ sāmānyena tadbhāvitānām, atadbhāvitānāṃ ca. taparakaraṇam aijartham tādapi paraḥ taparaḥ iti, khaṭvaiḍakādiṣu trimātracaturmātraprasaṅga. nivṛttaye. āśvalāyanaḥ. aitikāyanaḥ. aupagavaḥ. aupamanyavaḥ. śālīyaḥ. mālīyaḥ. vṛddhipradeśāḥ sici vṛddhiḥ parasmaipadeṣu 7.2.1 ityevam ādayaḥ.

vṛddhirādaic , 1.1.1 vṛddhiḥ,āt aic()- iti kecit tripadamidaṃ sūtraṃ varṇayanti. anye tu, ācca, aicc iti ādaijiti samāhāre dvando'yamiti matvā vṛddhiḥ, ādaic iti dvipadam. itaretarayoge hi bahutvādbahuvacanaṃ syāt. nanu ca samāhāre'pi "dvandvāccudaṣahāntā- t"5.4.106iti ṭac samāsāntaḥ syāt; samāsāntavidheranityatvānna bhaviṣyati. anityatvaṃ ṣaṣṭhe jñāpayiṣyate. atha "coḥ kuḥ" (8.2.30) iti kutvaṃ kasmānna bhavati? "aya- smayādīni cchandasi" 1.4.20 iti bhasañjñakatvāt. ādiśabdasya prakāravācitvādaiccha- bdo'yamayasmayādiṣu draṣṭavyaḥ. nanu tatra cchandasītyucyate, na cedaṃ chandaḥ, tatkuto bhasañjñā? "chandovat sūtrāṇi bhavanti" ityadoṣaḥ. ihedaṃ sūtramanarthakaṃ vā syādyathākathañcidudāttādivacanavat? sādhvanuśāsanārthavā, vṛddhiśabdasyādaicāñcānena sādhutvamākhyāyata iti? prayoganiyamārthaṃ vā, ādaica para eva vṛddhiśabdaḥ prayoktavya iti? ādeśārthavā, ādaicāṃ vṛddhiśabda ādeśo bhavati te vā tasyeti? āgamāgamisambandhārthaṃ vā, ādaicāṃ vṛddhiśabda āgamo bhavati, te vā tasyeti? viśeṣaṇaviśeṣyabhāvaprasiddhyarthaṃ vā, ādaicāṃ vṛddhiśabdo viśeṣaṇam, te vā, tasyeti?ekavibhaktikatvaṃ hratra dṛṣṭam, dṛṣṭaścaikavibhaktikayorviśeṣaṇaviśeṣyabhāvaḥ, tadyathā nīlamutpalamiti; sañjñāsañjñisambandhārthaṃ vā? dṛśyate hi so'pyekavibhaktikayoḥ, tadyathā "ayaṃ panasaḥ" iti? tatra tāvadādyaḥ pakṣo nopapadyate. sagaṣigatajñānātiśayo hrācāryaḥ parahitapratipannaḥ samāhitacetāḥ śiṣyāṇāṃ kṛtarakṣāsaṃvidhāno maṅgalapūrvakaṃ mahatā prayatnena sūtrāṇi praṇītavān. tatrāśakyamekena varṇanāpyanarthakena bhavituma, kiṃ punariyatā sūtraprabandhena!nāpi śakyaṃ vṛddhiśabdasyādaicāṃ ca sādhutvamanena vidhīyata iti vijñātum, lakṣaṇāntareṇa vihitatvāt teṣāṃ sādhutvasya. tathā hi vṛddhiśabdo'yama- viśeṣeṇacopadiṣṭaḥ. "vṛdhu vṛddhau" (dhā.pā.759) ityataḥ ktinpratyayaḥ "striyāṃ ktin"3.3.94 iti, "jhaṣastathordho'dhaḥ"8.2.40 iti dhatvam, "jhalāṃ jaś jhaśi" (8.4. 53)iti dhakārasya dakāraḥ. ādaico'pyakṣarasamāmnāya upadeśāt. aico'kṣarasamāmnāya upadeśaḥ, nākārasyeti cet? avarṇajāterupadeśāt so'pi gṛhrata ityadoṣaḥ. athāpyakāravyakterupadeśaḥ? evamapyadoṣaḥ. "aṇuditsavarṇasya cāpratyayaḥ"1.1.68 ityakāreṇa gṛhramāṇenākārasyāpi grahaṇāt. prayoganiyamārthamapyetannārhati bhavituma. prayoganiyamārthe hretasmin? "sici vṛddhiḥ" 7.2.1 mṛjervṛddhiḥ" 7.2.114 ityādāvanādaicparasya vṛddhiśabdasya prayogo nopapadyate. kathaṃ hi nāma svayameva niyamaṃ kṛtvā tamanādaicparaṃ prayuñjīta! anyastu prayoganiyamārthametanna bhavatīti pratipādayitumāha- naha ca prayoganiyamā- rthamārabhyata iti. nanu cāyaṃ prayoganiyamārthamevārabhyate "te prāga dhātoḥ" (1.4.80) iti? te gatyapasargasañjñakā dhātoḥ prāgeva prayoktavyāḥ iti pareṇa codite parihāramāha- " pratyākhyāyate sa yogaḥ, na vā, tathāniṣṭadarśanāt" iti. na hi prapacatīti prayoktavye kaścit pacati pra iti prayuṅkate. athāpi na pratyākhyāyeta, evamapi na doṣaḥ, yataḥ sañjñāniyamo'yaṃ na prayoganiyamaḥ, te prādayo dhātoḥ prāk prayujyamānā eva gatyupasa-rgasañjñakā bhavantīti. athāpi prayoganiyamārthaṃ syāt, evamapi na doṣaḥ, laukikānāṃ śabdānāmarthe prayuktānāṃ prayoganiyama ārabhyate, ādaicchabdaśca laukikaḥ, tasya kiṃ prayoganiyamārthena vacaneneti? tatra yaduktaṃ "pratyākhāyāyate sa yogaḥ" iti, tadayuktam. na hi sārthakasya pratyākhyānaṃ yuktam. nirarthakaḥ sa iti cet? atrāpyanarthakatvāśaṅkāprasaṅgaḥ. yadi hranarthakānyapi kānicit sūtrāṇi praṇītavān sūtrakāra ityeṣo'- dhyavasāyaḥ syāt. tasmāta tasya prāmāṇyamabhyupagacchatā sarvaṃ tatpraṇītaṃ yena kenacit prakāreṇa sārthakamabhyupeyam. yo'pi sañjñāniyamapakṣamāśritya parihāra uktaḥ, so'pi vṛttyā virudhyate. "te gatyupasargasañjñakā dhātoḥ prāk prayoktavyāḥ" ityanena hi vṛttigranthena prayoganiyama evāśrita iti spaṣṭamevākhyātam. na ca vṛtiṃ()ta vyākhyātumudyatasya tadviruddhaṃ vyākhyānaṃ yujyate kartuma. yadapyuktaṃ "laukikānāṃ śabdānām" ityādi, tadapi na prayoganiyamārthatā- śaṅkāpanodāyālam. tathā hi "vibhāṣā supo bahuc purastātu5.3.68, "avyayasarva- nāmnāmakac prāk ṭeḥ" 5.3.71, "kṛñcānuprayujyate liṭi" 3.1.40 ityalaukikānāmapi bahujādīnaṃ śāstre prayoganiyamo dṛśyate, tatra bhavitavyamevāśaṅkyā, kimetat prayoganiyamārtham, athānyārthamityalamatiprasaṅgena. tasmāt pūrvokta eva parīhāro yuktaḥ. ādeśārthamapyetacchakyate na vijñātum. yadi hrādaicāmanena vṛddhiśabda ādeśo vidhīyeta, ya ete nirdeśāḥ "yāti vāti drāti psāti" 8.4.17 iti, yaśca "rāyo hali"7.2.85 iti, yaśca "nāvo dvigoḥ" 5.4.99 iti, te nopapadyeran. atha vṛddhiśabda- syādaica ādiśyeran(), evamapi "id()vṛddhau"6.3.27, "vṛddhinimittasya ca taddhitasya" 6.3.38ityevamādayo nirdeśā na sambhaveyuḥ. ata evāgamārthamapyetannopapadyate. na hrādaicāṃ vṛddhiśabda āgame vihite tasya vā teṣu pūrvoktā nirdeśā upapadyante. anyastvāha- ādeśavidhāne sthānyādeśasambandhe ṣaṣṭha()ā bhavitavyam, āgamavidhānepyavayavāvayavisambandhe, na ceha ṣaṣṭhī vidyate, tasmāt ṣaṣṭha()ā abhāvānnedamādeśārtham, nāpyāgamārtham iti. etaccāsamyak. vinā'pi ṣaṣṭha()ā "halṅyāgbhyo dīrghāt sutisyapṛktaṃ hal" 6.1.66, "anite"8.4.19, "antaḥ"8.4.19, "ubhau sābhyāsasya" 8.4.20 ityāveśavidhānadarśanāt. āgamavidhānasyāpi "na yvābhyāṃ padāntābhyāṃ pūrvau tu tābhyāmaic" 7.3.3 iti ṣaṣṭhīmantareṇāpi darśanāt viśeṣaṇaviśeṣyabhāvaprasiddhyarthamapyetann sambhāvyate. tathā hi sambhavavyabhicāre ca sati viśeṣaṇaviśeṣyabhāvo bhavati, nīlotpalavat. na cehādaicāṃ vṛddhiśabde tasya vā teṣu sambhavaḥ. nanu ca yathotpalaśabdaḥsarvatrotpalārthe vartamāno nīlaśabdenārthāntarādvayavacchidyata iti vyavacchidyamāno viśeṣyo bhavati, nīlaśabdastu vyavacchindan viśeṣaṇam, tathānayorapabi yo vayavacchedyaḥ sa viśeṣyo bhavati, yastu vyavacchedakaḥ sa viśeṣaṇamiti? naitadasti. ubhayorhi sārthakatve satyetadupapadyate, nīlotpalaśabdavat. na cādaico'rthavantaḥ. bhavatu nāmānayorviśeṣaṇaviśe- ṣyabhāvaḥ, tathāpi naitatsiddhyarthamidaṃ yuktam; niṣprayojanatvāt, tatpunaḥ prakṛtānupayogitvāt. śabdānuśāsane hi śāstre prakṛte yagnāma śabdasaṃskārānupayogivacanaṃ tatsarvamaprayojanam. śabdasaṃskārānupayogitvaṃ tvetatpratipaditena viśeṣaṇaviśeṣyabhāvenavṛddhiśabdasyādaicāṃ vā svaraviśeṣasya vā rupaviśeṣasya vā saṃskārasyāsiddheḥ. viśeṣaṇaviśeṣyabhāva eva teṣāṃ saṃskāra iti cet? yadyevam, atyalpamidamucyate"vṛddhirādaic" 1.1.1iti. nīlotpalamityadpi hi vaktavyam, nīlotpalādiśabdānāṃ viśeṣaṇaviśeṣyabhāvaprasiddhaye. na coktam, ato naiṣa saṃskāro'bhimata iti nāsya tādathryaṃ sambhāvyate. nanu tulyavibhaktikānāṃ tadguṇasamādhyāropo'pi dṛṣṭaḥ, tadyathā "siṃho māṇavakaḥ" iti, tasmāt tadarthametadbhaviṣyatīti yatpakṣāntarameke parikalpayāmbabhūvuḥ, tadarthama- pyetanna bhavati, tadguṇasamādhyāropasya sato'pyatra prakṛtānupayogitvenānarthakatvāt. tasmāt pāriśeṣyāt sañjñāsañjñisambandhārthamevaitadityālocyāha-"vṛddhiśabdaḥ sañjñātvena" ityādi. bhavatu nāma pariśeṣyāttadartham. etat kuto labhyate? vṛddhi- śabdaḥ sañjñā, ādaicaḥ sañjñinaḥ iti. viparyayaḥ kasmānna bhavati,ādaicaḥ sañjñā, vṛddhiśabdaḥ sañjñī iti? nārhati viparyayo bhavitum. tathā hi, laghvarthatvāt sañjñākaraṇasya, yasminnuccāryamāṇe pradeśeṣu lāghavaṃ bhavati tasya sañjñārthatvena bhāvyam. vṛddhiśabde ca vibhaktike'pyuccāryamāṇe lāghavaṃ bhavati, nādaikṣu; yasmād()vṛddhiśabda uccāryamāṇe catastro mātrā bhavanti, ādaikṣu tu pañca. na cādaicāṃ pratyekaṃ sañjñābhāvāllāghavaṃ bhavatīti śakyaṃ parikalpayitum, prayojanaviśeṣamantareṇaikasthāne- sañjñāvidhānasya niṣphalatvāt. kiñcāvartibhyaḥ sañjñā bhavanti. vṛddhiśabdaścāvartate, nādaicchabdaḥ tasmānna bhavati viparyayaḥ "vṛddhiśabdaḥ" iti. śabdagrahaṇamarthavyavacche- dārtham. asati hi tasmin śabdādarthāvagaterarthasyaiva sañjñātvaṃ vijñāyeta. yadyapi prāgeva sañjñā vihitā, tathāpi śiṣyapraśiṣyaprabandhādyuparamādvidhīyata itivartamāna prayatven nirdeśaḥ. yatra samudāsya kāryamicchati tatra ubhepadagrahaṇaṃ karoti, yathā "ubhe abhyastam" 6.1.5 iti, anvarthāṃ vā mahatīṃ sañjñām, "halo'ntarāḥ saṃyogaḥ"1.1.7 iti. tatra hi mahatī sañjñaivamarthā kriyate, samudāyasyaiṣā sañjñāyathā syāditi. etaccottaratra vyaktīkariṣyāmaḥ. iha tu na kiñcittathāvidhaṃ vacanamasti yataḥ samudāyasyai- ṣā sañjñā syāt. tasmādekaikasyaiṣā sañjñeti manasi kṛtvāha "pratyekakam" iti. nanu cehāpi lāghavārthamekākṣarāyāṃ sañjñāyāṃ kartavyāyāṃ vṛddhiriti mahatyāḥ sañjñāyāḥkaraṇaṃ samudāyasya sañjñā yathā syādityevamartham? naitadasti. maṅgalārthatvā- dasyāḥ sañjñāyāḥ. ata evāsyāḥ prāguccāraṇam. anyathā sañjñāyāḥ sataḥ kāryiṇaḥ kāryeṇa bhavitavyamiti, yathā "adeṅguṇaḥ"1.1.2 ityādau pūrvasañjñīnirdiṣṭa-, tathehāpi nirdiśet. ākārasya guṇāntarayuktayoścaicoḥ pratyāhāre'sanniveśānnāmī varṇā iti kasyacinmandadhiyo bhrāntiḥ syāt, atastannirākaraṇāyāha-"varṇānām" ityādi. pratyāsattestadbhāvitānāmevaiṣāṃ sañjñā syāditi kasyacidviparyayaḥ syāt, atastamapākartumāha-"sāmānyena" iti. vyāptenryāyādityabhiprāyaḥ. sāmānyenetyasyārthaṃ vispaṣṭīkartumāha- "tadbhāvitanām" ityādi. te tadbhāvitāḥ ye vṛddhiśabdenotpāditāḥ, tato'nye'tadbhāvitāḥ. āditi taparakaraṇam-"taparastatkālasya"1.1.69 iti guṇāntarabhinnānāmapi tulyakālānāṃ grahaṇārthaṃ vā syāt, bhinna- kālānāṃ grahaṇanivṛttyarthaṃ vā? tatr pūrvaḥ pakṣastāvannopapadyate; abhedakatvādihodāttādīnāṃ śāstre guṇānāma. kuta etat? "luṅalaṅalṛṅakṣvaḍudāttaḥ"6.4.71 ityudāttagrahaṇāt, anyathā hrudāttaguṇayuktamevāṭamuccārayet. dvitīyo'pi nopapadyate. yadi hrākāraḥ savarṇānāṃ grāhakaḥ syāt, tatastena bhinnakālasyāpyavarṇasya grahaṇe sati tasyāpi sañjñā mā bhūditi bhinnakālānāṃ grahaṇanivṛttyarthaṃ taparakaraṇamupapadyate. na cāsau savarṇānāṃ grāhakaḥ, anaṇtvāt, tasya punarakṣarasamāmnāye'sanniveśāt. tasmādanarthakaṃ taparakaraṇam. tato na kartavyamevetyata āha- "taparakaraṇam" ityādi. ecorarthaḥ prayojanaṃ yasay tat tathoktam. nanu ca jātau padārthe plutasyāpi grahaṇaṃ bhavati, tatrāpyavarṇajāteḥ samavayāt, tatrāsati taparakaraṇe tasyāpi sañjñā syat, tasmāt tannivṛttaya taparakaraṇaṃ bhavadākārārthamapyupapadyata eva, tatkimucyate "ejartham" iti? evaṃ manyate- jātipakṣasamāśrayaṇe'pi hi dīrghoccāraṇasāmathryād()dvimātrā evāvarṇavyaktayaḥ samāśritā iti gamyate, itarathā hi lāghavārtham? "ad()" ityevābhidadhyāt. na ca hyasvanivṛttyarthaṃ dīrghoccāraṇamiti śakyate parikalpayitum, dīrghoccāraṇe'pi hyasva- grahaṇaṃ prāpnotyeva, tatrāpyavarṇajāteḥ sambhavāditi. na cāsandehārtham "āt" ityuktam, varṇāntarāsādhāraṇatvāt, asaṃhitayā vā sandehābhāvāditi. nanu ca "taparastatkāla- sya" 1.1.69ityatra taḥ paro yasmāditi bahuvrīhirāśritaḥ, na cātraic taparaḥ, tatkathaṃ taparakaraṇamaijarthaṃ bhavatītyata āha- "tāvapi parastaparaḥ" iti. na kevalaṃ taḥ paro yasmāt sa tapara iti, api tu tādapi yaḥ paraḥ so'pi tapara iti apiśabdena darśayati. etaduktaṃ bhavati, na kevalaṃ bahuvrīhireva tatrāśrīyate, kiṃ tarhi? pañcamītatpuruṣo'pi. yatā caitadubhayamā- śrīyate tathā tatraivopapādayiṣyāmaḥ. iti karaṇo hetau yata evaṃ tādapi parastaparaḥ, tena taparakaraṇamaijarthamityarthaḥ."khaṭvaiḍakādiṣu" ityādinā tadevaijarthatvaṃ taparakaraṇasya spaṣṭīkaroti. vṛkṣa elakā "vṛkṣailakā". akriyamāṇe hratra taparakaraṇe trimātrikasyākāraikārasamudāya syasthāne vṛddhireci"6.1.85 iti vṛddhirāntaratamyāt trimātrika evaikāraḥ syātyadi tasyāpi vṛddhisañjñā syāt. khaṭvā odanaṃ khaṭvaudanam, khaṭvā elakā khaṭvailakā ityatrāpi pūrvottarasamudāyayoścaturmātrāyoścaturmātrāvakāraikārau syātām,tanmā bhūdeṣa doṣa iti trimātracaturmātrāṇāmaicāṃ vṛddhisañjñānivṛttaye taparakaraṇaṃ kriyate. ā()ālāyanaḥ, aitikāyanaḥ" iti. a()āletikaśabdābhyāṃ "naḍādibhyaḥ phak()" 4.1.99, "yasyeti ca" 6.4.148 iti lopaḥ, "kiti ca"7.2.118 ityādivṛddhiḥ. "aupagavaḥ" iti. upaguśabdāt "prāgdīvyato'ṇ"4.1.83. "aupamanyavaḥ" iti. upamanyuśabdāta "anṛṣyānantarye bidādibhyo'ñ" 4.1.104ityañ, ubhayatrāpi "orguṇaḥ"6.4.146, avādeśaḥ 6.1.75, " taddhiteṣvacāmādeḥ" 7.2.117 iti vṛddhiḥ. etāni catvāryapi tadbhāvito- dāharaṇāni. nanu ye'tra trayaḥ sañjñinasteṣāmādyaistribhirviṣayo darśitaḥ, kimartha- ścaturthopanyāsaḥ? kecidāhuḥ- vaddhinimittabhedāt, ādyayorudāharaṇayoḥ kittaddhito vṛddhernimattam, tṛtīye'pi ṇit, tacurthe'pi ñit iti. etaccāyuktam. tathā hi "iko guṇavṛddhī" 1.1.3 ityatra"akārṣīt" ityudāhmatya "ahārṣīn" ityudāhmatam", na ca tatra vṛddhinimittabhedo'sti. tathā "na dhātulopa ārdhadhātuke" 1.1.4 ityatra loluvaḥ ityudāhmatya "popuvaḥ, marīmṛjaḥ" ityadhikodāharaṇopanyāsaḥ kṛtaḥ. na ca tatra lopanimittabhedaḥ; pratiṣedhanimittabhedo vā adhikodāharaṇopanyāsasya heturvidyate. prāyeṇā- nyaṣvepi ca sāmānyalakṣaṇeṣu vināpi nimittabhedānādhikodāharaṇopanyāsa upalabhyate. yo'pyāha "opagava ityanenaica aukārasya viṣaye darśite'pi svarabhedādaupamanyava ityetadadhikamudāharaṇamupanyastam" iti, tasyāpi tadayuktam, ata evānantaroktāddhetorveditavyam.. yadi nimittabhedaḥ, svarabhedo vā sarvatrādhikodāharaṇopanyāso veditavyaḥ. "śālīyaḥ, mālīyaḥ" iti. atadbhāvitasyodāharaṇe. atra hi vṛddhisañjñāyāṃ vṛddhiryasyā cāmādistadvṛddham" 1.1.72 iti vṛddhasañjñāphaṃ chapratyayopanyāsastasyā eva phalabhūtāyā abhivyaktyarthaḥ. vṛddhasañjñāyāṃ hi satyāṃ " vṛddhācchaḥ" 4.2.113 iti jātādāvarthe cho vidhīyate. aikāraukārayostvatadbhāvitayorudāharaṇaṃ nātra darśitam, etadanusarasāra- ṇaiva gamyamānatvāt. ākārasyātadbhāvitasya vṛddhisañjñāyāḥ kārye darśite, tayorapi tadeva kāryamiti tanmukhenaiva gamyata eva. ke punasatyorudāharaṇe? "raimayam, naumayam" iti. ātraikāraukārayorvṛddhisañjñāyāṃ satyāṃ pūrvavad()vṛddhasañjñā. tasyāṃ ca satyāṃ rāyo vikāraḥ, nāvo vikāra iti "nityaṃ vṛddhaśarādibhyaḥ" 4.3.142 iti mayaḍ()bhavati.

idānīṃ saṃjñāntarāṇi vidhāsyan vṛddhisaṃjñāṃ tāvadāha–vṛddhirādaic. yadyapi pāṇinīyāṣṭādhyāyyāmidamādimaṃ sūtraṃ, tathāpi nedamādāvupanyastam, asya sūtrasya taparakaraṇena pratyāhāragarbhitatvena grahaṇakaśāstraniyamārthataparasūtrapratyāhārasūtrapravṛttyuttarapravṛttikatayā pratyāharaśāstraprapañcanirūpaṇātprāgupanyāsanarhatvāt. na ca sūtrakṛtā ayameva pāṭhakamaḥ kuto nādriyata iti vācyam. svatantrecchasya maharṣerniyantumaśakyatvāt. ācca aicceti samāhāradvandvaḥ. `dvandvāccudaṣahāntāt' iti samāsāntastu na, ata eva nirdeśena samāsāntavidheranityatvāt. `coḥ kuḥ' iti padānte vihitaṃ kutvamapi na. `ayasmayādīni chandasi' iti bhatvāt. `vṛddhirādaijadeṅa' iti saṃhitāpāṭhapakṣe cakārasya `jhalāṃ jaśo'nte' iti padānte vihitajaśtvaṃ tu bhavatyeva, `ubhayasaṃjñānyapi chandasi dṛśyante' iti vacanāt , `chandovatsūtrāṇi bhavanti' iti chāndasavidhīnāṃ sūtreṣvapi pravṛtteḥ. nacaivamapi padatvātkutvaṃ bhatvājjaśtvā'bhāvaśca kuto na syāditi vācyam, `chandasi dṛṣṭānuvidhiḥ' iti vacanādityalam.ācca aiccetītaretarayogadvandvo vā. tathā sati sautramekavacanam. ācāryapāraṃparyopadeśasiddhasaṃjñādhikārāt saṃjñeti labhyate. tadetadāha–ādaiccetyādinā.

vṛddhirādaic 18, 1.1.1 idānīṃ saṃjñāntarāṇi vidhāsyan vṛddhisaṃjñāṃ tāvadāha--vṛddhirādaic. yadyapi pāṇinīyāṣṭādhyāyyāmidamādimaṃ sūtraṃ, tathāpi nedamādāvupanyastam, asya sūtrasya taparakaraṇena pratyāhāragarbhitatvena grahaṇakaśāstraniyamārthataparasūtrapratyāhārasūtrapravṛttyuttarapravṛttikatayā pratyāharaśāstraprapañcanirūpaṇātprāgupanyāsanarhatvāt. na ca sūtrakṛtā ayameva pāṭhakamaḥ kuto nādriyata iti vācyam. svatantrecchasya maharṣerniyantumaśakyatvāt. ācca aicceti samāhāradvandvaḥ. "dvandvāccudaṣahāntāt" iti samāsāntastu na, ata eva nirdeśena samāsāntavidheranityatvāt. "coḥ kuḥ" iti padānte vihitaṃ kutvamapi na. "ayasmayādīni chandasi" iti bhatvāt. "vṛddhirādaijadeṅa" iti saṃhitāpāṭhapakṣe cakārasya "jhalāṃ jaśo'nte" iti padānte vihitajaśtvaṃ tu bhavatyeva, "ubhayasaṃjñānyapi chandasi dṛśyante" iti vacanāt , "chandovatsūtrāṇi bhavanti" iti chāndasavidhīnāṃ sūtreṣvapi pravṛtteḥ. nacaivamapi padatvātkutvaṃ bhatvājjaśtvā'bhāvaśca kuto na syāditi vācyam, "chandasi dṛṣṭānuvidhiḥ" iti vacanādityalam.ācca aiccetītaretarayogadvandvo vā. tathā sati sautramekavacanam. ācāryapāraṃparyopadeśasiddhasaṃjñādhikārāt saṃjñeti labhyate. tadetadāha--ādaiccetyādinā.

vṛddhirādaic. ācca aicceti itaretarayogadvandvaḥ, `supāṃ sulu' giti auṅaḥ surlugvā. yadvā samāhāradvandvaḥ. nacaivaṃ `dvandvāccudaṣahāntātsamāhāre' iti ṭacsyāditi vācyam, samāsāntavidheranityatvāt. tatra ca pramāṇaṃ samāseṣu vakṣyāmaḥ. athavā `ā'dityasamastamevāstu, vṛddhiśabdastantreṇāvṛttyāṃ vā yojanīyaḥ. ?yasmayāditvena bhatvāccoḥ kurna. `ai'jiha dvimātra eva, tātparatvāt, tena `kṛṣṇaikatva'mityatra trimātro na. vṛddhipradeśāḥ-`vṛddhireci'tyādayaḥ.

vṛddhirādaic 17, 1.1.1 vṛddhirādaic. ācca aicceti itaretarayogadvandvaḥ, "supāṃ sulu" giti auṅaḥ surlugvā. yadvā samāhāradvandvaḥ. nacaivaṃ "dvandvāccudaṣahāntātsamāhāre" iti ṭacsyāditi vācyam, samāsāntavidheranityatvāt. tatra ca pramāṇaṃ samāseṣu vakṣyāmaḥ. athavā "ā"dityasamastamevāstu, vṛddhiśabdastantreṇāvṛttyāṃ vā yojanīyaḥ.?yasmayāditvena bhatvāccoḥ kurna. "ai"jiha dvimātra eva, tātparatvāt, tena "kṛṣṇaikatva"mityatra trimātro na. vṛddhipradeśāḥ-"vṛddhireci"tyādayaḥ.